ፍኖተ-አማራ ሚዲያ (Finote Amhara Media)
رفتن به کانال در Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
نمایش بیشتر4 394
مشترکین
-1324 ساعت
-657 روز
+1430 روز
آرشیو پست ها
🧨በምርጫ ስም የሚነገድ ደም፦ የሽሮ ሜዳው ግድያና የብልጽግና "ነፃ እርምጃ"!
(ሙሉጌታ አንበርብር)
አገዛዙ "ዲሞክራሲያዊ ምርጫ አደርጋለሁ" እያለ በየመድረኩ በሚያላግጥበትና የውሸት ትርክት በሚያመርትበት በዚህ ሰዓት፣ መሐል አዲስ አበባ ላይ ግን ዜጎችን አድኖ የመግደል "ነፃ እርምጃ" በይፋ ተጀምሯል። ዛሬ ሚያዝያ 30 ቀን 2018 ዓ.ም. በአዲስ አበባ ሽሮ ሜዳ አካባቢ የተፈጸመው አሰቃቂ ድርጊት፣ የሥርዓቱን አምባገነንነትና የሕግ አልባነቱን ጥግ ለዓለም ያሳየ ሌላው ጥቁር ጠባሳ ሆኖ ተመዝግቧል።
ወጣት ተገኝ ባልቻ (በቅፅል ስሙ ኦሮሮ) የተባለው የሽሮ ሜዳ ነዋሪ፣ በፖሊስ ተይዞ ከተወሰደ በኋላ በሕግ ጥላ ስር ሆኖ ሊጠበቅ ሲገባው፣ እዚያው ጽሕፈት ቤቱ በር ላይ በአራት ጥይት ተደብድቦ እንዲገደል ተደርጓል። ይህ ድርጊት "ሕግ ማስከበር" ሳይሆን በጠራራ ፀሐይ የተፈጸመ የመንግሥት ሽብር ነው። አንድን ዜጋ በቁጥጥር ስር ካዋሉ በኋላ ፍርድ ቤት ከማቅረብ ይልቅ፣ በፖሊስ ጣቢያ ደጃፍ ላይ በጥይት መረሸን፣ አገዛዙ ከሕግ በላይ መሆኑንና ለሰው ልጅ ሕይወት ቅንጣት ታክል ክብር እንደሌለው ማረጋገጫ ነው።
የሚገርመው ግን፣ ይህ ግድያ የተፈጸመው ሥርዓቱ "ምርጫ እያካሄድኩ ነው" በሚል ዓለምን ለማታለል በሚሞክርበት ወቅት መሆኑ ነው። በምርጫ ስም የሚነገድ ፖለቲካና በየመንገዱ የሚፈስ የዜጎች ደም አብረው ሊሄዱ አይችሉም። ወጣት ተገኝ ባልቻ የተገደለው በፈጸመው ጥፋት ሳይሆን፣ አገዛዙ በሕዝብ ላይ የጀመረው የማሸማቀቅና የኃይል እርምጃ ሰለባ በመሆኑ ነው። "ነፃ እርምጃ" በሚል ስም በከተማው ወጣቶች ላይ እየተወሰደ ያለው ግድያ፣ የሥርዓቱን የመጨረሻ የውድቀት አፋፍና የጭንቀት መግለጫ መሆኑን ልንረዳ ይገባል።
ይህ በሽሮ ሜዳ የፈሰሰው ደም፣ አገዛዙ ስለ ሰላምና ስለ ልማት የሚያወራው ወሬ ሁሉ መሠረት የሌለው መሆኑን ይመሰክራል። መሐል አዲስ አበባ ላይ ዜጎችን በፖሊስ ጣቢያ ደጃፍ የሚረሽን ሥርዓት፣ ነገ ደግሞ ወደ ማንኛው ቤት ገብቶ ጥይት እንደማያዘንብ ምንም ዋስትና የለም። የኢትዮጵያ ሕዝብና ዓለም አቀፉ ማኅበረሰብ ይህንን በቁጥጥር ስር የዋሉ ዜጎችን የመረሸን አደገኛ አካሄድ በጽኑ ሊያወግዘው ይገባል።
ወጣት ተገኝ ባልቻ የዛሬው የብልጽግና መሥዋዕት ቢሆንም፣ የፈሰሰው ደሙ ግን የግፈኞችን ዕድሜ የሚያሳጥር እንጂ የሚያራዝም አይሆንም። በምርጫ ስም እያላገጡ ዜጎችን መግደል የታሪክ ተጠያቂነትን ያስከትላል።
ለወዳጅ ዘመዶቼ መጽናናትን እመኛለሁ፣ ፍትሕ ለወጣት ተገኝ ባልቻ! ፍትሕ በግፍ ለሚገደሉ የኢትዮጵያ ልጆች!
