ፍኖተ-አማራ ሚዲያ (Finote Amhara Media)
رفتن به کانال در Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
نمایش بیشتر4 394
مشترکین
-1324 ساعت
-657 روز
+1430 روز
آرشیو پست ها
ለሕዝብ ሰላም፣ ለወንድማማችነት፣ ለዓላማ ፍጻሜ፣ የምታስቡ የሕዝብ ልጆች እውነት የጎጃም እናት ወልዳ የጎጃም ሽማግሌና ብሩክ ሕዝብ አሳድጓችሁ ከሆነ እንደ ማኅበረሰባችሁ አስቡ።
ውሸተኞች፣ አስመሳዮችና በፌክ አካውንት ወንድምን በወንድም ላይ እንዲነሣ የምታደርጉ እኩያትን ካልሆናችሁ ትልቁን ጉዳይና ነገ ሊመጣ የሚችለውን ተዋርዶና እልቂት አስባችሁ ዝም በሉ። እኔ ሰሞኑን ብዙ ሰዎችን ከገጼ አባርሬያለሁ። ገናም አባርራለሁ።
ሰላምን የማይሰብክ በተለይ በወንድሞቻችን መካከል የተፈጠረውን ጥል የባሰ ላምባ እያርከፈከፈ እሳት ሊያደርግ የሚሞክር ሁሉ አመራርም ሆነ ተራ አባል ወይም ተመልካች እርሱ የሕዝብ ጠላት ነው።
ተቋም አለ፤ በምሁራን የሚመራ የሽምግልና ቡድን አለ። ይኸ ሁሉ ሥራ እየሠራ ነው። ይህ ባለበት አጋና መንጋ ይዞ መነታረክ አላስፈላጊ መረጃዎችን ለሚድያ ስድድብ ፍጆታ ማዋል በጣም ያሳፍራል፤ ይጎዳል።
አሁን ላይ ጣት መቀሳሰሩ በፌክ አካውንት ሰው በሚሳደቡትና በለው ገንጥለው ለየው በሚሉ ጎጥና አካባቢ ለይተው በሚሳደቡት ላይ ይሁን። እነርሱን እየለያችሁ አውግዙ።
እባካችሁ ሥራ እንሥራበት አድቡ!
ከዚህ በታች ያያዝሁት የመሪያችን ቃል አሁንም መፎክራችንና የመሐላ ቃላችን ይሁን።
@ዲ/ን በአንተአምላክ
14 مه, 06:00
አንድ ሰው ምን ሲል ሰማሁት፤
በገንፎ ተጀምሮ በንፍሮ ለሚያልቅ ህይወት ራሳችሁን አታስጨንቁ። ይኸውላችሁ ልክ ስትሞቱ እገሌ እኮ ሞተ ተብሎ መነጋገሪያ ከመሆንና ከቀብር ሰዓት በኋላ ደግሞ የካርታ መጫወቻ ምክንያት ከመሆን ውጪ ማንም ስለናንተ ደንታ የለውም። ተገናኝቶ ለማያውቅ ቤተሰብ እንኳን የመገናኛ ምክንያት ነው የምትሆኑት። የመጣው ቤተሰብ እናንተን አጥቶ ለተጎዳ ወላጅ ወገን ለመሆን ነው፤ እኛ እንደርሳለን ይላሉ፣ ከሳምንት በኋላ ግን ይጠፋሉ። ያኔ ተረሳችሁ በቃ።
ይኸውልህ ማንም ይክፋው፣ የመጣውም ይምጣ፣ የሄደም ይሂድ፣ ህይወትህን እየተጋፈጥክ ኑራት። ተዋረድክ? አንድ ሰሞን ነው።
ቅሌት ምናምን አሉህ አይደል? እሱም አንድ ሰሞን ነው። ሁሉም በውስጡ ጉዱን ሸፍኖ ነው የሚኖረው። ቀለል አድርጋችሁ ስኬታችሁን እያባረራችሁ ኑሩ። ማርያምን ህይወት ይቀጥላል። እናንተ ብቻ ይህን አለም አትኮፈሱ፣ ይህን አለም ራሳችሁን አትጣሉ። መኖር ብዙ ያሳያችኋል። እንዳትኖሩ፣ እንዳያልፍላችሁ፣ የሆነ ጊዜ ተሰብራችሁ እንድትቀሩ ለሚፈልጉ ሰዎች ስትሉ ጠንካራ መሆን አለባችሁ። አለቀ!! Dawit Amhara ከንጉሶች መንድር
14 مه, 05:53
የጥንቃቂ መረጃ‼
✍
የድሮን አሰሳ እየተደረገባቸው ያሉ ቦታዎች፦
✅ከደብረ ታቦር እሥከ ማሕደረ ማርያም
✅ከደብረ ታቦር ዓለም በር
✅ከደብረ ታቦር -መሎ ሐሙሲት
✅ከደብረ ታቦር -ጋሳኝ
✅ከአምበሣሜ -ዋንዛዬ
✅ከአምበሳሜ-ጉራምባ
✅ከአምበሳሜ - ገላውዴዎሥ
ፋኖ ኃቅ-ዓለው ፀጋ አለባቸው
14 مه, 04:36
