MSI - MYANMAR SECRET INFORMATIONS

မြင်းခြံမြို့နယ်တွင် စစ်တပ်ဖမ်းဆီးထားသည့် နဘူးအိုင်ရွာ ဒေသခံ ၁၅ဦးအနက် ရှစ်ဦးအား ပြန်လွှတ်ပေး 28 May 2024 By MPA CJ 025 မန္တလေးတိုင်း၊ မြင်းခြံမြို့နယ်၊ နဘူးအိုင်ရွာတွင် တပ်စွဲထားသည့် စစ်ကောင်စီတပ်သားများသည် ရွာသို့ပြန်လည်ဝင် ရောက်လာသည့် ဒေသခံ ၁၅ဦးကို ဖမ်းဆီးခဲ့ပြီး ရှစ်ဦးအား ပြန်လွှတ်ပေးခဲ့ကြောင်း ဒေသခံများထံမှ စုံစမ်းသိရှိရသည်။ ၂၀၂၄ခုနှစ်၊ မေ ၂၆ရက်တွင် နဘူးအိုင်ရွာသို့ ပစ္စည်းများယူရန်ပြန်လာသည့် ရွာသူ၊ ရွာသား ၁၅ဦးကို စစ်ကောင်စီက ဖမ်းဆီးခဲ့ခြင်းဖြစ်သည်။ သတင်းအပြည့်အစုံဖတ်ရန် >>>> https://shorter.me/AXhOF Telegram Link - https://t.me/MPANews Twitter Link - https://twitter.com/mmpressphoto MPA English Website - https://mpapress.com/en

ပွဲစားခ အလွန်အကျွံကောက်ခံနေမှုများကို ထိန်းချုပ်ရန် အိမ်ခြံမြေဝန်ဆောင်မှုအသင်း ယာယီမြို့နယ်ကော်မတီများဖွဲ့စည်း 28 May 2024 By MPA CJ 018 အိမ်ရှင်၊ အိမ်ငှားများထံမှ ပွဲစားခ အလွန်အကျွံကောက်ခံနေမှုများကိုထိန်းချုပ်ရန် အိမ်ခြံမြေဝန်ဆောင်မှုအသင်း ယာယီမြို့နယ်ကော်မတီများကို ပြန်လည်ဖွဲ့စည်းလိုက်ကြောင်း လိုင်စင်ရ အိမ်ခြံမြေအကျိုးဆောင်များထံမှ မေ ၂၈ ရက်တွင် စုံစမ်းသိရသည်။ အဆိုပါ မြို့နယ်ကော်မတီများကို မြို့နယ်တိုင်းတွင်ဖွဲ့စည်းခြင်းဖြစ်ပြီး အိမ်ခြံမြေအကျိုးဆောင်လိုင်စင်ရရှိသူများကို အဖွဲ့ဝင်များအဖြစ်ထားရှိကာ လိုင်စင်မရှိဘဲ အိမ်ခြံမြေအကျိုးဆောင်လုပ်နေသူများမှ အိမ်ရှင်၊ အိမ်ငှားများထံမှ ပွဲစားခ မတရားတောင်းခံနေမှုများကို တိုင်ကြားနိုင်ကြောင်း သာတေကမြို့နယ်ရှိ လိုင်စင်ရ အိမ်ခြံမြေအကျိုးဆောင်တစ်ဦးက ဆိုသည်။ သတင်းအပြည့်အစုံဖတ်ရန် >>>> https://shorter.me/SEFmh Telegram Link - https://t.me/MPANews Twitter Link - https://twitter.com/mmpressphoto MPA English Website - https://mpapress.com/en

၂နှစ်ကျော်ကာလတွင် အစုလိုက်အပြုံလိုက်သတ်ဖြတ်မှုကြောင့် အရပ်သား ၁၄၀၀ ကျော်သေဆုံး ၂နှစ်ကျော်ကာလတွင် တိုက်ပွဲပဋိက္ခများကြောင့် အရပ်သားပြည်သူ လေးထောင်ကျော် သေဆုံးခဲ့သည်ဟုဆိုသည်။ ပုံစာ - မေလ ၁၁ ရက်က လက်ထုတ္တောရွာဖြစ်စဉ်တွင် သတ်ဖြတ်ခံရသူများ။ Photo – Myanmar Now သတင်းအပြည့်အစုံဖတ်ရန် > https://www.daweiwatch.com/28/05/2024/85633/

