မောင်ဆူးလှည်း

Открыть в Telegram

MaungHsueHlae

Больше

📈 Аналитический обзор Telegram-канала မောင်ဆူးလှည်း

Канал မောင်ဆူးလှည်း (@phyoeweiwin) языкового сегмента Бирманский является активным участником. Сейчас сообщество объединяет 13 911 подписчиков, занимая 14 985 место в категории Новости и СМИ и 9 451 место в регионе Мьянма.

📊 Показатели аудитории и динамика

С момента создания невідомо проект демонстрирует стремительный рост, собрав аудиторию из 13 911 подписчиков.

Согласно последним данным от 26 июля, 2026, канал показывает стабильную активность. За последние 30 дней изменение числа участников составило -285, а за последние 24 часа — -10, при этом общий охват остаётся высоким.

Статус верификации: Не верифицирован
Уровень вовлечённости (ER): Средний показатель вовлечённости аудитории составляет 26.15%. В первые 24 часа после публикации контент обычно набирает 9.85% реакций от общего числа подписчиков.
Охват публикаций: В среднем каждый пост получает 3 639 просмотров. В течение первых суток публикация набирает 1 371 просмотров.
Реакции и взаимодействия: Аудитория активно поддерживает контент: среднее количество реакций на один пост — 233.

📝 Описание и контентная политика

Автор описывает ресурс как площадку для выражения субъективного мнения:
“MaungHsueHlae”

Благодаря высокой частоте обновлений (последние данные получены 27 июля, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Новости и СМИ.

13 911

Подписчики

-1024 часа

-657 дней

-28530 день

3 639

Просмотры поста

~ 1 37124 часа

~ 1 74548 часов

26.15%

Коэффициент вовлеченности

~ 1

Постов в день

Ads index

beta

Архив постов

13 908

ဘယ်လိုပဲပြောပြော လာမဲ့ အောက်တိုဘာမှာ သစ္စာကမ်းလက်ဟာ ခြောက်နှစ်ပြည့်ပါတော့မယ်။ ဒီခြောက်နှစ်အတွင်းမှာ သစ္စာကမ်းလက်ကို ကျပ်တစ်ထောင်ကနေ ကျပ်ဆယ်သိန်းအထိ လစဥ်လှူပေးနေသူတွေ၊ ကျပ်သိန်းဂဏန်းကနေ အမြင့်ဆုံး ကျပ်သိန်း ၂၀၀ အထိ လှူပေးနေသူတွေကြောင့် သစ္စာကမ်းလက်ဟာ လူဦးရေထောင်ချီကို ဒီငါးနှစ်မှာ ကျပ်သိန်း ၁၆၀၀ အထက် လှူနိုင်ခဲ့လို့ အလှူရှင် အားလုံးကို ကျေးဇူးအထူးတင်ပါတယ် ခင်ဗျ။ ဒီအလှူရှင်တွေသာမရှိရင် သစ္စာကမ်းလက်ဟာ ခြောက်နှစ်တာ ကြာအောင် ရပ်တည်နိုင်မှာမဟုတ်သလို ကျပ်သိန်း ၁၆၀၀ ကျော်လည်း လှူနိုင်မှာ မဟုတ်ပါဘူး။ အခုလို အသက်ဘေးနဲ့ဆိုင်တဲ့ ဝေခွဲမရဖြစ်စဥ်တွေဖြစ်လို့၊ အလှူယာယီရပ်ရလို့လည်း စိတ်မကောင်းပါဘူး။ ပြန်လှူနိုင်အောင် ကြိုးစားမှာပါ။ ဒါပေမဲ့ ... ။

ဖြိုးဝေ သစ္စာကမ်းလက် ၂၆. ၇. ၂၀၂၆

#ဒီပုံတွေကသစ္စာကမ်းလက်အတွက်_ပခုက္ကူမှာဒိုင်ခံလှူပေးနေတဲ့ညီတော်မောင့်ပုံတွေနဲ့တူတွေပါ

13 908

13 908

လွှတ်တော်အမတ်ဖြစ်ချင်ရင် ဘွဲ့ရရမယ်ဆိုတဲ့ ဥပဒေပြင်ချက်က အမတ်ဖြစ်ချင်သူတွေ၊ ပါတီတွေကြားမှာ တော်တော်ဂယက်ရိုက်နေတော့ ကိုယ်မှတ်မိတာလေးပြောပြဦးမယ်။ ဒေါ်စုခေတ်ကောင်းတုန်းက နေပြည်တော်မှာ လေးတန်းအဆင့်ပဲရှိတဲ့ စပါယ်ယာတစ်ယောက်က ဗခတွေ၊ ဝန်ကြီးတွေ၊ ဒဗခက အဆင့်ရှိသူတွေကို ရွေးကောက်ပွဲမှာ နိုင်ခဲ့ဖူးတယ်။ အဲဒီမှာ တကယ်အရည်အချင်းရှိလို့ လေးတန်းအောင်က နေရာရသွားရင် ပြဿနာမဟုတ်ဘူး။ ဒါပေမဲ့ အဲဒီလေးတန်းအောင် စပါယ်ယာအမတ်က အဆိုတစ်ခုတောင် ဖြစ်မြောက်အောင် မတင်သွား၊ ဦးဝင်းထိန်ရဲ့ အရက်ဝယ်ကြက်ဖမ်း၊ သတင်းပေးအဆင့်လောက်နဲ့ ခုနစ်နှစ်၊ ရှစ်နှစ် ပြည်သူ့လစာစားပြီး နိတ္ထိတံသွားတော့ နိုင်ငံနဲ့ပြည်သူက နစ်နာတယ်။ နောက်တစ်ချက်က နိုင်ငံနဲ့ ပြည်သူကို ကိုယ်စားပြုတဲ့အမတ်တစ်ယောက်ဟာ စာတတ်ပေတတ်ဖြစ်မှ နိုင်ငံ့အရေး၊ ပြည်သူ့အရေး ယှဉ်ဆွေးနွေးနိုင်မှာပေါ့။ ဘယ်နေရာမှသုံးမရလို့ ထဘီခြုံအရောင်နဲ့ အရက်ဝယ်ကြက်ဖမ်း လာဘ်စား ပွဲတက် အမတ်တော့ ကိုယ်မလိုချင်ဘူး။ ပြီးတော့ ပါတီတစ်ခုဟာ ပြည်နယ်နဲ့ တိုင်းမှာပြိုင်ရင် ပါတီဝင် ၁၀၀၀ ပဲ လိုတယ်။ ဒီ ၁၀၀၀ မှာ အလွန်ဆုံးမှ ဆယ်ဦးလောက်ပဲပြိုင်တယ်။ ထားပါတော့ လူ ၂၀ ပြိုင်တယ်ထား။ ဒီ လူ ၁၀၀၀ မှာ ပညာတတ် ၂၀ တောင် မစုနိုင်ရင် ပြည်နယ်တိုးတက်ဖို့ ဒီပါတီက ဘာလုပ်ပေးနိုင်မှာမို့လို့လဲ။ ပြည်ထောင်စုအဆင့်ဆိုလည်း လူ ၅၀၀၀၀ ရှိတယ်။ မှတ်မှတ်ရရဆို NLD နဲ့ USDP လောက်ပဲ နေရာစုံပြိုင်နိုင်တယ်။ ကျန်တဲ့ပါတီတွေက သတ်မှတ်ဦးရေပြည့်ဖို့တောင် မနည်းရုန်းကန်နေရတာ။ နောက်တစ်ခါ တစ်နိုင်ငံလုံး ကိုယ်စားပြုမယ့်ပါတီက လူ ၁၀၀၀၀၀ တောင်မစုနိုင်လို့ ၅၀၀၀၀ အထိ လျှော့ပေးရတာ။ လူ ၅၀၀၀၀ တောင်မှ ပညာတတ် ၅၀၀ မစုနိုင်ဘူးဆိုရင် နိုင်ငံအဆင့်ကို တက်မလာသင့်တာ သေချာတယ်။ ကိုယ်ကတော့ Debate လုပ်မယ်ဆို အမတ်တွေ ပညာတတ်ဖို့လိုတဲ့ဘက်ကနေမယ်။ နောက်ဆို ရပ်ကျေးအုပ်ချုပ်ရေးမှူး၊ ဆယ်အိမ်မှူးတောင် ဆယ်တန်း မအောင် မလုပ်နဲ့လို့ ဥပဒေပြင် ထုတ်ပြန်ရမယ်။ အောက်ခြေရပ်ကျေးစာရေးက ဆယ်တန်းအောင်၊ ဘွဲ့ရ။ ဆယ်အိမ်မှူး၊ ရာအိမ်မှူးတွေ၊ အုပ်ချုပ်ရေးမှူးတွေက မူလတန်းအဆင့်ဆိုတာကလည်း စောက်တလွဲပဲ။ စာမတတ်ပေမတတ်တွေ အုပ်ချုပ်လို့ လက်နက်ကိုင်လို့ ပျက်ခဲ့ရတဲ့နိုင်ငံကို ပထမအဆင့်မှာ စာတတ်ပေတတ်တွေနဲ့ အစားထိုးရမယ်။ နိုင်ငံတည်ငြိမ်လာရင် လာဘ်မစားနိုင်တဲ့လစာမျိုးပေးပြီး အဂတိတိုက်ဖျက်ရမယ်။ နိုင်ငံ့အပေါ် စေတနာမှန်သူတွေ စုလာနိုင်ရင်၊ နေရာရလာရင် ပြန်ပြီးတိုးတက်လာမှာပဲ။ ကိုယ်ကတော့ စာမတတ်ပေမတတ်တွေ နေရာပြန်မရေးထောက်ခံသွားမှာပဲ။ ဒီနေရာမှာ ပြည်ထောင်စုတက်မလာပါဘူး။ ပြည်နယ်ပဲပြိုင်မှာဆိုရင်တော့ ပြည်နယ်နဲ့တိုက်းဥပဒေမှာ ပြိုင်တဲ့အမတ်ရဲ့ ထက်ဝက်က ဘွဲ့ရ၊ ထက်ဝက်က ဆယ်တန်းအောင်ဆိုပြီး ညှိချင်ညှိပေါ့။ ပြီးတော့ ဒီလိုတိုးတက်မှုမျိုး၊ မဖြစ်မနေလုပ်ရမယ့်ဟာမျိုးကိုမှ ဟာသထင်နေရင်လည်း အခုလို ဝဋ်ဆင်းရဲမှာ ပျော်ပျော်ကြီး ထပ်ခံကြတော့ပေါ့လို့ ဆက်ပြောမှာပဲ။ မှတ်ချက်။ ပုံတွေကတော့ ဒေါက်တာနေဇင်လတ်ရဲ့ ဒီနေ့စစ်တမ်းတွေပါ။ အချိန် ၃ နာရီအတွင်းမှာ အားလုံးနီးပါးက အမတ်တွေ စာတတ်ဖို့လိုတယ်ဆိုတာပဲ ထောက်ခံသွားကြတယ်။