‹‹እስካሁን አማርኛ እናውቃለን ስንል ኖረናል፡፡ አሁን ግን በሽግግር መንግስቱ በአዲስ መልክ መማር ሊገባን ነው›› ሲል ምጸቱን ገልጾ ነበር፡፡ በዚህም የተነሳ ማዕከላዊ ወንጀል ምርመራ ተጠርተው በ50 ሺህ ብር ዋስና ከአገር እንዳይወጡ እገዳ ተጥሎባቸው ተለቀቁ፡፡ በዚያው ዓመት ከጎጃም ከመጡ አርሶ አደሮች ጋር አሲረዋል በሚል ‹‹ለጥያቄ ይፈለጋሉ›› ተብለው ሐምሌ 5 ቀን 1985 ዓ.ም ተጠርተው ለ24 ሰዓታት ከታሰሩ በኋላ በ20 ሺህ ብር ዋስትና ተለቀቁ፡፡ ከዚያ በኋላ ሐምሌ 12 በነበረው ተለዋጭ ቀጠሮ ዋስተናቸው ተነስቶ ለ43 ቀናት ከታሰሩ በኋላ ነሐሴ 24 ቀን 1985 ዓ.ም ሊፈቱ ችለዋል፡፡
በወቅቱ በተደጋጋሚ እየተጠሩ ዋስትና ከመጠየቃቸው የተነሳ ‹‹የዋሶች ባንክ ማደራጀት ሳይኖርብኝ አይቀርም›› ሲሉ ምሬታቸውን ገልጸው ነበር፡፡ ከተደጋጋሚና አሰልች የፍርድ ቤት ምልልስ በኋላ ሰኔ 20 ቀን 1986 ዓ.ም የዋለው ችሎት ከጎጃም ገበሬዎች ጋር አሲረዋል በሚለው ክስ የሁለት ዓመት እስር ተፈረደባቸው፡፡ ሐገራቸውን ደከመኝ ሰለቸኝ ሳይሉ በታማኝነት ያገለገሉ ሽማግሌ በጡረታ እድሜያቸው ከርቸሌ ወረዱ፡፡ በወቅቱ አምኒስቲ ኢንተርናሽናል ፕሮፌሰሩን ‹‹የህሊና እስረኛ›› ሲላቸው የፍርድ ሒደቱንም ‹‹መረጃ አልባ›› ሲል አጣጥሎታል፡፡ ይህ በእንዲህ እንዳለ በእንጥልጥል የቆየው ደብረ ብርሃን ንግግር ክስ ተቀስቅሶ በሳምንት እስከ ሁለትና ሶስት ጊዜያት ፍርድ ቤት መመላለሱ የሰላቻቸው ፕሮፌሰር አስራት ለችሎቱ ‹‹የምታውቁትን ውሳኔ የዛሬ 6 ወይም 9 ወር ከምትሰጡኝ ዛሬውኑ አሳውቁኝና እስር ቤት ቁጭ ብዬ መጽሐፍ ላንብብ›› ሲሉ በምሬት ተናግረው ነበር፡፡ ታህሳስ 18 ቀን 1987 ዓ.ም በዋለው ችሎት ፕሮፌሰሩን የ3 አመት አስር በየነባቸው፡፡ በዚህ ሒደት ውስጥ ፕሮፌሰር አስራት ከ150 ጊዜ በላይ ፍርድ ቤት ተመላልሰዋል፡፡ ከርቸሌ ታስረው በነበረበት ወቅት ከፖለቲካ እስረኞች ተለይተው ከፍታብሔር እስረኞች ጋር እንዲቆዩ የተደረገ ሲሆን፤ መጽሃፍትና ጠያቂም በፈለጉት መጠን አያገኙም ነበር፡፡
የእስር አያያዛቸው የከፋ ከመሆኑ ጋር ተያይዞ በ1972 ዓ.ም የጀመራቸው የልብ ሕመማቸዉ ተባብሶ እንዲሁም የስኳር መጠናቸው በመጨመሩ ከፍተኛ የጤና ችግር ላይ ወደቁ፡፡ ለብዙ በሽተኞች መድኀኒት የነበሩት አስራት ህክምና ተከልክለው የበሽታ መጫወቻ ሆኑ፡፡ ከስኳራቸው ከፍ ማለት ጋር ተያያዞ አይናቸው ማየት ተሳነዉ፡፡ ሰውነታቸውም እንደፈለጉ ሊታዘዛቸው አልቻለም፡፡ የልብ ድካማቸው እየጨመረ ሲመጣ ሕክምና እንዲያገኙ ለጠቅላይ ሚንስትሩ ደብዳቤ ጻፉ፡፡ መፍትሄ ግን አላገኙም፡፡ የኋላ ኋላ ሲዳከሙ ወደ ጥቁር አንበሳ ሆስፒታል ቢወሰዱም ህመማቸው ከፍተኛ ደረጃ ላይ የደረሰ በመሆኑ መፍትሄ ሊያገኙ አልቻሉም፡፡ በመጨረሻም ታህሳስ 18 ቀን 1991 ዓ.ም ወደ ውጭ ሐገር ሄደው እንዲታከሙ ተፈቀደ፡፡ በከፍተኛ ሁኔታ በመድከማቸው አውሮፕላን ውስጥ በሐኪሞች እየታገዙ ወደ ለንደን ሆስፒታል በረሩ፡፡ ከ3 ቀናት ቆይታ በኋላ ወደ አሜሪካ ሆስተን አመሩ፡፡ በአሜሪካ ቅዱስ ሉቃስ ኤጲስቆጳል ሆስፒታል በነበሩበት ወቅት እንደተሻላቸውና ከልቡ ሲያስባቸው ለነበረው ህዝብ መልዕክት አስተላልፈው ነበር፡፡ ትንሽ እንደተሻላቸው ዘመዶቻቸው ወደሚገኙበት ፊላደልፊያ ከወር በፊት ተዛውረው በነበረበት ወቅት ባልታወቀ ምክንያት ህመማቸው ተባብሶ ተዳከሙ፡፡
