Василина Попова-Текеянова сахалыы

Быйылгы Туймаада ыһыаҕар, куолутунан, барбатым буолуо дии сылдьыбытым. Хаһыакка, мэрияҕа үлэлиир кэмнэрбэр суруналыыс быһыытынан сүүрэ-көтө, түһүлгэни көрөр-истэр эбээһинэстэн ыһыахтыыр эбит буоллахпына, пандемия инниттэн үлэм хайысхата уларыйбытынан ол тохтообута. Психологияҕа кэлэн баран, ис турук, ис сөбүлэҥ туһунан уонча сылы тухары сыта-тура ырыҥалаан көрдүм. Уонна мэйии, психика ылынар-ылыммат тэтимин-иэнин тула перенасыщение, перегрузка, перенагрузка туһунан өйдөбүллэргэ кэллим. Бэйэни истэн, бэйэҕэ сөп гына ыһыахтыыр диэни быйыл, дьэ, биллим. Онон, астына-дуоһуйа ыһыах аһыллыытыгар, киирии оһуохайга сырыттым.

Психотерапиям 2020 сылтан саҕаламмыта. Уҥуоҕум халыр босхо бардар да, уһатар-кэҥэтэр табыллыбат диэн өйдөөбүтүм. Итинник аҥы-маҥы санаалары тараччы туппутунан оччотооҕута хаһан да харахтаан көрбөтөх эйгэбэр үктэммитим. Уонна, күн бүгүнүгэр диэри нэдиэлэ аайы психологпын кытта көрсө турар киһи. "манныгы билбитим-билэрим, терапияҕа киирбитим, сөбүлэспитим тугун үчүгэйэй" диэн махтана саныыбын🫶🏻 Олох атын олох арыллар. Ол - чахчы.

Таптал Абааһы көрүү Куттал Ис сааһыланыы🫶🏻

Өссө биири этиэхпин баҕарарым - куолаһа. Ыллыыр куолаһа буолбакка, саҥарар куолаһа. Эр киһи киэнэ буолбатах - уолан оҕо киэнэ. Сирдээҕини кытта силбэспэтэх аанньал куолаһа диэххэ дуу. Оччоҕо, мин өйбөр, төһөлөөх көмүскэлэ суоҕуттан үөскүүр, курдары оонньуур ис эрэй-муҥ, биитэр оччо киэҥинэн тайыыр көҥүл туһунан кэлэр. Уонна, болҕомтом бастакыга хатанар. Талант. Боль. Шедевр. Чэ, итинник курдук, бастакы санаам.

Майкл Джексон туһунан киинэни көрдүм. Санаам - ырыа долгунугар олорсон, өрө көтөҕүллүөх туруктан ыраах буолла. Ол - ырыаһыт фаната буолбатахпын кытта ситимнээҕэ дуу. Астыныы оннугар киинэ толкуйдатар түгэннэри үөскэттэ. Бу киинэ аан дойдуга биллэр, бэйэтин эйгэтигэр революцияны оҥорбут киһи тугунан да саба тутуллубат соҕотохсуйуутун туһунан кэпсиир диэн өйдөбүлгэ тохтоотум. Элбэх бииргэ төрөөбүттээх, ийэлээх-аҕалаах, ханна да тиий сүгүрүйээччи бөҕө уонна... эбисийээнэ. Аны туран, киинэ хара саҕаланыаҕыттан тус баҕатын оҕо нөҥүө толорор, дьэбир санаалаах аҕа баар. Оҕо туспа личность, атын киһи буолара аахсыллыбат. Төттөрүтүн улахан киһиттэн быһаччы тутулуктааҕынан туһугар туһаныы, ону "мы одна семья" диэн үтүө көстүүнэн бүрүйүү ойууланар. Дьиҥэр, оҕо төрөппүтүн инструмена, туолбатах ыратын, араас эмоциятын контейнера буолбатах. 👇👇👇

