ፍኖተ-አማራ ሚዲያ (Finote Amhara Media)
رفتن به کانال در Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
نمایش بیشتر4 408
مشترکین
-1724 ساعت
-527 روز
+5630 روز
آرشیو پست ها
#ሰበር_ዜና‼️
አፋብን ቴዎድሮስ ዕዝ 206ኛ ኮር 34ኛ ክ/ጦር ከሌሊቱ 11:00 ጀምሮ አዋበል ወረዳ ሉማሜ ከተማን ተቆጣጥሯል። የጠላት አስክሬን ተደራርቧል። የወገን ኃይል በርካታ ወታደራዊ ድል ተቀናጅቷል።
በዚህ አስደማሚ ተጋድሎ የአዋበል ወረዳ የሉማሜ ከተማ #ሰላምና_ደህንነት_ኃላፊ #ተመስገን_ምስክር በሉማሜ ከተማ ተደምስሷል።
ዝርዝሩ መረጃ ተጋድሎው እንዳለቀ ይዘን የምንመለስ ይሆናል!
ነሐሴ 3/2018 ዓ.ም
መረጃው የ206ኛ ኮር ህ/ግንኙነት ነው!
#የአማራ_ባንዳ_አለበት_ዕዳ‼️
03/12/2018 ዓ.ም
09 اوت, 03:10
ሰበር ዜና
206ኛ ኮር 34ኛ ክ/ጦር ከሌሊቱ 11:00 ጀምሮ ሉማሜ ከተማን ተቆጣጥሯል። የጠላት አስክሬን ተደራርቧል ። የወገን ኃይል በርካታ ወታደራዊ ድል ተቀናጅቷል ዝርዝሩ ይቀጥላል-----
ነሐሴ 3/2018 ዓ.ም
09 اوت, 01:03
በሸዋ ጠቅላይ ግዛት አውራጃዎች የተሰማራው የአገዛዙ ጠባቂ ጥምር ጦር እየፈረሰ መሆኑ ተገለጸ!
ነሐሴ 03/2018 ዓ.ም
የአማራን ሕዝብ ለመጨፍጨፍና ለመዝረፍ ሥርዓታዊ ተልዕኮ የተሰጠው የአገዛዙ ኃይል መበተን ከቀን ወደ ቀን እየጨመረ ይገኛል። በአራት ቀናት ውስጥ ብቻ 11 የጠላት ኃይሎች የአፋብን ሸዋ ጠቅላይ ግዛት አሳምነው ዕዝን ተቀላቅለዋል። «እኛ የሠለጠንው ሕዝብና ሀገርን ለመጠበቅ እንጂ ወገንን ለማሰቃየትና ለማጥፋት አይደለም» በማለት ፋኖን ለመቀላቀል ችለዋል።
1. የኔሰው ምሳየ – የ6ኛ ዕዝ 605ኛ ኮር መረጃና መሐንዲስ ኃላፊ (ፍቼ)፤ 1 ጥቁር ክላሽ
2. ገዳሙ በለጠ – የ6ኛ ዕዝ 605ኛ ኮር መረጃና መሐንዲስ አባል (ፍቼ)፤ 1 ጥቁር ክላሽ
3. ዓለማየሁ ሳሙኤል – የ6ኛ ዕዝ 605ኛ ኮር መረጃና መሐንዲስ አባል (ፍቼ)፤ 1 ጥቁር ክላሽ
4. ፲ አለቃ ደስታ ደርቤ – ከገርባ ቀበሌ [ሚሊሻ]፤ በጀሌ
5. ብርሃን ግዛው – ከገርባ ቀበሌ [ሚሊሻ]፤ 2 እግር ክላሽ
6. ፀጉ ማሞ – ከገርባ ቀበሌ [ሚሊሻ]፤ 2 እግር ክላሽ
ከላይ የተጠቀሱት አባላት አፄ አምደጽዮን ኮር ራስ አበበ አረጋይ ክፍለ ጦርን ተቀላቅለዋል ሲቀላቀሉ፡
7. *** አንድ(1)ብሬን እና 2 ባለመቶ ሸሸል በመያዝ መሐመድ ቢሆነኝ ኮር አስቴጎማ ክፍለ ጦርን ተቀላቅሏል።
8. አራት(4) የሚሊሻ አባላት ከነሙሉ ትጥቃቸው ከሠም ፪ኛ ኮርን ተቀላቅለዋል።
