ፍኖተ-አማራ ሚዲያ (Finote Amhara Media)
رفتن به کانال در Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
نمایش بیشتر4 431
مشترکین
-724 ساعت
-437 روز
+12730 روز
آرشیو پست ها
የመስቀል በዓልን አስመልክቶ ከአማራ ፋኖ ብሔራዊ ንቅናቄ (አፋብን) የተሰጠ መግለጫ
መስከረም 17 ቀን 2019 ዓ.ም
የአማራ ፋኖ ብሔራዊ ንቅናቄ እንኳን ለመስቀል በዓል በሰላም አደረሳችሁ ይላል። በክርስቲያናዊ ትውፊት መሠረት የክርስቶስ መስቀል በኢየሩሳሌም ተቀብሮ እንደነበርና በንግሥት እሌኒ ፍለጋ ተገኝቶ እንደወጣ ይነገራል።
መስቀል በኢትዮጵያ ልዩ ስፍራ የሚሰጠው በዓል መሆኑ የሚገለጸው በሃይማኖታዊ ይዘቱ ብቻ ሳይሆን ታሪክን ከባህል፣ ባህልን ከማኅበራዊ ሕይወት፣ ማኅበራዊ ሕይወትንም ከሕዝብ የጋራ ትውስታና ተስፋ ጋር የሚያስተሳስር በዓል በመሆኑ ነው።
ለአማራ ሕዝብም መስቀል በብዙ አውዶች የተለየ ትርጉም ያለው በዓል ነው። በሃይማኖቱ፣ በባህሉ፣ በቋንቋው፣ በየዕለት ሕይወቱና በታሪካዊ ትውስታው ውስጥ ጥልቅ ሥፍራ አለው። በዓሉ የሕዝቡን የጋራ ማንነት የሚያንጸባርቅ፣ ቤተሰብንና ማኅበረሰብን የሚያቀራርብ፣ የትውልድ ትውስታን የሚያድስ አንድ ታላቅ የባህል ዕሴት ነው። መስቀል የፍቅር፣ የምሕረት፣ የይቅርታ፣ የመስዋዕትነት፣ የተስፋና የሰው ልጅ ክብር እሴቶችን እንድናስብ የሚጋብዘን ምልክት ነው። በዚህ አውድ የመስቀል ታሪክን ከአማራ ሕዝብ የነፃነትና የፍትሕ ፍለጋ ጋር ማያያዝ የበዓሉን ምሳሌያዊ ትርጉም በሰፊው እንድንመለከት ያስችለናል።
የአማራ ፋኖ የመስቀል በዓልን ሲያከብር ነፃነት፣ፍትህ እና እውነትን ፈልጎ ማግኘት ለአፍታም የማይዘነጋ የምንጊዜም ተግባር መሆኑን በማስታወስ ጭምር ነው። ንግሥት እሌኒ የተቀበረውን መስቀል ከጉድጓድ ውስጥ ፈልጋ ማውጣቷ የተቀበረ ነገር ፍለጋ የሚጠይቅ፤ የተደበቀ እውነት መገለጥ የሚፈልግ፤ የጠፋ ተስፋ መብራት የሚችል መሆኑን ይነግረናል። ይህን ምሳሌ በሰብዓዊ ሕይወት ላይ ስንተረጉመው፣ የተደፈጠጠውን ፍትሕ ከትቢያ ማንሳት፣ የቀጠነውን እውነት ወደ ክብሩ መመለስ፣ የጠፋውን ፍቅር ማደስና የተጎዳውን የሰው ልጅ ክብር እንደገና ማቆም እና ለሰው ልጆች ሁሉ እኩልነትን ማስፈን የሁላችንም የጋራ ኃላፊነት መሆኑን ያስታዉሰናል።
