Mehrob.uz

Пул учун дўстини сотган чўпон __________ Шайх Саййид Раҳматуллоҳ Термизий @mehrob_uz

Болани аборт қилган - қотилдир __________ Шайх Саййид Раҳматуллоҳ Термизий @mehrob_uz

Ҳақ таоло бизнинг суратимизга эмас, сийратимизга, қалбимизга назар солади. Мавлоно бир ўринда: “Неча инсонлар кўрдим, сурати бор сийрати йўқ, Неча инсонлар кўрдим, сийрати бор сурати йўқ” – деганларида дил хусусида айтганлар десак хато қилмаймиз. Кўнгил соҳиблари суратдан кечиб сийрат топган бўладилар. Сурат эгалари эса, аксинча, сийратдан кечиб суратга эришадилар. Бу ҳаётнинг азалий қонунидир. Бир нарсага бошқа бир нарсадан воз кечмай туриб эришиб бўлмас. Топган, албатта нимадандир айрилади. Йўқотган эса албатта нимагадир эришган бўлади. Шундай экан, биз йўқотганларимиз ва топганларимизга эмас, балки нимани топиб, нимани йўқотаётганимизга эътиборли бўлишимиз керак. Балки топганимиз иймон, айрилганимиз нафсдир... @mehrob_uz

32. Фаришталар уларнинг жонларини пок ҳолларида ола туриб: «Сизларга салом бўлсин. Қилиб юрган ишларингиз туфайли жаннатга киринг», дерлар. Ҳа, ўлим фаришталари ҳам тақводорлар билан гўзал муомалада бўладилар. Уларнинг жонларини олишда мулойимлик билан, пок ҳолларида салом бериб туриб, жаннатга киришларини айтиб башорат берадилар. Ушбу ўлим ва ундан кейинги турлича муомала ҳамда турар жойларини эслатувчи оятлардан сўнг Қурайш мушрикларининг ҳолидан сўроқ келади: @mehrob_uz

Агар одамлар дунё билан бой бўлсалар, сен Аллоҳ таоло билан беҳожат бўл. Агар улар дунё билан хурсанд бўлсалар, Аллоҳ билан бирга бўлиб шодлан. Улар ўз севганлари билан овунсалар, сен Аллоҳни ўзингга дўст тут. Агар улар катталар, юқори мансабдагилар билан азиз бўлиш учун танишсалар, сен ҳам Аллоҳга ўзингни танит, У билан дўст бўл. Шу билан азизлик ва улуғликнинг энг юқори чўққисига чиқасан. «Бахтли яшаш сирлари» китобидан. @mehrob_uz

Ассалому алайкум! 🍃 Хайрли тонг! 🍃 #дуо Эй Роббим, Сенинг ёрдам беришингни, ҳидоят қилишингни, гуноҳларни кечишингни сўрайман. Сенга тавба қилдим, иймон келтирдим ва Сенга суяндим. @mehrob_uz

БИЛОЛ ИБН САЪД (РАҲИМАҲУЛЛОҲ)НИНГ ЙИҒИЛАРИ Заҳҳок ибн Абдурраҳмон айтади: Билол ибн Саъддан мана бундай деяётганлигини эшитдим: "Эй ақлли инсонлар фикрлаш қобилиятига эга бўлган инсон ўзига наф келтирадиган, келажакда ўзи учун фойдали нарса қолдириш ҳақида ўйлаб тафаккур қилсин. Аммо Аллоҳ таоло сизларга топширган вазифани зоя қилиб, адо этмайсизлар. Аммо Аллоҳ кафиллигини берган ризқни талаб қилаверасизлар. Аллоҳ ўзини мўмин бандаларини бундай сифат ила сифатламаган бўлса, ахир ақлли инсон нима учун яратилганини унутиб фақат дунё талабида бўладими? Аллоҳнинг буюрганларига итоат қилиб буюрганларига бўйсуниб, Ундан яхшилик умид қилганларингиз каби масиятлар қилганларингиз сабабли унинг азобидан ҳам паноҳ сўранглар. Мен Билол ибн Саъднинг бундай деётганларини эшитдим: "Эй Аллоҳнинг бандалари, шуни яхши англаб етингларки, сизлар ўта қисқа кунлар давомида ўта узун кунлар учун амал қилмоқдасизлар фоний диёрда абадий дунё учун ишлаяпсизлар, ўта ҳафалик диёрида мангу неъматлари учун ибодатдасизлар. Кимки бу ишларни аниқ ишончли асосга асосланиб қилмаса ўзини қийнамасин. Эй Раҳмоннинг бандалари, сизларга бирон бир хабар келтирувчи қилаётган амалларингизнинг аниқ қабул бўлаётгани ёки бирор хатоларингиз мағфират қилинганининг хабарини айтадиган борми, йўқ албатта. «Сарвари коинот алайҳиссалом ва солиҳ умматларнинг кўз ёши» китобидан. @mehrob_uz

Намоз вақтлари: 03.07.2024 - ЧОРШАНБА Telegram | Facebook | Instagram | YouTube

117. Муоз ибн Жабалдан ривоят қилинади: Расулуллоҳ соллаллоҳу алайҳи васаллам: "Ўлим пайти ихлос билан "Лаа илааҳа иллаллоҳ", деган киши жаннатга киради", дедилар". Изоҳ: Пайғамбаримиз соллаллоҳу алайҳи васаллам мўмин-мусулмон бандага ўлим етганда, унинг охирги сўзи "Лаа илааҳа иллаллоҳ " бўлса, жаннатга киришини башорат қилдилар. Аммо бу мақомга етиш ўз-ўзидан бўлиб қолмайди. Чунки Аллоҳ таолонинг халқлари устида жорий қилиб қўйган илоҳий ҳақиқатларидан бири шуки, ким ниманинг устида яшаса, ўшанинг устида ўлади, ким ниманинг устида ўлса, ўшанинг устида тирилади. Шу сабабли мусулмонлар Аллоҳ таолонинг зикрини кўпайтиришга, савоб амалларни, хоссатан, фарз намозлари билан бирга нафл намозларни кўпроқ Ўқишга ҳаракат қилиш керак. Калима айтиб ўрганган тили омонатини топшираётганда ҳам калимани айтиб туриши, имонига шайтон чанг солмаслиги, охирги сўзи имон калимаси бўлиши учун тавҳид ва имон калималарини кўпроқ айтиб юриши зарур. Муснади Кеший китобидан. @mehrob_uz