" سُبل الـ𓂆ـراشــدين| قرآن | Quran

☁️ «دفِّـئ فُؤادك بالقـــــــرآن فإنَّه نعمُ الضياء هو الأنيسُ الأطيب» إسم القارئ: حسن فلاتة .

«ألم تشتاقوا الي بث الجمعه وقراءة سورة الكهف» ♥😍

المنظر اللي شايفينه دا مش مشهد من فيلم خيال علمي ولا مارفل ده منظر حقيقي وحصل في برج الساعة بمكة المكرمة من ساعات ،المشهد فعلًا مهيب جدًا خصوصًا مع ظهور الصاعقة وكأنها خرجت من أعلى البرج واتجهت إلى السماء.. لكن الموضوع له تفسير علمي ومنطقي نوعًا ما.. برج الساعة من أعلى المنشآت في مكة، وارتفاعه الكبير يجعله أكثر عرضة للتعرض للصواعق أثناء العواصف الرعدية، ولذلك تم تصميمه من الأساس بنظام متطور للحماية من الصواعق.. والبرج مزود بنحو 800 موصل ثابت للصواعق، بالإضافة إلى 20 مانع صواعق تلسكوبيًا قابلًا للامتداد، وهي منظومة مصممة لالتقاط التفريغ الكهربائي وتوجيهه عبر مسارات آمنة إلى نظام التأريض بدلًا من مروره بشكل عشوائي في أجزاء المبنى أما بالنسبة للشكل الغريب اللي ظاهر في الصورة، فهو مرتبط بظاهرة تُعرف باسم البرق الصاعد أو البرق الراجع، وهي تحدث عندما تساعد المنشآت الشاهقة على تكوين مسار للتفريغ الكهربائي بين الأرض والسحابة، فيظهر البرق وكأنه يتحرك من أعلى البرج باتجاه السحابة يعني باختصار.. البرج مش بيجذب البرق بشكل سحري، ولا المشهد ظاهرة خارقة؛ إنما ارتفاع البرج والعاصفة الرعدية ووجود نظام متخصص للحماية من الصواعق كلها عوامل تفسر المشهد والأجمل أن الصاعقة، رغم قوتها وشكلها المرعب، يمكن التعامل معها هندسيًا وتوجيهها بأمان بعيدًا عن الأشخاص والمعدات الحساسة داخل البرج.. سبحان الله الذي هو على كل شيء قدير.. تخيل كل الاختراعات والتكنولوجيا والتدخل الإنساني عشان نتعامل مع جزء بسيط جدًا، يكاد لا يُذكر، من قدرة الله علينا.. صاعقة واحدة فقط تحتاج منظومة هندسية كاملة من الموصلات ومانعات الصواعق والتأريض حتى نقدر نسيطر على أثرها ونحمي أنفسنا منها، ومع ذلك تظل مجرد لحظة من لحظات قدرة الله في هذا الكون.. مشهد واحد في السماء كفيل يفكرنا قد إيه إحنا مهما اتقدمنا، ما زلنا عبادًا ضعفاء أمام عظمة الله وقدرته. سبحان من له الأمر كله ﴿وما أوتيتم من العلم إلا قليلاً﴾..

‏كل يوم أذكِّر نفسي بأنَّ قدري كانَ قبل أن أكونَ أنا، ‏وأنَّه سيجري عليَّ مهما حاولت، ‏سيجري رضيت أو سخطت ‏أذكِّر نفسي أنَّ رزقي سيأتيني ولو وقفَ العالم أمامي فيه ‏وما ليس رزقي لن يأتيني مهما حاربت عليه. ‏وأنَّ الزمن من خلق الله ‏فيقدِّم لنا نصيبنا بمشيئته، ويؤخره عنَّا بحوله وقوَّته.