" ክብር ለትግሉ ሦማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው ዕዝ ሕዝብ ግንኙነት መምሪያ
08 اوت, 16:12
ዚገም ወረዳ በተደረገ ውጊያ ከ20 በላይ ባንዳ የሚኒሻ አባላት መደምሰሳቸው ታወቀ‼️
ዚገም ወረዳ በመመሸግ የአገውን ማህበረሰብ ሲዘርፍና ሲያሰቃይ የነበረውን ሚሊሻ በትናንትናው ዕለት በቀን 01/12/2018 የአፋብን ቴዎድሮስ ዕዝ 109ኛ ኮር 88ኛ ክ/ጦር ወርቅ አባይ ሻለቃ ከሶሪትና ከዚገም ማህበረሰብ ጋር በመቀናጀት በወሰደችው ፈጣን የማጥቃት ኦፕሬሽን በርካታ የአገዛዙ ቅጥረኛ ሚሊሻ ተደመሰሰ።
በተደረገው አውደ ውጊያ በዚገም ወረዳ አገዛዙ ተቆጣጥሯቸው የነበሩ ዚገም ፊለም፣ጉሀ፣አሀቲ፣ኮሸይ፣ዳዳን ቲትም የተባሉ ቦታዎችን ሙሉ በሙሉ መቆጣጠር ተችሏል።
በክንደ ነበልባሎቹ የተገኙ ድሎች:-
1.ክላሽንኮቭ-12
2. ወታደራዊ ሻንጣ- 15
3. ከ10 በላይ ሚኒተሪ
4. ካዘና 08 የክላሽ ካዝና
5. ከ500 በላይ የክላሽ ተተኳሽ
6. ከ20 በላይ ሚሊሻ የተደመሰሰ ሲሆን
የዚገምና አካባቢው ማህበረሰብ በአገዛዙ ቅጥረኞች መዘረፋቸውን፣ሴቶች መደፈራቸውን እንዲሁም ይደርስባቸው የነበረውን መከራና ሰቆቃ በጣም ከባድ እንደ ነበር የገለጹ ሲሆን ከፋኖ ጋር በመቀናጀት ይህን ጨቋኝ ስርአት እስከመጨረሻው እንደሚፋለሙት ተናግረዋል።
ከበባ ውስጥ የገባውን ኃይል ለማትረፍ ከእንጅባራ ወደ ቻግኒ በፍጥነት ሲጓዝ የነበረ አድማ ብተና የጫነ አንድ የጭነት መኪና ገምባሀ የተባለ ቦታ ላይ በመገልጡ በርካታ የአገዛዙ ቅጥረኛ አድማ ብተና መሞቱ ተረጋግጧል።
©አፋብን ቴዎድሮስ ዕዝ 109ኛ ኮር ህዝብ ግንኙነት!
02/12/2018 ዓ.ም
08 اوت, 13:31
"እውነተኛ የአማራ ፋኖ ታጋይ በትከሻው ላይ ያረፉ ሁለት ታላላቅ የታሪክና የትግል አደራዎች አሉበት!
1. የሰማዕታት አደራና የትግል ግብ፦ ለአማራ ሕዝብ መብት፣ ክብርና ደህንነት ሲሉ ውድ ሕይወታቸውን የገበሩ፣ መስዋዕትነት የከፈሉ እና የደሙ ጓዶችን የተቀደሰ የትግል አደራ በጽናት መጠበቅ፤ እንዲሁም የጀመሩትን ትግል ሳይታክቱና ወደኋላ ሳይሉ እስከ መጨረሻው ጫፍ ማድረስ።
2. የሕዝብ ህልውናና ነፃነት አደራ፦ በአሁኑ ወቅት የመኖርና ያለመኖር ከፍተኛ የህልውና አደጋ የተጋረጠበትን መላውን የአማራ ሕዝብ ከጨፍጫፊው የአብይ አሕመድ የብልፅግና ሥርዓትና ከሚደርስበት ግፍ ነፃ የማውጣት ታሪካዊ አደራ አለብን።
ስለሆነም፣ እነዚህን የተቀደሱ አደራዎቻችንን በታማኝነት ከተወጣንና ከጠበቅን፣ የተቀመጠውን ዓላማና ያሰብነውን ግብ እናሳካለን፤ በፍጹም አሸናፊነትም እንወጣለን! #Dave #Amhara
08 اوت, 10:17
ሰበር ዜና!
