ፍኖተ-አማራ ሚዲያ (Finote Amhara Media)

በዛሬው ዕለት በሸዋ ነፃ የወጡ ከተሞች:- ✅ዘመሮ ከተማ ✅ሬማ ከተማ ✅ወገሬ ከተማ ✅መራኛ ከተማ ✅ጅሁር ✅መሀል ሜዳ ከተማ ✅መርሀቤቴ ኮላሽ

👉 ዳባት በአፋብን በላይ ዘለቀ 3ኛ ዕዝ ተይዛለች! በሁሉም የአፋብን ግንባሮች በተጀመረው ማጥቃት የአገዛዙን ጦር በመደምሰስ በርካታ ወረዳወችና ትልልቅ ከተሞችን የፋኖ ሰራዊት መቆጣጠሩን ቀጥሏል። በደቡብ ግንባር የቀጠለው ድል በምዕራብ ግንባር አድማሱን በማስፋት በአፋብን በላይ ዘለቀ 3ኛ ዕዝ 208ኛ ኮር ሰሜን አምባራስ እና ዘራይ ክፍለጦር ዳባት ከተማን ተቆጣጥረዋል።

ሚዳ መራኛ ከተማ ገቢ ሆናለች✅ አፋብን ሸዋ ጠቅላይ ግዛት አሳምነው 5ኛ ዕዝ 27/01/2019 ዓ.ም

​ምኒልክ 1ኛ ዕዝ ከለገሂዳ ወረዳ ከተዉጣጡ ቀበሌ ህዝብ ጋር ዉይይት አደረገ! ​በአፋብን ምኒልክ 1ኛ ዕዝ፣ 15ኛ ኮር 152ኛ ክፍለ ጦር በሚንቀሳቀስበት ቀጠና የኮሩ እና የክፍለ ጦሩ ከፍተኛ አመራሮች በተገኙበት በለገሂዳ ወረዳ ዙሪያ ከሚገኙ የአካባቢው ነዋሪዎች ጋር ህዝባዊ ውይይት ተካሂዷል። ​ በትጥቅ ትግል እንቅስቃሴ ውስጥ ከህዝብ ጋር የሚደረግ ውይይት እና ምክክር የትግሉን የፖለቲካ፣ የሎጂስቲክስ እና የደህንነት መሰረት ለመገንባት ከፍተኛ ሚና ይጫወታል። የትግሉን ግብ፣ አስፈላጊነት እና የመጨረሻ መዳረሻ ለህዝቡ በግልጽ ማስረዳት የፖለቲካ ቅቡልነትን ለማረጋገጥ እንዲሁም ትግሉ የጥቂቶች ሳይሆን የሰፊው ህዝብ ፍላጎት መገለጫ እንዲሆን እንደሚያስችል ተመልክቷል። ​ህዝብን ሳያወያዩ እና ሳያሳትፉ የሚደረግ የነፍጥ ትግል ማህበራዊ መሰረት ስለማይኖረው የመክሸፍ ዕድሉ ከፍተኛ መሆኑ የተጠቆመ ሲሆን፣ በፋኖ እና በህዝቡ መካከል ጠንካራ ትስስርና መተማመን እንዲኖር ህዝባዊ ውይይቱን ማጠናከር እንደሚገባ ተገልጿል። ​በመጨረሻም በውይይት ከጠላት የሚሰነዘሩ የፕሮፓጋንዳ እና የሐሰት ትርክቶችን በማፍረስ የህዝቡን ሞራል ለመጠበቅ፣ እንዲሁም በዓላማው ያመነ እና የነቃ ህዝብ ልጆቹን ለትግሉ በፈቃደኝነት የሚያሰልፍበት ሁኔታ እንደሚፈጠር በውይይቱ ወቅት ተብራርቷል ሲል የ15ኛ ኮር ህዝብ ግንኙነት መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ህዝብ ግንኙነት መምሪያ!! መስከረም፦ 27/ 2019 ዓ/ም