13 908

သစ္စာကမ်းလက်၏ ၅၇ ကြိမ်မြောက် လစဥ်ကုသိုလ်တော်မှ ပခုက္ကူပုံရိပ်များ 🙏🙏🙏 🙏🙏🙏 🙏🙏🙏 သစ္စာကမ်းလက် တစ်လ (၁၀၀၀၀) ကျပ် လစဥ် လှူဒါန်းကြသူများ ကွန်ရက် ရဲ့ လစဥ်လှူဒါန်းမြဲဖြစ်တဲ့ သံဃာတော်အရှင်သူမြတ် ခုနစ်ပါးနဲ့ သီလရှင်တစ်ပါး (စုစုပေါင်း ၈ ပါး) တို့ကို ၅၇ ကြိမ်မြောက် လစဉ်ပြုမြဲကုသိုလ် ၃၀၀၀၀ ကျပ်စီနဲ့ ပခုက္ကူက အလှူခံပုဂ္ဂိုလ်တွေဖြစ်တဲ့ သက်ကြီးရွယ်အိုနဲ့ နာမကျန်းအမျိုးသမီး ၂၅ ဦး၊ ဒေါင်းဆင်ဒရုန်းအမျိုးသမီးငယ်တစ်ဦးနဲ့ ပိုလီယိုရောဂါသည် ၄ ဦး ၅၇ ကြိမ်မြောက် တစ်ဦး ကျပ် ၂၅၀၀၀ စီ ဇူလိုင်လအလှူထဲက ပခုက္ကူက အလှူပုံရိပ်တွေဖြစ်ပါတယ်။ သစ္စာကမ်းလက်အလှူရှင်များအားလုံး ကျန်းမာ ချမ်းသာပါစေ။ ဒီနေ့ထွက်မယ့် မြန်မာထီ၊ ထိုင်းထီ (ချဲ) စတဲ့ နိုင်ငံတကာထီဆု ကြီးကြီးတွေ အကုန်ကံထူးပါစေ ခင်ဗျ 🙏🙏🙏 ဖြိုးဝေ သစ္စာကမ်းလက် ၁၆. ၇ ၂၀၂၆ #သစ္စာကမ်းလက်အလှူစဥ်_၁၉_၂၀၂၆ #စုစုပေါင်းအလှူငွေ၁၀၄၀၀၀၀

ကျန်ပုံများ 🔻🔻🔻

13 908

ဒီနှစ်ကမ္ဘာ့ဖလား ကိုယ်တစ်ပွဲမှ မကြည့်ရသေးဘူး။ ကိုယ့်တိုက်ခန်းထဲ TV မရှိတာရော၊ ပွဲစဥ်အစ နိုင်ငံခြားရောက်နေတာရော၊ အချိန်က အလုပ်တစ်ဖက်နဲ့ ကိုယ်ကြည့်ဖို့ အဆင်မပြေတာရောကြောင့် ဖိုင်နယ်မှပဲ ကြည့်တော့မယ် မှန်းထားတာ။ အဲဒါ ဖိုင်နယ်ကြတော့လည်း ကြည့်မယ်ဆို အဖေတို့အမေတို့အကိုတို့ဆီ သွားကြည့်ရင်ကြည့် မကြည့်ရင် အပြင်မှာကြည့်။ အပြင်မှာကြည့်ဖို့ကြတော့ သုဝဏ္ဏကွင်းမှာ ၈၀၀၀၀ တဲ့။ ခြစ်ကုပ်ကြည့်ရင် ကြည့်နိုင်ပေမဲ့ တစ်ယောက်တည်းသွားရရင်လည်း အဆင်မပြေ။ အများနဲ့ကြတော့လည်း စျေးက များနေတယ်။ ဒီအချိန်မှာ ထိုင်းကတော့ ကမ္ဘာ့ဖလားလွှင့်ခွင့်ရ JAS နဲ့ Monomax ရယ်၊ စည်ပင်ရယ်ပေါင်းပြီး ထိုင်းပြည်သူတွေကို မီးရထားပန်းခြံမှာ အခမဲ့ပြမယ်တဲ့။ https://t.me/MT_News_Media/94129?single ထိုင်းက JAS က ကမ္ဘာ့ဖလား နှစ်ခုနဲ့ ဖီဖာပွဲအကုန်ပြဖို့ Package နှစ်ခုစာ ဒေါ်လာ သန်း ၇၀ နဲ့ မူပိုင်ခွင့်ရတာ။ ဗီယက်နမ်ကတော့ ဒေါ်လာ ၁၅ သန်းနဲ့ ၂၀၂၆ ကမ္ဘာ့ဖလား ပြခွင့်ရတာ။ ဆိုတော့ ဒီနှစ် မြန်မာနိုင်ငံမှာ ကမ္ဘာ့ဖလား မူပိုင်ခွင့်ရတာက Mytel။ Mytel ဆီကနေ Canal + က ပြန်ဝယ်ပြတယ်ထင်တယ်။ PDF တွေ ပြည်ပရောက် Exile တွေကတော့ ကမ္ဘာ့ဖလား သပိတ်မှောက်ဖို့ ဘာညာလျှောက်အော်နေတာ။ ဒါပေမဲ့ ကိုယ့်အမြင်ကတော့ သုဝဏ္ဏကွင်းမှာ ဗိုလ်လုပွဲအတွက် ၈၀၀၀၀ နဲ့ ရောင်းတာလည်း ရောင်းပေါ့။ ပိုက်ဆံတတ်နိုင်သူတွေ ပျော်ကြလိမ့်မယ်။ ဒါပေမဲ့လည်း မတတ်နိုင်တဲ့ ပြည်သူတွေအတွက်တော့ ရန်ကုန်အစိုးရရယ်၊ Mytel ရယ်၊ Canal Plus ရယ် ပေါင်းပြီး ပြည်သူ့ရင်ပြင်ဖြစ်ဖြစ်၊ မဟာဗန္ဓုလပန်းခြံဖြစ်ဖြစ် တစ်နေရာရာမှာ Projectot အကြီးကြီးတွေထိုးပြီး အခမဲ့ ပြပေးသင့်တယ်ထင်တယ်။ အခမဲ့သာ တကယ်ပြနိုင်ရင် လူထောင်သောင်းချီ သိန်းချီ လာကြည့်ကြမှာပဲ။ ရှေ့မှာ တစ်လလောက် Package တွေရော၊ Canal + ရော ရောင်းထားပြီးသား၊ သုဝဏ္ဏမှာလည်း ပွဲတွေ ရောင်းထားပြီးသားဆိုတော့ တစ်နိုင်ငံလုံး Mytel ကနေပဲ ဝယ်ကြည့်ရတာ ရှုံးစရာအကြောင်းမရှိနိုင်။ Mytel က မပြနိုင်လည်း ရန်ကုန်အစိုးရက ဝယ်ပြလိုက်ပေါ့ 😁 ဒါက Political Gains ပဲ။ ဒီလိုဝယ်ပြလည်း မရှုံးနိုင်ပါဘူး။ နောက်ဆုံး ရှုံးဦးတော့ နည်းနည်းပေါ့။ ကုမ္ပဏီကြီးတွေဆီက စပွန်ဆာတွေ။ တစ်ညတာ ဆိုင်ခန်းခတွေ၊ နောက် MFF လည်း ပူးပေါင်းပေါ့။ အားလုံးပေါင်းလိုက်ရင် Win - Win - Win ပဲ။ ဒီလိုသာ တကယ်လုပ်နိုင်ရင် အခုတောင် ကမ္ဘာ့ဖလား သပိတ်မှောက်ဖို့ အော်နေတဲ့ကောင်တွေ မအောင်မြင်လို့ ကြေကွဲနေရတဲ့ကြားကကို အခမဲ့ကြီး ပြချလိုက်ပြီး လူသောင်းသိန်းချီ ကြည့်နေတာကိုသာ ကမ္ဘာသိ ချပြလိုက်နိုင်ရင် ဒါက နိုင်ငံရေးအကျိုးအမြတ်ထက်လည်း ပိုမယ်။ အစိုးရလည်း အမှတ်ရမယ်။ ဒါကတော့ ကိုယ့်အမြင်ပါ။ ထိုင်းမှာ သူ့ပြည်သူတွေကို ကမ္ဘာ့ဖလား ဗိုလ်လုပွဲ အခမဲ့ ပြနေလို့ ကိုယ့်နိုင်ငံမှာလည်း တက်လာစ အစိုးရသစ်ကို ပြည်သူ့အတွက် လုပ်ပေးချင်မလားလို့ ရေးရတာ....

