İcbari Tibbi Sığorta üzrə Dövlət Agentliyi

Elşən Kamalov icbari tibbi sığorta ilə qaraciyər transplantasiyası əməliyyatı olunub. Elşən bəy və ona donor olan anasına uzun və xoşbəxt ömür arzu edirik. 🙂 https://t.ly/dhDBc

Şəfanın dırnaq göbələyindən qorunmaq üçün verdiyi məsləhətləri dinləyin. Bu tədbirlər dırnaq göbələyinin yaranma riskini azaltmaqda sizə kömək edəcək.

İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB) və Koreya Beynəlxalq Əməkdaşlıq Agentliyinin (KOICA) Azərbaycan Nümayəndəliyinin birgə təşkilatçılığı, KOICA Azərbaycanlı Məzunlar Assosiasiyasının maliyyə dəstəyi ilə Gəncə şəhərində uşaqlar üçün səyyar tibbi müayinə aksiyası keçiriləcək. Səyyar qəbul paytaxt və regionlardakı tibb müəssisələrindən dəvət olunmuş pediatr, radioloq, uşaq cərrahı ixtisasları üzrə çalışan 6 həkim tərəfindən aparılacaq. Övladlarını müayinə etdirmək istəyən vətəndaşlar səyyar qəbula qatıla bilərlər. 🗓 Tarix: 26-27 iyul 2024 ⏰ Saat: 10:00-17:00 📍 Ünvan: Gəncə Birləşmiş Xəstəxanası

MRT müayinəsi icbari tibbi sığorta hesabına qarşılanır.

Quba-Xaçmaz TƏB-inə daxil olan rayon və şəhərlərimizin inzibati ərazi vahidləri üzrə bölgüsü və tibbi resursları ilə tanış olun. Vətəndaşlar qeydiyyatda olduğu TƏB üzrə göndəriş olmadan istənilən TƏBİB tabeli xəstəxanaya birbaşa olaraq yaxınlaşaraq tibbi xidmətlərdən istifadə edə bilərlər. Tibb müəssisələrinin TƏB üzrə bölünməsinin məqsədi tibbi resurslardan və kadr potensialından daha effektiv istifadə etmək, müəssisələrin fəaliyyətini optimal hala gətirmək və əhalinin tibbi xidmətə əlçatanlığını təmin etməkdir.

Valideynlər və uşaqlar arasında güclü bağlar uşaqların özünə inamını artırır və xoşbəxtliklərini təmin edir. Ailəniz və övladlarınızla birlikdə keyfiyyətli vaxt keçirməyi unutmayın.

🌱 İcbari Tibbi Sığorta üzrə Dövlət Agentliyi olaraq "Yaşıl dünya naminə həmrəylik ili” çərçivəsində keçirilən aksiyalara qoşulmaqda məqsədimiz ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, ağacəkmə işini ümummilli hədəflərimizdən birinə çevirmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir. #YaşılDünya https://t.ly/rQ_qT

13 iyul 19:30-da Azərbaycan Televiziyasının efirində "Güvənli sabah" verilişini izləməyi unutmayın. Budəfəki buraxılış "böyrək xəstəlikləri" mövzusuna həsr olunub.

Diz oynağının endoprotezləşməsi (diz artroplastikası) – zədələnmiş və ya aşınmış oynaq qığırdağının süni protezlə əvəz edilməsi üçün aparılan cərrahi əməliyyatdır. Əksər hallarda bu əməliyyat oynağın itirilmiş funksiyasını bərpa etmək və ağrını aradan qaldırmaq üçün ən effektiv və yeganə çıxış yoludur. Əməliyyatdan bir neçə gün sonra xəstə əvvəlki aktiv həyat tərzinə qayıda bilir. Diz oynağının artrozu (qonartroz) endoprotezləşmə üçün ən çox rast gəlinən səbəblərdəndir. Bədənin ən böyük oynağı olan diz oynağı - hərəkət zamanı ağırlığın böyük hissəsini öz üzərinə götürür. Gündəlik olaraq – yürüş, qaçış, gəzinti, çöməlmə, pilləkənlə qalxma və enmə zamanı diz oynağının yüklənməyə məruz qalması onu aşınmaya qarşı həssas edir. Ətraflı: https://shorturl.at/Uizdy

Şəhidlərimizin əziz xatirəsini dərin hörmətlə anırıq. Vətən sizinlə qürur duyur!