СТЕПАН САРГЫДАЕВ

Чурапчы улууһун Мугудай нэһилиэгиттэн төрүттээх биллэр олоҥхоһут, норуот ырыаһыта, остуоруйаһыт, уран тарбахтаах туосчут Пелагея Михайловна Терютина-Ырыа Ымыычаан үрдүк аатыгар ыытыллыбыт улуустааҕы Олоҥхо ыһыаҕар сылдьан, олоҥхоһуттары, ырыаһыттары, ытык киһибит Ырыа Ымыычаан аймах-билэ дьонун, бука бары олохтоохтору, ыһыах ыалдьыттарын, тэрийээччилэри, эҕэрдэлээтим. Үрдүк тэрээһиннээх үтүөкэн ыһыахха дьон-сэргэ өрө көтөҕүллэн туран бары тэрээһиннэргэ, күрэхтэргэ үөрэ-көтө кытынна! Бу дьоро күҥҥэ тоҕооһуннаран Мугудай нэһилиэгин баһылыгар Николай Иннокентьевич Аммосовка эҕэрдэ суругу, Дмитрий Данилович Красильников аатынан Мугудай орто оскуолатын педагог-библиотекарыгар Данилова Елена Михайловнаҕа уонна Мугудай нэһилиэгин “Чуораанчык” уһуйаан-оҕо сайыннарар киинин сэбиэдэссэйигэр Сивцева Аксинья Алексеевнаҕа Саха Өрөспүүбүлүкэтигэр олохтоох бэйэни салайыныыны сайыннарыыга тус кылааттарын уонна өр сыллаах үрдүк таһаарыылаах үлэлэрин иһин Саха Өрөспүүбүлүкэтин муниципальнай оройуоннарын Сүбэтин Махтал бэлиэтин, Чурапчы улууһун култууратын управлениетын иһинэн үлэлиир Олоҥхо киинин творческай отделын специалиһыгар Монастырева Оксана Егоровнаҕа өр сыллаах үтүө суобастаах үлэтин, улууска култуура уонна искусство сайдыытыгар үтүөлэрин иһин «Чурапчы улууһа» муниципальнай оройуон Бочуоттаах грамотатын, “Күбэйэ” общественнай тэриллии салайааччытыгар, норуот маастарыгар Катакова Евдокия Петровнаҕа, Чурапчы улууһун бочуоттаах ветераныгар Пермяков Аркадий Гаврильевичка өр сыллаах үтүө суобастаах үлэлэрин, улуус социальнай экэнэмиичэскэй сайдыытыгар тус кылааттарын иһин "Чурапчы улууһа" муниципальнай оройуон "Улуус иннигэр үтүөлэрин иһин" 3-с степеннээх бэлиэтин, потребительскай кооперация ветераныгар Михайлова Екатерина Исаковнаҕа улуус социальнай-экономическай сайдыытыгар тус кылаатын иһин «Чурапчы улууһа» муниципальнай оройуон “Үтүө суобастаах үлэтин иһин” анал бэлиэтин, Мугудай нэһилиэгин Гаврил Егорович Скрябин аатынан “Эйгэ” норуот айымньытын дьиэтин салайааччытыгар Катаков Радислав Филипповичка өр кэмнээх үтүө суобастаах үлэтин, улууска култуура уонна искусство сайдыытыгар үтүөлэрин иһин Чурапчы улууһун баһылыгын анал бэлиэлээх Махтал суругун, “Саха Өрөспүүбүлүкэтин олох-дьаһах коммунальнай хаһаайыстыбата” судаарыстыбаннай унитарнай тэрилтэ Чурапчытааҕы филиалын Мугудайдааҕы учаастагын маастарыгар Захаров Иван Петровичка өр кэмнээх үтүө суобастаах үлэтин, улуус олох-дьаһах коммунальнай хаһаайыстыбатын сайдыытыгар тус кылаатын иһин Чурапчы улууһун баһылыгын Махтал суругун үөрүүлээх быһыыга-майгыга туттартаатым. Олоҥхоһут, норуот ырыаһыта, остуоруйаһыт, уран тарбахтаах туосчут Пелагея Михайловна Терютина-Ырыа Ымыычаан үтүө аата үйэттэн үйэҕэ үүнэр сүһүөх ыччаты олоҥхо кэрэмэн кэрэ эйгэтигэр ыҥыра-угуйа, умсугута туруо!