08 مه, 14:54
+8
የአፋብን ሽዋ ጠቅላይ ግዛት አሳምነው ዕዝ ዓፄ ዘርዓያዕቆብ ፩ኛ ኮር በተጉለት አውራጃ ግፍት ክላስተር የአገልግሎት ሰጭ ተቋማት ሰራተኞች ጋር ውይይት ተደረገ!!
በተደራጀ የፖለቲካ ስራ የአማራ ህዝብ ብሔራዊ ንቃት ይዳብራል፤ ህልውናውም ይረጋገጣል! በሚል መሪ ቃል ወረዳ የመንግስት ሰራተኞች የምክክር መድረክ እየተካሄደ ይገኛል።
ከአፋብን በተሰጠ አቅጣጫ መሰረት ሽዋ ጠቅላይ ግዛት አስምነው ዕዝ ዓፄ ዘርዓያዕቆብ ፩ኛ ኮር በተቆጣጠራቸው ነፃ ቀጠናዎች የአገልግሎት ሰጭ ሰራተኞች የውይይት መድረክ በተለያዩ አካባቢዎች በድምቀት ማካሔዱን አጠናክሮ ቀጥሏል።
የህልውና ትግሉን በተደራጀ መንገድ ጫፍ ለማድረስ ከባለ ድርሻ አካላት ጋር ለመወያየት የሚያስችል ሰነድ በመድረኩ የቀረበ ሲሆን የጤና ባለሙያዎች፣ የግብርና ባለሙያዎች፣ መምህራን፣ እና የማህበራት ተጠሪዎች በንቃት ተሳትፈውበታል ።
አማራን ህዝብ የተጋረጠበትን የህልውና አደጋ ሰብሮ ለመውጣት የአገልግሎት ሰጭ ሰራተኞች ሚና በጉልህ የሚገለጽ ሲሆን ትግሉን በተባበረ ክንድ ለመደገፍ ዝግጁ መሆናቸውን አስታውቀዋል ።
ክብር ለትግሉ ሰማዕታት
ህልውናችን በተባበረ ክንዳችን !!
ማያዚያ 30/2018 ዓ.ም
የአፋብን ሸዋ ጠቅላይ ግዛት አሳምነው ዕዝ ህዝብ ግንኙነት መምሪያ
08 مه, 12:56
መሐል አዲስ አበባ ላይ "ነፃ እርምጃ" ተጀምሯል።
ይህ ዛሬ አዲስ አበባ ሽሮ ሜዳ በፖሊስ ተይዞ ከተወሰደ በኃላ እዚያው ፅ/ቤቱ በር ላይ በአራት ጥይት ተመቶ የተገደለው ወጣት ተገኝ ባልቻ በቅፅል ስሙ ኦሮሮ የተባለ የሽሮ ሜዳ ወጣት ነው።
08 مه, 12:54
ሰበር!!
''የተከዜ ዘብ በሚል መጠሪያ አገዛዙ በወልቃይት ምድር ያደራጀዉ የሚሊሻ ኃይል ትላንት ምሽት በቀጠናዉ በሚንቀሳቀሰዉ የፋኖ አደረጃጀት ላይ ትን*ኮሳ ፈፅሟል።
@አርበኛ ፋኖ ሲሳይ አሸብር
08 مه, 09:08
የአፋብን ሸዋ ጠቅላይ ግዛት አሳምነዉ ዕዝ የዓፄ ዘርዓያዕቆብ ፩ኛ ኮር የነጎድጓድ ክፍለ ጦር ወታደራዊ እና ፖለቲካዊ የተሃድሶ ቃል-ኪዳን አደረገ!!
