News Of Myanmar

နေရောင်ခြည်စွမ်းအင်အသုံးပြု၍ လျှပ်စစ်ဓာတ်အားထုတ်ယူအသုံးပြုခြင်းနှင့် စပ်လျဉ်းသည့် အလုပ်ရုံဆွေးနွေးပွဲသို့ တက်ရောက်ဆွေးနွေးနိုင်ကြပါရန် ဖိတ်ခေါ်ခြင်း

အရှေ့အလယ်ပိုင်းပဋိပက္ခကြောင့် ဂျက်လေယာဉ်ဆီစျေးနှုန်းများ မြင့်တက်လာခြင်းသည် လေကြောင်းလိုင်းများကို ဒေဝါလီခံရမည့်အခြေအနေသို့ တွန်းပို့နိုင်ကြောင်း အပြည်ပြည်ဆိုင်ရာ လေကြောင်းသယ်ယူပို့ဆောင်ရေးအဖွဲ့ (IATA) ၏ အကြီးအကဲဖြစ်သူ ဝီလီဝေါ့ရှ် (Willie Walsh) က သတိပေးလိုက်သည်။ အသေးစားနှင့် ဘဏ္ဍာရေးအခြေအနေအားနည်းသော လေကြောင်းလိုင်းများသည် အကြီးမားဆုံးသော စိန်ခေါ်မှုနှင့် ရင်ဆိုင်နေရပြီး အချို့မှာ စျေးကွက်အတွင်းမှ ထွက်ခွာသွားရနိုင်ကာ ၎င်းတို့၏ ပိုင်ဆိုင်မှုများကို ပိုမိုကြီးမားသော ပြိုင်ဘက်လေကြောင်းလိုင်းများက ဝါးမြိုသွားနိုင်ကြောင်း ၎င်းက ပြောကြားခဲ့သည်။ ထို့အပြင် မြင့်တက်လာသော စက်သုံးဆီကုန်ကျစရိတ်များကို ကာမိစေရန်အတွက် လေကြောင်းလိုင်းများသည် အမြတ်မကျန်သော ခရီးစဉ်လမ်းကြောင်းများကို ဖြတ်တောက်ရန်နှင့် လေယာဉ်လက်မှတ်စျေးနှုန်းများကို မြင့်မားစွာ ဆက်လက်ထိန်းသိမ်းထားရန် ဖိအားပေးခံရလိမ့်မည်ဖြစ်ကြောင်း ဝေါ့ရှ်က ထောက်ပြခဲ့သည်ဟု ရိုက်တာ သတင်းဌာနက ဖော်ပြထားသည်။ NOM

အီရန်နိုင်ငံ၏ ဟော်မုဇ်ရေလက်ကြား အသုံးပြုခ ဝန်ဆောင်မှုကြေးများကို ယခုအခါ စတင်ကောက်ခံနေပြီဖြစ်သည်။ ရေယာဉ်တစ်စီးလျှင် ဖြတ်သန်းခ အမေရိကန်ဒေါ်လာ ၁.၅ သန်းမှ ၂ သန်းအထိ ပျမ်းမျှကျသင့်မည်ဖြစ်သည်။ ပေးချေမှုပုံစံများတွင် ငွေသား၊ USDT (Tether)၊ ကုန်စည် သို့မဟုတ် အလဲအလှ်စနစ် (Barter) (သင်္ဘောများမှ ငွေအစား ကုန်စည် သို့မဟုတ် ဝန်ဆောင်မှုများဖြင့် ပေးချေခြင်းကို ကျသင့်ငွေထဲမှ ပြန်နုတ်ခြင်း) တို့ ပါဝင်ကြောင်း Fars သတင်းဌာနက ဖော်ပြသည်။ NOM

ဂျပန်နိုင်ငံ၏ လှုပ်ရှားမှုအအရှိဆုံး ဆာကူရာဂျီးမား (Sakurajima) မီးတောင် ကြီးမားစွာ ပေါက်ကွဲမှုကြောင့် ကာဂိုရှီးမား (Kagoshima) မြို့တစ်ခွင်တွင် မီးတောင်ပြာများ ဖုံးလွှမ်းသွားခဲ့ပြီး မြို့တွင်း မြင်ကွင်း ကြည့်ရှုနိုင်စွမ်းကို လျော့ကျသွားစေခဲ့သည်။ NOM