የፋሽስቱ ብልፅግና 802ኛ ኮር የ47ኛ ክፍለጦር የሎጅስቲክ መምሪያ ሀላፊ እና የ48ኛ ክፍለጦር የሰራዊት አባላት ከየአቅጣጫው በመፍረስ ወደ ምኒልክ ዕዝ 102ኛ ኮር ተቀላቀሉ።
ዛሬ ነሐሴ 02/2018ዓ/ም በሰሜን ወሎ ዞን በራያ ቆቦ ወረዳ የአገዛዙ 47ኛ እና 48 ክፍለጦር 10 የሰራዊት አባላት ከስምሪት ቀጠና በመጥፋትና ሙሉ ትጥቃቸውን ከተተኳሽ ጋር በመያዝ ወደ 102ኛ ኮር 49ኛ እና 65ኛ ክፍለጦር ተቀላቀሉ።
ከመጡት የጨፍጫፊው እና የእብሪተኛው አገዛዝ የሰሜን ምስራቅ ዕዝ የ802ኛ ኮር የ48ኛ ክፍለጦር የተዋጊ መሀንድስ ወታደሮች እንደተናገሩት ከሆነ በአሁኑ ሰዓት በሰራዊቱ መካከል የእርስ በእርስ አለመተማመን እና ከፍተኛ የሆነ መጠራጠር ፣ ዘር ተኮር ግድያ እንድሁም አድሏዊ አሰራር ከጊዜ ወደ ጊዜ እየተባባሰ መምጣቱን ገልፀዋል።
የጠላት 47ኛ እና 48ኛ ክፍለጦር የሰራዊት አባላት አያይዘው እንደተናገሩት ከሆነ ከቅርብ ጊዜ ወዲህ እየተለመደ የመጣው ሰዎች ብቃት ሳይኖራቸው በኮታ ምደባ የስርዓቱ ሰዎች በመሆናቸው ብቻ ማለትም የኦሮሞ የበላይነት በግልፅ የሚታይበት እና ሌላው የሰራዊት አባላት የሀገር ባለቤት የማይሆንበት መንገድ እየሰፋ በመምጣቱ ለመታገል ደስተኛ አለመሆናቸውን ተናግረዋል።
በተጨማሪም የሰራዊት አባላቱ በገለፁት መሰረት በሀገሪቱ ተከታታይ የእርስ በእርስ ጦርነትና የአማራ ህዝብ የሚያሳየን ጥላቻና መሰላቸት በተለይ ህዝቡ የፖለቲካ፣ የህገ መንግስት፣የዴሞክራሲ፣ የእኩልነትና ነፃነት ግልፅ የሆነ ጥያቄ ያለው በመሆኑ ጦርነቱን ማሸነፍ እንደማንችል በማወቃችን የሚከፈለው ህይወት ከንቱ መሰዋትነት መሆኑን በመረዳት የበደልነውን የአማራ ህዝብ ይቅርታ በመጠየቅ ወደ ሀገራችን መግባት እንፈልጋለን ሲሉ ሀሳባቸውን ገልፀዋል።
እንድሁም የ47ኛ እና 48ኛ ክፍለጦር የሰራዊት አባላት ሀሳባቸውን ሲገልፁ የጠላት ሀይል የሚይዘውን የሚጨብጠውን በማጣቱ ሁሉም የአገዛዙ የሰራዊት አባላት የመዋጋት ስነ-ልቦና የሌለው በመሆኑ በአገኘው አጋጣሚ ህይወቱን ለማትረፍ ስለሚፈልግ አንደ ህዝብ የአማራ ህዝብ እንደ ፋኖ የአማራ ፋኖ ከአገዛዙ ከድተው የሚመጡትን የሰራዊት አባላት በሰላማዊ መንገድ አቀባበል እንድታደርጉላቸው ሲሉ የማጠቃለያ ሀሳባቸውን አስቀምጠዋል።
በመጨረሻም የአብይ አህመድ የብልፅግና ጨፍጫፊውና አማራ ጠሉ አገዛዝ በ2010ዓ/ም በትረ ስልጣኑን ከተቆጣጠረ በኋላ በአማራ ህዝብ ላይ ታይቶ የማይታወቅ ጭፍጨፋ በማድረጉ ምክኒያት የአማራ ፋኖ ብሔራዊ ንቅናቄ አመራር እና የሰራዊት አባላት ጭቆናን በመቀዋወማችን ተገፍተን የወጣን መሆኑን በመረዳት አምባገነኑን ስርዓት ለማስወገድ ከምን ጊዜውም በላይ የአማራ ወጣቶችና መላው የኢትዮጵያ ህዝብ ከጎናችን እንድሰለፉ ሰንል ጥሪ እናስተላልፋለን።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
"ክብር ለትግሉ ሰማዕታት"
ህልውናችን በተባበረ ክንዳችን!