ناس كتير ماشكّتش في الدين بسبب كلام ملحدين شكّت فيه بعد ما صدقت (وعد) قاله واحد مشهور عامل فيها داعية. والوعد طبعًا ماتحققش! زي ايه؟ فيديو جايب كذا مليون مشاهدة عن إن ربنا بيقول ﴿فَمَن تَبِعَ هُدَايَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ﴾ قالك معنى الآية لو اتبعت هدى ربنا بجد مش هتخاف ولا هتحزن تاني وكل مشاكلك هتتحل ! إنت صدقته قربت وعبدت ودعيت واستنيت الحزن يروح والخوف يختفي لكن محصلش! فبدل ما تشك في تفسيره شكّيت في نفسك قلت يبقى أنا مش مؤمن بجد يبقى عملي مش مقبول يمكن يقيني ناقص أو يمكن الدين كله كلام فاضي ! قبل ما أقولك التفسير الصحيح بلاش تسلم دماغك تاني ولا حتى ليا أنا شخصياً. وبعدين انت صدقت ازاي إن أي عبادة مهما كانت ممكن تحل كل مشاكلك ؟ طب نعمل ايه في قول ربنا للمؤمنين ﴿وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ﴾ ؟! الأمان من الخوف والحزن مش هنا ده يوم القيامة ﴿لَا يَحۡزُنُهُمُ ٱلۡفَزَعُ ٱلۡأَكۡبَرُ وَتَتَلَقَّىٰهُمُ ٱلۡمَلَٰٓئِكَةُ هَٰذَا يَوۡمُكُمُ ٱلَّذِي كُنتُمۡ تُوعَدُونَ﴾. طبعا مش دي الآية الوحيدة اللي مفهومة غلط ومنتشر غيرها كتير... طب ايه السبب؟ إنهم ضحكوا عليك وفهموك إن أي كلام عليه دليل من القرآن أو السُنة هو الحق... مش يمكن انت واللي عامل الفيديو فاهمين الدليل نفسه غلط ؟! يبقى دليل ازاي بقى ؟! للأسف بقينا في زمن أغلب اللي عاملين فيها حماة الإسلام وحراس العقيدة لو مسكت كلامهم وراجعته على كتب أهل العلم هتلاقيه كله كلام فاضي! شوية قُطّاع طريق على باب ربنا والشيطان مصورلهم إنهم دُعاة حافظوا على دينكم ودين عيالكم يا جماعة.

أحد الصحابة كان يشرب الخمر فيتجاب لسيدنا النبي ﷺ ويتعاقب فيرجع يشرب تاني. ويتجاب تاني. لدرجة إن صحابي تاني قال: «اللهم العنه ! ما أكثر ما يُؤتى به !» فقال سيدنا محمد ﷺ: «لا تلعنوه؛ فوالله ما علمت إلا أنه يحب الله ورسوله». استوعب دي كويس رغم إنه كان بيكرر كبيرة من الكبائر لكن النبي ﷺ نفسه شهد له إنه بيحب الله ورسوله ! ماقالش إن الخمر بسيطة وماقالش سيبوه من غير عقوبة لكن رفض الكلام الفاضي اللي مشايخ كتير بتقوله اللي هو لو كان بيحب ربنا بجد ماكنش عمل كده. أو لو كان بيحب سيدنا النبي بجد ماكنش رجع للذنب. لأ. ممكن تكون بتحب ربنا ورسوله فعلًا وتكون ضعيف قدام ذنب وترجع له مرة واتنين وعشرة وعشرين... وده ما يخليش الذنب حلال. ولا يخلي التوبة مش واجبة. بس يخلي أكبر غلط إنك تحكم على اللي جوه قلبك من عدد المرات اللي وقعت فيها { لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ }

ليه بتعملوا كدا ؟! كل ما حد يقول أنا مكتئب أو قلقان أو نفسيتي تعبانة يلاقي الكل بيقوله «ألا بذكر الله تطمئن القلوب» ! وكأن معناها لو كنت بتذكر ربنا بجد ماكنتش هتتعب أصلًا ! مش فاهم ازاي يجيلكم قلب تلوموا اللي بيشكي؟ المفروض هو محتاج اللي يحتويه مش اللي يلومه ! وبعدين ايه علاقة الآية بالموضوع؟ انتم فاهمين معنى الآية غلط الطمأنينة هنا طمأنينة اليقين بصدق ربنا ورسوله ﷺ مش وعد بزوال كل ألم نفسي ! يعني مثلاً يكون عندك سؤال أو شك في العقيدة فتلاقي القرآن (اللي هو ذكر الله) جاوبك فيقوم قلبك مطمئن مطمئن إن وعد ربنا ووعيده حق وإن سيدنا محمد ﷺ صادق وده ماينفيش إنك تحزن أو تخاف أو تتوجع نفسيًا الدنيا أصلاً دار ابتلاء وأهل الجنة بس هما اللي هيقولوا «الحمد لله الذي أذهب عنا الحزن» سيدنا يعقوب عليه السلام حزن لحد ما ابيضت عيناه وفي عز حزنه قال «وأعلم من الله ما لا تعلمون» حزنه ما نفاش يقينه ويقينه ما لغاش حزنه وآه ذكر ربنا فعلًا بيسكن القلب ويقويه وممكن يخفف وجعه بس الآية مش وعد إن كل ألم نفسي لازم يختفي بالذكر؛ لأن الطمأنينة هنا طمأنينة (يقين) (يقابل الشك) مش انعدام الألم النفسي.

كُل يومٍ أسأل الله أن تتجدد عافيتي وإقبالي على الأشياء، أن أعيشَ بشغفٍ وأن أفعل الأمور بِحُبٍ لا باعتياد وأن يهبني القدرة على التقلبِ بين الأشياء بحيوية الأطفال، أبحثُ عن نفسي كُل يوم ولا أَمَل أدعو الله يوميًا أن تتجدد محاولاتي إذا ضعُفتْ عزيمتي، لأنه ليس للإنسان مهربٌ من الحياة غيرَ محاولاته .

لماذا رفض سعد بن أبي وقاص سبَّ علي بن أبي طالب؟ روى عامر بن سعد بن أبي وقاص، عن أبيه سعد رضي الله عنه، قال: «أمر معاويةُ بن أبي سفيان سعدًا، فقال: ما منعك أن تسبَّ أبا التراب؟ فقال: أما ما ذكرتُ ثلاثًا قالهنَّ له رسول الله ﷺ فلن أسبَّه...» ثم ذكر سعد رضي الله عنه ثلاث فضائل عظيمة لعلي بن أبي طالب رضي الله عنه: الأولى: أن النبي ﷺ خلَّف عليًّا في بعض مغازيه، فقال علي: يا رسول الله، خلَّفتني مع النساء والصبيان؟ فقال له ﷺ: «أَمَا تَرْضَى أَنْ تَكُونَ مِنِّي بِمَنْزِلَةِ هَارُونَ مِنْ مُوسَى؟ إِلَّا أَنَّهُ لَا نُبُوَّةَ بَعْدِي». الثانية: يوم خيبر، قال النبي ﷺ: «لَأُعْطِيَنَّ الرَّايَةَ رَجُلًا يُحِبُّ اللهَ وَرَسُولَهُ، وَيُحِبُّهُ اللهُ وَرَسُولُهُ». ثم دعا عليًّا رضي الله عنه، وكان يشتكي من عينيه، فبصق النبي ﷺ في عينيه ودفع إليه الراية، ففتح الله على يديه. الثالثة: لما نزلت آية المباهلة: ﴿فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ﴾ [آل عمران: 61] دعا رسول الله ﷺ عليًّا وفاطمة وحسنًا وحسينًا رضي الله عنهم، وقال: «اللَّهُمَّ هَؤُلَاءِ أَهْلِي». فقال سعد رضي الله عنه إنه لا يمكن أن يسبَّ عليًّا بعد أن سمع هذه الفضائل من رسول الله ﷺ، وأن واحدة منها أحب إليه من حمر النعم. كيف فهم العلماء كلام معاوية؟ قال الإمام النووي رحمه الله إن قول معاوية: «ما منعك أن تسب أبا التراب؟» ليس فيه تصريح بأنه أمر سعدًا بسب علي رضي الله عنه، وإنما سأله عن السبب الذي منعه من ذلك. وبيّن النووي أن المعنى قد يكون: هل امتنعتَ تورعًا وإجلالًا لعلي، أم كان هناك سبب آخر؟ فإن كان امتناعك تورعًا وإجلالًا له فأنت مصيب محسن. وذكر احتمالًا آخر، وهو أن سعدًا ربما كان بين قوم يتكلمون في علي، فلم يشاركهم، فسأله معاوية عن سبب امتناعه. وقيل أيضًا إن معنى السؤال قد يكون: ما منعك من تخطئته في رأيه واجتهاده، وإظهار ما تراه من صواب رأينا وخطأ رأيه. ومع ذلك، فحتى لو سُلِّم بأن معاوية أمر سعدًا بالسب فامتنع، فهذا لا يقدح في واحد منهما عند أهل السنة والجماعة. فقد وقع بين الصحابة رضي الله عنهم ما هو أكبر من ذلك يوم صفين، ومع ذلك لا يجعل أهل السنة ما وقع بينهم سببًا للطعن فيهم؛ لأنهم يعتقدون أن ما جرى بينهم كان عن اجتهاد وتأويل، وأن كل فريق رأى أنه على الصواب. فالمصيب منهم له أجران، والمخطئ له أجر واحد، وخطؤه مغفور. ومهما وقع من خطأ، فإنه لا يُقارن بما للصحابي من فضل الصحبة، ونصرة الدين، والبذل في سبيل الله وإعلاء كلمته. وعقيدة أهل السنة في الصحابة واضحة: يتولَّون جميع أصحاب رسول الله ﷺ، ويعرفون للفاضل فضله، ويمسكون عما شجر بينهم، ولا يقعون في أحد منهم. تنبيه مهم لا يصح أن نجزم من هذه الرواية وحدها بأن معاوية رضي الله عنه أمر سعدًا بسب علي، كما لا يصح أن نجزم من مجرد كلام النووي بأنه ثبت تاريخيًا أنه لم يأمره. فاللفظ الوارد هو: «ما منعك أن تسب أبا التراب؟»، وليس فيه تصريح بالأمر بالسب، ولذلك حمله العلماء على عدة تأويلات. والأدق أن يقال: «لا يوجد في رواية سعد تصريحٌ بأن معاوية أمره بسب علي، وقد حمل العلماء كلام معاوية على عدة تأويلات.» وبذلك نثبت ما ورد في الرواية، ولا ننسب إلى أحد من الصحابة ما لا يثبت بدليل صريح. رضي الله عن سعد بن أبي وقاص، وعلي بن أبي طالب، ومعاوية بن أبي سفيان، وعن جميع أصحاب رسول الله ﷺ.