ድሬዳዋ ከተማ የሚገኘው የምስራቅ ዕዝ ደረጃ ሦስት ሆስፒታል በቁስለኛ የአገዛዙ ወታደሮች መጨናነቁ ተሰማ! ሰሞኑን በምስራቅ ግንባር በተደረገ ተጋድሎ ከተገደሉት በተጨማሪ በውጊያው ከቆሰሉት መካከል ከ500 በላይ ቁስለኛ ወታደሮች በአንቶኖቭ አውሮፕላን ተጭነው ድሬዳዋ ወደ ሚገኘው የምስራቅ ዕዝ ደረጃ ሦስት ሆስፒታል መወሰዳቸውን የአይን እማኞች ለመረብ ሚዲያ ገልፀዋል። ቁስለኛ ወታደሮቹ ወደ ደሬዳዋ የተወሰዱት ቆቦ፣ ሰቆጣ፣ ወልድያ፣ ደሴና ኮምቦልቻ እንዲሁም ባህርዳርና አዲስ አበባ የሚገኙ የሠራዊቱ ሆስፒታሎች በመሙላታቸው የተነሳ መሆኑ ታውቋል። በተጠቀሱት አከባቢዎች ከሠራዊቱ ሆስፒታሎች በተጨማሪ በርካታ የሕዝብ ጤና ተቋማት ከአቅም በላይ በሆነ መልኩ በቁስለኛ ወታደሮች በመሞላታቸው ከድንገተኛ ሕክምና ውጭ ለሲቪሊያን የሚሰጡትን አገልግሎት ለማቋረጥ ተገደዋል። ሰሞኑን በወሎ ቤተ አማራ ቀጠና በራያና በዋግኽምራ ግንባሮች በተደረገ ተጋድሎ የብልፅግናው አገዛዝ ከባድ የሆነ ሰብአዊና ቁሣዊ ኪሣራ መከናነበቡን መረብ ሚዲያ በምስል አስደግፎ መዘገቡ ይታወቃል። አገዛዙ ረዥምና መካከለኛ ርቀት ተወንጫፊ ሚሣኤሎችን ጨምሮ 4 የሜካናይዝድ ክፍሎችን፣ ሱ 27 የጦር ጄቶችንና ተዋጊ ሰው አልባ አውሮፕላኖችን(ድሮን) ከ5 ዕዝ ሠራዊት ጋር በማሰለፍ በተዋጋበት በዚህ ቀናትን የፈጀ ውጊያ፡ ወሳኝ የጦር አዛዦቹን ጨምሮ በሺዎች የሚቆጠሩ ወታደሮቹ ተደምስሰውበት ከባድ እልቂት አስተናግዷል። አገዛዙ <<የሰው ማዕበል (Human wave)>> የሆነ የጦር ስልት ነው የተከተለው በተባለበት በዚህ ውጊያ፡ ጦሩ በውጊያ መኃል ከስምንት ጊዜ በላይ የፈረሰበት ሲሆን በእያንዳንዱ መፍረስ በትንሹ ከ900 በላይ የሚሆኑ ወታደሮቹ እንዳለቁበት መረብ ሚዲያ ያነጋገራቸው ወታደራዊ ባለሙያዎች ገልፀዋል። በአሁን ሰዓት የትብብር ለሕልውና ኃይሉ ቁልፍና ወሳኝ ወታደራዊ ስፍራዎችን በቁጥጥሩ ስር በማዋል፡ ዋና ዋና የፌደራል መስመሮችን ያለምንም ተኩስ ክፍት አድርጎ የአገዛዙን ኃይል ስቦ ወደ መኃይል ትግራይ እያስገባው ይገኛል። መኃል አስፓልቱን ተከትሎ በትብብሩ ለሕልውና ኃይሉ በተተለመለት መስመር እየገባ የሚገኘው የጠላት ብልፅግና ኃይል፡ ያለምንም ውጊያ የተቆጣጠራቸውን አከባቢዎች ተዋግቶ እንደያዛቸው በማስመሰል ሀሰተኛ ፕሮፖጋንዳ በአክቲቪስቶቹ ማስነገሩን ተያይዞታል። የትብብር ለሕልውና ኃይሉ ያለምንም ትንኮሳ መንገዶችን ክፍት በማድረጉ የተደናገጡ አንዳንድ የጦር አዛዦች፡ "መግባት የለብንም፡ እንቆረጣለን" የሚል ሀሳብ የሰጡ ቢሆንም፡ ነገር ግን << አቢይ አህመድ  እንደ አዲስ ጠቅላይ ሚኒስትር ሆኖ መመረጡን ተከትሎ ደስ እንዲለው ወደ መኃል መገባት አለበት>> የሚል መመሪያ በመውረዱ ወታደሩ በፍርሃት ተሞልቶ እየገባ መሆኑን ነው የመረብ ሚዲያ ወታደራዊ ምንጮች የገለፁት። ወታደሩ በእያንዳንዱ እርምጃው በእሳት ረመጥ ላይ እየተረማመደ መሆኑ ስለገባው በአንዳች ፍርሃትና ውዥንብር ተሞልቷል የተባለ ሲሆን፡ በየደረሰበት መንደር የያዘውን መሣሪያ በሲቪል ልብስ እየቀየረ እየኮበለለ መሆኑ ታውቋል። አጠቃላይ በውጊያው ከፍተኛ የሆነ የሰውና የወታደራዊ ንብረት ኪሳራ የደረሰበት የብልፅግናው አገዛዝ፡ ለቁስለኛ ወታደሮቹ ሕክምና ለመስጠት የሕክምና መስጫ ጣቢያ እጥረት እንዳጋጠመው ታውቋል። ውጊያው በተደረገበት ግንባር በቅርብ ርቀት የሚገኙት ቆቦ፣ የፍሰቆጣ፣ ወልድያ፣ ደሴና ኮምቦልቻ የነበሩ የሠራዊቱና የሕዝብ መገልገያ ሆስፒታሎች ከአቅም በላይ በመሙላታቸው የተነሳ አገዛዙ ቁስለኞቹን ወደ ባህርዳር፣ አዲስ አበባ፣ ዝዋይና ድሬዳዋ ለመውሰድ ተገዷል። በተጠቀሱት አከባቢዎች ከሠራዊቱ ሆስፒታሎች በተጨማሪ በርካታ የሕዝብ ጤና ተቋማት ከአቅም በላይ በሆነ መልኩ በቁስለኛ ወታደሮች በመሞላታቸው ከድንገተኛ ሕክምና ውጭ ለሲቪሊያን የሚሰጡትን አገልግሎት ለማቋረጥ ተገደዋል። ድሬዳዋ ከተማ የሚገኘው የምስራቅ ዕዝ ደረጃ ሦስት ሆስፒታል ካለፉት ቀናት ጀምሮ ከ500 በላይ ቁስለኛ ወታደሮችን ተቀብሎ እያከመ ሲሆን፡ ቁስለኛ ወታደር አሁንም ወደ ሆስፒታሉ እየገባ መሆኑን ተከትሎ የመታከሚያ አልጋ በመጥፋቱ የሆስፒታሉ ህንፃ ኮሪደሮችና መዝናኛ ክበቦች በሙሉ እንደ መታከሚያ መኝታ አልጋ እያገለገሉ መሆኑን የአይን እማኞች ለመረብ ሚዲያ ገልፀዋል። የሆስፒታሉ ህንፃዎች መተላለፊያ ኮሊደር ጭምር ቁስለኛ ተኝቶ እየታከመበት ነው፡ የሆስፒታሉ ካፍቴሪያዎችና ሌሎች አገልግሎት መስጫ ህንፃዎች ጭምር በቁለኛ ተሞልተዋል ነው ያሉት ጣቢያችን ያነጋገራቸው የአይን እማኞች። ይህም አቢይ አህመድ ፀረ አማራና ሀገር አፍራሽ የሆነ አገዛዝ ስርዓቱን ለማስጠበቅ ሲል የደሀ ልጆችን በግድ እያፈሰ እያስጨረሰ መሆኑን በተጨባጭ ያሳየ ነው የተባለ ሲሆን፡ ይህ ሴራ የገባቸው ቀሪ ወታደሮችም "በማን ደም የማን ስልጣን ሊቆም" በሚል ከነ ሙሉ ትጥቃቸው ከስምሪት ቀጠናቸው እየወጡ መኮብለላቸውን ቀጥለዋል። 👂👂👂👂

