« سوهەیلە »

تا نەکەی سەیری گوڵستان ، تێناگەی لە حاڵی بولبول 🫠.

سەختترین هەنگاو، دەستپێکردنی یەکەم هەنگاوە..

" ئەگەر دەرگاکە بکەیتەوە قاپەکان دەشکێت " هەندێک دەرگا لە ژیانمان هەن ئاوا پێویستە بەداخراوی جێبهێڵدرێن تا لەشەڕ و خراپەیان بەدووربین.

ڕەنگە نەفس لەبەر ئەوە وێڵ و سەرگەردان بووبێت ، چونڪە خالقۍ خۆۍ لەبیر ڪردووە ..

وازی لێبێنن دڵی پێکراوە، چارەی سوتانە!

چوار تەڵەکەی دەروون حاتمی ئەصەم دەفەرموێت: بە شوێنی چاک و پیرۆز هەڵمەخەڵەتێ؛ چونکە هیچ شوێنێک لە بەهەشت چاکتر نییە، کەچی باوکە ئادەم تێیدا تووشی ئەو شتانە بوو کە تووشی بوو. بە زۆریی پەرستش و عیبادەتیش هەڵمەخەڵەتێ؛ چونکە ئیبلیس دوای تەمەنێکی زۆۆر لە عیبادەت، تووشی ئەو سەرەنجامە بوو کە تووشی بوو. بە زۆریی زانست و زانیاریش هەڵمەخەڵەتێ؛ چونکە «بەلْعام کوری باعورا» تووشی ئەو ڕەوشە بوو کە تووشی بوو، لە کاتێکدا کە «ئیسمی ئەعزەم»یشی (ناوی هەرە گەورەی خوای پەروەردگار) دەزانی. بە بینین و گەیشتن بە پیاوچاکانیش هەڵمەخەڵەتێ؛ چونکە هیچ کەسێک لە پێغەمبەر (صلى الله عليه وسلم) چاکتر و مەزنتر نییە، کەچی دوژمنان و دووڕووەکان هیچ سوودێکیان لە بینین و گەیشتن پێی نەبینی. - ئیبنولقەییم ،

ئیمامی شافعی (ڕەزا و رەحمەتی خوای لێبێت) دەفەرموێت: «فَمَا كُلُّ مَنْ تَهْوَاهُ يَهْوَاكَ قَلْبُهُ» (واتە: مەرج نییە هەرکەسێک تۆ دڵت هۆگری بێت، ئەویش دڵی هۆگری تۆ بێت) کەواتە گەورەیی خۆت بپارێزە

تا دەستبەرداری ترس نەبی هەموو ڕۆژێک ئامانجەکانت بە بەرچاوتەوە هەڵدەوەرن.

ئەو دەمەی خاکی وشکمان سپێردراوی خودا ئەکەین، دەیکات بە بەهار..

لەم شەوە بێ دیمەنەدا زایەڵەی کۆچێک بەنێو ڕۆحی گەڕیدەخوازمدا، غەڕغەڕە دەکات

دڵ وەك گۆزە وایە، هەتا ئەوكاتە دەتوانێت جوانییەكان ببینێت، نەشكابێت كە شكا، ئیتر هێندە بە دوای كۆكردنەوەی پارچەكانی خۆیدا دەگەڕێت، بە دوای بینینی جوانییەكاندا ناگەڕێت.

وەهیبی کوڕی وەرەد دەفەرمووێت: دانایی دە بەشە نۆی بێدەنگییە دەیەمی دوورییە لەخەڵک..

لە جیهانێکی پڕ لە ڕەنگی دەستکرددا « خۆت بوون » جوانترین ڕەنگە..

ژیان وەڪ دایڪت نییە بەیانی توڕەی بڪەی و ئێوارە بانگت بڪات نانەڪەت بخۆیت،ژیان لێت ئەگەڕێت لە برسا بمریت..

لێرە گەر لەباخی لۆکەشدابیت هەر بەدەستی دۆستێکەوە دەشکێییت..

ژیان وەک کتێبێک وایە، هەر ڕۆژێکی پەڕەیەکە هەوڵبدە هەر پەڕەیەکی بە پێنووسی خۆشحاڵی و ڕێز بنووسیت، هەرچەندە کە هەندێک لە پەڕەکانی دەربارەی ئازار و شێتی بێت...🤍

قیمەت و بەهای هەر شتێک ئەوکاتە دەردەکەوێت کە لەدەستی دەدەیت، بۆیە دەمێکە گوتوویانە: " چەند بستێک لەوشکانی سەر زەوی، هەموو زێڕی دنیا دەهێنێت لەلای ئەو کەسەی کە لە خنکانی ناو دەریایەک ڕزگاری بووبێت " قەدری بینینی مانگ هەر ئەوانە دەیزانن کە دوای ماوەیەک بینین، بەهۆکارێک بیناییان لەدەست داوە. چێژ ببینە لەوەی لەژێر دەستتە ڕەنگە بەیانی خـاوەنی نەبیــت

ڕەوشت وەکو عه تر وایە تۆلە خۆتی دەدەی خە ڵکی چێژی لێوەردە گرێت..

گەورەترین ڕێجیم ئەوەیە وازبهێنی لە خواردنی گۆشتی خەڵکی

لە نێوان جەنگی ' دڵ ' و ' ئەقڵ ' هەستەکان بوونە قوربانی..