Dr Khaing Khaing Soe

# အာကာသသိပ္ပံနှင့် နည်းပညာဖွံ့ဖြိုးတိုးတက်ရေးကို နိုင်ငံတော်သမ္မတ အလေးထားမြှင့်တင်ဆောင်ရွက် မြန်မာနိုင်ငံ၏ အနာဂတ်ဖွံ့ဖြိုးတိုးတက်ရေးအတွက် အရေးပါလာမည့် အာကာသသိပ္ပံနှင့် နည်းပညာကဏ္ဍကို နိုင်ငံတော်သမ္မတက အလေးထားမြှင့်တင်လျက်ရှိရာ ပြည်တွင်း၌ အာကာသနည်းပညာဆိုင်ရာ အဖွဲ့အစည်းများနှင့် အခြေခံအဆောက်အအုံများ တည်ဆောက်ခြင်း၊ နိုင်ငံတကာပူးပေါင်းဆောင်ရွက်မှုများ တိုးမြှင့်ခြင်းနှင့် လူငယ်မျိုးဆက်သစ်များ၏ သိပ္ပံနည်းပညာဆိုင်ရာ စိတ်ဝင်စားမှုနှင့် စွမ်းရည်များ ဖွံ့ဖြိုးလာစေရေးတို့ကို အလေးထားဆောင်ရွက်လျက်ရှိပါသည်။ နိုင်ငံတော်သမ္မတသည် ၂၀၂၅ ခုနှစ် နိုဝင်ဘာ ၃၀ ရက်တွင် ဖွင့်လှစ်ခဲ့သည့် အာကာသပြတိုက် (ရန်ကုန်) ဖွင့်ပွဲသို့ တက်ရောက်ခဲ့ပြီး အာကာသနည်းပညာကို ငြိမ်းချမ်းစွာ အသုံးချရေးနှင့် လူငယ်ပညာရှင်များအတွက် အာကာသနည်းပညာဆိုင်ရာ အခွင့်အလမ်းများ ဖော်ဆောင်ရေးကို လမ်းညွှန်မှာကြားခဲ့ပါသည်။ ထို့ပြင် ၂၀၂၆ ခုနှစ် ဇူလိုင် ၂၈ ရက်တွင် မြန်မာအာကာသအေဂျင်စီသို့ သွားရောက်၍ MAH-1 ကမ္ဘာမြေလေ့လာရေးဂြိုဟ်တုစီမံကိန်း၊ ဂြိုဟ်တုမြေပြင်ထိန်းချုပ်ရေးစခန်း၊ Earth Remote Sensing နည်းပညာနှင့် ဂြိုဟ်တုအခြေပြု ရှာဖွေကယ်ဆယ်ရေးစနစ်များကို လေ့လာခဲ့ပြီး ဂြိုဟ်တုမြေပြင်ထိန်းချုပ်ရေးစခန်းနှင့် Multi-Mission Operation Command and Control (MOCC) ကို ဖွင့်လှစ်ပေးခဲ့ပါသည်။ အာကာသနည်းပညာသည် ကမ္ဘာမြေမျက်နှာပြင်ပြောင်းလဲမှုများကို စောင့်ကြည့်လေ့လာခြင်း၊ ရေကြီးရေလျှံမှုအပါအဝင် သဘာဝဘေးအန္တရာယ်ဆိုင်ရာ အချက်အလက်များ ရယူခြင်းနှင့် ဒေသဖွံ့ဖြိုးရေးလုပ်ငန်းများတွင် အသုံးဝင်ကြောင်းလည်း လမ်းညွှန်ပြောကြားခဲ့ပါသည်။ အာကာသနည်းပညာဆိုင်ရာ နိုင်ငံတကာပူးပေါင်းဆောင်ရွက်မှုများကိုလည်း အလေးထားဆောင်ရွက်လျက်ရှိရာ တရုတ်နိုင်ငံနှင့် ဂြိုဟ်တုငယ်များ လွှတ်တင်ရေး၊ အာကာသနည်းပညာပညာသင်ဆုများနှင့် စိုက်ပျိုးရေး၊ သစ်တော၊ ရေအရင်းအမြစ်၊ မိုးလေဝသဆိုင်ရာ အချက်အလက်များ ရယူအသုံးချရေးတို့ကို ဆွေးနွေးခဲ့ပါသည်။ ရုရှားနိုင်ငံနှင့်လည်း ဂြိုဟ်တုနည်းပညာ၊ လူသားအရင်းအမြစ်လေ့ကျင့်ရေး၊ မြန်မာအာကာသယာဉ်မှူး ရွေးချယ်လေ့ကျင့်ရေး၊ ဂြိုဟ်တုအခြေပြု ရှာဖွေကယ်ဆယ်ရေးနှင့် ဂြိုဟ်တုငယ်များ တည်ဆောက်လွှတ်တင်ရေးတို့အပါအဝင် ပူးပေါင်းဆောင်ရွက်နိုင်မည့် ကဏ္ဍများကို ဆက်လက်ဆွေးနွေးခဲ့ပါသည်။ ထို့အပြင် အာကာသသိပ္ပံနှင့် နည်းပညာဖွံ့ဖြိုးတိုးတက်ရေးလုပ်ငန်းများကို စနစ်တကျ အကောင်အထည်ဖော်နိုင်ရန် ၂၀၂၆ ခုနှစ် ဧပြီ ၁၀ ရက်တွင် အာကာသသိပ္ပံနှင့် နည်းပညာဖွံ့ဖြိုးတိုးတက်ရေးကော်မရှင်ကို ဖွဲ့စည်းခဲ့ပြီး နည်းပညာဆိုင်ရာ အဖွဲ့အစည်းများ၊ နိုင်ငံတကာမိတ်ဖက်များနှင့် တက္ကသိုလ်များအကြား ပူးပေါင်းဆောင်ရွက်မှုများကို တိုးမြှင့်လျက်ရှိပါသည်။ ယခုနေပြည်တော်၌ ကျင်းပသည့် အာကာသဆိုင်ရာ ပန်းချီ၊ ကာတွန်းနှင့် ပိုစတာပြိုင်ပွဲသည်လည်း အာကာသသိပ္ပံနှင့် နည်းပညာဆိုင်ရာ အသိပညာပြန့်ပွားရေးလုပ်ငန်းများ၏ အစိတ်အပိုင်းတစ်ရပ်ဖြစ်ပြီး အခြေခံပညာအဆင့်မှစ၍ လူငယ်များ၏ သိပ္ပံနည်းပညာစိတ်ဝင်စားမှု၊ တီထွင်ဖန်တီးနိုင်စွမ်းနှင့် အနာဂတ်နည်းပညာဆိုင်ရာ လူသားအရင်းအမြစ်များ ဖွံ့ဖြိုးတိုးတက်လာစေရန် ရည်ရွယ်ဆောင်ရွက်ခြင်းဖြစ်ပါသည်။ အဆိုပါဆောင်ရွက်ချက်များသည် အာကာသနည်းပညာကို နိုင်ငံဖွံ့ဖြိုးတိုးတက်ရေးအတွက် လက်တွေ့အသုံးချနိုင်ရန်နှင့် အနာဂတ်မျိုးဆက်သစ်များအတွက် သိပ္ပံနှင့် နည်းပညာဆိုင်ရာ အခြေခံစွမ်းရည်များ တည်ဆောက်ပေးရန် နိုင်ငံတော်သမ္မတက အလေးထားဦးဆောင်ဆောင်ရွက်နေမှုကို ထင်ဟပ်ဖော်ပြလျက်ရှိပါသည်။

အာကာသနှင့် AI နည်းပညာများကို စိုက်ပျိုးမွေးမြူရေးနှင့် သဘာဝအရင်းအမြစ်စီမံခန့်ခွဲမှုတို့တွင် အကျိုးရှိစွာ အသုံးချနိုင်ရေး နိုင်ငံတော်သမ္မတ လမ်းညွှန်မှာကြား နေပြည်တော်၊ နိုဝင်ဘာ ၁၀ နိုင်ငံတော်ဖွံဖြိုးတိုးတက်ရေးအတွက် အာကာသနည်းပညာနှင့် ဉာဏ်ရည်တု (AI) နည်းပညာများကို စိုက်ပျိုးမွေးမြူရေးနှင့် သဘာဝအရင်းအမြစ်စီမံခန့်ခွဲမှုလုပ်ငန်းများတွင် အကျိုးရှိစွာ အသုံးချနိုင်ရေး စဉ်ဆက်မပြတ် သုတေသနပြုဆောင်ရွက်ကြရန် နိုင်ငံတော်သမ္မတ ဦးမင်းအောင်လှိုင်က လမ်းညွှန်မှာကြားခဲ့သည်။ နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၁ (MICC-1) ၌ ကျင်းပသည့် အခြေခံပညာအဆင့် အာကာသဆိုင်ရာ ပန်းချီ၊ ကာတွန်း၊ ပိုစတာပြိုင်ပွဲနှင့် အာကာသနည်းပညာဆိုင်ရာ ပြခန်းများ ဖွင့်ပွဲအခမ်းအနားသို့ တက်ရောက်၍ ဒီဂျစ်တယ်နည်းပညာဖြင့် စက်ခလုတ်နှိပ်ဖွင့်လှစ်ပေးခဲ့သည်။ ထိုနောက် နိုင်ငံတော်သမ္မတနှင့် အဖွဲ့ဝင်များသည် အာကာသနှင့် AI နည်းပညာသုံး စိုက်ပျိုးရေး၊ ရာသီဥတုနှင့် သဘာဝပတ်ဝန်းကျင်စောင့်ကြည့်ရေး၊ ဂြိုဟ်တုနည်းပညာအသုံးချမှု၊ စက်ရုပ်နည်းပညာ၊ STEM ပညာရပ်၊ အာကာသသိပ္ပံနှင့် စူးစမ်းလေ့လာရေးဆိုင်ရာ ပြခန်းများကို လှည့်လည်ကြည့်ရှုခဲ့ကြပြီး တာဝန်ရှိသူများက ရှင်းလင်းတင်ပြခဲ့ကြသည်။ ပြခန်းများကို ကြည့်ရှုစဉ် နိုင်ငံတော်သမ္မတက နိုင်ငံအတွက် လိုအပ်သည့် အာကာသနည်းပညာများကို သိရှိနားလည်ပြီး အကျိုးရှိစွာ အသုံးချနိုင်ရေး၊ စိုက်ပျိုးမွေးမြူရေးဖွံဖြိုးတိုးတက်စေရန် မြေဆီလွှာ၊ ရေနှင့် သီးနှံအခြေအနေများကို အာကာသနှင့် AI နည်းပညာတို့ဖြင့် ဆန်းစစ်ကာ အချိန်မီစီမံဆောင်ရွက်နိုင်ရေး သုတေသနလုပ်ငန်းများ ဆက်လက်ဆောင်ရွက်ကြရန် မှာကြားခဲ့သည်။ ထို့ပြင် ရေသယံဇာတအပါအဝင် သဘာဝအရင်းအမြစ်များဆိုင်ရာ အချက်အလက်များကို ရယူအသုံးချနိုင်ရေးနှင့် မျိုးဆက်သစ်လူငယ်များ အာကာသနည်းပညာကို ပိုမိုစိတ်ဝင်စားလာစေရန် ပြပွဲ၊ ပြိုင်ပွဲနှင့် အသိပညာပေးလုပ်ငန်းများကို ခေတ်နှင့်အညီ အဆင့်မြှင့်တင်ဆောင်ရွက်ကြရန် လမ်းညွှန်မှာကြားခဲ့သည်။ အဆိုပါပြိုင်ပွဲကို နေပြည်တော်ကောင်စီနှင့် မြန်မာအာကာသအေဂျင်စီတို့က ကြီးမှူးကျင်းပခြင်းဖြစ်ပြီး လူငယ်များ အာကာသသိပ္ပံနှင့် နည်းပညာကို စိတ်ဝင်စားလာစေရန်၊ အနုပညာမှတစ်ဆင့် သိပ္ပံဆိုင်ရာ စိတ်ကူးစိတ်သန်းများ ဖော်ထုတ်နိုင်စေရန် ရည်ရွယ်ကျင်းပခြင်းဖြစ်သည်။

