" سُبل الـ𓂆ـراشــدين| قرآن | Quran

وقوامة الرجل في الزواج تحتّم عليه أن ينأى عن مراهقته أمام طفولة زوجته، فلا يناصبها العناد في أوقات الكدر، ولا يشقّ عليها في ساعات النكد، وإنما يأخذها من ضيق نفسها إلى سعة صدره، ومن شقاء بالها إلى هناء عطفه، ويعرف أنّ من واجباته كرجل أن يكون الأكثر تحملا، والأطول ثباتًا، ولا يقارن همومه وهموم زوجته في ميزانٍ واحد، لأن ثقبًا في جوربها قد يكون له في نفسها أكبر مما في نفسه من مشكلة كبيرة وحقيقية، ولأن كفةً من زجاج ليست ككفةٍ من عاج! والمرأة متى خرجت من كدرها إلى حنان زوجها، عوضته عن ساعات الغم جمالًا ودلالًا، وأغدقت عليه من رقّتها ما يسترقّ قلبه، ومن نقائها ما ينقي صدره ؛مما قد يكون علق فيه من همٍّ بسبب همها، فيقول كل منهما في نفسه مع أول لحظةٍ في الود: والله ما عرفت مع صاحبي ضيقًا قط!

للعلمِ..

أقنعوك إن لو الحديث صحيح يبقى لازم نعمل بيه؟ طب ركز معايا بقى في المثال اللي هقوله ده عشان تفهم إن مفيش حاجة في الدين اسمها كدا أصلاً : بعض الصحابة نقلوا إن سيدنا النبي ﷺ قبل انتقاله للرفيق الأعلى قال في حديث صحيح: "على رأس مائة سنة لا يبقى ممن هو اليوم على ظهر الأرض أحد" المشكلة إن الناس لما سمعوا الحديث فهموا منه إن سيدنا النبي ﷺ حدد موعد قيام الساعة وقال القيامة هتقوم بعد ١٠٠ سنة ! وده معنى يخالف صريح القرآن اللي بيقول عن موعد القيامة ﴿قُلْ إِنَّمَا عِلْمُهَا عِنْدَ رَبِّي﴾. المهم إن الكلام ده انتشر بين الناس لدرجة إن سيدنا ابن عمر -رضي الله عنهما- اضطر يتدخل بس ما قالش الحديث ضعيف ولا قال إن الكلام ده سيدنا النبي ﷺ ماقالوش لكن اللي مش صحيح هو (فهمهم). طب ايه الفهم الصحيح؟ سيدنا النبي ﷺ كان بيقول لأسيادنا الصحابة الموجودين وقتها إن بعد ١٠٠ سنة مش هيفضل حد منهم عايش يعني المفروض كل واحد ينشغل بعمله وما يشغلوش نفسهم بالسؤال عن الساعة. عرفت المشكلة فين؟ الحديث يبقى صحيح وسيدنا النبي ﷺ قاله فعلًا لكن ممكن بعض الرواة فهموا منه حاجة غير اللي النبي يقصدها ونقلوا فهمهم كأنه هو الحديث. مهو حتى لو الراوي ثقة فهو برضه بشر ممكن ينسى ممكن يَهم ممكن يسمع حاجة على غير وجهها وممكن يفهم الكلام غلط... ولو مستغرب إن الثقة ممكن يغلط؟ السيدة عائشة رضي الله عنها لما وصلها حديث من رواية سيدنا عمر وابن عمر قالت "إنكم لتحدثوني عن غير كاذبين ولا مكذبين ولكن السمع يخطئ" خد بالك ما قالتش كذابين قالت (السمع يخطئ) يعني ممكن يبقى الراوي صادق وأمين وبرضه يحصل خطأ. بس حتى لو شلنا كل ده افرض الحديث صحيح والرواية ثابتة واللفظ محفوظ وإنت فهمت الكلمات صح برضه مش معنى كدا إنك عرفت الحكم الفقهي؛ لأنك ممكن تكون قريت دليل واحد والفقيه عارف عشرة في نفس المسألة وممكن دليل منهم يخصص حديثك أو يقيده أو يبين إن الحكم اتنسخ... أمال انت فاكر ايه؟ أئمة الفقه قضوا أعمارهم في طلب العلم ليه؟ لو هي سهلكة كدا وكل واحد يفتح كتاب حديث ويشوف الأحاديث الصحيحة ويطلعلنا منها الأحكام ! الحديث صحيح؟ تمام بس مين قال إن (فهمك) إنت وشيوخك للحديث هو كمان صحيح؟