ሞትን ድል ሲያደርጉት የኖሩት ሐኪም ግንቦት 6 ቀን 1991 ዓ.ም ፊላደልፊያ በሚገኘው ፔኒሲለቫኒያ ዩንቨርሲቲ ሆስፒታል በህክምና ሲረዱ ቆይተው በዕለተ አርብ በተወለዱ በ71 ዓመታቸው አረፉ፡፡ በወቅቱ የፕሮፌሰሩን ሞት ትልልቅ የዓለም መገናኛ አውታሮች ሰፊ ሽፋን ሰጥተው ነበር፡፡ የፕሮፌሰሩ አስከሬን ታላላቅ እንግዶች፤ ቤተሰቦቻቸውና አድናቂቆቻቸው በተገኙበት ግንቦት 15 ቀን አሸኛኘት ተደርጎለት ከዋሽንግተን ዲሲ ጉዞ ጀመረ፡፡ ግንቦት 15 ቀን 1991 ዓ.ም የተነሳው የፕሮፌሰሩ አስከሬን ሮም አርፎ ግንቦት 17 ቀን 1991 ዓ.ም ከቀኑ 11፡30ጰ ላይ ቦሌ ዓለም አቀፍ አየር ማረፊያ ደረሰ፡፡ በስፍራው ሲጠባበቅ የነበረው ህዝብ አስከሬኑን በከፍተኛ አጀብ ለገሐር ወደሚገኘው መኖሪያ ቤታቸው አደረሰው፡፡ በመኖሪያ ቤታቸውም ሌሊቱን ጸሎተ ፍትኃት ሲደረግ አድሮ በማግስቱ አስከሬናቸው በመሠረቱትና በኋላም በሞቱለት ድርጅታቸው፣ መዐህድ ጽ/ቤት ጥቂት ቆይታ ካደረገ በኋላ ወደ ቅድስት ስላሴ ካቴድራል አመራ፡፡
በቅድስት ስላሴ ካቴድራል ፍትሃትና ጸሎት ከተደረገላቸው በኋላ ቅድስት ስላሴ እንዳይቀበሩ መንግስት በመከልከሉ ምክንያት ግንቦት 17 ቀን 1991 ዓ.ም በባለወልድ ቤተክርስቲያን እንዲያርፉ ተደረገ፡፡ ከ18 ዓመታት በኋላ በ2009 ዓ.ም በባለወልድ ቤተከርስቲያን የነበረው አጽማቸው ወደ ቅድስት ስላሴ ካቴድራል ተዛውሯል፡፡
ፕሮፌሰር አስራት ወልደየስ የሁለት ወንዶች ልጆች አባትም ነበሩ፡፡
06/ዐ9/2018 ዓ.ም
14 مه, 02:15
🕯️የታላቁ ኢትዮጵያዊ የፕሮፌሰር አስራት ወልደየስ ግንቦት 6 ቀን 2018 ዓ.ም 27ኛ ዓመት ሙት ዓመት መታሰቢያ 🕯️
#አጭር የሕይወት ታሪክ
አስራት ወልደየስ ከአባታቸው ከአቶ ወልደየስ አልታዬና ከእናታቸው ከወይዘሮ በሰልፍይዋሉ ጽጌ ሰኔ 12 ቀን 1920 ዓ.ም በአዲስ አበባ ከተማ ተወለዱ፡፡
የአስራት አባት አቶ ወልደየስ አልታዬ በጸሓፊ ትዕዛዝ ኃይሌ ወልደ-ስላሴ አስተዳደር ውስጥ በጸሐፊነትና በአስተዳደር ተግባር የተሰማሩ ነበሩ፡፡ እናታቸውም በአነስተኛ ንግድ የተሰማሩ ነበሩ፡፡ ፕሮፌሰር አሥራት የሶስት ዓመት ህጻን እያሉ ወላጆቻቸው በፍች ምክንያት ስለተለያዩ ከእናታቸው ጋር ወደ ድሬዳዋ አቀኑ፡፡ አስራት ድሬዳዋ በነበሩበት ወቅት ጣሊያን ኢትዮጵያን ወረረች፡፡ በዚህ ወቅት በእነ ሞገስ አስግዶምና አብርሃም ደቦጭ ግራዚያኒ ላይ የተደረገ የግድያ ሙከራን ለመበቀል ከግራዚያኒ በተላለፈ በቀል በሶስት ቀናት ውስጥ ብቻ ከ33 ሺህ በላይ የአዲስ አበባ ነዋሪዎች በዶማ፤ በአካፋና በገጀራ ተጨፍጭፈው ሲገደሉ የአስራት አባት አቶ ወልደየስ አልታዬም እንደ ሌሎች ኢትዮጵያዊያን ሁሉ ተጨፍጭፈው በአርበኝነት ተሰዉ፡፡ እናቱ ወይዘሮ በሰልፍይዋሉ ጽጌም የባለቤታቸው የአቶ ወልደየስ ሞት ተጨምሮበት ብዙም ሳይቆዩ ታመው ከሕጻን ልጃቸዉ በሞት ተለዩ፡፡ ወላጆቹን በሞት የተነጠቀው ታዳጊ ከአያቱ ከወይዘሮ ባንቺወሰን ይፍሩ-ለሱሲሉ ጋር መኖር ጀመረ፡፡ አጎቱ አቶ ዘውዴ ወረደወርቅ እዚያው ድሬዳዋ ይኖሩ ነበርና ታዳጊውን የቄስ ትምህርት እንዲማር አስገቡት፡፡ የቄስ ትምህርት ቤት በነበረበት ወቅት በቀለም አቀባበሉ ጎበዝ ነበር ይላሉ አስተማሪው አለቃ ለማ፡፡ ምስክርነታቸውን ሲሰጡ ‹‹አስራት በልጅነት በጣም ጎበዝ በመሆኑ ዓመት ሳይሞላው ወንጌሉን ከቁጥሩ አንበልብሎ፤ ከፍካሬ እስከ ነቢያት ደግሞ ድቁና ተቀበለ›› ይላሉ፡፡