Чурапчы улууһун Мугудай нэһилиэгиттэн төрүттээх биллэр олоҥхоһуппут, норуот ырыаһыта, остуоруйаһыт, уран тарбахтаах туосчут Пелагея Михайловна Терютина-Ырыа Ымыычаан үрдүк аатыгар VI төгүлүн ыытыллар улуустааҕы олоҥхо ыһыаҕа ыытыллар үөрүүлээх үтүөкэн күнүнэн Пелагея Михайловна удьуор сыдьаан дьоннорун, улуус бары олохтоохторун, талба талааннаах олоҥхоһуттарбытын, ырыаһыттарбытын, уран тарбахтаах туосчуттарбытын, ыраахтан-чугастан кэлбит ыһыах ытык-мааны ыалдьыттарын эҕэрдэлиибин! Быйыл VI улуустааҕы Олоҥхо ыһыаҕа Ырыа Ымыычаан сырдык аатыгар ананыыта улууспутугар олоҥхо сайдыытыгар дьоһун суолталаах. Мугудайдар эрдэттэн бэлэмнэнэн элбэх үлэни ыытан, кэнчээри ыччакка олоҥхобут салгыы сайда-чэчирии турарыгар сыаллаан, бүгүҥҥү ытык ыһыахха кини олоҕун, олоҥхолорун  дьоҥҥо-сэргэҕэ, эдэр ыччакка киэҥник сырдатар соруктаахтара үөрдэр, олоҥхо үйэлэргэ барҕара турарыгар эрэлбитин күүһүрдэр. Бу курдук салгыы улууска, өрөспүүбүлүкэҕэ олоҥхо сайдыытыгар сыаналаммат кылаатын киллэрбит ытык киһибит талба талааныгар сүгүрүйүүнү, кини нэһилиэстибэтин харыстыыры, салгыы сайыннарыыны бэлиэтиир добун түһүлгэбит далааһына кэҥии турдун, олоҥхо дуораһыйар дорҕооно ыччат дьоҥҥо тиийэ, үйэттэн үйэҕэ тэнийэ-тарҕыы турдун! Дойдубут, Чурапчыбыт сайдыытын туһугар улууспутугар Оҥорон таһаарыы сылыгар, олоҥхоҕо этиллэринии, алын өттүттэн арыы аллар, үрүт өттүттэн үрүҥ илгэ сүүрэр гына күөх сайын быйаҥыттан сомсуоҕуҥ, биир сомоҕо буолан үлэлиэҕиҥ-хамсыаҕыҥ, дьоллоохтук олоруоҕуҥ! Уруй-туску, айхал-мичил буолуохтун!

Чурапчы гимназиятын үөрэнээччитэ Ньургуйаана Егорова литература предметигэр экзамеҥҥа 100 баалы ылбытынан уонна бу предмеккэ республика үрдүнэн соҕотох уһулуччу көрдөрүүнү ситиспитинэн Ньургуйаанаҕа, кини учууталыгар Александра Апрельевнаҕа, төрөппүттэригэр, гимназия коллективыгар улуус салалтатын уонна тус бэйэм ааппыттан истиҥник эҕэрдэлиибин! Ньургуйаанаҕа бу үрдүк ситиһиитэ киэҥ аартыктары арыйдын!

Бүгүн Чурапчы улууһун Мугудай нэһилиэгиттэн төрүттээх биллэр олоҥхоһуппут, норуот ырыаһыта, остуоруйаһыт, уран тарбахтаах туосчут Пелагея Михайловна Терютина-Ырыа Ымыычаан үрдүк аатыгар VI төгүлүн ыытыллаары турар улуустааҕы Олоҥхо ыһыаҕын иннинэ аар айылҕаттан, сир-дойду иччилэриттэн көҥүллэтии сиэрэ-туома толорон туран, аар баҕахтары туруордулар.  Ыһыах буолар сиригэр уонна нэһилиэккэ олохтоохтор күүстэринэн күн аайы хомунуу-иминии, кырааскалааһын үлэлэрэ, репетициялар уо.д.а. бара тураллар.   Мугудайдар Ырыа Ымыычааҥҥа аналлаах Олоҥхо ыһыаҕар ыраахтан-чугастан ыалдьыттары күүтэллэр!