የመስቀል በዓል ለሁላችንም የጋራ ትውስታችንን በማደስ ለተሻለ ማኅበራዊ ሕይወት የምንተጋበት ብቻ ሳይሆን ሕዝባችን የጀመርነው የኅልዉና ትግል የመጨረሻው ምዕራፍ መጀመሪያ ላይ መሆኑን በመገንዘብ በጋራ የሚቆምበት ወቅት ነዉ። በዓሉ የተከፋፈለውን የሚያቀራርብ፣ የተጎዳውን የሚያክም፣ የተረሳውን የሚያስታውስ፣የተስፋ ብርሃንን የሚያበራ እና ኢትዮጵያውያንን የሚያስተሳስር የጋራ ዕሴት እንዲሆን እንመኛለን።
የሀገራችን የወደፊት ተስፋ በጥላቻ ሳይሆን በመተሳሰብ፣ በመገፋፋት ሳይሆን በመከባበር፣ በመከፋፈል ሳይሆን በጋራ ራዕይ ይገነባል። ለዚህም የፍትሕ፣ የእኩልነት፣ የነጻነትና የሰው ልጅ ክብር እሴቶችን በተግባር ማስፈን የሁላችንም የጋራ ግዴታ ነው።
በመጨረሻም፣ የደመራው ብርሃን በየቤታችን የሰላም ብርሃንን፣ በየልባችን የፍቅርን ብርሃን፣ በየማኅበረሰባችንም የፍትሕና የተስፋ ብርሃንን ለሀገራችን ደግሞ የነፃነት ጮራን ያብራልን እያልን ለመላው ኢትዮጵያውያን፣ በተለይም የመስቀልን በዓል በእምነትና በባህል ለሚያከብሩ ወገኖቻችን ሁሉ መልካም የመስቀል በዓል እንዲሆንላችሁ እንመኛለን።
እንኳን ለመስቀል በዓል አደረሳችሁ!!!
በድጋሚ መልካም የመስቀል በዓል!
የአማራ ፋኖ ብሔራዊ ንቅናቄ (አፋብን)
መስከረም 17፣2019 ዓ.ም
እንኳን ለብርሃነ መስቀሉ በሰላም አደረሳችሁ! ✟✟✟
የተከበራችሁ የሃይማኖት አባቶች፣ እናቶች፣ ወጣቶች፣ ከሊቅ እስከ ደቂቅ ለዚህ ቅዱስ ዕለት የተሰበሰባችሁ በሙሉ፤ እንዲሁም ከክፍለ ጦር እስከ ከፍተኛ አመራር የምትገኙ የትግል አበጋዞች!
በሀገራችን ኢትዮጵያ በድምቀትና በታላቅ መንፈሳዊ ሞገስ ከሚከበሩ ታላላቅ በዓላት አንዱ የመስቀል በዓል ነው። ይህ በዓል መድኀን የሆነው የኢየሱስ ክርስቶስ መስቀል በክፉዎች አይሁድ ለሁለት መቶ ዓመታት ያህል ጥራጊና ቆሻሻ እንዲደፋበት፣ ስም አጠራሩ ከትውልድ ልቦና እንዲጠፋና እንዲረሳ ከተደረገበት አዘቅት በእውነተኛ ፍለጋና ቁፋሮ ተገኝቶ ከፍ ብሎ የበራበት ታላቅ ዕለት ነው።
የዘንድሮውን የመስቀል በዓል ልዩ የሚያደርገው ወንድሞቻችንና የአማራ ፋኖ ከመላው ኢትዮጵያዊ ሰባት ትብብር ኃይሎች ጋር በመሆን የአብይ አህመድን አረመኔያዊ ሥርዓት ለመጣልና ጠላትን በመጥረግ በድል በተንበሸበሹበት ወቅት በመሆኑ ነው። የፋኖ ድል የአገዛዙ የመውደቂያ ዕድሜ ፈጽሞ የተቃረበ መሆኑንና የአማራን ሕዝብ የነጻነት ቀን መቃረብ ቁልጭ አድርጎ የሚያሳይ የተስፋ ብርሃን ነው።