အာကာသနှင့် AI နည်းပညာများကို စိုက်ပျိုးမွေးမြူရေးနှင့် သဘာဝအရင်းအမြစ်စီမံခန့်ခွဲမှုတို့တွင် အကျိုးရှိစွာ အသုံးချနိုင်ရေး နိုင်ငံတော်သမ္မတ လမ်းညွှန်မှာကြား နေပြည်တော်၊ နိုဝင်ဘာ ၁၀ နိုင်ငံတော်ဖွံဖြိုးတိုးတက်ရေးအတွက် အာကာသနည်းပညာနှင့် ဉာဏ်ရည်တု (AI) နည်းပညာများကို စိုက်ပျိုးမွေးမြူရေးနှင့် သဘာဝအရင်းအမြစ်စီမံခန့်ခွဲမှုလုပ်ငန်းများတွင် အကျိုးရှိစွာ အသုံးချနိုင်ရေး စဉ်ဆက်မပြတ် သုတေသနပြုဆောင်ရွက်ကြရန် နိုင်ငံတော်သမ္မတ ဦးမင်းအောင်လှိုင်က လမ်းညွှန်မှာကြားခဲ့သည်။ နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၁ (MICC-1) ၌ ကျင်းပသည့် အခြေခံပညာအဆင့် အာကာသဆိုင်ရာ ပန်းချီ၊ ကာတွန်း၊ ပိုစတာပြိုင်ပွဲနှင့် အာကာသနည်းပညာဆိုင်ရာ ပြခန်းများ ဖွင့်ပွဲအခမ်းအနားသို့ တက်ရောက်၍ ဒီဂျစ်တယ်နည်းပညာဖြင့် စက်ခလုတ်နှိပ်ဖွင့်လှစ်ပေးခဲ့သည်။ ထိုနောက် နိုင်ငံတော်သမ္မတနှင့် အဖွဲ့ဝင်များသည် အာကာသနှင့် AI နည်းပညာသုံး စိုက်ပျိုးရေး၊ ရာသီဥတုနှင့် သဘာဝပတ်ဝန်းကျင်စောင့်ကြည့်ရေး၊ ဂြိုဟ်တုနည်းပညာအသုံးချမှု၊ စက်ရုပ်နည်းပညာ၊ STEM ပညာရပ်၊ အာကာသသိပ္ပံနှင့် စူးစမ်းလေ့လာရေးဆိုင်ရာ ပြခန်းများကို လှည့်လည်ကြည့်ရှုခဲ့ကြပြီး တာဝန်ရှိသူများက ရှင်းလင်းတင်ပြခဲ့ကြသည်။ ပြခန်းများကို ကြည့်ရှုစဉ် နိုင်ငံတော်သမ္မတက နိုင်ငံအတွက် လိုအပ်သည့် အာကာသနည်းပညာများကို သိရှိနားလည်ပြီး အကျိုးရှိစွာ အသုံးချနိုင်ရေး၊ စိုက်ပျိုးမွေးမြူရေးဖွံဖြိုးတိုးတက်စေရန် မြေဆီလွှာ၊ ရေနှင့် သီးနှံအခြေအနေများကို အာကာသနှင့် AI နည်းပညာတို့ဖြင့် ဆန်းစစ်ကာ အချိန်မီစီမံဆောင်ရွက်နိုင်ရေး သုတေသနလုပ်ငန်းများ ဆက်လက်ဆောင်ရွက်ကြရန် မှာကြားခဲ့သည်။ ထို့ပြင် ရေသယံဇာတအပါအဝင် သဘာဝအရင်းအမြစ်များဆိုင်ရာ အချက်အလက်များကို ရယူအသုံးချနိုင်ရေးနှင့် မျိုးဆက်သစ်လူငယ်များ အာကာသနည်းပညာကို ပိုမိုစိတ်ဝင်စားလာစေရန် ပြပွဲ၊ ပြိုင်ပွဲနှင့် အသိပညာပေးလုပ်ငန်းများကို ခေတ်နှင့်အညီ အဆင့်မြှင့်တင်ဆောင်ရွက်ကြရန် လမ်းညွှန်မှာကြားခဲ့သည်။ အဆိုပါပြိုင်ပွဲကို နေပြည်တော်ကောင်စီနှင့် မြန်မာအာကာသအေဂျင်စီတို့က ကြီးမှူးကျင်းပခြင်းဖြစ်ပြီး လူငယ်များ အာကာသသိပ္ပံနှင့် နည်းပညာကို စိတ်ဝင်စားလာစေရန်၊ အနုပညာမှတစ်ဆင့် သိပ္ပံဆိုင်ရာ စိတ်ကူးစိတ်သန်းများ ဖော်ထုတ်နိုင်စေရန် ရည်ရွယ်ကျင်းပခြင်းဖြစ်သည်။

နိုင်ငံတော်သမ္မတ ဦးမင်းအောင်လှိုင် မြန်မာ့ပရိဘောဂပြပွဲ (၂၀၂၆) သို့ သွားရောက်ကြည့်ရှုအားပေး နေပြည်တော်၊ နိုဝင်ဘာ ၈ နိုင်ငံတော်သမ္မတ ဦးမင်းအောင်လှိုင်သည် ယနေ့နံနက်ပိုင်းတွင် ရန်ကုန်မြို့၊ မင်္ဂလာတောင်ညွန့်မြို့နယ်ရှိ ကန်သာယာ Shopping Centre ၌ ကျင်းပလျက်ရှိသည့် မြန်မာ့ပရိဘောဂပြပွဲ (၂၀၂၆) သို့ သွားရောက်ကြည့်ရှုအားပေးခဲ့ပါသည်။ နိုင်ငံတော်သမ္မတသည် ပြပွဲအတွင်း ခင်းကျင်းပြသထားသော ပရိဘောဂများကို လှည့်လည်ကြည့်ရှုအားပေးပြီး တာဝန်ရှိသူများ၏ ရှင်းလင်းတင်ပြချက်များအပေါ် မေးမြန်းဆွေးနွေးခဲ့ပါသည်။ အဆိုပါပြပွဲကို မြန်မာ့ပရိဘောဂလက်ရာများ အား ထိန်းသိမ်းရန်၊ စဉ်ဆက်မပြတ်အဆင့်မြှင့်တင်နိုင်ရန်နှင့် ဈေးကွက်ပိုမိုရရှိနိုင်ရန် ရည်ရွယ်၍ မြန်မာနိုင်ငံသစ်အခြေခံပရိဘောဂလုပ်ငန်းရှင်များအသင်းက နိုဝင်ဘာ ၄ ရက်မှ ၈ ရက်အထိ ကျင်းပခဲ့ခြင်းဖြစ်ပြီး ပြည်တွင်းကုမ္ပဏီ ၉ ခုနှင့် ပြည်ပကုမ္ပဏီ ၁ ခုတို့က ပြကွက် ၂၆ ခုဖြင့် ပါဝင်ပြသရောင်းချခဲ့ကြောင်း သိရပါသည်။

နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှ မြန်မာ့ရိုးရာပွဲဈေးသို့ သွားရောက်ကြည့်ရှုအားပေး နေပြည်တော်၊ နိုဝင်ဘာ ၈ နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှတို့သည် ယနေ့နံနက်ပိုင်းတွင် ရန်ကုန်မြို့၊ မရမ်းကုန်းမြို့နယ်ရှိ ရန်ကုန်ကွန်ဗင်းရှင်းစင်တာ (YCC) ၌ ကျင်းပလျက်ရှိသည့် မြန်မာ့ရိုးရာပွဲဈေးသို့ သွားရောက်ကြည့်ရှုအားပေးခဲ့ပါသည်။ နိုင်ငံတော်သမ္မတနှင့် ဇနီးတို့သည် တိုင်းရင်းသားရိုးရာအကများ၊ တေးသရုပ်ဖော်အကများနှင့် မြန်မာ့ရိုးရာရုပ်သေးကြိုးဆွဲအက ဖျော်ဖြေတင်ဆက်မှုများကို ကြည့်ရှုအားပေးပြီး အနုပညာရှင်များအား ဂုဏ်ပြုပန်းခြင်း ပေးအပ်ချီးမြှင့်ကာ ရိုးရာအစားအစာ၊ အဝတ်အထည်၊ ဒေသထွက်ကုန်နှင့် လူသုံးကုန်ပစ္စည်းပြခန်းများကို လှည့်လည်ကြည့်ရှုအားပေးခဲ့ပါသည်။ အဆိုပါပွဲဈေးကို မြန်မာ့ရိုးရာအမွေအနှစ်များအား မျိုးဆက်သစ်လူငယ်များထံ လက်ဆင့်ကမ်းပေးနိုင်ရန် ရည်ရွယ်၍ နိုဝင်ဘာ ၅ ရက်မှ ၈ ရက်အထိ ပြခန်း ၁၅၅ ခန်းဖြင့် ကျင်းပခဲ့ခြင်းဖြစ်ကြောင်း သိရပါသည်။

ဒီပါဝလီပွဲတော်၏ မင်္ဂလာအလင်းရောင်နှင့်အတူ မြန်မာနိုင်ငံသူ မြန်မာနိုင်ငံသား ကမ္ဘာသူကမ္ဘာသား အားလုံး၏ စိတ်နှလုံးတွင် မေတ္တာနှင့် ငြိမ်းချမ်းမှုများ ထွန်းလင်းကာ မိသားစုတိုင်း ကျန်းမာချမ်းသာ၍ ပျော်ရွှင်အေးချမ်းကြပါစေကြောင်း ဆုမွန်ကောင်းတောင်းအပ်ပါသည်။

နိုင်ငံတော်သမ္မတ ဦးမင်းအောင်လှိုင် ရန်ကုန်နည်းပညာတက္ကသိုလ်နှင့် မြို့ပြဖွံ့ဖြိုးရေးလုပ်ငန်းများ ကြည့်ရှုစစ်ဆေး နေပြည်တော်၊ နိုဝင်ဘာ ၇ နိုင်ငံတော်သမ္မတ ဦးမင်းအောင်လှိုင်သည် ယနေ့တွင် ရန်ကုန်နည်းပညာတက္ကသိုလ် (YTU) နှင့် လှိုင်သာယာ၊ ရွှေပြည်သာမြို့နယ်တို့ရှိ မြို့ပြဖွံ့ဖြိုးရေးလုပ်ငန်းများကို လှည့်လည်ကြည့်ရှုစစ်ဆေး ခဲ့ပါသည်။ နိုင်ငံတော်သမ္မတသည် ရန်ကုန်နည်းပညာတက္ကသိုလ်၌ သင်ကြားရေး၊ အိပ်ဆောင်နှင့် အခြေခံအဆောက်အအုံလိုအပ်ချက်များကို လမ်းညွှန်ခဲ့ပါသည်။ ထို့အပြင် အားကစားကွင်းအဆင့်မြှင့်တင်ရေးနှင့် ကျောင်းသား၊ ကျောင်းသူများ သွားလာအသုံးပြုရလွယ်ကူသည့် နေရာတွင် ခေတ်မီအပန်းဖြေရိပ်သာ (RC) တည်ဆောက်ရေး မှာကြား၍ မြန်မာ–ဂျပန် နည်းပညာဖွံ့ဖြိုးရေးဌာနများရှိ ဓာတ်ခွဲခန်းနှင့် ပစ္စည်းခံနိုင်ရည်စမ်း သပ်ခန်းများကို ကြည့်ရှုစစ်ဆေးခဲ့ပါသည်။ ဆက်လက်၍ လှိုင်သာယာမြို့နယ်တွင် ဘောလုံးကွင်း၊ ရွှေပြည်သာမြို့နယ်တွင် ခေတ်မီပန်းခြံနှင့် မြို့နယ်အားကစားကွင်း တည်ဆောက်ရန် လျာထားမြေနေရာများကို ကြည့်ရှုစစ်ဆေးပြီး လမ်းများကောင်းမွန်ရေး၊ ယာဉ်စည်းကမ်း၊ လမ်းစည်းကမ်းလိုက်နာရေးနှင့် သန့်ရှင်းသာယာလှပရေး ဆောင်ရွက်ရန် မှာကြားခဲ့ပါသည်။ ထို့နောက် မွန်းလွဲပိုင်းတွင် တာဝန်ရှိသူများနှင့်တွေ့ဆုံကာ မြေအသုံးချမှုမှန်ကန်ရေး၊ စိုက်ပျိုးမွေးမြူရေးအတွက် ခွင့်ပြုမြေများတွင် လုပ်ငန်းများ အမှန်တကယ်အကောင်အထည်ဖော်ရေး၊ ရေစီးရေလာကောင်းမွန်ရေးနှင့် စိမ်းလန်းစိုပြေ၍ ကျန်းမာရေးနှင့်ညီညွတ်သည့် ပတ်ဝန်းကျင်ဖော်ဆောင်ရေး မှာကြားခဲ့ပါသည်။ ထို့ပြင် ကျောင်းနေအရွယ်ကလေးအားလုံး ကျောင်းနေနိုင်ရေးနှင့် တန်းစဉ်ကူးပြောင်းမှုမြင့်မားရေး၊ လပတ်စာမေးပွဲမှန်ကန်စွာပြုလုပ်ရေး၊ အပတ်စဉ်စာကျက်ဖတ်မှုများစိစစ်ရေးနှင့် စက်မှုဇုန်များ၌ ကုန်ထုတ်လုပ်မှုနှင့် အလုပ်အကိုင်များတိုးတက်စေရေး၊ အလုပ်သမားအခွင့်အရေးများရရှိရေး၊ ဒေသတွင်း စားသောက်ကုန်များ ဈေးနှုန်းသက်သာဖူလုံစေရန် လူဦးရေအချိုးနှင့်အညီ စိုက်ပျိုးမွေးမြူထုတ်လုပ်ရေးတို့ကို ကြပ်မတ်ဆောင်ရွက်ရန် လမ်းညွှန်မှာကြားခဲ့သည်။