Киһи кэпсэтэн, сылгы кистэһэн🫶🏻 “Коммуникация" практиката бүгүн саҕаланна. Хас да түһүлгэнэн үлэ ньиргиччи бара турар. Астык процесс🔥 ▫️Ийэ комьюнити ▫️Икигай ▫️Реальность хайдах баарынан ▫️Коммуникация ▫️Этим билэр

Оҕо - улахан киһилээх Улахан киһи - ис оҕолоох Оҕо улахан киһитэ хайдаҕый? Оччоҕо улахан киһи ис оҕото? Күн сирин оҕолоро, орто дойду оҕолоро диэн этиини санаан кэлэбин. Бүгүҥҥү улахан киһи - бэҕэһээҥи оҕо. Оҕолор куруук бааллар. Оҕо баар. Уонна ийэтэ баар. Киһи баар. Уонна олох баар. Туох дии саныыгыт?

Сэрэдэтээҕи көрсүһүүлэр🫶🏻 Илдьиттэр, тыл, оһуор туһунан кэпсэттибит. Эбэ, эһэ, ийэ, аҕа курдук күндүттэн күндү дьон саҥата суох хайдах курдук элбэҕи эппиттэрин, ол сүрэхпит чопчутугар баарын туһунан. Хараҕынан этии, өйдөһүү; эбээ сиэн кыыһыгар анаан тикпит таҥаһыгар илиитин сылааһа, алгыһа; Хамсыы сылдьар алыһардар, сурук тыла. Тыас, дорҕоон, сыт, сыһыан, ас кытта тыллаах, илдьиттээх курдук. Ону, бу бэҕэһээҥи курдук, күннээҕи түбүк быыһыттан бириэмэ тыыран, олорон эрэ кэпсэтэр, санаа үллэстэр, истэ-көрө олорон эргитэ-минньитэ саныыр тугун үчүгэйэй. Бүгүн мин эмиэ ураты турукка баарбын. Оҕо сааһым тыыннаах хартыынатын улахан махталынан көрөбүн. Ити барыта мин олохпор баар этэ, баар диибин. Дьиктитэ диэн, ол буолбут кэрэмэс кэрэ, өрөөбөт өтөннөөх үтүө кэмим хос саҥалыы тыллар, салгыы сайдар, дууһабын үөрдэр.

Сарсын киэһэ 19ч биир олус истиҥ терапевтическай көрсүһүү буолаары турар. Сэрэдэҕэ "Беседы о сокровенном" онлайн көрсүһүүнү оҥоробун. Онлайн түмсэммит, күн бүгүҥҥэ диэри долгуйан илдьэ сылдьар истиҥ уонна туох да диэбит иһин испитигэр син биир күүтэр тылларбыт туһунан кэпсэтиэхпит🫶🏻 Терапевтическай, сылаас тыыннаах сэһэргэһии Киирбит үптэн Баайаҕаҕа Моҕол ураһа тутуутугар көмө ыытыахпыт. Сэрэдэтээҕи көрсүһүүлэргэ кыттыҥ, кэлиҥ. Бу проекпын өйүөххүт диэн эрэнэбин🙏 Дьоҥҥо кэпсээн, ыҥыран - бу дии, баһаам көмө👍 Сыаната 1900 солк

Махталлаах санаа, махталлаах турук - ис эйгэбит, тирэхпит. Махтанар санааҕа тиийии, махталлаах туругунан олоруу - бэйэбит талар уонна анаан үлэлиир/үлэлэһэр суолбут. Махтал - нууччалыы эттэххэ, "универсальнай инструмент", туохха баҕарар, хаһан баҕарар көмүс күлүүс. Күөххэ үктэнэр кэммитин көрсө махтал практикатын астым. Киэһэ аайы онлайн көрсөн кэпсэтэбит, медитациялыыбыт. Бүгүҥҥү медитациябыт киэһэ 20ч буолуоҕа.

Улуу Кыайыы күнүнэн! Тыыннаахтар умнубат сыллара Эйэлээх олоҕу, ис иллээх эйгэни!

