ru
Feedback
🗞 ዹ አቡጁነይድ መልዕክቶቜ Abujunaid posts

🗞 ዹ አቡጁነይድ መልዕክቶቜ Abujunaid posts

Открыть в Telegram

ይህ በአቡ ጁነይድ ሳላህ አህመድ ዚቀሚቡ ዚድምፅና ዹፅሁፍ መልዕክቶቜ ዚሚሰበሰቡበት ቻነል ነው። አላህ ጠቃሚ እውቀትን ኚመልካም ስራ ጋር ያግራልን! You can contact me here @salehom100

БПльше
2 213
ППЎпОсчОкО
-224 часа
-67 ЎМей
-3430 ЎеМь
АрхОв пПстПв
⛱ ተጋሟቜን አበስራ቞ው 🎙አቡጁነይድ ሳላህ አሕመድ 🔗 Telegram Link https://t.me/abujunaidposts/416 ---------------- 📮ዚአቡጁነይድ መልዕክቶቜ @abujunaidposts

ዚመውሊድ በዓል በሚዛን ላይ """""""""""""""""""""""" ነሲሓ መጜሔት ቅጜ Vol2 ቁጥር 1 ምስጋና ለአለማት ጌታ ለአላህ ዚተገባ ነው ፡፡ ሰላት እና ሰላም ለዐለማት እዝነት በተላኩት በነቢያቜን ሰለላሁ አለይሂ ወሰለም፣ በቀተሰቊቻ቞ው፣ በሰሃባዎቻ቞ው እና እነርሱን በመልካም በተኚተሉት ሁሉ ላይ እስኚ እለተ ቂያማ (ትንሳኀ) ድሚስ ይውሚድ፡፡ ቁርዓን እና ሐዲስን እንዲሁም ዝርዝር ዚሞሪዓ ህግጋትን በትክክል መሚዳት ለሁሉም ሙስሊም በእጅጉ አስፈላጊ ቢሆንም ቀላል ግን አይደለም። አላህ ለዚህ ኡማ ታላቅ ውለታ በመዋል ኡለማዎቜን ሰጥቶን ያላ቞ውን ታላቅ ክብር ገልፆልናል፡፡ ዚሙስሊሞቜን እምነት፣ ዚአምልኮ ‘ዒባዳ’ አተገባበር እና ዚስነምግባር እሎቶቜን ማሹም ዚዑለሞቜ ተቀዳሚ ተግባር ነው፡፡ ኚሰሀቊቜና እነሱን ኹተኹተሉ ታቢዒዮቜ መካኚል ታላለቅ ዑለማዎቜ እና ዹፊቅህ ጠበብቶቜ ቁርዓንን በተገቢው መልኩ በመሚዳት እና ዕድሜያ቞ውን ሙሉ በማስተማር ሀላፊነታ቞ውን ተወጥተዋል። ሰሃባዎቜ ኹማንም በበለጠ በዕውቀት ዹበለፀጉ ኹመሆናቾው ባሻገር ዚመልእክተኛውን ï·º ንግግር እና ሱና በመተግበር ፋና ወጊዎቜ እንደነበሩ አያጠያይቅም። አብደላህ ኢብን መስዑድ አላህ ስራ቞ውን ይውደድላ቞ውና በአንድ ወቅት ስለሰሃባዎቜ እንዲህ ብለው ነበርፀ "ኹዚህ ኚነቢዩ ዑመት ኹማንም በበለጠፀ ቅን ልቊና፣ ዹጠለቀ እውቀት፣ ዹተቃና ፈለግ እና ያማሚ ስብዕና ባለቀት ነበሩ። እነሱ ማለት አላህ ለነብዩ ጓደኝነት ዚመሚጣ቞ው ህዝቊቜ ና቞ው፡፡ ክብራ቞ውን እወቁላ቞ው። ፋናቾውንም ተኚተሉ። እነሱ ቀጥተኛው መንገድ ላይ ነበሩ።" ኢብኑ ዐብደል በር / ጃሚዑል በያኒል ዒልም በሚባለው ኪታባ቞ው ቅጜ 2/946-947 ሰሃባዎቜ በሐቅ ላይ አንድነታ቞ውን ለመጠበቅ ዚተለያዩ ሞሪዓዊ አጀንዳዎቜ ላይ ይመካኚሩና ይተራሚሙ ነበር፡፡ ያልደሚሳ቞ውን መሹጃ ሲያገኙም ወደ ሐቅ ኚመመለስ ዚሚያግዳ቞ው ነገር አልነበሚም። ለሐቅ ተገዢ ስለነበሩ እርምት ለሰጣ቞ው አካል ምስጋና እና ክብራ቞ው ኚመጚመሩ ባሻገር በመካኚላ቞ው ዹነበሹው ወዳጅነት አልጎዳም። ኢብኑ ተይሚያ እንዲህ ብለዋል "ሰሃባዎቜ፣ ታቢዒዮቜ እና ኚእነርሱ በኋላ ዚመጡት ዑለማዎቜ በመካኚላ቞ው አለመግባባት በተፈጠሹ ጊዜ ዹአላህን ትዕዛዝ ይኹተሉ ነበር፡፡ አላህ እንዲህ ብሏል «በማንኛውም ነገር ብትኚራኚሩ በአላህና በመጚሚሻው ቀን ዚምታምኑ ብትሆኑ ዚተኚራኚራቜሁበትን ነገር ወደ አላህና ወደ መልክተኛው መልሱት፡፡ ይህ ዚተሻለ መጚሚሻውም ያማሚ ነው፡፡» ሱሚቱ ኒሳዕ : 59 በተለያዩ ዚዲን አጀንዳዎቜ ላይ በምክክር መልክ ይወያያሉ፡፡ አልፎ አልፎ ዹዒልምና እና ዚተግባር ጉዳዮቜ ላይ ዹአቋም ልዩነት ሲኖር መዋደድን፣ መተሳሰርን እና ኢስላማዊ ወንድማማቜነትን በጠበቀ ሁኔታ ይተራሚማሉ።" መጅሙዑል ፈታዋ 24/172 በዚዓመቱ ዚሚቢዐል አወል ወር በገባ ቁጥር ዚነቢያቜንን ዚልደት በዓል መውሊድን ዹማክበር ጉዳይ ሰዎቜን ሲያወዛግብና መነጋገሪያ ሲሆን ይታያል። አላህ ሱብሃነሁ ወተዓላ ሙእሚኖቜን በመሰሚታዊም ይሁን በቅርንጫፋዊ ዚዲን ጉዳዮቜ ላይ አለመግባባት ቢፈጠሩ ጉዳያ቞ውን ወደ ቁርዓንና ሐዲስ በመመለስ መፍትሄ እንዲፈልጉ በሚኹተለው ዹቁርዓን አንቀጜ አዟል፡፡ فَإِن تَنَازَعْتُمْ فِي ؎َيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُ؀ْمِنُونَ ؚِاللَّهِ وَالْيَوْمِ الْآخِرِ ذَٰلِكَ خَيْرٌ وَأَحْسَنُ تَأْوِيلًا Ù€:٥٩ «በማንኛውም ነገር ብትኚራኚሩ በአላህና በመጚሚሻው ቀን ዚምታምኑ ብትኟኑ ዚተኚራኚራቜሁበትን ነገር ወደ አላህና ወደ መልክተኛው መልሱት፡፡ ይህ ዚተሻለ መጚሚሻውም ያማሚ ነው» ሱሚቱ ኒሳዕ : 59 ኹዚህ ቁርአናዊ መመሪያ በመነሳት ለአንባቢዎቻቜን ነሲሓ ይሆን ዘንድ ትክክለኛውን አቋም እናመላክታለን። አላህ ሀቁን አይተው ኚሚኚተሉት ሰዎቜ ያድርገን። ይህ በዓል በሞሪዓ መሰሚት ዹሌለውና ሰዎቜ በዲን ውስጥ ዚጚመሩት አዲስ ነገር ኹመሆኑ ባሻገር አላህና መልእክተኛው ያልደነገጉትን ተግባር በቀን ዹተገደበ ወደ አላህ መቃሚቢያ አምልኮ ማድሚግ መሆኑ ዋነኞቹ ዚመውሊድ ቜግሮቜ ሲሆኑፀ በተጚማሪም ክርስቲያኖቜን በመፎካኚር ዚመጣ መሆኑ ኚእነሱ ጋር መመሳሰል ነው። በተጚማሪ በዚህ በዓል ውስጥ በሞሪዓ ዹተወገዙ በርካታ ተግባራት ይፈፀማሉ። መውሊድ አንድን ስራ ቢድዓ ዚሚያሰኙ ምክንያቶቜ ሁሉ እንዳሉበት አያጠራጥርም። ይህም በሚኚተሉት ሶስት ነጥቊቜ ይብራራልፀ 1) አዲስ ነገር መፍጠር (ኢሕዳስ) ካለ ሞሪዓዊ ማስሚጃፀ ማንኛውንም ቀን ወይም ወር ልዩ ሀይማኖታዊ ክንውን ዚሚፈፀምበት እንደሆነ በማሰብ በዋጂብነት ወይም ሱናነት ሰዎቜን ዚምናበሚታታበት ኹሆነ በዲን ውስጥ አዲስ ነገር መፍጠር ነውና ሀራም ነው። አሏህ እንዲህ ብሏል:- أَمْ لَهُمْ ؎ُرَكَاءُ ؎َرَعُوا لَهُمْ مِنَ الدِّينِ مَا لَمْ يَأْذَنْ ؚِهِ اللَّهُ «ኚሀይማኖት አላህ በእርሱ ያልፈቀደውን ለእነሱ ዹደነገጉ ተጋሪዎቜ ለእነርሱ አሏቾውን?» ሱሚቱ ሹራ ቁጥር 21 ቡኻሪ እና ሙስሊም በዘገቡት ዹተሹጋገጠ ሰሂህ ሐዲስ ነቢያቜን ï·º ብለዋልፀ مَنْ أحْدَثَ في أمْرِنَا هَذَا مَا لَيْسَ مِنْهُ فَهُوَ رَدٌّ «በዲናቜን ውስጥ ኚእርሱ ያልሆነን ነገር ዹፈጠሹ ስራው ተመላሜ ይደሚግበታል» ብለዋል። ይህ ማለት በሞሪዓ ያልተደነገገን ነገር ፈጥሮ ቢፈፅም ተቀባይነት አያገኝም ማለት ነው። እንደሚታወቀውፀ መውሊድን ሚሱል ï·º ዚተኚበሩት ኞሊፋዎቜ እና ሌሎቜም ሰሀባዎቜ አላኚበሩትም። እንደዚሁ በተኹበሹው ዘመን ውስጥ ዚኖሩት ሰሀባዎቜን በመልካም ሲኚተሉ ዚነበሩ ታቢዒዮቜ አልሰሩትም። እነሱ ደግሞ ኹማንም በላይ ዚሱና አዋቂዎቜና ለነቢያቜን ዚነበራ቞ው ውዎታም ኹማንም በላይ እንደነበር እሙን ነው። ዚነብዩን ፈለግ በሚገባ በመኹተልም ዚማይታሙ እንደ ነበሩ ለማንም ግልፅ ነው። ለኛ አርአያ መሆናቾውም ተነግሮናል። ምንም ሳንጚምር መንገዳ቞ውን አጥብቀን እንድንይዝ ዹአላህ መልዕክተኛ አደራ ብለውናልፀ عَلَيْكُمْ ؚِسُنَّتِي وَسُنَّةِ الْخُلَفَاءِ الرَّا؎ِدِينَ الْمَهْدِيِّينَ، وَعَضُّوا عَلَيْهَا ؚِالنَّوَاجِذِ، وَإِيَّاكُمْ وَمُحْدَثَاتِ الْأُمُورِ، فَإِنَّ كُلَّ مُحْدَثَةٍ ؚِدْعَةٌ، وَكُلَّ ؚِدْعَةٍ ضَلَالَةٌ «ዚእኔን እና ዹቅን ምትኮቌን ሱና አደራ! በጥርሶቜቜሁ አጥብቃቜሁ ያዙ! አዳዲስ ፈጠራዎቜን ተጠንቀቁ (ተኹልኹሉ)፣ በዲን ውስጥ ዹተጹመሹ ፈጠራ ሁሉ ጥመት ነው» ኢማሙ አህመድ ዘግበውታል መውሊድ በቀደምቶቹ ዘመን እንዳልነበሚ እና ኃላ ዹተፈጠሹ (ሙህደስ) ለመሆኑ መውሊድ አክባሪዎቜ ሁሉ ዚማይክዱት እውነታ ነው። መውሊድ ማክበርን ለመጀመሪያ ጊዜ ዚጀመሩት ኚአራተኛው ክ/ዘመን በኋላ እራሳ቞ውን ፋጢሚዮቜ ብለው ይጠሩ ዚነበሩት ኡበይዲዩቜ ግብፅን በ362 ዓመተ ሂጅራ ዚወራሩ ጊዜ ነበር። ቀጣዩን ያንብቡ👇 https://m.facebook.com/story.php?story_fbid=1336321059824881&id=1003047829818874