ከቄስ ትምህርቱ ጎን ለጎን ድሬዳዋ ይገኝ ከነበረው ፈረንሳይ ሚሲዮን ገብቶ ቀለም መቁጠር ጀመሮም ነበር፡፡ የእናቱ አባት ቀኛዝማች ጽጌ ወረደወርቅ ታዋቂ አርበኛ ነበሩ፡፡ በመሆኑም ጣሊያን አርበኞችን ወደ ጣሊያን ሐገር ወስዶ በሚያስርበት ወቅት ቀኛዝማች ጽጌም አንዱ ታሳሪ ነበሩ፡፡ ቀኛዝማች ጽጌ ከሶስት ዓመት ተኩል እስር በኋላ ሐገራችን ነጻ ወጥታ ወደ ኢትዮጵያ ሲመለሱ አስራትን አዲስ አበባ አስመጥተው በ1934 ዓ.ም ተፈሪ መኮንን ትምህርት ቤት አስገቡት፡፡ ትምህርት ቤት በገባ በአመቱ በ1935 ዓ.ም በተፈሪ መኮንን ትምህርት ቤት ከአጠቃላይ ተማሪዎች አንደኛ በመውጣት የካሜራ ተሸላሚ ለመሆን በቅቷል፡፡ በወቅቱ የአንደኛ ደረጃ ትምህርታቸውን ካጠናቀቁ ወጣቶች መካከል ላቅ ያለ ውጤት ያስመዘገቡትን ወደ ውጭ ሐገር ልኮ ማስተማር ተጀምሮ ነበርና አስራትም በዚሁ የትምህርት ዕድል ምክንያት ግብጽ ወደሚገኘው የእንግሊዞች ቪክቶሪያ ኮሌጅ ተላከ፡፡ በቪክቶሪያ ኮሌጅ ለአምስት ዓመታት ትምህርቱን ከተከታተለ በኋላ በስኮላርሽፕ ለከፍተኛ ትምህርት ወደ ወደ ታላቋ ብሪታኒያ እስኮትላንድ ኤደንብራ ዩንቨርስቲ አቀና፡፡ በወቅቱ ህግ እንዲያጠና ከትምህርት ሚንስቴር ቢነገረውም አሻፈረኝ ብሎ የህክምና ኮሌጁን ተቀላቀለ፡፡
ትምህርቱን እንደጨረሰም ፈጥኖ ወደ ሐገሩ ተመለሰ፡፡ በወቅቱ የጤና ጥበቃ ሚንስተር የነበሩት እውቁ አርበኛ ደጃዝማች ፀሐይ እንቁስላሴ አስጠርተው የጤና ሚንስትርነቱን ቦታ እንዲይዝ ይጠይቁታል፡፡ ዶክተር አስራት ግን አይሆንም ሲል ተቃወመ፡፡ በዚሁም የተነሳ የልዕልት ጸሃይ ሆስፒታልን ተቀላቀለ፡፡ ለአምስት ዓመታት በልዕልት ጸሐይ ሆስፒታል ካገለገለ በኋላ ለተጨማሪ ትምህርት ወደ ታላቋ ብሪታኒያ ሐገር አቀና፡፡ አደንብራ ዩንቨርሲቲ ገብቶ ቀዶ ህክምናን አጠና፡፡ በቀዶ ህክምና ዘርፍ አስራት የመጀመሪያው ኢትየጵያዊ ሐኪም ሆነ፡፡ ከዚህ በኋላ አስራት በእድሜም በማዕረግም እያደገ ስለሆነ አንቱ አያልን አንናገራለን፡፡ እነ ዶክተር አስራት እስኪተኩት ድረስ የሀገራችን የህክምና ዘርፍ በነጮች የተያዘ ነበር፡፡ ዶክተር አስራት ከጓደኞቻቸው ጋር በመሆን የህክምና ማሰልጠኛ እንዲከፈት በመወትወታቸው ምክንያት የጥቁር አንበሳን ሆሰፒታል እውን አደረጉ፡፡ የጥቁር አንበሳ ሆስፒታል ሲቋቋም የቴክኒክ ኮሚቴውን የመሩት ዶክተር አስራት ነበሩ፡፡ እ.ኤ.አ በ1965 ዓ.ም የጥቁር አንበሳ ሆስፒታል እውን ሲሆን ዶ/ር አስራት ተባባሪ ፕሮፌሰር በመሆን የመጀመሪያ ኢትዮጵያዊ ዲን ሆኑ፡፡ በደርግ ወቅትም በካድሬዎች ይደረግባቸው የነበረውን ከፍተኛ ጫና ተቋቁመው ሐገራቸውን ሳይለቁ ህዝባቸውን ሲያገለግሉ ቆይተዋል፡፡
በወቅቱ በተደጋጋሚ ወደ ዘመቻ የተላኩ ሲሆን፤ የሄዱበትን ዘመቻም በክብር ለመወጣት በቅተዋል፡፡ በዚህም መሠረት በ1968 ዓ.ም በቀዶ-ጥገና ሐኪምነት በቃኘው ሆስፒታል፣ አስመራ፤ በ1969 ዓ.ም በድጋሚ በቃኘው ሆስፒታል፣ አስመራ፤ በ1970 ዓ.ም በራዛ ዘመቻ በቀዶ-ጥገና ሐኪምነት እና ቡድን መሪነት በመቀሌ ሆስፒታል፤ እንዲሁም በሰኔ 1971 ዓ.