ادعو لوالد ابو اخونا ايمن ربنا يفك كربة من بين يدين الظالمين

ما قاله أبو الدرداء لزوجته: إذا رأيتِني غضِبتُ تُرضيني، وإن رأيتُكِ غضِبتِ أُرضيكِ؛ وإلّا.. ما أسرعَ فِراقَنا.

كرامة مراتك من كرامتك مش مسموح لأي حد يهين كرامتها ولا يتجاوز حدوده معاها لا السيد الفاضل والدك ولا السيدة الكريمة والدتك ولا العمدة الكبير أخوك ولا الآنسة المحترمة أختك مراتك متجوزاك إنت وحدك الآمر الناهي -بعد الله عز وجل- في حياتها وبيتها مراتك في حمايتك إنت خصوصا لو ساكن في بيت عيلة، وأنا من أشد أنصار بيت العيلة في ود واحترام متبادل بين الجميع = خير وبركة وربنا يهنيكم طرف بيعتدي على طرف وظالمه = تجيب حق المظلوم أكيد مش هتتخانق مع أبوك ولا أمك، لكن حط حدود واضحة لعلاقتهم بمراتك مش عارف/مش قادر= اعزل ده من ده يرتاح ده عن ده إنت تستحمل ناسك وإهانتهم ليك وتعمل لهم خدك مداس = براحة راحتك ربنا يتقبل منك ويثييك على نيتك، لو كويسة بس احنا مش جايبين بنات الناس نهينها ولا تبقى ملطشة لكل حد اللي مترضهوش لبنتك لما تتجوز، مترضهوش لمراتك السماح بظلم زوجتك مش بر والدين ولا صلة رحم متدخلش الأمور في بعضها