ዚመዲና ጃሚዓ ስኮላርሺፕ ማመልኚቻ ዚምዝገባ ፕላትፎርም ለ45 ቀናት ክፍት ነው። ለዚሀገሩ ዹሚሰጠው ኮታ ውስን ስለሆነፀ ለመማር ውሳኔ ያላቜሁ ብቻ አስፈላጊ መሚጃዎቜን በማሟላትና በተኚታዩ ሊንክ ቋን
ዚመዲና ጃሚዓ ስኮላርሺፕ ማመልኚቻ ዚምዝገባ ፕላትፎርም ለ45 ቀናት ክፍት ነው። ለዚሀገሩ ዹሚሰጠው ኮታ ውስን ስለሆነፀ ለመማር ውሳኔ ያላቜሁ ብቻ አስፈላጊ መሚጃዎቜን በማሟላትና በተኚታዩ ሊንክ ቋንቋውን ወደ እንግሊዝኛ በመቀዹር አመልክቱ። ባሚኚላሁ ፊኩም https://minhatee2.iu.edu.sa #إعلان عزيزي طالؚ (المنحة الخارجية):- يمكنك - وعلى مدى (45) يوما - تقديم طلؚ قؚول للدراسة ØšÙ€ #الجامعة_الاسلامية من خلال الراؚط التالي 🌐 https://minhatee2.iu.edu.sa لتصفح دليل القؚول 📔 https://bit.ly/IUGuide #قؚول_1444 @abujunaidposts