Алаадьылыыр ньымабытынан, туһалаах-туһааннаах уонна кэскиллээх өттүгэр хайыһыннаран, кэлин тугу долоҕойбор түһэрбиппин үллэстиим. Аҕам этэр: "кэлимэ манна", "сэрэн, халтарыйыаҥ, кэтэххин туура түһүөҥ", "үктээмэ, атаххын көр", "ханна кирдээххэ/бадарааҥҥа бардыҥ, батыллаары" Оо, мин аҕам кыыһабын диэн күннүү сылдьар киһи, аны аҕабар үнтү өчөһүөх санаам хамныыр. Мөхтө, буойда, эбиитин үүрдэ. Өссө куһаҕаны баҕада. Ол аата, "эн куһаҕаҥҥын" диэтэ! "Бэйэҥ куһаҕаҥҥын! Папа наһаа куһаҕан уонна акаары баҕайы!" Сороҕор кини атыннык этэр ээ - "манан сылдьыма сэптээ-э, аты баайдым, сиргэниэ, тэбиэ хайыа" - быһаарар эбит, куолаһа холку эбит, үтүөнү баҕарар эбит. Оттон сороҕор суулларбын, батылларбын баҕарар курдук. Оччоҕо олох өйдөөбөппүн. Ити чувствоны умнубаппын - сатаан өйдөөбөккө хаалбыт турукпун, кыһыйбын-абарбыт санаабын, "миигин өйдөөбөтүлэр" диэн хомолтону, мин баҕарарым курдук буолбатах түгэни. Аҕам гаражка сылдьар эрэ, таҥаспын ньамайдыам эрэ, халтарыйан туохпун эрэ эчэтиэм ини, куттанан сүрэҕим сэлибириэ ини - оччолорго ол туһунан билбэппин бөҕө буоллаҕа. Бэйэм эрэ баҕабынан/импульспунан салайтарабын. Критическэй толкуй хантан кэлиэй. Аҕам туманы-кырыаны бүрүнэн таһырдьаттан киирдэҕинэ, балтыбынаан саба сүүрсэн тиийэбит. Ону да чугаһаппат. Эчикийэ, тымныы үһү. Эбэтэр көтөх муҥунан мастаах киирэн иһэр буолар. Уонна эмиэ - "туорааҥ, ханна атахха эрилиннигит". Ол аҕамсах оҕо аатыттан күн бүгүн кыыһырыыны, өһүргэниини тутан ылабын, суруллан сылдьар. Ис оҕом эмоциятын көрөбүн. Ону кытта тэҥинэн хайдах курдук харыстыыр санаа саспытын, иитиллэ-иитиэхтэнэ сылдьарын, хаппыыста сэбирдэҕин биир-биир устар кэриэтэ, булабын. Аҕам эр киһи айылҕатынан тымныыга-итиигэ, ууга-уокка, уһуктаахха-ыарахаҥҥа сылдьар. Оттон мин, сибэкки үргүүр, лыаҕы эккирэтэр, куукуланан оонньуур кыра кыысчаан, онно киирэн мэһэй, куттал эрэ буолабын. Аҕам тыллара уонна ол тыллар мин испэр үөскэппит психоэмоциональнай туруктара - граница, безопасность, самосохранность туһунан. Кини этэр эбит ээ: "бу манна эйиэхэ анамматах сир, арааран көр, тал", "бу миэстэ эйиэнэ буолбатах", "манна киирэриҥ табыгаһа суох, мин билэбин", "маннык түгэҥҥэ хайдах гынаргын үөрэттим", "мин эйигин харыстыыбын", "таһын эрэ көрүмэ, иһин өҥөй", "булуоҥ, тобулуоҥ, оттон бастаан сыыһа да өйдөө - буоллун", "таптыыбын диэн хаһан да эппэтэҕим, эппит эбиппин?" Эр киһи үс мутук үрдүк. Аҕа диэн - далааһын. 🥹🥹🥹