KIA ထိုးစစ်ကိုကြောက်ပြီး မြစ်ကြီးနား မပခ ဌာနချုပ်မှ စစ်မေများအား ကင်းစောင့်ခိုင်းသည့်အပြင် ကတုတ်ကျင်းနှင့် ဆက်သွယ်ရေးမြောင်းများလည်း တူးခိုင်းနေ https://www.youtube.com/TachileikNewsAgency/?sub_confirmation=1 * * * * * ကချင်ပြည်နယ် မြစ်ကြီးနားမြို့ရှိ မြောက်ပိုင်းတိုင်းတိုင်းစစ်ဌာနချုပ်(မပခ)တွင် အမျိုးသမီးစစ်မေများအား ခြံစည်းရိုးပတ်လည် ကတုတ်ကျင်းများတူးခိုင်းကာ လုံခြုံရေးစောင်းခိုင်းရသည်အထိဖြစ်နေကြောင်း တပ်တွင်းသတင်းအရင်းအမြစ်ထံမှ သိရသည်။ ကချင်လွတ်လပ်ရေးတပ်တော်(KIA)၏ ထိုးစစ်ဆင်မှုကို ကြောက်လန့်နေသဖြင့် မြစ်ကြီးနားမြို့ရှိ မြောက်ပိုင်းတိုင်း တိုင်းစစ်ဌာနချုပ်(မပခ)တွင် ကတုတ်ကျင်းများ၊ ဆက်သွယ်ရေးတူးမြောင်းများကို အမျိုးသမီးများကို တူးခိုင်းနေသည့်အပြင် လုံခြုံရေးကိုလည်း အမျိုးသမီးများအား စောင့်ခိုင်းနေသည်ဟု သိရသည်။

“မပခ စစ်ဌာနချုပ် ကင်းတွေမှာ အရင်က သက်ကြီးပိုင်းတွေစောင့်တာ မနေ့ညနေကစပြီး အမျိုးသမီးတွေ စောင့်ရပြီ။ မြေကို ဘက်ဟိုးနဲ့ (၅ပေ ၆ပေ)အနက် (၅)ပေအကျယ် မြောင်းတွေတူးနေတယ် လောလောဆယ်တော့ မြဝတီရုပ်သံ ထပ်ဆင့်လွှင့်ရုံနဲ့ ဘေးက တပ်တခုစာပြီးပြီ။”ဟု တပ်တွင်း သတင်းအရင်းအမြစ်က Tachileik News Agency ကိုပြောသည်။

မြောက်ပိုင်းတိုင်း တိုင်းစစ်ဌာနချုပ်(မပခ)သည် ပမ္မတီး - မြစ်ကြီးနား - မန္တလေးအမြန်လမ်း ရွှေလမ်းမဘက်ခြမ်းတွင်ရှိပြီး ယင်းအနီးတွင် အမြောက်တပ်၊ ထောက်ပို့တပ်၊ BE တပ်၊ လေတပ်၊ သံချပ်ကာတပ်၊ လားတပ်၊ ဆေးတပ်၊ ခြေလျင်၊ ခြေမြန်တပ်များလည်း ရှိသည်။

“အစက ကတုတ်ကျင်းတွေပဲ တူးထားတာ။ အခုက KIA ထိုးစစ်ကိုကြောက်လို့တဲ့ မြောင်းကြီးတွေပါ ထပ်တူးနေရတာ။ ကင်းစောင့်တဲ့အမျိုးသမီးတွေက စစ်ဆေးရေးအတွက် မဟုတ်ဘူးလေ။ တပ်တွေရဲ့ ခြံစည်းရိုးတွေမှာ ကင်းတွေရှိတယ်လေ။ အဲဒါတွေမှာ အမျိုးသမီး အိမ်ထောင်သည်တွေ ကင်းစောင့်ရပြီ။ ကင်းတစ်ခုကို အပြင်မှာ ရှိတာက (၅)ယောက်နှုန်းပဲ။”ဟု တပ်တွင်းသတင်းအရင်းအမြစ်က ဆက်ပြောသည်။

အဆိုပါတပ်များမှ အမြောက်တပ်သည် KIAနှင့် တိုက်ပွဲပြင်းထန်နေသည့် မြစ်ကြီးနား တဖက်ကမ်းရှိ ဝိုင်းမော်မြို့ကို လက်နက်ကြီးနှင့် ပစ်ခတ်နေခြင်းဖြစ်သည်ဟု ဒေသခံများက ဆိုသည်။

“အဓိက ပစ်နေတာက အမြောက်တပ်နဲ့ သံချပ်ကာတပ်။ လေတပ်နဲ့ သံချပ်ကာတပ်က ပစ်ရင် တခါပစ် (၂)ချက် ဆက်တိုက်ဆင့် (၂)တပ်လုံးတပြိုင်တည်း ပစ်ရင် (၄)ချက်။ ၂၄ နာရီမှာ ထမင်းစားနားချိန်ပဲနားတယ်။ ပြီးခဲ့တဲ့ အပတ်က KIA က အဝကြိတ်မိထားတာလေ။ ကြောက်ပြီပေါ့။”ဟု ဒေသခံတစ်ဦးက ပြောသည်။

ပြီးခဲ့သည့် မေလ(၁၈)ရက်နေ့က KIAသည် မြစ်ကြီးနားလေတပ်စခန်းနှင့် အနီးရှိတပ်များကို ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ရာ စစ်ကောင်စီတပ်က လူနေရပ်ကွက်များဘက်သို့ လက်နက်ကြီးနှင့် ပြန်လည်ပစ်ခတ်ခဲ့ခြင်းကြောင့် ပမ္မတီး၊ ရွှေအိုက်ရပ်ကွက်၊ အထက်မော်ဖောင်း၊ ရှဒေါင်ရွာတို့တွင် လက်နက်ကြီးကျကာ ဒေသခံ (၃)ဦး သေဆုံးပြီး ဒဏ်ရာရသူများရှိခဲ့သည်။ မြစ်ကြီးနားမြို့ တဖက်ကမ်း ဝိုင်းမော်မြို့ရှိ စစ်ကောင်စီတပ် ခမရ (၃၂၁)ကို မေလ (၂၁)နေ့ရက်တွင် KIAက ထိုးစစ်ဆင်တိုက်ခိုက်သိမ်းပိုက်ခဲ့ပြီး အဆိုပါတပ်ရင်းမှ ထွက်ပြေးသွားသော စစ်ကောင်စီတပ်ဖွဲ့ဝင်များသည် ခလရ(၅၈)တွင် ပူးပေါင်းနေခြင်းဖြစ်ကြောင်း သိရသည်။ လက်ရှိ ဝိုင်းမော်မြို့တွင် ခလရ (၅၈ )သည် တစ်ခုတည်းကျန်သော စစ်ကောင်စီတပ်ရင်းဖြစ်သည်။ News : https://www.tachileik.net/mm/news/36090 #TachileikNewsAgency

တစ်ကျပ်သား ကျပ်တစ်သိန်းခွဲအထိ ခုန်တက်သွားသည့် ရွှေဈေး Dawei Watch| မေ ၂၈ ယမန်နေ့နှင့် ယနေ့ဈေးနှုန်း နှိုင်းယှဉ်ပါက အ‌ခေါက်ရွှေတစ်ကျပ်သားလျှင် ကျပ်တစ်သိန်းခွဲအထိ ခုန်တက်သွားသည်။ ထားဝယ်ဈေးကွက်အတွင်း အခေါက်ရွှေတစ်ကျပ်သားလျှင် ငါးဆယ့်သုံးသိန်းခုနစ်သောင်းကျပ် ဈေး‌ဖွင့်ထားသည်။ ထိုင်းဘတ်ဈေးလည်း စံချိန်တင်တက်လာပြီး  မြန်မာငွေတစ်သိန်းလျှင် ၈၄၀ ဘတ် ဈေးဖွင့်ထားသည်။ ဓာတ်ဆီဈေးမှာ ရည်ညွှန်းဈေးနှုန်းအပြင် မြေပြင်တွင် အမှန်တစ်ကယ် ဝယ်ယူသုံးစွဲရသည့် ပြင်ပဈေးကွက်ပေါက်ဈေးကိုပါ ပူးတွဲဖော်ပြအပ်ပါသည်။ သတင်းအပြည့်အစုံဖတ်ရန် > https://www.daweiwatch.com/28/05/2024/85624/