ဒီပါဝလီအထိမ်းအမှတ်အခမ်းအနားသို့ နိုင်ငံတော်သမ္မတ ဦးမင်းအောင်လှိုင်နှင့် ဇနီး တက်ရောက်၊ ဘာသာပေါင်းစုံ ချစ်ကြည်ညီညွတ်ရေးနှင့် ငြိမ်းချမ်းစွာ အတူယှဉ်တွဲနေထိုင်ရေး တိုက်တွန်း နေပြည်တော်၊ နိုဝင်ဘာ ၆ နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှတို့သည် ယနေ့ညနေပိုင်းတွင် ရန်ကုန်မြို့ ဒဂုံမြို့နယ်ရှိ အမျိုးသားဇာတ်ရုံ၌ ကျင်းပသည့် ဒီပါဝလီအထိမ်းအမှတ်အခမ်းအနားသို့ တက်ရောက်ချီးမြှင့်ခဲ့ပြီး လူမျိုး၊ ဘာသာနှင့် ယဉ်ကျေးမှု မတူကွဲပြားမှုများကို အပြန်အလှန် နားလည်လေးစားပြီး ချစ်ကြည်ညီညွတ်စွာ အတူယှဉ်တွဲနေထိုင်ကြရန် တိုက်တွန်းပြော ကြားခဲ့ပါသည်။ နိုင်ငံတော်သမ္မတက ဒီပါဝလီအထိမ်းအမှတ် မိန့်ခွန်းပြောကြားရာတွင် အောက်ပါအချက်များကို အဓိကထား ပြောကြားခဲ့ပါသည်- ဘာသာပေါင်းစုံ ချစ်ကြည်ညီညွတ်ရေးနှင့် အတူယှဉ်တွဲနေထိုင်ရေး မြန်မာနိုင်ငံသည် လူမျိုး၊ ဘာသာနှင့် ယဉ်ကျေးမှုဓလေ့ထုံးတမ်း မတူကွဲပြားသူများ အတူတကွနေထိုင်သည့် နိုင်ငံဖြစ်ကြောင်း၊ ယင်းမတူကွဲပြားမှုများကို နားလည်လက်ခံပြီး အပြန်အလှန်ယုံကြည်မှု၊ သည်းခံခွင့်လွှတ်မှုနှင့် ချစ်ကြည်ရင်းနှီးမှုတို့ကို အခြေခံ၍ ငြိမ်းချမ်းစွာ ယှဉ်တွဲနေထိုင်ကြရန် ပြောကြားခဲ့ပါသည်။ ဘာသာရေးလွတ်လပ်ခွင့်နှင့် ဖွဲ့စည်းပုံအခြေခံဥပဒေပါ ပြဋ္ဌာန်းချက်များ ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၃၆၂ နှင့် ၃၆၃ တို့တွင် ဟိန္ဒူဘာသာအပါအဝင် ဘာသာသာသနာများအား အသိအမှတ်ပြုခြင်းနှင့် ကူညီစောင့်ရှောက်ခြင်းဆိုင်ရာ ပြဋ္ဌာန်း ချက်များ ပါဝင်ကြောင်း၊ ပုဒ်မ ၃၄ နှင့် ၃၅၄ တို့တွင်လည်း ဘာသာရေးဆိုင်ရာ လွတ်လပ်ခွင့် များကို ပြဋ္ဌာန်းထားကြောင်း၊ ထို့ကြောင့် ဘာသာရေးယုံကြည်မှုနှင့် ဓလေ့ထုံးတမ်းများကို အနှစ်သာရရှိစွာ ကျင့်သုံးကြရန်နှင့် အခြားသူများ၏ ယုံကြည်ကိုးကွယ်မှုကိုလည်း လေးစားကြရန် ပြောကြားခဲ့ပါသည်။ ဒီပါဝလီပွဲတော်၏ အနှစ်သာရနှင့် လူမှုဘဝအကျိုးပြုရေး ဒီပါဝလီပွဲတော်သည် အမှောင်အပေါ် အလင်းရောင်၏ အောင်နိုင်ခြင်း၊ မကောင်းမှုအပေါ် ကောင်းမှု၏ အောင်နိုင်ခြင်းနှင့် အသိပညာဖြင့် မသိနားမလည်မှုကို ဖယ်ရှားခြင်းတို့ကို ကိုယ်စားပြုကြောင်း၊ ယင်းအနှစ်သာရနှင့်အညီ မေတ္တာတရား၊ စာနာထောက်ထားမှုနှင့် အချင်းချင်းကူညီရိုင်းပင်းမှုတို့ကို နေ့စဉ်လူမှုဘဝတွင် လက်တွေ့ကျင့်သုံးကြရန်လိုပါကြောင်း၊ လူမျိုး ဘာသာမရွေး ချစ်ကြည်ရင်းနှီးစွာ ဆက်ဆံပြီး နိုင်ငံတော်နှင့် လူမှုအသိုက်အဝန်းအတွက် တတ်စွမ်းသမျှ အကျိုးပြုကြရန် မှာကြားခဲ့ပါသည်။ အဆိုပါအခမ်းအနားကို မြန်မာ-အိန္ဒိယချစ်ကြည်ရေးအသင်း (MIFA) နှင့် မြန်မာနိုင်ငံရှိ ဟိန္ဒူမျိုးနွယ်စုများက စုပေါင်းကျင်းပခြင်းဖြစ်သည်။

ကမာရွတ်တက္ကသိုလ်များနယ်မြေရှိ ပညာရေးနှင့် အားကစားအဆောက်အဦများ အဆင့်မြှင့်တင်ရေး နိုင်ငံတော်သမ္မတ လမ်းညွှန် နေပြည်တော်၊ နိုဝင်ဘာ ၆ နိုင်ငံတော်သမ္မတ ဦးမင်းအောင်လှိုင်သည် နိုဝင်ဘာ ၆ ရက်တွင် ရန်ကုန်တိုင်းဒေသကြီး၊ ကမာရွတ်တက္ကသိုလ်များနယ်မြေအတွင်းရှိ ပညာရေး၊ အားကစားနှင့် ကျန်းမာရေးဆိုင်ရာ အဆောက်အဦများကို ကြည့်ရှုစစ်ဆေးပြီး အဆောက်အဦများ ရေရှည်အသုံးပြုနိုင်ရေး၊ ဘေးအန္တရာယ်ကင်းရှင်းရေးနှင့် အဆင့်မြှင့်တင်ရေးတို့အတွက် လမ်းညွှန်မှာကြားခဲ့ပါသည်။ နိုင်ငံတော်သမ္မတသည် ရန်ကုန်ပညာရေးတက္ကသိုလ် (ကမာရွတ်နယ်မြေ) ရှိ ခြောက်ထပ်စာသင်ဆောင်သစ်၊ တက္ကသိုလ်များပုံနှိပ်တိုက်၊ ရန်ကုန်တက္ကသိုလ်ဘောလုံးကွင်းနှင့် တက္ကသိုလ်များရေကူးကန်တို့ကို ကြည့်ရှုစစ်ဆေးစဉ် ပညာရေးအဆောက်အဦများ တည်ဆောက်ရာ၌ အနာဂတ်လိုအပ်ချက်နှင့် အရေးပေါ်ဘေးကင်းရေးကို ထည့်သွင်းစဉ်းစားရန်၊ ပညာရေးစာအုပ်စာစောင်များ အချိန်မီထုတ်ဝေနိုင်ရေး ဝန်ကြီးဌာနများအကြား ချိတ်ဆက် ဆောင်ရွက်ရန်၊ ဘောလုံးကွင်း၊ ပွဲကြည့်စင်နှင့် ရေကူးကန်တို့ကို အဆင့်မီပြုပြင်မွမ်းမံပြီး ပတ်ဝန်းကျင်သန့်ရှင်းသာယာရေးနှင့် ရေဆိုးထုတ်စနစ် ကောင်းမွန်ရေး ဆောင်ရွက်ရန် မှာကြားခဲ့ပါသည်။ ထို့နောက် တက္ကသိုလ်များဆေးရုံရှိ ဓာတ်ခွဲခန်း၊ သွားနှင့်မျက်စိရောဂါကုသမှုဌာနများ၊ လူနာဆောင်များကို ကြည့်ရှုစစ်ဆေးပြီး ဆေးရုံတက်ရောက်ကုသနေသည့် လူနာများနှင့် ဝန်ထမ်းများအား ရင်းရင်းနှီးနှီး နှုတ်ဆက်ခဲ့ပါသည်။

သာသနိကအမွေအနှစ်များ ထိန်းသိမ်းရေးနှင့် သမိုင်းမှတ်တမ်းများ ခေတ်မီနည်းပညာဖြင့် ပြသရေး နိုင်ငံတော်သမ္မတ လမ်းညွှန် နေပြည်တော်၊ နိုဝင်ဘာ ၆ နိုင်ငံတော်သမ္မတ ဦးမင်းအောင်လှိုင်သည် နိုဝင်ဘာ ၆ ရက်တွင် ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ မဟာပါသာဏလှိုဏ်ဂူသိမ်တော်ကြီးနှင့် သီရိမင်္ဂလာကမ္ဘာအေးကုန်းမြေ အတွင်းရှိ သာသနိကအဆောက်အဦများကို ကြည့်ရှုစစ်ဆေးပြီး သမိုင်းဝင်အဆောက်အဦများ ရေရှည်တည်တံ့ရေး၊ ရှေးဟောင်းယဉ်ကျေးမှုအမွေအနှစ်များ ထိန်းသိမ်းရေးနှင့် သမိုင်း မှတ်တမ်းများကို ခေတ်မီနည်းပညာဖြင့် ပြုပြင်ထိန်းသိမ်းပြသရေးတို့အတွက် လမ်းညွှန် မှာကြားခဲ့ပါသည်။ နိုင်ငံတော်သမ္မတသည် မဟာပါသာဏလှိုဏ်ဂူသိမ်တော်ကြီး၊ ဗုဒ္ဓပြတိုက်၊ အဂန္တုကျောင်းဆောင်၊ ဗုဒ္ဓသာသနာ့သံဃာ့ဆေးရုံတော်၊ မဟာသိမ်တော်ကြီး၊ ပိဋကတ်တိုက်တော်ကြီးနှင့် ပိဋကတ် ပုံနှိပ်တိုက်တို့ကို ကြည့်ရှုစစ်ဆေးစဉ် သာသနိကအဆောက်အဦများ ကြံ့ခိုင်တည်တံ့ရေး၊ သံဃာတော်များ သီတင်းသုံးမှုနှင့် ကျန်းမာရေးစောင့်ရှောက်မှု အဆင်ပြေစေရေး၊ ရှေးဟောင်း ပစ္စည်းများနှင့် ပိဋကတ်စာအုပ်များ စနစ်တကျထိန်းသိမ်းရေးတို့ကို မှာကြားခဲ့ပါသည်။ ထို့ပြင် ဗုဒ္ဓဖြစ်တော်စဉ်နှင့် သင်္ဂါယနာတင်သမိုင်းများကို ကျောင်းသား၊ ကျောင်းသူများနှင့် အများပြည်သူ နားလည်သိရှိနိုင်ရေး ပြတိုက်ပြသမှုများ အဆင့်မြှင့်တင်ရန်၊ သမိုင်းမှတ်တမ်း ဓာတ်ပုံများကို မူလအခြေအနေမပျက် ခေတ်မီနည်းပညာဖြင့် ပြုပြင်ထိန်းသိမ်းရန်၊ သမိုင်းဆိုင်ရာ အချက်အလက်များနှင့် ခုနှစ်သက္ကရာဇ်များ တိကျပြည့်စုံစွာ ဖော်ပြရန် လမ်းညွှန်ခဲ့ပါသည်။ နိုင်ငံတော်သမ္မတသည် မဟာသိမ်တော်ကြီးအတွင်းရှိ ဗုဒ္ဓရုပ်ပွားတော်မြတ်အား ဆွမ်းတော်၊ ပန်းနှင့် ရေချမ်း ဆက်ကပ်ပူဇော်ခဲ့ပြီး ဆဋ္ဌသင်္ဂါယနာတင် ပိဋကတ်တော်စာအုပ်များ ပုံနှိပ် ထုတ်ဝေခဲ့သည့် ပိဋကတ်ပုံနှိပ်တိုက်ရှိ ရှေးဟောင်းခဲစာလုံးပုံနှိပ်စက်နှင့် သမိုင်းမှတ်တမ်းများကို ကြည့်ရှုစစ်ဆေးကာ လိုအပ်သည်များ လမ်းညွှန်မှာကြားခဲ့ပါသည်။