تربية الولد أشق، وتربية البنت أدق، فأنتبه للأدق وأصبر علي الأشق وعلموا البنات ألا تكون مثل روما كل الطرق تؤدي إليها، ولكن تكون مثل مكة لا يستطيع الوصول إليها إلا من إستطاع إليها سبيلاً 👌

ليه بتلوموا المتدينين على حاجات حتى الأنبياء نفسهم عملوها ؟! يعني ليه الشيخ لو قال إن هو نفسه في فلوس كتير ونجاح كبير تلاقي الكل داخل يفتش في قلبه ايه يا مولانااااا كل ده حب دنيا؟! طب تعرف إن سيدنا سليمان قال (ربِّ هَبْ لِي مُلْكًا لَا يَنْبَغِي لِأَحَدٍ مِنْ بَعْدِي) ؟ يعني ماطلبش من ربنا الكفاف وطلب مُلك وكمان محدش بعده يبقى عنده زيه! والسيدة مريم وهي في أشد لحظات وجعها قالت (يَا لَيْتَنِي مِتُّ قَبْلَ هَذَا وَكُنْتُ نَسْيًا مَنْسِيًّا) تخيل مسلمة النهارده من شدة اللي هي فيه تقول (يا ريتني كنت موت) كام واحد هيطمن عليها؟ وكام واحد هيقولها حاجات زي فين الرضا؟! أو إنتي إزاي تقولي كدا وإنتي مؤمنة؟! أو سيدنا يعقوب اللي فضل حزين على يوسف لحد ما (ابْيَضَّتْ عَيْنَاهُ مِنَ الْحُزْنِ) النهاردة الأنطاع والحلاليف والجلوف اللي عاملين فيها مفيش مسلمين غيرهم لو شافوك في مصيبة يعاتبوك ويقولوا الرضا بالقضاء فين؟! وسيدنا نوح بعد اللي شافه من قومه قال (رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا) ودعا عليهم. شوف بقى في مجتمعنا ايه اللي بيحصل لما المظلوم المقهور يدعي على اللي ظلمه ده ممكن الناس تسيب اللي ظلمه خالص وتمسك فيه هو ! إنت متدين إزاي وتدعي عليه؟ قلبك أسود اوي يا مولانا ! فين المسامحة يا عم الشيخ؟ يا ريت قبل ما تقول لحد إزاي تعمل كدا وإنت متدين؟! اسأل الأول هو اللي عمله حرام أصلًا؟ ولا انت اللي فاهم إن المتدين المفروض يبقى ملاك مش بني آدم؟

الأمان الحقيقي في الله، ومن الله، ومع الله. أن تعرف أن لك ربا لا يغيب، ولا ينسى، ولا يعجزه شيء. أن تضيق بك الأسباب، فتوقن أن وراء هذا الضيق فرجا لا تراه بعد. أن تخاف من أمر، ثم تقول لنفسك: الله أعلم بي، وأرحم بي، وأقدر على تدبير أمري مني. كم مرة خفنا من أشياء ثم لطف الله؟ وكم مرة ظننا أن الطريق انتهى، ثم فتح الله لنا من حيث لم نحتسب؟ وكم مرة تأخر ما نريد، ثم عرفنا بعد حين أن في التأخير رحمة؟! هذا هو الأمان: أن لا تعرف ماذا سيحدث، لكنك تعرف من بيده كل ما سيحدث.