Бүгүн Чурапчы олохтоохторо Арассыыйа күнүгэр өрөспүүбүлүкэҕэ бастакы улахан полумарафон «Забег Единства-2026» чэпчэки атлетикаҕа сүүрүүгэ кытыннылар. «Забег Единства-2026» үөрүүлээх аһыллыытыгар С.А. Новгородов аатынан Чурапчытааҕы орто оскуола үөрэнээччилэрэ Сайаана Николаева, Дьулуур Николаев уонна Дамир Михайлов дойду, өрөспүүбүлүкэ уонна улуус өрөгөй ырыаларын толорууларын кыттааччылар бары бииргэ ыллаһан доҕуһуолластылар. Чурапчы улууһун баһылыга Степан Саргыдаев, улуус депутааттарын мунньаҕын Сэбиэтин бэрэссэдээтэлэ Яков Оконешников уонна физическай культура уонна спорт туйгуна, СӨ спордун маастара, Полюс холода, Олоҥхо, өрөспүүбүлүкэ норуоттарын спортивнай оонньууларын 6 төгүллээх кыайыылааҕа, дьиэ кэргэнинэн Бүтүн Россиятааҕы уонна өрөспүүбүлүкэтээҕи күрэхтэһии кыайыылааҕа, бүгүҥҥү «Забег Единства 2026” полумарафон сүрүн судьуйата Василий Лукин бырааһынньыгынан уонна «Забег Единства-2026» өрөспүүбүлүкэҕэ бастакы улахан полумарафон буоларынан эҕэрдэлээн тыл эттилэр, полумарафоҥҥа уопсайа 7 дистанцияҕа кытта кэлбит 244 дьоҥҥо ситиһиилэри баҕардылар. Үөрүүлээх тэрээһиҥҥэ Каженкина Евдокия Николаевнаҕа СӨ физическай культуратын уонна спордун ветерана бочуоттаах бэлиэ туттарылынна. С.А.Новгородов аатынан Чурапчы орто оскуолатын «Беркут»  байыаннай-патриотическай кулуубун чилиэнннэрэ Айтал Седалищев,  Никита Кузьмин, Эрхаан Дьячковскай, С.К.Макаров аатынан Чурапчытааҕы гимназия “Мохсоҕол” байыаннай-партиотическай кулуубун чилиэнэ Сардаана Старостина бу хайысхаҕа уһулуччулаах ситиһиилэрин иһин “Юнармия” Бүтүн Россиятааҕы байыаннай-патриотическай  уопсастыбаннай хамсааһын “Юноармейская доблесть” бэлиэтин үһүс степенинэн наҕараадаланнылар. Маны сэргэ «Биһиги – Арассыыйа гражданнарабыт!” программа бүтүн Арассыыйатааҕы “Бастыҥнар хамсааһыннара” оҕо уонна ыччат хамсааһынын көҕүлээһинэн 6 оҕо аан бастаан паспорт тутан үөрдүлэр. Арассыыйа күнүнэн өссө төгүл итии, истиҥ эҕэрдэ! Туругурдун Арассыыйа!

Күндү биир дойдулаахтарбын Россия күнүнэн улуус салалтатын уонна тус бэйэм ааппыттан итиитик, истиҥник эҕэрдэлиибин! Бүгүҥҥү күн – Ийэ дойдубутун, кини көҥүлүн, устуоруйатын уонна култууратын көмүскүүргэ, чэчирии сайыннарыыга үйэлэр тухары бииргэ тутуһан баччаҕа диэри үрүлүйэ үлэлээн кэлбит Россия норуоттарын киэн туттар үрдүк үөрүүлээх бүттүүммүт бырааһынньыга. Биһиги бары төрөөбүт дойдубутун күүскэ таптыыбыт, кэлэр кэскилигэр эрэллээхпит. Ол күүстээх, бэриниилээх тапталбыт – биһиги дьыалабытыгар, үлэбит түмүктэригэр, оҕолорбут уонна төрөппүттэрбит тустарыгар кыһамньыбытыгар, тулалыыр олохпутун тупсарыыга, үтүө дьулуурбутугар уонна улахан эппиэтинэспитигэр ырылыччы көстөр. Анал байыаннай эпэрээссийэ бара турар бу уустук кэмигэр дойдубут кэлэр кэскилэ хайдах буолара биһиги биир сомоҕо түмсүүбүтүттэн улахан тутулуктаах. Аҕа дойдубутугар, бука барыбытыгар эйэлээх, көҥүл, уйгулаах олох туһугар таһаарыылаах үлэнэн баар ыарахаттары барытын кыайыахпыт!  Күндү биир дойдулаахтарбар, хас биирдии дьиэ кэргэҥҥэ айымньылаах үлэни, саҥа ситиһиилэри, үрдүк кирбиилэри, чэгиэн туругу баҕарабын!