ထိုင်းနိုင်ငံ ဆန်ခလဘူရီမှာ မြန်မာ ၃၂ ဦးအဖမ်းခံရ ~~~ ■ ထိုင်းနိုင်ငံမှာ ခြောက်ဘီးကားထဲထည့်ပြီး တရားမဝင်ခေါ်လာတဲ့ မြန်မာနိုင်ငံသား ၃၂ ဦးကို ရဲတပ်ဖွဲ့က ရှာဖွေဖမ်းဆီးမိတယ်လို့ ဒေသတွင်း ထိုင်းသတင်းမီဒီယာဖြစ်တဲ့ မက်တီကွန်သတင်းမှာ မနေ့က ဖော်ပြထားပါတယ်။ ဖမ်းခံရတဲ့အထဲမှာ ကလေး သုံးဦး၊ အမျိုးသမီး ဆယ်ဦးနဲ့ အမျိုးသား ၁၉ ဦးဖြစ်ပါတယ်။ ကုန်ကားရဲ့ကြမ်းပြင်အောက်မှာ လျှို့ဝှက်ခန်းလုပ်ပြီး လူတွေကိုထည့်ထားသလို အပေါ်မှာ အမှိုက်ထုတ်တွေနဲ့ ဖုံးထားတာပါ။ အဲဒီကားကို ဘုရားသုံးဆူနဲ့နီးတဲ့ ဆန်ခလဘူရီခရိုင်က ရန်တီ တံတားစစ်ဆေးရေးဂိတ်မှာ ရဲက ရှာဖွေတွေ့ရှိတာ ဖြစ်ပါတယ်။ သူတို့ကို ကန်ချနဘူရီမြို့ကိုပို့ဖို့ ခေါ်လာတာဖြစ်ပါတယ်။ ကနဦး စစ်ဆေးချက်အရ အဖမ်းခံရတဲ့သူတွေဟာ မြန်မာပြည်ဒေသအစုံကဖြစ်ပြီး ပြည်တွင်းမှာ စီးပွားရေး အကျပ်အတည်းတွေကြောင့် ထိုင်းနိုင်ငံမှာ အလုပ်လုပ်ဖို့ လာခဲ့တဲ့အကြောင်း၊ သွားမယ့်ခရီး အနီးအဝေးပေါ်မူတည်ပြီး တစ်ဦးကို ဘတ်ငွေ တစ်သောင်းခွဲကနေ နှစ်သောင်းခွဲခန့်အထိ ပေးရတဲ့အကြောင်း ထွက်ဆိုကြတယ်လို့ဆိုပါတယ်။ သူတို့ကိုသယ်လာတဲ့ ထိုင်းကားမောင်းသမား ဇနီးမောင်နှံကိုလည်း ရဲက ဖမ်းလိုက်ပါတယ်။ သူတို့အားလုံးကို တရားဥပဒေအရ ဆက်လက်‌ဆောင်ရွက်ဖို့ ဆန်ခလဘူရီ ရဲစခန်းကို ပို့လိုက်ပါတယ်။ ______ RFA Burmese Website တွင် ဖတ်ရှုရန်…

DAILY HIGHLIGHTS (27 May 2024) •••••••••••••••®••••••••••••••• 📰 နိုင်ငံရေးထူးခြားသတင်းများ ရခိုင်အခြေအနေအပေါ် တော်လှန်ရေးနှင့် အဖွဲ့ ၁၉၅ ဖွဲ့၏ သဘောထား ထုတ်ပြန်ချက်တွင် စစ်အာဏာရှင်စနစ်တိုက်ဖျက်ရေး အထွေထွေသပိတ်ကော်မတီ (GSC) က မပါဝင်တော့ဘဲ နုတ်ထွက် – KT 📰 နိုင်ငံခြားရေးထူးခြားသတင်းများ မြန်မာနယ်စပ်မှာရှိနေတဲ့ မော်ရိုကိုနိုင်ငံသား နှစ်ရာကျော်လွတ်ဖို့ အစိုးရကိုတောင်းဆို – RFA မြန်မာ့နိုင်ငံရေး ဖြေရှင်းဖို့ ကြိုးပမ်းလုပ်ဆောင်နေကြောင်း ထိုင်းဝန်ကြီးချုပ်ပြော – MZM မြန်မာက တိုင်းရင်းသားအဖွဲ့တွေနဲ့တွေ့ခဲ့ကြောင်း ထိုင်းဝန်ကြီးချုပ်ဟောင်း အတည်ပြု – RFA 📰 စီးပွားရေးထူးခြားသတင်းများ အမေရိကန်ဒေါ်လာ စျေးမြင့်တက်မှု မထိန်းနိုင်တော့ သော စစ်ကောင်စီဗဟိုဘဏ်က နိုင်ငံခြားငွေအဝယ်အရောင်းနှင့် စျေးကစားသည့် Facebook Page နှင့် အင်တာနက်စာမျက်နှာ ၁၆ ခုကို ဖော်ထုတ်အရေးယူမည်ဟုဆို – KT သက်တော်ရှည်စီးပွားရေးဝန်ကြီး ဦးအောင်နိုင်ဦးရာထူးမှအနားပေးခံရ – MZM 📰 ကျားဖြန့် စစ်ကောင်စီ လက်အောက်ခံ BGF ထိန်းချုပ်ထားသည့် နယ်မြေအတွင်းမှ နှစ်စဉ် အမေရိကန်ဒေါ်လာ ၃ ဒသမ ၈ ဘီလီယံ လိမ်လည်နေပြီး BGF က ဒေါ်လာ သန်း ၇၀၀ ကျော်ရရှိဟု USIP ပြော – KT #rangoonscoutnetwork