ဂန့်ဂေါခရိုင်၊ ကျောမြို့ရှိအထက (ကျော) ကျောင်းဝန်းအတွင် ၍ ကျောင်းအကျိုးပြုဆောင်ရွက်နေသူများကို အကြမ်းဖက်သမားများက ပစ်ခတ်ခဲ့သဖြင့် ကျောင်းသားတစ်ဦးပြင်းထန်ရရှိ NOM ဇွန် ၇၊ ၂၀၂၆ မကွေးတိုင်းဒေသကြီး၊ ဂန့်ဂေါခရိုင်၊ ကျောမြို့ရှိအထက (ကျော) ကျောင်းဝန်းအတွင် ယမန်နေ့(ဇွန် ၆ ရက်) နံနက် ၉ နာရီ ၂၆ မိနစ်ခန့်ကကျောင်းသားများစုပေါင်း၍ ကျောင်းအကျိုးပြုဆောင်ရွက်နေစဉ် အကြမ်းဖက်သမားများက ပစ်ခတ်မှုကြောင့် ကျောင်းသားတစ်ဦးပြင်းထန်စွာဒဏ်ရာရခဲ့ကြောင်းသိရသည်။ ဖြစ်စဉ်မှာ ဂန့်ဂေါခရိုင် ကျောမြို့ရှိ အခြေခံပညာအထက်တန်းကျောင်း (ကျော)၌ ကျောင်းပတ်ဝန်းကျင်သန့်ရှင်းသာယာလှပရေးအတွက် လူမှုဝန်ထမ်းပြုလုပ်နေသည့် ဆရာ၊ ဆရာမများ၊ ကျောင်းသား၊ ကျောင်းသူများနှင့် ဒေသခံပြည်သူများအား အဆိုပါကျောင်း၏ အရှေ့တောင်ဘက် မီတာ ၂၂၀ ခန့်အကွာရှိ ရထားသံလမ်းလမ်းဆုံမှ အကြမ်းဖက်သမားများကလက်နက်ငယ်များဖြင့် အကြောင်းမဲ့လာရောက်ပစ်ခတ်တိုက်ခိုက်ခဲ့ကြောင်းသိရသည်။ ပစ်ခက်မှုများကြောင့်အထက(ကျော)မှမောင်ဝေယံဖြိုး (၁၈)နှစ်၊ (G-11) (ဘ)ဦးထွန်းထွန်းလင်းတွင် ဝဲဘက်နောက်ကျောမှ ယာရင်ဘက်သို့ ကျည်ဖောက်ထွက်ဒဏ်ရာတစ်ချက်၊ သွေးထွက်လွန် (စိုးရိမ်ရ) ဒဏ်ရာရရှိခဲ့သဖြင့် ကျောမြို့ဆေးခန်းတွင် ဆေးကုသမှုခံယူလျက်ရှိ ကြောင်းသိရသည်။ NOM

မောရဝတီရေတပ်စခန်းဌာနချုပ်မှ လက်နက်ကြီးများလေ့ကျင့် ပစ်ခတ်ရန် စီစဉ်ထားသဖြင့်နှင့်ငါးဖမ်းရေယာဉ်များ၊ လှေ၊သဗ္ဗာန်များသက်မှတ်ဧရိယာအတွင်းဝင်ရောက်မှုမရှိစေရေး သက်ဆိုင်ဖွဲ့များထံသို့စာများပေး NOM၊ဇွန်၇၊၂၀၂၆ ကရင်ပြည်နယ်၊ ဘားအံမြို့နယ်သံလွင်မြစ်ကြောင်းအတွင်း၊ ကော့လိုက် ကျွန်းအနီး မောရဝတီရေတပ်စခန်းဌာနချုပ်မှလက်နက် ကြီးများလေ့ကျင့်ပစ်ခတ်ရန် စီစဉ်ထားသဖြင့် ဇွန်၁၀ရက်နေ့တွင်လူနှင့်ငါးဖမ်းရေယာဉ်များ၊ လှေ/သဗ္ဗာန်များသက်မှတ်ဧရိယာအတွင်းဝင်ရောက်မှုမရှိစေရေး သက်ဆိုင်အဖွဲ့များထံသို့စာများပေးပို့ထားသည့်ဟု စစ်ရေယာဉ်မှူး မြစ်တွင်းတိုက်ရေယာဉ်(၃၀၃) မှသတင်းထုတ်ပြန်ထားကြောင်းသိရသည်။ မောရဝတီရေတပ်စခန်းဌာနချုပ်၊ အမှတ်(၄၆) စစ်ရေယာဉ်စု၊ ကွပ်ကဲမှုအောက် သံလွင်မြစ်ကြောင်းအတွင်း စစ်ဆင်ရေး၊ လုံခြုံရေးနှင့် မြစ်ကြောင်း ပိတ်ဆို့ရေးတာဝန်များ ထမ်းဆောင်လျက်ရှိသော မြစ်တွင်းတိုက်ရေယာဉ်(၃၀၃) သည် ဇွန်လ ၁ဝ ရက်နေ့တွင် ကရင်ပြည်နယ်၊ ဘားအံမြို့နယ်၊သံလွင်မြစ်ကြောင်းအတွင်း၊ ကော့လိုက် ကျွန်းအနီး မြောက်လက်တီတွဒ် ၁၆ ဒီဂရီ ၄၇ ဒသမ ၉ မိနစ်(မြောက်)၊ အရှေ့လောင်ဂျီတွဒ် ၉၇ ဒီဂရီ ၃၅ ဒသမ ၉ မိနစ်တွင် ရေပြင်ပစ်မှတ်ပြုလုပ်၍ လက်နက်ကြီးများ လေ့ကျင့်ပစ်ခတ်ရန် စီစဉ်ထားကြောင်းသိရသည်။ လက်နက်ကြီးများလေ့ကျင့်ပစ်ခတ် နေစဉ်အတွင်းဧရိယာနှင့် ၃ မိုင် ပတ်လည်အတွင်း လူနှင့်ငါးဖမ်းရေယာဉ်များ၊ လှေ၊ သဗ္ဗာန်များဝင်ရောက်မှုမရှိစေရေး၊ ဘေးအန္တရာယ် ကင်းရှင်းစေရေးနှင့် မလိုလားအပ်သည့်ဖြစ်စဉ်များ မဖြစ်ပေါ်စေရေးတို့အတွက် လိုအပ်သည်များ ကြိုတင်စီစဉ်ထားနိုင်ရေး သက်ဆိုင်ရာ ရပ်ကွက်၊ကျေးရွာအုပ်ချုပ်ရေးမှူးများသို့ အကြောင်းကြားစာများ ပေးပို့ထားကြောင်းသိရသည်။ မောရဝတီရေတပ်စခန်းဌာနချုပ်မှလက်နက် ကြီးများလေ့ကျင့်ပစ်ခတ်စဥ်အတွင်း လူနှင့်ငါးဖမ်းရေယာဉ်များ၊ လှေ၊ သဗ္ဗာန်များဝင်ရောက်မှုမရှိစေရေး၊ ဘေးအန္တရာယ် ကင်းရှင်းစေရေးအတွက်ဘားအံမြို့နယ်အတွင်းရှိ ထုံးအိုင်ကျေးရွာရှိစခန်းမှူး၊ နယ်မြေရဲစခန်း၊ ကော့ဂွန်းကျေးရွာ အုပ်ချုပ်ရေးမှူး၊ အုပ်ချုပ်ရေးမှူး၊ ကော့လှိုက်ကျွန်းကျေးရွာအုပ်ချုပ်ရေးမှူးတို့အားစာများပေးပို့ထားကြောင်းသိရသည်။