🇷🇺С Днём России! Для каждого из нас Родина начинается с дома и земли, где мы выросли, с памяти о предках и веры в будущее. Из этой любви рождается большая любовь к нашей стране. Россия сильна своими людьми, великой историей, единством и способностью проходить через любые испытания. Якутия всегда была и остаётся важной частью этой силы, надёжной опорой страны, землёй стойких, трудолюбивых и талантливых людей. Сегодня мы особенно чувствуем, как важно быть вместе, поддерживать друг друга, гордиться своими защитниками, верить в нашу Победу и трудиться ради будущего родной республики и всей России. Желаю всем здоровья, добра, благополучия и твёрдости духа. Пусть в сердце каждого из нас живёт любовь к нашей России и гордость за неё! max.ru/aisen_nikolaev

Бүлүүгэ ыытыллаары турар «Дьулуур» спорт адаптивнай көрүҥнэригэр өрөспүүбүлүкэ XV спартакиадатыгар кытта бараары бэлэмнэнэр улуус спортсменнарын хамаандатын кытта көрүстүм. Спартакиада түөрт бөлөҕүнэн күрэхтэһиитигэр - истибэт дьоҥҥо чэпчэки атлетикаҕа, буулдьанан ытыыга, остуол тенниһигэр, дуобакка уонна саахымакка, харахтарынан мөлтөх дьоҥҥо голболга уонна чэпчэки атлетикаҕа, интеллектуальнай кэһиллиилээх дьоҥҥо чэпчэки атлетикаҕа, атах-сүһүөх өттүнэн инбэлииттээх дьон олорон эрэ волейболга, чэпчэки атлетикаҕа, остуол тенниһигэр, дуобакка уонна саахымакка бастыыр иһин киирсиэхтэрэ. Улууспут адаптивнай спорт көрүҥнэригэр хамаандатын бары кыттааччыларыгар Чурапчы спорт туоната буоларын бигэргэтэр туһугар күүскэ бэлэмнэнэллэригэр уонна кыайыыны аҕалалларыгар баҕардым.

Глава Чурапчинского улуса Степан Саргыдаев с министром образования и науки республики Нюргуной Соколовой осмотрели ход работ по капитальному ремонту здания МБДОУ "Центр развития ребенка - детский сад "Ымыы". Подрядчик ООО «ПД-Инжиниринг" нацелен завершить работу к сентябрю 2026 года. На сегодняшний день выполнены демонтажные работы и работы по устройству кровли на 100%. Ведутся отделочные работы по штукатурке и шпаклевке стен и перегородок, поставлены материалы – 35%, задействованы 12 человек. Министр пожелала подрядчику успешного завершения работ согласно графику. Глава улуса Степан Саргыдаев пригласил Нюргуну Соколову на торжественное мероприятие, которое состоится в сентябре по завершению капитального ремонта детсада "Ымыы". Также министр Нюргуна Соколова ознакомилась с работой детских лагерей "Кустук" и "Эрчим". В ходе посещения министр особое внимание уделила условиям проживания детей, питанию, медицинскому обслуживанию и безопасности, общалась с руководством лагерей, специалистами и воспитателями, чтобы получить полное представление о том, как организована работа с детьми во время летнего отдыха.

Бүгүн сыспай сиэлээҕи, хороҕор муостааҕы иитиинэн аатырбыт, тоҕус томтордоох Чурапчы улууһун ыалдьытымсах сиригэр 2-с төгүлүн ыытыллар Саха сирин эбии үөрэхтээһинин систиэмэтин үлэһиттэрин “Профессиональные вызовы – необходимые компетенции” өрөспүүбүлүкэтээҕи форумун үөрүүлээх арыллыытынан бука бары кыттыылаахтары уонна ыалдьыттары эҕэрдэлээтим, форум үлэтигэр ситиһиилэри баҕардым. https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