መድኅን የሆነው የክርስቶስ መስቀል ከዘመናት መቀበር በኋላ በእውነተኛ መሪዎች ተቆፍሮ እንደወጣና በዓለም አደባባዮች ላይ ከፍ ብሎ እንዳበራ ሁሉ፤ በክፉዎች ክፋት ለዘመናት በመከራ ጕድጓድ ተቀብሮ የኖረው የአማራ ሕዝብ ሕልውናም በእውነተኛ የትግል መሪዎች እየተመራ ከፍ ብሎ እንደ ፀሐይ ደምቆ ያበራል። የሁለት መቶ ዓመት የቆሻሻ ክምር የአማራን ነጻነትና ማንነት ከቶ አያስቀረውም።
መስቀሉም ይወጣል፤ ቆሻሻውም ይወገዳል፤ ቀባሪዎችም አንገት ይደፋሉ! እውነትን የዘመን ርዝመት አይደብቃትም፤ ሐሰትንም የማስመሰል ድሪቶ አያነግሳትም። እውነት የፈጀችውን ጊዜ ፈጅታ የተጫጫናትን የቆሻሻ ክምርና የድቡሽት ተራራ ገለባብጣ ትወጣለች፤ በዓለም ላይም ትነግሳለች። ሁሉም ከፍ ብላ ያያታል።
ትግላችን የእውነት፣ በእውነትና ስለእውነት የሚደረግ ቅዱስ ትግል ነው። በትግላችን ላይ የተጫነ የትኛውም ቆሻሻ የቱንም ያህል ጊዜ ቢፈጅና የቱንም ያህል ግዙፍ ተራራ ቢያክል በቅንጣት እውነት ይደረመሳል፤ ይገላለጣል። እውነት ተቀብራ በኖረችበት አዘቅት ውስጥ አብሪዋ እራሷ አምቃታ ይኖራል። ቀባሪው ግን ላይመለስ ይቀበራል። ስም አጠራሩም ለዘላለም ከትውልድ ልቦና ይጠፋል።
አማራ በክፉዎች ከነተቀበረ ማንነቱ በኃይልና በሞገስ ይነሳል! ጠላቶቹም ያፍራሉ፤ አመድ ትቢያም ይልሳሉ።
ይህ ትውልድ በክፉዎች እንዲቀበር የተፈረደበትንና ለብዙ ዘመናት በበርካታ ግሳንግሶች የተሸፈነውን አማራ ከነሙሉ ታሪኩ፣ ማንነቱና ሕልውናው የሚያወጣው የዘመኑ እሌኒ ነው።የሚፈሩትና የሚጠሉት ሁሉ ዓይናቸው እያየ ከተራራው ከፍታ ይወጣል፤ ማንም በወረደ ሥነ-ልቦና ሊያወርደው ከቶ ቀና ብሎ ሊያየው የሚደፍር አይኖርም። በመነሳቱ የሚወዱት ይደሰቱበታል፤ የሚጠሉት ግን ኃፍረታቸውን ይከናነባሉ።
በድጋሚ እንኳን ለብርሃነ መስቀሉ በሰላም አደረሳችሁ!
መስከረም 16/2019 ዓ.ም
ድል ለአማራ ፋኖ!
ክብር ለትግላችን ሰማዕታት!
የአፋብን ሽዋ ጠቅላይ ግዛት አሳምነው 5ኛ ዕዝ የህዝብ አስተዳደር አርበኛ ኤፍሬም ባዬ ደመራ ሲያከብር ያስተላለፈው መልክት
ቅድመ-ሁኔታ አንፈርምም ባሉ የሕሊና እስረኞች ላይ የተቀናጀ የበቀል እርምጃ እየተወሰደ ነው ፤ ጋዜጠኞችና ምሁራን ወደ አደገኛ ማግለያዎች ተወሰዱ !