ရခိုင်တိုက်ပွဲအတွင်း အရပ်သား ၂၆၈ ဦးသေဆုံး ၆၄၀ ဦးဒဏ်ရာရ https://www.youtube.com/TachileikNewsAgency/?sub_confirmation=1 * * * * * ရခိုင်ပြည်နယ်တိုက်ပွဲအတွင်း စစ်ကောင်စီ၏ အရပ်သားများအပေါ် သတ်ဖြတ်မှုကြောင့် အရပ်သား(၂၆၈)ဦး သေဆုံးပြီး (၆၄၀)ဦး ဒဏ်ရာရရှိကြောင်း ULA/AA၏ လူသားချင်းစာနာထောက်ထားမှုနှင့် ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး(HDCO) က ထုတ်ပြန်သည်။ ရခိုင်ပြည်နယ် တိုက်ပွဲအတွင်း စစ်ကောင်စီ၏ ကြည်း၊ ရေ၊ လေ တိုက်ခိုက်မှုများကြောင့် အရပ်သားများ ထိခိုက်သေဆုံးခဲ့ရခြင်းဖြစ် ပြီးသေဆုံးသူများထဲတွင် အမျိုးသမီး(၂၈)ရာခိုင်နှုန်းနှင့် အမျိုးသား (၇၂)ရာခိုင်နှုန်းပါဝင်သည်ဟု HDCO က ၂၀၂၄ခုနှစ် မေလ(၂၇)ရက်နေ့တွင် သတင်းထုတ်ပြန်သည်။ ဒဏ်ရာရရှိသူများထဲတွင် အမျိုးသမီး (၄၃)ရာခိုင်နှုန်းနှင့် အမျိုးသား (၅၇)ရာခိုင်နှုန်းပါဝင်ကာ သေဆုံးသူအများစုမှာ ရခိုင်ဗုဒ္ဓဘာသာဝင် (၁၈၂)ဦးနှင့် ဒုတိယအများဆုံးမှာ အစ္စလာမ်ဘာသာဝင် (၇၈)ဦးဖြစ်ကြောင်း သိရသည်။ ထို့အပြင် မြိုလူမျိုး (၃)ဦး၊ ဗမာလူမျိုး (၂)ဦး၊ ခူမီးလူမျိုး (၂)ဦးနှင့် မရာမာကြီးလူမျိုး (၁)ဦးတို့လည်း သေဆုံးခဲ့ရသည်။ ဒဏ်ရာရရှိသူများတွင် ရခိုင် (၅၀၉)ဦး၊ မူ‌ဆလင် (၁၁၂)ဦး၊ မရမာကြီး (၈)ဦး၊ ခူမီး (၆)ဦး၊ Chaw (၅)ဦးနှင့် မြို (၂)ဦးတို့ပါဝင်သည်။ အဆိုပါ စာရင်းအချက်အလက်များမှာ ရက္ခိုင်ပြည်အတွင်း တိုက်ပွဲစတင် ဖြစ်ပွားခဲ့သည့် ၂၀၂၃ ခုနှစ် နိုဝင်ဘာလ(၁၃) ရက်နေ့မှ ၂၀၂၄ ခုနှစ် မေလ (၁၃)ရက်နေ့အထိ စာရင်းဖြစ်ကြောင်း သိရသည်။ လက်ရှိတွင် အာရက္ခတပ်တော်(AA)သည် ချင်းပြည်နယ် ပလက်ဝမြို့၊ ရခိုင်ပြည်နယ်မှ ဘူးသီးတောင်၊ ရမ်းဗြဲ၊ မင်းပြား၊ မြေပုံ၊ ကျောက်တော်၊ ပေါက်တော်၊ ပုဏ္ဏားကျွန်း၊ မြောက်ဦးနှင့် ရသေ့တောင်မြို့များကို သိမ်းပိုက်ထားသည်။ မောင်တော၊ သံတွဲနှင့် အမ်းမြို့တို့တွင် တိုက်ပွဲများဖြစ်နေပြီး ဂွ၊ တောင်ကုတ်၊ ကျောက်ဖြူ၊ မန်အောင်နှင့် စစ်တွေမြို့တို့ကို သိမ်းပိုက်ရန် ကျန်ရှိနေသေးသည်။ News : https://www.tachileik.net/mm/news/36086 #TachileikNewsAgency