🌿🌿🌿🌿🌿🌿Күндү бар дьоммут! Үрүҥ Тунах ыһыахтарынан эҕэрдэлээн туран, бука барыгытын "Боотур-Уус" стадиоҥҥа сылын ахсын ыытыллар эстрада сулустара кыттыылаах 🌟"БАСТЫҤ ТҮҺҮЛГЭ"🌟 ыһыах бастыҥ кэнсиэригэр ыҥырабыт! 🤩🌟🤩🌟🤩🌟кэнсиэргэ киирии билиэттэри бу ссылканан киирэн атыылаһаҕыт👉🏻 https://aiylgy.ru/buy-tickets-2/?date=2026-06-21&place=e9a6fcbb-c527-447b-82c0-33e1305ded13&city=9a13c676-bb15-4c2b-af2d-ab5718f74ffc&language=ru биитэр "Боотур-Уус" стадиоҥҥа киириигэ тутатына атыылаһыаххытын сөп🤩(анал терминал уонна уу харчынан) төлөбүр үлэлиир👍🏻 кэнсиэр билиэтин сыаната 1️⃣0️⃣0️⃣0️⃣ солк.🤩🤩🤩🤩🤩🤩🤩🤩🤩 Онтон "Сүүйүүлээх оонньуу" билиэттэрин анал атыыланар сирдэртэн ылыаххытын сөп👍🏻👍🏻👍🏻 Розыгрыш билиэтэ 1️⃣0️⃣0️⃣0️⃣cолк. 🤩🤩🤩 Бу киэһэ аһаҕас халлаан анныгар чаҕылхай сулустардыын бииргэ буолуҥ! Кэрэ сайын тыынын бэйэҕитигэр бэлэхтээҥ! Уонна сүрүн бириис УАЗ патриот хаһаайына буол!!!🌿🤩🌿🤩🌿🤩🌿🤩🌿🤩👏🏻👏🏻👏🏻🥳🥳🥳🥳🥳🥳🥳

Строительство детского сада на 75 мест в мкр. Мурун-Тымпыйа с. Чурапча идёт полным ходом, строительная готовность объекта на сегодня составляет 50%. Разработчиком проектно-сметной документации является ООО «Прогресс проект». Генподрядчик ООО «СибТрансСтрой». Строительство началось с 21 октября 2024. Окончание строительства и ввод в эксплуатацию запланировано до начала учебного года. https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Бүгүн А.К. Софронов аатынан спортивнай комплекска бэс ыйын 12 күннэригэр ыытыллыахтаах "Забег единства" сүүрүү акциятыгар кыттарга стартовай пакеттары ыллыбыт! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Чурапчы улууһун баһылыгын бастакы солбуйааччы Рустам Данилов ыыппыт планеркатыгар ааспыт нэдиэлэ устатыгар ыытыллыбыт үлэлэр тустарынан иһитиннэрэн туран, ситиһиилэри бэлиэтээтэ, үүммүт нэдиэлэ үлэлэрин хайысхатынан саҥа соруктары туруорда. Суол тыын боппуруос буоларынан планерка бу боппуруостан саҕаланна. Федеральнай трассаҕа 163-187 килэмиэтиргэ суол алдьанан, ямочнай өрөмүөнү оҥорууга үлэ бара турар. Бу кэрчик суолу кыалларынан хапытаалынай өрөмүөҥҥэ киллэртэриини туруорса сылдьабыт диэтэ баһылык. Маны таһынан планеркаҕа бөҕү хомуйуу боппуруоһугар бөҕү тиэйии өҥөтүн иһин төлөбүр хомуура мөлтөҕүнэн, үбүлээһин тиийбэтиттэн “Якутские экологические сети» компания таһар-тиэйэр үлэтэ атахтанара бэлиэтэннэ.   Ааспыт нэдиэлэҕэ улуус баһылыга Хаҥалас улууһугар “Илин эҥэр” диэн турбазаҕа илин эҥэр улуустар бэрэстэбиитэллэрэ кыттыылаах туризмы сайыннарыыга аналлаах тэрээһиҥҥэ сылдьан, улуустарга турбазалары, турмаршруттары тэрийии, туризмы сайыннарыы боппуруостарын көрүүгэ кыттыыны ылбытын туһунан иһитиннэрдэ. Саҥа нэдиэлэҕэ оҕону иитиигэ ылар дьиэ кэргэннэргэ аналлаах семинар-практикум, эбии  үөрэхтээһин систематын үлэһиттэрин форумун үөрүүлээхтик арыйыы,  Социалистическай үлэ Геройа, биллиилээх сылгыһыт Р.И.Константинов төрөөбүтэ 130 үбүлүөйдээх сылыгар аналлаах улуус ыһыаҕар уонна Герой төрөөбүт нэһилиэгэр ыһыахха, ону сэргэ Мындаҕаайыга МП.