13 908

ရှေ့ရက်က ထမင်းသွားစားပြီး ရုံးပြန်တော့ လမ်းမလျှောက်ချင်တာနဲ့ ဆိုက်ကားခေါ်လိုက်တော့ အဘိုးကြီးတစ်ယောက် လာနင်းပေးတယ်။ ဦးတင်ထွန်းတဲ့။ အဝေးကကြည့်တုန်းက ၆၀ လောက်ပဲ ထင်တာ။ ဆိုက်ကားနင်းတော့မှ မေးကြည့်မှ ၇၂ နှစ်တဲ့။ အဲဒါ ကျွန်တော်က စျေးဦးပေါက်တဲ့။ ထမင်းစားနောက်ကျတဲ့ကျွန်တော် စားပြီးချိန်က ၂ နာရီဖြစ်နေပြီ။ သူ စျေးဦးမပေါက်သေးဘူးတဲ့။ သူကဆက်ပြောတယ်။ အသက်ကြီးလာတဲ့သူကို နင်းခိုင်းရမှာ အားနာလို့ဆိုပြီး ဆိုက်ကားမစီးကြတာတဲ့။ ဆိုက်ကားမစီးကြရင် အဘတို့ ဘယ်လိုထမင်းစားရမလဲတဲ့။ ဟုတ်တာပေါ့။ သူလည်း သူ့ခံစားချက်လေးကိုး။ ဆက်ပြောတယ်။ သူ့ဇနီးက ကျန်းမာရေးမကောင်းဘူးတဲ့ သားသမီးသုံးယောက်၊ မြေးလေးယောက်ရှိတယ်။ သူတို့လည်း အဆင်မပြေဘူးတဲ့။ ဆိုက်ကားအုံနာခက ၃၀၀၀ တဲ့။ အရင်က တစ်ရက် ၂၀၀၀၀၊ ၃၀၀၀၀ ရတာ။ အခုဆို ၁၀၀၀၀ ရဖို့ကို တစ်နေကုန်နေတာတဲ့။ အဘတော်တော် အသက်ကြီးနေပြီ နင်းနိုင်သေးတာပဲဆိုတော့ သူကအရက်မသောက်၊ ကွမ်းမစား၊ ဆေးလိပ်မသောက်ဘူးတဲ့။ အဲဒါကြောင့် သန်တာတဲ့။ ဆိုက်ကားပေါ်ကဆင်းတော့ မုန့်ဖိုး ၂၀၀၀၀ ပေးလိုက်ပါတယ်။ အိမ်စောစောပြန်နားလို့ရအောင်လို့ပြောတော့ သာဓုခေါ်လို့။ ဘာရယ်မဟုတ်ပါဘူး။ ကိုအာပူတူးတင်ထားတဲ့ ဆိုက်ကားနင်းရင်း အာဟာရပြတ်သေသွားတဲ့ပုံလေးမြင်မိလို့ ကျွန်တော် မုန့်ဖိုးပေးခဲ့တဲ့ အဘဖြစ်စဥ်နဲ့ ယှဥ်မိသွားတာ။ ကျွန်တော်လည်း အရင်က အဲဒီလိုပဲ။ ဆိုက်ကားစီးရင် အသက်ကြီးသူကို အားနာလို့ မစီးဘူး။ အားနာလို့ မစီးတော့ သူတို့ငွေမရဘူး။ ငွေမရတော့ အခုလိုမျိုးအဖြစ်တွေ ကြုံတာပေါ့။ ကျွန်တော့်လို ကျတာထက် နှစ်ဆသုံးဆ ပေးစီးတတ်သူတွေက ငယ်သူရွေးစီးတော့ အသက်ကြီးသူတွေက ပိုနစ်နာတယ်လေ။ အဲဒီကတည်းက ကျွန်တော် ဆိုက်ကားစီးရင် အသက်ကြီးသူတွေ ရွေးစီးတယ်။ လှူသင့်တာလှူ၊ ပေးသင့်တာပေးလုပ်တယ်။ သူတို့အဖို့လည်း အသက်ကြီးလို့ စီးမဲ့သူမရှိဖြစ်ပြီး စိတ်တွေကျ၊ ငွေမရလို့ အာဟာရပြတ်သွားတာထက် စီးရင်း ကုသိုလ်ပြုတာက သူတို့လည်း ကျန်းမာ၊ ကိုယ်လည်းကုသိုလ်ရပဲကိုး။ Photo - Arr Puu Tuu

13 908

Repost from MT News _ Myanmar Transparency

ရခိုင်အကြမ်းဖက် AA ခေါင်းဆောင်ထွန်းမြတ်နိုင် တကယ်ဒဏ်ရာရနေသလား နေမိုး ၁၂. ၇. ၂၀၂၆ မြန်မာနှင့် ကမ္ဘာ့ပြည်သူများ၏ အမြင်မှတွင်သာမက AA အကြမ်းဖက် လက်နက်ကိုင်များနှင့် ရခိုင်ပြည်သူများ၏ မြင်ကွင်းမှပါ အားကိုးရာခေါင်းဆောင်ဖြစ်လာနေသည့် စစ်ဦးစီးချုပ်ထွန်းမြတ်နိုင် ပျောက်နေသည်မှာ တစ်လပြည့်လုပြီဖြစ်သည်။ ရခိုင်မီဒီယာများဖော်ပြနေသည့် သတင်းများအရ ထွန်းမြတ်နိုင်ကို လူမြင်ကွင်းတွင် နောက်ဆုံးမြင်ခဲ့ရသည်မှာ ဇွန်လ ၁၆ ရက်နေ့ကဖြစ်၍ ပျောက်ဆုံးမှု ၂၅ ရက်တာကာလအတွင်း ထွန်းမြတ်နိုင်မည်သို့ နေထိုင်နေသနည်းဆိုသည်ကိုမူ ထွက်ပေါ်လာသော သတင်းများအရ တပ်မတော်၏ လေကြောင်းတိုက်ခိုက်မှုကြောင့် ဒဏ်ရာရရှိသဖြင့် ဘင်္ဂလားဒေ့ရှ်နိုင်ငံတွင် ကုသနေရခြင်းဖြစ်သည်ဟုဆိုသည်။ ထိုဖြစ်စဥ်သည် အမှန်တကယ်ဖြစ်နိုင်သည်။ အဘယ်ကြောင့်ဆိုသော် လက်ရှိအချိန်သည် AA က ယာယီနယ်မြေစိုးမိုးထားသော ရခိုင်ဒေသနှင့် ပလက်ဝတွင် ရေကြီးရေလျှံမှုများကြောင့် ပြည်သူများ သေဆုံးကာ အငတ်ဘေးရင်ဆိုင်နေရချိန်ဖြစ်သည်။ မည်သို့ပင်ဆိုစေကာမူ ပြည်သူများ စစ်ဘေးအပြင် ရေဘေးနှင့် အငတ်ဘေး သင့်နေသည်အချိန်မျိုးတွင် စစ်ခေါင်းဆောင်လုပ်နေသူတစ်ဦးက ကူညီကယ်ဆယ်ရေးအတွက် မျက်နှာပြပေးနေရမည့်အချိန်မျိုးတွင် ထွန်းမြတ်နိုင်မှာ မျက်နှာပြရန်ဝေးစွာ အသံပင် ထွက်မလာပေ။ လက်ရှိရေဘေးတွင် ယခင် အမျိုးသားလွှတ်တော်ကိုယ်စားလှယ်ဖြစ်ခဲ့သော်လည်း ယခုအချိန်တွင် အကြမ်းဖက် AA ထံ ခိုလှုံကူးပြောင်းသွားသူ ဒေါ်ထုမေက ရခိုင်ရေဘေးအတွက် ကူညီကယ်တင်မှုပုံရိပ်များကို သူမ၏အကောင့်တွင် ဖော်ပြနေရာ ထိုပို့စ်များ၏ အောက်တွင် ထွန်းမြတ်နိုင် သေပြီလားဟု မေးမြန်းသူများရှိနေသည်ကိုလည်း တွေ့ရသည်။ "ပြည်သူတွေ ဒုက္ခရောက်နေတဲ့ ဒီအချိန်က နယ်မြေတွေ လိုက်သိမ်းနေပြီး သိမ်းနေတဲ့ နယ်မြေကို တာဝန်ယူထားတဲ့ စစ်ဦးစီးချုပ်တစ်ယောက်အနေနဲ့ တပ်မတော်ရဲ့ လေကြောင်းတိုက်ခိုက်မှုကြောက်လို့ အပြင်မထွက်ရဲဘူးဆိုရင်တောင် ပြည်သူတွေကို ကူညီထောက်ပံ့ဖို့ လုပ်ဆောင်နေကြောင်းလောက်တော့ ဟန်ပြထွက်ပြောရမယ့်အချိန်မျိုး။ သူက ဒီလိုအချိန်မျိုးမှာ မျက်နှာတောင် မပြရဲတာက အမှန်တကယ်ဒဏ်ရာရထားလို့ ကြိတ်ကုနေရတယ်ဆိုတဲ့သဘောနဲ့ အကြောက်လွန်ပြီး သူရဲဘောကြောင်ပြီး ပုန်းနေတဲ့သဘော။ ဒီနှစ်ချက်ပဲရှိတယ်" ဟု နိုင်ငံရေးလေ့လာသူတစ်ဦးက ရခိုင်ပြည်သူများဒုက္ခရောက်နေချိန် AA စစ်ဦးစီးချုပ် ထွန်းမြတ်နိုင် ပျောက်ရှနေသည့်အပေါ် သုံးသပ်သည်။ အခြားတစ်ဖက်တွင်မူ ဘင်္ဂလားဒေ့ရှ်နိုင်ငံခြားရေးဝန်ကြီး ဒေါက်တာ ခါလီလူ ရာမန် (Dr. Khalilur Rahman) က ထွန်းမြတ်နိုင်သည် ဘင်္ဂလားဒေ့ရှ်နိုင်ငံတွင် ဆေးဝါးကုသမှု ခံယူနေသည်ဆိုသော ပြောဆိုချက်များအပေါ် "We have no information" (ကျွန်ုပ်တို့ထံတွင် အချက်အလက်မရှိပါ) ဟု ဇူလိုင် ၅ ရက် သတင်းစာရှင်းလင်းပွဲတွင် သာမန်လောက်သာ ပြောသွားပြီး "လုံးဝမရှိပါ/ လုံးဝမဖြစ်နိုင်ပါ" ဟု ငြင်းမသွားသည်ကို တွေ့ရသည်။ ဘင်္ဂလားဒေ့ရှ် နိုင်ငံခြားရေးဝန်ကြီး ဒေါက်တာ ခါလီလူ ရာမန်၏ "ယတိပြတ် ငြင်းဆိုခြင်း" မဟုတ်ဘဲ သာမန်မျှသာ သတင်းအချက်အလက်မရှိကြောင်း ပြောဆိုမှုသည် "သံတမန်နည်းအရ မရေမရာဖြစ်အောင် ဝေဝေဝါးဝါး ပြောဆိုခြင်း" (Diplomatic Ambiguity) သာ .... ◾ Website တွင် ဆက်လက် ဖတ်ရှုရန် https://www.mtnewstoday.com/archives/140679 #ရခိုင် #အကြမ်းဖက် #AA #ထွန်းမြတ်နိုင် #လက်နက်ကိုင် #သူရဲဘောကြောင် #တပ်မတော် #လေကြောင်းတိုက်ခိုက် #စစ်ဘေး #ရေဘေး #အငတ်ဘေး #MT #mtnews #MyanmarTransparency

