EECMY - School (online class)

የትኛውንም ነገር መስራት እችላለሁ የሚል ጠንካራ እምነት ያለው ወጣቱ አበበ ነጋሽ በመቀጠልም አዳዲስ የኤሌክትሪክ እቃዎችን ገዝቶ ፈትቶ በመግጠም የሌላ ተጨማሪ ሙያ ባለቤት ሆነ። የባለ ብዙ ሙያ ባለቤት የሆነው አይነ ስውሩ ወጣት በሂደትም የተበላሹ የኤሌክትሪክ እቃዎችን በመጠገን  አሁን ላይ የተዋጣለት ኤሌክትሪሽያን መሆኑን እርሱም ይናገራል የሚያውቁትም ሁሉም ምስክርነታቸውን ይሰጣሉ። ከልጅነቱ ጀምሮ የእደጥበብ ፍላጎት ያደረበት ወጣቱ "አላማና ፍላጎት ካለ የማይሳካና የማይቻል ነገር የለም" የሚለው አበበ ያቋረጠውን ትምህርት በመቀጠል ተማሪም ባለሙያም ሆኖ እየሰራ ይገኛል። በ2009 ዓ.ም በነበረው የአካል ጉዳተኞች ፌስቲቫል የሰራቸውን የእደጥበብ ውጤቶች ይዞ በመቅረብ የብዙዎችን እውቅና ማትረፍ ችሏል። በዳግማዊ ሚኒሊክ ሁለተኛ ደረጃ ትምህርት ቤት የ12 ክፍል ትምህርቱን በመከታተል ላይ ሲሆን ጎን ለጎንም የሙያ ስራውን አጠናክሮ ቀጥሏል። የኤሌክትሪክ እቃዎችን ከጠገነላቸው መካከል መምህርት ስንታየሁ ባህሩ፣ አቶ ገለታ ሙሉ እና ወይዘሮ ሃይማኖት አንለይ፤ አበበ የእውቀትና የጥበብም ባለቤት እንዲሁም ለብዙዎች ምሳሌ የሚሆን ጠንካራ ወጣት መሆኑን ይናገራሉ። አካል ጉዳተኝነት ምንም ነገር ከመስራት አያግድም የሚለው ወጣቱ ጥበበኛ በተለይም ወጣቶች መሰናክሎችን በመሻገር በስራ ለነገ ስኬት እንዲተጉ መምከሩን ኢዜአ ዘግባል። መረጃዎችን በፍጥነት ለማግኘት ማሰፈንጠሪያዎቹን ይጫኑ! Imo: - https://s.channelcom.tech/vlWdNr?from=TG What Sapp: - https://whatsapp.com/channel/0029VaHFiBpA2pLF0lLslK2D flickr :- https://www.flickr.com/photos/197652854@N04/ You Tube: https://www.youtube.com/@addisababaeducationbureau9728 TikTok፡- https://www.tiktok.com/@aaeducationbureau Telegram ፡ https://t.me/wwwAddisAbabaeducationbureau Twitter ፡ https://twitter.com/aacaebc Face book: https://www.facebook.com/aacityeducationcommunication Blog: - http://www.aacaebc.wordpress.com/ Instagram: - https://www.instagram.com/aacaeb/ Website: - aaceb.gov.et Email;- aacaebc@gmail.com