М. Терютина-Ырыа Ымыычаан аатыгар Олоҥхо ыһыаҕар бэлэмнэнии үлэтигэр, “Илин” экопарканы сайыннарыы боппуруостарыгар анаммыт сүбэ мунньахтар, Арыылаах нэһилиэгэр демографическай десант буолуохтара. Салгыы үйэтитии комиссиятын, улуус сайдыытын стратегическай проектарын куратордарын мунньахтара итиэннэ Дм. Дыдаев саҥа бэчээттэнэн тахсыбыт кинигэтин презентациятын ыытыыга сүбэ мунньах буолуохтара.  Россия күнүн бырааһынньыга, бу күн Боотур Уус стадионугар сокуоннай саастарын сиппит оҕолорго пааспардарын үөрүүлээх быһыыга-майгыга  туттарыы, “Забег единства” сүүрүү күрэҕэ ыытыллыаҕа итиэннэ Чакырга бэс ыйын 12 күнүгэр буолар ыһыахтан ыла нэһилиэктэр ыһыахтара саҕаланан барыахтара. Планеркаҕа полиция отделын ааспыт нэдиэлэтээҕи сводкатын иһитиннэрии кэннэ баһылыгы солбуйааччы Мария Кронникова улууска буолуохтаах ыһыахтарга бэлэмнэнии сүрүн тэрээһин боппуруостарыгар тохтоон туран, нэһилиэктэргэ ыһыахтар  хаһан буолалларын, болдьохторун билиһиннэрдэ. Салгыы планеркаҕа биэдэмистибэлэр икки ардыларынааҕы хамыыһыйа тэриллибитинэн, бу хамыыһыйа хамнас хойутааһынын боппуруоһу көрөр,  хамнаска иэс тахсыбатын туһугар үлэлиир соруктааҕын туһунан иһитиннэрдилэр. Планерка биир ураты түгэнинэн 30 сыл устатыгар Чурапчы улууһугар   Аксения уонна Наталья Посельскаялар ааттарынан Дириҥнээҕи оҕо искусствотын оскуолатыгар хореограбынан, салгыы 17 сыл оскуола директорынан үрдүк таһымнаахтык, айымньылаахтык үлэлээн кэлбит, улууска биир бастыҥ таһаарыылаах үлэлээх салайааччытын Аял Прокопьевич Новгородовы атын үлэҕэ атаарыы сиэрэ-туома буолла. Аял Прокопьевич Дьокуускайга 2 №-дээх Оҕо искусствотын оскуолатын директорынан ананан, ыҥырыллан үлэлии барар.  Аял Новгородов тыа сиригэр оҕо искусствотын оскуолатын сайыннарыыга улуустан өрөспүүбүлүкэҕэ, Уһук Илиҥҥэ уонна дойдуга  тиийэ билиниллибит үрдүк квалификациялаах профессионал, бастыҥ салайааччы, бастыҥ директор, лауреат ааттарын ылбыта. Планеркаҕа кини сатабыллаах салалтатынан оскуола коллектива методическай, научнай, профильнай хайысхаларга барытыгар үрдүк таһымнаахтык үлэлээн кэлбитэ бэлиэтэннэ. Улуус тарбахха баттанар салайааччыта, уопсастыбаннай үлэ өрүү көхтөөх кыттааччыта, «Родительская слава” Бүтүн Россиятааҕы форумҥа кыттыбыт сэттэ оҕолоох улахан дьиэ кэргэн аҕа баһылыга Аял Новгородов Чурапчы улууһугар өр сыллаах үлэтин устатыгар үүнэр сүһүөх ыччакка духуобунай сайдыыны киллэрбит улахан кылаатын иһин Рустам Данилов киниэхэ улуус Бочуоттаах грамотатын туттарда, инники улахан эппиэтинэстээх үлэтигэр  ситиһиилэри баҕарда. https://max.ru/id1430007786_gos

Бүгүн - Социальнай үлэһит күнэ. Социальнай үлэһит күнүнэн бу амарах сыһыаны, кыһамньыны уонна үтүөнү үксэтэр дьоһун эйгэ бары үлэһиттэрин, бэтэрээннэрин улуус салалтатын уонна тус бэйэм ааппыттан итиитик, истиҥник эҕэрдэлиибин! Россия Президенэ В.В.Путин бэс ыйын 8 күнүн Социальнай эйгэ үлэһиттэрин күнүнэн биллэрбитэ. Бу бырааһынньык күнэ – өйөбүлгэ, көмөҕө наадыйар дьоҥҥо судаарыстыба, салалта уонна социальнай үлэһиттэр өттүлэриттэн болҕомто уҕараабатын, салҕанарын санатар суолталаах күн. Эһиги, социальнай үлэһиттэр, баар буолаҥҥыт, кыаммат-түгэммэт дьоммут көмө ылаллар, барыта этэҥҥэ буолуоҕар уонна сарсыҥҥы күннэригэр эрэллээхтэр. Тулуурдаах-дьулуурдаах үлэҕитинэн, амарах санааҕытынан бэтэрээннэр, инбэлииттэр, элбэх оҕолоох ыаллар, тулаайах