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် နှင့် ဇနီး ဒေါ်ကြူကြူလှ တောင်ငူမြိုရှိ ပြည်သူ့ဆေးရုံနှင့် တပ်မတော်ဆေးရုံတို၌ တက်ရောက်ဆေးကုသမှု ခံယူလျက်ရှိသူများအား သွားရောက်ကြည့်ရှုအားပေး။ ဇွန် ၆၊ ၂၀၂၆။

CNN သတင်းဌာန ရဲ့ ဖော်ပြချက်အရ ကျူးဘားအစိုးရဟာ သာမန်အရပ်သားပြည်သူတွေကို လက်နက်တွေ စတင်တပ်ဆင်ပေးနေပြီး၊ အမေရိကန်ရဲ့ စစ်ရေးအရ ကျူးကျော်ဝင်ရောက်လာနိုင်ခြေအတွက် ပြင်ဆင်ထားကြဖို့ တရားဝင် တောင်းဆိုလိုက်ပါတယ်။ NOM

သူ့ရဲ့ "အထက်တန်းလွှာဆန်ပြီး နယ်ချဲ့ဝါဒီဆန်တဲ့" အမြင်တွေကြောင့် ချာချီရဲ့ ပုံတူကို ငွေစက္ကူတွေပေါ်ကနေ ဗဟိုဘဏ် (Bank of England) ဖယ်ရှား — တယ်လီဂရပ်ဖ် သတင်းဌာန The Telegraph ဗဟိုဘဏ်ရဲ့ လေ့လာမှုတစ်ခုအရ ချာချီ (Churchill)၊ ကျူရင် (Turing) နဲ့ အော်စတင် (Austen) တို့ဟာ "သဘောထားကွဲလွဲမှု ဖြစ်စေပြီး" ယူကေ (UK) ရဲ့ မတူကွဲပြားမှုကို ထင်ဟပ်ခြင်း မရှိကြောင်း တွေ့ရှိရသည်။ ငွေစက္ကူပေါ်ရှိ ၎င်းတို့၏ ပုံတူများနေရာတွင် သဘာဝအလှအပ သရုပ်ဖော်ပုံများဖြင့် အစားထိုးရန် အကြံပြုထားသည်။ NOM