የአፋብን ወሎ(ቤተ-አማራ) ምኒልክ ዕዝ የ102ኛ ኮር ህዝብ ግንኙነት መምሪያ
ነሐሴ 01/2018 ዓ.ም
08 اوت, 09:03
እኛ በታሪካችን በሰዎች ላይ ግፍና በደል መስራት አንፈልግም። የታሪክ ድርሳናችን የሚያስተምረን የሰውን የመፈለግ፣ የሌላውን የመመኘት ወይም የሰላማዊ ሰዎችን መብት የመግፋት ልማድ እንደሌለን ነው። እኛ የሰውን አንፈልግም፤ ነገር ግን የእኛ የሆነውን፣ ማንነታችንን፣ ክብራችንንና ታሪካችንን ሲነኩብን ደግሞ በዝምታ ማየት አንወድም።
ታሪካችንን፣ ሀገራችንንና ማንነታችንን ተዳፍረው ለሚመጡ፤ በየትኛውም ዘመን የሚነሱ የጥፋት ኃይሎችን አንታገስም። ትላንት ሀገር ለማፍረስና ማንነታችንን ለማጥፋት እንደተነሱት እንደ ታሪካዊው ግራኝ አህመድ ያሉ፣ ዛሬ ደግሞ በዘመናዊ መልክ ማንነታችንንና ህልውናችንን አደጋ ላይ ለጣሉት ለአብይ አህመድና መሰሎቻቸው በጭራሽ እጅ አንሰጥም።
ምክንያቱም እኛ በደም ስራችን ውስጥ የታላላቅ አባቶቻችን የጽናትና የጀግንነት አጥንት የተገነባብን፣ የታሪክ አደራ የተቀበልን፣ መብታችንንና ሀገራችንን ለማስከበር የተነሳን የአዲሱ ትውልድ የአማራ ልጅ ፋኖዎች ነን! የቴዎድሮስ አናብስት ፋኖዎች ከጎጃም ሰማይ ስር!! #Dave #Amhara
08 اوت, 08:27
ነሐሴ 02/2018 ዓ/ሞ
ከአፋብን ጎንደር ጠቅላይ ግዛት በላይ ዕዝ 208ኛ ራስ አሞራው ውብነህ ኮር የተሰጠ የአቋም መግለጫ!
የአማራ ሕዝብ የሕልውና፣ የፖለቲካዊ መር የትጥቅ ትግል ከተጀመረበት ጊዜ አንስቶ ከፍተኛ መስዋዕትነት እየከፈልን የምንገኝ እኛ የ208ኛ ራስ አሞራው ውብነህ ኮር የሠራዊት አባላት፤ ከአፅናፍ እስከ አፅናፍ በሐሳብ የበላይነት በማመን ከማንኛውም ወገን በመርህና በሐሳብ ለመሞገት ዝግጁ መሆናችንን እናረጋግጣለን።
ነገር ግን የጎንደርን ክብር ፣ የታጋያችንን እና የህዝባችን ፍላጎትና ጥቅም በማያረጋግጥ መልኩ በእታገልልሀለው ሽፋን የግል ወይም ቡድናዊ አመለካከትን ለማስረፅ የሚንቀሳቀስን ማንኛውንም ግለሰብ ይሁን አካል አጥብቀን የምንቃወም ሲሆን፣ ተቋማችን ለጎንደር ጠቅላይ ግዛት በላይ ዕዝ ልክ እንደሌሎቹ ኮሮች ያለንን ሙሉ ደጋፊነት፣ ታማኝነት እና በመርህ ላይ የተመሠረተ የትግል ቁርጠኝነት ያለን መሆኑን በሙሉ ልብ እናረጋግጣለን።
ከዚህ በተጨማሪም በ208ኛ ራስ አሞራው ውብነህ ኮር ሥር የሚገኙ ሁሉም ክፍለ ጦሮች ''የሰማዕታት አደራ አንድነት ጉባኤ በድርኳዜ'' የተበሰረው የጎንደር አንድነት በታጋይ ወንድሞቻችን ደምና አጥንት የተገነባ መሆኑን አጥብቀን ስለምናምን የጉባኤውን ሙሉ ውሳኔ ተቀብለን ለተግባራዊነቱ የምንሰራ መሆኑን እናስገነዝባለን።
በመሆኑም ከዚህ ቀደም በኮራችን ስም ከእዝ እና ከኃላፊነት ወሰናችን ውጭ የወጡ ማንኛውንም መግለጫዎች 208ኛ ራስ አሞራው ውብነህ ኮርን ፈጽሞ የማይወክሉ እና ከእውቅናችን ውጭ እየተፈጸሙ ያሉ የግለሰቦች ፍላጎት ማርኪያ ፀረ አንድነት ድርጊመቶች መሆናቸውን አበክረን እንገልጻለን።
በመጨረሻም ቀጠናችንን በአስተማማኝ ሁኔታ አስጠብቀን የምንታገል የመርህና የሕዝብ ታጋዮች እንጂ የትኛውንም አካል የግል ፍላጎትና አጀንዳ ማስፈፀሚያ አለመሆናችንን እያረጋገጥን፤ የትኛውም ቅሬታም ሆነ ጥያቄ አለኝ የሚል አካል ወደ ተቋሙ ቀርቦ መስተናገድ እንደሚችል ማስገንዘብ እንፈልጋለን።
ህልውናችን በተባበረ ክንዳችን !