оҕолор уонна уустук быһыыга-майгыга түбэспит биирдиилээн дьон ыарахаттары туоруулларыгар күннэтэ күүс-көмө, тирэх буолаҕыт. Хамсык да кэмигэр, билигин анал байыаннай дьайыы да кэмигэр улууспут социальнай сулууспата нэһилиэнньэҕэ араас судаарыстыбыннай уонна социальнай өҥөнү, аһымал тэрээһиннэрин кыһамньылаахтык оҥорон, дьоҥҥэ-сэргэҕэ күүс-көмө, өйөбүл-тирэх буолан кэллэ. Бу курдук улахан бэриниилээх үлэҕит иһин бүгүн эһиэхэ уонна бэтэрээннэргэ махтал сылаас тылларын тиэрдэбит. Ыарахаттартан абырыыр сылаас кыһамньыгытынан, сыралаах үлэҕитинэн киэн туттабыт уонна көмөҕө наадыйар дьоҥҥо күннэтэ сүрэххит сылааһын аныыр чэпчэкитэ суох үлэҕитигэр ситиһиилэри, чөл, чэгиэн туругу, тус олоххутугар дьолу, этэҥҥэ буолууну баҕарабын! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Чурапчыбыт улууһун фитнес-аэробикаҕа хамаандатын уонна тренер Вера Иннокентьевна Аммосованы хамаандабыт фитнес-аэробика XVII өрөспүүбүлүкэтээҕи чемпионатыгар күрэхтэһиигэ 4 миэстэни ылбытынан итиэннэ ол түмүгэр эһиил Ньурбаҕа ыытыллыахтаах өрөспүүбүлүкэ норуоттарын IX спортивнай оонньууларыгар кыттар бырааптаммытынан эҕэрдэлиибин! Улууспут хамаандатыгар эһиил Ньурбаҕа буолуохтаах Өрөспүүбүлүкэ норуоттарын IX спортивнай оонньууларыгар бастыыр иһин сыл устатыгар өссө күүстээх бэлэмнэниини, саҥа кыайыылары-хотуулары баҕарабын! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Бүгүн Чурапчы нэһилиэгин иһигэр үлэлиир тэрилтэлэр олохтоох дьаһалта көҕөрдүүгэ биллэрбит декадатын түмүктүүр субуотунньукка кытынныбыт. Декада түмүктэммитин да иһин тэрилтэлэр үлэлиир сирдэрин мас олордон көҕөрдөр үлэлэрэ салгыы барыаҕа. Түөрт тэрилтэ, улуус дьаһалтата, РЭС, улуус социальнай көмүскэлгэ уонна үлэҕэ управлениета, «Якутлесресурс» улуустааҕы салаата, Ленин болуоссатыгар 90 хатыҥы олортубут. Улуус дьаһалтатын үлэһиттэрэ дьаһалта аттыгар 60 хатыҥы олортубут. Ону таһынан былырыын олордуллан баран кыайан үүммэтэх мастар оннуларыгар саҥалары олордуу үлэтэ барда. Улуус уонна Чурапчы нэһилиэгин салалталарын өттүттэн «Күөх Чурапчы» программаны олоххо киллэриигэ кыттыбыт бары үлэһиттэргэ, олохтоохторго барҕа махталы этэн тураммыт, бу олордуллубут мастары харыстабыллаахтык көрөн-харайан улаатыннарыаҕыҥ, Чурапчы нэһилиэгин күөх солко суугун ортотугар үүнэр-сайдар тапталлаах дьоһун-мааны туонаҕа кубулутуоҕуҥ диэн ыҥырабыт! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Чурапчы улууһун салалтатын, олохтоохторун уонна тус бэйэм ааппыттан өрөспүүбүлүкэ судаарыстыбаннай уонна уопсастыбаннай диэйэтэлин, РФ нэһилиэнньэтин социальнай көмүскэлин үтүөлээх үлэһитин, өрөспүүбүлүкэ норуотун хаһаайыстыбатын үтүөлээх үлэһитин, ытыктабыллаах биир дойдулаахпытын Альбина Иннокентьевна Поисееваны 2026 сылга нэһилиэнньэ социальнай өттүнэн өйөбүллээх, көмүскэллээх буоларыгар ылыллар Саха Өрөспүүбүлүкэтин сокуоннарын ситэрэн-хоторон оҥорууга үрдүк үтүөлэрин уонна көхтөөх уопсастыбаннай үлэтин иһин Ил Дархан Ыйааҕынан өрөспүүбүлүкэ нэһилиэнньэтин социальнай көмүскэлин эйгэтигэр олохтоммут М.