Ormilitarism

Hindistan Hərbi Dəniz Qüvvələri üçün iki MQ-9B SeaGuardian PUA-sının 30 aylıq icarəsi ilə bağlı 203 milyon dollarlıq müqavilə imzalayıb. Bu müqavilə Hindistanın 31 ədəd MQ-9B PUA-sının alınması üzrə 3–4 milyard dollarlıq layihəsi həyata keçirilənədək keçid mərhələsi rolunu oynayır. Böyük müqavilə çərçivəsində tədarüklərin 2028–2029-cu illərdə həyata keçirilməsi gözlənilir.

Ukraynanın yerli istehsalı olan ilk idarəolunan aviasiya bombası Vyrivniuvach (Equalizer) sınaqları başa vurub. Bu dəst standart 250 kq-lıq bombanı 130 km-ə qədər məsafəyə uça bilən dəqiq idarə olunan sursata çevirir. Onun qiyməti ABŞ istehsalı JDAM-ER-in təxminən üçdə biri qədərdir. Bombanın ilk döyüş istifadəsinin iyunun sonunda MiQ-29 qırıcısından həyata keçirildiyi təsdiqlənib. Ukraynada buna bənzər təxminən 10 sistem hazırlanma mərhələsindədir və onların hamısının Qərb analoqlarından əhəmiyyətli dərəcədə ucuz olduğu bildirilir.

Sudan ordusunun Akıncı PUA-sı BƏƏ tərəfindən dəstəklənən RSF terror qruplaşmasının idarə etdiyi Çin istehsalı olan CH-95 PUA-sını vuraraq məhv edib.

BƏƏ-nin kölgə şəbəkəsi kolumbiyalı muzdluları Sudandakı Çevik Dəstək Qüvvələrinə (RSF) yönləndirir

Avqustun 12-nə keçən gecə Novorossiysk körfəzində “Admiral Essen” və “Admiral Makarov” freqatlarına Ukrayna PUA-larının hücum etdiyini göstərən daha aydın peyk görüntüsü yayımlanıb. Görüntülərdə “Admiral Essen” gəmisində “Kalibr” qanadlı raketlərinin buraxıldığı 3S14 UKSK qurğularının ətrafında zərbədən sonra yaranan yanğın izləri görünür. “Admiral Makarov”da isə gəminin ön hissəsində, “Kalibr” raketlərinin yerləşdiyi bölmənin sol tərəfində göyərtədə böyük dəlik müşahidə olunur. Gəminin arxa hissəsində yerləşən “Centavr-NM1” peyk rabitə sistemi və “Pozitiv-M1.2” radarı da zədələnmiş ola bilər. Əgər zədələrin ciddi olduğu təsdiqlənərsə, hər iki freqatın uzunmüddətli təmirə göndərilməsi lazım gələ bilər. Bu halda Rusiya Qara Dəniz Donanması eyni anda iki müasir freqatını və onların ümumilikdə 16 “Kalibr” raketi ilə zərbə endirmək imkanını itirə bilər.

ABŞ-ın Texas ştatının Fort-Uort şəhərindəki zavodunda Almaniya Hərbi Hava Qüvvələri üçün nəzərdə tutulan ilk F-35A Lightning II (MG-01) 5-ci nəsil çoxməqsədli qırıcı təyyarə istehsal olunub. Təyyarənin sınaqlara başlamazdan əvvəl üzərinə boya və xüsusi qoruyucu örtük çəkilməsi qalıb. Bunun ardınca isə təqdimat mərasimi keçiriləcək. Almaniya Hərbi Hava Qüvvələri üçün 35 ədəd F-35A qırıcısının alınmasına dair müqavilə 2022-ci ilin dekabrında imzalanıb. Müqavilənin ümumi dəyəri 8,3 milyard avro təşkil edir.

Şərq sahilində iri və müasir döyüş gəmiləri üçün yeni hərbi-dəniz bazasının inşasına əlavə olaraq, KXDR ölkənin qərb sahilində də analoji obyektin tikintisinə başlayıb. Yayımlanmış peyk görüntülərinə əsasən, Sok adasında tikinti işlərinə başlanılıb. Burada inşaatçılar üçün düşərgənin qurulması və həmçinin nəqliyyat infrastrukturunun hazırlanması həyata keçirilir. Beləliklə, KXDR yaxın vaxtlarda ölkənin hər iki sahilində böyük su tutumlu gəmilər üçün nəzərdə tutulmuş iki tammiqyaslı hərbi-dəniz bazasına sahib olacaq.