የአብይ አህመድ የገዛው ሚሊሻና አድማ መከላከል መጨርሻው ይህ ነው ሙሉውን ቴሌግራም ቻናላችን ላይ ሼርና ጆይን በማድርግ ይወዳጁን!! https://t.me/mezmure122124

ወገሬ ፣ ዘመሮ፣መሀል ሜዳ፣ጁሁር፣ሬማ ከተማ፤ ሸዋ ዛሬ አጃኢብ ነው ብርቱ የንጉሶቹ

ከአውደ ውጊያዎች ባሻገር ------------- አፋብን ጎንደር ጠቅላይ ግዛት በላይ ዘለቀ 3ኛ ዕዝ በስሩ በሚገኙ ክፍለ ጦሮች ለአመራርና ለአባላቱ በሰራዊት ስነ-ምግባርና ስነ-ስርዓት መመሪያ ላይ ያተኮረ የግንዛቤ ማስጨበጫ መድረክ አካሂዷል። መስከረም 27/ 2019 ዓ.ም በተካሄደው በዚህ መድረክ ጎንደሬ በጋሻው ክፍለ ጦር እና በለሳ ታርቆ ከበደ ክፍለ ጦር አባላትና አመራሮች የተሳተፉ ሲሆን ሰራዊቱን ማዋሃድ፣ አሰራርና መርህን መከተል እንዲሁም ተቋማዊ አንድነትን አጠናክሮ ማስቀጠል ላይ ትኩረት ያደረገ የግንዛቤ መድረክ ተፈጥሯል ። ​በመድረኩ የዕዙ ሰብሳቢ አርበኛ ዮሐንስ ንጉሱ፣ የሰው ሀብት አስተዳደር ኃላፊው አዳነ ፀጋ እና ሌሎች የዕዝ፣ የኮርና የክፍለ ጦር አመራሮች የተገኙ ሲሆን፣ የሰራዊቱን ዲሲፕሊንና ተቋማዊ አሰራር ማጠናከር በሚቻልባቸው ጉዳዮች ላይ ሰፊ ውይይት ተደርጓል። አመራሮቹ በመመሪያው ዙሪያ ግልጽ ግንዛቤ በመፍጠር ሰራዊቱ በተመሳሳይ መርህና ስነ-ምግባር እንዲመራ አቅጣጫ አስቀምጠዋል። ​በተጨማሪም በዚህ መድረክ ላይ 7 ዓመት መታሰቢያ የሻለቃ አስቻለው ደሴ(ገብርዬ ) ታሪክና ህልም ታስቧል። አመራሩና አባሉ ሻለቃ አስቻለው ደሴ (ገብርዬ) የትግል አርማ፣ የትግል እርሾና የአማራነት ውሃ ልክ መሆኑን በመግለፅ፣ የእርሱን ህልምና ሀቅ ለተከታዩ ትውልድ ማስተላለፍ ለወቅታዊው ትግል አይተኬ መርህ ሆኖ እንደሚቀጥል አጽንኦት ተሰጥቶበታል። ህልውናችን በተባበረ ክንዳችን! ​አፋብን ጎንደር ጠቅላይ ግዛት በላይ ዘለቀ 3ኛ ዕዝ የሕዝብ ግንኙነት መምሪያ!