የአፋብን ሸዋ ጠቅላይ ግዛት አሳምነዉ ዕዝ ዓፄ ዘርዓያዕቆብ ፩ኛ ኮር ነጎድጓድ ክፍለ ጦር የተሰውትን አመራሮችን የ40ቀን መታሰቢያ እና ጥልቅ የተሃድሶ ፕሮግራም የዕዝ ከፍተኛ አመራሮች ፣የኮር አመራሮች እና የክፍለ ጦር አመራሮች በተገኙበት “ደማችሁ መንገዳችን ነው” በሚል የነጎድጓድ ክፍለ ጦር ተሃድሶ አድርጓል።
ከጊዜ ወደ ጊዜ ራሱን እንደ ንስር በወታደራዊ ሳይንስ እና በወታደራዊ ስልት እንዲሁም በዘመናዊ የጦር መሣሪያ ትጥቅ ራሱን እያዘመነ የሚገኘው የነጎድጓድ ክፍለ ጦር እንደ ብረት የጠነከረ ፅናቱን ፣ህዝባዊነቱን እና አማራዊነቱን ዳግም በተሃድሶ አረጋግጧል። የነጎድጓድ ክፍለ ጦር የአማራን ህዝብ ህልውና ለማረጋገጥና ለማስከበር እንዲሁም የነገውን ብሩህ ተስፋን በመሠነቅ የነገውን ድል ለማብሰር የሚያስችለውን ጥልቅ ወታደራዊ እና ስነ-ልቦናዊ ተሀድሶ አድርጓል።
በአፋብን ሸዋ ጠቅላይ ግዛት አሳምነዉ ዕዝ የዓፄ ዘርዓያዕቆብ ፩ኛ ኮር ስር የሚገኘው የነጎድጓድ ክፍለ ጦር ከፍተኛ አመራሮች እና መላው ሠራዊት ላለፉት ቀናት ሲያካሂዱት የቆዩትን ስልጠና እና ተሀድሶ በአዲስ መንፈስ ቃላቸውን አድሰዋል። በዚህ የተሀድሶ መድረክ ላይ አመራሩ ለለውጥ ያለውን ታማኝነት ፅናትና ቁርጠኝነት በተግባር አሳይተዋል። የሸዋ ጠቅላይ ግዛት አሳምነው ዕዝ አርበኛ ኢንጂነር ደሳለኝ ሲያስብ ሸዋን ጨምሮ ሌሎች የዕዝ አመራሮችም በተሀድሶው ላይ ተገኝተዋል።
ከፍተኛ አመራሮች ባስተላለፉት መልዕክት ክፍለ ጦሩ በተለያዩ የውጊያ አውደ ግንባሮች የአስመዘገባቸው አኩሪ ድሎች ከመከላከል አልፎ ወደ መደበኛ የማጥቃት ለተደረገው ለውጊያ ስልት ሽግግር ትልቅ ማሣያ መሆኑን አብራርተዋል። ያለፈውን ከፍተኛ መተኪያ የማናገኝላቸውን አመራሮቻችንን የበላብንን ያን ክፉ ጊዜ እንደ ትልቅ መማሪያ በመጠቀም ለወደፊቱ በግልፅ አላማ ፣ራዕይና በማይበገር ወታደራዊ ስነ-ልቦናን ሰንቀን የወንድሞቻችን ደማቸው ለእኛ መንገዳችን ነው በሚል ቃል ኪዳን በመግባት ቆረጠን ተነስተናል።
ይህ ተሀድሶ የአማራን ህዝብ ክብር እና የአመራሮቻችንን ደም ለመመለስ የገባነው ዳግም ቃል-ኪዳናችንን የአደስንበት ነዉ።የክፍለጦሩ ሠራዊት ከባለፈው የውጊያ ተሞክሮ በመማር ይበልጥ በታጠቀ ወታደራዊ ሳይንስ እና ከብረት በጠነከረ ወታደራዊ ስነ-ልቦና እንደረን እና እንዲገነባ ላደረጉት የዕዙ ከፍተኛ አመራሮች የክፍለ ጦሩ አባላት ከፍ ያለ ምስጋናቸውን አቅርበዋል። ይህ በእንዲህ እንዳለ የድርጅታችንን ግብ በአጭር ጊዜ ለማሣካት በየደረጃው ያሉ አመራሮች እና ሠራዊቱ በአንድ ሳንባ ሊተነፍስ እንደሚገባው እና ጠላታችን የሸዋ ምድር በብሎም የአማራ ምድር እሳት እንዲሆንበት እናደርገዋለን።
እኛ የነጎድጓድ ክፍለ ጦር ሰራዊቶች ለሸዋ እና ለአማራ ህዝብ ክብር እና ነፃነት ማንኛውንም መስዋዕትነት ለመክፈል ቃላችንን አድሰናል። በማለት የአላቸውን ዝግጁነት በመግለፅ የተሀድሶ መድረኩ ተጠናቋል።
ክብር ለትግሉ ሰማዕታት
ህልውናችን በተባበረ ክንዳችን !