ပြည်သူ့စစ်မှုထမ်းသင်တန်း အမှတ်စဉ် (၂၄) သို့ တက်ရောက်သင်ကြားလျက်ရှိသည့် နိုင်ငံ့သားကောင်းများအား သွားရောက်တွေ့ဆုံ   ဇွန် ၇၊ ၂၀၂၆   ဧရာဝတီတိုင်းဒေသကြီး ပုသိမ်မြို့ရှိ နယ်မြေခံသင်တန်းကျောင်း၌ ဖွင့်လှစ်သင်ကြားလျက်ရှိသော ပြည်သူ့စစ်မှုထမ်းသင်တန်း အမှတ်စဉ် (၂၄) သို့ တက်ရောက်လျက်ရှိသည့် နိုင်ငံ့သားကောင်း ပြည်သူ့စစ်မှုထမ်း သင်တန်းသားများအား ယမန်နေ့မွန်းလွဲပိုင်းတွင် အနောက်တောင်တိုင်းစစ်ဌာနချုပ် တိုင်းမှူး ဗိုလ်မှူးချုပ် အောင်ကျော်ခိုင်နှင့် တာဝန်ရှိသူများက သွားရောက်တွေ့ဆုံအားပေးသည်။   ဦးစွာ တိုင်းမှူးနှင့် တာဝန်ရှိသူများက သင်တန်းသားများ၏ စားရိပ်သာ၊ အိပ်ဆောင်များ၊ သန့်စင်ခန်းများ၊ စာကြည့်တိုက်နှင့် ဆံသဆိုင်များအား ကြည့်ရှုစစ်ဆေး၍ တာဝန်ရှိသူများ၏ တင်ပြချက်များအပေါ် လိုအပ်သည်များ ပေါင်းစပ်ညှိနှိုင်းဆောင်ရွက်ပေးသည်။   ထို့နောက် တိုင်းမှူးနှင့် တာဝန်ရှိသူများက သင်တန်းသားများနှင့်အတူ နေ့လယ်စာအတူတကွ သုံးဆောင်ပြီး သင်တန်းသားများအား ရင်းရင်းနှီးနှီး နှုတ်ဆက်အားပေးစကားပြောကြားခဲ့ကြောင်းသိရသည်။

သာစည်မြို့နယ်နှင့် တောင်ကြီးမြို့တို့၌ ငွေကျပ်သိန်း ၁၄၀၀ တန်ဖိုးနှင့် တာချီလိတ်မြို့နယ်၌ ငွေကျပ်သိန်း ၆၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ   ဇွန် ၆၊ ၂၀၂၆   သာစည်မြို့နယ်နှင့် တောင်ကြီးမြို့တို့တွင် ငွေကျပ်သိန်း ၁၄၀၀ တန်ဖိုးနှင့် တာချီလိတ်မြို့နယ်တွင် ငွေကျပ်သိန်း ၆၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။   ဖြစ်စဉ်မှာ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇွန် ၄ ရက် ည ၉ နာရီခွဲ တွင် သာစည်မြို့နယ် ကျွဲတပ်ဆုံကျေးရွာအနီး၌ တောင်ကြီးမှ ရန်ကုန်သို့ မောင်းနှင်လာသည့် ခရီးသည်တင် မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် လိုက်ပါလာသော ခရီးသည် မြောက်ဥက္ကလာပ မြို့နယ် (ဌ) ရပ်ကွက်နေ သက်ကို ဝင်း (၃၆) နှစ်ထံမှ စိတ်ကြွရူးသွပ်ဆေးပြား ၉၀၀၀၀ (တစ်ပြား လျှင်ငွေကျပ် ၁၅၀၀ နှုန်းဖြင့် ၎င်းဒေသတန်ဖိုးငွေကျပ် သိန်း ၁၃၅၀)၊ မြန်မာငွေကျပ် ၃၀၀၀၀ တို့ကို ဖမ်းဆီးရမိပြီး ကွင်းဆက်ဖော်ထုတ်ချက်အရ ဇွန် ၅ ရက် နံနက် ၄ နာရီတွင် စိတ်ကြွရူးသွပ်ဆေးပြားများ ပို့ဆောင်ခိုင်းသူ တောင်ကြီးမြို့ ဘုရားဖြူရပ်ကွက် နယ်မြေ (၇)နေ စိုင်းညွန့် (ခ) မင်းညွန့် (၃၁) နှစ်၏ နေအိမ်အား ဝင်ရောက်ရှာဖွေရာ ၎င်းနှင့်အတူ တောင်ကြီးမြို့ ရေအေးကွင်းရပ်ကွက်နယ်မြေ (၁၅)နေ အောင်ကိုကို (ခ) သားငယ် (၄၁)နှစ်တို့ကို စိတ်ကြွရူးသွပ်ဆေးပြား ၁၀၀၀၀ (တစ်ပြားလျှင်ငွေကျပ် ၅၀၀ နှုန်းဖြင့် ၎င်းဒေသတန်ဖိုး ငွေကျပ်သိန်း ၅၀) နှင့်အတူ ဖမ်းဆီးရမိသဖြင့် သက်ကိုဝင်း၊ စိုင်းညွန့် (ခ) မင်းညွန့်နှင့် အောင်ကိုကို (ခ) သားငယ်တို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားသည်။   အလားတူဇွန် ၅ ရက် မွန်းလွဲ ၁ နာရီခွဲတွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ တာချီလိတ်မြို့နယ် မိုင်းကိုးကျေးရွာအုပ်စု ပါဘီး (၃) ကျေးရွာအနီးတွင် ကျိုင်းတုံမြို့နယ် ကတ်ထိုက်ကျေးရွာနေ လော်ပီး (၃၃) နှစ် မောင်းနှင်လာသော WAVE I 110 အမျိုးအစား ဆိုင်ကယ်အား စစ်ဆေးရှာဖွေရာ စိတ်ကြွရူးသွပ်ဆေးပြား ၁၀၀၀၀ (တစ်ပြားလျှင် ငွေကျပ် ၆၀၀ နှုန်းဖြင့် ၎င်းဒေသ တန်ဖိုးငွေကျပ် သိန်း ၆၀) အား ဖမ်းဆီးရမိသဖြင့် လော်ပီးအား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားရှိကြောင်းသိရသည်။