አፋብን ጎንደር ጠቅላይ ግዛት በላይ ዘለቀ ዕዝ የ208ኛ ራስ አሞራው ውብነህ ኮር ስራ አስፈጻሚ!!
08 اوت, 05:51
ነሐሴ 02/2018 ዓ.ም
አፋብን ጎንደር ጠቅላይ ግዛት የበላይ ዘለቀ ዕዝ ከፍተኛ አመራሮችና በቀጠናው የሚገኙ የድርጅት አመራሮች ፣ የበላይ ጠባቂ አባቶች በጋራ በመሆን ከአንድነቱ ማግስት ቀጣይ በሚሰሩ ስራዎች ዙሪያ ከማህበረሰቡና ከዳግማዊ ቴዎድሮስ 5ኛ ኮር መብረቅ ክፍለ ጦር አመራርና የሰራዊቱ ክፍል ጋር ውይይት አካሄዱ ።
በውይይቱም በሊቦ ከምከም ወረዳ ሚካኤል ደብር ቀበሌ ከመብረቅ ክፍለ ጦር አመራሮች እና ከታችው የሰራዊቱ ክፍል ጋር ነሐሴ 01/2018 ዓ.ም ሰፊ ውይይት የተደረገ ሲሆን የበላይ ዕዝ ወታደራዊ አዛዥ አርበኛ ደረጀ በላይ አንድ በመሆናችን እንኳን ደስ አላችሁ በማለት ጀመሩ ሲሆን አሁን የተመሰረተው አንድነት በቀላሉ የተገኘ ሳይሆን በርካታ ውስብስብ ፈተናዎችንና ውጣ ውረዶችን አሸንፎ እዚህ የደረሰ ነው በማለት ገልፀውታል ። አመራሩና ሰራዊቱ ያሳዩት ጽናትና ትዕግስት ለዚህ ታሪካዊ ድል መብቃት ዋና መሰረት መሆኑን አክለው ገልጿል።
የጎንደር አንድነት የተገነባው በታጋዮች ደም ፣ አጥንት እና በሕዝብ አደራ ጭምር የተገነባ መሆኑን ተገንዝቦ አንድነቱ የሚቀልድበት፣ የሚወርዱ መመሪያዎች የሚሸራርፍበት ወይም ለማፍረስ የሚሞክር አካል ቢኖር ፍጹም የማይታለፍ ቀይ መስመር መሆኑ በጥብቅ ተሰምሮበታል ።በቀጠናው አንድ ሕጋዊና መዋቅራዊ ሆኖ የሚንቀሳቀሰው አፋብን ጎንደር ጠቅላይ ግዛት በላይ ዕዝ መሆኑን አረጋግጠዋል።
ከዚህ መዋቅር ውጭ በተናጠል ወይም በተበታተነ መልኩ የሚንቀሳቀስ አካል ካለ ማንኛውንም ህጋዊ እርምጃ የምንወስድ መሆኑን የተናገሩት አመራሩ ነገር ግን ጥያቄ አለኝ የሚል አካል ካለ በሰላማዊ እና ድርጅታዊ መርህን እና አሰራርን በተከተለ መንገድ መጠየቅ እንደሚችል አቅጣጫ ተቀምጧል ብለዋል።
አንድ ባለመሆናችን የሚደሰቱ አንድ በመሆናችን የሚከፉ አካላት የታጋዮችን መስዋዕትነት ከንቱ ማስቀረትና እና የሕዝብን እንግልት ለማራዘም የሚሠሩ በመሆናቸው፣ ሰራዊታችንና ሕዝባችን በመቀናጀት ከዚህ አጥፊ እና ፀረ አንድነት ግለሰቦች ጋር አብረው መቆም እንደሌለባቸው አጽንኦት ተሰጥቶበታል።
በመድረኩ ላይ የተገኙት የእዙ ምክትል ሰብሳቢ ለፖለቲካ ጉዳዬች ኃላፊ አርበኛ ኪሩቤል ጎቤ ፣የእዙ የፖለቲካ ዘርፍ ኃላፊ አርበኛ አተነህ ድረስን ጨምሮ ሌሎች የእዙ ከፍተኛ አመራሮች፤ በአንድነቱ ውስጥ ምንም ዓይነት የአላማ ልዩነቶች እንዳይፈጠሩ ከፍተኛ ጥንቃቄ ሊደረግ እንደሚገባ አጽንኦት ሰጥተው ምክረ ሀሳባቸውን አጋርተዋል።