በኢትዮጵያ ሰብዓዊ መብቶች ኮሚሽን (ኢሰመኮ) አማካይነት የቀረበላቸውን የግዳጅ የይቅርታ ሰነድ "አንፈርምም" በማለታቸው ሳይፈቱ በቀሩ 30 የሕሊና እስረኞች ላይ ከፍተኛ የበቀል፣ የጫና እና የሰብዓዊ መብት ጥሰት እርምጃ እየተፈጸመባቸው ይገኛል።
በትናንትናው ዕለት ከሰዓት በኋላ 11:00 ሰዓት ላይ በማረሚያ ቤቱ ኃላፊ በተሰጠ አሳሳቢ ትዕዛዝ፣ በቃሊቲ ማረሚያ ቤት በአንድ ክፍል ውስጥ ታስረው ይገኙ የነበሩ 20 የሚሆኑ ጋዜጠኞች፣ ፖለቲከኞች እና ምሁራን ከነበሩበት ክፍል ተወስደው ለእስረኞች ፈጽሞ ምቹ ወደ ያልሆኑና ወደተለያዩ አደገኛ ቦታዎች እንዲበታተኑ ተደርጓል።
ከስፍራው ከተገኘው አዲስ መረጃ ለመረዳት እንደተቻለው፣ ፖለቲከኛ ዮሐንስ ቧያለው፣ ጋዜጠኛ ዳዊት በጋሻው እና እሱባለው በለጠ እጅግ አደገኛ ተብለው ወደተፈረጁ ወንጀለኞች ማግለያ በተለምዶ "ታንከር" በመባል በሚጠራው አስፈሪ ክፍል ተወስደዋል ።
በሌላ በኩል ዶ/ር ወንድወሰን አሰፋ ከቃሊቲ ወደ ቂሊንጦ ከተዛወረ በኋላ፣ የጸጥታ ኃይሎች ብቻ ወደተደደቡበት ዞን 6 እንዲገባ ቢገደድም፣ ካለበት የጤና ሕመም፣ ከቦታው ስጋትና በብቸኝነት ከመታሰሩ አደጋ አንጻር ወደ ውስጥ አልገባም በማለቱ እስካሁን በራፍ ላይ ተቀምጦ በከፍተኛ ስቃይ ላይ ይገኛል።
በተመሳሳይ መልኩ ዶ/ር ቴዎድሮስ ኃይለማሪያም እና ረ/ፕ ሲሳይ አውግቸው ወደ ቂሊንጦ ዞን 4 የተዛወሩ ሲሆን፣ ሚካኤል መላክ እና ሌሎች ሁለት እስረኞች ደግሞ ወደ አባ ሳሙኤል ማረሚያ ቤት ተወስደዋል። ጋዜጠኛ ጎበዜ ሲሳይ፣ አባይ ዘውዱ እና መንበር አለሙን ጨምሮ ሌሎች እስረኞች ደግሞ ከተወሰዱ በኋላ እስካሁን የት እንደተደሉ ሳይታወቅ ተሰውረዋል።
ይህ በእስረኞቹ አካላዊና ሥነ-ልቦናዊ ደህንነት ላይ የተከፈተው አደገኛ ዘመቻና የግዳጅ ፊርማ ማስፈራሪያ በአስቸኳይ እንዲቆም፣ የታሰሩበት ቦታ ያልታወቁት ያሉበት ሁኔታ እንዲታወቅ በቤተሰቦቻቸው ጥሪ ቀርቧል።
ይድነቃቸው ከበደ
በ7ለ70 እና በአፄ ይኩኖ አምላክ ክፍለ ጦሮች ከጨፋ እስከ አጣዬ ባለው ጥቁር መስመር ሦስት መኪና ሙሉ ከነ ሻንበል መሪው የጠላት ኃይል ተደመሰሰ!!
መስከረም 16/2019 ዓ.ም
◍◍◍◍◍◍◍◍◍◍◍◍◍◍◍◍
የአፋብን ሸዋ ጠቅላይ ግዛት አሳምነው 5ኛ ዕዝ 7ለ70 ክፍለ ጦር እና አፄ ዘርያዕቆብ ፩ኛ ኮር አፄ ይኩኖ አምላክ ክፍለ ጦር በቅንጅት በፈጸሙት አውደ ውጊያ ታላቅ ድል መቀዳጀታቸውን የኮሩ ሕዝብ ግንኙነት ክፍል አስታወቀ።
ከአዲስ አበባ ወደ መቀሌ የሚወስደውን ጥቁር አስፓልት ተከትሎ ከጨፋ እስከ አጣዬ ከተማ ባለው አካባቢ፣ በአፄ ይኩኖ አምላክ ክፍለ ጦር ከጠዋቱ 1፡00 ሰዓት ጀምሮ በቁጥጥር ስር በማዋል፡ ብርብራ መስመርንና ቆሪ ሜዳን መስመርን በመቆጣጠር ሁለት ኦራል እና አንድ አሲዩዚ መኪና የጫነ የጠላት ኃይል ከነ ሻንበል መሪው መደምሰሳቸው ተረጋግጧል።
በዚሁ የአውደ ውጊያ መሶቢት መሽጎ የነበረውን የጠላት ምሽግ በ7ለ70 ክፍለ ጦር በቁጥጥር ሲውል፡ ቁጥሩ በውል ያልታወቀ ጠላት መደምሰሱንና አብዛኞቹ መቁሰላቸው ታውቋል።
በተጨማሪም በከርካሜ በኩል ከአጣዬ የመጣ ዙ-23 መሳሪያ በወገን ዶሽቃ በመመታቱ ከጥቅም ውጪ እንዲሆን ሲደረግ፡ ተሰልፎ የመጣውም ጠላት ወደ አጣዬ ለመመለስ ተገዷል።
በዚህ አውደ ውጊያ ጠላት ከፍተኛ ጉዳት ስለደረሰበት ከኮምቦልቻና ከሰንበቴ ተጨማሪ ኃይልን በጨፋና በአጣዬ ለማስጠጋት ጥረት እያደረገ መሆኑ ተረጋግጧል ።
"ክብር ለትግሉ ሠማዕታት!"