Д. Нартахова аатынан Судаарыстыбаннай бириэмийэнэн наҕараадаламмытынан истиҥник эҕэрдэлиибин! Альбина Иннокентьевна, эн уһун сылларга өрөспүүбүлүкэ нэһилиэнньэтин социальнай көмүскэлин эйгэтигэр үрдүкү тутаах салайааччы, "Пенсионнай пуонда", "Барҕарыы пуондата" уо.д.а. курдук, улахан тэрилтэлэр сирэй салайааччыларын уонна Ил Түмэн хас да ыҥырыытын депутаатын быһыытынан ырааҕы көрөр киэҥ далааһыннаах уонна улахан көдьүүстээх үлэҥ түмүгэ, мунньуммут баай уопутуҥ инникитин даҕаны Саха сирин олохтоохторугар, бука барыбытыгар туһалыы, көдьүүстүү, араҥаччылыы туруоҕа! Дьокуускай куоракка олорор Чурапчы улууһуттан төрүттээх биир дойдулаахтарбыт түмсүүтүн биир тутаах лиидэрин быһыытынан ыытар кырата суох үлэҕин, сүбэ-соргу буолар ыллыктаах тылгын, улахан өйөбүлгүн, улууспут сайдыытыгар киллэрбит сүҥкэн кылааккын өрүү үрдүктүк сыаналыыбыт, махтанабыт. Ытыктабыллаах күндү киһибитигэр кытаанах доруобуйаны, уһун дьоллоох олоҕу, бар дьоҥҥор социальнай өттүнэн эрэллээх эркин, суон дурда, халыҥ хахха буолар суолталаах айымньылаах үлэҕэр ситиһиилэри баҕарабын! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec

Чурапчыттан Василий Васильевич, Надежда Ивановна Лукиннар оҕолорун Айгыынаны уонна Арчыны кытта Саха Өрөспүүбүлүкэтин Үлэ кэлэктииптэрин V спартакиадатын уотун үөрүүлээх быһыыга-майгыга уматыылара тапталлаах Чурапчыбыт спорт туоната буоларын өссө төгүл бигэргэттэ, барыбыт сүргэтин көтөхтө! Лукиннар дьиэ кэргэнинэн чөл олоҕу уонна спорду өрө тутуулара, бу эйгэҕэ элбэх ситиһиилэрэ бука барыбытыгар чахчы да чаҕылхай холобурунан буолар. Василий уонна Надежда Лукиннар оҕолорунаан Курскайга буолбут Бүтүн Россиятааҕы тыа сирин спортивнай оонньууларыгар кыайыылаахтарынан буолан тураллар. Маны таһынан спорка көхтөөх дьиэ кэргэн Чебоксары уонна Тамбов куораттарга Үлэ кэлэктииптэрин Бүтүн Россиятааҕы VI уонна VII  спартакиадаларыгар икки төгүл кыайыыны ситиспитэ. Лукиннарынан киэн туттан тураммыт, спорду, чөл олоҕу өрө тутар дьиэ кэргэттэр элбээн, тэнийэн иһэллэригэр баҕарыаҕыҥ! Бэс ыйын 4-7 күннэригэр ыытыллыахтаах спартакиадаҕа Чурапчы улууһуттан төрүттээх биир дойдулаахтарбыт өрөспүүбүлүкэ физическэй култуураҕа уонна спорка министиэристибэтин спорт уонна үөрэхтээһин сборнай хамаандаларын састаабыгар кыттыахтара. Ол курдук  хамаанда хапытаанынан Н.С. Тимофеев аатынан олимпийскай резервэ оскуолатын  тренер-преподавателя, волейболга өрөспүүбүлүкэ сборнай хамаандатын старшай тренерэ Айсен Жерготов буолар. Ону сэргэ хамаандаҕа “Мама, папа, я – спортивная семья” күрэххэ  икки спортивнай дьиэ кэргэн Василий, Надежда Лукиннар оҕолорун Айгыынаны уонна Арчыны кытта спорт салаатыттан итиэннэ Петр, Анжелика Жегусовтар оҕолорун Арылханы кытта үөрэхтээһин салаатыттан куоталаһыыларга кыттыахтара. Оттон кылгас дистанцияҕа сүүрүк Петр Бабиченко үөрэхтээһин салаатыттан киирсиэ.  Спартакиада кыттыылаахтара барыта спорт 11 көрүҥэр: шахматка, волейболга, баскетболга, гиирэ спордугар, чэпчэки атлетикаҕа, остуол тенниһигэр, буулдьанан ытыыга, харбааһыҥҥа, канааты тардыыга, мини-футболга уонна спортивнай дьиэ кэргэн күрэҕэр илин былдьаһыахтара. Кинилэргэ бука барыларыгар спартакиадаҕа күүстээх кыттыыны, кыайыы үрдүк өрөгөйүн баҕарыаҕыҥ! https://max.ru/join/hig4PxW4mWat0tY7KuPjx7UOL_df5UuS4oQZbf_v3Ec