👑بيتُكٍ مملكتُك مع أم البنين 👑

°° والله يا أخيتي لو قرأت ألف كتاب في إدارة الوقت .. ولو دخلتي آلاف الدورات لتنظيم النفس لو لم يبارك لك الله عز وجل في وقتك .. لن تنجزي شيئا لا تعتمدي على نفسك وقوتك، استعيني بالله سبحانه واطلبي المعونة منه، وعرضي نفسك لمواطن البركة مثل قراءة القرآن والحفاظ على الأذكار، والبكور وابتعدي عن المعاصي، وابتعدي عن المعاصي، ابتعدي عن المعاصي (كالغيبة والنميمة وتتبع عورات النساء وبيوتهن، والكذب والاختلاط والتبرج والنمص ...الخ )، هي سبب الشؤم ونزع البركة وقلة التوفيق .. 💧 🌹وفقنا الله وإياكن وأعاننا وبارك في أوقاتنا🌹 منقولة بتصرف🖊 أسعد الله صباحكن

السلام عليكم☕️ مساء الأنوار 🌸 🔴من طرائف التسجيل في دورة الملكة النشيطة ^^ 🔴 شهر كامل و ام البنين تنشر انو دورة الملكة النشيطة التسجيلات مفتوحة فيها ✅ وتنتهي بإنتهاء المقاعد وتبدأ في تاريخ كذا وتخلاص كذا وشروطها فالخاص كذا وكذا... لكن قبل ماتبدا الدورة بيوم واحد ليلتها يطيحو الرسائل كي شتا 💦🚿ياأم البنين والله ماشفت الإعلان فضلا غدوا صباح نروح لابوسط ياأم البنين راني فلابوسط اصبري عليا ( هادي على 3 تاع عشية مسكينة^^ ) ياأم البنين من فضلك لازم ندخل لانو عندي ظرف شهور الجاية منقدرش ياأم البنين دوك دوك نبعتلك من فضلك نبعت؟؟( هادي على 11تاع ليل) ( كاين لي تدي الحساب متهدرش معاك شهر تفاشيك من بعد تبعت ديك ليلة وتقولي تفضلي الوصل كي شغل تحطني زعما في الأمر الواقع ^^ ) مالا راني اعيد واكرر ياناس ياملكات يانشييطات يافحلات🎉 الدورة راح تبدأ يوم 12 جويلية إن شاء الله 🌹 المقاعد محدودة وكي يخلاصو مستحيل نزيد نشد مانقدرش نخدم فضغط ماتحرجونيش في آخر ليلة فضلا عزيزات ✅ والحاضر يعلم الغائب 📞🛎 باينين كنتو فقرايتكم تخلو الليلة الأخيرة وتحفظو ^^ ⏳🔨 ساعة وساعة 🌹 تفاصيل دورة الملكة النشيطة تلقاوها على هذا الرابط ⬇️ https://t.me/Baytouki16/190 أما بالنسبة لتفاصيل التسجيل تواصلن معي على الخاص @oum_elbanin