အစ္စရေးနိုင်ငံကို ကာကွယ်စောင့်ရှောက်ဖို့ စေလွှတ်ထားတဲ့ အမေရိကန်စစ်သားတွေရဲ့ ဖုန်းတွေကို အစ္စရေးထောက်လှမ်းရေးအဖွဲ့ (Mossad) က ကြားဖြတ်နားထောင်တာနဲ့ လျှို့ဝှက်စောင့်ကြည့်တာတွေ ပြုလုပ်ခဲ့ကြောင်း New York Times သတင်းစာအရ သိရသည်။ NOM

ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးခင်ဇော် ကချင်ပြည်နယ် ရွေးကောက်ပွဲကော်မရှင်အဖွဲ့ခွဲ ဝန်ထမ်းများနှင့်တွေ့ဆုံ   ဇွန် ၆၊ ၂၀၂၆   ပြည်ထောင်စုရွေးကောက်ပွဲကော်မရှင်အဖွဲ့ဝင် (ကချင်ပြည်နယ်တာဝန်ခံ) ဦးခင်ဇော်သည် ယနေ့နံနက်ပိုင်းတွင် မြစ်ကြီးနားမြို့ ဧရာဝတီ ဧည့်ရိပ်သာအစည်းအဝေးခန်းမ၌ ပြည်နယ်၊ ခရိုင်နှင့် မြို့နယ် ရွေးကောက်ပွဲကော်မရှင်အဖွဲ့ခွဲ အရာထမ်း၊ အမှုထမ်းများနှင့် တွေ့ဆုံသည်။   တွေ့ဆုံစဉ် ပြည်ထောင်စုရွေးကောက်ပွဲကော်မရှင် အဖွဲ့ဝင်က ဝန်ထမ်းများအနေဖြင့် မဲစာရင်းများ ပြည်စုံမှန်ကန်စေရေးအတွက် သက်ဆိုင်ရာဌာနဆိုင်ရာများနှင့် ပူးပေါင်း၍ လစဉ် စိစစ်ဆောင်ရွက်သွားရန်၊ မြန်မာအီလက်ထရောနစ် မဲပေးစက်များသည် ကြီးကြပ်ကန့်သတ်ပစ္စည်းများ ဖြစ်သောကြောင့် ထိခိုက်ပျက်စီးမှုမရှိစေရေး အထူးအလေးထားထိန်းသိမ်းကြရန်လိုအပ်ကြောင်း ဆွေးနွေးပြောကြားသည်။   ထို့နောက် တက်ရောက်လာသူများက မဲစာရင်းများ ပြည်စုံမှန်ကန်စေရေး၊ မဲပေးစက်များ စနစ်တကျ ထိန်းသိမ်းသွားမည့် လုပ်ငန်းအစီအမံများကို ဝိုင်းဝန်း အကြံပြုဆွေးနွေးတင်ပြကြရာ ပြည်နယ်တာဝန်ခံက လိုအပ်သည်များကို ဖြည့်စွက်ဆွေးနွေး ဖြည့်ဆည်းဆောင်ရွက်ပေးခဲ့ကြောင်းသိရသည်။

