Oromia Environmental Protection Authority

Mootummaan Naannoo Oromiyaa fayyummaa naannoofi hawaasaa eeguun kenni tajaajilaa akka naannootti kennamu akka fooyya'uuf qulqullinni galteefi oomisha qonnaa dabalee oomishtummaan keenya guddatee, oomishinni keenya gabaarratti dorgomaa akka ta'uuf sirna too'annoo seektaroota adda addaa keessatti bittinaa'ee ture bakka tokkotti sassaabuun Abbaa Taayitaa Too'annoo hundeessuun isaa ni yaadatama. Bu'uuruma kanaan, hooggantoota Abbaa Taayiticha hoogganan kanneen armaan gadii kana ramadamaniiru. 1. Dr. Alamaayyoo Hundumaa Dayirektara Ol'aanaa Abbaa TaayitaaToo'annoo 2. Obbo Seeyifuddiin Mahadii I/A D/Ol'aanaafi Hoogganaa Damee To'annoo Galteefi Oomisha Qonnaa 3. Obbo Boonaa Yaaddessaa I/A D/Ol'aanaafi Hoogganaa Damee Eegumsa Naannoo 3. Dr. Alamayyoo  I/A D/Ol'aanaafi Hoogganaa Damee Too'annoo Qulqullinna Nyaataafi Dhugaatii 4. Obbo Baddiluu I/A D/Ol'aanaafi Hoogganaa Damee To'annoo Dhaabbilee ta'uun muudanii jiru. Bara hojii gaarii isaaniif hawwinaa!    Fulbaana,2019     Finfinnee

Waltajjiin marii qooda fudhattootaafi abbootii qabeenyaa  hojiiwwan misoomaa naannoo haroowwan Magaalaa Bishooftuurratti hojjetan waliin haala qabiinsaa, kunuunsaafi lttifayyadama haroowwa Magaalaa Bishooftuurratti gaggeeffameera. Waltajjii kanarra D/Ol'aanaa ATENO Ob. Seeyifuddiin Mahaadii argamuun kaayyoofi barbaachisummaa waltajjicha ibsuun jalqabsiisaniiru. Waltajjii kanaan hooggantota Ol'aanaa ATEN Federaalaa, Sekteraalee qindoominaa Naannoo keenyaa, Magaalaa Bishooftuu, B/sotaafi qorattoota Yuuniversiitii Finfinnee, D/Birhaaniifi N/Oromiyaafi abbootii qabeenyaa hootelootaafi Rizoortiiwwan haroowwan Magaalaa Bishooftuurratti hojjetanii argamaniiru. Waltajjii kanarratti Labsii, Dambiifi qajeelfamoonni dhimmoota Eegumsa Naannoorrarri ilaallatan karaa Daayirektera SDhNH ob. Sintaayyoo Bafiqaaduutiin dhiyaateera. Dabalataanis, mata duree " Sustainable Eco-Tourism Practice & Challenges: In case of seven crater Lakes in Bishoftu Town" jedhurratti karaa B/saafi qorataa Y/Naannoo Oromiyaa Dr. Moosisaa Araarsaan dhiyaateera. Waltajjichis I/G Waajjira Kilaasteraa Misoomaa Baadiyyaa ob. Dastaa Nageessoo, D/Ol'aanaa ATEN Oromiyaa ob. Seeyifuddiin Mahaadiifi B/saafi qorataa Y/Naannoo Oromiyaa Dr. Moosisaa Araarsaan hoogganamaa ooleera. Dhumarrattis, haala qabatama rakkoowwan hojiiwwan misoomaa Hootelootaafi Rezoortiiwwanii naannoo haroowwan torban Magaalaa Bishooftuu keessatti mul'achaa jirurratti marii gadi fagoo erga irratti taasifameen booda, abbootiin qabeenyaa Hooteloonniifi Rizoortiiwwan hojii keessa jiranis ta'e, kanneen adeemsa ijaarsaarra jiran faalamaafi miidhaa sirnakkoo haroowwan kanarra ga'aa jiru hambisuuf gorsaafi deggersa ogummaa ATE Naannoo Sadarkaa Sadarkaan jiranii fudhachuun qooda fudhattootaafi hawaasa naannoo waliin qindoominaa gaarii uumuun karoora waloo qopheeffachuun xiyyeeffannoon addaa itti kennuun ni hojjenna jechuun waadaa seenuun waltajjichi kaayyoo barbaadameef galmaan ga'een xumurameera.        Fulbaana 14/2019        Bishooftuu

