📚منهج السلف طريقنا الى الله 📚

የሚጮሁትን የማይኖሩ ጉዶች! ክፍል - 2 ~ ሰለፎች ሙብተዲዕ ጋር አብሮ ከመቀማመጥ የከለከሉባቸው መረጃዎች በተጨባጭ አሉ። በርግጥ ከሰለፎች ከዚህ የተለየ ይዘት ያላቸው መረጃዎችም በተጨባጭ አሉ። ይህም ጉዳዩ 2 ሲደመር 2 ይሆናል አራት አይነት በጥሬው የሚያዝ እንዳልሆነ ይጠቁማል። (ራሱን ችሎ እመለስበታለሁ ኢንሻአላህ። እስከዚያ እንደለመዱት ይጩሁ።) ለጊዜው ግን አንድ ነገር ላቅርብ። ያያዝኳቸውን ምስሎች ተመልከቱ። የመጀመሪያው ምስል ላይ በሰማያዊ የተጠቆመው፣ 2ኛው ላይ ደግሞ በቀይ የተጠቆመው የነሱ ሰዎች ናቸው። ሙብተዲዕ ጋር ስለ መቀማመጥ ሰርክ የሚጮሁ ሰዎች የራሳቸው መስለሐ ያለበት ቦታ ግን እንዲህ ይጣዳሉ። የመጀመሪያው የባለፈው ረመዷን ሲሆን ሁለተኛው ደግሞ በቅርቡ የተደገመ ነው። ምስሉ ሲሰራጭ ጊዜ "ሸይኽ ፉላን ሰርግ ላይ መገኘት ይቻላል ብለዋል" የሚል ማመሀኛ አምጥተዋል። 1ኛ ነገር ይሄ ሰርግ አይደለም አታምታቱ። 2ኛ ነገር ሰርግስ ቢሆን ሴቶች ጋር ተቀላቅሎ መቀመጥ ይቻላል? (በቀይ የሸፈንኩት ሴቶች ናቸው። ቪዲየዎቹ ላይ ደግሞ በሰፊው ማየት ይቻላል።) ደግሞ አያፍሩም ይህንን ዘገባ ግድግዳቸው ላይ ይለጥፋሉ። በተጨማሪም ዩሱፍ አሕመድም (ባህር ዳር) ከሸይኽ ሙሐመድ ዘይን ዘህረዲን ጋር ተቃቅፎ ሞቅ አድርጎ ሰላምታ ሲለዋወጥ ነበር። ቀደም ብሎም ከላይ ከሚታዩት ጋር ባንድ ላይ ፎቶ ተነስቷል። በነገራችን ላይ ክፍለ ሃገር ላይ የመጅሊስ መዋቅር ውስጥ የገቡ አሉ። እሱን የምመጣበት ጊዜ አለኝ ፣ ኢንሻአላህ። እና ቀመራችሁ እንዴት ነው? መለኪያችሁ ስሜት ብቻ ነው። የሰለፎች ንግግሮች የሚጠቀሱት እንዲሁ ለሽፋን ያህል ነው። = የቴሌግራም ቻናል https://t.me/IbnuMunewor

ሸይኽ ኢብኑ ዑሠይሚን ~ የቴሌግራም ቻናል https://t.me/IbnuMunewor

ኢኽ^ዋንን በጨረፍታ፣ በዑለማዎች እይታ ~ ልብ በሉ! የማቀርበው የዑለማኦችን ንግግር እንጂ የራሴን አይደለም። ይህንን የማሳስበው ኢኽዋን ሲነካ ደርሰው አራስ ነብር ለሚሆኑ አካላት ለአፍታ ቆም ብለው ጉዳዩን እንዲያጤኑት ለማስታወስ ነው። አብዛኞቹ ኢኽዋን ሲነካ የሚንጨረጨሩ ወገኖቻችን በተሳሳተ ስብከት ስለተሞሉ እንጂ ለሐቅ ጥላቻ ኖሯቸው አይደለም። ስለዚህ ጉዳዩን ከተለያዩ አቅጣጫዎች እንዲመለከቱ በማገዝ ከሰመመናቸው እንዲነቁ መስራት ያስፈልጋል። ከነዚህ መንገዶች ውስጥ አንዱ ደግሞ የዑለማእ ንግግሮችን ማሳየት ነው። በኢኽዋን ክፉ ስብከት ተበክለው ዑለማኦችን እስከመወንጀል የደረሱ ቢኖሩም ዛሬም ድረስ ለታላላቅ የሱና ዑለማኦች ክብር ያላቸው ወገኖቻችን ቀላል አይደሉም። ወደ ዑለማኦቹ ንግግር አልፋለሁ። 1. አሕመድ ሻኪር (ግብፃዊ)፡- “የሸይኽ ሐሰን አልበና እና የሙስሊም ወንድማማቾቹ ንቅናቄ የኢስላማዊ ደዕዋን ወደ አፍራሽ የጥፋት ደዕዋ የገለበጡ ናቸው። ኮሙኒስቶች እና አይሁዳውያን እንደሚረዱት በተጨባጭ እናውቃለን።” [ሹኡኑ ተዕሊም ወልቀዷእ፡ 48] 2. ኢብኑ ባዝ፡- “አላህ መልካም ይዋልልዎትና ህዝቦቼ ወደ 73 ቡድኖች ይከፋፈላሉ። አንዷ ስትቀር ሁሉም የእሳት ነው የሚለውን የነብዩ ﷺ ሐዲሥ መሰረት በማድረግ ሺርካ ሺርክና ቢድዐዎች ያለባቸው የተብሊግ ቡድን እና ቡድንተኝነትና በመሪዎች ላይ በማመፅ ሰሚና ታዛዥ ባለመሆን ልዩነት የሚፈጥሩት ኢኽዋነል ሙስሊሚን እነዚህ ሁለት አንጃዎች ከጠፊዎቹ አንጃዎች ውስጥ ይካተታሉን?” መልስ፡- ከ72ቱ ውስጥ ይገባሉ። የአህሉ ሱናን ዐቂዳ የጣሰ ከ72ቱ ውስጥ ይገባል። “ህዝቦቼ” ሲሉ የተፈለገው ለጥሪያቸው አዎንታዊ መልስ የሰጡትና እሳቸውን መከተልን ያንጸባረቁትን ነው። እነዚህም 73 ናቸው። የምትድነዋ ያቺ የተከተለቻቸውና በዲናቸውም ላይ የፀናችው ናት። በ72ቱ ውስጥ ግን ከ ሃ ዲም ይኖራል፤ ወንጀለኛ ይኖራል። ሙብተዲዕም ይኖራል። ብዙ ክፍል ነው። ጠያቂ፡- ስለዚህ እነዚህ ሁለት አንጃዎች ከ72ቱ (ጠፊ አንጃዎች) ውስጥ ይገባሉ ማለተ ነው?” ኢብኑ ባዝ፡- አዎ! ከ72ቱ ውስጥ ናቸው።” [ሸርሑል ሙንተቃ የካሴት ቅጂ] ይሄ ፈትዋ ከመሞታቸው ሁለት አመት ወይም ከዚያ ባነሰ ጊዜ ጧኢፍ ውስጥ የተናገሩት ነው። 