အီရန်နိုင်ငံရဲ့ ဆိုင်းငံ့ (သိမ်းဆည်း) ခြင်းခံထားရတဲ့ ရန်ပုံငွေတွေကို အီရန်ထံ ပြန်လည်လွှဲပြောင်းပေးမယ့်အစား အီရန်စစ်ပွဲအတွင်း စီးပွားရေးအရ ထိခိုက်ပျက်စီးမှုတွေ ကြုံတွေ့ခဲ့ရတဲ့ ပင်လယ်ကွေ့ အာရပ်နိုင်ငံတွေကို အကူအညီပေးဖို့အတွက် အဆိုပါ အီရန်ပိုင်ငွေကြေးတွေကို အသုံးပြုသွားမယ့် စီမံကိန်းမူကြမ်းတစ်ခုကို အမေရိကန် ဘဏ္ဍာရေးဝန်ကြီး စကော့တ် ဘဲဆင့်တ် (Scott Bessent) က ရေးဆွဲနေကြောင်း CBS နှင့် NYP (New York Post) သတင်းဌာနများအရသိရသည်။ NOM

အမြန်လမ်းတွင် အဝေးပြေးခရီးသည်တင်ကားများမှစ၍ ကား ခြောက်စီး ဆင့်တိုက်ကိုးဦး ဒဏ်ရာရ NOM၊ဇွန်၇၊၂၀၂၆ ရန်ကုန်-မန္တလေးအမြန်လမ်းမကြီးပေါ်၌ ဇွန် ၆ ရက် ည ၉ နာရီခွဲခန့်က အဝေးပြေးခရီးသည်တင်ကားများမှစ၍ ကား ခြောက် စီးဆင့် တိုက်မှုဖြစ်ပွားခဲ့ကြောင်း သိရသည်။ ဖြစ်စဉ်မှာအမြန်လမ်းမကြီးအတိုင်းမောင်းနှင်လာသည့် "ကောင်းမြတ်မန်း" အဝေးပြေးခရီးသည်တင်ကားသည် မိုင်တိုင်အမှတ် ၂၂၁/၇ အရောက် အရှိမထိန်းနိုင်ဘဲ Guard Rail တန်းအားဝင်တိုက်မိပြီးနောက် အမြန်လမ်းမကြီးပေါ်တွင် ကန့်လန့်ဖြတ်ရပ်တန့်သွားခဲ့ကြောင်း သိရသည်။ ဖြစ်စဥ်ကြောင့် အမြန်ယာဉ်ကြောတွင် ရပ်တန့်ထားသော Toyota Alphart ကား၊ အနှေးယာဉ်ကြောတွင် ရပ်တန့်ထားသော Toyota Harrier ကားနှင့် Isuzu ကားအား လားရာတူနောက်မှမောင်းနှင်လာသော "သိန်းသန်းကုဋေ"အဝေးပြေးခရီးသည်တင်ကားနှင့် "ဇေယျာမြိုင်ကြီး"အဝေးပြေးခရီးသည်တင်ကားတို့က ထပ်ဆင့်ထပ်မံတိုက်မိခဲ့ကြသည်။ ဖြစ်စဥ်ကြောင့် "ဇေယျာမြိုင်ကြီး" အဝေးပြေးခရီးသည်တင်ကားနှင့် "သိန်းသန်းကုဋေ" အဝေးပြေးခရီးသည်တင်ကားတို့ပေါ်မှ လိုက်ပါလာသူ ကိုးဦးတွင် ထိခိုက်ဒဏ်ရာများ (မစိုးရိမ်ရ) ရရှိခဲ့သဖြင့် နေပြည်တော်ကုတင် (၁၀၀၀) ဆေးရုံသို့ ပို့ဆောင်ပေးခဲ့ကြကြောင်း သိရသည်။

ရေတိုက်စား၍ပျက်စီးခဲ့သည့်တင်းချောင်းတံတား ချဥ်း ကပ်လမ်း ပြန်လည်ပြင်ဆင်ပြီး၍ကားလေးများဖြက်သန်ခွင့်ပြု NOM၊ဇွန်၆၊၂၀၂၆ ရေတိုက်စား၍ပျက်စီးခဲ့သည့် ဧရာဝတီတိုင်းရှိ ဂျက်ကာ-စိန်တောင် မော်တင်လမ်း၏ တင်းချောင်းတံတား ချဥ်းကပ်လမ်းအား ယနေ့ဇွန်၆ရက်နေ့တွင်ပြန်လည်ပြင်ဆင် ပြီး၍ကားလေးများကိုဖြတ်သန်းခွင့်ပြုထားသည့်ဟု ဧရာဝတီ တိုင်းအစီုးရအဖွဲ့မှသတင်းထုတ်ပြန်ထားကြောင်းသိရသည်။ ဧရာဝတီတိုင်းဒေသကြီး၊ ဂျက်ကာ- စိန်တောင် မော်တင်လမ်းမိုင် ၅၆/၀-၁ ကြားရှိ တံတားအမှတ် (၁/၅၇)အရှည်(၁၀၀)ပေရှိ တင်းချောင်းတံတားမှာဇွန်၅ရက်နံနက်၆နာရီခန့်တွင် မိုးသည်းထန်စွာရွာသွန်းမှုကြောင့် ပုသိမ်ဘက်ခြမ်း ချဉ်းကပ်လမ်းရေတိုက်စားကာပျက်စီးမှုများဖြစ်ပေါ်ခဲ့ကြောင်း သိရသည်။ "ဒေသခံတွေနဲ့ ခရီးသွားပြည်သူတွေ အဆင်ပြေချောမွေ့စွာ ပြန်လည်သွားလာနိုင်ရေးအတွက် လမ်းဦးစီးဌာနက ပြင်ဆင် ရေးလုပ်ငန်းတွေကို မနေ့ကစတင်ဆောင်ရွက်ခဲ့တာပါ အခုဒီနေ့မှာတော့ ယာယီသွားလို့ရအောင် တစ်ခြမ်းကိုပြု ပြင်ပြီးလို့ကားလေးတွေတော့စတင်ဖြက်သန်နေပါပြီး"ဟု ဒေသခံယာဉ်မောင်းတစ်ဦးကပြောသည်။