👌 መውሊድን ዚተመለኚቱ ብዥታዎቜና መልሶቻ቞ው 🎙 አቡጁነይድ ሳላህ አሕመድ ⌚ ዹ 72 ደቂቃ ሙሀደራ (64 kbps = 34.65 mb) 🔗 Share Link https://t.me/abujunaidposts/267 ---------------- 📮ዚአቡጁነይድ መልዕክቶቜ @abujunaidposts

መውሊድ ኢስላማዊ በዓል ነውን? ⌚ በነሲሓ ቲቪ ዹቀሹበ አጭር ውይይት 🔗 Share Link https://t.me/abujunaidposts/411 ---------------- 📮ዚአቡጁነይድ መልዕክቶቜ @abujunaidposts

መውሊድ ኢስላማዊ በዓል ነውን? ⌚ ዹ 10 ደቂቃ ውይይት 🔗 Share Link https://t.me/abujunaidposts/411 ---------------- 📮ዚአቡጁነይድ መልዕክቶቜ @abujunaidposts

መዉሊድ ኢስላማዊ በዓል ነውን.mp33.89 MB

🗞 እውነተኛ ዚነብዩ ውዎታ በተግባር ይገለፃል 🔗 Share Link https://t.me/abujunaidposts/409 ---------------- 📮ዚአቡጁነይድ መልዕክቶቜ @abujunaidposts

🗞 እውነተኛ ዚነብዩ ውዎታ በተግባር ይገለፃል 🔗 Share Link https://t.me/abujunaidposts/407 ---------------- 📮ዚአቡጁነይድ መልዕክቶቜ @abujunaidposts

እውነተኛ ዚነብዩ ውዎታ በተግባር ይገለፃል.pdf

ዹሀሰን ታጁ መውሊድ መፅሀፍ ሲፈተሜ ⌚ ዹ 10 ደቂቃ መልዕክት 🎙 አቡጁነይድ ሳላህ አሕመድ 🔗 Share Link https://t.me/abujunaidposts/117 ---------------- 📮ዚአቡጁነይድ መልዕክቶቜ @abujunaidposts

በ2015 ኹናንተ ጋር ድንቅ ዹበጎ አድራጎት ስራዎቜን አቅደናል ኢን ሻ አላህ @minacharity
በ2015 ኹናንተ ጋር ድንቅ ዹበጎ አድራጎት ስራዎቜን አቅደናል ኢን ሻ አላህ @minacharity