နိုင်ငံတော်သမ္မတ ဦးမင်းအောင်လှိုင် နေပြည်တော်အတွင်း မြို့ပြဖွံ့ဖြိုးရေးလုပ်ငန်းများ ကြည့်ရှုစစ်ဆေး၊ လေဆိပ်အဝင်လမ်းသစ်၊ ပြည်သူ့ရင်ပြင်နှင့် ပြည်ထောင်စုဂုဏ်ပြုဗိမာန်တို့ အဆင့်မီစွာ တည်ဆောက်ရေး လမ်းညွှန် နေပြည်တော်၊ အောက်တိုဘာ ၃၁ ပြည်ထောင်စုနယ်မြေ နေပြည်တော်အား မြို့တော်အင်္ဂါရပ်နှင့်အညီ ခေတ်မီဖွံ့ဖြိုးတိုးတက်သည့် မြို့ပြတစ်ခုအဖြစ် တည်ဆောက်ရေး၊ လမ်းတံတားနှင့် အထင်ကရအဆောက်အဦများကို သတ်မှတ်ကာလအတွင်း စံချိန်စံညွှန်းပြည့်မီစွာ တည်ဆောက်ရေးတို့ကို နိုင်ငံတော်သမ္မတ ဦးမင်းအောင်လှိုင်က ယနေ့ နေပြည်တော်အတွင်း ဖွံ့ဖြိုးရေးလုပ်ငန်းများ လိုက်လံကြည့်ရှုစစ်ဆေးစဉ် လမ်းညွှန်မှာကြားခဲ့ပါသည်။ နိုင်ငံတော်သမ္မတ၏ အဓိက လမ်းညွှန်မှာကြားချက်များမှာ - ၁။ နေပြည်တော်အပြည်ပြည်ဆိုင်ရာလေဆိပ်အဝင်လမ်းသစ် နှင့် လမ်းတံတားများ အဆင့်မြှင့်တင်ရေး - လေဆိပ်အဝင်လမ်းသစ်နှင့် ရုံးပင်ချောင်းတံတားတို့ကို အနာဂတ်ယာဉ်အသွားအလာ တိုးတက်လာနိုင်မှုအပေါ် ထည့်သွင်းတွက်ချက်၍ သတ်မှတ်ကာလအတွင်း စံချိန်စံညွှန်းပြည့်မီစွာ တည်ဆောက်ရန်။ • လေဆိပ် ဝင်ထွက်လမ်းများ၊ လမ်းတံတားကြံ့ခိုင်မှု၊ လမ်းပခုံးမြေသားနံရံများကို စနစ်တကျ စီမံတည်ဆောက်ရန်။ ၂။ ပြည်သူ့ရင်ပြင်ကို မြို့တော်အင်္ဂါရပ်နှင့်အညီ တည်ဆောက်ရေး* • ပြည်သူ့ရင်ပြင်တွင် အထင်ကရပုဂ္ဂိုလ်များ၏ ရုပ်တုများ၊ စကျင်ကျောက်ရုပ်လုံးရုပ်ကြွများ၊ ပန်းခြံများ၊ လျှောက်လမ်းများ၊ ဖျော်ဖြေရေးရင်ပြင်၊ Shop House များနှင့် ယာဉ်ရပ်နားရန်နေရာများကို စနစ်တကျ ထည့်သွင်းတည်ဆောက်ရန်။ • ရုပ်တုနှင့် ရုပ်လုံးရုပ်ကြွများအတွက် မြန်မာမှုအနုပညာရှင်ကြီးများ၏ အကြံဉာဏ်များရယူရန်နှင့် တည်ဆောက်ရေးလုပ်ငန်းများ ရေရှည်တည်တံ့ခိုင်ခံ့မှုရှိစေရေး ဆောင်ရွက်ရန်။ ၃။ ပြည်ထောင်စုဂုဏ်ပြုဗိမာန် ခမ်းနားအဆင့်မီစွာ တည်ဆောက်ရေး • ပြည်ထောင်စုနိုင်ငံတော်ကို တည်ထောင်ခဲ့ကြသူများနှင့် ပြည်ထောင်စုတည်တံ့ခိုင်မြဲရေး ကြိုးပမ်းခဲ့ကြသည့် ပြည်ထောင်စုဖွားတိုင်းရင်းသားများအား ဂုဏ်ပြုရန် ရည်ရွယ်တည်ဆောက်သည့် ပြည်ထောင်စုဂုဏ်ပြုဗိမာန်ကို ခမ်းနားအဆင့်မီစွာ တည်ဆောက်ရန်။ • ပြည်တွင်းပြည်ပမှ လာရောက်ဂုဏ်ပြုသူများအတွက် ပန်းစည်းချဂုဏ်ပြုမည့်နေရာများနှင့် ယာဉ်ရပ်နားရန်နေရာများကို စနစ်တကျ စီမံထားရှိရန်။ ၄။ မြို့တော်သန့်ရှင်းသာယာလှပရေးနှင့် စိမ်းလန်းစိုပြေရေး • နေပြည်တော်အတွင်း အဓိကလမ်းမကြီးများ၊ လေဆိပ်အဝင်လမ်းသစ်နှင့် အထင်ကရအဆောက်အဦများ၏ ပတ်ဝန်းကျင်တွင် အရိပ်ရလေကာပင်များ၊ အမြဲစိမ်းသစ်ပင်များနှင့် ပန်းမန်များ စနစ်တကျစိုက်ပျိုးရန်။ • မြို့တော်သန့်ရှင်းသာယာလှပရေးနှင့် စိမ်းလန်းစိုပြေရေးကို အလေးထားဆောင်ရွက်ရန်။ နိုင်ငံတော်သမ္မတသည် လေဆိပ်မှ ရာဇသင်္ဂဟလမ်းကြောင်းတစ်လျှောက် သန့်ရှင်းသာယာလှပရေးနှင့် သစ်ပင်စိုက်ပျိုးထားရှိမှုများကိုလည်းကောင်း၊ ပြည်ထောင်စုဂုဏ်ပြုဗိမာန် တည်ဆောက်ရေးလုပ်ငန်းခွင်အတွင်း လုပ်ငန်းဆောင်ရွက်နေမှုများကိုလည်းကောင်း လှည့်လည်ကြည့်ရှုစစ်ဆေးခဲ့ပြီး တာဝန်ရှိသူများ၏ တင်ပြချက်များအပေါ် လိုအပ်သည်များ လမ်းညွှန်မှာကြားခဲ့သည်။

မြန်မာ့ရိုးရာအနုပညာအမွေအနှစ်များ မျိုးဆက်သစ်များထံ လက်ဆင့်ကမ်းရေးနှင့် ခေတ်မီနည်းပညာဖြင့် ထိန်းသိမ်းမြှင့်တင်ရေး နိုင်ငံတော်သမ္မတ တိုက်တွန်း နေပြည်တော်၊ အောက်တိုဘာ ၂၉ မြန်မာ့ရိုးရာယဉ်ကျေးမှုအမွေအနှစ်များ ရေရှည်ရှင်သန်ထွန်းကားရေးအတွက် မျိုးဆက်သစ်များထံ အနုပညာအမွေများ လက်ဆင့်ကမ်းပေးရန်၊ ခေတ်မီဒစ်ဂျစ်တယ်နည်းပညာဖြင့် မှတ်တမ်းတင်ထိန်းသိမ်းရန်နှင့် နိုင်ငံတကာသို့ ပိုမိုပြန့်ပွားစေရေး ကြိုးပမ်းရန် နိုင်ငံတော်သမ္မတ ဦးမင်းအောင်လှိုင်က တိုက်တွန်းပြောကြားခဲ့ပါသည်။ နိုင်ငံတော်သမ္မတသည် အောက်တိုဘာ ၂၉ ရက်တွင် ကျင်းပသည့် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဂုဏ်ပြုမှတ်တမ်းလွှာပေးအပ်ပွဲနှင့် ဂုဏ်ပြုညစာစားပွဲအခမ်းအနား၌ အမှာစကားပြောကြားရာတွင် အောက်ပါအချက်များကို ထည့်သွင်းပြောကြားခဲ့ပါသည် - ၁။ ယခုနှစ်ပြိုင်ပွဲသည် ဝါရင့်အနုပညာရှင်ကြီးများ၏ ပံ့ပိုးမှုနှင့် မျိုးဆက်သစ်လူငယ်များ၏ တက်ကြွစွာပါဝင်မှုကြောင့် မျှော်မှန်းထားသည်ထက် ပိုမိုအောင်မြင်ခဲ့ပြီး ပါဝင်ဆောင်ရွက်သူအားလုံးကို ကျေးဇူးတင်ဂုဏ်ပြုကြောင်း။ ၂။ ခေတ်မီဖွံ့ဖြိုးတိုးတက်သည့် နိုင်ငံတော်တည်ဆောက်ရာတွင် ရိုးရာယဉ်ကျေးမှု၊ လူမှုကျင့်ဝတ်နှင့် အမျိုးသားရေးစရိုက်လက္ခဏာများ မပျောက်ပျက်စေရေး ထိန်းသိမ်းမြှင့်တင်ရန် လိုအပ်ကြောင်း။ ၃။ အဆို၊ အက၊ အရေး၊ အတီးပြိုင်ပွဲများကို နှစ်စဉ်ကျင်းပခြင်းဖြင့် ယဉ်ကျေးမှုအမွေအနှစ်များ ရှင်သန်ထွန်းကားစေရန်နှင့် မျိုးဆက်သစ်အနုပညာရှင်များ ပေါ်ထွန်းလာစေရန် ရည်ရွယ်ကြောင်း။ ၄။ နည်းပညာဖွံ့ဖြိုးတိုးတက်မှုနှင့် ယဉ်ကျေးမှုဆိုင်ရာ လွှမ်းမိုးမှုများကြားတွင် လူငယ်များ၏ ရိုးရာယဉ်ကျေးမှုအပေါ် မြတ်နိုးမှုနှင့် အမျိုးသားရေးစိတ်ဓာတ် ခိုင်မာစေရန်၊ အခြားယဉ်ကျေးမှုများကိုလည်း နားလည်လေးစားရန် လိုအပ်ကြောင်း။ ၅။ ဝါရင့်အနုပညာရှင်ကြီးများအနေဖြင့် မျိုးဆက်သစ်လူငယ်များအား သားသမီးများသဖွယ် မေတ္တာထား၍ အနုပညာအမွေများ ဆက်လက်သင်ကြားလက်ဆင့်ကမ်းပေးရန် တိုက်တွန်းကြောင်း။ ၆။ မြန်မာ့ရိုးရာအနုပညာပညာရပ်များကို ခေတ်မီဒစ်ဂျစ်တယ်နည်းပညာဖြင့် စနစ်တကျမှတ်တမ်းတင်ထိန်းသိမ်းပြီး နိုင်ငံတကာတွင် ပိုမိုသိရှိလာစေရေး သက်ဆိုင်ရာပညာရှင်များနှင့် ပူးပေါင်းဆောင်ရွက်ရန် တိုက်တွန်းကြောင်း ပြောကြားခဲ့ပါသည်။ ယခုနှစ်ပြိုင်ပွဲတွင် အနုပညာရှင် ၂,၃၄၆ ဦး ပါဝင်ယှဉ်ပြိုင်ခဲ့ပြီး ရွှေ ၁၉၅ ဆု၊ ငွေ ၁၆၇ ဆု၊ ကြေး ၁၆၅ ဆု၊ နှစ်သိမ့်ဆု ၂ ဆုနှင့် အထူးဆု ၂ ဆု စုစုပေါင်း ၅၃၁ ဆု ချီးမြှင့်နိုင်ခဲ့ပါသည်။