السلام عليكن حياكن الله ملكات👑 ليوم إن شاء الله راح نحكو على أمر هو يبان صغير وكاين حتى لي تقدر تقولك كيفاش توريهولنا هذا امر بديهي❓لكن محاينو كباااار وإذا مارتبناهش وماخططنالوش مليح راح تتهد صحتنا ويديلنا وقت كبير كبير كبير لي هو 🚿🚿🚿 ( #التنظيف_العشوائي_كي_تجي_العين🧹🧺🚿🛁) في السنوات الأخيرة في الجزائر والله المستعان ولات العين تروح ويبطاو باش يرجعوها يومين 3 ايام أو أكثر وولات السيتيرنة من الضروريات ، تلقاي ربة البيت يتراكمو عليها الامور لماعن...لحوايج...ترسبات الفرن..الغبار ..الثلاجة وماتقدرش تتحرك بدون مااااء 🚰غير لفوق لفوق وكي تجي العين تحيرلها منين تبدا وتولي تجري من ومن تتعب قبل ماتبدا الله المستعان و احيانا تترك الاولويات وتروح للثانويات ويروح الماء وتلقى روحها مادارتش الاساس ⬇️ كي تجيك العين و حالتك تكون بزاف مرونة تبداي بالامور لي تستهلك الماء اكثر : 🪣 أولا تغسلي لبوادن ولباسينات وتبداي فتعمارهم وإذا عندك سيتيرنة هي الاولى فالتعمار 🪣ثانيا لماعن يتغسلو وحطيهم فسلة يقطرو 🪣ثالثا مسح الفرن والبوطاجي والطابلة من الترسبات وعقميهم 🪣رابعا الحمامات و تسياق الارضيات الاكثر اتساخا 🪣خامسا الملابس غسلهم يشد الوقت وحسب ظرف كل بيت اذا الماشينة اوتوماتيكية او لا اذا متوفرة او لا اذا سيتيرنة كاينة او لا ، لذلك تعاملي معاهم حسب ظروفك 🧺  ) اذا عندك اوتوماتيكية شعليها تدور قبل غسيل الماعن وروحي تخدمي شغلك كيما رتبناه اذا معندكش الماشينة والسيتيرنة تبداي بيهم مباشرة قبل الماعن قبل ماتروح العين اكيد ثم كملي شغلك كيما رتبناه اذا عندك سيتيرنة وماشينة نصف اوتوماتيكية ماتبدايش بيهم خاطر يشدولك الوقت كملي شغلك بالترتيب لي مديتهولك ثم روحيلهم حتى اذا راحت فالنص تكملي بواش عمرتي او فوضي مهمتهم لاحد افراد الاسرة وخلاص 🪣سادسا نروحو للامور الناشفة طي ملابس ...وفرز الاواني وفرز البيت هادي تقدري تخليهم لغد من داك خاطر تكوني عييتي غد من داك تقدري تبداي برنامجك وروتينك العادي مسح الغبار ثم مسح الارضيات ..الخ  هادي ترتيبات للمبتدئات ولينا كامل على كل حال كي يكون الماء عندو بزاف ماجاش ويجي ويعطيك بخلعة وتتلفلك ^^ روحي بهاد الخطوات باش تلقاي روحك وإلا إذا مشيتي بعشوائية راح تروح لعين وتلقاي الأمور المهمة مانظفتيهمش وتتقلقي وكنصيحة أخيرة لمو بشي لي قدرتو وديرو سيتيرنة كبيرة هايلة وضرورية تربحي بيها صحتك أكثر شي  🌺 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