အဆိပ်သင့်သော ဓာတုပစ္စည်းများသည် ဒေသခံများ တခါက ငါးဖမ်းပြီး သောက်ရေခပ်သည့် စမ်းချောင်းများတွင် စိမ့်ဝင်နေသည်။ ရေနမူနာ အချက်အလက်များအရ ကချင်အထူးဒေသ (၁) မှ စမ်းချောင်း အများအပြားတွင် အက်စစ်ဓာတ် လွန်စွာမြင့်မားနေပြီး အာဆင်းနစ်အဆင့် မြင့်မားနေကြောင်း ပြသနေသည်။ ထိုသို့ ညစ်ညမ်းသောရေသည် ကမ္ဘာတွင် မည်သည့်နေရာတွင်မှ မရှိသည့် မျိုးစိတ် ၁,၅၀၀ ခန့် ရှင်သန်ထိုင်ရာ ဇီဝမျိုးကွဲ စုံလင်မှု အရေးပါသောဒေသအဖြစ် ကျော်ကြားပြီး အရှေ့တောင်အာရှ ကုန်းမြေမှ အကြီးမားဆုံး လက်ကျန် အခြေခံသစ်တောများရှိသည့် ထိုဒေသကို လုံးဝဖျက်ဆီးပစ်ရန် ခြိမ်းခြောက်နေသည်။ Website တွင် ဖတ်ရန် https://bit.ly/3R0gCYE #WhatsHappeningInMyanmar --------------------- စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/3btQYpR

သက်တော်ရှည်စီးပွားရေးဝန်ကြီး ဦးအောင်နိုင်ဦးရာထူးမှအနားပေးခံရ ---------- စစ်ကောင်စီ၏ ရင်းနှီးမြှုပ်နှံမှုနှင့် ကူးသန်းရောင်းဝယ်ရေး ကဏ္ဍများကို အဓိကမောင်းနှင်သူအဖြစ် လူသိများသည့် ဦးအောင်နိုင်ဦးကို ဝန်ကြီးရာထူးမှအနားပေးလိုက်ကြောင်း စစ်ကောင်စီက ယနေ့ည မြန်မာစံတော်ချိန် ၈ နာရီသတင်းတွင်ကြေညာခဲ့သည်။ ဦးအောင်နိုင်ဦးသည် “မြန်မာအထူးစီးပွားရေးဇုန်ဆိုင်ရာ ဗဟိုလုပ်ငန်းအဖွဲ့ဥက္ကဋ္ဌ” ရာထူးလည်း ရယူထားပြီး စစ်ကောင်စီအတွက်အခွန်ငွေအများပြားရှာပေးနေသည့် ရန်ကုန်သီလဝါအထူးစီးပွားရေးဇုန်အပါအဝင် စီးပွားရေးဇုန်များကိုကြီးကြပ်ရသူသည်။ ထိုရာထူးမှသူ့အားအနားပေးမပေးကိုတော့ စစ်ကောင်စီက ထုတ်ပြန်ခြင်းမရှိပါ။ https://www.facebook.com/myanmarnownews/posts/pfbid08w8zSXNtX9Z1UkRnuMZBQFe1GUDszAK39VpFpYGBFgGP29q844WuaBF2ca5RC5FMl