خلاص انا قربت يبقى عندي اربعين سنة ومن حقي اتكلم بالطريقة دي اخيراً…. انا دخلت الابلكيشن ده وانا عندي ١٨ سنة…تقريباً شفت فيه كل حاجة، ناس مغمورة بقت مشهورة، ناس مشهورة اتجننت، ناس طلعت حرامية وناس اتسرقت، ناس ماتت وناس اختفت…مقالات وثورات ومظاهرات واغاني وكليبات وكل حاجة تقريباً… بس رغم السنين دي كلها…الفترة اللي فاتت دي كلها كوم والفترة الحالية دي مفيش احقر منها، حقيقي الفترة دي الابلكيشن ده واللي تبعه انستجرام، واخوه تيكتوك اصبح مما لا شك موجود فيهم خطة ممنهجة لإنك تكون عبد استهلاكي حاسس بالنقص دايماً أو انك قليل…الازم يحسسك انك مش كفاية ولو عملت اللي عليك برضه مش كفاية…انت اقل من المتوقع ولو نجحت في انجح منك، ولو اشتريت في اللي اشترى احسن منك…انت دايماً اقل… الخطة دي مش نظرية مؤامرة ولا مجلس إدارة العالم بيخططلها، مش كائنات فضائية وزواحف على شكل بشر…الحمدلله الواحد لسةشوية متمسك بعقله… الخطة دي بسيطة جداً ووراها شركات…خطةبسيطة جداً…انك تتحول لمجرد آداة للاستهلاك…بقيت مجرد مكنة بتشتغل تطلع فلوس عشان تديها للشركات دي…لبس وعربيات وخروجات ومطاعم واماكن "لاااازم تجربوها يا جماعة"… الخطة دي بقت ليها سُفراء ومتحدثين رسميين…الانفلونسرز، المشاهير، الكوميديانات، الممثلين، اي حد بتحبه وقررت تتابعه…بس مش أي حد…لأ…في منهج متكرر وبيحصل شاب او شابة دمهم خفيف….شبهك…بيتكلموا زيك…من نفس طبقتك الاجتماعية..وممكن اقل شوية، لكن بتحبهم عشان هما حقيقيين… فجأة الشخص ده يحضر حفلة، في افتتاح، في عرض خاص…يتعرف على شلة، الشلة دي تسفره معاها، الصور تبدأ تتغير، وانت بتبقى مبسوط ليه انه بقى بيتطور…لكن فجأة، الشخص ده مبقاش شبهك…لبسه بقى غريب، مش شبهك، كلامه وصحابه وخروجاته مبقتش شبهك…الطبيعي انك خلاص متتابعوش…لكنك خلاص متابعه من زمان ومش عارف انه بقى معاهم وبيأثر عليك…لأنك لو مبقتش متابعه وهتدور على حد تاني…هتلاقي ان كل اللي متابعهم شبهوا هو كمان..بيخرجوا في نفس الاماكن، وبيتكلموا بنفس الطريقة…حتى صورة الچيم اللي في الساحل كلهم واخدينها قدام نفس المراية يا جدع… يبقى العيب في مين؟ فيهم ولا فيك؟ اكيد فيك..اصلهم كلهم كده… تلاقي نفسك بقى بتدور على البراند اللي هو بيلبس منه، بس بيطلع غالي قوي، طيب اجيب النضارة بتاعته، صعب برضه…اعمل ايه عشان ابقى شبههم؟ هوب تاني، الاستاذ والاستاذة يطلعولك بإعلان عن منتج معين.. جاله هدية او حضر حفلة برعايتهم، يتصور بالمنتج ده شوية…تلاقي نفسك انت منجذب للمنتج ده من غير قصدك…تشتريه وانت حاسس انه هيخليك زيهم…اصلك مش كفاية وهما احسن منك… واحدة تانية على تيك توك بتكلمك عن مشاكل نفسية، نصائح زوجية، او حتى بتقولك تعملي ميك اب صح ازاي..عشان هي زي اختك بالظبط ومش عاوزة منك حاجة…لكن فجأة…هوب هي كمان…شوفوا المطعم ده، بصوا خطيبي جابلي الخاتم ده من المحل الفلاني…شكراً للشركة الفُلانية اللي سفرتني هناك…فا تتكرر نفس العملية وتستهلك وراهم اللي بيستهلكوه… حصان طروادة بيتزرع وسطينا بشكل ممنهج وببطئ… حتى الممثلين الشباب، زمان كان الممثل الشاب ممثل شايل هم حاجة عاوز يقولها، نفسه يطلع يقول حاجة في فيلم او مسلسل، بيكافح ويعافر…عادل امام ومحمود عبد العزيز ونور الشريف ويحى الفخراني وناس كتير زيهم، شوفهم في البرامج بيقولوا ايه؟ بيحاولوا يعملوا ايه…حتى في الهلس بيقولوا احنا بنعمل هلس..بيعترفوا بكل حاجة… لكن دلوقتي اللي في سنك وبيمثل افتح بروفايله..كلها ايه؟؟؟ بالظبط…حفلات، افتتاحات، عروض خاصة وسفريات…وهوب بعد شوية بيعرض ليك منتج حلو قوي ممكن تجربه…ما تيجي تبقى شبهنا وتستخدم اللي بنستخدمه… حتى الاعلانات اللي بتتعرض في التلفزيون أو أونلاين، مبقتش بتقولك ميزة المُنتج ولا فايدته عليك..لأ بتجيبلك حد من اللي بتحبهم وبتوريك وهو بيستخدمه…ها؟ عاوز تبقى شبهه؟ استخدم المنتج بتاعي…اصلك مش كفاية وناقص ومحتاج منتجي عشان يكملك.. محدش بيتكلم بصوتك…هو بيجذبك لصوت اللي انت بتحبهم وعاوزك تبقى شببهم… مونچارو، وبوتوكس، ومطاعم فرايد تشيكن لو طبقة متوسطة ومطعم ياباني بفيوچان اوروبي لو انت اعلى شوية…ولو معاك ٣٥ جنيه هات البمبوظة قنبلة السكر والزيوت المهدرجة اهه جايز تديك شوية متعة على حساب صحتك وكوليسترولك وشوية والاحساس ده يروح وتجري تدور عليه تاني في حاجة تانية…المهم انك متبقاش راضي..اوعى تحس انك كويس…انت مش كفاية، واللي معاك مش كفاية… حوشت وجبت عربية..بس يا اهبل فلان جاله عربية اكبر، بقيت تخرج في مطعم حلو، يا عبيط شوفها رايحة تاكل فين؟ اتجوزت واشتريت شقة؟ بص الاتنين دول سافروا فين لمدة شهر؟… انت شاب عندك ٢٤ سنة، مطلوب منك ملايين عشان تعرف تبقى شبه اللي بتابعهم، بس مش عارف…تحس انك قليل فا تحاول بأي طريقة تبقى شبههم… انت مبقتش الزبون اللي محتاجين يرضوه ولا دايماً على حق…انت بقيت بتسعى انك انت اللي ترضي الشركات ويحنوا عليك ويدخلوك عشان تجيب من عندهم عشان تبقى شبه اللي بتابعهم… حقيقي والله العظيم، مشفتش حد سنه من ٢٠ لحد ٢٩ سنة من اللي شفتهم او اتعاملت معاهم عنده ذرة رضى، لكن ده مش عشان هو شخص جاحد ولا مش مقدر النعمة اللي هو فيها…هو مغسول دماغه بشكل ممنهج بقاله سنين، طلع شاف ان ده الطبيعي..والنتيجة انه مبقاش طبيعي…مبقاش مرتاح..عاوز اكتر…جعان ومدمن شعور الجوع ده…عشان هو غلبان ومش فاهم انه اتعمل فيه اللي اتعمل ده عشان يحس باللي هو حاسه ده عشان يدفع اكتر… بس طبيعي الشركات يبقى معندهاش مشاعر…لان هدفها الربح، ده طبيعي…العيب على الجواسيس اللي وسطنا…اللي بيتكلموا بلساننا، او لسان الجيل الي تبعه…وبعدين يبقى جاسوس للشركات دي ويشتغل معاهم…بس المشكلة انه هو برضه زيه زي اللي بيعمله في الشباب… هو كمان شايف ان اللي قبله بقى بيروح الاماكن دي، والناس متقبلاه، بقى بيتصوروا في المكان الفلاني مع المشهور الفلاني…انا ليه مش معاهم؟ هو كمان جعان وعاوز اكتر…فا تيجي الشلة دي تاخده…ويبقى وسطهم، يحس بالامان وانه وصل…بس يعرف انه عشان يفضل وسطهم في تمن..في طقوس..طقوس لازم ترضي بيها الكلاينت عشان تكمل وسطنا… كنت بتغني راب للعيال اللي نفسها تجيب قرش يسترهم هما وبيتهم ويخلي أمه فخورة بسه، دلوقتي تغني للكومباوند…كنت بتعمل فيديوهات بتضحك بطريقة شعبية، لا معلش تتصور في اوروبا…بتعمل ادوار في افلامك وانت بتقول صوت الشاب المكافح، لا معلش تعمل رستا وتغنيلي في امريكا…معلش البضاعة محتاجة حد يشتريها ولو انت شبه الناس…الناس هتشتري منك ليه؟ اطلع فوق شوية عشان يبصولك ويحاولوا يوصلوا… طبيعي بعد كل ده محدش يبقى راضي، وكله متعصب وكله تعبان…مهما كنت وصلت لحتة كويسة حاسس ان في حاجة ناقصة… مش هتكلم ان جزء من اليأس ده اللي بقى يخلي الناس عنيفة والجرايم تزيد…لإنه خلاص…في شعور ضغط جواك ٢٤ ساعة..واليأس بيخلي العقل يعمل أي حاجة…بس أكيد ده مش السبب الوحيد…بس أكيد هو سبب من الأسباب… طيب والحل ايه؟ معرفش…بس انا قلت اقول شوية الكلام ده وارجع اخد فيتاميناتي اللي باخدها عشان الدكتور قالي انها مفيده