تعديل : عندي عامين تقريبا ملي استعملتهم معلاباليش اذا مزالو الان وبنفس الجودة

#تدبيرة_منزلية🏡 السلام عليكن ملكات كنت حطيتها من قبل لكن عاودتهالكم ببعض التعديلات ⏬ كل ماتطيبي مثلا شربة ، عدس ، لوبيا .. طعام مفور...كسرة...بعض الحلويات. 🍲قبل ماتاكلو من القدرة بملعقة نظيفة وناشفة  فرغي في قدر اخر خليه يبرد ثم بعدما يبرد الاكل  حطي فبوغت مونجي غذائية وخبيها فالمجمد 💯 ( كانت نبهتني اخت في التعليقات اننا مانحطوش ماكلة ساخنة في البلاستيك معها حق بارك الله فيها) استعمليها في ذلك الاسبوع فقط ثم جددي ماتطوليش بيها فالمجمد  تلقايها كي تحصلي مثلا: مانضتيش بكري.. خرجتي وراح الحال على لغداء ... عندك خرجة ضرورية.... رجعتي من الطبيب.. رحتي لداركم وراجلك بقى وحدو... تلقاي الاكل رغم اني ضد المجمد بزاف بزاف  كل يوم بصح نحبو احيانا يسلك خاصة لي تربي..لي مريضة... تحاول تعاون روحها ب أمور هكدا ، باش ماتدخلش في ضغط👍💯✅ كاين وين احيانا يتبدل القوام او الذوق ممكن نعم وممكن لا، لكن تبقى طريقة لي تسلكك بزاف وبالنسبة للتعليقات السابقة لي قالولي لي يسلك هو البطاطا مقلية او بيري نقولكم كااااين ناس ظروفها مختلفة تماما،  كاين لي ترجع من برا بالشقيقة عينها ماشي قادرة تفتحها فما بالك تقلي...كاين لي ولادها مياكلولهاش بيض مغلي او مقلي ...كاين زوجها مايستناش حتى تطبخ و و و ....كاين لي عندها الرضع تفطن تلقاها 12 مباشرة تجبد تسخن، مانيش نقول ماكلة المجمد مليحة ومانيش نقول صحية و و و لكن قلت احيانا تسلك فالحصلات وخيرمن ماكلة برا خاصة قي الصيف. #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#عالسرييييييع ✍✍ 🧹🪠🧽🪣🧴 أدوات التنظيف ومواد التنظيف لها مدة وتنتهي صلاحيتها⛔️ بالنسبة لمواد التنظيف🧴 اقراو تواريخ انتهاء الصلاحية احيانا يكون منتج منتهي الصلاحية وماننتبهولوش وكي تلقاو فعاليته ناقصة نحصلو فيه فحذاري من هذه النقطة. أما بالنسبة لأدوات التنظيف 🧹🪣 رغم انتهاء صلاحيتها يقولو انها ماتشكلش أي خطر طالما أننا لا نقوم بتناولها أو وضعها على بشرتنا، كل ما في الامر أنها لن تصبح صالحة للاستخدام بفعالية كما في السابق، كما أن رائحتها المنعشة ستتلاشى وهناك بعض الاعراض تظهر عليها اذا رأيتها تخلص من الاداة ⬇️⬇️⬇️ مثل : ظهور عفن او رائحة غير مرغوب فيها ، او رائحة زيت نتن او لاتكون فعالة كالسابق او لزجة على غير عادتها ، هذه كلها علامات انتهاء صلاحية المنتج ✅ انتبهن❌❌ حتى كاين قارورات بلاستيكية البلاستيك تاعها يستعمل مرة واحدة فقط يفرغ يترمى، لذلك انتبهن. والله تعالى اعلى واعلم 🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#تجربتي_مع... هاد الكتاكيت شيتات صغار شحاااااال عملين ^^روعة يتباعو 3 هكا في باكي سعرهم ميفوتش 200دج، روعة وعمليين في الدوش ، في الاواني والمطبخ بصفة عامة ، في غسل الاحذية أعزكن الله هايلين ننصح بيهم جدا 💯✅ تعديل : عندي عامين تقريبا ملي استعملتهم معلاباليش اذا مزالو الان وبنفس الجودة #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

