מערכת טאהש

חבורת עבודת עבודה לבחורי אנ"ש - בארא פארק: די וואך שב"ק שלח כ"ח סיון האבן בחורי אנ"ש חברי חבורת עבודת עבודה דקהלתינו הק' בארא פארק געוויילט א שבת התועדות בצל הקודש אין קריתינו הק', בראשות די ראש החבורה הרה"צ רבי יעקב סג"ל שליט"א בן כ"ק מרן רבינו שליט"א. דער ראש החבורה שליט"א האט געפירט א עקסטערע סעודה מיט די בחורים פרייטאג צונאכטס בביתו נאוה קודש נומער 9, דערנאך אריבער צום שלחן הטהור בהיכל ביהמ"ד הגדול. שבת צופרי האבן די בחורים געגעסן די סעודה מיט רבינו שליט"א, נאכמיטאג האט הרה"צ רבי מיכל מאסקאוויטש שליט"א חדב"ן פארגעלערנט פרקי אבות ספעציעל פאר די בחורים. מוצש"ק זענען די בחורים אריין אל הקודש פנימה, ווי דער רבי האט משמיע געווען דברות קודש דברי חיזוק, און דערנאך פארטיילט פאר אלע בחורים דער הערליכע ספר עבודת הלוים פון רבינו השרף זי"ע. מען זאל האבן גע'פועל'ט אלעס גוטס.  

חבורת אברכים וויליאמסבורג: דעם דאנערשטאג שלח העעל"ט איז פארגעקומען א חבורה פון אלע אברכי אנ"ש תושבי וומסב"ג, בבית הרה"צ רבי משה סג"ל שליט"א, לרגל כ"ח סיון יומדהל"ק פון רבינו השרף זי"ע, ווי הרה"צ רבי משה שליט"א האט ארומגערעדט עובדות וסיפורים איבערן בעל ההילולא זי"ע, און איבער עבודת קדשו ודביקותו אינעם שבת קודש, און וואס מען קען זיך ארויסלערנען פון זיין הייליגן דרך אין עבודת השי"ת. דערנאך האט מען געזינגן ווארימע ניגונים לכבוד שב"ק ולכבוד די הילולא קדישא.

תלמידי הישיבה ביים מאכן א סיום מסכתא הבה"ח אברהם ארי' ב"ר יששכר דוב מאירוביץ ני"ו, הבה"ח דוד ב"ר אהרן משה שטיין ני"ו, הבה"ח ליפא ב"ר יואלשטערן ני"ו.