နိုင်ငံတော်သမ္မတ ဦးမင်းအောင်လှိုင် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲအခမ်းအနားသို့ တက်ရောက်၍ မိန့်ခွန်းပြောကြား ၊ ရိုးရာအနုပညာအမွေအနှစ်များ ထိန်းသိမ်းရေးနှင့် မျိုးဆက်သစ်အနုပညာရှင်များ ပြုစုပျိုးထောင်ရေး တိုက်တွန်း နေပြည်တော်၊ အောက်တိုဘာ ၂၉ မြန်မာ့ရိုးရာယဉ်ကျေးမှု အနုပညာအမွေအနှစ်များကို မျိုးဆက်သစ်များထံ လက်ဆင့်ကမ်းထိန်းသိမ်းရေး၊ တိုင်းရင်းသားများ၏ ချစ်ကြည်ရင်းနှီးမှုနှင့် ပြည်ထောင်စုစည်းလုံးညီညွတ်ရေး မြှင့်တင်ရေး၊ ခေတ်မီဒီဂျစ်တယ် နည်းပညာများ အသုံးချ၍ ရိုးရာအနုပညာများ ရေရှည်ရှင်သန်ဖွံ့ဖြိုးရေးတို့ကို ဝိုင်းဝန်းကြိုးပမ်းဆောင်ရွက်ကြရန် နိုင်ငံတော်သမ္မတ ဦးမင်းအောင်လှိုင်က ယနေ့နံနက်ပိုင်းတွင် ကျင်းပသည့် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဆုချီးမြှင့်ပွဲအခမ်းအနားတွင် တိုက်တွန်းပြောကြားခဲ့ပါသည်။ နိုင်ငံတော်သမ္မတက ယခင်နှစ် မန္တလေးငလျင်ကြီးကြောင့် မကျင်းပနိုင်ခဲ့သည့် ပြိုင်ပွဲအမျိုးအစားအချို့အပါအဝင် ဝါသနာရှင်အဆင့်၊ ဇာတ်တော်ကြီးနှင့် ရုပ်စုံသဘင်အဖွဲ့လိုက်ပြိုင်ပွဲများကို ယခုနှစ်တွင် ပြန်လည်ထည့်သွင်းကျင်းပနိုင်ခဲ့ကြောင်း၊ မျိုးဆက်သစ်လူငယ်များ၏ ပါဝင်ယှဉ်ပြိုင်မှုနှင့် ဆုရရှိမှု တိုးမြင့်လာခြင်းသည် မြန်မာ့ရိုးရာအနုပညာအပေါ် စိတ်ဝင်စားမြတ်နိုးမှု တိုးတက်လာခြင်းဖြစ်ကြောင်း ပြောကြားခဲ့ပါသည်။ နိုင်ငံတော်သမ္မတ၏ အဓိကလမ်းညွှန်မှာကြားချက်များမှာ— မြန်မာ့ရိုးရာယဉ်ကျေးမှုသည် ဝတ်စားဆင်ယင်မှု၊ ဘာသာစကားနှင့် ရိုးရာဓလေ့ထုံးတမ်းများသာမက မဟာဂီတ၊ ခေတ်ဟောင်းကာလပေါ်တေးသီချင်း၊ မြန်မာ့မူဟန်အက၊ ရိုးရာတူရိယာ၊ ဇာတ်သဘင်နှင့် ရုပ်စုံသဘင်တို့အပါအဝင် ခေတ်အဆက်ဆက် လက်ဆင့်ကမ်းလာသည့် အနုပညာအမွေအနှစ်များဖြစ်သဖြင့် ရိုးရာအနှစ်သာရ မပျောက်ပျက်စေဘဲ ဆက်လက်ထိန်းသိမ်းမြှင့်တင်ကြရန်၊ ဝါရင့်အနုပညာရှင်များ၏ အတွေ့အကြုံနှင့် အတတ်ပညာများကို မျိုးဆက်သစ်များထံ လက်ဆင့်ကမ်းပေးရန်မှာကြားခဲ့ပါသည်။ ထို့အပြင် အဆို၊ အက၊ အရေး၊ အတီးပြိုင်ပွဲများသည် အနုပညာပြိုင်ပွဲများသာမက တိုင်းရင်းသားများ၏ ရိုးရာယဉ်ကျေးမှုများကို ဖော်ထုတ်ထိန်းသိမ်းသည့်ပွဲ၊ မျိုးဆက်သစ်အနုပညာရှင်များ ပေါင်းကူးဆက်သွယ်သည့်ပွဲဖြစ်သဖြင့် မိမိတို့၏ ယဉ်ကျေးမှုကို မြတ်နိုးတန်ဖိုးထားသကဲ့သို့ အခြားတိုင်းရင်းသားများ၏ ယဉ်ကျေးမှုကိုလည်း အပြန်အလှန်လေးစား၍ ပြည်ထောင်စုစည်းလုံးညီညွတ်ရေးကို ပိုမိုခိုင်မာစေရန်မှာကြားခဲ့ပါသည်။ နိုင်ငံဖွံ့ဖြိုးတိုးတက်ရေးအတွက် သဘာဝသယံဇာတ၊ ခေတ်မီနည်းပညာနှင့် လူ့စွမ်းအားအရင်းအမြစ်များသာမက အမျိုးသားယဉ်ကျေးမှုအခြေခံများ ခိုင်မာရန်လည်း လိုအပ်ကြောင်း၊ မျိုးဆက်သစ်လူငယ်များအနေဖြင့် မြန်မာ့သမိုင်းအစဉ်အလာ၊ ရိုးရာယဉ်ကျေးမှုနှင့် လူမှုကျင့်ဝတ်တန်ဖိုးများကို သိရှိနားလည်ပြီး မျိုးချစ်စိတ်ဓာတ်၊ အမျိုးသားရေးစိတ်ဓာတ်နှင့် အမျိုးသားအကျိုးစီးပွားကို ကာကွယ်စောင့်ရှောက်လိုစိတ်များ ရှင်သန်ခိုင်မာလာစေရန် မှာကြားခဲ့ပါသည်။ နိုင်ငံတော်သမ္မတက ဆုရရှိသည့် အနုပညာရှင်များအနေဖြင့် မိမိတို့၏ အနုပညာအရည်အသွေးများ ပိုမိုတိုးတက်စေရန် ဆက်လက်လေ့လာလေ့ကျင့်ကြရန်နှင့် ဆုမရရှိသေးသူများအနေဖြင့်လည်း ဇွဲလုံ့လမလျှော့ဘဲ ဆက်လက်ကြိုးပမ်းကြရန် အားပေးတိုက်တွန်းခဲ့ပြီး မြန်မာ့ရိုးရာယဉ်ကျေးမှုအမွေအနှစ်များ ရေရှည်ရှင်သန်ဖွံ့ဖြိုးရေးအတွက် အနုပညာရှင်များနှင့် တာဝန်ရှိသူများအားလုံး ဝိုင်းဝန်းကြိုးပမ်းဆောင်ရွက်ကြရန် ပြောကြားခဲ့ပါသည်။

နိုင်ငံ့သမိုင်းတွင် မှတ်ကျောက်တင်ခံနိုင်သည့် အစိုးရဖြစ်စေရေး၊ စီးပွားရေးနှင့် လူသားအရင်းအမြစ် ဖွံ့ဖြိုးတိုးတက်ရေး ကြိုးပမ်းဆောင်ရွက်ရန် နိုင်ငံတော်သမ္မတ တိုက်တွန်း နေပြည်တော်၊ အောက်တိုဘာ ၂၈ နိုင်ငံ့သမိုင်းတွင် မှတ်ကျောက်တင်ခံနိုင်သည့် အစိုးရတစ်ရပ်ဖြစ်စေရေးအတွက် တိုင်းပြည်သာယာဝပြောရေး၊ ပြည်သူများ၏ လူမှုစီးပွားဘဝမြှင့်တင်ရေး၊ ကုန်ထုတ်လုပ်မှုတိုးမြှင့်ရေးနှင့် ပညာတတ်လူသားအရင်းအမြစ် ဖွံ့ဖြိုးတိုးတက်ရေးတို့ကို အရှိန်အဟုန်ဖြင့် ဆောင်ရွက်ကြရန် နိုင်ငံတော်သမ္မတ ဦးမင်းအောင်လှိုင်က ယနေ့ နေပြည်တော်ရှိ နိုင်ငံတော်သမ္မတရုံးတော်၌ ကျင်းပသည့် ပြည်ထောင်စုအစိုးရအဖွဲ့အစည်းအဝေးတွင် တိုက်တွန်းပြောကြားခဲ့ပါသည်။ နိုင်ငံတော်သမ္မတက အစိုးရ၏ အဓိကတာဝန်မှာ နိုင်ငံတော်နှင့် နိုင်ငံသားတို့၏ အကျိုးစီးပွားဖော်ဆောင်ရေးဖြစ်ကြောင်း၊ နိုင်ငံတကာနှင့် မြန်မာနိုင်ငံ၏ ရွေးကောက်ပွဲသမိုင်းကြောင်းများမှ သင်ခန်းစာယူ၍ နိုင်ငံ့အရင်းအမြစ်များကို ထိရောက်စွာအသုံးချကာ ပြည်သူများ၏ လူမှုစီးပွားဘဝတိုးတက်ရေး ကြိုးပမ်းဆောင်ရွက်ကြရန် ပြောကြားခဲ့ပါသည်။ နိုင်ငံတော်သမ္မတက အဓိကထား ပြောကြားခဲ့သည်များမှာ - ■ စိုက်ပျိုးမွေးမြူရေးနှင့် ကုန်ထုတ်လုပ်မှုတိုးမြှင့်ရေး စိုက်ပျိုးမွေးမြူရေးလုပ်ငန်းများတွင် ခေတ်မီနည်းပညာနှင့် သုတေသနရလဒ်များ အသုံးချ၍ လိုအပ်သည့် သွင်းအားစုနှင့် ချေးငွေများ ဖြည့်ဆည်းပေးရန်၊ တန်ဖိုးမြှင့်ထုတ်ကုန်များ တိုးမြှင့်ထုတ်လုပ်ကာ ပြည်တွင်းစားသုံးမှုဖူလုံရေး၊ သွင်းကုန်လျှော့ချရေးနှင့် ပို့ကုန်ဈေးကွက်ချဲ့ထွင်ရေး ဆောင်ရွက်ရန် မှာကြားခဲ့ပါသည်။ ■ စီးပွားရေးဖွံ့ဖြိုးတိုးတက်ရေးနှင့် ကုန်ဈေးနှုန်းတည်ငြိမ်ရေး ကုန်ဈေးနှုန်းကြီးမြင့်မှု၊ စက်သုံးဆီနှင့် စားသုံးဆီတင်သွင်းနေရမှု၊ ငွေကြေးတန်ဖိုးမတည်ငြိမ်မှုတို့ကို ဖြေရှင်းရန်၊ CMP အပါအဝင် ပြည်ပရင်းနှီးမြှုပ်နှံမှုလုပ်ငန်းများ အဆင်ပြေစေရေးနှင့် ပြည်တွင်းထုတ်လုပ်မှု၊ အလုပ်အကိုင်အခွင့်အလမ်းများ တိုးမြှင့်ရေး ဆောင်ရွက်ရန် ပြောကြားခဲ့ပါသည်။ ■ လူသားအရင်းအမြစ်နှင့် အလုပ်အကိုင်အခွင့်အလမ်း ဖွံ့ဖြိုးရေး အရည်အသွေးမြင့်လုပ်သားအင်အား မွေးထုတ်၍ ကုန်ထုတ်စွမ်းအား၊ ပို့ကုန်နှင့် GDP တိုးတက်စေရန်၊ ၂၀၂၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းအရ အသက် ၂၅ နှစ်အထက် အလယ်တန်းပညာပြီးဆုံးသူ ၈ သန်းခန့်အတွက် အသက်မွေးဝမ်းကြောင်းသင်တန်းများ ဖွင့်လှစ်ပေးရန်နှင့် အမျိုးသမီးများ၊ အလုပ်လုပ်ကိုင်နိုင်သည့် လူလတ်ပိုင်းများကို ကုန်ထုတ်လုပ်ငန်းများတွင် ပါဝင်ဆောင်ရွက်စေရန် မှာကြားခဲ့ပါသည်။ ■ တရားမဝင်ကုန်သွယ်မှု တိုက်ဖျက်ရေး နယ်စပ်ဒေသများ၌ တရားမဝင်ကုန်သွယ်မှုနှင့် ငွေကြေးစီးဆင်းမှုများကို ထိရောက်စွာတားဆီး၍ နိုင်ငံ့အခွန်ဘဏ္ဍာဆုံးရှုံးမှု လျှော့ချရန်၊ တရားဝင်ကုန်သွယ်ရေးလမ်းကြောင်းများ မြှင့်တင်ကာ ပြည်ပဈေးကွက်သစ်များ ရှာဖွေရန်နှင့် နယ်မြေတည်ငြိမ်အေးချမ်းရေး ဆောင်ရွက်ရန် ပြောကြားခဲ့ပါသည်။ ■ ပညာရေးကွာဟချက်လျှော့ချရေးနှင့် မျိုးဆက်သစ်များ ပြုစုပျိုးထောင်ရေး KG+9 မသင်မနေရပညာရေးစနစ် အကောင်အထည်ဖော်၍ မြို့ပြနှင့် ကျေးလက်အကြား ပညာရေးနှင့် လူနေမှုအဆင့်အတန်းကွာဟမှု လျှော့ချရန်၊ ပညာရေးနှင့် အလုပ်အကိုင်အခွင့်အလမ်းများ လက်လှမ်းမီစေရန်နှင့် လူငယ်များ၏ မျိုးချစ်စိတ်ဓာတ်၊ အမျိုးသားရေးလက္ခဏာ မြှင့်တင်ရေးအတွက် သမိုင်းနှင့် ယဉ်ကျေးမှုပြတိုက်များသို့ လေ့လာရေးခရီးစဉ်များ စီစဉ်ရန် မှာကြားခဲ့ပါသည်။ ■ အားကစားကဏ္ဍ မြှင့်တင်ရေး နိုင်ငံ့အားကစားအဆင့်အတန်း မြှင့်တင်ရန် အားကစားသမားများကို နည်းစနစ်နှင့် ကြံ့ခိုင်ရေးနည်းပြများဖြင့် စနစ်တကျလေ့ကျင့်ပေးရန်၊ အားကစားကွင်းများ အဆင့်မြှင့်တင်ရန်နှင့် ဆောင်းရာသီတွင် ကျောင်း၊ ဌာန၊ မြို့နယ်နှင့် ကျေးလက်အလိုက် အားကစားပြိုင်ပွဲများကို လူထုလှုပ်ရှားမှုအသွင်ဖြင့် ကျင်းပရန် မှာကြားခဲ့ပါသည်။ အစည်းအဝေးတွင် ပြည်ထောင်စုဝန်ကြီးများက သက်ဆိုင်ရာကဏ္ဍအလိုက် ဆွေးနွေးတင်ပြခဲ့ကြပြီး နိုင်ငံတော်သမ္မတက ပွင့်လင်းရာသီသို့ ရောက်ရှိလာပြီဖြစ်သဖြင့် နိုင်ငံတော်ဖွံ့ဖြိုးတိုးတက်ရေးလုပ်ငန်းများကို ကဏ္ဍပေါင်းစုံမှ အရှိန်အဟုန်ဖြင့် ဆက်လက်အကောင်အထည်ဖော်ကြရန် တိုက်တွန်းမှာကြားခဲ့ပါသည်။

နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ ဦးဆောင်သည့် ကိုယ်စားလှယ်အဖွဲ့ လာရောက် တွေ့ဆုံ၊ ရင်းနှီးမြှုပ်နှံမှုတိုးမြှင့်ရေး၊ သတ္တုတူးဖော်ရေးနှင့် နည်းပညာ ပူးပေါင်း ဆောင်ရွက်ရေးတို့ ဆွေးနွေး နေပြည်တော်၊ အောက်တိုဘာ ၂၈ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ မစ္စတာ ဗလာဒီစလပ် စဗစ်ဘလော့ဗ် (Mr. Vladislav V. Sviblov) ဦးဆောင်သည့် ကိုယ်စား လှယ်အဖွဲ့က ယနေ့ နံနက်ပိုင်းတွင် နိုင်ငံတော် သမ္မတရုံးတော်ဧည့်ခန်းမ၌ လာရောက် ဂါဝရပြုတွေ့ဆုံခဲ့ပါသည်။ တွေ့ဆုံစဉ် Areal Group of Companies ၏ အကြီးအကဲက မြန်မာနိုင်ငံ၌ လက်ရှိ ဆောင်ရွက်လျက်ရှိသည့် ရင်းနှီးမြှုပ်နှံမှုလုပ်ငန်းများကို ပိုမိုတိုးမြှင့်ဆောင်ရွက်သွားရန်၊ ရှိပြီးဖြစ်သည့် စီးပွားရေးပူးပေါင်းဆောင်ရွက်မှုများကို တိုးချဲ့ရန်နှင့် နှစ်ဖက်အကြား တည်ဆောက်ထားသည့် ယုံကြည်မှုကို ပိုမိုခိုင်မာစေရန် ရည်ရွယ်ထားကြောင်း ဆွေးနွေးတင်ပြခဲ့ပါသည်။ ရုရှားနိုင်ငံတွင် နည်းပညာအသစ်များ ပိုင်ဆိုင်ထားပြီး ယင်းနည်းပညာများကို မြန်မာနိုင်ငံ၌ အသုံးချနိုင်ရေးနှင့် နည်းပညာအခြေပြုလုပ်ငန်းများတွင် နှစ်နိုင်ငံအကြား ပူးပေါင်းဆောင်ရွက်မှုများ တိုးမြှင့်သွားနိုင်ရေးတို့ကိုလည်း ဆွေးနွေး ခဲ့ကြပါသည်။ တွေ့ဆုံပွဲတွင် လက်ရှိရင်းနှီးမြှုပ်နှံမှုနှင့် စီးပွားရေးဆက်ဆံမှုများ ပိုမိုခိုင်မာလာစေရေး၊ မြန်မာနိုင်ငံ၏ သဘာဝအရင်းအမြစ်များကို အကျိုးရှိစွာ အသုံးချနိုင်ရေးနှင့် ရုရှား နိုင်ငံ၏ နည်းပညာများဖြင့် ပူးပေါင်းဆောင်ရွက်မှုများ တိုးမြှင့်နိုင်ရေးတို့ကို အဓိကထား ဆွေးနွေးခဲ့ကြောင်း သိရှိရပါသည်။

နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ ဦးဆောင်သည့် ကိုယ်စားလှယ်အဖွဲ့ လာရောက် တွေ့ဆုံ၊ ရင်းနှီးမြှုပ်နှံမှုတိုးမြှင့်ရေး၊ သတ္တုတူးဖော်ရေးနှင့် နည်းပညာ ပူးပေါင်း ဆောင်ရွက်ရေးတို့ ဆွေးနွေး နေပြည်တော်၊ အောက်တိုဘာ ၂၈ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ မစ္စတာ ဗလာဒီစလပ် စဗစ်ဘလော့ဗ် (Mr. Vladislav V. Sviblov) ဦးဆောင်သည့် ကိုယ်စား လှယ်အဖွဲ့က ယနေ့ နံနက်ပိုင်းတွင် နိုင်ငံတော် သမ္မတရုံးတော်ဧည့်ခန်းမ၌ လာရောက် ဂါဝရပြုတွေ့ဆုံခဲ့ပါသည်။ တွေ့ဆုံစဉ် Areal Group of Companies ၏ အကြီးအကဲက မြန်မာနိုင်ငံ၌ လက်ရှိ ဆောင်ရွက်လျက်ရှိသည့် ရင်းနှီးမြှုပ်နှံမှုလုပ်ငန်းများကို ပိုမိုတိုးမြှင့်ဆောင်ရွက်သွားရန်၊ ရှိပြီးဖြစ်သည့် စီးပွားရေးပူးပေါင်းဆောင်ရွက်မှုများကို တိုးချဲ့ရန်နှင့် နှစ်ဖက်အကြား တည်ဆောက်ထားသည့် ယုံကြည်မှုကို ပိုမိုခိုင်မာစေရန် ရည်ရွယ်ထားကြောင်း ဆွေးနွေးတင်ပြခဲ့ပါသည်။ ရုရှားနိုင်ငံတွင် နည်းပညာအသစ်များ ပိုင်ဆိုင်ထားပြီး ယင်းနည်းပညာများကို မြန်မာနိုင်ငံ၌ အသုံးချနိုင်ရေးနှင့် နည်းပညာအခြေပြုလုပ်ငန်းများတွင် နှစ်နိုင်ငံအကြား ပူးပေါင်းဆောင်ရွက်မှုများ တိုးမြှင့်သွားနိုင်ရေးတို့ကိုလည်း ဆွေးနွေး ခဲ့ကြပါသည်။ တွေ့ဆုံပွဲတွင် လက်ရှိရင်းနှီးမြှုပ်နှံမှုနှင့် စီးပွားရေးဆက်ဆံမှုများ ပိုမိုခိုင်မာလာစေရေး၊ မြန်မာနိုင်ငံ၏ သဘာဝအရင်းအမြစ်များကို အကျိုးရှိစွာ အသုံးချနိုင်ရေးနှင့် ရုရှား နိုင်ငံ၏ နည်းပညာများဖြင့် ပူးပေါင်းဆောင်ရွက်မှုများ တိုးမြှင့်နိုင်ရေးတို့ကို အဓိကထား ဆွေးနွေးခဲ့ကြပါသည်။

နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ ဦးဆောင်သည့် ကိုယ်စားလှယ်အဖွဲ့ လာရောက် တွေ့ဆုံ၊ ရင်းနှီးမြှုပ်နှံမှုတိုးမြှင့်ရေး၊ သတ္တုတူးဖော်ရေးနှင့် နည်းပညာ ပူးပေါင်း ဆောင်ရွက်ရေးတို့ ဆွေးနွေး နေပြည်တော်၊ အောက်တိုဘာ ၂၈ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ ရုရှားနိုင်ငံအခြေစိုက် Areal Group of Companies ၏ အကြီးအကဲဖြစ်သူ မစ္စတာ ဗလာဒီစလပ် စဗစ်ဘလော့ဗ် (Mr. Vladislav V. Sviblov) ဦးဆောင်သည့် ကိုယ်စား လှယ်အဖွဲ့က ယနေ့ နံနက်ပိုင်းတွင် နိုင်ငံတော် သမ္မတရုံးတော်ဧည့်ခန်းမ၌ လာရောက် ဂါဝရပြုတွေ့ဆုံခဲ့ပါသည်။ တွေ့ဆုံစဉ် Areal Group of Companies ၏ အကြီးအကဲက မြန်မာနိုင်ငံ၌ လက်ရှိ ဆောင်ရွက်လျက်ရှိသည့် ရင်းနှီးမြှုပ်နှံမှုလုပ်ငန်းများကို ပိုမိုတိုးမြှင့်ဆောင်ရွက်သွားရန်၊ ရှိပြီးဖြစ်သည့် စီးပွားရေးပူးပေါင်းဆောင်ရွက်မှုများကို တိုးချဲ့ရန်နှင့် နှစ်ဖက်အကြား တည်ဆောက်ထားသည့် ယုံကြည်မှုကို ပိုမိုခိုင်မာစေရန် ရည်ရွယ်ထားကြောင်း ဆွေးနွေးတင်ပြခဲ့ပါသည်။ ရုရှားနိုင်ငံတွင် နည်းပညာအသစ်များ ပိုင်ဆိုင်ထားပြီး ယင်းနည်းပညာများကို မြန်မာနိုင်ငံ၌ အသုံးချနိုင်ရေးနှင့် နည်းပညာအခြေပြုလုပ်ငန်းများတွင် နှစ်နိုင်ငံအကြား ပူးပေါင်းဆောင်ရွက်မှုများ တိုးမြှင့်သွားနိုင်ရေးတို့ကိုလည်း ဆွေးနွေး ခဲ့ကြပါသည်။ တွေ့ဆုံပွဲတွင် လက်ရှိရင်းနှီးမြှုပ်နှံမှုနှင့် စီးပွားရေးဆက်ဆံမှုများ ပိုမိုခိုင်မာလာစေရေး၊ မြန်မာနိုင်ငံ၏ သဘာဝအရင်းအမြစ်များကို အကျိုးရှိစွာ အသုံးချနိုင်ရေးနှင့် ရုရှား နိုင်ငံ၏ နည်းပညာများဖြင့် ပူးပေါင်းဆောင်ရွက်မှုများ တိုးမြှင့်နိုင်ရေးတို့ကို အဓိကထား ဆွေးနွေးခဲ့ကြောင်း သိရှိရပါသည်။