Алаадьылыыр ньымабытынан, туһалаах-туһааннаах уонна кэскиллээх өттүгэр хайыһыннаран, кэлин тугу долоҕойбор түһэрбиппин үллэстиим. Аҕам этэр: "кэлимэ манна", "сэрэн, халтарыйыаҥ, кэтэххин туура түһүөҥ", "үктээмэ, атаххын көр", "ханна кирдээххэ/бадарааҥҥа бардыҥ, батыллаары" Оо, мин аҕам кыыһабын диэн күннүү сылдьар киһи, аны аҕабар үнтү өчөһүөх санаам хамныыр. Мөхтө, буойда, эбиитин үүрдэ. Өссө куһаҕаны баҕада. Ол аата, "эн куһаҕаҥҥын" диэтэ! "Бэйэҥ куһаҕаҥҥын! Папа наһаа куһаҕан уонна акаары баҕайы!" Сороҕор кини атыннык этэр ээ - "манан сылдьыма сэптээ-э, аты баайдым, сиргэниэ, тэбиэ хайыа" - быһаарар эбит, куолаһа холку эбит, үтүөнү баҕарар. Оттон сороҕор суулларбын, батылларбын баҕарар. Оччоҕо олох өйдөөбөппүн. Ити чувствоны умнубаппын - сатаан өйдөөбөккө хаалбыт турукпун, кыһыйбын-абарбыт санаабын, "миигин өйдөөбөтүлэр" диэн хомолтону, мин баҕарарым курдук буолбатах түгэни. Аҕам гаражка сылдьар эрэ, таҥаспын ньамайдыам эрэ, халтарыйан туохпун эрэ эчэтиэм ини, куттанан сүрэҕим сэлибириэ ини - оччолорго ол туһунан билбэппин бөҕө буоллаҕа. Бэйэм эрэ баҕабынан/импульспунан эрэ салайтарабын. Критическэй толкуй сайда илик кэмэ. Аҕам туманы-кырыаны бүрүнэн таһырдьаттан киирдэҕинэ балтыбынаан саба сүүрсэн тиийэбит. Ону да чугаһаппат. Эбэтэр көтөз муҥунан мастаах киирэр. Уонна эмиэ - "туорааҥ, ханна атахха эрилиннигит". Ол аҕамсах оҕо аатыттан кыыһырыыны, өһүргэниини тутан ылабын. Ону кытта тэҥинэн хайдах курдук харыстыыр санаа саспытын, хаппыыста сэбирдэҕин биир-биир устар кэриэтэ, булабын. Аҕам эр киһи айылҕатынан тымныыга-итиигэ, ууга-уокка, уһуктаахха-ыарахаҥҥа сылдьар. Оттон мин, сибэкки үргүүр, лыаҕы эккирэтэр, куукуланан оонньуур кыра кыысчаан, онно киирэн мэһэй, куттал эрэ буолабын. Аҕам тыллара уонна ол тыллар мин испэр үөскэппит психоэмоциональнай туруктара граница, безопасность, самосохранность туһунан. Кини этэр "бу манна эйиэхэ анамматах сир/миэстэ", "манна киирэриҥ табыгаһа суох, мин билэбин", "маннык түгэҥҥэ хайдах гынаргын үөрэттим", "мин эйигин харыстыыбын", "таһын эрэ көрүмэ, иһин өҥөй", "булуоҥ, тобулуоҥ, оттон бастаан сыыһа да өйдөө - буоллун", "таптыыбын диэн хаһан да эппэтэҕим, эппит эбиппин?" 🥹🥹🥹