"ህልውናችን በተባበረ ክንዳችን!"
የአፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ!!
Repost from ፍኖተ-አማራ ሚዲያ (Finote Amhara Media)
#ሼር_ሼር አፈሳ በኳስ ሜዳ #አዲስ_አበባ የጭንቁ ሰአት ደረሰ ... ያበቃለት ስርአት በስተጨረሻ የሚያደርገው ሁሉ በጭንቀት ነው እና ጥንቃቄ አድርጉ ያገሬ ልጆች ሙሉ መረጃዎች እንዲደርሳችሁ ቴሌግራም ቻናላችን ይወዳጁን !!
https://t.me/httpsuYkZrGfSZrNjNjFk
#ሼር_ሼር አፈሳ በኳስ ሜዳ #አዲስ_አበባ የጭንቁ ሰአት ደረሰ ... ያበቃለት ስርአት በስተጨረሻ የሚያደርገው ሁሉ በጭንቀት ነው እና ጥንቃቄ አድርጉ ያገሬ ልጆች ሙሉ መረጃዎች እንዲደርሳችሁ ቴሌግራም ቻናላችን ይወዳጁን !!
https://t.me/httpsuYkZrGfSZrNjNjFk
አፋብን ሸ/ጠ/ግ አሳምነው 5ኛ ዕዝ አፄ ዓምደ ጽዮን ኮር አፄ ዳዊት ክፍለ ጦር ዛሬ አዳሩን ሬማ ከተማ ዘልቀው በመግባት በአገዛዙ ሀይሎች ላይ ጥቃት በመፈፀም ታማኝ የብልፅግና ሚሊሻ አመራርም ተማርከዋል። ተመልሰን እንመጣለን በዝርዝር
የሸዋው ነበልባል አርበኛ አከበር ስመኘው በዱር በገደሉ የተጻፈ የጽናት፣ የፋኖነትና የጀግንነት ታሪክ!
የአማራ ህዝባዊ ትግልና የፋኖ አደረጃጀት ዛሬ ለደረሰበት ጠንካራ መዋቅራዊ መሰረትና ህዝባዊ ደጀንነት እንዲበቃ በየዱር በገደሉ ደማቸውን ያፈሰሱ፣ ወዛቸውን የጠረጉና ህይወታቸውን ለህዝብ ክብር አሳልፈው የሰጡ በርካታ የቁርጥ ቀን ልጆች አሉ። ከእነዚህ ፊት አውራሪዎችና የትግል መስራቾች መካከል ደግሞ የሸዋው ጀግና አርበኛ አከበር ስመኘው አንዱና ዋናው ነው።
በዚህም የአማራ ፋኖ የጥሪው ምላሽ የወታደራዊና ፖለቲካዊ ዝግጅት ምዕራፍ ታሪክ ምስክር ነው! የፋኖነትና የብሔርተኝነት እሳት በደሙ ውስጥ የሚመታው አርበኛ አከበር ስመኘው፣ የጀግናውን የሜጀር ጄነራል አሳምነው ጽጌን የአማራ ብሔርተኝነት ጥሪ በተቀበለበት በዚያ ታሪካዊ ቅጽበት ወደኋላ ማየት አልነበረበትም። በወቅቱ በነበረው ታዋቂው ታጋይ ወንዱ አስቻለው ደሴ መሪነት፣ ጥቂት የቁርጥ ቀን የሸዋ ቆራጥ ወጣቶችን በማስተባበር ወደ ዱርቤቴ አመራ።
አርበኛ አከበር ስመኛው የአካልና የሕሊና ብቃት የትግሉን ፈተናዎች የሚመጥን ከባድ ወታደራዊ ስልጠናዎችን በብቃት አጠናቀቀ። የፖለቲካ ንቅናቄ የብሔርተኝነትንና የህዝባዊ ትግልን አስፈላጊነት የሚያስረዱ ፖለቲካዊ ስልጠናዎችን በመውሰድ፣ የወቅቱን ህዝባዊ እንቅስቃሴ በግንባር ቀደምትነት የተቀላቀለ የቁራጥ ቀን ልጅ ሆነ።