ም በቀዶ-ጥገና ሐኪምነት ምጽዋ ዘምተው ግዳጃቸውን ተወጥተዋል፡፡ በህክምናው ዘርፍ ‹‹አስራት የተባለ ጸበል ፈልቋል›› እስከመባል የደረሰ አንቱታን ያተረፉ ብቁ ሐኪም ነበሩ፡፡ ኢህአዴግ ‹‹በብቃት ማነስ›› በሚል ከሌሎች 41 ምሁራን ጋር ከአዲስ አበባ ዩንቨርስቲ በ1985 ዓ.ም እስከሚያባርራቸው ድረስ ዩንቨርስቲውን በትጋት ያገለገሉ የሐገር ባለውለታ ነበሩ፡፡ በሙያቸው የተለያዩ ሽልማቶችን ያገኙ ሲሆን፤ ጥቂቶቹን ለመዘርዘር ያክል የኢትዮጵያ የክብር ኮከብ የፈረሰኛ ደረጃ፤ የዳግማዊ ምኒልክ ኒሻን የፈረሰኛ ደረጃ፤ የአብዮታዊ ዘመቻ ዓርማ፤ ዓለም አቀፍ የወርቅ ሜርኩሪ (በግል አስተዋጽኦ)፤ የቀይ ባህር ኒሻን አንደኛ ደረጃ ይገኙበታል፡፡ የደርግ ሥርዓት ተሸንፎ ኢህአዴግና ሻዕቢያ ስልጣኑን በተቆጣጠሩበት ወቅት ሰኔ 24 ቀን 1983 ዓ.ም በተደረገው የሽግግር መንግስት ቻርተር ውይይት ላይ የከፍተኛ ትምህርት ተቋማትን ወክለው የተገኙት ፕሮፌሰር አስራት ‹‹ሐገር ላስገነጥል ተወክዬ አልመጣሁም›› በማለት ተቃውሞ ያሰሙ ቆራጥ ጀግና ኢትዮጵያዊ ብቸኛው ሰው ነበሩ፡፡ ‹‹ይህ ጉባኤ በኢትዮጵያ ህዝብ ስም ምንም ጉዳይ ሊወስን፤ ሊያግድ ወይም ሊሰርዝ አይችልም›› በማለት ጉባኤው እያደረገው ያለው ውሳኔ ኢ-ዲሞክራሲያዊ መሆኑን አስረግጠው ሞገቱ፡፡ በዚህ ንግግራቸውም የተነሳ ከጉባኤው ሲወጡ ብዙ ማስፈራሪያና ዛቻ ያካሂዱባቸው ነበር፡፡
በወቅቱ በኮንፈረንሱም ሆነ በሽግግር መንግስቱ ምንም ውክልና ያልነበረው የአማራ ህዝብ በየአካባቢው ግፍና መከራን ማስተናገድ ጀመረ፡፡ ይህ ሁኔታ ያሳሰባቸው ምሁራን በመነጋገር የመላው አማራ ህዝብ ድርጅትን ታህሳስ 2 ቀን 1984 ዓ.ም መሰረቱ፡፡ የድርጅቱ ሊቀመንበርም ፕሮፌሰር አስራት ሆነው ተመረጡ፡፡ ፕሮፌሰር አስራት የተጣለባቸውን አደራ ለመወጣት በሐገር ውስጥና ከሐገር ውጭ ድርጅታቸውን ማስተዋወቅና የተቃጣውን የዘር ፍጅት ለመመከት ጥረት አደረጉ፡፡ ከሐገር ውጭ ጉዞ በማድረግ በስዊድን፤ በአሜሪካ በዋሽንግተን ዲሲ፤በሎሳንጀለስና በኒዮርክ በመዟዟር የድጋፍ ቻፕተሮችን አቋቋሙ፡፡ በሐገር ውስጥ በነበረው የህዝብ ጥያቄ መሰረት በደብረ ብርሃን ዘርያዕቆብ አደባባይ ታህሳስ 11 ቀን 1985 ዓ.ም በተካሄደው ህዝባዊ ስብሰባ ታሪካዊ ንግግር አደረጉ፡፡ የድርጅታቸው በአጭር ጊዜ ውስጥ ተቀባይነት ማግኘት እረፍት የነሳው የሽግግር መንግስት ፕሮፌሰሩን ‹‹ጦርነት ቀስቃሽ ንግግር›› አድርገዋል ሲል ከሰሳቸው፡፡ የዚህን ንግግር ጦርነት ቀስቃሽ መባል የሰማ የአካባቢው ህዝብም
14 مه, 02:15
የአፋብን ምዕራብ አማራ ቀጠና ቴዎድሮስ ዕዝ 201ኛ ኮር የአመራር ብቃትና የ6 ወራት ስልታዊ ክንውን ግምገማ በስኬት አካሔደ!!
ግንቦት 06/2018 ዓ.ም
የአፋብን ምዕራብ አማራ ቀጠና ቴዎድሮስ ዕዝ ስር የሚንቀሳቀሰው 201ኛ ኮር፣ ባለፉት ስድስት ወራት ያስመዘገባቸውን ወታደራዊ ድሎችና ድርጅታዊ ግቦች የገመገመበት ጥልቅ መድረክ አካሄደ። ለተከታታይ ስምንት ቀናት የቆየውና በአመራር ሂስና ግለ-ሂስ የታጀበው ይህ መድረክ፣ የኮሩን የቀጣይ ጊዜ ጉዞ የሚያመላክቱ ቁልፍ ውሳኔዎችን በማሳለፍ ተጠናቋል።
በዚህም በሦስት ዋና ዋና ዘርፎች (ወታደራዊ፣ ፋይናንስና አስተዳደር) ተከፋፍሎ የቀረበው የኮሩ የ6 ወራት ሪፖርት፣ ድርጅታዊ ተልዕኮዎችን ከመፈጸም አኳያ የታዩ ስኬቶችን በዝርዝር ዳስሷል። መድረኩ ትኩረት ካደረገባቸው ዋና ዋና ጉዳዮች መካከል፦