Namni Uffata Malee, Dacheen Bosona Malee Hin Miidhagdu!              ========== Abbaan Taayitaa Eegumsa Naannoo Oromiyaa Sirna Jalqabsiisa Piroojkitii Tulluu Roggee Misoomsuu, Bulchiinsa Bosonaa Ittifufsiisuufi Deebisanii Dandamachiisuu guyyaa har'aa Magaalaa Walisoorra jalqabsiiseera. Sirna jalqabsiisuu Piroojkitichaarratti hojjettoota ATEN Oromiyaa, Biiroo Maallaqa Oromiyaa, Waajjira ATEN Godina Sh/Ki/Lixaa, Bulchaafi I/A/Bulchaa Aanaa Ammayyaafi hojjettoota Sektera Daldala, Maallaqaa, Bishaan, Gurmaa'insaafi Ogeessa Bosonaa Aanaa Ammayyaa; akkasumas, Bulchitoota Gandaalee Tullicha daangessaanii argamaniiru. Sirna jalqabsiisuu piroojektichaarratti I/G/ATEN G/Sh/Ki/Lixaa ob. Daanyaachoo Tashoomaa ergaa baga nagaan dhuftanii erga jedhaniin booda kaayyoofi barbaachisummaan piroojekticha karaa B/Bu'aa ATENO Ob. Birhaanuu Iddatti dhiyaateera. Kanatti aansuun barreeffamni "Yaad-rimeen lafa bosonaa deebisanii dandamachiisuufi bulchiinsa bosonaa ittifufiinsa qabu mirkaneessuu" jedhurratti karaa B/bu'aa Day. Eegumsaafi Manaajimantiin Bosonaa ob. Silashii jabeessaa dhiyaateera. Dhumarratti karoorri lafa bosonaa Tulluu Roggee Misoomsuufi deebisanii dandamachiisuu karaa Ogeessa Bosonaa ATENO Ob. Dastaa Maammootiin dhiyaatee mareen bal'aan irratti taasifameera. Dhumarrattis, karoora dhiyaateefirratti maree bal'aa irratti taasisuun raawwisaaf kutannoo cimaan hojjechuuf waadaa seenuun waltajjichi milkiin xumurameera.              Fulbaana 9/2019               Walisoo

Beeksisa Godinaalee 21fi Bulchiinsa Magaalotaa 23f Gabaasa raawwii hojii kurmaana 1ffaa bara hojii 2019 guutuusaa ‘‘Narration & Excel’’ hojiiwwan raawwataman suuraan deggeruun hanga gaafa Fulbaana 12/2019tti akka nuu (Naannoo) ergitan cimsinee isin beeksifna.                                 Nagaa Wajjiin!                                 ATEN Oromiyaarraa

‘‘Oromiyaa Qulqulluu Dhaloota Haa Dhaalchifnu!’’   Duulli Sosochii Faalama Naannoo Hir’isuu Marsaa 3ffaa (Faalama Pilaastikaa, Keemikaalota Hamoo Yeroon Irra Darbeefi Faalama Sagalee) Godinaalee 21fi Bulchiinsa Magaalotaa 23 keessatti haala ho’aan gaggeeffamaa tureera. Sosochii taasifamaa ture kanaanis, warshaalee pilaastika (peestalii) yeroo tokko qofaaf tajaajilu oomishaniifi ittifayyadamanirratti tarkaanfiin bulchiinsaafi seeraa barsiisaa ta’e irratti fudhatameera. Tarkaanfilee fudhataman kaaanis, iddoo hundatti haalli oomishaafi ittifayyadamni pilaastikaa (peestalaa) kan hir’atee ta’uu deggersaafi hordoffii gareen suuppervizhinii Abbaa Taayitaa Eegumsa Naannoo Oromiyaa Godinaaleefi B/Magaalotaa hundarratti taasiseen hubachuun danda’ameera.   Dabalataanis, ragaan haalaafi bakka itti kuufama isaanii keemikaalota hamoo yeroon irra darbe ibsu funaanamee sadarkaa naannoo qaqqabee jira. Haala kanaanis, keemikaalonni hamoo yeroon itti darbeefi miidhaa hamaa geessisan funaanamanii qaama maqsuu danda’uun akka maqfamaniif Abbaan Taayitichaa xiyyeeffannoon hojjechaa jira.   Kana malees, faalamni sagalee hir’isuuf akkaataa istaandardii ka’ameen bakka hundatti hojiirra akka ooluuf hubannoo hawaasaa gabbisuu ciminaan irratti hojjetamaa jira. Kunis ji’a Fulbaanaa bara 2019 kana keessatti xiyyeeffannaa addaan kan irratti hojjetamu ta’a. Fulbaana, 2019 Finfinnee