3. ሸይኽ ሙቅቢል አልዋዲዒይ (የመናዊ)፡- ጥያቄ፡- በዘመናችን የሚገኙት የሱሩሪያና የኢኽ^ዋን ቡድኖች ከሱና ከሚወጡ ቡድኖች ውስጥ ናቸውን?” መልስ፡- ከአህሉ ሱና አይቆጠሩም። ክብረ ቢስ ናቸው። የሚቀረው በተናጠል አባላቶቻቸው ላይ ብይን መስጠት ነው። አባሎቻቸው ላይ በተናጠል ብይን መስጠት አንችልም። ምክንያቱም አላዋቂ መሀይም ሊሆን ይችላልና። የኢኽ^ዋንና የሱሩሪያን ሰበካ የሚያውቅ ወደዚያ የሚጣራና ለነሱ በጭፍን የሚሞግት የሆነው ቁንጮ ግን እሱ ከምትድነዋ አንጃ ውስጥ አይደለም ልንል ይቻለናል።” [ቱሕፈቱል ሙጂብ፡ 10] ጥያቄ፡- ከኢኽ^ዋን አልሙስሊሚን አንፃር የአህሉ ሱና ወልጀማዐ አቋም ምን ሊሆን ይገባል?” መልስ፡- ከኢኽ^ዋን አልሙስሊሚን አንፃር የአህሉ ሱና ወልጀማዓ አቋም መንገዳቸው የፈጠራ መንገድ እንደሆነ ይፈርዳሉ። በተናጠል አባላቱ ዘንድ ስንመጣ መንገዱን ካወቀ በኋላ የሚፀናበትም እንዲሁ ሙብተዲዕ ነው። መንገዱን ሳያውቅ እንዲሁ ኢስላምንና ሙስሊሞችን እረዳለሁ ብሎ የሚያስብ ግን እንደ ስህተተኛ ይቆጠራል።” [ቱሕፈቱል ሙጂብ፡ 10] ሐሰን አልበና እና ሰይድ ቁጥብ ወደ አላህ በሚደረገው ጥሪ ላይ ኢማሞች (መሪዎች) ናቸው የሚል አለ” ተብለው ሲጠየቁ “አዎ ኢማሞች ናቸው። ነገር ግን ኢማምነታቸው ለቢድዐ ባለቤቶች ነው…” ብለው ነው የመለሱት። 4. ሸይኽ ፈውዛን ጥያቄ፡- እነዚህ አንጃዎች ከ72ቱ ጠፊ አንጃዎች ውስጥ ይገባሉን? መልስ፡- አዎ። ወደ ኢስላም ራሱን ከሚያስጠጋ ውስጥ በደዕዋ ወይም በዐቂዳ ወይም በሆነ የኢማን መሰረቶች ውስጥ የአህሉ ሱና ወልጀማዐን ዐቂዳ የሚጣረስ ሁሉ ከ72ቱ አንጃዎች ውስጥ ይገባል። ዛቻውም ይመለከተዋል። በተቃርኖው ልክ ውግዘትና ዛቻም ይኖረዋል።” [አልአጅዊባ] 5. ሸይኽ ዐብዱል ሙሕሲን አልዐባድ ስለተብሊግና ኢኽ^ዋን ቡድኖች ሲጠየቁ እንዲህ ብለው መልሰዋል፡- እነዚህ የተለያዩ አዳዲስ ቡድኖች መጤዎች ናቸው። በ14ኛው ክ/ዘመን ነው የተወለዱት። … ለምሳሌ የኢኽዋን ቡድን ከነሱ ዘንድ የገባ ወዳጃቸው ነው። ይወዳጁታል። ከነሱ ያልሆነን ከሱ ተቃራኒ ይሆናሉ። ከነሱ ጋር ከሆነ ግን ቆሻሻ ከሆኑ የአላህ ፍጡሮች ቢሆንም፣ ራ*ፊ*ዳ (ሺዐ) ቢሆንም ወንድማቸው ወዳጃቸው ነው። ለዚህም ነው አካሄዳቸው ያለፈ ያገደመን የሚሰበስበው። ሶሐባን የሚጠላ ራ*ፊ*ዲ ለምን አይሆንም?!...” [ፈታወል ዑለማእ ፊልጀማዓት ወአሠሪሃ ፊ ቢላዲል ሐረመይን] 6. ሷሊሕ ኣሊ ሸይኽ የኢኽ^ዋን አልሙስሊሚን ቡድንን በተመለከተ ጎላ ካሉ መታወቂያዎቻቸው ውስጥ አንዱ ትክክለኛ ማንነታቸውን መደበቅ፣ መለዋወጥ፣ ይጠቅመናል ብለው የሚያስቡት ዘንድ መቀራረብ፣ ትክክለኛ ገፅታቸውን ግልፅ አለማውጣት ነው። ማለትም በሆነ በኩል ሲታይ ባ*ጢ*ኒ*ያ ናቸው።… ሌላኛው ኢኽዋኖችን ከሌሎች የሚለያቸው እነሱ ሱናን አያከብሩም። የሱና ሰዎችንም አይወዱም። ምንም እንኳን ይህንን አደባባይ ባያወጡትም። ግና በተጨባጭ ሱናን አይወዱም። ወደሱና ሰዎችም አይጣሩም። ..” [ፈታወል ዑለማእ ፊልጀማዓት ወአሠሪሃ ፊ ቢላዲል ሐረመይን] የቻለ ሙሉውን ይስማ። ይህንን እንደ ሰደድ እሳት የተሰራጨ ብልሹ አስተሳሰብ የዑለማዎችን ፈትዋዎች በማጣቀስ፣ የኢኽ^ዋኖች ከባባድ የዐቂዳ ጥፋቶችን ሚዛናዊ የሆነና ለዐቂዳው ዋጋ የሚሰጥ ሰው አይቶ እንዲፈርድ በማቅረብ ማጋለጥ ያስፈልጋል። አቡበክር ብኑ ዐያሽ ረሒመሁላህ “ሱኒይ ማነው?” ተብለው ሲጠየቁ ሱኒይ ማለት “ስሜቶች (ቢድዐዎች) ሲወሱ (ሲጋለጡ) ለየትኛዋም ወግኖ የማይቆጣ ነው” ይላሉ። [አሸሪዐህ፡ ቁ.፡ 2112] = (ኢብኑ ሙነወር፣ የካቲት 02/2009) * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