✅قتل الجرذان باللاصق جوعا وعطشا..؟! 👇🏼 ✅قتل الجرذان باللاصق جوعا وعطشا   قال الشيخ ابن عثيمين رحمه الله :   ﺇﺫﺍ ﺃﺭﺩﺕ ﺃﻥ ﺗﻘﺘﻞ ﻓﺄﺭﺓ ﻭﻗﺘﻠﻬﺎ ﻣﺴﺘﺤﺐ ﻓﺄﺣﺴﻦ ﺍﻟﻘﺘﻠﺔ ﺍﻗﺘﻠﻬﺎ ﺑﻤﺎ ﻳﺰﻫﻖ ﺭﻭﺣﻬﺎ ﺣﺎﻻ ﻭﻻ ﺗﺆﺫﻫﺎ  ﻭﻣﻦ ﺃﺫﻳﺘﻬﺎ : ﻣﺎ ﻳﻔﻌﻠﻪ ﺑﻌﺾ ﺍﻟﻨﺎﺱ ﺣﻴﺚ ﻳﻀﻊ ﻟﻬﺎ ﺷﻴﺌﺎ ﻻﺻﻘﺎً ﺗﻠﺘﺼﻖ ﺑﻪ ﺛﻢ ﻳﺪﻋﻬﺎ ﺗﻤﻮﺕ ﺟﻮﻋﺎ ﻭﻋﻄﺸﺎ ﻭﻫﺬﺍ ﻻ ﻳﺠﻮﺯ، ﻓﺈﺫﺍ ﻭﺿﻌﺖ ﻫﺬﺍ ﺍﻟﻼﺻﻖ  ﻓﻼ ﺑﺪ ﺃﻥ ﺗﻜﺮﺭ ﻣﺮﺍﺟﻌﺘﻪ ﻭﻣﺮﺍﻗﺒﺘﻪ ﺣﺘﻰ إﺫﺍ ﻭﺟﺪﺕ ﻓﻴﻪ ﺷﻴﺌﺎ ﻻﺻﻘﺎ ﻗﺘﻠﺘﻪ أﻣﺎ ﺃﻥ ﺗﺘﺮﻙ ﻫﺬﺍ ﺍﻟﻼﺻﻖ ﻳﻮﻣﻴﻦ ﺃﻭ ﺛﻼﺛﺔ ﻭﺗﻘﻊ ﻓﻴﻪ ﺍﻟﻔﺄﺭﺓ ﻭﺗﻤﻮﺕ ﻋﻄﺸﺎً ﺃﻭ ﺟﻮﻋﺎً ﻓﺈﻧﻪ ﻳﺨﺸﻰ ﻋﻠﻴﻚ ﺃﻥ ﺗﺪﺧﻞ ﺍﻟﻨﺎﺭ ﺑﺬﻟﻚ   • ﻷﻥ ﺍﻟﻨﺒﻲ ﷺ ﻗﺎﻝ : «ﺩﺧﻠﺖ ﺍﻟﻨﺎﺭ ﺍﻣﺮﺃﺓ ﻓﻲ ﻫﺮﺓ ﺣﺒﺴﺘﻬﺎ ﺣﺘﻰ ﻣﺎﺗﺖ ﻻ ﻫﻲ ﺃﻃﻌﻤﺘﻬﺎ ﻭﻻ ﻫﻲ ﺃﺭﺳﻠﺘﻬﺎ ﺗﺄﻛﻞ ﻣﻦ ﺧﺸﺎﺵ ﺍﻷﺭﺽ»  🌿[ﺷﺮﺡ ﺭﻳﺎﺽ ﺍﻟﺼﺎﻟﺤﻴﻦ (٤ /٥٩٦)]🌿

السلام عليكم🌸 ملكاتي عساكن بخير حال❓ هذا دواء لڨرلو اعزكن الله جاي بودرة في ساشيات صغار دوغي ، بعد ماتنظفي جيدا الحالة ماتخليش لفتاات والاكل بلا ماتغطيه ، اغلقي ثقابي لي تشكي يدخل منو ، نقي الاثاث لي دخل فيه بعدها جيبي هاد ساشيات فرغيهم وين تعرفي بلي الڨرلو يجوز مور الثلاجة، عتبة الباب ، مور لكويزينيار المهم كل وحدة تعرف دارها ( لي ساكنين فلباطيمات اشرو وفرغو برا فدروج وخليه ايامات ماتنحيهش تمتم ، وكي تنحيه نقي الدنيا بجال البتراء الاخضر مليح مليح سيقي تنشف الحالة وزيدي ديريه داوميه هكذا حتى تقضي عليه هاااايل ✅ وحذاري يمسوه الأولاد راه سم ❌ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/