"Guubeefi Shinooyyeen Calaqqee Eenyummaa Oromooti!" Daayirektara Ol'aanaa ATEN Oromiyaa Obbo Seeyifudiin Mahaadii      =============== Qaammee 3/2018 Guyyaa Cichoominaa sababeeffachuun dardarraniifi shamarran Oromoo guyyaa har'aa Magaalaa Finfinnee keessatti goobeefi shinooyyee taphataniif Abbaan Taayitaa Eegumsa Naannoo Oromiyaa mijuu aadichaa ta'u qopheessuun simannaa ho'aa taasiseef jira. Simannaa kanaanis Daayirektara Ol'aanaa Abbaa Taayitichaa Obbo Seeyifudiin Mahaadii aadaa uummata Oromoo bal'aa kana Magaalittii keessatti agarsiisuu isaaniif baayyee galateeffachaa aadaan kun karaa safuufi duudhaa uummatichaa eegeen dhalootarraa dhalootatti ceesisuu akka qabamuuf cichoominaan irratti hojjeetamuu qaba jechuun dhaamsa dabarsaniiru. Dhumarrattis, dargaggootaafi shamarran aadaa isaanii agarsiisan kanaa jajjabeessuuf qarshii 100,000 karaa Daayirektara Ol'aanaa mana hojichaan kannameef jira.       Qaammee 3/2018        Finfinnee

Qaammee 1/2018 "Guyyaa Oomishitummaan, Olka'insa Biyyaaf!" mata duree jedhuun Hooggantoonniifi Manaajimantiin Sekteraalee Kilaastera Misooma Baadiyyaa Sadarkaa Naannoo jiran oomisha qamadiifi xaafii Godina Sh/Bahaa Aanaa Lumee keessatti kilaasteraan iomishamaa jiruufi Warshaa Seraamikii oomishu Magaalaa Mojoo keessatti argamuufi oomisha Paappayyaafi Muuza naannoo Magaalaa Adaamaa keessatti oomishamaa jiru daawwataniiru.

Abbaan Taayitaa Eegumsa Naannoo Oromiyaa kenna tajaajila lammummaaf baajata hoj-adeemsiftu mana hojichaa Bara 2019 irraa %2 qabamee jiru keessaa barattoota harka qalleeyyii  Godina Gujii Lixaa Magaalaa Bulee Horaa keessaa jiraatan lakkoofsaan 25 ta'aniif deggersa meeshaalee barnootaa dabtaraafi qalama bituun bakka I/Gaafatamaan Waajjira ATEN B/Magaalaa Bulee Horaa Obbo Lammeess Boruu argamanitti guyyaa har'aa gumaacha taasisee jira.        Hagayya 18/2018          B/Horaa

Abbaan Taayitaa Eegumsa Naannoo  Bul/Magaalaa Baatuu Duula Sosochii  Faalama Naannoo Hir'isuu marsaa 3ffaa gaggeessee jira. Duula Sosochii kanarrattis, I/G Paartii badhaadhiina Magaalaa,It/A Kantiibaa Magaalaafi I/G ATEN Magaalaa Baatuu Aad.Buziyyee Tolaa, Day.THHOSEN ATENO Ob.Tamasgeen Ittaansaa, Af yaa'ii Magaalaa Baatuu, hooggantota Magaalaafi Gandootaa, Manneen Amantaa, Manneen Barnootaa, Afooshaalee,  Abbootii Gadaafi Haadholii Siinqee, hooggantoota dhaabbilee garagaraafi dargaggootaa magaalaa; akkasumas, miisensoota woldaalee qulquulliina magaalarratti hojjatanii argamaniiru. Sosochii kanarrattis barreeffamni mareef ta'u "faalama pilaastikaa, keemiikaala hamoofi Elektiroonii dhabamsiisuu; akkasumas,faalama sagalee xiiqqessuu" kanneen jedhamanirratti karaa ob. Tamasgeen Ittaansaa dhiyaachuun mareen bal'aan irratti taasifameera. Dhumarratti dhaabbiileefi waldaalee eegumsa naannootiin foyyee qabaniif sirna bekamtii waraqaa ragaa kennameef waltajjichi milkiin goolabameera.      Hagayya, 2018      Baatuu