👑بيتُكٍ مملكتُك مع أم البنين 👑

السلام عليكم #تجربتي_مع... Aigle منظف الحمامات رائع وخلاص 🌸 ينقي السيراميك الفايونص يرجعهم يبرقو اللهم بارك ،ننصح بيه بزاف 🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

ماتنقوش بالجافال يصفرهالكم❌

#نصيحة_اليوم 📋 #بيتك_مملكتك_مع_أم_البنين الاكل في #الثلاجة متخليهش بدون غطاء دايما غطيه باش ميمتصش الروائح وايضا ميطلقش روائح في الثلاجة 🌸حطيه فعلب زجاجية هي الافضل واذا ماعندكش حطي في علب بلاستيكية خاصة بتجميد وتخزين الأكل ( من الاسفل فيها مثلث فيه رمز 5Pp) 🌸او غلفيه وللتخلص من الروائح الغير مرغوب فيها كل مرة ديري حاجة منهم⬇️: 1⃣حطي في كاس صغير شوية من البيكاربونات في باب ثلاجتك أو 2⃣شوية قهوة بودرة او 3⃣نصف كاس حليب أو 4⃣ شوية فانيلا بودر أو 5⃣ قطعة فحم راح يمتصولك الروائح لي فثلاجة بإذن الله.💯🏡 لتنظيفها: ديري خل ابيض مخفف بالماء ونقيها بمنشفة ميكروفيبر أو توجد عدة منظفات للثلاجة منهم : استوس منظف الثلاجات...اونيكس فلاش منظف الثلاجات...le tigre blanc تاع النعناع..لوغاج...الخ. #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 #عجلة_الحياة_المتوازنة هاد الاسبوع نقرا كتاب....ااااه تفكرت مزال ماكملتش سماع دورة العناية بالنفس.... هاد الصيف ندير رياضة.... اوت نكون فارغة نتعلم لخياطة ..... هاد الصيف نحفظ القرآن ونزيد نقرا متون... ↩️ يلحق الصيف تلقاي مهام واحلام كبيرة كتبتيها وخططتيلها  ماتعرفيش منين تبداي وماقدرتيش تطبقيها ، حابة تطوري كلش فنفسك لكن مقدرتيش تحسي راسك مضغوط وتحسي انو مراكيش قادرة تطبقي الكم الهائل هذا من المهام مالحل❓ كاين حل جميييل من بين الحلول يسموووه تمرين ⬇️ 🔴عجلة الحياة المتوازنة وش معنتها ؟ كيفاش نطبقوها ؟ عجلة الحياة المتوازنة  هي وسيلة تساعدك بإذن الله في تحديد الاولويات و تحقيق التوازن بين مختلف جوانب الحياة تمشي بمبدأ اعط لكل ذي حق حقه تخليك تشوفي كل جوانب القوة والضعف لي فيك وتطوري الجانب الاضعف ، تعاونك علىاستغلال قدراتك واذا وازنتيها صارت العجلة دائرة متوازنة وتمشي بيك في هذه الحياة بإذن الله واذا كانت هذه العجلة غير متوازنة وغير دائرية  تولي شكل مربع او مثلث مثلا هنا المشي يكون صعيب جداااا وعشوائي 🔴كيفية تطبيقها ⬇️ ترسمي دائرة مقسمة إلى 8 أجزاء متساوية او 10 اجزاء  كيما حبيتي (مثل بيتزا). اكتبي اسم كل مجال في جانب : مجال صحي،مجال اجتماعي،مجال علاقات زوجية،مجال تربوي،مجال منزلي،مجال ديني، مجال عنايتي بنفسي،مجال مالي،مجال مهني....الخ في كل مجال تطرحي اسئلة فيه ثم تقيّمي كل مجال من 1 (ضعيف جدًا) إلى 10 (ممتاز). كي.تكملي صلي النقاط او لوني لتشكلي "عجلة حياتك". راقبي شكل العجلة: هل هي متوازنة؟ أم فيها اختلال يحتاج للتعديل؟ وتبداي تخدمي بشوية على كل جانب وكل جانب ترفدي منو حاجة حاجة وتخدمي عليها ✅ حاولي تطرحي 10 اسئلة في كل جانب وقيمي كل جانب على 10  ( بنسبة ليا تقدري تديري جوانب عديدة تزيدي مثلا  تربوي...نفسي....الخ) نمدلك امثلة ⬇️ 1 الجانب الصحي والجسدي كيف تقيمين مستوى طاقتك اليومي؟ هل تمارسين الرياضة ؟ هل تشربين الماء؟ كيف هو نظامك الغذائي؟ هل تنامين جيدا؟ ....... ...... 2 جانب العمل أوالمشروع هل أنت راضٍية عن أدائك في العمل أو الدراسة؟ هل تشعرين بأنك تتطورين مهنياً أو أكاديمياً؟ هل تستمتعين بما تفعلينه يوميًا؟ هل طورتِ مشروعك؟ ..... 3 جانب العلاقات الاجتماعية هل تقضي وقتًا كافيًا مع العائلة والأصدقاء؟ هل لديك علاقات صحية ومُرضية؟ هل تشعرين بالدعم من الآخرين؟ هل تساعدين الاخرين؟ 