የኮርስ እና የሙሐደራ ፕሮግራም በጂንካ ጃሚዑ-ሰላም መስጂድ‼️ 👉ነገ ቅዳሜ ጥር 18, 2016 E.C እና እሁድ ጥር 19, 2016 E.C 🪐በጂንካ ከተማ 🕌ጃሚዑ-ሰላም መስጂድ 🏝 የኮርስና የሙሐደራ ፕሮግራም ተዘጋጅቷል። 🎤የኮርስ ፕሮግራሙ በሁለት ወንድሞች የሚቀርብ ሲሆን፤ ዝርዝሩም እንደሚከተለው ይሆናል። 1) 📖መንዘመቱ አቢ ኢስሃቅ ኢልቢሪ እና ላሚያ 🎤በወንድም አብዱረዛቅ ባጂ قصيدة أبي إسحاق الألبيري(التائية) و لامية شيخ الإسلام ابن تيمية الأخ عبد الرزاق الباجي الشافعي 2) 📖ቀዋዒዱል አርበዓህ: 🎤በኡስታዝ አብዱናሲር መኑር አልጃቢሪ القواعد الأربع الأستاذ عبد الناصر منور 3) ልዩ ልዩ መሐደራዎች 🎤 በወንድም ኸድር ነጅሙ አድራሻ:ጂንካ ከተማ ጃሚዑ-ሰላም መስጂድ::

ከደቂቃዎች በኋላ የሪያዱ ሷሊሒን ደርስ ይኖራል ኢንሻአላህ።

‘ሸይኽ ኢብኑ ባዝና አልባኒይ ይጋሩታል ወይስ ይቃረኑታል?’ ስለተባለው ጉዳዩ እኔ የሸይኽ ረቢዕን ኪታቦች በብዛት አላነበብኩም። ይሄ አንድ ነገር ነው። እንደገና ሌላው ነገር እንዳልነው የሱና ሰዎች ከፊሉ ከፊሉን በጭፍን አይከተሉም። እሱን ቢሀይሱና ከልክ እንደወጣ ቢያዩ ኖሮ የሚለውን ለማረም ፅሁፎችን ባወጡ ነበር። የሚለውን ለመመለስ ኪታቦችን ባዘጋጁ ነበር። ምንም ይሁን ምን ሁላችንም እናገኛለን፣ እንስታለን። እንዘነጋለን፣ እናውቃለን። ወላሁል ሙስተዓን።” ምንጭ፦ https://www.muqbel.net/fatwa.php?fatwa_id=4330 = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

"መድኸሊዮች አይደለንም፣ ግን መድኸሊዮች ነን" ~ በኢማሙ ሻፊዒይ ላይ ድንበር የሚያልፍ ሻፊዒይ አትሁን፣ በአልባኒይ፣ በኢብኑ ባዝ ላይ ድንበር አትለፍ ስትል ኮሽታ አያሰማም። በረቢዕ ላይ ድንበር አትለፍ ስትል ግን "ሸይኽ ረቢዕን ሰደብክ" ብሎ አገር ምድሩን ያቃጥላል። ይሄው ነው በቃ የማሰብ አቅማችሁ? ረድ ማለት እናንተ ዘንድ የሰውን ንግግር እያጣመሙ በመተርጎም መጮህ ነው? እናንተ አስተማሪዎቻቸው የሆኑ ሰዎች ምንኛ ያሳዝናሉ?! ድንበር ማለፍኮ ይሄው ነው። እንጂማ ድንበር አላፊዎችኮ "ልክ ነው እኛ ድንበር እናልፍለን" ብለው አያውቁምኮ። ብቻ ቢኮሰኩሳችሁም ዋጡት። በሸይኽ ረቢዕ ላይ ድንበር የሚያልፉ ሰዎች በተጨባጭ አሉ። ለዚህም እናንተ ተግባራዊ ማሳያ ናችሁ። ደግሞም "ረቢዕን መልእክተኛ አደረጉትን?" ያልኩት እኔ ሳልሆን ሸይኽ ዐብዱልዐዚዝ አራጂሒይ ናቸው። ብልግናችሁ ለከት አጥቷልና ዝመቱባቸው። ሸይኽ አዝሀር ሲነይቆራም "የሸይኽ ረቢዕ ንግግር ወሕይ ነው ወይ?" ብለዋል። በቀጣይ ዑለማኦች ለሸይኽ ረቢዕ የሰጡትን አድናቆት መዘርዘር ላይ ትጠመዱ ይሆናል። አንድ ትልቅ ዶሴ ብታቀርቡም እውነታው አይቀየርም። በማንም ላይ ድንበር ማለፍ ባጢል ነው። "የጀርሕና ተዕዲል ሰንደቅን ተሸካሚው ረቢዕ ነው" የሚለው የሸይኽ አልባኒይ ንግግርም "ሸይኽ ረቢዕ የተናገረውን ሁሉ ውሰዱ" ማለት አይደለም። በዚህ መልኩ የሚረዱት ማሰቢያቸው የተደፈኑ በቀቀኖች ናቸው። ይሄኮ አይን ያወጣ ድንበር ማለፍ ነው። በፈውዛን ላይ ድንበር ማለፍ አይገባም ሲባል ምንም አይሉም። እንዲያውም በትልልቅ የሰለፍ አኢማዎች ላይ ድንበር ማለፍ አይገባም ሲባልም ምንም አይሉም። በረቢዕ ላይ ድንበር ማለፍ አይገባም ሲባል ግን