والله لو مفيش سبب لوقف الحرب في اليمن الا الڤيديو دا لكان كافي بالنسبالهم! فيديو قديم انتشر لقناص حوثي واقف مع صاحبه رصد جندي سعودي على مسافة كبيرة منهم صاحبه قاله ظهر أهو اضربه خلاص فقاله أكتر حاجة مؤلمة ممكن تسمعها في موقف زي دا، بيصلي يارجال بيصلي مايجوز نضربه هو آمن، خليه يصلي! لعنة الله على من وضع الإخوة في مواجهة بعضهم البعض بدلا من مواجهة عدوهم الحقيقي.. كل المسلم على المسلم حرام، دمه وماله وعرضه..

أقول حرام يقولوا تاخد كام! في الفترة الأخيرة كلمتني شركات كتير عايزني أكون مشرف ديني على رحلات الحج والعمرة المشكلة فين؟ كل اللي كلموني بلا استثناء فعليًا مش فارق عندهم لا إشراف ديني ولا بتاع كل اللي عايزينه إني أعمل إعلان! ماشي يا عمنا هعملكم إعلان حاضر نقوم نختلف هنا بقى يطلبوا أقول حاجات زي الفندق بتاع الشركة خطير والباصات عندهم بتطير هو أنا جربتهم؟! الناس هتحجز وتدفع فلوس بناءً على كلامي ولما يلاقوا غير اللي قلته هقولهم إيه؟ هقول لربنا إيه؟ نسافر الأول حاضر وبعد كدا هبقى أحكي تجربتي بما يرضي الله لأ إزاي أومال هنجيب الزباين قصدي الحجاج منين! أو تلاقيهم عايزينك تقول حاجات غبية زي (اضمن حجك مع شركة مش عارف إيه) أضمنه إزاي يعني؟ ده حجي أنا شخصيًا مش ضامنه! يا ريت محدش يكلمني تاني بقى طالما كل اللي شايفينه فيا شوية فولورز أو فاكرين إن الفلوس ممكن تشتريني!

📮 إنَّ لأهل الفجر غنائم، لا ينالها نائم. - فريضتها : تجعلك في ذمة الله. - سنتها : خيرٌ مِنَ الدُّنيا وما فيها. - قرآنها : ‏﴿ أَقِمِ الصَّلَاةَ لِدُلُوكِ الشَّمْسِ إِلَىٰ غَسَقِ اللَّيْلِ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا﴾ . ‏ ‏صلاة الفجر، أذكار الصباح، وقراءة القرآن خير بداية ليومك.

الأمان الحقيقي في الله، ومن الله، ومع الله. أن تعرف أن لك ربا لا يغيب، ولا ينسى، ولا يعجزه شيء. أن تضيق بك الأسباب، فتوقن أن وراء هذا الضيق فرجا لا تراه بعد. أن تخاف من أمر، ثم تقول لنفسك: الله أعلم بي، وأرحم بي، وأقدر على تدبير أمري مني. كم مرة خفنا من أشياء ثم لطف الله؟ وكم مرة ظننا أن الطريق انتهى، ثم فتح الله لنا من حيث لم نحتسب؟ وكم مرة تأخر ما نريد، ثم عرفنا بعد حين أن في التأخير رحمة؟! هذا هو الأمان: أن لا تعرف ماذا سيحدث، لكنك تعرف من بيده كل ما سيحدث.