አፋብን ሸዋ ጠቅላይ ግዛት አሳምነው ዕዝ
ሚያዚያ 30/2018 ዓ.ም
08 مه, 08:39
ከምስራቅ ጎጃም ዞን ደብረ ማርቆስ ፖሊ ቴክኒክ ኮሌጅ የተሰጠ መግለጫ
ሚያዚያ 30/2018ዓ.ም
---------------------------------------------------------------------
"በምርጫ ሰበብ ያለአግባብ የታፈኑ 7 የኮሌጃችን መምህራን እና 28 የተቋማችን ተማሪዎች በምስራቅ ጎጃም ዞን ፖሊስ መምሪያ የደህንነት ሰዎች በትናትናው ዕለት ከኮሌጁ ቅጽር ግቢ ተወስደዋል።
የትምህርት ተቋማት ለማንኛውም የፖለቲካ እንቅስቃሴ ማስፈፀሚያነት እንደማይውሉ እየታወቀ በአለፉት 30 ቀና ውስጥ በኮሌጁ ግቢ ተማሪዎችን ፣መምህራን እንዲሁም የአስተዳደር ሰራተኞች በግዳጅ ከ5-7 የሚደርስ የምርጫ ካርድ በተለያዩ ስሞች እንዲያወጡ በመገደዳቸው ተቋማችን ይህ ተግባር እንዲቆምለት ለሚመለከተው አካል ማቅረባችን የሚታወስ ነው።
በተደጋጋሚ በተጻፈልን ደብዳቤ መሰረት በኮሌጁ ውስጥ የምርጫ ካርድ የወሰዱ እና ያልወሰዱ መምህራን ፣ሰራተኞችና ተማሪዎችን ለይተን ሪፖርት እንድናቀርብ በመጠየቃችን ሒደቱ የአልተገባ እና ህገ-ወጥ በመሆኑ ተቋሙ በምርጫ ሒደቱ በቀጥታ እንዲሳተፍ እየተገደደ መሆኑን ለሚመለከተው አካል ብናሳውቅም አጥጋቢ ምላሽ በማጣታችን ምርጫ ካርድ የወሰዱ እና ያልወሰዱ መምህራን፣ ሰራተኞችና ተማሪዎችን ለይተን በስም ዝርዝር ማሳወቃችንም የሚታዎስ ነው።
ይህ በእንዲህ እንዳለ በቀን 29/2018 ዓ.ም የብልጽግና ፓርቲ በደብረ ማርቆስ ከተማ በጠራው የምርጫ ቅስቀሳ አልተሳተፋችሁም፤ የምርጫ ካርድም አላወጣችሁም፤ የተባሉ 7 የኮሌጃችን መምህራን እና 28 ተማሪዎቻችን በደህንነት ሰዎች ታፍነዋል።
በመሆኑም በተደጋጋሚ ኮሌጁን ለምርጫ ማስፈፀሚያነት ከመጠቀም ባለፈ መምህራን፣ የአስተዳደር ሰራተኞችና ተማሪዎች በመንግስት የፀጥታ ኃይሎች ሲንገላቱ ቆይተዋል።
የደብረ ማርቆስ ከተማ አስተዳደር ፖሊ ቴክኒክ ኮሌጅ ከተቋቋመለት ዓላማ ውጭ እንዲንቀሳቀስ መደረጉን አጥበቀን እየተቃወምን በቁጥጥር ስር የዋሉ መምህራን እና ተማሪዎቻችን እንዲለቀቁልን እንጠይቃለን። መላ ህዝባችንም ከተቋሙ ጎን እንዲቆም ጥሪ እናቀርባለን ።
የደብረ ማርቆስ ፖሊ ቴክኒክ ኮሌጅ
08 مه, 06:00
+4
በአገዛዙ በአስገዳጅ ሁኔታ ተገደው ስልጠና እየወሰዱ የነበሩ አምስት ህፃናት አገዛዙን በመክዳት 64ኛ ክ/ጦር እየተቀላቀሉ ይገኛሉ።