ስለ አል ቁበቱል ኞድራዕ እና አሹንጓዮ አለባበስ ዚፃፍኩትን በተመለኹተ በትናንትናው እለት ስለ አል ቁበቱል ኞድራዕ እና #አሹንጓዮ አለባበስ በፃፍኩት ዙርያ አንዳንድ ወንድሞቜ በኮሜንትና በግል በርካታ አስተያዚቶቜ ደርሰውኛል። በቅድሚያ ስለተሳትፏቜሁ እያመሰገንኩፀ ኚደሚሱኝ መልዕክቶቜ በመነሳት ተኚታዮቹን ስድስት ነጥቊቜ ለማስፈር እወዳለው። 1) በግዜ ሂደት አሹንጓዮው ቁባ ነብዩ ያሰሩትና ያዘዙት ዚሚመስላ቞ው ሊኖሩ ይቜላሉ። በአንዳንድ ሀገራት ዹተወሰኑ ዚሱፊያ ጊሪቃ ተኚታይ ነን ዹሚሉ ፊርቃዎቜ (ዚሞቱ ሷሊሆቜ ቀብር ያሉባ቞ው) መስጂዳ቞ውን ቁባ እና ሚናራ አሹንጓዮ በመቀባት ኚሙስሊሞቜ መሳጂድ ለመለዚት ይሞክራሉ። ስለዚህም ክስተቱን በአንዳንድ ቀብሮቜ ላይ ለሚገነቡ ቁባዎቜ መሹጃ ሊያደርጉት ሲሞክሩ ይስተዋላል። ኹሰሞኑ ደግሞ ምክንያቱ ምን እንደሆነ ባላውቅም በኚተማቜን ዹሚገኙ አንዳንድ ዚአህሉሱና መስጂዶቜን አሹንጓዮ በመቀባት ለማመሳሰል ሲጥሩ ተመልክቻለው። በአሹንጓዮ ጥምጣም ዚሚታወቁ አንዳንድ ዚቢድዓ ሰዎቜም ዹአሹንጓዮውን ቁባ በሚካ ኹጅለው ስለሆነ ዚቁባውን አመጣጥና ታሪክ ያሰፈርኩት ይህንን ኹማሹም አኳያ ጠቃሚ በመሆኑ ነው። 2) አንዳንዶቜ እንደተሚዱት ፅሁፌ አሹንጓዮ መልበስ አይቻልም ዹሚል አይደለም። አሹንጓዮ መልበስ እንደሚቻልና ሙባህ መሆኑን ገልጫለው። ነገር ግን ሱና ነው ወይም ዹተወደደ ሙስተሀብ ነው ለማለት ዚሚያስቜል ግልፅ መሹጃ ያስፈልጋል ለማለት ነው። ነጭ መልበስ ሱና ነው ዹምንለው መልዕክተኛው ኚመልበሳ቞ው በተጚማሪ በላጭና ዹተወደደ መሆኑን ስለነገሩን ነው። አሹንጓዮውን መልበስን በተመለኹተ ግን ግልፅ መሹጃ አለመኖሩም በተኚታዮቹ ነጥቊቜ ይብራራል ኢን ሻ አላህ። 3) ኚኢብኑ ማጀህ በስተቀር በአምስቱ ዚሀዲስ ድርሳናት በተዘገበና ነብዪ (ሰለላሁ አለይሂ ወሰለም) አሹንጓዮ መልበሳ቞ውን በሚጠቁም ሀዲስ አቢ ሪምሳህ ዹአላህ መልዕክተኛ ሁለት አሹንጓዮ ልብሶቜን (ሜርጥና ኩታ) ለብሰው እንዳያ቞ው ተናግሯል። እንደ አሹንጓዮው ሁሉ ጥቁር ኢማማና ቀይ ቀሚስ ሌላም መልበሳ቞ው በሰሂህ ዚቡኻሪና ሙስሊም ዘገባዎቜ ላይ ሰፍሯል። ሆኖም ቀይ ቀሚስ ወይም ጥቁር ኢማማ መልበስ ሱና ነው ብሎ መገንዘብና በቋሚነት መልበስ ስህተት ይሆናል። አለባበሱን ዚዘገቡልን ሰሀቊቜና ዹዚህ ኡማ አበው ሰለፎቜና ዹቅን ተተኪዎቻ቞ው በሱናነት አልተሚዱትም አልተገበሩትምም። ስለዚህም አንዳንድ ዚሱፍያ ጊሪቃ ተኚታዮቜ ዚታወቁበት ይህ ቋሚ አሹንጓዮ አለባበስ ቋሚ ነብያዊ ፈለግ አለመሆኑ ዚማያጠራጥር እውነታ ነው። ዚቃጥባሬ ኮፍያና እራስን ለመለዚት ዹሚደሹጉ መሰል ቡድናዊ አርማዎቜም በተመሳሳይ መልኩ ይታያሉ። 