13 908

PDF တွေနဲ့ သူတို့ထောက်ခံတဲ့ မီဒီယာတွေဘက်က ဖမ်းပြီးမှ သတ်တယ်လို့ လိမ်နေပေမဲ့ လူမှုကွန်ရက်မှာ ပျံ့လာတဲ့ Drone Record မှာတော့ စစ်ကြောင်းကို ချောင်းပစ်ဖို့စောင့်နေတဲ့ PDF တွေကို ဒရုန်းက ကင်းထောက်မိတယ်။ ရွာနှစ်ရွာကြားဖြစ်နေလို့ ဟိုဘက်ရွာ ဒီဘက်ရွာ စက်ပေါက်ပြီး နောက်ကပိတ်တယ်။ အပေါ်က ဒရုန်းကြဲပြီး ရှေ့နောက်ညှပ်ပစ်တာ ၂၀ ကျော်သေတာ နည်းတယ်လို့တောင် ပြောရမယ်။ https://t.me/MT_News_Media/93859?single နောက်တစ်ချက် စစ်ကြောင်းက လူ ၁၀၀ ကျော်ပဲပါတယ်။ ဒီလိုစစ်ကြောင်းကို ဘယ်လိုအခြေအနေဖြစ်ဖြစ် ချောင်းတိုက်ရင် သာလွန်အင်အားနဲ့ပဲ တိုက်မှာပဲ။ မြေပြင်သတင်းအရလည်း PDF ဆယ်ဖွဲ့ကျော်ပေါင်းပြီး ချောင်းတိုက်တာ။ ဒါကို အပိတ်ခံရပြီဆိုတာနဲ့ အကုန်ထွက်ပြေးကြတာလား။ ကိုယ့်လူအရှင်မိတယ်သေချာတယ်ဆို ဘာလို့ မကယ်တာလဲ။ စစ်ကြောင်းနှစ်ကြောင်း၊ ဒရုန်းတပ်ပေါင်းတယ်ဆိုပြီး ဖင်အသားနီလန်အောင် ငိုပြေးကြပြီး အလောင်းမြင်မှ ဖမ်းပြီးမှ သတ်တယ် မျက်ရည်ခြူပြီး အလှူခံကြဦးမယ့် ဇာတ်ကွက်လား....

13 908

Repost from MT News _ Myanmar Transparency

ဆွဲဆောင်မှုမြှင့်တင်နိုင်ရေး ပြုပြင်ပြောင်းလဲပေးရန် လိုအပ်နေပြီဖြစ်သော အောင်ဘာလေသိန်းဆုထီ ဆုကြေးခွဲဝေမှုစနစ် သတိုး ၃၀. ၆. ၂၀၂၆ ၁။ နွေဦးတော်လှန်ရေးအမည်ခံထားသော ၂၀၂၁ ခုနှစ် ပဋိပက္ခဖြစ်ပွားအပြီး ပေါ်ထွန်းလာသော လက်နက်ကိုင်အဖွဲ့ပေါင်းများစွာက နွေဦးထီအမည်ခံ ထီစနစ်ဆယ်ရာချီကို နယ်မြေဒေသနှင့် လက်နက်ကိုင်အဖွဲ့အလိုက် ထီအမျိုးအမည်ပေါင်း ရာချီ ရောင်းချနေချိန်တွင် တရားဝင်အစိုးရတစ်ရပ်၏ ထီစနစ်နှင့် ဆုကြေးခွဲဝေခြင်းမှာ ထိုးသားပြည်သူများ၏ ထီထိုးလိုစိတ်အပေါ် ဆွဲဆောင်နိုင်မှု အားနည်းလာနေသည်ကို တွေ့မြင်ရသည်။ တရားမဝင် အဖွဲ့အစည်းများဖြစ်သော NUG ၏ နွေဦးထီ၊ ထောက်ပို့များနှင်် PDF များ၏ ထောက်ပို့ထီ၊ တိုင်းရင်းသားလက်နက်ကိုင်အဖွဲ့အစည်းများ၏ အမည်အမျိုးမျိုးထီပေါင်းများစွာထက် တရားဝင်အစိုးရတစ်ရပ်၏ အောင်ဘာလေထီစနစ် (စာရွက်ထီ) က သာလွန်ကောင်းမွန်နေရမည့်အချိန်တွင် အောင်ဘာလေထီစနစ်က မည်သည့်အတွက်ကြောင့် ဆွဲဆောင်မှုအားနည်းနေသည်ကို ထောက်ပြရမည်ဆိုလျှင် အချက်ပေါင်းများစွာ ဖြစ်ပွားနေသည်ကို တွေ့ရမည်ဖြစ်ပြီး ထိုအထဲမှ အဓိက ကျသည့်အချက်များကိုပျမ်းမျှစဥ်းစားမည်ဆိုပါက (၁) ယခင်က အက္ခရာ ၄၂ လုံးဖြင့် ကျပ်သိန်း ၁၅၀၀၀ အထိ အမြင့်ဆုံး ဆုချီးမြှင့်နိုင်ခဲ့ပြီး လက်ရှိတွင် အက္ခရာ ၁၅ လုံးဖြင့် အမြင့်ဆုံးမှ ကျပ် သိန်း ၅၀၀၀ သာ ချီးမြှင့် ပေးနိုင်တော့ခြင်း။ (၂) လက်လီထီဆိုင်များမှာ ဒိုင်ကြီးများထံမှ ထီတစ်စောင် ၁၀၉၀ ကျပ်နှင့် ကျပ် ၁၂၀၀ အကြား ယူရောင်းနေရပြီး အများအားဖြင့် ကျပ် ၁၃၀၀ မှ ကျပ် ၁၄၀၀ ကြား ပြန်လည်ရောင်းချနေရသဖြင့် ထီတစ်စောင် ကျပ် ၂၀၀ ခန့်သာ ပျမ်းမျှ အမြတ်ရနေချိန်တွင် အစိုးရက ထီရောင်းရငွေ၏ ၃၀ ရာခိုင်နှုန်းကို နိုင်ငံတော်အခွန်ဘဏ္ဍာအဖြစ် ရယူနေခြင်း။ (၃) ထီဆုအရေအတွက် အများကြီး ပြန်လည်ချီးမြှင့်သည်ဟု ထင်ရစေရန်အတွက် ထိရောက်မှုနည်းသော တစ်သောင်းကျပ်ဆုနှင့် ငါးသောင်းကျပ်ဆုများကိုသာ ဆုပေါင်း သိန်းနှင့်ချီ အမြောက်အမြား ထည့်သွင်းထားခြင်းမှာ လက်ရှိကုန်စျေးနှုန်း အခြေအနေအရ ပြည်သူများအတွက် အမှန်တကယ် အကျိုးပြုခြင်း ရှိ၊ မရှိ ပြန်လည်သုံးသပ်ရမည့် အခြေအနေ ဖြစ်နေခြင်းတို့ဖြစ်သည်။ ၂။ ယခင်က အက္ခရာ ၄၂ လုံးဖြင့် ကျပ်သိန်း ၁၅၀၀၀ အထိ အမြင့်ဆုံး ဆုချီးမြှင့်နိုင်ခဲ့ပြီး လက်ရှိတွင် အက္ခရာ ၁၅ လုံးဖြင့် အမြင့်ဆုံးမှ ကျပ် သိန်း ၅၀၀၀ သာ ပေးနိုင်တော့ခြင်းနှင့် စပ်လျဥ်း၍ စဥ်းစားမည်ဆိုလျှင် ယခုစနစ်တွင်မူ ယခင်ကထက် အက္ခရာထက်ဝက်နီးပါးလျော့ကျနေသဖြင့် ဆုချီးမြှင့်မှုမှာ သင့်တင့်မည်ဟု ယူဆရနိုင်သည်။ သို့သော် ယခင်က ဆုကြေး ကျပ် သိန်း ၁၅၀၀၀ မှာ ရန်ကုန် အချက်အခြာကျနေရာများ၊ လမ်းမတန်းမှ အိမ်ခြံမြေများ ဝယ်ယူနိုင်သည့် ပမာဏဖြစ်ခြင်း၊ ဇိမ်ခံကား သုံးလေးစီး ဝယ်ယူနိုင်ခဲ့သည့် ပမာဏဖြစ်ခြင်း၊ ကွန်ဒိုလေးငါးခန်း ဝယ်ယူနိုင်ခြင်းကြောင့် ထီဆုကြီးပေါက်ပါက သူဌေးသူကြွယ်ဘဝရောက်နိုင်သည့်အခြေအနေဖြစ်သော်လည်း ယခု အမြင့်ဆုံး သိန်း ၅၀၀၀ ဆုမှာ ရန်ကုန်တွင် သာမန်မြို့နယ်များ၏ လမ်းမတန်းတွင် ပေ ၂၀၊ ပေ ၆၀ ပင် ဝယ်မရနိုင်တော့သော၊ ကွန်ဒိုတိုက်ခန်းတစ်ခုပင် ဝယ်ယူရန် မလွယ်ကူတော့သော အခြေအနေဖြစ်၍ အောင်ဘာလေသိန်းထီဆုကြီးပေါက်လျှင်ပင် အိမ်တစ်လုံးဝယ်ရန် ခက်ခဲ... ◾ Website တွင် ဆက်လက် ဖတ်ရှုရန် https://www.mtnewstoday.com/archives/139698 #အောင်ဘာလေ #သိန်းဆုထီ #ဆုကြေး #အခွန်ဘဏ္ဍာ #အခွန်အခ #NUG #PDF #EAOs #အကြမ်းဖက် #ထောက်ပို့ထီ #နွေဦးထီ #MT #mtnews #MyanmarTransparency