İsrail Hərbi Hava Qüvvələri İdlib vilayətində yerləşən Əbu-əd-Duhur Suriya aviabazasına silsilə hava zərbələri endirib. Aviabaza 1 dekabr 2024-cü ildə silahlı qrupların hücumu zamanı, döyüşsüz ələ keçirilib. 2026-cı ilin mayından etibarən isə Suriyanın yeni hakimiyyəti aviabazanın bərpası və modernləşdirilməsi ilə məşğul olmağa başlayıb. Aşağı keyfiyyətli peyk görüntülərinə əsasən, ərazidə yeni tikililərin inşasına və uçuş-enmə zolaqlarının təmirinə başlanılıb. Mövcud məlumatlara görə, Əbu-əd-Duhurda sağ qalmış Su-22 qırıcıları və L-39 təyyarələri yerləşdirilib. İsrailin bu hava zərbələri qonşu ölkənin Suriyadakı hərbi fəallığı diqqətlə izlədiyini və onun Hərbi Hava Qüvvələrinin hətta minimal səviyyədə bərpasına belə imkan vermədiyini göstərir. Xüsusilə nəzərə almaq lazımdır ki, zərbəyə məruz qalan aviabaza Türkiyə sərhədindən təxminən 70 kilometr məsafədə yerləşir və Türkiyə aviasiyasının burada bazalaşdırılması üçün istifadə oluna bilərdi.

Avqustun 15-də Samarada yerləşən “Proqress” Raket-Kosmik Mərkəzinin sexlərindən birinə iki FP-5 “Flaminqo” raketi ilə endirilən zərbənin nəticələri. “Proqress” Raket-Kosmik Mərkəzi Rusiyanın aparıcı raket-kosmik müəssisələrindən biridir və digər layihələrlə yanaşı, “Büro-1440” (Rassvet) şirkətinin peyk interneti aparatlarının orbitə çıxarılması üçün istifadə olunan “Soyuz” tipli daşıyıcı raketlər istehsal edir. Hazırda bu sistem Ukraynada ciddi narahatlıq doğurur.

Polşa Silahlı Qüvvələrinin 1920-ci ildə Sovet Rusiyası üzərində qələbənin 106-cı ildönümünə həsr olunmuş Varşavadakı hərbi parad keçidi.

“Geran-2” dronu R-60M “hava-hava” raketi üçün buraxılış qurğusu ilə birlikdə İstanbulun Yeniköy rayonunun sahilinə çıxıb.

Moskva ətrafında 2023-cü ildən etibarən bir neçə halqa şəklində inşa edilən və paytaxt regionunun dron əleyhinə müdafiəsinin əsasını təşkil edən 35 metrlik zenit qülləsində yerləşdirilmiş “Pantsir-S1M” ZRPK kompleksi haqqında reportaj. Bu yaxınlarda həmin qüllələrin ölkənin digər regionlarında da inşa edilməsinə başlanılıb. Hava hücumundan müdafiə kompleksi, pilotsuz uçuş aparatlarına qarşı istifadə üçün xüsusi uyğunlaşdırılmış yeni kiçikölçülü TKB-1055 “Qvozd” zenit idarəolunan raketlərindən istifadə edir.

Rostov vilayətinin Kamensk-Şaxtinski şəhərində yerləşən “Kamenski Kombinatı”na Ukrayna Silahlı Qüvvələrinin zərbələrinin nəticələri. Görüntülər Qərb peykləri tərəfindən çəkilib. Peyk görüntülərinə əsasən, yanğının və partlayış məhsullarının qonşu binalara yayılmasının qarşısını almaq üçün nəzərdə tutulmuş ayrıca torpaq bəndlərlə əhatələnmiş bir neçə tikili ciddi zədələnib. Bildirilir ki, müəssisə bərk raket yanacağı və yanacaq yükləri istehsal edir. Bu məhsullar arasında “Uraqan”, “Smerç” və “Tornado-S” reaktiv yaylım atəş sistemləri, həmçinin “İsgəndər-M” operativ-taktiki raket kompleksi üçün nəzərdə tutulan yanacaq yüklərinin olduğu iddia edilir.

İsrail Türkiyənin arxa baxçası İdlibə zərbələr endirib. Heç bir səbəb olmadan.

Dubayda həyəcan siqnalları verilib. Böyük ehtimalla BƏƏ yə məxsus gəmiyə hücum edilir.

Tramp Hörmüzü ABŞ ərazisi kimi göstərən xəritə paylaşıb.

"Hörmüzü ABŞ ərazisi elan etmək yaxşı fikirdir. Hazırda biz ona nəzarət edirik, boğaz açıqdır sonradan onu məhv edə bilərik Amerika ərazisi elan etməkdə. Bu gələcəkdə təhlükəsizliyi gücləndirəcək". - Tramp

Bu posta rəy atanları dəvət edirəm.