4) ዚመልእክተኛን ዚአለባበስ ሁኔታ ስንመለኚት ልብስ ልማድ (ዓዳ) እንጂ ዒባዳ አይደለምና ኹሀር ውጪ ዚኖሩበት ማህበሚሰብ ዹለበሰውንና ዚገራላ቞ውን ይለብሱ ነበር። በአንድ አይነት ልብስ ዚታጠሩ አልነበሩም። ኚሰዎቜ ለመለዚት መጣርን ወይም ዹሌላቾውን ለመልበስ መጣጣርን አናስተውልም። ስለዚህምፀ መልእክተኛው ዚለበሱትን አንዱን ዚልብስ ቀለም መርጩ ሱና ነው በማለት ቋሚ መለያ ማድሚግ ትክክለኛ አካሄድ አይሆንም። 5) አላህ ዚጀነት ሰዎቜን አስመልክቶ አንዲህ ይለናል፩ {وَیَلَؚۡسُونَ ثِیَاًؚا خُضۡرࣰا مِّن سُندُسࣲ وَإِسۡتَؚۡرَقࣲ} الكهف 31 (ኹቀጭን ሐርና ኚወፍራም ሐርም አሹንጓዮን ልብሶቜ ይለብሳሉ) አልኹሕፍ 31 ይህ ግን አሹንጓዮ መልበስን ኚሌሎቜ ቀለሞቜ በበለጠ ዹተወደደ ሱና ወይም (ሙስተሀብ) አያደርገውም። ዚጀነት ሰዎቜን አስመልክቶ በቁርአን ዹተገለፀ ፀጋ ሁሉ በዱንያ ላይ ብንተገብሚው ሱና ነው ማለት አይደለም። ለምሳሌፊ ለጀነት ሰዎቜ ኹተዘጋጁ ፀጋዎቜ መካኚል ዚሚኚጅሉትን ዚበራሪ አእዋፋት ስጋ መመገብ ተጠቅሷል። አላህ እንዳለውፀ {وَلَحۡمِ طَیۡرࣲ مِّمَّا یَ؎ۡتَهُونَ } (ኚሚሹትም በኟነ ዚበራሪ ሥጋ ይዞርላቾዋል) አልዋቂዓህ 21 አንድ ሰው ኹዚህ በመነሳት ዹወፍ ስጋ መብላት ሱና ነው ቢለን ስህተት ይሆናል። በቋሚነት ይህንን ብቻ መመገብ ኹጀመሹ ደግሞ ደግሞ ሌላ ቜግር ነው። ፍራፍሬና ሌሎቜ ፀጋዎቜንም በዚሁ መልኩ መመልኚት ይቻላል። 6) ነገሩ እንዲህ ኚሆነፀ ኹሰሞኑ አንዳንድ ወንድሞቻቜን በአሹንጓዮ ዚተጠቀለሉት ለምን ይሆን ዹሚል ጥያቄ ተፈጥሮብኛል? ሱና ነው ኹሚል መነሻ ኹሆነ ሱና አይደለምና ሊታሚሙ ይገባል። አንታሚምም ካሉፀ ቢያንስ ዚቢድዓ ሰዎቜን ዚአለባበስ ፋሜንና አጠማጠም ይራቁ። ግዜው ለመውሊድ ቅርብ ስለሆነ እኛም ዚሚሱል ወዳጆቜ ነን ለማለት ኹሆነ ውዎታ በዚህ አይገለፅምና አሁንም ያስተውሉ። አክራሪ ሱፍዮቜና አህባሟቜ ለመመሳሰልና ለማባበል ኹሆነ ግን አካሄዱ በአደጅጉ ያስተዛዝባልና ይመለሱ። አንዳንዶቹ ቀልድ ወዳድ ስለሆኑ #አሹንጓዮ አሻራ ነው ይሉን ይሆናልፀ ኹዚህ ዚተባለው ቜግኝ መትኚል ነውና ግዜ ሳንገድብ ዹሁል ግዜ ተግባራቜን ብናደርገው እላለው። ወቢላሂ ተውፊቅ አቡጁነይድ ጳግሜ 4/2014 @abujunaidposts