13 908

သစ္စာကမ်းလက်၏ ၅၇ ကြိမ်မြောက် လစဥ်ကုသိုလ်တော် 🙏🙏🙏 🙏🙏🙏 🙏🙏🙏 သစ္စာကမ်းလက် တစ်လ (၁၀၀၀၀) ကျပ် လစဥ် လှူဒါန်းကြသူများ ကွန်ရက် ရဲ့ လစဥ်လှူဒါန်းမြဲဖြစ်တဲ့ သံဃာတော်အရှင်သူမြတ် ခုနစ်ပါးနဲ့ သီလရှင်တစ်ပါး (စုစုပေါင်း ၈ ပါး) တို့ကို ၅၇ ကြိမ်မြောက် လစဉ်ပြုမြဲကုသိုလ် ၃၀၀၀၀ ကျပ်စီနဲ့ ကျောက်ကပ်ဝေဒနာရှင်တစ်ဦးကို ကျပ် ၃၀၀၀၀ အပြင် ပခုက္ကူက အလှူခံပုဂ္ဂိုလ်တွေဖြစ်တဲ့ သက်ကြီးရွယ်အိုနဲ့ နာမကျန်းအမျိုးသမီး ၂၅ ဦး၊ ဒေါင်းဆင်ဒရုန်းအမျိုးသမီးငယ်တစ်ဦးနဲ့ ပိုလီယိုရောဂါသည် ၄ ဦးကိုလည်း ၅၇ ကြိမ်မြောက် တစ်ဦး ကျပ် ၂၅၀၀၀ စီ အခု ဇူလိုင်လအတွက် လှူဒါန်းပြီးဖြစ်ပါတယ်။ သစ္စာကမ်းလက်အလှူရှင်များအားလုံး ကျန်းမာ ချမ်းသာပါစေ။ ဒီနေ့ကစ ဇူလိုင် တစ်လလုံး၊ ၂၀၂၆ လက်ကျန် တစ်နှစ်လုံး ကံထူးပြီး မြန်မာထီ၊ စင်ကာပူထီ၊ ထိုင်းထီ (ချဲ) စတဲ့ နိုင်ငံတကာထီဆု ကြီးကြီးတွေ အကုန်ကံထူးကာ လက်ရှိဘဝအခြေအနေထက် ပိုမိုမြင့်မားတဲ့ဘဝကို ကိုယ်စီပိုင်ဆိုင်နိုင်ကြပါစေ ခင်ဗျ 🙏🙏🙏 ဖြိုးဝေ သစ္စာကမ်းလက် ၁. ၇. ၂၀၂၆ #သစ္စာကမ်းလက်အလှူစဥ်_၁၉_၂၀၂၆ #စုစုပေါင်းအလှူငွေ၁၀၄၀၀၀၀

13 908

"တရုတ်ခြံစည်းရိုးကိစ္စ မရေးဖို့ ပြည်တွင်းမီဒီယာတွေ ဖိအားပေးခံထားရ" ဧရာဝတီက Message တလွဲကြီးနဲ့ Half Truth လျှောက်ရေးထားတယ်။ တကယ်တော့ အဲဒီပွဲကို ကိုယ်သွားခဲ့တာပါ။ သတင်းကို လိုတာထက်ပိုဖြဲ ရေးတဲ့၊ အစိုးရချင်းဖြေရှင်းရမှာကို တရုတ်မုန်းတီးရေးအသွင် ပြောတဲ့ မီဒီယာနှစ်ခုကိုပဲ ဦးတည်ဖိတ်သွားပြီး ကျန်တဲ့မီဒီယာတွေကတော့ စိတ်ဝင်စားသူတက် ဆိုတဲ့ ပုံစံမျိုးနဲ့ သွားခဲ့ကြတာ။ စာနယ်ဇင်းကောင်စီကို တာဝန်ပေးတာက ပြန်ကြားရေးနဲ့ နိုင်ငံခြားရေး။ ကောင်စီဥက္ကဋ္ဌ ဒေါက်တာတင်ထွန်းဦးပြောသွားတာက "ရှမ်းပြည်နယ်အစိုးရအဖွဲ့ လက်လှမ်းမီသလောက် ကွင်းဆင်းကြည့်တာ ခြံစည်းရိုးတိုးခတ်တာမရှိဘူး။ တချို့နေရာတွေ ဒေသအခြေအနေကြောင့် မကြည့်နိုင်သေးဘူး။ အွန်လိုင်းမှာ ပျံ့နေတဲ့ Wa News Land စတင်တဲ့ ပုံတွေက ကိုဗစ်ကာလတုန်းက ပုံတွေ။ မသေချာတဲ့သတင်းကို ပုံအဟောင်းအခြေပြုပြီးရေးတာက နှစ်နိုင်ငံချစ်ကြည်ရေးထိခိုက်စေတယ်။ အဲဒီအထဲမှာမှ အပေါ်က ကိုယ်ပြောတဲ့ မီဒီယာနှစ်ခုကတော့ အလွန်အကျွံတွေ ရေးထားလို့ ဒါမျိုး နှစ်နိုင်ငံချစ်ကြည်ရေး ထိခိုက်စေမဲ့သတင်းတွေ ရေးတဲ့နေရာမှာ သတိထားဖို့ ပြောသွားတာ။ ဒီနေရာမှာ သတင်းထောက်ဆိုတာက ခိုင်လုံမှုရှိရင် ရေးမှာပဲ။ မခိုင်လုံရင် ကိုယ့်ဘက်က လျှောချရတာပဲ။ သတင်းရေးတဲ့အခါ ကျွန်တော်တို့တင်မဟုတ်ဘူး။ ရှမ်းပြည်နယ်အစိုးရအဖွဲ့တောင် တိုက်ပွဲတွေဖြစ်နေလို့ အကုန်ဆင်းမကြည့်နိုင်ချိန်မှာ ဒီနယ်မြေတွေ တရုတ်က ခြံစည်းရိုး တိုး ခတ် မခတ် ကျွန်တော်တို့လည်း မသိနိုင်ဘူး။ Wa News Land စတင်တဲ့ပုံတွေက ကိုဗစ်ကာလတုန်းက ပုံတွေဆိုတာကို ကျွန်တော်တို့ သတင်းသမားတွေ ပြန်မချေပနိုင်ဘူး။ အဲဒီတုန်းက ကျွန်တော်တို့ MT News က တင်ဆက်ခဲ့တာက တရုတ်က ခြံစည်းရိုးတိုးခတ်နေတယ်လို့ ဝ ထိန်းချုပ်မီဒီယာဖော်ပြ၊ ကိုးကန့်တရုတ်နဲ့ ဝ က အသံထွက် ကန့်ကွက်ရဲမှုမရှိလို့ဘဲ ဖော်ပြခဲ့တာ။ နှစ်နိုင်ငံချစ်ကြည်ရေးထိခိုက်စေမဲ့ ကိစ္စကို ဦးစားပေးခဲ့တာ မဟုတ်ဘူး။ ခြံစည်းရိုးတိုးခတ်တာမှန်ရင် အဲဒီနယ်မြေထိန်းထားတဲ့ကောင်တွေက အရင်ကန့်ကွက်ရမယ်။ သူတို့ဖြေရှင်းမရရင် ဗဟိုအစိုးရကို တင်ပြရမယ်ဆိုတာမျိုးပဲ Process ပဲ တင်ဆက်ခဲ့တာ။ အပေါ်က မီဒီယာနှစ်ခုကတော့ တရုတ်မုန်းတီးရေး လှုံ့ဆော်မှုဆန်ဆန် လုပ်သွားတဲ့အချိန် ခေါ်သတိပေးခံရချိန်မှာ "သူတို့မှာ အရင်တုန်းကလည်း ဒီလို လုပ်ခဲ့တာမျိုးရှိလို့ ဘာညာနဲ့ပဲ ဖောလျှောရိုက်သွားခဲ့တာပဲ ချေပနိုင်ခဲ့တာ" အဲဲဒီတုန်းက စာနယ်ဇင်းကောင်စီဆိုလိုရင်းက မသေချာရင် မရေးဖို့နဲ့ မုန်းတီးရေးကို ဖြဲကားမလုပ်ဖို့လို့ဘဲ ကိုယ်နားလည်တယ်။ သတင်းတစ်ခုက သေချာတယ်ဆိုရင်တော့ မီဒီယာသမားတွေက ရေးခွင့်ရှိပါတယ်။ ကိုယ်တို့မှာ တရုတ်တင်မက၊ ထိုင်း၊ လာအို၊ အိန္ဒိယ၊ ဘင်္ဂလားဒေ့ရှ်တို့နဲ့ ထိစပ်နေတဲ့ ပိုင်နက်တွေရှိတယ်။ ဒီနေရာမှာ နိုင်ငံတစ်ခုခုက နယ်မြေကျူးကျော်တာ မှန်တယ်ဆိုရင် ဒီလိုရေးလို့ နှစ်နိုင်ငံချစ်ကြည်ရေးပျက်ပြားမှာ မဟုတ်ပါဘူး။ ရေးတယ်ဆိုတဲ့ နေရာမှာ ဖြစ်စဥ်အမှန်ကို အခြေခံပြီး တစ်ဖက်က မတရားလုပ်နေတာ ဖော်ထုတ်ရေးပြနိုင်တယ်၊ သက်သေခိုင်လုံတယ်ဆိုရင် ဒါဟာ စပြီး ချစ်ကြည်ရေးပျက်အောင် နယ်မြေကျူးကျော်တဲ့ နိုင်ငံမှာပဲ တာဝန်ရှိတယ်။ ဒါဟာ ကိုယ်နိုင်ငံ၊ ကိုယ့်ပိုင်နက်၊ ကိုယ့်အချုပ်အခြာအာဏာကို ကျူးကျော်ရန်စတာကို ဖော်ထုတ်တာမို့လို့ ဂုဏ်တောင်ပြုပေးရမှာမျိုး။ ဒါပေမဲ့လည်း လွန်ခဲ့တဲ့ ၆ နှစ်က ပုံအဟောင်းဆိုတာကိုတောင် မစိစစ်နိုင်ဘဲ အပေါ်က မီဒီယာနှစ်ခုလို မသေချာတဲ့သတင်းကို မုန်းတီးရေးဆန်ဆန်ဖြဲရေးတာကြတော့ ခေါ်ပြီးသတိပေးသူက မလွန်သလို ဧရာဝတီရေးတဲ့ "တရုတ်ခြံစည်းရိုးကိစ္စ မရေးဖို့ ပြည်တွင်းမီဒီယာတွေ ဖိအားပေးခံထားရ" ဆိုတာကြတော့လည်း သောက်ပိုတွေလို့ပဲ ကိုယ်ပြောရတော့မယ်။