قال: أخبِروني عن بُحَيرةِ الطَّبَريَّةِ، قُلنا: عن أيِّ شَأنِها تَستَخبِرُ؟ قال: هل فيها ماءٌ؟ قالوا: هي كَثيرةُ الماءِ، قال: أما إنَّ ماءَها يوشِكُ أن يَذهَبَ. (فقال: ما فَعَلتِ العَرَبُ؟ قالوا: نحن قَومٌ من العَرَبِ، عمَّ تَسأَلُ؟ قال: ما فَعَلَ الرَّجُلُ الذي خَرَجَ فيكم؟ قالوا: خَيرًا أتى قَومًا فأظهَرَه اللهُ عليهم، فأمْرُهم اليَومَ جَميعٌ، إلَهُهم واحِدٌ، ودِينُهم واحِدٌ، ونَبيُّهم واحِدٌ، قال: ما فَعَلتْ عَينُ زُغَرَ؟ قالوا: خَيرًا يَسقون منها لزُروعِهم، ويَستَقون منها لشُعَبِهم، قال: ما فَعَلَ نَخلٌ بين عمَّان وبَيْسانَ؟ قالوا: يُطعِمُ ثَمَرُه كُلَّ عامٍ، قال: ما فَعَلَتْ بُحَيرةُ الطَّبَريَّةِ؟ قالوا: تدفَّقُ بجَنَباتِها من كَثرَةِ الماءِ، قال: فزَفَرَ ثَلاثَ زَفَراتٍ ثم قال: لو انفَلَتُّ من وَثاقي هذا لم أَدَعْ أرضًا إلَّا وَطِئتُها برِجْليَّ هاتَينِ إلَّا طَيبَةَ، ليس لي عليها سَبيلٌ، قال النَّبيُّ صلَّى اللهُ عليه وسلَّم: إلى هذا انتَهَى وَحْيي، هذه طَيبَةُ، والذي نَفْسي بيَدِه ما فيها طَريقٌ ضيِّقٌ ولا واسِعٌ ولا سَهلٌ ولا جَبَلٌ إلَّا وعليه مَلَكٌ شاهِرٌ سَيفَه إلى يَومِ القيامَةِ.)

مستني المجتمع ينصلح حاله إزاي لما أغلب المشاهير اللي الناس بتاخد رأيها في أهم قرارات الحياة شوية حمقى ومغفلين عاملين فيها شيوخ؟! شوف مستوى النصايح اللي لقيتها بتتقال فعلًا (أنا وخطيبي بينا مشاكل) = (عجّلوا بالجواز) ! (اتجوزنا والمشاكل زادت؟) = (خلّفوا عشان ارتباطكم يبقى أكبر) ! (بعد الخلفة زادت المشاكل) = (خلفوا أكتر) ! (لسه مش متفاهمين مع بعض؟) = (اتجوز عليها عشان تتعدل) ! دكتور أو مهندس أو صيدلي.... قرأ كام كتاب وعمل شوية فيديوهات دينية وبقى عنده فولورز فجأة الناس بتسأله في الجواز والطلاق والخلفة والتربية والمشاكل النفسية! هو مؤهله إيه لكل ده؟! ومش بس الشباب هتلاقي بنت منتقبة أو لابسة واسع طلعت ترند في أي حوار فجأة الناس تبعتلها (أسيب خطيبي؟!) (أطلق؟!) (أخلف دلوقتي؟!) (أعمل إيه مع ابني؟!) على أساس إيه؟! الدقن والنقاب فوق دماغي بس إيه علاقتهم بالعلم والفهم؟! وحتى اللي درس شريعة فعلًا مش كل واحد حفظ شوية مسائل بقى عالِم فاهم الناس والواقع ! أهم حاجة لازم تعرفها إن المستشيخ اللي سلمتله دماغك مش هيدفع نفقة ولا هيربي الطفل ولا هيدخل محكمة الأسرة مكانك.... وشكرًا.