ይጮሃሉ። አይ ድንበር ማለፍ በረቢዕ ላይ ሲሆን ይፈቀዳልi "ረቢዕን በጭፍን የምትከተል መድኸሊይ አትሁን" ስትባል ከጮህክ መድኸሊይነትህን እያረጋገጥክ ነው ያለኸው። ለማንኛውም ኢብኑ ተይሚያ ረሒመሁላህ እንዲህ ይላሉ፦ وكلام يحيى بن معين والبخاري ومسلم وأبي حاتم وأبي زرعة والنسائي وأبي أحمد بن عدي و الدارقطني وأمثالهم في الرجال وصحيح الحديث وضعيفه هو مثل كلام مالك والثوري والأوزاعي والشافعي وأمثالهم في الأحكام ومعرفة الحلال من الحرام "የሕያ ብኒ መዒን፣ ቡኻሪይ፣ ሙስሊም፣ አቢ ሓቲም፣ አቢ ዙር0፣ ነሳኢይ፣ አቢ አሕመድ ብኒ ዐዲይ፣ ዳረቁጥኒይ እና መሰሎቻቸው በዘገባ ሰዎች ላይ እና በሶሒሕና ዶዒፍ ሐዲሥ ብይን ላይ የሚናገሩት ንግግር ልክ ማሊክ፣ ሠውሪይ፣ አውዛዒይ፣ ሻፊዒይና መሰሎቻቸው በፊቅህ ህግጋትና የሐላልና ሐራም እውቀት ላይ እንደሚናገሩት ንግግር ነው።" [ረድ ዐለል በክሪይ፡ 1/72] ስለዚህ! ልክ በፊቅህ ርእስ ላይ የአንድን ኢማም ንግግር በጭፍን መውሰድ እንደማይገባው በሐዲሥ ብይን ላይ፣ በአስተላላፊዎች ትችትና ሙገሳ ላይ የአንድን ኢማም ንግግር በደፈናው መውሰድም ግዴታ አይሆንም። ይህንን ያልኩት እኔ አይደለሁም። ይልቁንም ሸይኹል ኢስላም ኢብኑ ተይሚያ ናቸው ረሒመሁላህ። ይሄ ቋሚ መርህ ከሺ ዘመናት በኋላ ሸይኽ ረቢዕ ላይ ሲደርስ አይቀየርም። አሁንም ኢብኑ ተይሚያ እንዲህ ይላሉ፦ لا ‌يجوز ‌لأحد ‌أن ‌يجعل ‌الأصل في الدين لشخص إلا لرسول الله ﷺ ولا لقول، إلا لكتاب الله عز وجل ومن نَصَّب شخصاً كائناً من كان فوالى وعادى على موافقته في القول والفعل، فهو (من الذين فرقوا دينهم وكانوا شيعاً) "በዲን ጉዳይ ላይ መሰረትን ለግለሰብ ሊያደርግ ለአንድም ሰው አይፈቀድም፤ ለአላህ መልእክተኛ ﷺ ቢሆን እንጂ። ለየትኛውም ንግግርም እንዲሁ፤ ለአላህ - ዐዘ ወጀል - መፅሐፍ ቢሆን እንጂ። አንድን ሰው መድቦ - ያ ሰው ማንም ይሁን ማን - በንግግርም ይሁን በተግባር እሱን በመግጠም ላይ ወዳጅነትና ጠላትነት የሚመሰረት አካል እሱ 'ከነዚያ ሃይማኖታቸውን በመለያየት ጭፍራዎች ከሆኑት ነው።' " [አልመጅሙዕ፡ 20/8] በመጨረሻም ፅሑፌን በሸይኽ ሙቅቢል ረሒመሁላህ ንግግር እዘጋለሁ። እንዲህ የሚል ጥያቄ ቀርቦላቸው ነበር፦ “በሂስና ሙገሳ (ጀርሕ ወተዕዲል) ዘርፍ ላይ በሸይኽ ረቢዕ የሂስ ፅሁፎች ላይ እንዲሁም በሚጓዙበት መንገድ ላይ ይስማማሉ ወይስ ይቃረናሉ? ሸይኽ ኢብኑ ባዝ፣ ኢብኑ ዑሠይሚንና አልባኒይ እንደሚጋሯቸውስ ያውቃሉን?” የሸይኽ ሙቅቢል መልስ ይሄውና :- أهل السنة منبعهم واحدٌ - الذي يشربون منه -؛ وهو: كتاب الله وسنة رسوله ﷺ؛ فعقيدتهم واحدة، واتجاههم واحد في جميع البلاد الإسلامية. نحن متفقون على جرح أصحاب البدع والحزبيين، متفقون على هذا، بقي في أناس هم عند شخص من المجروحين، وعند آخر ليسوا من المجروحين، هذا حدث على عهد السلف؛ فرُبّ راوٍ يقول فيه أحمد بن حنبل: ثقة، و يقول فيه يحيى بن معين: كذاب، أو العكس، وهكذا البخاري وأبو زُرعة وأبو حاتم. والمهم: لا يقلّد بعضهم بعضاً؛ فإذا اختلفنا في توثيق شخص وتجريحه: فليس معنى هذا أننا مختلفون في العقيدة! وليس معنى هذا أننا مختلفون في الاتجاه. وأما هل الشيخ ابن باز والشيخ الألباني يوافقونه أم يخالفونه؟ فالمسألة أنني أنا ما قرأت كثيراً من كتب الشيخ ربيع، هذا أمر، أمر آخرأيضاً كما قلنا: إن أهل السنة لا يقلِّد بعضهم بعضا، ولو انتقدوا عليه ورأوه خرج عن الصواب لأخرجوا المنشورات في رد ما يقول، وأخرجوا الكتب في دفع ما يقول. وعلى كُلٍّ: كلنا نصيب ونخطئ، ونجهل ونعلم. والله المستعان. “የሱና ሰዎች የሚቀዱበት ምንጫቸው አንድ ነው። እሱም የአላህ ኪታብና የመልእክተኛው ﷺ ሱና ነው። በሁሉም ኢስላማዊ ሃገራት ዐቂዳቸውም አንድ፣ መንገዳቸውም አንድ ነው። አዎ እኛ የቢድዐ ሰዎችንና ቡድንተኞችን በመሀየስ ላይ እንስማማለን። በዚህ ላይ እንስማማለን። የሚቀረው፡ አንዱ ዘንድ የተተቹ ሌላኛው ዘንድ ግን ያልተተቹ የሆኑ ሰዎች ጉዳይ ነው። ይሄ በሰለፎችም ዘመን ተከስቷል። ምናልባትም አንዱን ዘጋቢ አሕመድ ኢብኑ ሐንበል ‘ታማኝ ነው’ ብሎት የሕያ ኢብኑ መዒን ግን ‘ውሸታም ነው’ ያለው ወይም በተቃራኒው የሆነ ስንት ዘጋቢ ያጋጥማል። ቡኻሪ፣ አቡ ዙርዐና አቡ ሓቲም ዘንድም ተመሳሳይ ነገር ያጋጥማል። ቁም ነገሩ ከፊላቸው ከፊሉን በጭፍን አይከተሉም። በአንድ ሰው ታማኝነት ወይም ብልሹነት ላይ ብንለያይ ይሄ ማለት ዐቂዳ ላይ ተለያይተናል ማለት አይደለም። በአካሄድ ላይ ተለያይተናል ማለት አይደለም።

መድኸሊይ እንዳትሆን! ~ ሸይኽ ረቢዕ አልመድኸሊይ እንደማንኛውም ዓሊም ናቸው። ይሄ ደረጃቸውን ዝቅ ማድረግ አይደለም። ከሳቸው የሚበልጡ ታላላቅ ዑለማኦችን በጭፍን መከተል አይፈቀድም ስንል ደረጃቸውን ዝቅ ማድረግ እንደማይሆነው ማለት ነው። ረቢዕ ልክ እንደሌሎቹ ዓሊሞች በየትኛውም ርእስ ላይ ቢሆን ፍፁም አይደሉም። በትንሽ በትልቁ በሸይኽ ረቢዕ ንግግር የሚያስፈራራ ቢኖር ራሱን ነው የሚሸውደው። ሱናን እከተላለሁ የሚል አካል በየትኛውም ዓሊም ላይ ያለው ምልከታ ለከት ሊኖረው ይገባል። አንድን ዓሊም መለኪያም፣ መስፈሪያም፣ መቁረጫም ማድረግ አይገባም። ሸይኽ ዐብዱልዐዚዝ አራጂሒይ - ሐፊዞሁላህ - የሌሎች ዓሊሞችን ንግግር ገሸሽ በማድረግ የሸይኽ ረቢዕን ንግግር በተለዬ የሚይዙ ስለሆኑ ሰዎች ሲጠየቁ እንዲህ ነበር ያሉት፦ يعني جعلوه رسولا، جعلوا ربيع رسولا، جعلوه رسولا، وهذا باطل، هذا باطل، ربيع ... يخطيء و يصيب و لا هو المييزان، الميزان: كلام الله و كلام الرسول، فمن قال: الميزان ربيع، هذا باطل. "መልእክተኛ አደረጉት ማለት ነው?! ረቢዕን መልእክተኛ አደረጉት?! ይሄ ውድቅ ነው። ይሄ ውድቅ ነው። ረቢዕ ... ይስታል፣ ያገኛል። ሚዛን አይደለም። ሚዛኑ የአላህ ንግግር እና የመልእክተኛው ንግግር ነው። ሚዛኑ ረቢዕ ነው የሚል ይሄ ውድቅ ንግግር ነው።" [ከድምፅ ቅጅ የተወሰደ ነው።] ስለዚህ የአልባኒይ፣ የኢብኑ ባዝ፣ የኢብኑ ዑሠይሚን፣ ወዘተ ንግግር በጭፍን እንደማይወሰደው የረቢዕ ንግግርም በጭፍን አይወሰድም። ረቢዕ በሌሎች መሻይኾች ላይ የሚናገሩትም በማስረጃ የተደገፈ ሲሆን ይወሰዳል፣ ካልሆነ ይጣላል። እንጂ ተናጋሪው ረቢዕ በመሆናቸው ብቻ ይወሰዳል ማለት አይደለም። አልባኒያ፣ ባዚያ፣ ዑሠይሚኒያ፣ ፈውዛኒያ፣ ... የሚባል መዝሀብ እንደሌለው መድኸሊያ የሚባል መዝሀብም የለም። ስለዚህ አኢማዎችን በጭፍን የሚከተል ሐነፊይ፣ ማሊኪይ፣ ሻፊዒይ፣ ሐንበሊይ፣ ... መሆን እንደሌለብህ ሁሉ ረቢዕን በጭፍን የሚከተል መድኸሊይ ልትሆንም አይገባም። እዚህ ላይ በቃል ደረጃ ችግር የለም። በተግባር