1. የወታደራዊ ግስጋሴ ውጤቶች፦ ኮሩ ባለፉት ወራት ያካሄዳቸው አውደ-ውጊያዎች፣ የተመዘገቡ ስኬቶችና የክፍለ ጦሮች የመልሶ ማደራጀት ቁመና በጥልቀት ተፈትሸዋል።
2. የሰው ኃይልና የደጀን ግንባታ፦ ተተኪ ኃይልን በማሰልጠን፣ የኋላ ደጀን ጦርን ለይቶ በማደራጀትና ሰራዊቱን በዕውቀት በማብቃት ረገድ የታዩ ለውጦች ተገምግመዋል።
3. የሀብትና ሎጅስቲክስ አስተዳደር፦ የፋይናንስ፣ የሎጅስቲክስና የኦርዲናንስ አጠቃቀምን ይበልጥ ውጤታማና ግልጽ ከማድረግ አኳያ ጥብቅ ቁጥጥርና ግምገማ ተካሂዷል።
ሆኖም አመራሩን የመፈተሽ ሂደት ሂስና ግለ-ሂስ በአርበኛ እሸቱ፣ አርበኛ ይትባረክ፣ አርበኛ ስለሺ እንዲሁም የአፋብን ም/አዛዥ ለወ/አስተዳድር ሻለቃ ዝናቡ ልንገርው በዚህ ታሪካዊ መድረክ ላይ አንድ ቀን በመገኘት፣ ሥራዎችን ከመገምገም ባለፈ በአመራሩ ጥንካሬና ድክመት ላይ ያተኮረ ሂስና ግለ-ሂስ ጠንከር ያለ ወታደራዊ ይዘት ያለው ሃሳቡን አስቀምጧል። ይህም የ201ኛ ኮር አመራሩ ራሱን እንዲያነጽ፣ የሥራ ቅንጅቱን እንዲያጠናክርና ለቀጣይ ተልዕኮዎች በላቀ ወኔ እንዲነሳ ዕድል መፍጠሩ ተመልክቷል።
የስድት ወሩ ሪፖርቱ በዋናነት ካነሳቸው ነጥቦች አንዱ የሰራዊቱና የሕዝቡ መስተጋብር ነው። ከጊዜያዊ መንግሥት ጋር ያለውን የሥራ ግንኙነት ማጠናከር፣ በኮሩ ስር ባሉ አካባቢዎች የፍትህ ሥርዓት አሰጣጥን ማሻሻልና የሕዝብን ደህንነት በጽኑ መሠረት ላይ መገንባት የቀጣይ ጊዜ የትኩረት አቅጣጫዎች ሆነው ተቀምጠዋል።
ለተከታታይ ስምንት ቀናት የቆየው ጥልቅ ውይይት፤ የተለዩ ክፍተቶችን የሚደፍኑ ስልታዊ መመሪያዎችንና አዳዲስ የሥራ ስምሪቶችን በመስጠት ተጠናቋል። 201ኛ ኮር የተጣለበትን ታሪካዊ ኃላፊነት በላቀ ወታደራዊ ዲሲፕሊንና ድርጅታዊ ጥንካሬ ለመወጣት ዝግጁ መሆኑን በአጽንኦት አረጋግጧል።
አዲስ ትውልድ፤አዲስ አስተሳሰብ፤ አዲስ ተስፋ"ክፋት ለማንም፣ በጎነት ለሁሉ"
የአፋብን ቴዎድሮስ ዕዝ 201ኛ ኮር ሕዝብ ግንኙነት ኃላፊ
14 مه, 02:08
+3
የ206ኛ ኮር ህግና ስነ-ስርዓት አገልግሎት በቴዎድሮስ ዕዝ አዋጅ ቁጥር 06/2018 ዓ.ም ከተቋቋመ ጀምሮ በማህበረሰቡ እና በሰራዊቱ መካከል የሚስተዋሉ የህግ ጥሰቶችን እያስተካከለ መሆኑን አስታወቀ።
ግንቦት 5/2018 ዓ.ም
~~~~~~~~
የ206ኛ ኮር ህግና ስነ-ስርዓት አገልግሎት ክፍል የተቋቋመበትን ዓላማ ለሰራዊቱ በማስረፅ ለተከታታይ ወራት ለ14ኛ፣ 24ኛ፣ 34ኛ ክ/ጦር አመራራሮችና የሰራዊት አባላት ሲሰጥ የነበረው ስልጠና ማጠናቀቁንም አስታውቋል።
በማህበረሰቡ እና በሰራዊቱ የሚቀርቡ የፍታብሔር እና የወንጀል ጉዳዮችን መዝገብ ከፍቶ እያከራከረ ብያኔ በመስጠት ድርጅቱ የተሟላ ፍትህ ለማረጋገጥ በሚያደርገውን ጥረት የ206ኛ ኮር አርያ የሚሆኑ ተግባራትን እየከወን እንገኛለን ብሏል።
በሁሉም ክ/ጦሮች ዳኞችን በመመደብ ፍትህን እያረጋገጠ፤ ህግን እያስከበረ የሚገኘው የ206ኛ ኮር ህግና ስነ- ስርዓት አገልግሎት ተጠርጣሪዎችን የድርጅታችን አሰራርና መመሪያ ተከትሎ በቁጥጥር ስር በማዋል በቴዎድሮስ ዕዝ የህግና ስነ -ስርዓት ደንብና መመሪያ አዋጅ የጥፋተኝነት ብያኔ በተሰጠባቸው አባላትና የማህበረሰብ ክፍል እኩል ተጠያቂ እያደረገ መሆኑንንም አሳውቋል።
~~~~~~~~
አዲስ ትውልድ! አዲስ አስተሳሰብ! አዲስ ተስፋ!