የአብይ አህመድ አገዛዝ የሚዘው የሚጨብጠው አጥቷል። 64ኛ ክ/ጦር በሚያስተዳድረው ቀጠና እነማይ እና ሸበል በረንታ ህፃናትን ለጦርነት ለመማገድ በአስገዳጅ ሁኔታ አፈና በማድርግ የለብ ለብ ወታደራዊ ስልጠና በመስጠት ፖራ ኮማንዶ እያለ በውሸት ፕሮፖጋንዳ ቢያሰራጭም በአስገዳጅ ሁኔታ የገቡት ህፃናት አገዛዙን በመክዳት ሚያዚያ 30/2018 ዓ.ም የአፋብን ቴዎድሮስ ዕዝ 201ኛ ኮር 64ኛ ክፍለ ጦር ተቀላቅለዋል። ከእነዚህም ውስጥ:-
1ኛ.እንቻለው ዘውዱ የትውልድ ቦታ አያልፉሽ ፖራ ኮማዶ
2ኛ.ኤርሚያስ ሚሊሻ ከየትመን ንዑስ ከተማ
3ኛ.ጥልጣል መስፍኔ ፖራ ኮማንዶ የትመን ንዑስ ከተማ
4ኛ.አትመን በላቸው ከሸበል በረንታ መርገጭ 01 ጥምር ጦር አንድ ኮሪያ ክላሽ ከ60 ጥይት ጋር
5ኛ.በልስቲ ገብሬ ፖራ ኮማንዶ ቲም መሪ የቀብሀና ተወላጅ የ15 ዓመት ህፃን ሲሆን የ2ኛ ዙሪ ፓራ ኮማንዶ ለ45 ቀናት ስልጠና የወሰዱ አገዛዙን በመክዳት 64ኛ ክ/ጦር እየተቀላቀሉ ይገኛል።
ሚያዚያ 30/02018 ዓ.ም
አፋብን ቴዎድሮስ ዕዝ 201ኛ ኮር 64ኛ ክ/ጦር ሕዝብ ግንኙነት
08 مه, 05:42
አፋብን ወሎ (ቤተ- አማራ) ምኒልክ ዕዝ 102ኛ ኮር 12ኛ ክፍለ ጦር ከሻለቃ አመራር በላይ ለሚገኙ የሰራዊት አባላት በደማቅ ሁኔታ ተሀድሶ አደረገ።
በወሎ (ቤተ-አማራ) ምኒልክ ዕዝ የ102ኛ ኮር አካል የሆነው 12ኛ ክፍለ ጦር ከግዳጅ ጎን ለጎን ከሻለቃ አመራር በላይ የሰራዊት አባላት የተሀድሶ ፕሮግራም በማድረግ ለወደ ፊት ለሚደረጉ ግዳጆች ዝግጁ መሆናቸውን የክፍለ ጦሩ አመራሮች ገልፀዋል።
በመርሀ ግብሩ ከተካሄዱት መካከል በ12ኛ ክፍለ ጦር ለአማራ ፋኖ አሁን ለደረሰበት ደረጃ የተሻለ አበርክቶ ላላቸው ለምኒልክ ዕዝ ም/ሰብሳቢ ለአርበኛ ቀኝ አዝማች ረዳ ውበቱ እና ለምኒልክ ዕዝ ዋና ወታደራዊ አማካሪ ለኮ/ል ሞገስ ዘገየ የካባ ሽልማትና የሽኝት ፕሮግራም ተደርጓል።
እንድሁም በአፋብን ወሎ (ቤተ-አማራ) ምኒልክ ዕዝ ምስራቅ አማራ የ102ኛ ኮር አካል የሆነችውና ለአማራ ህዝብ ትግል ፋና ወጊዋ 12ኛ ክፍለ ጦር የትግል አጋር ለሆኑት ለ6ቱ ኮሮችና ለልዩ ዘመቻ ለአማራ ህዝብ ሲሉ መሳዋትነት የከፈሉ ጀግኖችን ፎቶ በፍሬም በማሰራት በሽልማት ተሰጥቷል።
የተሀድሶ ፕሮግራሙን የመክፈቻ ንግግር ያደረጉት የ102ኛ ኮር ዋና ሰብሳቢ የነበሩት አሁን የአፋብን ምኒልክ ዕዝ ም/ሰብሳቢ የሆኑት አርበኛ ቀኝ አዝማች ረዳ ውበቱ ሲሆኑ ለ12ኛ ክፍለ ጦር የሻለቃ አመራርና ለተጠሩ እንግዶች የእንኳን ደስ ያላችሁ መልካም ምኞታቸውን ገልፀዋል።