မြန်မာ တရုတ်တူညီအနာဂတ် လူ့အဖွဲ့အစည်း - အတူတကွ ဖော်ဆောင်မှုမျှဝေခြင်း အခမ်းအနားသို့ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူတက်ရောက် NOM ဇွန် ၆၊ ၂၀၂၆ မြန်မာ-တရုတ် နှစ်နိုင်ငံဆက်ဆံရေးဖွံ့ဖြိုးတိုးတက်မှုကို အလေးထားပြီး မဟာဗျူဟာမြောက် ဖလှယ်မှုများကို မြှင့်တင်ရန်၊ နိုင်ငံရေးအရ အပြန်အလှန် ယုံကြည်မှုကို နက်ရှိုင်းစေရန်နှင့် တရုတ်မြန်မာအနာဂတ် ကံကြမ္မာ အတူတကွဖော်ဆောင်သည့် လူ့အဖွဲ့အစည်း တည်ဆောက်ရာတွင် ပိုမိုနက်ရှိုင်း၍ ခိုင်မာသော တိုးတက်မှုများရရှိစေရန် မြန်မာ-တရုတ် နှစ်နိုင်ငံခေါင်းဆောင်များ၏ ရည်မှန်းချက်ကို အလေးအနက်ထား အကောင်အထည် ဖော်ဆောင်ရွက်သည့်အနေဖြင့် တရုတ်နိုင်ငံငြိမ်းချမ်းရေးနှင့် ဖွံ့ဖြိုးတိုးတက်ရေး ဖောင်ဒေးရှင်း၊ မြန်မာနိုင်ငံတရုတ်စက်မှုလက်မှုလုပ်ငန်းရှင်များအသင်းနှင့် မြန်မာတရုတ်ပူးပေါင်းဆက်ဆံရေးအသင်း တို့ပူးပေါင်းစီစဉ်ကျင်းပသည့် "မြန်မာတရုတ် တူညီအနာဂတ် လူ့အဖွဲ့အစည်း အတူတကွ ဖော်ဆောင်မှုမျှဝေခြင်း" အခမ်းအနားကို ရန်ကုန်မြို့မိုးကောင်းလမ်းရှိ မြဝတီမီဒီယာစင်တာ Ballroom ၌ ဇွန် ၆ ရက် နံနက် ၉ နာရီခွဲ၌ ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးအောင် နိုင်သူကပြောကြားသည်။ အခမ်းအနားတွင် မြန်မာတရုတ်တူညီ အနာဂတ်လူ့အဖွဲ့အစည်းများမှအတူတကွ ဖော်ဆောင်မှုမျှဝေခြင်း ခေါင်းစဉ်အောက်တွင် မျိုးဆက်သစ်တာဝန်ထမ်းဆောင်နေကြသူ လူငယ်ရှစ်ဦးတို့က မြန်မာ-တရုတ်ချစ်ကြည်ရေး ဆောင်ရွက်ချက်များ၊အတွေ့အကြုံများကို ဆွေးနွေးတင်ပြကြသည်။ NOM

