Ethio-Italy Polytechnic College (Dire Dawa)

የኢትዮ-ጣሊያን ፖሊቴክኒክ ኮሌጅ ለኤረር የግብርና ቴክኒክና ሙያ ማሰልጠኛ ኮሌጅ የኔትወርክ መሰረተ ልማት ዝርጋታ ማቴሪያሎችን ድጋፍ አደረገ:: #EIPC ህዳር 3.2019 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ በዘርፉ ካካበተው ልምድና ከፍተኛ አቅም አኳያ በምስራቁ አካባቢ አጎራባች የሆኑ ቴክኒክና ሙያ ኮሌጆችን የመደገፍና በዘላቂነት የማብቃት ስራዎችን እያከናወነ የሚገኝ ሲሆን በዚህም ለኤረር የግብርና ቴክኒክና ሙያ ማሰልጠኛ ኮሌጅ የኔትዎርክ መሰረተ ልማት ዝርጋታ ማቴሪያሎችን ጨምሮ በኮሌጁ የICT ዲፓርትመንት ላብራቶሪ የማደራጀት ስራዎችን በማከወን ለኮሌጁ ልዩ ድጋፍ አድርጓል:: በተደረገው ድጋፉም የተቋሙ አስተዳደር ህንጻ ጨምሮ የICT ዲፓርትመንት የመማሪያ ላብራቶሪን የኔትዎርክ መሰረተ ልማት ለመዘርጋት የሚረዱ አጠቃላይ የዋጋ ግምታቸው 849,300.00(ስምንት መቶ አርባ ዘጠኝ ሺህ ሶስት መቶ ብር) የሆነ ማቴርያሎችን በስጦታ መልክ ድጋፍ ማድረግ ተችሏል:: ከማቴሪያል ድጋፍ በተጨማሪም ኮሌጁ የራሱን ባለሞያዎች ወደ ቦታው በመላክ የግብርና ማሰልጠኛ ኮሌጁ አስተዳደር ህንጻ ላይ ሙሉ የኔትዎርክ መሰረተ ልማት ዝርጋታ የተሰራ ሲሆን እንዲሁም በተቋሙ የICT ዲፓርትመንት ለመክፈት የሚረዳ አንድ የማሰልጠኛ ላብራቶሪ የማደራጀት ስራም ተከናውኗል:: የኢትዮ-ጣሊያን ፖሊቴክኒክ ኮሌጅ ለኤረር ግብርና ቴክኒክና ሙያ ማሰልጠኛ ኮሌጅ ባደረጋቸው የማቴሪያልና የሙያ ድጋፎች አማካኝነት ኮሌጁ የICT ዲፓርትመንት ለመክፈትና ለማሰልጠን የሚያስችለውን እውቅናና ፍቃድ ማግኘት የቻለ ሲሆን የኮሌጁ ሀላፊዎችም በኢትዮ-ጣሊያን ፖሊቴክኒክ ኮሌጅ ለተደረገላቸው ዘርፈ ብዙ ድጋፍ ልባዊ ምስጋናቸውን በመግለፅ ለኮሌጁ የእውቅና ምስክር ወረቀት አበርክተዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

በስራ አለም ላይ ከሚገኙ የቀድሞ የኮሌጃችን ሰልጣኞች መካከል ከወጣት ዳግማዊ ወንድሙ ጋር ያደረግነው አጭር ቆይታ!!

