" سُبل الـ𓂆ـراشــدين| قرآن | Quran

الطفل الصغير لما أمه تزعقله أو تزقه بعيد عنها تلاقيه يعيط.. ويجري يمسك في هدومها ويترمي في حضنها هي! مبيهربش منها لحد تاني لأنه ميعرفش في الدنيا أمان ولا حنان غيرها وده حالك مع ربنا سبحانه وتعالى لما تضيق بيك الدنيا أو ينزل عليك ابتلاء يوجعك متلاقيش باب تروحله غير بابه فتجري تشتكي لربنا من قدر ربنا ! ﴿وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ﴾. منه إليه به فيه عليه له...

اللَّهمَّ صل وسَلِّمْ وباركْ على سَيِّدِنَا مُحَمد وعلى آلهِ وصَحْبهِ وسَلِّمْ تَسْلِيمَاً كَثيرَاً🕊️🤍

حبيت أفرحكم.. نتنيا؟هو سقط في الانتخابات❤️ غدا سيزهر الياسمين.. غداً تعود الدار بعد البُعد آنسة.. غداً تعود الدار لأصحابها.💚

انا مش ساحر ولا دجال ولكن البوست ده هسيبه هنا علشان يتشير كمان 100 سنه كده 1- الـ Ai بدأ يدخل الـ Visionary Field في نضاره بتقولك تدوس فين وانت بتتسلق الجبال وتنزل منها حتي وانت ماشي علشان تتجنب توسخ الشوز 2- الـ Ai بدأ انها يتحكم في العربيات ويخليك توصل مشاويرك من غير ما تسوق 3- الـ Ai بدأ يقيملك ويختارلك شريكة حياتك ولامؤاخذه يعني يرشدك ازاي تتكاثر 4- الـ Ai بدأ يقيم الاكل ويقولك السعرات وتاكل ايه ومتاكلش ايه بناء علي جسمك ولونك وسنك والـ Score بتاع تحاليلك ومع الوقت الإعتمادية بتولد الرفاهيه والجهل , ومع الوقت هيتولد جيل جديد مش عارف ازاي يمشي في الشارع من غير الاشتراك الشهري مش عارف ازاي يسوق عربيه من غير الاشتراك بتاع Claude ( اه متستغربش شوف الفرق بين سواقين التاكسي زمان وسواقين اوبر دلوقتي هتلاقي سواق التاكسي عارف كل تفصيله في الشارع عكس سواق اوبر الـ ميعرفش غير اللوكيشن ) هتلاقي جيل جديد الفقير فيه مش الـ مش لاقي ياكل ولا يشرب , لا الـ مش لاقي اشتراك التوكينز عموماً الـ Ai مش هسيطر علي بشر بشكل Terminator وبشكل I Robot لكنه هيحتل العقل البشري بـ انه يقوم بوظايفه العاديه جداً لحد ما الانسان ينسي ازاي يتحرك ازاي ياكل وازاي يشرب زي مسرحية الهمجي لـ محمد صُبحي لم ركب شريحة في دماغه - ولو ان البوست ده مش هيعمل حاجه الا اني حابب اقول لاحفادي اني كنت انسان حقيقي .. مش زيكم بمشي بـ اشتراك

تعرف الفرق بين المريض النفسي والمتدين؟ يعني لما تقابل إنسان طول اليوم بيشك في نيته وفي إيمانه وفي كل عمل بيعمله يسأل نفسه أنا عملته لله ولا عشان الناس؟ لدرجة إنه ممكن يبكي بحرقة ! أو يقعد يراجع نفسه بالساعات ! إنت تشوفه فتقول اللهم بارك ايه الإيمان القوي ده وهو في الحقيقة ممكن يكون مريض (وسواس) والمصيبة لما يقابله فيديو لمستشيخ مشهور بيقول حاجات زي إنت مين أصلًا ؟ هو ده عمل تقابل بيه ربنا ؟ حتى لو عملت اتهم نيتك ! يقوم منهار وحقه ينهار ما هو دماغه طول اليوم كانت بتقوله إنت منافق ونيتك فاسدة وعملك مش مقبول... ولما حاول يسمع اللي المفروض انهم دعاة لقاهم بيقولوا نفس الكلام بس باسم الدين! اقتنعت إننا في مصيبة؟ طب تعرف ايه المصيبة الأكبر منها؟ لما المستشيخ المشهور نفسه يكون هو كمان مريض يعني موسوس وفاكر إن ده (ورع) ! بيجلد نفسه ومسميها (محاسبة نفس) ! محتقر ذاته ومتخيل إن ده (تواضع) ! يا جماعة الناس وصلت لدرجة إن المريض يخاف لو بدأ يتحسن يعني مثلا لما يبطل يشك في كل نية يقول أنا بقيت (غافل) !