နတ်မောက်မြို့နယ်အတွင်း ကားနှစ်စီး ရေထဲမျောပါသွား အမျိုးသားတစ်ဦးသေဆုံး NOM ဇွန် ၆၊ ၂၀၂၆ မကွေးတိုင်းဒေသကြီး၊ နတ်မောက်မြို့နယ်အတွင်း အင်းကုန်းကျေးရွာရှိ ချောင်းရိုးနှင့် တံခွန်တိုင်ကျေးရွာအနီးရှိ တံခွန်တိုင်ချောင်းအတွင်း တို့တွင် ယမန်နေ့( ဇွန် ၅ ရက်) ည ၇ နာရီကျော်က မိနစ်ပိုင်းသာခြားပြီးကားနှစ်စီး ရေထဲမျောပါသွားရာ အမျိုးသားတစ်ဦး သေဆုံးခဲ့သည်ဟု မကွေးတိုင်းဒေသကြီးမီးသတ်ဦးစီးမှူးရုံးမှ တာဝန်ရှိသူတစ်ဦးကပြောသည်။ ဖြစ်စဉ်မှာ နတ်မောက်မြို့နယ် အင်းကုန်းကျေးရွာအုပ်စု၊ အင်းကုန်းကျေးရွာ၊ ဇမ္ဗူထွန်း စက်သုံးဆီဆိုင် အနီးတွင် ည ၇ နာရီ ၄၄ မိနစ်ခန့်ကအမျိုးသားနှစ်ဦး၊ အမျိုးသမီးနှစ်ဦး၊ စုစုပေါင်း လေးဦး လိုက်ပါလာသော Hijet ယာဉ်တစ်စီးသည် ချောင်းရိုးအတွင်း ရေကျနေသည်ကိုဖြက်ကူးသည့်အတွက် ရေစီးဖြင့်မျောပါကြောင်း သတင်းအရ သွားရောက်ပြီး ချောင်းအတွင်းမှ Hijet ယာဉ်အား အသက်ကယ်ကြိုးများအသုံးပြု၍ ဆွဲတင်ခဲ့ရာ ည ၈ နာရီ ၅ မိနစ်အချိန်၌ ဘေးလွတ်ရာသို့ ပို့ဆောင်ပေးနိုင်ခဲ့ပြီး ဖြစ်စဉ်အတွင်းလူထိခိုက် ဒဏ်ရာရ သေဆုံးခြင်းမရှိကြောင်းသိရသည်။ အလားတူ နတ်မောက်မြို့နယ်၊ တံခွန်တိုင်ကျေးရွာအနီးရှိ တံခွန်တိုင် ချောင်းအား မကွေးဘက်မှ နတ်မောက်ဘက်သို့ ယာဉ်မောင်း ဦးချစ်မင်းသူ မောင်းနှင်လာသော Kluger ယာဉ်တစ်စီးသည် ဖြတ်ကူးစဉ် ချောင်းရေစီးနှင့် မျောပါသွားကြောင်းသတင်းရရှိသဖြင့် နတ်မောက်မြို့နယ် မီးသတ်စခန်းမှ တာဝန်ရှိသူများက ရှာဖွေကယ်ဆယ်ရေးဆောင်ရွက်ခဲ့ရာ ယာဉ်ပေါ်ပါ အမျိုးသားလေးဦးအနက် သုံးဦးအား ကယ်ဆယ်နိုင်ခဲ့ပြီး တစ်ဦးမှာပျောက်ဆုံးနေကြောင်းသိရသည်။ "ညကတော့ ရှာတယ်။ မတွေ့ဘူး။ ဒီနေ့ (ဇွန် ၆ ရက်) နံနက် ၇ နာရီ ၃၀ မိနစ်မှစရှာတယ်။ ၈ နာရီ ၄၀ မိနစ်မှာ ချောင်းအတွင်းမျောပါသွားသူရဲ့ရုပ်အလောင်းကို ရှာဖွေတွေ့ရှိခဲ့ပါယ်။ ကားကိုလည်း လွတ်ရာကိုဆွဲတင်ထားပါတယ်"ဟု မကွေးတိုင်းဒေသကြီး မီးသတ်ဦးစီးမှူးရုံးမှ တာဝန်ရှိသူတစ်ဦးကပြောသည်။ NOM

အိုဒက်ဆာဒေသတွင်ယူကရိန်းကခံစစ်လိုင်းကိုအကြီးအကျယ်တည်ဆောက် NOM အိုဒက်ဆာသာရုရှားလက်အောက် ကျရောက်သွားပါကယူကရိန်းသည်ကုန်းတွင်းပိတ်နိုင်ငံဖြစ်သွားမည့်အရေးရင်ဆိုင်နေရသဖြင့်ယူကရိန်းစစ်တပ်သည်အိုဒက်ဆာဒေသတွင်ခံစစ်လိုင်းကိုအကြီးအကျယ်တည်ဆောက်လျက်ရှိသည်။

တောင်တွင်းကြီးမြို့နယ်၊ ရေပြည့်ကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်သမား ခြောက်ဦးက သတ်ဖြတ်သွား NOM ဇွန် ၆၊ ၂၀၂၆ မကွေးတိုင်းဒေသကြီး၊ တောင်တွင်းကြီးမြို့နယ်၊ ရေပြည့်ကျေးရွာနေ ဦးရွှေအောင် (၄၃) နှစ်သည် ဇွန်လ ၅ ရက်နေ့ နံနက် ၉ နာရီ ၄၀ မိနစ်အချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားခြောက်ဦးက ဆိုင်ကယ်သုံးစီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဦးရွှေအောင်တွင် ကျည်ထိမှန်ဒဏ်ရာ များရရှိကာ သေဆုံးသွားခဲ့ကြောင်း သိရသည်။ NOM