13 908

သစ္စာကမ်းလက်၏ ၅၆ ကြိမ်မြောက် လစဥ်ကုသိုလ်တော်မှ ပခုက္ကူပုံရိပ်များ 🙏🙏🙏 🙏🙏🙏 🙏🙏🙏 သစ္စာကမ်းလက် တစ်လ (၁၀၀၀၀) ကျပ် လစဥ် လှူဒါန်းကြသူများ ကွန်ရက် ရဲ့ လစဥ်လှူဒါန်းမြဲဖြစ်တဲ့ သံဃာတော်အရှင်သူမြတ် ခုနစ်ပါးနဲ့ သီလရှင်တစ်ပါး (စုစုပေါင်း ၈ ပါး) တို့ကို ၅၆ ကြိမ်မြောက် လစဉ်ပြုမြဲကုသိုလ် ၃၀၀၀၀ ကျပ်စီနဲ့ ပခုက္ကူက အလှူခံပုဂ္ဂိုလ်တွေဖြစ်တဲ့ သက်ကြီးရွယ်အိုနဲ့ နာမကျန်းအမျိုးသမီး ၂၅ ဦး၊ ဒေါင်းဆင်ဒရုန်းအမျိုးသမီးငယ်တစ်ဦးနဲ့ ပိုလီယိုရောဂါသည် ၄ ဦး ၅၆ ကြိမ်မြောက် တစ်ဦး ကျပ် ၂၅၀၀၀ စီ ဇွန်လအလှူထဲက ပခုက္ကူက အလှူပုံရိပ်တွေဖြစ်ပါတယ်။ ဆရာတော်ဦးပညာက ခရီးသွားနေတာဖြစ်တဲ့အတွက် အလှူငွေကျပ်သုံးသောင်းကို သစ္စာကမ်းလက်အတွက် ဆက်လက် လှူဒါန်းပေးပါတယ်။ သစ္စာကမ်းလက်အလှူရှင်များအားလုံး ကျန်းမာ ချမ်းသာပါစေ။ ဒီနေ့ကစ ဇွန် တစ်လလုံး၊ တစ်နှစ်လုံး ကံထူးပြီး မြန်မာထီ၊ စင်ကာပူထီ၊ ထိုင်းထီ (ချဲ) စတဲ့ နိုင်ငံတကာထီဆု ကြီးကြီးတွေ အကုန်ကံထူးကာ လက်ရှိဘဝအခြေအနေထက် ပိုမိုမြင့်မားတဲ့ဘဝကို ကိုယ်စီပိုင်ဆိုင်နိုင်ကြပါစေ ခင်ဗျ 🙏🙏🙏 ဖြိုးဝေ သစ္စာကမ်းလက် ၂၆. ၆. ၂၀၂၆ #သစ္စာကမ်းလက်အလှူစဥ်_၁၇_၂၀၂၆ #စုစုပေါင်းအလှူငွေ၁၀၄၀၀၀၀ ကျန်ပုံများ 👇👇👇

13 908

ဘုန်းကြီးလို့ သက်မရှည်၊ သက်ရှည်လို့ ဘုန်းမကြီးဆိုတဲ့ စကားတွေရဲ့ ကြောက်စရာကောင်းမှုကို အသက်ကြီးလာလေ ပိုသိလာလေဖြစ်လာတယ်။ ဦးသန်းရွှေပဲ ဥပမာကြည့်။ တစ်နိုင်ငံလုံးက ဆဲခဲ့တာပဲ။ တစ်နိုင်ငံလုံးက အဆဲခံရအောင် ဝိုင်းလှုံ့ဆော်ခံခဲ့ရတာပဲ။ ဒါပေမဲ့ ဇာတ်သိမ်းကြတော့ သူ့ဆဲနေတဲ့သူတွေပဲ ခေါင်းဆောင်ပိုင်းကအစ သေချင်းမလှ သေသွားတယ်။ သူကတော့ အခုထိ အေးချမ်းနေဆဲပဲ။ ဘုန်းကြီးနေဆဲပဲ။ မပူမပန် မကြောင့်မကြ နေနေရဆဲပဲ။ နောက် ဒေါ်စု။ သူကြတော့တစ်မျိုး။ ခြွေရံသင်းပင်းညံ့တဲ့ဇာတာလို့ပြောရမယ်။ ဘာလို့ဆို သူက ထောင်ကျပေမဲ့ အနေဆင်းရဲ၊ အစားဆင်းရဲမဟုတ်ဘူး။ အပြင်မှာ သာမန်သူဌေးတွေ မခံစားရ၊ မစံစားရတဲ့စောင့်ရှောက်မှုနဲ့ ဇိမ်ယစ်နေရတာ။ သူကလည်း ဒါကြောင့် ထောင်ထဲဝင်ဖို့လမ်းပဲ ရှာနေတာလား မသိ။ ပြီးတော့ သူထောင်ကျသွားတာနဲ့ သူ့နားကလူအကုန်လုံးက ထဘီစုတ်ပုံအောက်က ပြာပဲ။ သူ့ပိုင်ပစ္စည်းအကုန်ခိုးပြီး လေလံတင်သူတွေချည်းပဲ။ တခြားပြေးကပ်ပြီး သူ့နာမည်တောင် ထုတ်မပြောတဲ့အထိပဲ။ နောက် ကျွန်တော့် သစ္စာကမ်းလက်မှာ လှူပေးနေသူတချို့နဲ့ လှူပေးပါဆိုပြီး တန်းစီနေသူတွေ။ တစ်သက်လုံး ဝဝလင်လင် ကောင်းကောင်းမွန်မွန်စားရတယ်ဆိုတာ ရှားပြီး အိုမင်းမစွမ်းဖြစ်နေချိန်မှာ လူပေးသူကျွေးနဲ့ ရှင်သန်နေရတာတောင် ၈၀ ကျော်၊ ၉၀ တန်းတွေချည်းပဲ။ နောက် ဟိုးတစ်နေ့က သေသွားတဲ့ နာမည်ကျော်စာရေးဆရာ။ အသက်ကလေးက ငယ်ငယ်လေးရှိသေးတယ်။ အောင်မြင်မှုကလည်း အထွတ်အထိပ်မှာ။ ဟော ဇာတာကျချင်တော့ တစ်နိုင်ငံလုံးက ပြည်သူလှူတာ ပတ်ခိုးနေတဲ့ သူခိုးမရဲ့ အောက်ဆွဲကိုမှ တိတ်တိတ်လေးယူပြီးရှဲဒိုးဘဝနဲ့ ဆုံးသွားရတယ်တဲ့။ ကိုယ်ဖြင့် ဒီလောက်မဲတူး၊ ပေစုတ်နေတဲ့ မိန်းမယုတ်အင်္ဂါအပြည့်နဲ့သူကို ယူတယ်ဆိုတာ ယုံတောင်မယုံပေမဲ့ ယောကျ်ားတွေဇာတာကျရင် အဖြစ်ဆိုးတတ်တာကို တွေးမိတော့ မအံ့ဩတော့ပါဘူး။ ဒါပေမဲ့ သူစိတ်ကျတယ်ဆိုတာ ကိုယ်တော့ မယုံဘူး။ သူ့မင်္ဂလာဆောင်ပုံဆိုပြီး ပျံ့လာတဲ့ပုံက ဝါးပေမဲ့ ပြုံးနေတာ ကျေနပ်နေတာလောက်တော့ သိသာနေတာကိုး။ ထားပါ။ ဘာရယ်မဟုတ်ဘူး။ ဒီမနက်တင် ပင်စင်ထုတ်နေတာ မြင်လိုက်ရတဲ့ အဖြစ်အပျက်တွေကြောင့် ဒီစကားစုက ခေါင်းထဲရောက်လာတာ။ ဘုန်းကြီးလို့ သက်မရှည်၊ သက်ရှည်လို့ ဘုန်းမကြီး ဆိုပေမဲ့ "အိုမင်းခြင်း၊ နာကျင်ခြင်း၊ သေဆုံးခြင်း" ဆိုတာ ဘယ်သူမှမလွတ်ကင်းနိုင်တဲ့ သံသရာဝဋ်ဆင်းရဲပါပဲ။ ဒီလို ဝဋ်ဆင်းရဲတွေထဲမှာမှ စောစောစီးစီး ဝဋ်ကျွတ်သွားတဲ့ ဘုန်းကြီးလို့ သက်မရှည်သူတွေထက် သက်ရှည်လို့ ဘုန်းမကြီးသူတွေ၊ အိုကံမကောင်းသူတွေကို ကြည့်ပြီးတော့ "အပ္ပမာဒေန သမ္ပာဒေထ" ဆိုတဲ့အတိုင်း အသက်ကြီးရင့်လာလေလေ၊ ဒီဘဝမှာ လုပ်ဆောင်ခဲ့တဲ့ ကုသိုလ်ကောင်းမှုတွေကို ပြန်လည်အောက်မေ့ပြီး၊ ပြုနိုင်သမျှကုသိုလ်တွေပြုပြီး ကျန်ရှိတဲ့ အချိန်ကို ကောင်းမှုကုသိုလ်တွေ၊ သတိတရားတွေ၊ ဗုဒ္ဓရဲ့ ဓမ္မနည်းလမ်းတွေနဲ့ ဆင်ခြင် ဖြတ်သန်းဖို့ အရေးကြီးတာကိုလည်း တွေးဆမိလိုက်ရတယ်။