የአፋብን ቴዎድሮስ ዕዝ 206ኛ ኮር ህዝብ ግንኙነት
14 مه, 00:48
54ኛ ክ/ጦር ከ3ቱ ወረዳ ጊዜያዊ መንግስት አመራሮች ጋር የስራ አፈፃፀም ግምገማ እና ተሞክሮ ልውውጥ አደረገ።
^^^^^^^^^^^^^^^^^^^^^^^^^^^^^^^^^^^^^^^^^^
ግንቦት 05/2018ዓ.ም
አፋብን የቴዎድሮስ ዕዝ 201ኛ ኮር 54ኛ ክ/ጦር ከወረዳ (ከ2እጁ እነሴ ፤ ከቢቡኝና ከሰዴ) ጊዜአዊ መንግስት አመራሮች ጋር ሰፊ ውይይት አደረገ።
የ54 ክ/ጦር በቀጠናው በጠላት ላይ የተጠና ኦፕሬሽን በማድረግ እና የቀጠናውን የመልካም አስተዳደር ፍተሻ ከአቢዮታዊ ትግል ጋር አስተዳደራዊ ፍትህን በተመለከተ ከወረዳ ከጊዜአዊ መንግስት አመራሮች ጋር ንግግርና ምክክር አድርጓል።
በዚህ የጋራ መድረክ 3ቱም የወረዳ ጊዜያዊ መንግስት አመራሮች ለ3ቀን ተከታታይ የስራ አፈፃፀም ተሞክሮን በመጋራት ለቀጣይ ህዝባቸውን እኩል የሚያገለግሉበትን መድረክ በማግኘታቸው ደስታቸውን ገልፀዋል። ይህ በእንዲህ እንዳለ የ3ቱም ወረዳ ጊዜአዊ መንግስት አመራሮች ለቀጣይ በሚኖራቸው የስራ ሂደት መድረኩ አስፈላጊ እንደነበረ በማጠቃለያ ሃሳባቸው ገልፀዋል።
ራስ-በቅና አማራዊ አስተውሎት ያለው መሪ የአማራን አቢዮት በስስት እየጠበቀ የህዝብን ብሶት ከፊት ሁኖ ይመራል።
ፋኖነት የአማራን ግርማዊ ትናንት በክንዱ ያስከብራል!!
አዲሱ ትውልድ!! አዲስ አስተሳሰብ!! አዲስ ተስፋ!!
አፋብን ቴወድሮስ ዕዝ 201ኛ ኮር ህዝብ ግንኙነት
13 مه, 19:08
#አፈሳ_በደብረ_ማርቆስ‼️
በዛሬው ዕለት ግንቦት 05/2018 ዓ.ም በምስራቅ ጎጃም ዞን ደብረማርቆስ ከተማ የአሸባሪው የአብይ አህመድ ቡድን እንጀራ ፍለጋ በጠዋት ወጠው የቀን ሰራተኛ መቆሚያ በቆሙበት #አፈሳ በመፈፀም በመኪና ጭኖ ወደ #ሸዋበር_ፓሊስ_ጣቢያ እንደወሰዳቸው ምንጮቻችን ገልፀዋል‼️
05/ዐ9/2018 ዓ.ም
13 مه, 16:42
በምዕራብ ጎንደር ነጋዴባህርና መተማ ግንባር በተደረገ ተከታታይ አውደ ውጊያ የአገዛዙ የጥፋት ሰራዊት አከርካሪው ተመትቶ በርካታ ቀጠናዎችን ለቅቆ መፈርጠጡ ታወቀ!
የፋኖ ልዩ የጦር ብልሃት በታየበት በዚህ ተጋድሎ፡ የባንዳዎች መሪን ጨምሮ 21 የጥፋት ኃይሉ አባላት ሲደመሰሱ፡ 19 ክላሽንኮቭ ጠመንጃዎችና ከ5 ሺህ በላይ ተተኳሽ በፋኖ ቁጥጥር ስር ውሏል።
ቀሪው የጠላት ኃይልም አስከሬንና ቁስለኛውን በትኖ ነፍስ አውጪኝ በማለት ወደ ገንዳውኃ መፈርጠጡ ተረጋግጧል።
13 مه, 15:54
🌠#የ77ኛ_ክፍለ ጦር ገዳም ልጃሞር ቀበሌ በአአክሲዎን ቀጠና ከማህበረሰቡ ጋር ያደረገው ድንቅ ውይይት!!!
(ግንቦት 05/09/2018 ዓ.ም 109ኛ ኮር 77ኛ ክፍለ ጦር)
አፋብን ቴዎድሮስ ዕዝ 109ኛ ኮር የ77ኛ ክፍለ ጦር አመራሮች የገዳም ልጃሞር ቀበሌን ማህበረሰብ በአክሲሲዎን ቀጠና በመሰብሰብ የውይይት መድረኮች ከፍተው ድንቅ የሃሳብ ልውውጦችን አካሂደዋል።
በውይይቱም የገዳም ልጃሞር ቀበሌ ህዝብ ያሉበትን ቁመና ለክፍለ ጦሩ በማስቃኘት የኑሮ ውድነትን ማለትም የግብይት ቁሳቆሶች መናርን፣ የጠላት እንቅስቃሴ በቀጠናው ማዘውተርን እና አንዳንድ አንኳር አንኳር ነጥቦች ለክፍለ ጦሩ ጠቅሰዋል።
የ77ኛ ክፍለ ጦርም ከህዝቡ የተነሱ ጥያቄዎችን ምላሽ ስጥቷል። በምላሹም የግብይት ቁሳቁሶችን ወጋ ቅናሽ እንዲደረግ በማድረግ፣ የጠላት እንቅስቃሴን በተመለከተ ከክፍለ ጦሩ በከፍተኛ ሁኔታ ጥበቃ እንደሚደረግላቸው እና የተነሱ ተያያዥ ጥያቄዎች ምላሽ በመስጠት እራሳቸውን ከብልጽግና ሀሰተኛ መረጃ እና የውሸት ፕሮፓጋንዳ እንዲጠብቁ ክፍለ ጦሩ አስገንዝቧል።
የ77ኛ ክፍለ ጦር እንቁ አመራሮች ጥያቄዎችን አስገንዝበው ማህበረሰቡ ከክፍለ ጦሩ ክትትል ባሻገር ዕራሳቸውን ከውስጥም ከውጭም ጠላት እንዲጠብቁ ለታታሪው የገዳም ልጃሞር ቀበሌ ማህበረሰብ መልዕክት አስተላልፏል።