မြန်မာ့ရိုးရာယဉ်ကျေးမှု အနုပညာအမွေအနှစ်များ ထိန်းသိမ်းမြှင့်တင်ရေး (၂၇) ကြိမ်မြောက် အဆို၊ အက၊ အရေး၊ အတီးပြိုင်ပွဲကို နိုင်ငံတော်သမ္မတနှင့် ဇနီး တက်ရောက်ကြည့်ရှုအားပေး နေပြည်တော်၊ အောက်တိုဘာ ၂၅ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှတို့သည် ယနေ့မွန်းလွဲပိုင်းတွင် နေပြည်တော်ရှိ ဆင်ဖြူရှင်ခန်းမ၊ ပုဗ္ဗသီရိတပ်နယ်အားကစားခန်းမနှင့် ညပိုင်းတွင် နေပြည်တော်စည်ပင်သာယာရေးကော်မတီ မြို့တော်ခန်းမရှိ လဟာပြင်ဇာတ်ရုံတို့၌ ကျင်းပလျက်ရှိသည့် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ယှဉ်ပြိုင်နေမှုများကို တက်ရောက်ကြည့်ရှုအားပေးခဲ့ကြပါသည်။ ■ မြန်မာ့ရိုးရာအကနှင့် စန္ဒရားအတီးပြိုင်ပွဲများကို ကြည့်ရှုအားပေး နိုင်ငံတော်သမ္မတနှင့် ဇနီးတို့သည် ဆင်ဖြူရှင်ခန်းမ၌ ကျင်းပသည့် ဝါသနာရှင်အဆင့်(ဒုတိယတန်း)(အမျိုးသား) အကပြိုင်ပွဲတွင် တိုင်းဒေသကြီးနှင့် ပြည်နယ်များမှ ပြိုင်ပွဲဝင်များ၏ စည်းချက်ညီညီ ကပြယှဉ်ပြိုင်နေမှုများ၊ ပုဗ္ဗသီရိတပ်နယ်အားကစားခန်းမ၌ ကျင်းပသည့် ဝါသနာရှင်အဆင့် အမျိုးသားစန္ဒရားအတီးပြိုင်ပွဲတွင် ပြိုင်ပွဲဝင်များက ချစ်သမျှကို (ပတ်ပျိုး) သီချင်းဖြင့် တီးခတ်ယှဉ်ပြိုင်နေမှုများကို ကြည့်ရှုအားပေးခဲ့ကြပြီး ပြိုင်ပွဲအပြီးတွင် အကဲဖြတ်ပညာရှင်များ၊ ပြိုင်ပွဲဝင်များနှင့် လာရောက်အားပေးကြသူများကို ရင်းရင်းနှီးနှီး နှုတ်ဆက်ခဲ့ကြပါသည်။ ■ “ဝိဓူရ” ဇာတ်တော်ကြီး ကပြယှဉ်ပြိုင်မှုကို ကြည့်ရှုအားပေး ညပိုင်းတွင် နိုင်ငံတော်သမ္မတနှင့် ဇနီးတို့သည် နိုင်ငံတော်အဆင့်ပုဂ္ဂိုလ်များ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများနှင့် ဇနီးများ၊ အဖွဲ့ဝင်များနှင့်အတူ လဟာပြင်ဇာတ်ရုံ၌ ယှဉ်ပြိုင်ကျင်းပလျက်ရှိသည့် ဗုဒ္ဓဝင်ဆယ်ဘွဲ့လာ “ဝိဓူရ” ဇာတ်တော်ကြီး ကပြယှဉ်ပြိုင်မှုကို တက်ရောက်ကြည့်ရှုအားပေးခဲ့ကြပါသည်။ ■ ပြိုင်ပွဲဝင် ၂,၄၀၀ ကျော်ဖြင့် အောက်တိုဘာ ၂၉ ရက်အထိ ကျင်းပမည် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကို ပြိုင်ပွဲအမျိုးအစားများအလိုက် တိုင်းဒေသကြီးနှင့် ပြည်နယ်များမှ ပြိုင်ပွဲဝင်စုစုပေါင်း ၂,၄၀၀ ကျော် ပါဝင်ယှဉ်ပြိုင်လျက်ရှိပြီး အောက်တိုဘာ ၂၉ ရက်အထိ ဆက်လက်ကျင်းပသွားမည်ဖြစ်ပါသည်။

ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ်မှ ပညာရေးဘွဲ့ရ ဆရာ၊ ဆရာမများအနေဖြင့် တပည့်များ၏ ပညာရည်၊ အကျင့်စာရိတ္တနှင့် ပြည်ထောင်စုစိတ်ဓာတ် ဖွံ့ဖြိုးရေး ကြိုးပမ်းကြရန် နိုင်ငံတော်သမ္မတ တိုက်တွန်း နေပြည်တော်၊ အောက်တိုဘာ ၂၂ ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ်၊ ပညာရေးဘွဲ့ ၅ နှစ်သင်တန်း အမှတ်စဉ် (၈) ၏ ဩဝါဒခံယူပွဲအခမ်းအနားကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတအိမ်တော်၊ ငုရွှေဝါခန်းမတွင် ကျင်းပရာ နိုင်ငံတော်သမ္မတ ဦးမင်းအောင်လှိုင်က သင်တန်းဆင်း ဆရာ၊ ဆရာမများအနေဖြင့် မိမိတို့သင်ယူတတ်မြောက်ထားသည့် ပညာရပ်များကို လက်တွေ့အသုံးချ၍ တာဝန်ကျရာဒေသများရှိ ကျောင်းသားလူငယ်များ၏ အနာဂတ်ကို ပုံဖော်ပေးကြရန်၊ ပညာရည်ပြည့်ဝရုံသာမက အကျင့်စာရိတ္တကောင်းမွန်ပြီး ပြည်ထောင်စုစိတ်ဓာတ် ခိုင်မာသည့် လူငယ်များဖြစ်လာစေရေး ပြုစုပျိုးထောင်ပေးကြရန် တိုက်တွန်းပြောကြားခဲ့သည်။ နိုင်ငံတော်သမ္မတ၏ အဓိက လမ်းညွှန်မှာကြားချက်များမှာ- ■ ပညာရေးကဏ္ဍ ဖွံ့ဖြိုးတိုးတက်ရေး ပြည်ထောင်စုတိုင်းရင်းသားလူမျိုးများဖွံ့ဖြိုးရေးသိပ္ပံကို ၁၉၆၄ ခုနှစ်၊ အောက်တိုဘာ ၂၀ ရက်တွင် စတင်ဖွင့်လှစ်ခဲ့ပြီး ၁၉၉၁ ခုနှစ်၊ မေလ ၁၀ ရက်တွင် တက္ကသိုလ်အဖြစ် အဆင့်မြှင့်တင်ခဲ့ကာ ယနေ့အထိ သင်တန်းဆင်း ဆရာ၊ ဆရာမ စုစုပေါင်း ၁၄,၆၉၈ ဦးကို မွေးထုတ်ပေးနိုင်ခဲ့ကြောင်း၊ နိုင်ငံရေရှည်ဖွံ့ဖြိုးတိုးတက်ရေးအတွက် လူ့စွမ်းအားအရင်းအမြစ်များကို မှန်ကန်စွာ ပြုစုပျိုးထောင် ပေးရန် လိုအပ်ကြောင်း ပြောကြားခဲ့သည်။ ၂၀၂၆-၂၀၂၇ ဘဏ္ဍာရေးနှစ်တွင် ပညာရေးဝန်ကြီးဌာနအတွက် နိုင်ငံတော်ဘဏ္ဍာငွေ၏ ၆ ဒသမ ၉၂ ရာခိုင်နှုန်း၊ အခြားဝန်ကြီးဌာနများ၏ ပညာရေးအသုံးစရိတ်များပါ ထည့်တွက်ပါက ၉ ဒသမ ၂၂ ရာခိုင်နှုန်း အသုံးပြုရန် ခွင့်ပြုထားကြောင်း၊ ပညာရေးအသုံးစရိတ်ကို အဆင့်ဆင့်တိုးမြှင့်သွားရန် ရည်မှန်းထားကြောင်းနှင့် KG+9 မသင်မနေရပညာရေးစနစ်အပါအဝင် ကျောင်းနေအရွယ်ကလေး များအားလုံး ပညာသင်ယူနိုင်ရေး၊ ကျောင်းပြင်ပရောက် လူငယ်များ ပြန်လည်ပညာသင်ယူနိုင်ရေး တို့ကို ဆောင်ရွက်လျက်ရှိကြောင်း အသိပေးပြောကြားခဲ့သည်။ ■ ဆရာ၊ ဆရာမများ၏ သင်ကြားရေးစွမ်းရည်နှင့် ဆရာ့ကျင့်ဝတ် မြှင့်တင်ရေး ဆရာ၊ ဆရာမများအနေဖြင့် မိမိတို့၏ သင်ကြားရေးစွမ်းရည်ကို စဉ်ဆက်မပြတ် မြှင့်တင်ကြရန်၊ အလွတ်ကျက်မှတ်စေသည့် နည်းလမ်းတစ်ခုတည်းကို အားမကိုးဘဲ ကျောင်းသား၊ ကျောင်းသူများ၏ စဉ်းစားတွေးခေါ်နိုင်စွမ်း၊ ဝေဖန်ဆန်းစစ်နိုင်စွမ်းနှင့် တီထွင်ဖန်တီးနိုင်စွမ်းတို့ တိုးတက်လာအောင် လမ်းညွှန်ပေးကြရန် မှာကြားခဲ့သည်။ ထို့ပြင် “အမျိုးသားစည်းကမ်းအစ စာသင်ကျောင်းက” ဆိုသည့်အတိုင်း ဆရာ၊ ဆရာမများက စံပြပုဂ္ဂိုလ်များအဖြစ် ရပ်တည်ပြီး ကျောင်းသား၊ ကျောင်းသူအားလုံးအပေါ် မျှမျှတတဆက်ဆံရန်၊ ဆရာ့ဝတ်ငါးပါးကို နားလည်ရုံသာမက နေ့စဉ်သင်ကြားရေးလုပ်ငန်းများတွင် လက်တွေ့ကျင့်သုံး ကြရန် တိုက်တွန်းခဲ့သည်။ ■ တိုင်းရင်းသားစည်းလုံးညီညွတ်ရေးနှင့် ပြည်ထောင်စုစိတ်ဓာတ် ခိုင်မာရေး တိုင်းရင်းသားလူမျိုးများ၊ ဘာသာစကားများနှင့် ယဉ်ကျေးမှုများ မတူကွဲပြားစွာ တည်ရှိနေခြင်းသည် နိုင်ငံ၏ ယဉ်ကျေးမှုအမွေအနှစ်များကို ကြွယ်ဝစေသည့် အရင်းအမြစ်များဖြစ်ကြောင်း၊ တိုင်းရင်း သားအချင်းချင်း အပြန်အလှန်နားလည်လေးစားမှု၊ ယုံကြည်မှုနှင့် စည်းလုံးညီညွတ်မှုတို့ တည်ဆောက်ရန် လိုအပ်ကြောင်း ပြောကြားခဲ့သည်။ သင်တန်းဆင်း ဆရာ၊ ဆရာမများအနေဖြင့် တာဝန်ကျရာဒေသများတွင် တိုင်းရင်းသား ပြည်သူများ အကြား ချစ်ခင်ရင်းနှီးမှု၊ အပြန်အလှန်နားလည်မှုနှင့် ပြည်ထောင်စုစိတ်ဓာတ် ပိုမိုခိုင်မာလာစေရေး မိမိတို့ကိုယ်တိုင် စံနမူနာပြ ဆောင်ရွက်ကြရန် တိုက်တွန်းခဲ့သည်။ ■ လူငယ်များ၏ ပညာရေးနှင့် ဘက်စုံအရည်အချင်း ဖွံ့ဖြိုးရေး ၂၀၂၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းအရ အသက် ၁၅ နှစ်မှ ၂၄ နှစ်အတွင်း လူငယ်များသည် နိုင်ငံလူဦးရေ၏ ၁၆ ရာခိုင်နှုန်းကျော်ရှိကြောင်း၊ လူငယ်များ၏ ပညာရေး၊ အားကစားနှင့် တီထွင်ဖန်တီးမှုဆိုင်ရာ အခွင့်အလမ်းများကို ဟန်ချက်ညီစွာ ဖော်ဆောင်ပေးရန် လိုအပ်ကြောင်း ပြောကြားခဲ့သည်။ ဆရာ၊ ဆရာမများအနေဖြင့် တာဝန်ကျရာဒေသများရှိ ထူးချွန်သည့် လူငယ်များ၏ အရည်အချင်းကို ဖော်ထုတ်ပေးပြီး အသိပညာ၊ အတတ်ပညာ၊ ကိုယ်ကျင့်တရား၊ ကိုယ်ခန္ဓာကြံ့ခိုင်မှုနှင့် စိတ်ဓာတ် ခိုင်မာမှုတို့ ပြည့်စုံလာအောင် ပြုစုပျိုးထောင်ပေးကြရန် မှာကြားခဲ့သည်။ ■ နိုင်ငံ့ဝန်ထမ်းကောင်းများအဖြစ် တာဝန်ကျေပွန်ရေး မကြာမီ နိုင်ငံ့ဝန်ထမ်းများဖြစ်လာကြမည့် သင်တန်းဆင်း ဆရာ၊ ဆရာမများအနေဖြင့် သက်ဆိုင်ရာ ဥပဒေ၊ စည်းမျဉ်းစည်းကမ်းနှင့် လုပ်ငန်းခွင်ကျင့်ဝတ်များကို လိုက်နာကြရန်၊ ရိုးသားဖြောင့်မတ်မှု၊ တာဝန်ကျေပွန်မှုနှင့် အများပြည်သူအပေါ် စေတနာထားမှုတို့ဖြင့် နိုင်ငံတော်နှင့် ပြည်သူ့အကျိုးကို သယ်ပိုးဆောင်ရွက်ကြရန် နိုင်ငံတော်သမ္မတက အလေးအနက် တိုက်တွန်းပြောကြားခဲ့သည်။