Сайын. Уу кэлэ турар кэмэ. Аҕабын кытта өрүскэ киирбиппин. Минскэйинэн. Олбуорум иһиттэн тахсан, өрүскэ киирэр, атахтанан хаамар, уу тэпсэр киһи буолбуппун. Аҕам бу түгэни үллэстэригэр хараҕа чаҕылыйар, сирэйдиин-харахтыын сымныыр. Ол кэмҥэ баар буолар курдук, субу көрөн турарга дылы ымсыырыылаах. Мин истэ-истэ мэниктиэх санаам оонньуур. - Кыыһым ууга киирэ турар, наа. "Эш, барыма" дии сатыыбын. Илиититтэн тута сылдьабын. Дьэ, ытаан да туран, сандаликатынан киирэ сатыыр, ой-ой-ой... Мм, аҕам "сандалика" диэбитэ билиҥҥэ диэри уратытык иһиллэр. Кини тылдьытыгар "атах таҥаһа" диэн тыл кыыс оҕолоох буолан дьүһүн кубулуйбута бу иһирэҕин ньии. - Онтон? - "Чэ-э, кэбис, тэбис" диэтэҕим дии. - Уаай. - Чалк-чалк. Үктээн көрөҕүн. Наһаа үчүгэйдик. Нуу, кып-кыра атахтаргынан. Сэҥээрии бөҕөҕүн. Дьээбэҕэ тиксэн, тиллэ түһүү. Оннук эмиэ буолуон сөп эбит. - Ытаан бүппүтүм дуу? - Бүтэн буоллаҕа. Көр, өссө бараары гынаҕын, (саха ньоҕой, оҕото - ...🤣) “Ээш, бүттэ, хотуй, хайдах буолаҕын. Барбаккын уонна" диибин. Аҕам оччолорго 25-н ааспыт, отуччата илик. Кэпсиирин истэ олорон, оҕото ордук астыммыт дуу, аҕата дуу диэн сатаан билбэппин. Бэйэм туспунан кэпсээбитигэр мин ити түгэҥҥэ аҕабын эмиэ көрөбүн. Миэхэ сыһыанын, оҕотугар иэйиитин, төһө уонна туох көҥүлү биэрэрин, тугу уонна ханааҥҥы диэри көҥүллүүрүн. Бу - быраабыла, безопасность, суруллубатах сокуон уонна, биллэн турар, көмүскэл, харысхал. "Эш" диэнтэн саҕаланан баран, "бэйэҥ туох диигин", онтон - "бэйэҥ туох дииргинэн", итиэннэ - "дьэ, оҕом маладьыас, ити мин оҕом" диэҥҥэ тиийэ - бу аҕа, аҕам. “Мин кыыһым. Итинник, тоом. Баран ис. Мин баарбын"❤️ Поворотка. Полоса. Аҕам киллэрбит суола. "Оттон бу мин, аҕаа. Көр, бу эн кыыһыҥ" Иннибэр суол. Кэннибэр аҕам. Кини алгыһа. Хараҥа халлаан уонна Сырдык. Айан. Тыл. Аҕам. Көмүскэл.

Сайын. Уу кэлэ турар кэмэ. Аҕабын кытта өрүскэ киирбиппин. Минскэйинэн. Олбуорум иһиттэн тахсан, өрүскэ киирэр, атахтанан хаамар, уу тэпсэр киһи буолбуппун. Аҕам бу түгэни үллэстэригэр хараҕа чаҕылыйар, сирэйдиин-харахтыын сымныыр. Ол кэмҥэ баар буолар курдук, субу көрөн турарга дылы ымсыырыылаах. Мин истэ-истэ мэниктиэх санаам оонньуур. - Кыыһым ууга киирэ турар, наа. "Эш, барыма" дии сатыыбын. Илиититтэн тута сылдьабын. Дьэ, ытаан да туран, сандаликатынан киирэ сатыыр, ой-ой-ой... Мм, аҕам "сандалика" диэбитэ билиҥҥэ диэри уратытык иһиллэр. Кини тылдьытыгар "атах таҥаһа" диэн тыл кыыс оҕолоох буолан дьүһүн кубулуйбута бу иһирэҕин ньии. - Онтон? - "Чэ-э, кэбис, тэбис" диэтэҕим дии. - Уаай. - Чалк-чалк. Үктээн көрөҕүн. Наһаа үчүгэйдик. Нуу, кып-кыра атахтаргынан. Сэҥээрии бөҕөҕүн. Дьээбэҕэ тиксэн, тиллэ түһүү. Оннук эмиэ буолуон сөп эбит. - Ытаан бүппүтүм дуу? - Бүтэн буоллаҕа. Көр, өссө бараары гынаҕын, (саха ньоҕой, оҕото - ...🤣) “Ээш, бүттэ, хотуй, хайдах буолаҕын. Барбаккын уонна" диибин. Аҕам оччолорго 25-н ааспыт, отуччата илик. Кэпсиирин истэ олорон, оҕото ордук астыммыт дуу, аҕата дуу диэн сатаан билбэппин. Бэйэм туспунан кэпсээбитигэр мин ити түгэҥҥэ аҕабын эмиэ көрөбүн. Миэхэ сыһыанын, оҕотугар иэйиитин, төһө уонна туох көҥүлү биэрэрин, тугу уонна ханааҥҥы диэри көҥүллүүрүн. Бу - быраабыла, безопасность, суруллубатах сокуон уонна, биллэн турар, көмүскэл, харысхал. "Эш" диэнтэн саҕаланан баран, "бэйэҥ туох диигин", онтон - "бэйэҥ туох дииргинэн", итиэннэ - "дьэ, оҕом маладьыас, ити мин оҕом" диэҥҥэ тиийэ - бу аҕа, аҕам. “Мин кыыһым. Итинник, тоом. Баран ис. Мин баарбын"❤️ Поворотка. Полоса. Аҕам киллэрбит суола.