اليمن​​​ ​​​​​​​ ​​​لا تجعلوا غزة طرفًا في هذه المعركة. ودماء اليمنيين ليست أرخص من دماء أهلنا في غزة. فالمسلمون تتكافأ دماؤهم.​​​ ​​​​​​​ ​​​وهذه المعركة ليست مثل غيرها. يعني من يشبهها بسوريا، بصراحة ما بيفهمش.​​​ ​​​​​​​ ​​​في النهاية جماعة الحو /سي ومؤيديهم مش هيركبوا طيارة ويهربوا لروسيا أو إيران. هم جزء من اليمن، وهيفضلوا في اليمن.​​​ ​​​​​​​ ​​​اللي مهم جدًا نعرفه إن الجماعة دي أجرمت في حق اليمنيين السنة .. كمان لازم نفهم إن في ناس كتير عايشة تحت حكمها، مش كلهم مؤيدين لها، والناس دي مؤيدين وغيرهم اتعرضوا هم أيضاً لإجرام من التحالف بقيادة السعودية منذ ٢٠١٥ من خلال قصف جوي غبي طال الجميع، أبرياء ومحاربين .. طبعًا تاريخ التحركات الداخلية والانقلابات والسياسة اليمنية معقدة جدًا. تقدروا تشوفوا أي حد خبير في الموضوع ده يشرح لكم اللي حصل.​​ ​​​​​​​ ​​واقعيًا لن يقضي فصيل على الآخر تمامًا.​​​ ​​​​​​​ ​​​الموضوع حاليا عبارة عن سيطرة ونفوذ على بعض المدن، لكن في الآخر لازم هيتفاوضوا حتى اذا تحررت صنعاء بإذن الله.​​​ ​​​​​​​​​​ ​​أنا بتكلم كلام واقعي، مش أمنيات وصور بالذكاء الإصطناعي. وبتكلم على إن يتم تحرير اليمن بأقل معاناة ممكنة بإذن الله حتى لو كان التحرير ده على إيد حكومة لا تُظهر العداء للصهاينة والأمريكان.​​​ ​​​​​​​ ​​​أهلنا في اليمن يعانون منذ عقود والمعاناة لم تتوقف بسبب الحروب الداخلية، واللي للأسف بيحركها أطراف خارجية .. الخليج وإيران، أو إيران والخليج .. الترتيب غير مهم.​​ ​​​​​ ​​​لا يلزم أن نتعامل دائمًا بمنطق تشجيع فريقي مباراة كرة قدم .. زي ما حكومة اليمن الحالية مدعومة من السعودية، كذلك جماعة ​ الحو /سي مدعومة من إيران. وزي ما إيران غلطت بإجرامها في سوريا وبلاد أخرى أيضًا الحو /سي أجرم في حق أهلنا في اليمن، ولذلك لا يستحقوا الدعم مهما فعلوا ضد الصهاينة والأمريكان.​​ ​​​​​ ​​* مع ملاحظة إني لست مع القضاء على إيران على يد الصهاينة والأمريكان (فصلت في الموضوع قبل كدة وكتبت الأسباب). و واقعيًا لن يُقضى على الحزب في لبنان أو الجماعة اللي في اليمن وسيظلوا فاعلين في البحر الأحمر ضد الصهاينة ..​ ​​​ ​إحنا مش محتاجين ندعم ناس أجرمت في حق المسلمين عشان نظهر إننا ضد الصهاينة والأمريكان.​​ ​​​​​ ​​ولا محتاجين نبرر لية احنا نتمنى تحرير أهل اليمن وان تتوقف المعاناة مع موقفنا الثابت من الأنظمة العربية اللي خذلت غزة وتعاونت مع الاحتلال الإسرائيلي.​​ ​​​​​​​​​​​​ ​​​اللهم انصر المسلمين، ولا تمكن الروافض أعداء الدين الا ضد الصهاينة والأمريكيين.