أجمع علماء الأمة، سلفا وخلفا، على تحريم زواج المرأة المسلمة من رجل كافر تحريما قاطعا، أيا كانت ديانته؛ سواء كان من أهل الكتاب (نصرانيا أو يهوديا) أو غير ذلك. يقول جل وعلا: {وَلَا تُنْكِحُوا الْمُشْرِكِينَ حَتَّى يُؤْمِنُوا} [البقرة: 221]. ويقول سبحانه: {وَلَنْ يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلًا} [النساء: 141]. وحرمة زواج المسلمة من الكافر محل إجماع، لا خلاف فيه بين الأمة سلفا وخلفا، قال ابن قدامة في الشرح الكبير: (ولا يحل لمسلمة نكاح كافر بحال)؛ لقول الله تعالى: (ولا تنكحوا المشركين حتى يؤمنوا)، ولقوله سبحانه: (لا هن حل لهم) ولا نعلم خلافا في ذلك. اهـ. وبناء على ما تقدم ، فإن ارتباط المرأة المسلمة برجل غير مسلم لا يكتسب أي صفة شرعية ولا يعد نكاحا صحيحا، بل هو عقد باطل من أساسه، وتصنف هذه العلاقة شرعا على أنها علاقة محرمة تندرج تحت طائلة الزنا والسفاح، ولا تسمى زواجا بأي حال.