Сайын. Уу кэлэ турар кэмэ. Аҕабын кытта өрүскэ киирбиппин. Минскэйинэн. Олбуорум иһиттэн тахсан, өрүскэ киирэр, атахтанан хаамар, уу тэпсэр киһи буолбуппун. Аҕам бу түгэни үллэстэригэр хараҕа чаҕылыйар, сирэйдиин-харахтыын сымныыр. Ол кэмҥэ баар буолар курдук, субу көрөн турарга дылы ымсыырыылаах. Мин истэ-истэ мэниктиэх санаам оонньуур. - Кыыһым ууга киирэ турар, наа. "Эш, барыма" дии сатыыбын. Илиититтэн тута сылдьабын. Дьэ, ытаан да туран, сандаликатынан киирэ сатыыр, ой-ой-ой... Мм, аҕам "сандалика" диэбитэ билиҥҥэ диэри уратытык иһиллэр. Кини тылдьытыгар "атах таҥаһа" диэн тыл кыыс оҕолоох буолан дьүһүн кубулуйбута бу иһирэҕин ньии. - Онтон? - "Чэ-э, кэбис, тэбис" диэтэҕим дии. - Уаай. - Чалк-чалк. Үктээн көрөҕүн. Наһаа үчүгэйдик. Нуу, кып-кыра атахтаргынан. Сэҥээрии бөҕөҕүн. Дьээбэҕэ тиксэн, тиллэ түһүү. Оннук эмиэ буолуон сөп эбит. - Ытаан бүппүтүм дуу? - Бүтэн буоллаҕа. Көр, өссө бараары гынаҕын, (саха ньоҕой, оҕото - ...🤣) “Ээш, бүттэ, хотуй, хайдах буолаҕын. Барбаккын уонна" диибин. Аҕам оччолорго 25-н ааспыт, отуччата илик. Кэпсиирин истэ олорон, оҕото ордук астыммыт дуу, аҕата дуу диэн сатаан билбэппин. Бэйэм туспунан кэпсээбитигэр мин ити түгэҥҥэ аҕабын эмиэ көрөбүн. Миэхэ сыһыанын, оҕотугар иэйиитин, төһө уонна туох көҥүлү биэрэрин, тугу уонна ханааҥҥы диэри көҥүллүүрүн. Бу - быраабыла, безопасность, суруллубатах сокуон уонна, биллэн турар, көмүскэл, харысхал. "Эш" диэнтэн саҕаланан баран, "бэйэҥ туох диигин", онтон - "бэйэҥ туох дииргинэн", итиэннэ - "дьэ, оҕом маладьыас, ити мин оҕом" диэҥҥэ тиийэ - бу аҕа, аҕам. “Мин кыыһым. Итинник, тоом. Баран ис. Мин баарбын"❤️