4 الجانب المالي هل لديك خطة مالية واضحة؟ هل أنت مرتاحة ماليًا؟ هل تدخرين أو تستثمرين لأهداف مستقبلية؟ 5 جانب التطور الشخصي هل تتعلمين شيئًا جديدًا بانتظام؟ هل لديك أهداف شخصية تعملين على تحقيقها؟ هل تقرئين أو تتلقين تدريباً لتطوير نفسك؟ 6جانب ادارة المنزل هل بيتك منظم؟ هل تديرين وقتك جيدا؟ هل خزانتك منظمة؟ هل تخلصتي من شغل المنزل العشوائي؟ 7 الجانب الترفيهي هل تأخذين وقتًا للراحة والاستجمام؟ ما الأنشطة التي تُسعدك؟ وهل تمارسنيها بانتظام؟ هل تكافئين نفسك؟ 8الجانب الديني هل تصلين؟ هل تصومين النوافل؟ لاتغتابي ولا تنممي؟ هل لديك ورد قرآني؟ هل تحفظين القران؟ ستُساعدك هذه العجلة على تحقيق التوازن بين مختلف جوانب حياتك، وتدفعكِ إلى التغيير بطريقة منظمة ومدروسة بعيدًا عن العشوائية، مما يمنحكِ فرصة للتحسن والتطور بشكل مستمر ومنتظم. ✅🌸 #بيتك_مملكتك_مع_أم_البنين #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم🌸 #نصيحة_اليوم_مع_أم_البنين✍ اليوم جيت نحكي على مشكلة الروايح الكريهة لي تطلقها المجيريات في البيت اعزكن الله شحال من أخت تقولي كي نخرج صباحا وندخل في المساء نلقى في بيتي رائحة كريهة جدا المشكل الأول والكبير هو الانابيب كي تكون قديمة وتوسخت ولمت لوسخ بزاف كل ماتنشف تدير ريحة يعني هنا مشكل داخلي ولازملو خدمة مع أهل الاختصاص وإذا قدرتو تبدلوهم غييير بدلوهم. 🌸 نمدلك بعض الحلول الخفيفة ديريها على الاقل تخففلك من هذا المشكل خاصة الباطيمات ⏬ 📌أولا اغسلي مجيرياتك بالاومو والجافال جيدا أو حكيها مليح بجال البتراء الاخضر حكي مليح وين قدرتي توصلي ماتغفليش عليها اذا عفتي دوري راسك والبسي قفازات وحكي 📌ثانيا ماتزيديش ترمي شعر او اي امر يقدر يبوشيها او تنفضي نشاف فيها، ارمي في القمامة ونقيها من الشعر بعد كل استعمال 📌ثالثا يوميا فرغي فيها الماء وجافال او ماء وصانيبو ماتخليهاش تنشف لانو كي تنشف هي لي تبدا تطلع فريحة 📌ساعة على ساعة ديري فيها حل وبيكاربونات خليهم يتفاعلو شوية وارمي ماء 📌حطي فيها قطنة على جنب مشمخة مليح بصانيبو او زيت عطري او معطر مركز كي تنشف او تروح ريحة غيريها وماتخليهاش تروحلك باش ماتبوشيهاش 📌مرة في غرة اشري ديبوشور او الكريستو وديريه فيها لانو يسرح المجاري لكن مانكثروش منو مرة على مرة ديري منو فقط باش ميرشيلكش التويوات واجتنبواااا لاسيد والمواد القوية حذاري ❌ 📌واخيرا غطوها بمنشفة، خاصة الباطيمات وديرو كاش حاجة ملفوق مثلا حطو بوادن معمرين ماء على لمجيريات منها مايدخلكم والو منها بإذن الله ومنها تتخلصو شوية من ريحة ومؤخرا شفت وحد الأكياس يغلقو بيهم لمجيريات لكن مزال متلاقيتش بيهم قدامي 📌كاين منظفات خاصة لتعطير البالوعات اعزكن الله شفت منتج اوروبي لكن مجربتوش داومو هاد الامور مدة يتنقاو و ان شاء الله ماتزيدوش تلقاو مشكل فيهم 🌸 📍تنبيه : في فصل الصيف خاااصة، البحر والدوش بزاف بزاف، لذلك ماتخلوش الماء راكد فيهم او الرم لداخل يديرلكم الدود الأسود تاع الرطوبة دايما ديرو وش وصيتكم لفوق ✅ بالتوفيق 🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم🌸 هاد المنشفة الميكروفيبر تاع #ميدينات تهبل وخفيفة وخدمتها في القمة اللهم بارك 👍جربت النوعين ولي عجبني هو لي فيه مكعبات ماشي لي فيه الخطوط (ركزن المكعباات ^^) قمة تمسحي في الاول بالجهة لي فيها مكعبات محفورين تلملك مليح الأوساخ من بعد فالمرحلة الاخير تولي تمسحي بالجهة الثانية الرطبة للتلميع بزااااف عجبتني نتيجتها ✅ 📌حجمهم: 70×50 📌سعرهم : 350دج #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/