قالولك إن النبي كان فقير؟! وانت صدَّقتهم؟! تعرف إنك لو قدّرت قيمة بعض ثروة وممتلكات سيدنا محمد ﷺ الثابتة في الأحاديث الصحيحة لو قدّرتها بالجنيه المصري النهارده هنتكلم في ملايين! ومع ذلك أحاديث إنه جاع صحيحة برضه! إزاي الاتنين يجتمعوا؟ وإيه اللي ناقص في الصورة اللي اتقدمت لك؟ في حجة الوداع سيدنا النبي ﷺ ذبح ١٠٠ من الإبل وأمر بتوزيع لحومها وجلودها وأغطيتها والحديث في صحيح البخاري لو حسبنا كل ناقة بـ١٠٠ ألف جنيه إحنا بنتكلم في حوالي (١٠ مليون جنيه) ده في الحج بس! والنبي ﷺ كان عنده أراضي كمان الإمام العيني في شرحه للبخاري ذكر ضمن ملك النبي الخاص نصف أرض فدك وثلث أرض وادي القرى وحصنين من حصون خيبر والنبي ﷺ كان بيخزن لأهل بيته أكل سنة كاملة من إيراد نخل بني النضير والحديث في صحيح البخاري اقف عند دي شوية إنت ممكن تبقى قلقان على مصاريف الشهر الجاي فتلاقي اللي يحسسك إنك قليل التوكل عشان بتحاول يبقى عندك ما يكفي بيتك وقت الشدة مع إن النبي ﷺ كان بيؤمّن لأهله قوت سنة كاملة! ومش الأكل بس السيدة عائشة لما اتسألت عن مهر أمهات المؤمنين قالت ٥٠٠ درهم يعني حوالي كيلو ونص فضة إلا شوية وقيمتهم حوالي ١٥٦ ألف جنيه لكل زوجة والحديث في صحيح مسلم. لكن الرقم اللي ممكن يوقفك أكتر كان سعر حلة من الثياب حكيم بن حزام اشتراها بخمسين دينار ذهب فالنبي عرض إنه ياخدها بثمنها وخمسين دينار ذهب يعني حوالي ٢١٢ جرام ونص تساوي النهارده تقريبًا (مليون وخمسمائة ألف جنيه) وثبت كمان في صحيح مسلم إن النبي ﷺ كان بيلبس جبة من الطراز الفارسي فيها زينة من الديباج عند فتحة الرقبة وعلى حواف شقيها والديباج نسيج من الحرير... نرجع بقى للسؤال إزاي مع كل ده كان بيجوع ﷺ ؟ المفروض لما تلاقي رواية من دول تسأل هل ده كان الطبيعي؟ ولا كان وقت حصار مثلاً؟ أو أيام كان فيها قلة مؤن في المدينة وجفاف من المطر؟ طب بعد إنفاق على تجهيز جيش؟ أو يمكن بعد إيثار للفقراء على نفسه؟ عايز مثال؟ رواية ربط الحجر على بطنه الشريفة وردت في البخاري عن أيام حفر الخندق وعن ثلاثة أيام ما ذاقوش فيها طعام ماينفعش بقى تنقل المشهد وتشيل منه الخندق وتقدمه كأنه كل حياته! والإمام النووي في شرحه لصحيح مسلم قال إن سيدنا النبي ﷺ كان يتقلب بين اليسار والقلة حتى انتقل إلى الرفيق الأعلى وكان المال يزيد ثم ينفد بسبب إنفاقه في الخير وتقديم المحتاجين على نفسه وإطعام ضيوفه وتجهيز السرايا... يعني كان يحصل إنه يبقى عنده مال فيعطي منه لحد ما يحتاج هو! إنت بتحكي للناس اللحظة اللي المال خلص فيها وسايب حكاية المال راح فين! وبعدين هو إنت مش حافظ من السيرة غير اللي يسكّت الغلبان؟! يعني حافظ إن النبي ﷺ صبر على الجوع… طب وعطاءه للمحتاجين؟ ليه دي بتقولها للفقير والتانية مش بتقولها للغني؟ أغلب اللي عاملين فيها متدينين ومحدش متدين غيرهم بقوا يلوموا الفقير لما يشتكي ويقولوا قلة رضا وضعف إيمان وانعدام توكل! ليه فوق ما هو شايل همّ اللقمة… تشيله كمان ذنب إنه موجوع من غيابها؟! المفروض قبل ما تسأل العامل إنت مش صابر ليه؟ تسأل صاحب المصنع هي مرتبات العمال دي ترضي ربنا؟! مش كفاية ضحك على الفقير باسم الدين وسيدنا النبي؟ كفاية بقى الدين وسيدنا النبي بريء منكم.