የኮሌጁ ማኔጀመንት በተቋሙ የሚገኙ የስራ ክፍሎችን የሩብ አመት የስራ አፈፃፀምና የቀጣይ 100 ቀናት እቅድ ምልከታ ላይ ያተኮረ መድረክ መካሄድ ጀመረ:: #EIPC ጥቅምት 19.2019 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ ማኔጅመንት በኮሌጁ የሚገኙ የስራ ክፍሎች ላይ ከዚህ ቀደም በተሰጡ አቅጣጫዎች መሰረት የክፍሎችን የ1 ሩብ አመት የስራ አፈፃፀምና የስራ እንቅስቃሴ መመልከት የጀመረ ሲሆን በተቀመጠው መርሃ-ግብር መሰረትም የኤሌትሪካል/ኤሌክትሮኒክስ ስልጠና ክፍልን ምልከታ አካሂዷል:: በመድረኩ የስልጠና ክፍሉ ከተሰጠው ተልዕኮ እንኳያ ባለፉት 3ወራት የተሰሩ ተግባራትን አፈፃፀም በዝርዝር መመልከት የተቻለ ሲሆን የተመዘገቡ ውጤቶችን ጨምሮ ያጋጠው ተግዳሮቶች ላይ ውይይት ተካሂዷል:: ማኔጅመንቱ በስልጠና ክፍሉ ሚከናወኑ የቀጣይ 3ወር ቁልፍ ተግባራትም የተመለከተ ሲሆን በተጨማሪም የመንግስት አቅጣጫን መነሻ በማድረግ በተቋም ደረጃ የሚተገበሩ የቀጣይ የ100 ቀናት እቅድ ላይ ውይይት በማድረግ የጋራ አቅጣጫ ማስቀመጥም ተችሏል:: በኮሌጁ ማኔጅመንት የተጀመረው ይህ የስራ ክፍሎች ምልከታ በመርሃ-ግብሩ መሰረት በቀጣይ ቀናትም በሌሎች ስራ ክፍሎች ላይ የሚቀጥል ሲሆን አላማውም ተልዕኮዎችን በወቅቱና በሚፈለገው ደረጃ ለማስፈፀምና ተጠያቂነትንም ጭምር ለማስፈን ያለመ መሆኑም ተገልፇል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

በኮሌጅ የ2019 ዓ.ም ለአዲስ መደበኛ ሰልጣኞች የስልጠና ማስጀመርያ ኦረንቴሽን ተሰጠ:: #EIPC ጥቅምት 19.2019 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ በ2019 የስልጠና ዘመን በተለያዩ የስልጠና ዘርፎች አዲስ ለተቀበላቸው የቀን ምደበኛ ሰልጣኝ ተማሪዎች የእንኳን ደህና መጣችሁ አቀባበል እና የስልጠና ማስጀመርያ ኦረንቴሽን ሰጥቷል:: በኦረንቴሽን መድረኩ ላይ ለሰልጣኞች መልዕክት ያስተላለፉት የኮሌጁ ም/ል ዲን እና የውጤት ተኮር ስልጠና ዋና ሀላፊ አቶ ኤሊያስ አህመድ በክህሎት የዳበረ ብቁና ስራ ፈጣሪ ዜጋ ወደ ምትሆኑበት ኮሌጃችሁ እንኳን በደህና መጣችሁ ያሉ ሲሆን በኮሌጁ በሚኖራችሁ ቆይታም ውጤታማ የስልጠና ጊዜ እንዲኖራችሁ ኮሌጁ በልዩ ሁኔታ ዝግጅት ማድረጉንም ገልፀዋል:: ም/ል ዲኑ አክለው ሰልጣኞች በኮሌጁ የሚኖራቸውን የስልጠና ቆይታ ብቃታቸውን ሊያሳድጉ ሚችሉበትን Simulation ጨምሮ ከዘመኑ ቴክኖሌጂ ጋር መራመድ የሚያስችሉ የSmart ClassRoom መደራጀታቸውን ገልፀው በተጨማሪም በኮሌጁ የትኩረት ዘርፍ በሆኑና በEASE ፕሮጀክት በሚደገፉ Hard Skills ላይ ለሚሰለጥኑ ሴት ሰልጣኞች ከፍተኛ ማበረታቻ እና ልዩ ልዩ የድጋፍ ማዕቀፎችን ኮሌጁ ማዘጋጀቱንም በመድረኩ አብስረዋል:: በመድረኩ በመደበኛ ስልጠና አስተባባሪ አማካኝነት ለአዲስ ገቢ ሰልጣኞች አጠቃላይ የስልጠና አሰጣጥ ሂደቱ በመለከተ እንዲሁም በኮሌጁ ቆይታቸው ስለሚመሩበት ህግና ደንብ ሰፊ ገለፃና ማብራሪያ በስልጠና ለሰልጣኞች ግንዛቤ መፍጠርም ተችሏል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

ለቀን አዲስ ገቢ ሰልጣኝ ተማሪዎች በሙሉ!!