13 908

ဖိုးသင်းမျောက် မောင်ဆူးလှည်း ၂၁. ၆. ၂၀၂၆ မြန်မာသက္ကရာဇ် အောက်မေ့ဖွယ်ရာ တစ်ခုသော ကာလဝယ်... တန်ခိုးဗိမာန် နေလအရှိန်အဝါချင်း ပြိုင်နေကြကုန်သော အရှေ့မင်းဖျားနှင့် အနောက်မင်းခေါင် နှစ်ပြည်ထောင်ဘုရင်မင်းမြတ်တို့သည် တိုင်းရေးပြည်မှု၊ သံတမန်ရေးရာ ကိစ္စအဝဝတို့ကို ဆွေးနွေးတိုင်ပင်ရန်အတွက် မြို့တော်ဆုံမှတ် ဧည့်ဗိမာန်တော်ကြီး၌ တွေ့ဆုံပွဲ ကျင်းပကြလေကုန်၏။ ထိုသို့သော သမိုင်းဝင် ဆုံဆည်းမှုကြီးဆီသို့ ရှင်ဘုရင်တို့၏ မြင်ကွင်း၊ ကြားကွင်းနှင့် မိန့်တော်မူချက်တို့ကို ပြည်သူအများသိစေရန် လိုက်လံမှတ်တမ်းတင်ရသည့် “မင်းခမ်းတော်ဝင် ပြန်တမ်းဆက်” (ယခုခေတ်အခေါ် သတင်းထောက်) အမတ်မင်းတို့လည်း တူစုံခစားကြရလေ၏။ ရှေးအစဉ်အလာ ဓလေ့ထုံးတမ်းအရ တိုင်းတစ်ပါး မင်းရင်ပြင်သို့ ရောက်လျှင် ရွှေနားတော်သွင်း၊ အမိန့်တော်ခံမည့် ပြန်တမ်းဆက်အမတ်တို့သည် အနောက်ဥရောပသားတို့ ကုတ်အင်္ကျီဝတ်သကဲ့သို့စည်းစနစ်ကျနလှစွာသော... ခါးတောင်းကျိုက် မပျက်စေရ။ ခေါင်းပေါင်းစွယ်ကို စနစ်တကျ ရစ်ပတ်ရမည်။ ရင်ဖုံးအင်္ကျီ ကတ္တီပါတို့ကို တင့်တယ်စွာ ဝတ်ဆင်၍ ဘုရင်မင်းမြတ်တို့၏ ဘုန်းတော်ကို အရောင်အဝါ ပံ့ပိုးရမည် ဆိုသော စည်းမျဥ်းများကို လိုက်နာရလေသည်။ သို့သော်လည်း... ငါ့ပုံစံကတော့ အများနဲ့မတူ တစ်မူထူးခြားရမည်ဟု ကြံစည်သော အဆိုပါ “ထူးခြားဆန်းပြား ပြန်တမ်းဆက်” သည်ကား ရာဇဝင်ညှိုးနွမ်းစေမည့် ဝတ်စားဆင်ယင်မှုကို ပြုလုပ်ခဲ့လေသည်။ အများသူငါ စည်းစနစ်ကျနစွာ ဝတ်ဆင်ထားချိန်တွင် သူကမူ— "ပုဆိုးကွက်စိပ်ကို ဖရိုဖရဲဝတ်၊ ကတ္တီပါအင်္ကျီအစား လေတိုက်လျှင် တဖျတ်ဖျတ်လွင့်မည့် အဝတ်ပုဆိုးကို ရင်ဘတ်ဟောင်းလောင်းဖြင့်၊ ခေါင်းပေါင်းကိုလည်း မြင်းဇက်ကြိုးသဖွယ် ပတ်ချည်လျက်" ရောက်ရှိလာလေသည်။ ပမာနှိုင်းရမည်ဆိုသော် အများသူငါ Dress Coat ဝမ်းဆက်များဖြင့် တင့်တယ်နေချိန် ဖိနပ်တစ်ရောင်၊ ဘောင်းဘီတစ်ရောင်၊ ကုတ်တစ်ရောင်ဖြင့် ဖိုးသင်းမျောက်ကဲ့သို့ ဝတ်စားထားခြင်းကို နှိုင်းယှဥ်ရလေမည်။ ဤသည်ကား ယခုခေတ်ဆိုပါက သံတမန်ရေးရာ ဝတ်စားဆင်ယင်မှုကျင့်ဝတ် (Dress Code) ကို ပြောင်ပြောင်တင်းတင်း ဖောက်ဖျက်ကာ “ငါသာလျှင် နံပါတ်တစ် သတင်းထောက်ကြီး ဖြစ်သည်” ဟု ဖိုးသင်းမျောက်က ဂုဏ်ယူနေဟန်တူ၏။ နှစ်ပြည်ထောင်မင်းတို့၏ ပကတိ တည်ငြိမ်လှသော တွေ့ဆုံပွဲအလယ်တွင် စည်းကမ်းမဲ့လှသော ထိုအမတ်မင်းကြောင့် ဘုရင်ကြီးနှစ်ပါး၏ မျက်စိတော်၌ ငြောင့်ခလုတ် ဖြစ်ရလေတော့သည်။ သတင်းအချက်အလက်ကို ရိုသေခန့်ညားစွာ မှတ်တမ်းတင်ရမည့် “သတင်းစာကျင့်ဝတ်” (Journalistic Ethics) ကိုလည်း မေ့လျော့ကာ မင်းကြီးများ စကားမဆုံးမီ ဝင်ရောက်နှောင့်ယှက်ခြင်း၊ ခန္ဓာကိုယ်အနံ့ဆိုးထွက်ခြင်း၊ မှတ်တမ်းတင်ရမည့် နေရာမဟုတ်ဘဲ ရွှေပလ္လင်ခြေရင်းအထိ တိုးဝှေ့ဝင်ရောက်ခြင်းတို့ကြောင့် မျက်စိပသာဒမဖြစ်ရသည့် ထိုဖိုးသင်းမျောက်၏ နှောင့်ယှက်မှုကြောင့် မင်းကြီးများ စိတ်တော်မချမ်းမြေ့ ဖြစ်ကြရရှာသည်။ သို့သော်လည်း မင်းကြီးများခင်ဗျာ သတင်းထောက်ပြန်တမ်းဆက်သည့် ရွှေတိုက်တော်ဝန်မျက်နှာကြောင့် ခွေးရိုက်ချင်သော်ငြား ခွေးရှင်မျက်နှာကြည့်ရပြန်သည်။ မတော်တဆ ရွှေတိုက်တော်တွင် ထိုသတင်းထောက်က ထပ် လက်ကမြင်းပြန်လျှင် မခက်လော။ ထို့ကြောင့်ပင်... ထို ကျင့်ဝတ်ပျက် ပြန်တမ်းဆက်အား ပေးမည့်ပြစ်ဒဏ်ကို ဓားမိုး၊ လှံမိုးစရာမလိုဘဲ အရှက်ရစေသော နည်းလမ်းဖြင့် ပညာပေးကြလေသည်။ ထိုပညာပေးနည်းသည်ကား ဖိုးသင်းမျောက်ကို မင်းခမ်းတော်မှ ထုတ်ပယ်ခြင်း၊ ဘုရင်ကြီး၏ အမြန်ယာဥ် ရွှေစက်တော်ရာနောက်သို့ အတူ လိုက်ပါခွင့် ပိတ်ပင်လေသည်။ ထိုမျှမက အခြားသော ပြန်တမ်းဆက်များက ဘုရင်ကြီး ချီးမြှင့်သော ရွှေ၊ ငွေ၊ ပိုးဖဲကတ္တီပါများ ဆုလာဘ်တော် ခံစားရချိန်တွင် ဖိုးသင်းမျောက်က ဆန်တစ်စလယ်မျှပင် မရရှိ။ ပိုမိုဆိုးရွားသော ဖယ်ရှားနည်းအဖြစ်လည်း “အမတ်မင်း... သင်၏ စုတ်ပြတ်သတ်သော အဝတ်အစားနှင့် စည်းကမ်းမဲ့မှုသည် ငါတို့မင်းကွန်း၏ သိက္ခာကို ညှိုးနွမ်းစေသည်။ ထို့ကြောင့် ငါတို့ တပ်မတော်ကြီး မချီတက်မီ သင်တစ်ယောက်တည်း လမ်းရှင်းရန် ရှေ့ပြေးပြေးပေတော့” ဟု မိန့်ကာ လောကအလယ်တွင် တစ်ကိုယ်တော် နယ်နှင်ဒဏ် ပေးကာ ရှေ့ပြေးအဖြစ် ကြိုပြေးရလေတော့သည်။ အဆုံးသတ်တွင်မတော့ ကျင့်ဝတ်ကို ဘေးချိတ်၊ စည်းကမ်းကို ဖောက်ဖျက်ကာ ဖိုးသင်းမျောက်လို ဝတ်ချင်ရာဝတ်ပြီး “ငါတကော ကော” ခဲ့သော ထိုပြန်တမ်းဆက်အမတ်သည် နောက်ဆုံးတွင် မိမိဇက်ကြိုးကို ဆွဲလျက်၊ တစ်ကိုယ်တည်း တောအုပ်အလယ်တွင် ရှေ့ပြေးအဖြစ် ပြေးလွှားရင်း - "ကျင့်ဝတ်ဟူသည် လွတ်လပ်ခွင့်ကို ချုပ်ချယ်ခြင်းမဟုတ်၊ မိမိ၏ အသက်မွေးဝမ်းကျောင်း သိက္ခာကို စောင့်ထိန်းခြင်းသာ ဖြစ်ပါတကား" ဟူ၍ နောင်တကြီးစွာဖြင့် ဖိုးသင်းမျောက်အမည်တွင်ကာ ရှေ့တော်ပြေးအဖြစ် သမိုင်းရိုင်းသွားရလေသတည်း။