ሬማ ከተማን ለቆ ሩጫ ላያ ነው። ✅ በጀግናው ሰራዊታችን ተከቧል❗️

ሬማ ከተማን ለቆ ሩጫ ላያ ነው። ✅ በጀግናው ሰራዊታችን ተከቧል❗️

ሌላ ዜና ጅሁር

የአፋብን ቴዎድሮስ 2ኛ ዕዝ 201ኛ ኮር 64ኛ ክ/ጦር በሸበል በረንታ የዕድውሃ ከተማና አካባቢው ላይ ድል ተቀዳጄ!! ~~~ የአፋብን ቴዎድሮስ 2ኛ ዕዝ 201ኛ ኮር 64ኛ ክ/ጦር መስከረም 26/2019 ዓ.ም ከቢቸና ሸበል በረንታ ወረዳ በአንድ አይሲዙ እና ሁለት ካሶኒ ተሽከርካሪ ላይ የነበሩ የአገዛዙ ቅጥርኛ የሚሊሻ ሰራዊት አባላት በየዕድውኃ ከተማና ኮሸሽላ ቀበሌ አካባቢ ልዩ ቦታው ሞተበየ በሚባል ቦታ ላይ በወሰደው የደፈጣ ጥቃት የአሞራ ቀለብ መጫወቻ ሆነዋል።     ከዚህ ደፈጣ ጋር በተየያዘ ክ/ጦር በሸበል በረንታ ወረዳ የዕድውኃ ከተማ ቱቲ በር ድርስ ዘልቆ በመግባት በከተመዋ ኖሪዎች ላይ ከፍተኛ ስቃይና በደል ሲያደርሱ የነበሩ የአገዛዙን ቅጥርኛ የሚሊሻ አባላት ሙትና ቁስለኛ ሆነዋል። በየዕድውሃ ከተማና ዙሪያ አካባቢው ቀበሌ በተጣለ ደፈጣ 8 የአገዛዙ የሚሊሻ ሰራዊት አባላት ሲወገዱ 10 ቀላልና ከባድ ቁስለኛ ሆነዋል። ከእነዚህም ውስጥ:- 1ኛ.ውዱ ብርቁ ሚሊሻ የሞተ 2ኛ.ይልቃል አባተ ሌዲ ቀበሌ ሚሊሻ የሞተ 3ኛ.ሙሉሰው ምቴ ሚሊሻ የሞተ 4ኛ.እውነቱ ገሬ ሚሊሻ ሌዲ ቀበሌ የሞተ 5ኛ.ይልቃል ጊዜ መርገጭ 01ቀበሌ ሚሊሻ የሞተ 6ኛ.ውድሰው ብርቁ መራፍ የራሶች ቀበሌ የሞተ 7ኛ.ወርቅየ አቡየ ሚሊሻ ቁስለኛ 8ኛ.ግዛቸው ጎሹ ሚሊሻ ቁስለኛ 9ኛ.የውሉ በለጠ ሚሊሻ ቁስለኛ 11ኛ.ዳምጤ አይቸው ሚሊሻ ቁስለኛ 12ኛ.ፍቃዱ የቻለ ሚሊሻ ቁስለኛ 13ኛ.ሙሉሰው ማናየ ሌዲና አካባቢው ሚሊሻ ቁስለኛ 14ኛ.ብርቁ ደርጉ ዋሻየ ቀበሌ ሚሊሻ ቁስለኛ የሆኑ የአገዛዙ የሚሊሻ አባላት ቀላል እና ከባድ ቁስለኛ በመሆን ቢቸና የመጀመረያ ደርጃ ሆሲፒታል እና ደብርማርቆስ ሪፈራል ሆሲፒታል መግባታቸው ታውቋል ። የአማራ ህዝብ የህልውና ተጋድሎ ተጠናክሮ ይቀጥላል!! ድል ለአማራ ህዝብ! ህልውናችን በተባበረ ክንዳችን!!           መስከርም 27/219 ዓ.ም አፋብን ቴዎድሮስ 2ኛ ዕዝ 201ኛ ኮር 64ኛ ክ/ጦር ሕዝብ ግንኙነት