አሹንጓዮ መልበስ እና ቁበተል ኞድራእ በነብያቜን (ሰለላሁ አለይሂ ወሰለም) ቀት ላይ ዚተሰራው አሹንጓዮ ቁባ በሳ቞ው ትዕዛዝ ዹተፈፀመ ሱና አይደለም። ዚተሰራው በ7ኛው ዚሒጅራ ክፍለ ዘመን መካኚለኛው ምስራቅን ኚአንድ መቶ አመት በላይ በመራው ዚግብፁ (ደውለት አልመማሊክ) መሪ ሱልጣን መንሱር ሰይፈዲን ሲሆን በ 678 ዓ.ሒ ነበር። ኹሌላው ዚመስጂዱ ጣሪያ እንዲለይ በማለት ትንሜ ኹፍ ባለ አራት ማእዘን ቅርፅ ጉብታ ነበር ዚሰራው። አሹንጓዮ ቀለሙን በተመለኹተ በቅድሚያ ዚእንጚት ኹለር ቆይቶም ሰማያዊና ነጭ ቀለሞቜ ነበሩት። በመጚሚሻ ግን በቅርቡ ኹ 190 አመታት በፊት አካባቢውን ተቆጣጥሮ በነበሹው ዚኡስማኒያ ኢምፓዚር ሱልጣን አብዱልሐሚድ ትእዛዝ ታድሶ አሹንጓዮ ተቀብቷል። (ዓሊ ሐፊዝፀ ፉሱሉን ሚን ታሪኜ አልመዲናህ አልሙነወራህ ገፅ 128) ብዙሃኑ ዘንድ ዹፈጠሹውን ዚተበሩክ ብዥታ እና አሉታዊ ተፅእኖዎቜ በማስተዋል ብዙ ኡለማዎቜ ዚሱልጣኑን ተግባር ቢያወግዙትም ፊትናን ኚመራቅ አንፃር ባለበት ተትቷል። ኹዚህ በመነሳት አንዳንድ አንጃዎቜ ዘንድ አሹንጓዮ ልብስ መለያ ሆኗል። አንዳንዎ ሱና ነው ሌላ ግዜም ዚጀነት ሰዎቜ ልብስ ነው ይላሉ። ታላቁ ዚመዲና ሙሐዲስ አብዱልሙህሲን አልዓባድ ስለዚህ ተጠይቀውፀ ሁለቱም ዚሚጠቅሱት ምክንያት መሹጃ ዹሌለው መሆናቾውንና በትክክለኛ ሀዲስ ተመራጭነቱ ዹተጠቀሰው ነጭ ልብስ መሆኑን ኹገለፁ በኃላፀ ምንም እንኳ አሹንጓዮ ልብስ ዹተፈቀደ ሙባህ ቢሆንም ዚቢድዓ ሰዎቜ መለያ ካደሚጉት ግን ብንተወው ዚተሻለ መሆኑን መክሚዋል። አላህና መልዕክተኛውን ዚሚወድ ሱና቞ውን ሲተገብርና ኚመጀ ቢድዓዎቜ ሊርቅፀ ዚኖሩለትን ዚተውሒድ ጥሪ ሊያስተጋባ ይገባል እንጂ አሹንጓዮ በመልበስ መሐባን መግለፅ አይቻልም። { قُلۡ إِن كُنتُمۡ تُحُِؚّونَ ٱللَّهَ فَٱتَؚِّعُونِی یُحؚِؚۡۡكُمُ ٱللَّهُ وَیَغۡفِرۡ لَكُمۡ ذُنُوَؚكُمۡۚ وَٱللَّهُ غَفُورࣱ رَّحِیمࣱ } "አላህን ዚምትወዱ እንደኟናቜሁ ተኚተሉኝፀ አላህ ይወዳቜኋልና፡፡ ኀጢኣቶቻቜሁንም ለናንተ ይምራልና፡፡ አላህም መሓሪ አዛኝ ነው" በላ቞ው። [Surah Âl-`Imrân: 31] አላህ ትክክለኛ ግንዛቀን ይወፍቀን አቡጁነይድ ጳግሜ 3 /2014 @abujunaidposts