ليه اتعودنا ندور على أولياء الله بين المشايخ والمشهورين بالدين؟ تعرف إن إنت ممكن تكون بتشتري الفول كل يوم من ولي من أولياء الله؟ أو الست اللي بتبيع فجل على الرصيف أو الشقيان اللي مهدود حيله جنبك في المترو أو حتى عامل النظافة اللي ناس كتير ما بتبصش في وشه.... لأن القرآن لما عرّف أولياء الله ما قالش شغالين إيه ولا لابسين إيه قال: ﴿الَّذِينَ آمَنُوا وَكَانُوا يَتَّقُونَ﴾ وعشان كده أنا اه بلتمس الولاية في أهل العِلْم لكن كمان في بياع الفول والطعمية وفي الست اللي بتبيع فجل وفي عامل النظافة وفي الراجل المهدود جنبي في المترو.... يمكن ما يعرفش يقول كلمتين في العلم الشرعي بس بيراعي ربنا في كل جنيه وكل كلمة وكل معاملة... وهي الولاية ايه غير لسان ذاكر وقلب شاكر وجسم صابر ؟! صدقني يا صديقي أولياء ربنا مالهمش يونيفورم. ومش يمكن الولي اللي الناس كلها بتدور عليه انت بتعدي جنبه كل يوم وما فكرتش حتى تسلّم عليه؟

أم موسى رمته في النيل عشان تنقذه من فرعون فالنيل أخده لبيت فرعون نفسه! فرعون وقتها كان بيقتل أبناء بني إسرائيل عشان (النبوءة) قالت مولود منهم هيكون قائد عظيم ويتسبب في موتك ويخرج مع قومه... أم موسى خافت عليه فأوحى الله إليها ﴿أَنْ أَرْضِعِيهِ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ﴾ عرفت حاجة واحدة (إن ابنها هيرجع) لكنها ماعرفتش هيروح فين ولا عند مين قبل ما يرجع حطته في التابوت ورمته في النيل الغريب إن أول ناس وصل الطفل عندهم كانوا الناس اللي أمه رمته في النيل عشان تهربه منهم! ﴿فَالْتَقَطَهُ آلُ فِرْعَوْنَ﴾ موسى دخل بيت عدوه لكن دخل ومعاه ﴿وَأَلْقَيْتُ عَلَيْكَ مَحَبَّةً مِنِّي﴾ امرأة فرعون شافته وقالت ﴿قُرَّتُ عَيْنٍ لِي وَلَكَ لَا تَقْتُلُوهُ عَسَى أَنْ يَنْفَعَنَا أَوْ نَتَّخِذَهُ وَلَدًا﴾ فرعون نفسه مقدرش يقاوم أنوار ﴿وَأَلْقَيْتُ عَلَيْكَ مَحَبَّةً مِنِّي} واستثنوا موسى من القتل ﴿وَهُمْ لَا يَشْعُرُونَ﴾ موسى بقى حي جوه بيت فرعون لكن أمه ماكانتش تعرف عنه حاجة ﴿وَأَصْبَحَ فُؤَادُ أُمِّ مُوسَى فَارِغًا﴾ ما بقتش قادرة تفكر غير في ابنها ووصل بيها الخوف إنها كادت تكشف السر كله ﴿إِنْ كَادَتْ لَتُبْدِي بِهِ لَوْلَا أَنْ رَبَطْنَا عَلَى قَلْبِهَا﴾ تماسكت وقالت لأخته ﴿قُصِّيهِ﴾ يعني امشي وراه واعرفي وصل لفين أخته فضلت تتابعه من بعيد لحد ما عرفت مكانه ﴿فَبَصُرَتْ بِهِ عَنْ جُنُبٍ وَهُمْ لَا يَشْعُرُونَ﴾ آل فرعون ماكانوش عارفين إن البنت اللي بتراقب الطفل هي أخته وقبل ما يعرفوا ظهرت مشكلة جوه البيت موسى رفض يرضع ! جابوا له مرضعة فرفضها وجابوا غيرها فرفضها البيت اللي وقع في حب الطفل ما بقاش عارف يرضّعه! ﴿وَحَرَّمْنَا عَلَيْهِ الْمَرَاضِعَ مِنْ قَبْلُ﴾ أخته قالت ﴿هَلْ أَدُلُّكُمْ عَلَى أَهْلِ بَيْتٍ يَكْفُلُونَهُ لَكُمْ وَهُمْ لَهُ نَاصِحُونَ﴾ ماقالتش أنا أعرف أمه قالت أهل بيت وماقالتش ياخدوه منكم قالت ﴿يَكْفُلُونَهُ لَكُمْ﴾ أم موسى وصلت وقربوا منها الطفل اللي رفض كل المرضعات فرضع منها آل فرعون افتكروا إنهم أخيرًا لقوا مرضعة لكن أخته كانت واقفة وعارفة إن أخوها رجع ﴿فَرَدَدْنَاهُ إِلَى أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ﴾ وفرعون اللي كان بيدور على أبناء بني إسرائيل عشان يقتلهم هو نفسه اللي بقى بيدور على أم موسى عشان يرجعه لحضنها ﴿إِنَّا رَادُّوهُ إِلَيْكِ﴾.