በኮሌጅ የ2019 ዓ.ም ለምሽት አዲስ ሰልጣኝ ተማሪዎች የስልጠና ማስጀመርያ ኦረንቴሽን ተሰጠ:: #EIPC ጥቅምት 16.2019 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ በ2019 የስልጠና ዘመን በተለያዩ የስልጠና ዘርፎች አዲስ ለተቀበላቸው የምሽት ሰልጣኝ ተማሪዎች የእንኳን ደህና መጣችሁ አቀባበል እና የስልጠና ማስጀመርያ ኦረንቴሽን ሰጥቷል:: በኦረንቴሽን መድረኩ ላይ ለሰልጣኞች መልዕክት ያስተላለፉት የኮሌጁ ዲን አቶ ታደለ አሰፋ በክህሎት የበቃና በራሱ ሚተማመን ዜጋ ወደሚያደርጋችሁ ኮሌጃችሁ እንኳን በደህና መጣችሁ ያሉ ሲሆን በምሽት ስልጠና መርሀ-ግብር በኮሌጁ በሚኖራችሁ ቆይታም በሰለጠናችሁበት ሙያ ብቁና ተወዳዳሪ ምትሆኑበት ውጤታማ ጊዜ እንድታሳልፉ በትኩረት እንሰራለንም ብለዋል:: የኮሌጁ ዲን አክለውም በምሽት ስልጠና ላይ እንደሚስተዋለው አብዛኛው ወጣት ልፋት ማይጠቁና ቀለል ያሉ ስልጠናዎች ላይ እንደሚያተኩሩ ገልፀው ወጣቶች በሰለጠኑበት ሙያ በዘላቂነት ፍሬያማ ለመሆን ካሰቡ ኢንዱስትሪውን የሚያንቀሳቅሱ እንዲሁም በዘመኑ ተፈላጊ የሆኑ ክህሎቶች ላይ ውድ ጊዜያቸውን እንዲያውሉም ምክር ለግሰዋል:: በመድረኩ ለአዲስ ገቢ ሰልጣኝ ተማሪዎች የስልጠና አሰጣጥ ሂደቱ በመለከተ እንዲሁም በኮሌጁ ቆይታቸው ስለሚመሩበት ህግና ደንብ ሰፊ ገለፃና ግንዛቤም ተፈጥሮላቸዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

የኢትዮ-ጣሊያን ፖሊቴክኒክ አመራሮች በMIG ፋብሪካ ድጋፋዊ ጉብት አካሄዱ:: #EIPC ጥቅምት 13.2019 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ ባለፉት አመታት በአስተዳደሩ ከሚገኙ አምራች ኢንዱስትሪዎች ጋር በትብብር በመስራት በርካታ ውጤቶችን ማስመዝገብ የቻለ ተቋም ሲሆን በMIG ፋብሪካም ከዚህ ቀደም ከተሰሩ የቅንጅት ስራዎች በተጨማሪ የሚስተዋሉ ነባራዊ የድጋፍ አይነቶችን ለመለየት ያለመ ጉብኝት የኮሌጁ አመራሮች ቦታው ላይ ተገኝተው ምልከታ አካሂደዋል:: በMIG በተደረገው ምልከታ የፋብሪካውን አጠቃላይ የስራ እንቅስቃሴን መመልከት የተቻለ ሲሆን በዚህም በኮሌጁ ድጋፍ ሊደረግባቸው የሚችሉ ጉዳዮችን ላይ ትኩረት በመስጠት በተኪ ምርቶች: በአሰራር ስርዓ ማሻሻያዎች: በቴክኒካል ክህሎት ስልጠና እንዲሁም በተፈላጊ የጥናትና ምርምር ስራዎችን ላይ በተቋሙ ድጋፍ በማድረግና በቅንጅት በመስራት የፋብሪካውን ምርትና ምርታማነት ለማሳደግ የሚያስችሉ ቅድመ ስራውችና ምክረ ሀሳቦችም ተካሂደዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/