🔊 በትዳር ውስጥ ዚሚኚሰቱ ቜግሮቜና ሞሪአዊ መፍትሄዎቻ቞ው 🎙አቡ ጁነይድ ሳላሕ አሕመድ 🔗 Share Link https://t.me/abujunaidposts/188 ---------------- 📮ዚአቡጁነይድ መልዕክቶቜ @abujunaidposts

⛱ ዚመስጂዶቜ ሚና 🎙አቡጁነይድ ሳላህ አሕመድ 🔗 Telegram Link https://t.me/abujunaidposts/397 ---------------- 📮ዚአቡጁነይድ መልዕክቶቜ @abujunaidposts

ዚመስጂዶቜ ሚና

ዚሺዓና ዚአህሉሱና ዚዓሹራ ውሎ ✍ አቡጁነይድ ሳላህ አህመድ ሙሀሹም 12/ 1436 ዓ.ሒ ተፃፈ ዚዓሹራ ቀንፀ ዹፊዓአውንን ትእቢትና አምባገነነንነት ያኚተመበትና ለሌሎቜም መቀጣጫ ዚሆነበት፣ ነብዩላህ
ዚሺዓና ዚአህሉሱና ዚዓሹራ ውሎ ✍ አቡጁነይድ ሳላህ አህመድ ሙሀሹም 12/ 1436 ዓ.ሒ ተፃፈ ዚዓሹራ ቀንፀ ዹፊዓአውንን ትእቢትና አምባገነነንነት ያኚተመበትና ለሌሎቜም መቀጣጫ ዚሆነበት፣ ነብዩላህ ሙሳም ዚተደሰቱበት ለአህሉሱና ታላቅ ትርጉም ያለው ዚድል ብስራት ቀን ነው። አህሉሱና ይህንን ቀን በአል አያደርጉትም። ዹተለዹ ድግስም ሆነ አለባበስ ዚላ቞ውም። ሆኖም መልእክተኛው ï·º በደነገጉት መሰሚት ይፆሙታል፣ መልካም ተግባራትን ይፈፅሙበታል፣ ኹአላህ ልዩ ምንዳን በመኹጀልም በዒባዳ ያሳልፉታል። ሺዓዎቜ ግን ስለ ዓሹራ ቀን ሲያስቡ ሚታወሳ቞ው ዚታላቁ ሰሀቢይ ዹአሊይ ኢብኑ አቢ ጣሊብ ልጅ ሁሰይን ዚተገደሉበት ቀን መሆኑ ብቻ ነው። ሺዓዎቜ በዚህ ቀን ሀዘናቾውን ለመግለፅ እራሳ቞ውን ዚሚጎዱ ብዙ ነገሮቜን በስፋት ይፈፅማሉ። ጭንቅላትንና ሌሎቜ አካሎቻ቞ውን በስለት መብጣትና ማድማት (ተጥቢር)፣ ፊታ቞ውን መደብደብ (ለጥም፣) እራስን በሰንሰለት መግሹፍና ማንገላታት፣ በእንብርክክ መሄድ፣ ብዙዎቜም ዘንድ ጥቁር መልበስና ዚለቅሶ ሙሟ ማውሚድ ብሎም በራስ ላይ ኩነኔን መጥራት ዚተለመዱ ዚአሹራ ትእይንቶቻ቞ው ና቞ው። በእጅጉ ይገርማልፀ ለኛ ለአህሉሱና ደስታን ሲያላብሰን፣ ተስፋን አሰንቆ ድልን ሲያበስሚንፀ ለወንጀላቜን ማርታን ለማግኘት ሩጫ ውስጥ ሲኚተንፀ ለሺአዎቜ ግናፀ ዹሀዘን ዚዋይታ፣ ዚውድቀት ዚሜንፈት ማስታወሻ፣ ዚተስፋ ማጚለሚያ ነው!! ሁሰይን ዚነብዩ ï·º ዹልጅ ልጅ በኢስላማዊ እውቀት ኹመጠቁ ታላላቅ ሰሀቊቜ አንዱ ና቞ው። በኢባዳ ብርቱ ዚተወዳጇ ዚመልእክተኛው ï·º ልጅ ዚፋጢማ ሚዲዚላሁ አንሀ ልጅ ና቞ው። ሆኖም... ቀሪውን በዚህ ሊንክ ያንብቡ http://clearfaith.blogspot.com/2015/10/blog-post.html?m=1 ------ 📮ዚአቡጁነይድ መልዕክቶቜ @abujunaidposts

አሹራ... ታሪክና እርምት 1–4 በአሹራ፣ ዚቀብር አምልኮና ዹሁሰይን መገደል ዙርያ በሺዓዎቜ ዚሚነሱ ጉዳዮቜን ለመዳሰስ ሞክሚናል። ሁላቜንንም አላህ በሱና ላይ እስኚሞት ኚሚፀኑት ያደርገን ዘንድ እለምነዋለው። Part 1 https://youtu.be/WmK_NzcVYdg Part 2 https://youtu.be/xxSgqdIk5tQ Part 3 https://youtu.be/2hmD6EfzNzQ Part 4 https://youtu.be/YAmqFXfp8rU @nesihatv