ከዚህ በፊት በነበሩ አለመግባባቶች የተፈጠሩ መጠራጠሮችን በግልጽ ውይይት መዝጋት ያስፈፈልጋል ያሉት አርበኞቹ የተቋጠሩ ቂሞችን በይቅርታና በመተማመን መንፈስ ማጥፋት፣ የተራራቁ ወገኖችን በማቀራረብ የቤተሰብን ያህል መተሳሰር መፍጠር እንደሚያስፈልግ ተናግረዋል።
የአላግባብ የተወሰዱ ንብረቶችን ወደ ባለቤቶቻቸው መመለስ፣ በተለያዩ ምክንያቶች ተበታትነው የነበሩ አደረጃጀቶችን በአንድ ጥላ ስር ማሰባሰብ የተጠናከረ መዋቅራዊ አደረጃጀት በመዘርጋት፣ ፍጹም በሆነ መርህና መመሪያ በመመራት ሰራዊቱን ይበልጥ ማደራጀት ፣ውስጣዊ ልዩነቶችን በመፍታት ሕዝብንና አገርን ከሚጎዳው የጋራ ጠላት ጋር በሚደረገው ትግል ድልን መቀዳጀት ላይ ትኩረት ያደረገ ስራ መሰራት አለበት ብለዋል ሲል መረጃውን ያደረሰን የክፍለ ጦሩ የህዝብ ግንኙነት ነው ።
ህልውናችን በተባበረ ክንዳችን !
አፋብን ጎንደር ጠቅላይ ግዛት በላይ ዘለቀ ዕዝ ህዝብ ግንኙነት መምሪያ!
08 اوت, 03:19
እሳትነት ያልበገረው የአርበኛ ዘገየ ዳኜ የትግል እና የፅናት ህይወት
ይህ እውነተኛ የታሪክ ድርሳን ስለ አወዛጋቢ የፖለቲካ መንገድ ወይም ተራ የታሪክ ገጽ አይደለም፤ ይህ ታሪክ ሙሉ ህይወቱን፣ ያፈራውን ሀብት እና የደከመበትን ጥረት ሁለት ጊዜ ለቆመለት አላማ አመድ አድርጎ ሰጥቶ፣ አሁንም በፅናት ስለቆመ አንድ የቁርጥ ቀን ልጅ የሚያወራ የህይወት ጀብድ እንጅ
የእምቢተኝነት ዋጋ ከ2002 እስከ 2007 እውነትን አንግቦ ከግዙፍ የመንግስት መዋቅር ጋር መጋፈጥ ቀላል አልነበረም። በ2002 ዓ.ም. የፍትሕ እና የእኩልነት ጥያቄን በልቡ ያነገበው አርበኛ ዘገየ ዳኜ፣ በወቅቱ የነበረውን የወያኔ ጨቋኝ ሥርዓት በግልጽ በመቃወም የመንገዱን መጀመሪያ ያደረገበት ታምራዊ ቀን ነበር። ይህ እምቢተኝነት ግን ያለ ከባድ መስዋዕትነት አልተሻገረም። በ2007 ዓ.ም. በስርዓቱ በደረሰበት የታለመ ጥቃት፣ በዓመታት ወጣትነቱ፣ በደምና ላቡ ያፈራው ንብረት ሙሉ በሙሉ እንዲወድም ተደረገ። ንብረቱ አመድ ቢሆንም፣ በልቡ ውስጥ የተቀጣጠለው የነፃነት እሳት ግን በፍጹም ሊጠፋ አልቻለም። ንብረት ይተካል፤ የማንነት እና የእውነት ትግል ግን አይቆምም።
የሸዋ ምድር እሳት እና የህዝብ አለኝታነት ከአጣዬ እስከ ሸዋሮቢት የወረራው እና የቃጠሎው ጭስ ሲቀጣጠል፣ አርበኛ ዘገየ እጁን አጣጥፎ አልተቀመጠም። የህዝቡ ህልውና አደጋ ላይ መውደቁን በመረዳት፣ ከጓደኞቹ ጋር በመሆን በራሳ አካባቢ ህዝቡን ማስተባበር እና መከላከል ጀመረ። በወቅቱ የነበረውን የብልፅግና ሥርዓት መዋቅር በመበጠስ፣ ህዝቡ በራሱ ተደራጅቶ ህልውናውን እንዲያስከብር የማድረግ ከፍተኛ ተጋድሎ አከናወነ። ይህ ህዝባዊ አለኝታነት፣ የወደፊቱ ወታደራዊ እና ድርጅታዊ አመራር መሰረት የተጣለበት ጊዜ ነበረ።