سيظل الزواج أكبر بطيخة في الدُنيا يارب بطيختنا تطلع حمرا وحلوة ومسكرة

السلام عليكم ورحمة الله وبركاته.. من عقوبة الله للعبد أن يبتليه بالنظر إلي الإباحية و العورات. م/ علاء حامد.

إجبار المرأة أن تتزوج بمن لا تريده، هذا من كبائر الذنوب والعياذ بالله أو من صغائرها ( الشيخ خاف من الجزم على انها من الكبائر لإن مفيش نص والمسألة محتاجة تحري) ويحرم على الأب وعلى غيره من الأولياء أن يجبروا المرأة على التزوج بمن لا تريده. فإن زوجوها بمن لا تريده للنكاح، فالنكاح فاسد لا تحل لزوجها، وعلى زوجها أن يتجنبه - الشيخ محمد بن صالح العثيمين رحمه الله

التيسير في الزواج من عوامل البناء الحقيقي للأسرة المثالية التي تُسهم في بناء المجتمع بناءً حقيقيًّا؛ ولذلك رغب الشرع في التيسير، فقال عليه الصلاة والسلام لشخص أراد الزواج: «الْتَمِسْ وَلَوْ خَاتَمًا مِنْ حَدِيد» رواه البخاري. فإذا كان خاتم الحديد يصلح مهرًا للزوجة فالمغالاة في المهر ليست من سنة الإسلام؛ لأنها سبب في تعقيد أمور الزواج، ويقول عليه الصلاة والسلام: «أَعْظَمُ النِّسَاءِ بَرَكَةً أَيْسَرُهُنَّ صَدَاقًا» رواه الحاكم في "المستدرك". #الأسرة_أمانة #بناء_الأسرة #هدفنا_الوعي_والتنوير #دار_الإفتاء_المصرية

ليه بتلوموا المتدينين على حاجات حتى الأنبياء نفسهم عملوها ؟! يعني ليه الشيخ لو قال إن هو نفسه في فلوس كتير ونجاح كبير تلاقي الكل داخل يفتش في قلبه ايه يا مولانااااا كل ده حب دنيا؟! طب تعرف إن سيدنا سليمان قال (وهَبْ لِي مُلْكًا لَا يَنْبَغِي لِأَحَدٍ مِنْ بَعْدِي) ؟ يعني ماطلبش من ربنا الكفاف وطلب مُلك وكمان محدش بعده يبقى عنده زيه! والسيدة مريم وهي في أشد لحظات وجعها قالت (يَا لَيْتَنِي مِتُّ قَبْلَ هَذَا وَكُنْتُ نَسْيًا مَنْسِيًّا) تخيل مسلمة النهارده من شدة اللي هي فيه تقول (يا ريتني كنت موت) كام واحد هيطمن عليها؟ وكام واحد هيقولها حاجات زي فين الرضا؟! أو إنتي إزاي تقولي كدا وإنتي مؤمنة؟! أو سيدنا يعقوب اللي فضل حزين على يوسف لحد ما (ابْيَضَّتْ عَيْنَاهُ مِنَ الْحُزْنِ) النهاردة الأنطاع والحلاليف والجلوف اللي عاملين فيها مفيش مسلمين غيرهم لو شافوك في مصيبة يعاتبوك ويقولوا الرضا بالقضاء فين؟! وسيدنا نوح بعد اللي شافه من قومه قال (رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا) ودعا عليهم. شوف بقى في مجتمعنا ايه اللي بيحصل لما المظلوم المقهور يدعي على اللي ظلمه ده ممكن الناس تسيب اللي ظلمه خالص وتمسك فيه هو ! إنت متدين إزاي وتدعي عليه؟ قلبك أسود اوي يا مولانا ! فين المسامحة يا عم الشيخ؟ يا ريت قبل ما تقول لحد إزاي تعمل كدا وإنت متدين؟! اسأل الأول هو اللي عمله حرام أصلًا؟ ولا انت اللي فاهم إن المتدين المفروض يبقى ملاك مش بني آدم؟

للمعترضين ع الاسكوتر جبتلكم الحل😂

هو ليه مفيش نساء في العشرة المبشرين بالجنة؟ مش كدا عندهم حق يقولوا إن الإسلام دين ذكوري؟ = أنا مش هرد عليكي بـ10 خدي 20 من المبشرات بالجنة: السيدة خديجة بنت خويلد السيدة عائشة بنت أبي بكر السيدة فاطمة الزهراء السيدة حفصة بنت عمر السيدة زينب بنت جحش أسماء بنت أبي بكر أم سليم بنت ملحان أم حرام بنت ملحان أم أيمن بركة الحبشية أم عمارة نسيبة بنت كعب سمية بنت خياط فاطمة بنت أسد أم رومان بنت عامر الربيع بنت معوذ أم ورقة الأنصارية أسماء بنت يزيد أم المنذر سلمى بنت قيس الفريعة بنت مالك أم هشام بنت حارثة كبشة بنت رافع العشرة المبشرين بالجنة مش معناها إن كل المبشرين بالجنة كانوا عشرة لكن العشرة دول بس اجتمعوا مع بعض في (حديث واحد). أما اللي بشّرهم سيدنا النبي ﷺ بالجنة ففيهم رجال ونساء غيرهم كتير.