እሳት ያላበረደው የፋኖነት ጽናት ከሰኔ 15 ቀን 2011 ዓ.ም (እ.ኤ.አ 2019) ከባድና ታሪካዊ ክስተቶች በኋላ፣ በወታደራዊና በፖለቲካዊ መልኩ የመጣው ያ በረዶ የሚያቀዘቅዝ ገደብ የለሽ የመንግሥት ጫና፣ የጸጥታ ስጋትና የእስር አደን የጀግናውን ቅስም ሊሰብረው አልቻለም።አከበር ልቡ አልሸሸም፤ እግሩም አልተናወጠም! ሁሉንም ፈተናዎችና የጸጥታ ስጋቶች በፋኖአዊ ብልሃትና በጽናት ተቋቁሞ በማለፍ ወደ ተወለደባትና እምቡጥ አበቦቿን ወደምትጠብቃት የሸዋ ምድር በተለይም ወደ መርሃቤቴና አካባቢዋ በኩራት ተመለሰ።
አርበኛ አከበር ስመኛው ወደ መርሃቤቴ የተመለሰው ለእረፍት አልነበረም፤ የትግሉን እሳት በህዝቡ ልብ ውስጥ እንደገና ለማንደድና የህዝቡን አለኝታ ለማደስ እንጂ! በመርሃቤቴና በዙሪያው ባሉ አካባቢዎች የነበረው እንቅስቃሴ ዋና ዋና ታላላቅ ተግባራት ያካተተ በመዋቅራዊ አደረጃጀትን መገንባትን የአማራ ብሎም የኢትዮጵያ ብሔርተኝነትንና የፋኖን ህዝባዊ ትግል ለማጠናከር ደክመው ከማይሰለቹ የቅርብ የትግል አባላት ጋር በመሆን አዳዲስ ታጋዮችን የመመልመል፣ የማደራጀትና የትግሉን መዋቅራዊ መሰረት የማስፋፋት ሥራዎችን በበላይነት መርቷል።
ለአርበኛው የህዝብ ልብ መክፈትና ወጣቱን ማስታጠቅ ከትግል ጓዶቹ ጋር በመሆን የፋኖን የትግል አስፈላጊነት፣ አላማና እሴት በየደጃፉና በየመንደሩ ለህዝቡ በማስረጽ፣ የአካባቢውን ወጣት በስፋት በማደራጀትና በማስታጠቅ ለነፃነት ትግሉ ዋና መንፈስን የነደፈ ጀግና የዱር ገደሉ ውሎና ያልተቋረጠ ዋጋ ከፋይነት በአብይ አህመድ ቡችሎቾ አይነ ጥላ፣ ከባድ ክትትሎችና ስጋቶች ሳይበገር፣ ሌሊቱን በየዱር በገደሉ፣ እያደረ፣ እንቅልፍ አጥቶ በማደር ለሸዋ አልፍ ለአማራ ህዝባዊ ትግል ዘላቂነትና እስከዛሬ ላለው ጉዞ የማይተካ የፋኖነት ሚናውን ተወጥቷል
የማይበገረው የትግል ፍሬና የታሪክ ድርሻ ዛሬ በሸዋ እና የአማራ ምድር የፋኖ አደረጃጀት ጠንካራ መዋቅራዊ መሰረት ይዞ፣ የህዝብ መከታና ደጀን ሆኖ እንዲቆም ከተጋደሉ፣ ወዛቸውን ካፈሰሱና ዋጋ ከከፈሉ ጥቂት የቁርጥ ቀን ፋኖዎች መካከል አርበኛ አከበር ስመኘው በግንባር ቀደምትነት የሚነሳ የታሪክ ባለቤት ነው።