13 908

ကိုယ်က ကိုမင်းဇင်ကို သဘောကျတဲ့အထဲမပါဘူး။ ပထမတစ်ချက်က သူ့ Fund တွေဟာ အမေရိကန်က စီးဆင်းပြီး သူ ဇောက်ချလုပ်တဲ့ တရုတ်သုတေသနတွေဟာ လူထုကို "ကင်းလို့မရတဲ့ အိမ်နီးချင်းဆီက မြန်မာနိုင်ငံ ဘယ်လို အကျိုးအမြတ်ရအောင်ယူမလဲ" ဆိုတဲ့ ကိုယ့်လို မြန်မာနိုင်ငံသားအမြင်ထက် ဒီတရုတ်က ငါတို့ကျော်လို့မရဘူး။ သူတို့ ကျော်တက်နိုင်တာမှန်သမျှ ပိတ်ဆို့ရမယ်ဆိုပြီး အမေရိကန်ကျွေးတာစားနေရတဲ့ အမေရိကန်နိုင်ငံသားအမြင်ဖြစ်နေလို့။ ဒုတိယတစ်ချက်က သူတို့ဦးတည်ချက်မှာ မြန်မာ့ဒီမိုကရေစီရေး၊ ငြိမ်းချမ်းရေး ဆိုပြီး ပါတယ်။ ဒီမိုကရေစီမှာ ခွဲထွက်ခွင့်တွေ၊ ကိုယ်ပိုင်အုပ်ချုပ်ခွင့်တွေရဖို့ လက်နက်တွေကိုင်၊ မူးယစ်ဆေးတွေဖြန့်နေတာ တိုင်းရင်းသားလက်နက်ကိုင်တွေပဲ။ နောက် NLD မဲမသမာမှုလုပ်တာနဲ့ပတ်သက်ပြီး ဖြစ်လာတဲ့ CRPH တွေ၊ NUG တွေ PDF တွေ ပြည်သူကိုရော သူတို့အချင်းချင်းကိုပါ သတ်ဖြတ်နေတာ၊ မုဒိမ်းကျင့်လုယက်နေတာ၊ ကျောင်းသားတွေ ဘဝဖျက်နေတာ ဒါမျိုးတွေ မပြောဘူး။ မြန်မာနိုင်ငံတိုးတက်စေချင်တဲ့ သုတေသီဆို ဒါတွေ ပြောရမယ်။ မပြောဘူး။ သူပြောချင်တဲ့ Message က တရုတ်က မကောင်းဘူး။ ဆန့်ကျင်ရမယ်ဆိုတာကိုပဲ သီးသန့်ဝါဒဖြန့်ဖို့။ ဒါတွေက ကိုယ့်အဖို့တော့ မနှစ်မြို့စရာဖြစ်နေတယ်။ ပညာရှင်ဆိုရင်တောင်မှ အမေရိကန်အတွက် သီးသန့်မွေးဖွားလာသူပဲ။ ဒါက အမေရိကန်နဲ့တရုတ်နဲ့ ဖြေရှင်းရမယ့် ရာဇဝတ်သားချင်းလဲလှယ်ရမယ့် ကိစ္စပဲ။ တတိယအချက် အခု တရုတ်နဲ့လုပ်နေတဲ့ ကျောက်ဖြူ၊ CMEC နဲ့ ရန်ကုန်မြို့သစ်စီမံကိန်းတွေ။ ဒီစီမံကိန်းတွေက လုပ်မှရမယ်။ လျှပ်စစ်ရှိမှ ဖွံ့ဖြိုးတိုးတက်မှာမို့ မြစ်ဆုံလည်း လုပ်သင့် လုပ်ရမယ်။ ကိုယ်ကတော့ ဒေါ်စုတို့ရဲ့ ပေါ်မလာတော့တဲ့ မြစ်ဆုံကော်မရှင်အစီရင်ခံစာကြီးကြည့်ပြီး သေဆုံးသူ ဒေါက်တာဇော်မြင့်မောင်တို့၊ မသေသေးတဲ့ ဒေါက်တာမျိုးညွန့်တို့က မြစ်ဆုံ ဆက်လုပ်မယ်(ဆိုတဲ့ သဘော) ပြောထားဖူးလို့ အဲဒီအစီရင်ခံစာကြီး ဖတ်ချင်မိတယ်။ ဒါပေမဲ့ ဒါတွေလုပ်မယ်ဆို မျှတတဲ့ အကျိုးရလဒ်ရှိရမယ်။ ကိုယ် ရန်ကုန်မြို့သစ်အတွက် Town Hall အထိ Debate တက်ခဲ့တာက အချုပ်အခြာနဲ့ မျှတတဲ့ အကျိုးအမြတ်ခွဲဝေမှုအတွက်ပဲ။ ကိုယ်မေးတဲ့ ဒီနှစ်ခုကို ဦးသိမ်းဝေတို့ အောင်မြင်စွာကျော်ဖြတ်နိုင်ရင် ဒီစီမံကိန်းတွေ သူ့အလိုလို Pass ဖြစ်သွားမှာပဲ။ ဒါပေမဲ့ ကိုယ်မေးတဲ့မေးခွန်းတွေ ဦးသိမ်းဝေ မဖြေနိုင်ချိန်မှာ သူရော ရန်ကုန်မြို့သစ်ရော ကျရှုံးသွားတယ်။ ကိုမင်းဇင်မှာ ဒီလိုမျိုး တရုတ်စီမံကိန်းတွေက တိုင်းပြည်တိုးတက်ဖို့လုပ်ရမယ်။ မျှတရမယ်ဆိုတဲ့ စာမျိုး၊ Message ပေးတာမျိုး သုတေသန မတွေ့ရဘဲ အမုန်းစိတ်၊ အပျက်စိတ်တွေပဲ တွေ့ရတယ်။ စတုတ္ထအချက် တရုတ်နယ်စပ်မှာ ထကြွနေတဲ့ လက်နက်ကိုင်တွေ။ ဒီလက်နက်ကိုင်တွေရဲ့ ဝင်ငွေစီးဆင်းမှုတွေ သုတေသနလုပ်ပြတာ ဖတ်ဖူးသလား။ နောက် EAOs အမည်ခံတွေပြည်ပပြေးပြီး ပြည်ပနိုင်ငံသားဖြစ်နေတာ သုတေသနလုပ်ဖူးသလား။ နော်ခမ်းနောက်ပိုင်း တရုတ်မှာ မြန်မာပြည်ကလာတယ်ယူဆရတဲ့ မူးယစ်ဆေး ဖမ်းမိတဲ့သတင်း ဖတ်ဖူးသလား။ အဓိကလာတဲ့ ရှမ်းမြောက်ပိုင်းကနေ မြန်မာတစ်နိုင်ငံလုံးနဲ့ ပင်လယ်ကနေ၊ ရွှေတြိဂံကနေ ထွက်နေတာ ရေးပြတာမြင်ဖူးသလား။ ဒီလက်နက်ကိုင်တွေရဲ့ ဝင်ငွေလမ်းကြောင်းတွေ၊ တခြားနိုင်ငံသားဖြစ်နေတာတွေ၊ ကိုယ့်ပြည်နယ် ကိုယ့်နယ်မြေကို စစ်ဘုရင်လိုအုပ်ချုပ်ချင်ပြီး သယံဇာတခွဲဝေမှုအကုန် လက်ဝါးကြီးအုပ်ချင်တာတွေ ဒါတွေက ဖက်ဒရယ်ဒီမိုကရေစီမှာ Conflict of Interest ဖြစ်နေတယ်။ ဒီ COI တွေ ရှင်းလင်းပစ်မှ ဖက်ဒရယ်ဒီမိုကရေစီ ဖြောင့်တန်းမယ်ဆိုတာမျိုး ဒီဆယ်နှစ်မှာ တစ်ကြောင်းတစ်လေ သုတေသနလုပ်ပြတာ မြင်ဖူးသလား။ ကျွန်တော်တော့ တစ်ခါမှ မမြင်ဖူးဘူး။ ဒါကြောင့် သတင်းစာဆရာတစ်ယောက်အနေနဲ့ သူ့ကို မြန်မာနိုင်ငံမှာ ရေလာခပ်ပြီး တရုတ်မုန်းတီးရေးလုပ်နေတဲ့ အမေရိကန်နိုင်ငံသားလို့ပဲ Professional အရကို မြင်တယ်။ မြန်မာနိုင်ငံနဲ့ ပြည်ပမှာရှိနေတဲ့ မြန်မာနိုင်ငံသား သူ့မိသားစုတွေအကြောင်း မပါသေးဘူးနော်။ ကျွန်တော်သူ့အပေါ် Personal Attack လုပ်တာမဟုတ်ဘူး။ သူ့ရပ်တည်မှုဟာ မြန်မာနိုင်ငံအတွက် အကျိုးမဖြစ်ထွန်းဘဲ ကင်းလို့မရတဲ့ အိမ်နီးချင်းတရုတ်နဲ့ ရန်တိုက်နေတာမျိုး ဒါကြောင့် သူ့ကို သဘောမကျတာ။

13 908

ISP စတည်ထောင်ပြီး စ မိတ်ဆက်တော့ ကိုယ်သွားခဲ့သေးတယ်။ ပြီးတော့ ကိုမင်းဇင်ကို လက်ရှိအချိန်မှာ မြန်မာ့ဒီမိုကရေစီကို အနှောင့်အယှက်ပေးနေတာက အမေရိကန်ပါ။ တရုတ်ချည်း မလုပ်ဘဲ အမေရိကန်လည်း သုတေသနလုပ်ပါဦးလို့ ကိုယ် လူကြားထဲ မေးခွန်းထုတ် အကြံပြုဖူးတယ်။ Snake Snake See The Leg ဆိုရင်တော့ အမေရိကန်စပွန်ဆာနဲ့ တရုတ်ချည်း အော်မနေနဲ့ အမေရိကန်လည်း ဖြဲလို့ ကိုယ်ဆိုလိုတာပဲ။ အဲဒီ ပထမဆုံး မိတ်ဆက်တဲ့ ISP Live တော့ သူတို့ Wall မယ် မတွေ့တော့ဘူး။ ကိုမင်းဇင်ကို အမေရိကန် မမှန်ကန်မှုတွေ သုတေသနလုပ်ပါလို့ ကိုယ်တစ်ခါ ပြန်ပြီး ငါဒီလိုမေးခဲ့ဖူးတယ် သက်သေပြလိုက်မိလို့ ဖျောက်သွားသလား ဖျက်သွားသလား မသိ။ ဘာရယ်မဟုတ်ပါဘူး Exile တွေမှာ Institute for Strategy and Policy- Myanmar အဓိကတည်ထောင်သူ ကိုမင်းဇင် တရုတ်မှာ အဖမ်းခံရတယ် တက်လာလို့။ "တကယ်သာဆို ဆယ်စုနှစ်တစ်စုလုံးလုံး အမေရိကန် စပွန်ဆာနဲ့ တရုတ်ထိုင်ဖဲ့လာပြီး တရုတ်သွားတာကို ကိုယ် အံ့ဩ" ကိုယ်တို့က တရုတ်ကို ဝေဖန်တယ်ဆိုတာ တရုတ်မုန်းတီးရေးနဲ့ တိုက်ခိုက်နေခဲ့တာမဟုတ်ဘူး။ ကင်းလို့မရတဲ့ အင်အားကြီး အိမ်နီးချင်းဆိုတာနဲ့ မဟာဗျူဟာမြောက် မျှခြေကြားမှာ တရုတ်စီမံကိန်းတွေဟာ မြန်မာနိုင်ငံအတွက် ခိုင်မာတဲ့ အာမခံချက်၊ မျှတတဲ့ အကျိုးအမြတ်ခွဲဝေမှု ရရေးအတွက်ပဲ ဝေဖန်နေခဲ့တာ။ ထောက်ပံ့ငွေရဖို့ စိုက်လိုက်မတ်တပ် တရုတ်ဝေဖန်ရေးတစ်ခုတည်းတော့ မလုပ်ခဲ့ဖူးဘူး။ တရုတ်မှ မဟုတ်ပါဘူး။ ကိုယ်က ငွေကြေးအကျိုးအမြတ်တစ်ခုတည်းအတွက်နဲ့ ဘာကိုမှ တိုက်ခိုက်တာ မလုပ်ဖူးဘူးရယ် 😉 https://t.me/MT_News_Media/91411?single