❤️خطبة الجمعة 🌷

الشيخ بكر

تعرف ان فيه كفارة للطيرة!! عارفين الطيرة الاول ؟ اللي هو التشاؤم من يوم او رقم او حيوان او شهر او انسان.... إلخ -يوه انهاردا التلات هو باين من أوله كده ربنا يستر على النكد اللي هيحصل انهاردا -لا لا متختارش رقم ٣ ده رقم شؤم يابني -لا بلاش أخرج من البيت انهاردا اصل شوفت قطة سوده وامثله زي دي كتير بقا... النبي صلى الله عليه وسلم قال: من ردته الطيرة من حاجة فقد أشرك اللي هو كنت هختار رقم ٣ بعدين افتكرت انه رقم شؤم فمختارتوش،، ده اسمه شرك! طيب ممكن حد ينسى غصب عنه.. يعمل ايه؟ الصحابة سألوا النبي صلى الله عليه وسلم: يا رَسُولَ اللَّهِ ما كَفَّارَةُ ذلك؟ قال صلى الله عليه وسلم: أن يقول أحدهم: "اللهم لا خير إلا خيرك، ولا طير إلا طيرك، ولا إله غيرك" يبقى اتعلمنا اننا لا نتشائم أبدًا بأي شيء لو نسينا ووقعنا في التشاؤم نقول الكفارة والدعاء سهل جدًا.