ማህበረሰቡ በ77ኛ ክፍለ ጦር ምላሽ ፍጹም ደስተኛ መሆናቸውን በውሎ አስተያይታቸው ገልጸዋል።
በመጨረሻም አርበኛ ሀብቴ ሁነኛው የክፍለ ጦሩ ዋና ሰብሳቢ፣ አርበኛ ፍሰሃ አደራው የክፍለ ጦሩ ጽሕፈት ቤት ኃላፊ፣ አርበኛ ደምስሳቸው የክፍለ ጦሩ ም/ ጦር አዛዥ እና አርበኛ አቢዮት የቡሬ ዳሞት ወረዳ ሲቪል አመራር የውይይት መድረኩን ሲመሩት የዋሉ ነበሩ።
🌟የነገ ተስፋችን በእኛ እጅ ይፃፋል {አርበኛ ዘመነ ካሴ}
አፋብን ቴዎድሮስ ዕዝ 109ኛ ኮር 77ኛ ክፍለ ጦር ህዝብ ግንኙነት መምሪያ
ግንቦት 05/09/2018 ዓ.ም
13 مه, 13:23
የድሮን ቅኝት ከ1:00 ጀምሮ⚠️
👉በሣሲት፣በመሀል አምባ፣በጋውና፣በጭንብሬ፣በበዞ፣በመዘዞ፣በይፋትና አንኮበር ቀጠና እየተካኼደ ስለሆነ ህዝባችን የተለመደ ጥንቃቄውን ያድርግ።
ከዕዙ መረጃና ደህንነት መምሪያ
13 مه, 13:20
ግንቦት 05 ቀን 2018 ዓ.ም
በወቅታዊ ጉዳዮች ላይ ከቴዎድሮስ ዕዝ ም/ወታደራዊ አዛዥ አርበኛ የኔአለም ዘለቀ የተሰጠ ማብራሪያ
የአፋብን ቴዎድሮስ ዕዝ በአለፉት ሶስት አመታት ገደማ የአማራን ህዝብ የህልውና አደጋ ለመቀልበስ በሚያደርገው እጅግ እልህ አስጨራሽ ተጋድሎ በጠላት ላይ ከፍተኛ ድል በመቀናጀት የአማራን ህዝብ አንገት ቀና ለማድረግ በሁሉም ቀጠና እልፍ የሰራዊት አባላት፣ አመራሮችና መላ ህዝባችን መሰዋትነት ከፍሏል።
አደረጃጀቱን በማዘመንና በማሻሻል ወጥ ተጠያቂነት ያለው ወጥ ተዋረዳዊ ሰንሰለት ተከትሎ በሚሰጥ የአመራርነት ጥበብ ድርጅታችን ቴዎድሮስ ዕዝ አርያ ሁኖ ሲጠቀስ ቆይቷል።
ሆኖም በወታደራዊ መምሪያው በኩል የታዩ የአመራር ክፍተቶች እንዲስተካከሉ ከአዛዡ በስተቀር በየደረጃው ያለን ወታደራዊ አመራሮች ለእዛችን የበላይ አመራር ተደጋጋሚ ጥያቄ ብናቀርም ጥያቄወቹ አፋጣኝ ምላሽ ሳያገኙ ላልተገባ ጊዜ ዘግይተዋል። በዚህም ምክንያት ለአደባባይ ለማውጣት የማንችላቸው በርካታ ችግሮችን ተሸክመን ቆይተናል።
ይህ ችግር ውሎ አድሮ የእዙን ህልውና የሚፈትን ህገ-ወጥ ድርጊት እንዲፈፀም ምክንያት ሆኗል። በዚህም አርበኛ ማርሸት ፀሐው የ102ኛ ኮርን የውስጥ ችግር ለመፍታት ከሌሎች አርበኞች ጋር በቀን 23/ 08/ 2018 ዓ.ም በተፃፈ በሊቀመንበራችን ደብዳቤ ተመድቦ በስራ ላይ እያለ ግንቦት 1 ቀን 2018 ከደባይ ወደ ዋሸራ የሚወስደው መንገድ ወይፋት መገንጠያ ላይ የእዙ ወታደራዊ አዛዥ እና የአፋብን ፖሊት ቢሮ አባል የሆነው ዝናቡ ልንገረው ህገ-ወጥ አፈና እንደፈፀመበት ይታወቃል።
ይሁን እንጂ በጓዳችን ላይ የተፈፀመው አፈና በቴዎድሮስ ዕዝ ስራ አስፈፃሚም ይሁንታ የሌለው መሆኑን እና የቴዎድሮስ ዕዝ ወታደራዊ ካውንስልም የማያውቀው መሆኑን አሳውቃለሁ።
ይህንን ተከትሎ በጓድ ዝናቡ ልንገረው በኩል በፌስ ቡክ የተሰጠው ምላሽ ወታደራዊ መምሪያውን እንደማይወክል እያረጋገጥኩ በአርበኛ ማርሸት ፀሐው ላይ በተወሰደው ደረቅ ወታደራዊ እርምጃ እና ቀናትን የወሰደ ኢሰብአዊ ግርፋት ከፍተኛ ጉዳት እንዳደረሰበትም ተመልክተናል። ከጓዱ ስልክ ላይ በማስገደድ የተገኙ የውስጥ መልዕክቶችን ለጠላት ሚዲያወች በማሰራጭት እዛችንን እና ድርጅታችንን የማፍረስ ሙከራ መደረጉንም ታዝቤያለሁ።
በመሆኑም በራስ ወንድም ላይ የሚደረገው ማንኛውም የጭካኔ እርምጃን ለማስቆም ከምንግዜውም በላይ በንቃት የምንሰራ መሆናችንን እያረጋገጥኩ ተስፋ የሚያደርገንን ህዝብና ሰራዊታችንን አንገት የሚያስደፋ ተግባር በመፈፀሙ በመላው የእዙ ወታደራዊ ካውንስል እና በሰራዊቱ ስም ይቅርታ እጠይቃለሁ።
ሻለቃ የኔዓለም ዘለቀ
የቴወድሮስ ዕዝ ም/ ወታደራዊ አዛዥ
13 مه, 13:13
14 مه, ~02:35