እሳት ያልበገረው አርበኛ ዘገየ ዳኘ በ2015 ዓ.ም ከባድ ፈተና የህዝቡ ምሬት እና የህልውና ሥጋት እያደገ ሲመጣ፣ አርበኛ ዘገየ የፋኖን አደረጃጀት ተቀላቀለ። በትግል ጉዞውም ከመቶ አለቃነት ጀምሮ በቆራጥነት በማገልገል፣ የይፋት ፋኖ ምክትል አዛዥነት ደረጃ ላይ ደረሰ። ነገር ግን በ2015 ዓ.ም. በሕይወቱ ከባድ የሚባል ሁለተኛው ጥቁር ፈተና ገጠመው። በአብይ አህመድ ወንበር አስጠባቂ መከላከያ ኃይሎች በተወሰደ እርምጃ፣ ሙሉ የመኖሪያ ቤቱ፣ የቤት እቃዎቹ፣ እንዲሁም ለዓመታት ለፍቶ ያቆመው የእንጨት እና ብረታ ብረት ማምረቻ ማሽኖችና ቁሳቁሶች ከነቤቱ ተቃጠሉበት።
በሁለት አጋጣሚዎች የለፋበት ሀብትና ንብረት ሙሉ በሙሉ አመድ ቢሆንበትም፣ የአርበኛ ዘገየ መንፈስ ግን አልተሰበረም። ይህቁስ ትግሌ በንብረት አይለካም!" በማለት መሳሪያውን አጥብቆ በመያዝ፣ የአማራ ህዝብ ጥሪ ተቀብሎ የመስዋዕትነት መንገዱን ቀጠለ። በመጨረሻም የአንድነት እና የአመራር ምዕራፍ የትግሉ ስፋት እና አስፈላጊነት እያደገ ሲመጣ፣ በሸዋ ምድር "የአንድነት ምክር ቤት" ሲመሰረት፣ ቀጠናውን በመወከል በአባልነት ንቁ ተሳትፎ አደረገ። በመቀጠልም በሸዋ ጠቅላይ ግዛት ዕዝ ውስጥ በነበረው ድርጅታዊ ብቃት እና ታማኝነት ምክንያት የሎጅስቲክስ መምሪያ ምክትል ሀላፊ ሆኖ ተሾመ። በአሳምነው ዕዝ እና የይፋት አውራጃ መሪነት ዛሬ ላይ አርበኛ ዘገየ ዳኜ በቆራጥነት፣ በፅናት እና በብዙ መስዋዕትነት ያለፈ የወቅቱ ቁልፍ አመራር ነው።
በአሁኑ ወቅት በአማራ ፋኖ ብሔራዊ ንቅናቄ (አፋብን) ሸዋ ጠቅላይ ግዛት አሳምነው ዕዝ ውስጥ የሎጅስቲክስ መምሪያ ዋና ሀላፊ በመሆን የዕዙ የቁሳቁስ አቅርቦት ሥራዎችን በበላይነት ይመራል። በተደራቢነትም፣ በስምሪቱ መሠረት የይፋት አውራጃ ሰብሳቢ ተደርጎ የተጣለበትን ህዝባዊ እና ወታደራዊ ሀላፊነት በቁርጠኝነት በመወጣት ላይ ይገኛል።
ከ2002 እስከ ዛሬ የተጓዘበት መንገድ የውድመት፣ የመስዋዕትነት እና የብዙ ፈተናዎች መንገድ ቢሆንም፣ አርበኛ ዘገየ ዳኜ አሁንም ቢሆን የቆመለት ዓላማ ሳይበገር፣ በፅናት ትግሉን በማስቀጠል ላይ የሚገኝ፣ ለብዙዎች አርአያ የሆነ እውነተኛ የታሪክ ባለቤት ነው። ይቀጥላል ....!#Dave #Amhara
07 اوت, 15:40
ሰበር ዜና!