ግን በተለያዩ መሻይኾች ላይ ድንበር ማለፍ ስላለ ጥንቃቄ እንዲኖረን ማስታወስ ነው የፈለግኩት። (ለጥጠው ሌላ ትርጉም ከሰጡ በኋላ በራሳቸው ምናብ ላይ ነብር ሆነው ለረድ የሚነሱ እንደሚኖሩ እጠብቃለሁ።) በተረፈ የኢኽዋን ጀሌዎች እዚህ እንዳትመጡ። የዚህ ፅሑፍ ጭብጥ በቅርብም በሩቅም ከናንተ ጋር የሚገናኝ አይደለም። የኢኽዋን ቡድን ዘንድ የአንጃቸውን ጥመት ከተናገርክ፣ የነ ሐሰን አልበና፣ ሰይድ ቁጥብ፣ ቀርዷዊይ፣ ... ጥፉ አካሄዶች ካስጠነቀቅክ፣ ... በኢኽዋን ቫይረስ በተጠቁ አካላት ዘንድ አንተ መድኸሊይ ወይም ጃሚይ ነህ። ልክ የሙታን አምልኮን፣ በአላህ ሲፋት ላይ ማራቆትን ስታወግዝ "ወሃቢይ" እንደምትባለው ማለት ነው። ለነዚህ ሸይኽ ዒምራን ዐሊይ ሪድዋን አልፋሪሲይ - ረሒመሁላህ - እንዳሉት እንላለን፦ قُـلْ لِلَّذِي اتَّـخَـذَ الـتَّـجَـهُّـمَ مَـرْكَـبًـا وَ رَآهُ دِيـنًـا و ارْتَــضَـاهُ مَـذْهَــــبًـا وَ لِـمَـذهَبِ الأَبـــرَارِ صَارَ مُـكَـذِّبـًـا إنْ كَانَ تَـابِـعُ أَحـمَــــدٍ مُـتَـوَهِّــبًـا *** فَـأَنـا الـمُــــقِـرُّ بِـأَ نَّـنِـي وَهَّـــابِي Ibnu Munewor = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

ከደቂቃዎች በኋላ የሪያዱ ሷሊሒን ደርስ ይኖራል ኢንሻአላህ።

ራሱን ባጠፋ ሰው ላይ መስገድ ~ በኢስላም ራስን ማጥፋት ትልቅ ወንጀል ነው። ሆነ ብሎ ራሱን ያጠፋ ሰው ከባድ ወንጀል ነው የፈፀመው። ይሄ ማለት ግን አላህ እንዲምረው ዱዓእ ማድረግ፣ በሱ ላይ ሶላተል ጀናዛ መስገድ አይቻልም ማለት አይደለም። እንዲያውም ይበልጥ ዱዓእ ያስፈልገዋል። ራስን ማጥፋት ከኢስላም አያስወጣም። ሙስሊምነቱ ከታወቀ ደግሞ በሱ ላይ ሶላተል ጀናዛ መስገድ አይከለከልም። ነብያችን ﷺ ራሱን ባጠፋ ሰው ላይ ያልሰገዱት ከዚህ ጥፋት ሰዎችን ለማስጠንቀቅ ነው። እንጂ ሌሎች እንዳይሰግዱበት አልከለከሉም። በተመሳሳይ ሁኔታ ሶላተል ጀናዛ አለመስገዱ ሌሎችን የሚያስደነግጥ የሆነ ሰው ባይሰግድ ተመራጭ ይሆናል። ሌሎች ሰዎች ግን ለሟች እንደ ማንኛውም ሙስሊም ዱዓእ ሊያደርጉለት፣ ሶላተል ጀናዛ ሊሰግዱበት ይወደዳል። Ibnu Munewor = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

"የአህዛብ ጣኦታት የሰው እጅ ስራ ናቸው።" ~ "ሁሉን መርምሩ፥መልካሙን ያዙ።" [ወደ ተሰሎንቄ ሰዎች፡ 5፥ 21] = የቴሌግራም ቻናል፡- https://t.me/IbnuMunewor

ፖሊስ ማለት ከህገ ወጦች የህዝብን ደህንነት የሚጠብቅ፣ ወንጀልን የሚከላከል፣ ወንጀለኛን ለህግ የሚያቀርብ፣ ሰላማዊ ድባብ እንዲኖር የሚተጋ ነበር። ወይም መሰለኝ። ፖሊሶች ሆይ! ለምን ግን በአቅራቢያችን ስትኖሩ ይበልጥ ስጋት እንዲሰማን ታደርጉናላችሁ? ለምንድነው ግን እጅ ከፍንጅ ከተያዙ ወንጀለኞች በላይ አቅመ ደካሞች ላይ ጉልበታችሁ የሚበረታው? እናንተ ከህዝብ አይደለም የወጣችሁት? እናት አባት የላችሁም ወይ? "አይበጅም!" አታውቁም ወይ? ነውር የሚባል እንዳለ አልሰማችሁም ወይ? አዛውንት ወላጃችሁ ላይ ይሄ ሲፈፀም ብታዩ ምን ይሰማችኋል? እንደ ህግ አስፈፃሚ የበለጠ ኃላፊነት ሊሰማችሁ ይገባ ነበር። እሺ እሱ ይቅር፣ ቢያንስ እንደማንኛውም ሰው ሰብአዊነት ቢኖራችሁ ምናለ? Addis Ababa Police እባካችሁ! መሰል ጥፋቶች በጣም በዝተዋል። ፖሊሶችን ስነ ምግባር ማስተማር ላይ በደንብ ስሩ። በፖሊስ አባላት ጥፋቶች ሲፈፀሙም አስተማሪ እርምጃ ውሰዱ። የእርምት እርምጃዎችን ለህዝብ ብታሳውቁ ደግሞ ጥቅሙ ለሁሉም ነው። ብዙ ሰው ዛሬ ከዘራፊዎች በላይ ፖሊስን እየፈራ ነውና መተማመን እንዲኖር በቂ ስራ ስሩ። Ibnu Munewor = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