Халыйа турабын. Стихийно. Аҕам туттар тыла "порядок наада". Иһиттим - һоп. Тып-тап, чиҥ-чаҥ. Кэпсиэхтээх түгэммэр, дьэ, кэллим. Бэйэм өйдөөбөппүн, аҕам кэпсээбитэ. Ити истибит кэпсээним мин испэр бэйэтэ кэпсээн буолан сылдьар (оҕолорго оҕо эрдэҕинээҕилэрин элбэхтэ кэпсиэххэ). 👇👇👇

Дьэ диэ, салгыы барыаҕыҥ. Бааргыт дии? Олоххо, айылҕаҕа солбуллубат миэстэ баар. Тыл. Ийэ. Аҕа. Буккуйдахпына бэйэм эрэ буккуйуохпун син. Араара туттахпына - бэйэм эрэ араара тутуохпун син. Ыстахпына - ыһыллыы. Ыһылыннахпына, тулам ыһылла түһэр. Ону хомуйан сааһыланабын. Сааһыланным да - эргиччи сааһыланар. Биир сааһыланыы барытын сааһылыыр. Барытын сааһылыы сатыырым биири да сааһылаабат. Онон, бүгүн аҕам туһунан сааһыланыылаах санаабын тиэрдиим, атына бэйэтэ батыһыа. Аҕа диэн сокуон, үидүк, далааһын, билбэт улаханыҥ, сааһыланыы, эрэл, эрэх-турах буолуу, дисциплина, амбиция, биир тыл. Аҕам туһунан диэн аҕа көмүскэлин туһунан. Аҕа көмүскэлэ диэн тугуй? Ол тылы, ийэни кытта туох ситимнээҕий? Улахан массыынаны "истигэн баҕайытык" батыһыы эбэтэр быгыалаан көрө-көрө тоҕо гааспын үктээн кэбиспэппин, тугун эмиэ ол ким эрэ повороткатын күүттүм, манаатым? Ити - мин олоҕум, ити мин төбөм олоруута, мин көрүүм. Миэхэ оннук барсар. Ол туохха олоҕурарый диэтэххэ, аҕам тылыгар. Ол аата хайдаҕый? Испэр-өйбөр аҕам тыла диэн баар, ийэм тыла диэн баар. Аҕам киэнэ ийэм тылыттан олох атын. Ийэм тыла хаһан/хайдах/ханна туттулларын билэбин. Аҕам тылын эмиэ. Быһаарыым. Ийэм тыла - эмоция тыла, чараас, формата суох, өтөн киирэр, курдары. Аҕам тыла - формаламмыт/формалаах, ыйааһыннаах, кытаанах (маатыры да буолуон син, оттон ийэм киэнэ харах уута - ол иһин ытааҥ, ытыахха син, ытыыр диэн эмиэ тыл, тыллар тыллара, тыла суох тыл). Иккиэннэрэ өйдөнөллөр. Иккиэн атын-атыннык өйдөнөллөр. Уонна соннук мин испиттэн атын-атын эппиэттэри үөскэтэллэр. Ийэбэр олус уйан турук: стихия, айылҕа иннигэр сыгынньах турар курдукпун. Оттон аҕабар - илиибин сиэппэр уктан баран, сымыһахпын ытырбахтаан, чыырк гыннарардыы/гыннаран кэбиһиэхтии - өһөстүк, кыһыйан. Ол иһин, наар ийэбинэн буоллахпына, сатаммат. Куруук аҕабынан буоллахпына, кыаллыбат. Ийэбин аҕабын хааһылаан кэбиспэппин. Тэҥинэн тутабын, тэҥинэн илдьэ сылдьабын. Ол - орто сүнньү, киһи киэнэ. (Атын киһи атыннык саныан, ылынымыан син дуу? Син бөҕө буоллаҕа дии) 👇👇👇