#የአብይን_ወንበር_ለማስጠበቅ_በጀግኖቹ_የአሳምነው ክንዶች የተማረከ መከላከያ እና ሚሊሻ ሙሉውን ቴሌግራም ቻናለችን ላይ ጆይን እያላችሁ ይቀጥላል በከፊሉ ነው ይህ!! https://t.me/mezmure122124

የበአፋብን ሸዋ ጠቅላይ ግዛት የፈጣንና የተቀናጀ ወታደራዊ ስልት አመርቂ ውጤት በአፋብን ሸዋ ጠቅላይ ግዛት የሚንቀሳቀሰው የአሳምነው 5ኛ ዕዝ፣ ወቅቱንና ቦታውን ያገናዘበ እጅግ የተቀናጀና ፈጣን ወታደራዊ ስልትን በመጠቀም በአገዛዙ ኃይል ላይ ድንገተኛና መብረቃዊ ምት በማሳረፍ ከፍተኛ ወታደራዊና ፖለቲካዊ ድሎችን ማስመዝገቡን ቀጥሏል። በዚሁ የተቀናጀ ዘመቻ ሂደት የነገሥታት ምድር የሆነችውንና ስትራቴጂካዊዋን የመንዝ መሃልሜዳ ከተማ ሙሉ በሙሉ በቁጥጥር ስር ማዋል ተችሏል። የመሃልሜዳ መያዝ ተራ የቦታ ቁጥጥር ሳይሆን በግንባሩ ያለውን የወታደራዊና ፖለቲካዊ ሚዛን ሙሉ በሙሉ ወደ አዲስ ምዕራፍ ያሸጋገረ ትልቅ ስትራቴጂካዊ ኩነት ነው። የመሃልሜዳ መያዝ ወታደራዊና ፖለቲካዊ ትርፎች መሃልሜዳ የአካባቢውን የመልከዓ-ምድር አቀማመጥ ለመቆጣጠርና የተቃራኒ ኃይልን የእንቅስቃሴ መስመር ለመቁረጥ የሚያስችል ቁልፍ ወታደራዊ ማዕከል በመሆኗ፣ ለአሳምነው 5ኛ ዕዝ የላቀ የውጊያ የበላይነትን ሰጥታለች። ከተማዋን መቆጣጠር በአካባቢው የሚገኘውን የአገዛዙን የሎጂስቲክስ፣ የቁሳቁስና የኃይል አቅርቦት መስመር በማስተጓጎል በጠላት ሰራዊት ላይ ከፍተኛ የመዋቅርና የትዕዛዝ መበታተን ፈጥሯል።  የታሪካዊቷንና የስነ-ልቦናዊ እሴት ያላትን ከተማ መቆጣጠር የአገዛዙን የፖለቲካ የበላይነት ገጽታ ያሸረሸረ ሲሆን፣ ለታጋዩ ኃይልና ለአካባቢው ህዝብ ደግሞ ከፍተኛ የሞራልና የፅናት ምንጭ ሆኗል።  የመሃልሜዳ በቁጥጥር ስር መዋል ለቀጣይ ወታደራዊ እንቅስቃሴዎች አስተማማኝ መነሻ በመሆን፣ በአካባቢው ያሉ ሌሎች ስትራቴጂካዊ ቦታዎችን በቀላሉ ለመቆጣጠር በር ከፍቷል። በአሳምነው 5ኛ ዕዝ የተካሄደው ይህ መብረቃዊ ምት በአካባቢው የሚገኘውን የኃይል ሚዛን በመቀየር በኩል የላቀ ድል ያስመዘገበና የመስከረሙን አዲስ ምዕራፍ ያበሰረ ስትራቴጂካዊ እርምጃ ሆኖ ተመዝግቧል።