አርበኛ አከበር ለህዝብ ክብር፣ ለሃገር ነፃነትና ለእውነት ሲል ራሱን የሰጠ፣ በታሪክ ማህደር ውስጥ ደምቆ የሚኖር የዘመናችን እውነተኛ የሸዋ ጀግና ሲሆን አርበኛ አከብር ስመኛው ከሽዋ ጀግኖቹ ጋር ዛሬም በሽዋ ሰንሰለታም ተራሮች ላይ የአብይ አህመድ አየር ወለድ ኮማንዶ በገባበት ገብቶ እየቀጣ ይገኛል ይቀጥላል.....! ተፃፈ #Dave_Amhara
#ይህ_ከሌሊቱ_ዘጠኝ_ሰዓት_ከጀግናው_ወንድሜ_አርበኛ_በለጠ_ጋሻነህ "ጧ" ብዬ በተኛሁበት "#ስማ_ዴቭ_አማራ ከወንድሜ ከምሽግ የተላከልኝ፣የነፍስን ጥልቀት የሚነካ፣ ደም የሚያፈላና እጅጉን ልብ ሰባሪ የሆነ የታሪክ ጥሪ ትልቅ መልክት ነው።
ታሪክ በደምና በእንባ በትልልቅ ወርቃማ ሆሄያት በሚጻፍበት፣ የማንነትና የህልውናችን ጥያቄ በጎላ ሁኔታ በፊታችን በተደቀነበት በዚህ ወሳኝና ታሪካዊ ሰዓት፣ ፍርሃትና ማወልወል ፈጽሞ ቦታ የላቸውም!
ከአማራ ህዝብ ተወልዶ፣ የነፃነትና የጀግንነት ደም በስሩ እየተመላለሰ፣ የወገኑን አለኝታ ማጣትና ሰቆቃ እያየ በስጋት ወደኋላ ማወልወል የታሪክና የትውልድ ይቅር የማይለው ተጠያቂነትን ያመጣል። ህልውናችንን በጽናት የማስከበር፣ የወደፊት እጣ ፈንታችንን በገዛ እጃችን የመወሰንና የታላቁን ህዝባችንን የተቀደሰ ክብር የማስጠበቅ ታላቅ አደራ ዛሬ በሁላችንም ትከሻ ላይ ወድቋል።
አማራም ሆነች ኢትዮጵያ እውነተኛ ነፃነታቸውንና ክብራቸውን የሚቀዳጁት አሁን ነው! ይህ ታሪካዊ ክስተት ደግሞ እውን ሊሆን የሚችለው ከቆላ እስከ ደጋ፣ ከእያንዳንዱ መንደር እስከ ታላላቅ ከተሞች ያለው፣ አቅሙና ጉልበቱ የፈቀደ ወጣት ሁሉ ለዚህ የተቀደሰ ቅዱስ ዓላማና የህልውና ትግል በአንድነት ደረቱን ሰጥቶ፣ ክንዱን አስተባብሮ ሲቆም ብቻ ነው። ዛሬ በሚቆረቁር ቁስልና በፅናት የምንከፍለው መስዋዕትነት የነገውን ትውልድ አንገት ቀና የሚያደርግ፣ የነፃነታችንን፣ የፍትሕና የእኩልነታችንን መሰረት በጥብቅ የሚያጸና ነው።
የአሁኑ ወጣት፣ የቀደሙ አባቶቻችንና እናቶቻችን በደማቸውና በአጥንታቸው ያስከበሩትን የታሪክ አደራ የመሸከም፣ የማስቀጠልና ለቀጣዩ ትውልድ የማስተላለፍ ትልቅ ግዴታ አለበት!
በፍርሃት፣ በጥርጣሬና በቆሞ ቀርነት የሚታለፍ አንዳችም ሰከንድ የለም፤ በፅናት፣ በወኔና በእውነተኛ የማንነት እምነት ወደፊት ብቻ ይገሰገሳል! ዛሬ በወንድማማችነትና በአንድነት የምንቆመው ጠንካራ ቁመና፣ ነገ የምንመሰርታትን ነፃ፣ ፍትሐዊ፣ የተከበረችና የበለፀገች ሀገር ቅርፅና መንገድ ወስኖ ያሳያል።
ፈጣሪ የድንግል ማሪያም ልጅ ይጠብቅ ክንዳለም ብዬ ተመኝቼ ተመልሽ ተኛሁ። #Dave_Amhara