. ماذا لو أن لسانك لم يفتر من الصلاة على النبي صلى اللّه عليه وسلم ﷺ.. من ليلة الجمعةِ إلى مغيبِ يومها.!؟ "اللَّهُمَّ صل وسلم على  محمد، وعلى آل محمد، كما صليت على إبراهيم، وعلى آل إبراهيم، إنك حميد مجيد، اللّهم بارك على محمد، وعلى آل محمد، كما باركت على إبراهيم، وعلى آل إبراهيم، إنك حميد مجيد"☁️

يا جماعه متعشموش بناتكم وتقولولهم لما تتجوزي جوزك هيخرجك احنا مبنخرجش حد

"عارف يعني ايه " وجاءوا أباهم عِشاءً يبكون " بعد ما رموا سيدنا يوسف في البير .. روحوا لابوهم يعيطوا كلهم .. قال يعني صعبان عليهم سيدنا يوسف وإنهم صادقين في مشاعرهم، والديب فعلا أكله ؟ الآية دي تعلمك درس مهم ، وهو إن مش كل اللي بيعرف يحكي يصعب عليك ، وإن مش كل اللي سريع البكاء والشكوي معاه الحق ، وإن ساعات كتير تبان الوشوش صادقة ، ولكن القلوب ماليها الكدب والتمثيل.. علشان كده ربنا بيقول: "يعلم خائنة الأعين وما تُخفي الصدور" عالِم بالعيون الخاينة حتى ولو غرقانه دموع ، ومايخفاش عنه النوايا وخُبث القلوب.."

ما كانت الحسناء تكشف سترها لو كان أرباب البيوت رجال غضب الملك الفارسي كسرى على وزيره الحكيم والعادل بزرجمهر فأمر بإعدامه تجمع الناس بكثرة حول ساحة الإعدام صامتين خاضعين للملك من دون أن يجرؤ أحد على الاعتراض أو نصرة الحق حضرت ابنة الوزير بزرجمهر مكشوفة الرأس بلا قناع (وهو أمر يُعد عاراً في تقاليدهم وقتها) فلما سألها كسرى متعجباً عن سبب كشف سترها أجابته بأنها لم تجد في تلك الجموع الغفيرة رجلاً حياً يدافع عن أبيها المظلوم أو يحتج على الظلم فهذا المنظر ينم عن غياب المروءة والرجولة ووضوح العجز والخذلان