አፋብን ወሎ ቤተ አማራ ምኒልክ ዕዝ 15ተኛ ኮር ድል ተቀዳጁ!!
የአማራ ፋኖ ብሄራዊ ንቅናቄ አ.ፋ.ብ.ን ወሎ ቤተ አማራ ምኒልክ ዕዝ 15ኛ ኮር ስር የሚገኙት 152 ኛ እና 153 ኛ ክ/ጦሮች ወግድ ወረዳ ለሚ ከተማና ከላላ ቲርቲራ አካባቢ ላይ ባደረጉት አዉደ ዉጊያ በሁለቱም ግንባር አመርቂ ድል አምጥተዋል።
በጥቃቱ ብዛት ያላቸዉ የመከላከያ አባላት የጨዉ ዘር እንደሆኑ ከአካባቢው የህክምና ተቋማት በተገኘው መረጃ መሰረት፣ ቀላል የማይባል ቁጥር ያላቸው የአገዛዙ ቅጥረኞች ቆስለው ሆስፒታል መግባታቸውን አሳዉቀዋል።
ከተገኙ ምርኮዎች መካከል፦ ለጊዜዉ ቁጥራቸዉ ያልታወቁ የድሽቃና የብሬን ጥይቶች ሲኖሩ በተጨባጪ
*እስካሁን ባለው መረጃ 39 የመከላከያ አባላት የተደመሰሰ
*: በወግድ፣ ለሚ እና አቀስታ የሚገኙ የሕክምና ተቋማት በቁስለኞች መሙላታቸው የዉስጥ መረጃወቻችን ያደረሱን መረጃ አመላክቷል!
የተማረኩ መሣሪያዎች:
*25 የነፍስ ወከፍ መሣሪያዎች
*2 የብሬን ሸንሸል
*በቁጥር ያልታወቁ የድሽቃና የብሬን ጥይቶች ተማርከዋል ሲል የ15ኛ ኮር ህዝብ ግንኙነት መምሪያ መረጃዉን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!
ህልውናችን በተባበረ ክንዳችን!
አፋብን ወሎ ቤተ አማራ ምኒልክ ዕዝ ሚዲያና ኮሙኒኬሽን መምሪያ!!
ነሀሴ :- 1/ 2018 ዓ/ም
07 اوت, 14:10
አምስት የሚሊሻ አባላት ጀብደኛዋን እስቴ ዴንሳ ብርጌድን ተቀላቀሉ‼️
ነሐሴ 01/2018/
አፋብን ጎንደር ጠቅላይ ግዛት በላይ ዘለቀ ዕዝ ሜጀር ጀኔራል ውባንተ አባተ ፩ኛ ኮር ጉና ክፍለ ጦር እስቴ ዴንሳ ብርጌድ የአገዛዙን ሚሊሻ በማፍረስ ላይ ነው ።
የታሪካዊ ጠላታችን የሆነው የአንባገነኑ የብልፅግና ስርዓት ሲያገለግሉ የነበሩ የሚሊሻ አባላት በሰላማዊ መንገድ እጅ ሰጥተዋል።
በአማራን ህዝብ ላይ ዘርፈ ብዙ ጥቃት በመፈጸም ላይ የሚገኘው የብልጽግናው አገዛዝ በየቀኑ መፍረሱን ቀጥሎበታል ።ስለሆነም በዛሬው ዕለት ነሐሴ 01/2018 ዓ.ም ከነ ሙሉ ትጥቃቸው ብርጌዷን የተቀላቀሉት የአገዛዙ አባላትም:-
1ኛ .ደሳለኝ መስፍን
2ኛ. ይገርማል መንግስቴ
3ኛ .ተሻገር ያለው
4ኛ .ስጦታው አበባው
5ኛ. እንደሻው አታለል
በመጨረሻም በሰላማዊ መንገድ እጅ የሰጡት የሚሊሻ አባላት በጦር ሜዳ ጠበብቶች እስቴ ዴንሳ ብርጌድ ፋኖ በተደረገላቸው አቀባበልና እንክብካቤ ደስተኛ መሆናቸውን ገልፀው ፣ የሚሊሻ ተቋም አሁን ላይ ወደ መፈራረስ ደረጃ እየመጣ ስለሆነ ወደ ፋኖ ተቆም እንዲቀላቀሉ ሲሉ መልዕክት አስተላልፈዋል።
ህልውናችን በተባበረ ክንዳችን !
አፋብን ጎንደር ጠቅላይ ግዛት በላይ ዘለቀ ዕዝ ህዝብ ግንኙነት መምሪያ!
07 اوت, 13:08