ፋጢማ ቢንቱ ዐብዲልመሊክ - ረሒመሀላህ - የኸሊፋው ዑመር ብኑ ዐብዲልመሊክ - ረሒመሁላህ - ሚስት ነች። ስለ ዑመር ዒባዳህ ስትጠየቅ እንዲህ ብላ መለሰች:- "والله ما كان بأكثر الناس صلاةً، ولا أكثرهم صياماً، ولكن والله ما رأيت أحداً أخوَف لله من عمر!، لقد كان يذكر الله في فراشه، فينتفض انتفاض العصفور من شدّة الخوف حتى نقول: ‏"ليُصبحنّ الناس، ولا خليفة لهم!!". "በአላህ ይሁንብኝ! ከሰዎች የበዛ ሶላት ያለው አልነበረም። ፆሙም እንዲሁ ከሰዎች የበዛ አልነበረም። ነገር ግን ወላሂ! ከዑመር በላይ አላህን የሚፈራ አላየሁም። መኝታው ላይ ሆኖ አላህን ሲያወሳ ከፍራቻው ብርታት የተነሳ ልክ ወፍ እንደሚርገፈገፈው ይርገፈገፍ ነበር። 'ሰዎች ኸሊፋ ሳይኖራቸው ሊያነጉ ነው' (ሊሞት ነው) እስከምንል ድረስ።" ረዲየላሁ ዐንሁ ወአርዷሁ። 📖 [ሲረቱ ዑመር ብኒ ዐብዲልዐዚዝ፣ ኢብኑ ዐብዲልሐከም] Ibnu Munewor = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL

ወሳኝ የጥቢ፞ ህግጋት ~ በሃገራችን ወላጆች ልጆቻቸውን ጎረቤት ወይም ጓደኛ ዘንድ ጥለው ሲሄዱ የተተወባት እናት ልጁን ማጥባት የተለመደ ነው። ነገር ግን የሚከተለው ሸሪዐዊ ህግጋት እንዳለ ስለማያውቁ ለጉዳዩ ተገቢውን ትኩረት አይሰጡትም። ይሄ ትልቅ ርእስ ስለሆነ እናቶች ተገቢውን ጥንቃቄና ክትትል ሊያደርጉ ይገባል። በኢስላም ጥቢ፞ ከተራና አላፊ እለታዊ ክስተት ያለፈ ትርጉም አለው፡፡ ማለትም አጥቢና ጠቢን ያማከሉ ሰፋ ያሉ ሸሪዐዊ ህጎች ስላሉ ሙስሊሞች ተያያዥ ብይኖችን ማወቅ ይጠበቅባቸዋል፡፡ ይህንን ከሚያረጋግጡ ማስረጃዎች ውስጥ አንዱ እናታችን ዓኢሻ ረዲየላሁ ዐንሃ ያስተላለፈችው ሐዲሥ ነው፡፡ በዚህ ሐዲሥ ነብዩ ﷺ እንዲህ ብለዋል፡- "الرَّضَاعَةُ تُحَرِّمُ مَا تُحَرِّمُ الْوِلَادَةُ". “ጥቢ፞ መዋለድ (ከመጋባት) የሚከለክለውን ይከለክላል፡፡” [ቡኻሪ፡ 2646] [ሙስሊም፡ 1444] ስለዚህ ጥቢ፞ ከስጋዊ ዝምድና ጋር የሚጋራቸው ነገሮች አሉ ማለት ነው። እነዚህም አራት ናቸው፡- ① ጋብቻ:– በስጋ እናት ሰበብ ለመጋባት ክልክል የሆነ ሁሉ በተመሳሳይ በጥቢ፞ እናት ሰበብም ክልክል ይሆናል። ዝርዝሩ ወደፊት ይመጣል። ② እይታ (ነዞር):– በስጋ እናት ሰበብ መመልከት የሚፈቀድ ሁሉ በተመሳሳይ በጥቢ፞ እናት ሰበብም የተፈቀደ ይሆናል። ስለዚህ እናቱን፣ እህቱን፣ አክስቱን፣… ማየት፣ መጨበጥ፣ መሳም እንደሚፈቀደው ሁሉ በጥቢ፞ ሰበብ ተመሳሳይ ብይን የሚይዙንም መመልከት፣ በሰላምታ መጨበጥና መሳም ይፈቀዳል። ስጋት እስከሌለ ድረስ። ③ ተገልሎ መቆየት:– እንደሚታወቀው ለአንድ ወንድ ከአጅነቢያ ሴት ጋር ከሰው እይታ ተገልሎ መቀመጥ አይፈቀድም። ነገር ግን ከስጋ እናት፣ እህት፣… ጋር ተገልሎ መቀመጥ እንደማይከለከለው ከጥቢ፞ እናት፣ እህት፣ አክስትም፣… ጋርም ተገልሎ መቀመጥ አይከለከልም። ④ የጉዞ ጓደኛ መሆን:– አንድ ወንድ ለወላጅ እናቱ፣ ለእህቱ፣ ለአክስቱ፣… የጉዞ ጓደኛ እንደሚሆነው ሁሉ ለጥቢ፞ እናቱ፣ እህቱ፣ አክስቱም መሆን ይችላል። • መጠነኛ ትንታኔ ~ 1. አንድ ሰው ልጅ እያለ አንዲት ወላጅ እናቱ ያልሆነች ሴት ብታጠባው ያቺ አጥቢ እንደ እናቱ ትታሰባለች፡፡ ሴቶች ልጆቿ እንደ እህቶቹ፣ ወላጆቿ እንደ አያቶቹ፣ እህቶቿ እንደ የሹማዎቹ፣ ስታጠባው ጊዜ ያለው ባሏ እንደ አባቱ፣ የባሏ ወላጆች እንደ አያቶቹ፣ የባሏ እህቶች እንደ አክስቶቹ፣ የባሏ ሌሎች ሚስቶች እንደ አባቱ ሚስቶች፣ ባሏ ከሌላ ሚስት የወለዳቸው ልጆች ልክ እንደ እህትና ወንድሞቹ ይቆጠራሉ፡፡ የጠባችው ሴት ከሆነችም ተመሳሳይ ንፅፅር እንሰራለን፡፡ ባጭሩ የአጥቢዋ ወንዶች ልጆች ለጠቢዋ ወንድሞቿ፣ የአጥቢዋ ወንድሞች ለጠቢዋ አጎቶች፣ … ይሆናሉ፡፡ አጅነቢዮች አይሆኑም። 