HAILE GEBRIEL - በማለዳ ንቁ

◈ "የአምልኮት ፍቅሩ ሐቅለ ሕሊና በሚያቃጥል በእሳታዊ እግዚአብሔር ስምና፤ ይህን ከንቱ ሰነፍ ዓለም በአማላጅነቱ ድንቅ ጥበብ በምትፈውስ፤ በሁለት ወገን ድንግል በምትሆን አምላክን በወለደች በድንግል ማሪያም ስም፤ ጽልመተ አበሳን የምታስወግድ የብርሃን መቅረዝ ቅዱስ ዮሐንስ ሆይ ቸርነትህን እመሰክር ዘንድ፤ አዋጅ ነጋሪ ቅዱስ አንደበትህ በአየር ሰማይ በልዕልና ጎልቶ ይሰማ። ቅዱስ ዮሐንስ ሆይ አዋጅ ነጋሪ በሆነ ቅዱስ አንደበትህ፤ የንስሐ ትምህርተ ስብከት ከሰዎች ላይ የኃጢአት ሸክምን እንዳስወገድክ ከእኔም ከአገልጋይህ ላይ የሚያሰቃየኝን ጽኑዕ የኃጢአት ክምር አስወግድልኝ።" (መልክአ ዮሐንስ መጥምቅ) #Subscribe #Like #Share    👇👇👇👇 www.youtube.com/@haileG2239 www.youtube.com/@pagumentube

◈ "ማግባት ስትፈልግ አስቀድመህ ጸልይ፣ አሳብህን ለእግዚአብሔር ንገረው። እግዚአብሔር መርጦ እንዲሰጥህ ለምነው። ጭንቀትህን ሁሉ በእርሱ ላይ ጣለው። አንተ እንደዚህ እርሱ እንድመርጥልህ የምታደርግ ከሆነም፥ አክብረኸዋልና እርሱም ለአንተ በጎ የትዳር አጋርን በመስጠት ያከብርሃል። ስለዚህ በምታደርገው ነገር ሁሉ ሽማግሌህ እርሱ እግዚአብሔር እንዲሆን ዘወትር ጠይቀው። አስቀድመህ እንዲህ ካደረግህም፥ ወደ ትዳር ከገባህ በኋላ ፍቺ አይገጥምህም። ሚስትህ ሌላ ሰውን አትመኝም። በሌላ ሴት እንድትቀናም አታደርግህም። በመካከላችሁ (ለክፉ የሚሰጥ) ጠብና ክርክር አይኖርም። ከዚህ ይልቅ ታላቅ የኾነ ሰላምና ፍቅር በመካከላችሁ ይሰፍናል። እነዚህ ካሉ ደግሞ ሌሎች በጎ ምግባራትን፣ ትሩፋትን ለመፈጸም በፍጹም አትቸገሩም።" 🙏🙏🙏 (ቅዱስ ዮሐንስ አፈወርቅ) #Subscribe #Like #Share    👇👇👇👇 www.youtube.com/@haileG2239 www.youtube.com/@pagumentube

«ሰኔ ፳፰ ቅዱስ አማኑኤል» ◈ በስመ አብ ወወልድ ወመንፈስ ቅዱስ አሐዱ አምላክ አሜን ለአባቶቻችን አምላክ ለቅዱስ አማኑኤል ወርሐዊ መታሠቢያ ክብረ በአል እንኳን አደረሰን አደረሳችሁ። አማኑኤል ማለት እግዚአብሔር ከእኛ ጋር ነው ማለት ነው። የአባቶቻችን የአብርሐም የይስሐቅ የያእቆብ አምላክ ቅዱስ እግዚአብሔር ከሁላችንም ጋር ይሁን በቸርነቱ ይጠብቀን። አማኑኤል ማለት የአምላክ ሰላም፣ የእግዚአብሔር እርቅ፣ የጌታ አንድነት ማለት ነው። አማኑኤል ማለት "አማኑ" እና "ኤል" ከሚሉ ሁለት ቃላት የተመሠረተ ስም ነው አማኑኤል ማለት እግዚአብሔር ከኛ ጋር ማለት ነዉ። ድንግል ትፀንሳለች ወንድ ልጅንም ትወልዳለች ስሙንም አማኑኤል ትለዋለች ትርጉሙም እግዚአብሔር ከእኛ ጋር ሆነ ማለት ነው።(ኢሳ 7፥14) ቸሩ ቅዱስ አማኑኤል ለእኛ ስትል በመስቀል ሞት የገለፅከዉን ፍቅርህን እያሰብን ከሐጢአት እና ከአመፅ እንድንርቅ ፍቅርህ በልቦናችን ይታተም በትንሣኤህ የኛን ትንሣኤ የገለፅክልን ጌታችን እናመሰግንሃለን፤ ክብር ኃይልና ምስጋና ለአምላካችን ለቅዱስ አማኑኤል ይሁን። በዚህ እለት በመታሰቢያ በአላቸዉ የምናስባቸው የአባቶቻችን የአብርሃም የይስሐቅ የያዕቆብ ረድኤትና በረከት አይለየን። ፀሎታቸው ይጠብቀን "አሜን" #Subscribe #Like #Share    👇👇👇👇 www.youtube.com/@haileG2239 www.youtube.com/@Estifanos2239