မြန်မာ့ပေါ်ဆန်း ကမ္ဘာ့အကောင်းဆုံးဆန်ဆု ဒုတိယအကြိမ်ရရှိမှုကို အခြေခံ၍ အရည် အသွေးမြှင့်တင်ရေး၊ နိုင်ငံတကာဈေးကွက်ချဲ့ထွင်ရေးနှင့် တောင်သူဝင်ငွေ တိုးတက်ရေး ဆောင်ရွက်ရန် နိုင်ငံတော်သမ္မတ တိုက်တွန်း နေပြည်တော်၊ အောက်တိုဘာ ၂၂ မြန်မာ့ပေါ်ဆန်းဆန် ၂၀၂၆ ခုနှစ် ကမ္ဘာ့အကောင်းဆုံးဆန်ဆု (World’s Best Rice Award) ဒုတိယအကြိမ်ရရှိမှုကို အခြေခံ၍ အရည်အသွေးမြှင့်တင်ရေး၊ နိုင်ငံတကာဈေးကွက် ချဲ့ထွင်ရေးနှင့် တောင်သူလယ်သမားများ ဝင်ငွေတိုးတက်ရေးတို့ကို လက်တွေ့ အကောင် အထည်ဖော်ဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က မြန်မာ့ပေါ်ဆန်းဆန် စိုက်ပျိုးထုတ်လုပ်တင်ပို့ရောင်းချသူများ ဂုဏ်ပြုပွဲ အခမ်းအနားတွင် တိုက်တွန်း ပြောကြား ခဲ့ပါသည်။ နိုင်ငံတော်သမ္မတက မြန်မာ့ပေါ်ဆန်းဆန်သည် ကမ္ဘာ့အဆင့်အတန်းမီ ဆန်မျိုးကောင်း ဖြစ်သော်လည်း အကြောင်းအမျိုးမျိုးကြောင့် နိုင်ငံတကာဈေးကွက်တွင် သတင်းမှိန် ခဲ့ရပါသည်။ ထို့ကြောင့် “မြန်မာ့ပေါ်ဆန်း တစ်ခေတ်ဆန်းရမည်”ဟု ကမ္ဘာ့ဈေးကွက် ဝင်နိုင်ရေးအတွက် ရည်ရွယ်လှုံ့ဆော်ပေးခဲ့ပြီး တာဝန်ရှိသူ အသီးသီး၏ ကြိုးပမ်းအား ထုတ်မှုဖြင့် ယခုကဲ့သို့ ကမ္ဘာ့အကောင်းဆုံးဆန်အဖြစ် သတ်မှတ်ခြင်းခံရခြင်းဖြစ်ကြောင်း‌ ပြောကြားခဲ့ ပါသည်။ မြန်မာ့ပေါ်ဆန်းဆန်သည် ၂၀၁၁ ခုနှစ်နောက်ပိုင်း အချိန် ၁၅ နှစ်အကြာတွင် ကမ္ဘာ့ အကောင်းဆုံးဆန်ဆုကို ဒုတိယအကြိမ် ဆွတ်ခူးရရှိခဲ့ခြင်းဖြစ်ပြီး မြန်မာ့ပေါ်ဆန်းဆန်၏ အရည်အသွေး၊ မွှေးရနံ့နှင့် အရသာတို့ကို နိုင်ငံတကာက ထပ်မံအသိအမှတ်ပြုခြင်း ဖြစ်ကြောင်း ပြောကြားခဲ့ပါသည်။ အဓိကလမ်းညွှန်မှာကြားချက်များမှာ— ၁။ မြန်မာ့ပေါ်ဆန်းကို အမျိုးသားအဆင့် ကုန်အမှတ်တံဆိပ်အဖြစ် မြှင့်တင်ရေး မြန်မာ့ပေါ်ဆန်းကို ထိုင်းနိုင်ငံ၏ Hom Mali၊ အိန္ဒိယနိုင်ငံ၏ Basmati နှင့် ဗီယက်နမ် နိုင်ငံ၏ ST25 ဆန်များကဲ့သို့ နိုင်ငံတကာအသိအမှတ်ပြု အရည်အသွေးမြင့် အမျိုးသားကုန် အမှတ်တံဆိပ် (National Brand) အဖြစ် တည်ဆောက်ရန်နှင့် Premium Rice အဖြစ် တင်ပို့နိုင်ရေး ဆောင်ရွက်ရန်။ ၂။ မျိုးကောင်းမျိုးသန့်ထိန်းသိမ်း၍ အရည်အသွေးမြင့် ထုတ်လုပ်မှုတိုးချဲ့ရေး ပေါ်ဆန်းစိုက်ပျိုးရန် သင့်လျော်သည့်ဒေသများ၌ ပေါ်ဆန်းဇုန်များ တိုးချဲ့ဖော်ဆောင်ရန်၊ ရေမြေရာသီဥတုနှင့် ဈေးကွက်လိုအပ်ချက်အလိုက် မျိုးကောင်းမျိုးသန့်များ ရွေးချယ် ဖြန့်ဖြူးရန်၊ မျိုးဗီဇအရင်းအမြစ်များကို မျိုးစေ့ဘဏ်၌ ထိန်းသိမ်းရန်နှင့် Digital Agriculture၊ Precision Agriculture နည်းပညာများ အသုံးချရန်။ JICA နှင့် ပူးပေါင်း မွေးမြူထားသည့် ရေဆင်းပေါ်ဆန်း-၁ နှင့် ရေဆင်းပေါ်ဆန်း-၂ မျိုးသစ်များကိုလည်း တောင်သူများ လက်တွေ့အသုံးချနိုင်ရေး ဆောင်ရွက်ရန်။ ၃။ တောင်သူဝင်ငွေတိုးတက်ရေးနှင့် ဈေးကွက်အာမခံချက်ရရှိရေး တောင်သူအစုအဖွဲ့များဖွဲ့စည်း၍ စုပေါင်းစိုက်ပျိုး၊ ဝယ်ယူ၊ ရောင်းချသည့်စနစ် မြှင့်တင်ရန်၊ ရိတ်သိမ်းပြီးနောက် အခြောက်ခံ၊ သိုလှောင်၊ ကြိတ်ခွဲနှင့် သယ်ယူပို့ဆောင်မှု ဆုံးရှုံးမှု လျှော့ချရန်၊ ကြိုတင်ဝယ်ယူရေးစာချုပ်များဖြင့် ဆန်စက်နှင့် ပို့ကုန်လုပ်ငန်းရှင် များထံ တိုက်ရိုက်ချိတ်ဆက်ရန်။ စိုက်ပျိုးစရိတ်ချေးငွေ၊ သွင်းအားစု၊ စက်ကိရိယာနှင့် Cashless ငွေပေးချေမှုဝန်ဆောင်မှုများ လွယ်ကူစွာရရှိရေး ဆောင်ရွက်ရန်။ ၄။ နိုင်ငံတကာအရည်အသွေးစံချိန်စံညွှန်းနှင့် ကုန်အမှတ်တံဆိပ်ကာကွယ်ရေး ပေါ်ဆန်းဆန်မျိုးကွဲရောနှောမှုနှင့် အရည်အသွေးမမှန်ကန်မှုများ တားဆီးရန်၊ မူရင်းဒေသ အတည်ပြုနိုင်သည့် ပထဝီဒေသဆိုင်ရာ အညွှန်းအမှတ်အသား (GI) စနစ် လေ့လာ ဆောင်ရွက်ရန်၊ GAP၊ GMP၊ HACCP စံချိန်စံညွှန်းများနှင့် အရည်အသွေးစစ်ဆေးအတည်ပြု မှုစနစ်များ အားကောင်းစေရန်။ ၅။ နိုင်ငံတကာဈေးကွက်ချဲ့ထွင်၍ ပို့ကုန်တန်ဖိုးမြှင့်တင်ရေး မြန်မာ့ပေါ်ဆန်းကို အရည်အသွေးမြင့်ဆန်အဖြစ် နိုင်ငံတကာဈေးကွက်သစ်များသို့ တိုးချဲ့ တင်ပို့ရန်၊ အွန်လိုင်းဈေးကွက်၊ နိုင်ငံတကာအစားအစာပြပွဲများနှင့် ဟိုတယ်၊ စားသောက် ဆိုင်လုပ်ငန်းများမှတစ်ဆင့် စားသုံးသူအသစ်များထံ ရောက်ရှိစေရန်နှင့် ၂၀၂၆-၂၀၂၇ ဘဏ္ဍာနှစ် ဆန်တင်ပို့မှုရည်မှန်းချက်တွင် အရည်အသွေးမြင့်ဆန်များ၏ အခန်းကဏ္ဍ မြှင့်တင်ရန်။ ၆။ လက်တွေ့အကောင်အထည်ဖော်ရေး လုပ်ငန်းစီမံချက်များ ရေးဆွဲဆောင်ရွက်ရေး အစိုးရ၊ ပုဂ္ဂလိက၊ စိုက်ပျိုးရေးပညာရှင်၊ သုတေသီနှင့် တောင်သူများ ပူးပေါင်း၍ ရေတို၊ အလယ်အလတ်နှင့် ရေရှည်လုပ်ငန်းစီမံချက်များ ရေးဆွဲရန်၊ မျိုးသန့်မျိုးစေ့ထုတ်လုပ်မှု၊ အရည်အသွေးမြင့်စိုက်ပျိုးဧက၊ ထုတ်လုပ်မှုစရိတ်၊ တောင်သူဝင်ငွေနှင့် နိုင်ငံတကာ ဈေးကွက်ရရှိမှုတို့ကို တိုင်းတာစစ်ဆေး၍ အဆင့်လိုက် အကောင်အထည်ဖော်ရန်။ ၂၀၂၅ ခုနှစ် မိုးစပါးရာသီတွင် တစ်နိုင်ငံလုံး ပေါ်ဆန်းစပါးစိုက်ဧက ၁ ဒသမ ၃ သန်းခန့်ရှိပြီး တင်းပေါင်း ၇၈ သန်းကျော် ထွက်ရှိခဲ့ကြောင်း၊ ယင်းထုတ်လုပ်မှုအခြေခံကို အသုံးချ၍ ပို့ကုန်ပမာဏသာမက တန်ဖိုးမြင့်ဆန်တင်ပို့မှုကိုပါ တိုးမြှင့်ရန် လိုအပ်ကြောင်း နိုင်ငံတော်သမ္မတက ထည့်သွင်းပြောကြားခဲ့ပါသည်။ ထို့အပြင် ကမ္ဘာ့အကောင်းဆုံးဆန်ဆု ဒုတိယအကြိမ်ရရှိမှုသည် မြန်မာ့စပါးမျိုးရင်းများ၏ ထူးခြားသောအရည်အသွေးနှင့် တောင်သူ၊ ပညာရှင်၊ လုပ်ငန်းရှင်များ၏ ကြိုးပမ်းအား ထုတ်မှုကို နိုင်ငံတကာက အသိအမှတ်ပြုခြင်းဖြစ်ကြောင်း၊ “မြန်မာ့ပေါ်ဆန်း တစ်ခေတ် ဆန်း စေရမည်” ဟူသည့် ရည်မှန်းချက်ကို လက်တွေ့အောင်မြင်မှုအဖြစ် ပြောင်းလဲနိုင်ရန် သက်ဆိုင်သူအားလုံး ပူးပေါင်းဆောင်ရွက်ကြရန် တိုက်တွန်းပြောကြားခဲ့ပါသည်။