2. ልክ በመዋለድ (በስጋዊ ዝምድና) የተነሳ ለማግባት እንደማትፈቀድ ሴት፣ በጥቢ፞ የሷን ብይን የምትይዝን ሴትም (ለምሳሌ የጥቢ፞ እህት፣ የጥቢ፞ እናት፣ የጥቢ፞ አክስት፣ የጥቢ፞ የሹሜ፣ …) አንድ ወንድ ሊያገባ አይፈቀድለትም፡፡ ጋብቻ ተፈፅሞ ከሆነም መለያየት ግዴታ ነው፡፡ ማሳሰቢያ፡- ~ 1. ዋጋ የሚኖረው ጥቢ፞ በሁለት አመት የህፃንነት እድሜ ክልል ውስጥ የተጠባ ጥቢ፞ ከሆነ ነው። [አልበቀራ: 233] ከሁለት አመት እድሜ በላይ እያለ የተፈፀመ ጥቢ፞ ከቁምነገር አይቆጠርም። 2· ጥቢ፞ው አምስት ጊዜና ከዚያ በላይ የጠባ ከሆነ ነው፡፡ [ሙስሊም: 1452] አንድ ጊዜ ጡቱን ከያዘ በኋላ ለመተንፈስ፣ ውሃ ለመጠጣት፣ ወደሌላኛው ጡት ለመቀየር የሚኖረው ቆይታ ተፅእኖ የለውም። ረጅም ጊዜ ካልኖረ በስተቀር እንደ አንድ ነው የሚቆጠረው። ይሄ አንድ ተብሎ በዚህ መልኩ አምስት ጊዜ ከተጠባ የጥቢ፞ ህግጋት ታሳቢ ይሆናሉ። ከአምስት ጊዜ ያነሰ ጥቢ፞ ከግምት አይገባም፡፡ 3. የጥቢ፞ ህግጋት የሚመለከተው የጠባውን አካል ብቻ እንጂ ያልጠቡ የስጋ ወንድሞቹንና እህቶቹን አይደለም፡፡ ማለትም የጠባው አካል ከጠባበት ቤት ቤተሰብ ይሆናል፡፡ እንጂ የሱ የስጋ ቤተሰቦች በሱ መጥባት የተነሳ ለጥቢ፞ እናቱ ቤተሰብ አይሆኑም፡፡ ምሳሌ፡- ፋጢማ፣ ሙሐመድን ብታጠባ እሷ ለሱ እናቱ ነች፡፡ ልጆቿም እህቶቹና ወንድሞቹ ናቸው፡፡ ሴቶች ልጆቿን እህቶቹ ስለሆኑ ሊያገባ አይፈቀድለትም፡፡ ነገር ግን ህጉ እሱን እንጂ የስጋ ወንድምና እህቶቹን አይመለከትም፡፡ ምክንያቱም የፋጢማ እናትነት ለሱ እንጂ ለነሱ አይደለምና፡፡ 4. የጥቢ፞ ህግ እስከ መዋረስ፣ ቀለብ መስፈር፣ ለጋብቻ ሃላፊ (ወሊይ) መሆን አይደርስም፡፡ ማለትም ለምሳሌ በጥቢ፞ የተነሳ እናቱ ወይም አባቱ የሆነ ሰው ስለሞተ ንብረት መውረስ አይችልም፡፡ ለጥቢ፞ እህቱ የጋብቻ ወሊይ መሆን አይችልም። ለወላጅ እናቱ ቀለብ የመስፈር ግዴታ ስላለበት ዘካ መስጠት አይፈቀድለትም፡፡ ለጥቢ፞ እናቱ ግን ቀለብ ግዴታ ስላልሆነበት ዘካ መስጠት ይችላል፡፡ 5. ጥቢ፞ ተከስቷል ወይስ አልተከሰተም በሚለው ላይ ጥርጣሬ ካለ መነሻ የሚሆነን ጥቢ፞ውን እንደሌለ መቁጠር ነው፡፡ በጥርጣሬ ላይ ተመርኩዘን የጥቢ፞ን ህግጋት አንተገብርም፡፡ የጥቢ፞ው መጠን ላይ ከተጠራጠርንም እርግጠኛ የሆንበትን ማለትም ዝቅተኛውን እንወስዳለን፡፡ [አልሙግኒ፣ ኢብኑ ቁዳማ: 7/537] 6· በጥቢ፞ ጉዳይ ታማኝ ከሆነች የአንዲት ሴት ምስክርነት ብቻውን በቂ ነው። ለምሳሌ አንዲት ሴት ቀርባ "ሁለቱንም አጥብቻቸዋለሁ" ካለች ምስክርነቷ ተቀባይነት አለው። ተጋብተው ከሆነ ይለያያሉ። [ቡኻሪይ: 2659] 7· የተብራራ ያልሆነ ድፍን ምስክርነት ተቀባይነት የለውም። ስለዚህ የጥቢ፞ውን ዘመንና ቁጥር በተጨባጭ መግለፅ ያስፈልጋል። ይሄ ባልሆነበት የጥቢ፞ን ህግጋት አንተገብርም። [አልሙግኒ፣ ኢብኑ ቁዳማ: 7/537] አዋቂው አላ፞ህ ነው። እርምት ያለው ሰው ቢያጋራኝ ደስ ይለኛል። (ኢብኑ ሙነወር፣ ረቢዑል አወል 17/1441) (ህዳር 04/2012) = * የቴሌግራም ቻናል https://t.me/IbnuMunewor * የዋትሳፕ ቻናል፦ https://whatsapp.com/channel/0029VaA3X1e5kg7BlsJboa2M * ፌስቡክ https://www.facebook.com/Ibnu.Munewor?mibextid=ZbWKwL