1.في الكتاب المقدس: (الى متى يا رب تنساني كل النسيان) [المزامير الإصحاح 13 الآية 1] في القرآن الكريم : (لَا يَضِلُّ رَبِّي وَلَا يَنْسَى) [سورة طه 52] 2.في الكتاب المقدس: (حتى متى يا رب ادعو وانت لا تسمع) [حبقوق الإصحاح 1 الآية 2] في القرآن الكريم : (إِنَّ رَبِّي لَسَمِيعُ الدُّعَاءِ) [سورة إبراهيم 39] 3.في الكتاب المقدس: (لانه في ستة ايام صنع الرب السماء والارض وفي اليوم السابع استراح وتنفس) [الخروج الإصحاح 31 الآية 17] هل الله يستريح ؟! تعالى الله عن ذلك. في القرآن الكريم: (وَلَقَدْ خَلَقْنَا السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ وَمَا مَسَّنَا مِنْ لُغُوبٍ) [سورة ق 38] اللغوب هو بداية التعب. 4.في الكتاب المقدس: (هؤلاء سيحاربون الخروف، والخروف يغلبهم، لانه رب الارباب وملك الملوك، والذين معه مدعوون ومختارون ومؤمنون) [رؤيا يوحنا اللاهوتي الإصحاح 17 الآية 14] في الكتاب المقدس تشبيه لـ الله بالخروف !! في القرآن الكريم: (لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ * لَهُ مَقَالِيدُ السَّمَاوَاتِ وَالْأَرْضِ ۖ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّهُ بِكُلِّ شَيْءٍ عَلِيمٌ) [سورة الشورى 11 - 12] 5.في الكتاب المقدس: (فاستيقظ الرب كنائم كجبار معيط من الخمر) [المزامير الإصحاح 78 الآية 65] هل الله ينام ويستيقظ مخموراً ؟! تعالى الله عن ذلك. في القرآن الكريم: (لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ) [سورة البقرة 255] 6.في الكتاب المقدس: (هل الى الدهور يرفض الرب ولا يعود للرضا بعد. هل انتهت الى الابد رحمته انقطعت كلمته الى دور فدور. هل نسي الله رافة او قفص برجزه مراحمه.سلاه) [المزامير الإصحاح 77 الآيات 7-8-9) في القرآن الكريم : (قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ) [سورة الزمر 53] 7.في الكتاب المقدس: (امل اذنك يا الهي واسمع افتح عينيك وانظر) [دانيال الإصحاح 9 الآية 18] في القرآن الكريم : (وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا هُوَ ۚ وَيَعْلَمُ مَا فِي الْبَرِّ وَالْبَحْرِ ۚ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُبِينٍ) [سورة اﻷنعام 59] 8.في الكتاب المقدس: (لكنك رفضت ورذلت.غضبت على مسيحك. نقضت عهد عبدك.نجست تاجه في التراب. هدمت كل جدرانه.جعلت حصونه خرابا. افسده كل عابري الطريق.صار عارا عند جيرانه. رفعت يمين مضايقيه.فرحت جميع اعدائه. ايضا رددت حد سيفه ولم تنصره في القتال. ابطلت بهاءه والقيت كرسيه الى الارض. قصرت ايام شبابه غطيته بالخزي.سلاه حتى متى يا رب تختبئ كل الاختباء.) [المزامير الإصحاح 89 الآيات 38 إلى 46) هل الله يخلف وعده ويختبئ ؟! تعالى الله عن ذلك. في القرآن الكريم: (وَعْدَ اللَّهِ ۖ لَا يُخْلِفُ اللَّهُ وَعْدَهُ وَلَٰكِنَّ أَكْثَرَ النَّاسِ لَا يَعْلَمُونَ) [سورة الروم 6] ختاماً نذكر بقوله تعالى: (وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ ۚ سُبْحَانَهُ وَتَعَالَىٰ عَمَّا يُشْرِكُونَ) [سورة الزمر 67].

السعي في عفة وزواج ابنك أولى من الجامعة ومن كل شيء !