هو ده بقى طبيعي وأنا اللي قديم ولا إيه؟! بنت تطلب أوبر أو ديدي موتوسيكل وتركب ورا شاب غريب طول الطريق ! عادي إنك تقعدي لازقة فيه كده طول السكة؟ خصوصًا بقى لو فرمل مرة واحدة؟ والجديدة كمان إنك ممكن تطلب موتوسيكل تلاقي اللي جايلك بنت هي اللي سايقة! طبعًا مطلوب مني أركب وراها؟ وإلا هكون منغلق ومتشدد ورجعي؟ لو خلاص مضطرة تشتغلي على (سكوتر) اشتغلي دليفري إنما تاخدي شاب غريب وراكي ليه؟ والشركات أصلًا المفروض في الموتوسيكلات تحديدًا تراعي إننا مش أمريكا والراجل ياخد راجل والبنت تاخد بنت وأنا عارف إن البنات اللي بتسوق لسه عددهم قليل بس هي بتبدأ كده.

بنت بكر مش متجوزة اختفت من بيت أهلها فترة وفجأة رجعت بس اكتشفوا إنها كانت حامل وولدت وكمان راجعة شايلة ابنها الرضيع على إيدها ! محدش شاف حمل ولا ولادة ولا يعرفوا الطفل ده جه إزاي؟ ولا مين أبوه؟ الخبر لوحده كان كفاية يخلي الناس كلها تتكلم خصوصًا إنهم عارفينها وعارفين أهلها طب لو إنت مكانهم كنت هتحكم عليها بإيه؟ المهم إنهم أول ما شافوها قالوا {يَا مَرْيَمُ لَقَدْ جِئْتِ شَيْئًا فَرِيًّا} ! بس قبل المشهد اللي شافوه كان فيه مشهد تاني محدش فيهم شافه لما المَلَك ظهر للسيدة مريم وقال {إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا} يا ريت بقى بعد كدا قبل ما تتكلم عن إنسان بسبب اللي سمعته عنه أو حتى اللي شوفته بعينك يا ريت تسأله الأول عن باقي قصته...

عظيم هو سر السلطة، الصليب ظهر في الطماطم😍 المشكلة إن لو اتجاه الطمطماية اتغير قليلاً هتعمل شكل X . وقتها يبقى نتحدث عن معجزات إيلون ماسك صاحب تطبيق X 🙄 ⛔️صدقني البحث عن الحق مش محتاج طمطماية و بطيخة، محتاج اتجاه لله برغبة صادقة وجادة في البحث بين الكتب وتطلب منه تعرف الحق قبل فوات الأوان، الله يهدينا ويهديكم😔 #اللهم_اغفر_لأمي_وأبي

للوقاية والعلاج من السحر والحسد، أنصحكِ بالرقية الشرعية، فارقي نفسكِ بقراءة الفاتحة سبع مراتٍ صباحًا ومساءً، وحصني نفسكِ بأذكار الصباح والمساء، وعليكِ بقراءة سورة البقرة، وإن تيسر لكِ من يقرأ عليكِ رقيةً شرعيةً، فلا بأس بذلكَ إن أمنت عقيدته، وكان يرقي بالرقية الشرعية المنافية للشرك والكلام غير المفهوم، ومن كتاب الله وسنة رسول الله، وبدون طلب اسم الأم وطلب أشياء مخصوصة. وأن يرقي الإنسان نفسه بنفسه خير من ذلك.

ظنوا إن العالم يسوده إنسانية وكرامة ودي كانت غلطتهم

لم يستطيعو هدم الأسلام بالمتبرجات .. فألبسو المتبرجات الحجاب واطلقوهم على عقول المراهقات وكأنك ترى بأم عينيك ما اخبر به رسول الله صلى الله عليه وسلم في الحديث الشريف (( يخرجُ في آخرِ الزمانِ قومٌ أحداثُ الأسنانِ سفهاءُ الأحلامِ يقرأونَ القرآنَ لا يُجاوزُ تَرَاقِيَهُمْ يقولونَ من قولِ خيرِ البريَّةِ ، يمرقونَ من الدِّينِ كما يَمرُقُ السهمُ من الرَّمِيَّةِ )) ويمكرون ويمكر الله والله خير الماكرين