የምኒል ዕዝ ም/ሰብሳቢው አያይዘው እንደገለፁት የአማራን ህዝብ በሀይል ለማንበርከክ የመጣውን ነውረኛ አገዛዝ ለመደምሰስ የሰራዊት አባላችን፣ የአማራ ወጣቶችና መላው የኢትዮጵያ ህዝብ ከጎናችን እንድሰለፍ ጥሪ አስተላልፈዋል።
ዛሬም ድረስ አማራ ጠሉ ጨፍጫፊ ስርዓት በምርጫ ስም በህዝባችን ላይ ህገ-መንግስታዊና መዋቅራዊ በደል በማስቀጠልና አለኝ የሚለውን አቅም ሁሉ ተጠቅሞ ሙከራ ቢያደርግም ህዝባችንን ይዘን ስለሆነ የአማራ ፋኖን ክንድ መቋቋም ተስኖታል ሲሉ ገልፀዋል።
በመቀጠል ንግግር ያደረጉት የ12ኛ ክ/ጦር ዋና ወታደራዊ አዛዥ አርበኛ ሀብተማሪያም መንበሩ ለ12ኛ ክ/ጦር የሻለቃ አመራር የሰራዊት አባላት፣ ጥሪ ለተደረገላቸው የኮር፣የክፍለ ጦር አመራርና ለአፋብን ምኒልክ ዕዝ በአድሱ አደረጃጀት ሀላፊነት ለተሰጣቸው አመራር የእንኳን ደስ ያላችሁና መልካም የስራ ዘመን እንድሆንላቸው ምኞታቸውን ገልፀዋል።
የ12ኛ ክፍለ ጦር ዋና አዛዝ እንደተናገሩት ሰራዊታቸው ሁሌም በጥላት ላይ የሀይል የበላይነትን በመውሰዱ በስነ-ልቦና የዳበረና የህዝባችንን የጭቆና ህይወት የተረዳ በመሆኑ በአጭር ጊዜ ጦርነቱን እንደሚያጠናቅቁ ገልፀዋል።
በ3ኛ ደረጃ ንግግር ያደረጉት የአፋብን ወሎ (ቤተ-አማራ) ምኒልክ ዕዝ ዋና ወታደራዊ አዛዥ አርበኛ ወንድሙ ማሩ ለ12ኛ ክፍለ ጦር የሻለቃ አመራር፣ ለከ/ጦር አመራር አንድሁም ለኮር አመራርና ጥሪ ለተደረገላቸው የድርጅት አመራር እንኳን ደስ ያላችሁ በማለት መልካም ምኞታቸውን አስተላልፈዋል።
ወታደራዊ አዛዡ ካስተላለፉት ሀሳብ መካከል ስለ አላማ ፅናትና የትግል ባህሪያት በመግለፅ ማንም የአማራ ፋኖ ታጋይና አታጋይ የአማራ ብሔርተኝነትን ተላብሶ በህዝባችን ላይ በግደታ የተጫነበትን ቀንበር ከትክሻው ለማስወገድ ዝግጁ እንድሆን መልዕክት አስተላልፈዋል።
በተጨማሪም ንግግር ያደረጉት የአፋብን ወሎ(ቤተ-አማራ) ምኒልክ ዕዝ ዋና ዘመቻ መምሪያ ሀላፊ አርበኛ በለጠ ሸጋው (ተራራው) ለ12ኛ ክ/ጦር የሻለቃ አመራር ፣ የክ/ጦር አመራር ፣የ102ኛ ኮር አመራር፣ የ101ኛ ኮር አመራር፣የልዩ ዘመቻ አመራርና ጥሪ ለተደረገላቸው የምኒል ዕዝ አመራር የእንኳን ደስ ያላችሁ መልዕክት አስተላልፈዋል።
የህዝብ ልጅ ፋኖ ጤዛ ልሶ ድንጋይ ተተርሶ በምድር ላይ ውድ የሆነውን ህይወቱን በመሰዋት ስግብግቡን አገዛዝ በአፈሙዝኛ ቋንቋ በልኩ በማናገራችን በአማራ ክልል እንደፈለገ እንዳይንቀሳቀስ አድርገነዋል ሲሉ ገልፀዋል።
የምኒልክ ዕዝ ዋና ዘመቻ እንደ ተናገሩት ለማይቀረው የሞት ሽረት ትግል ሁሉም የአማራ ወጣቶችና የኢትዮጵያ ህዝቦች ከጎናችን እንድሰለፉ ሲሉ ጠንካራ መልዕክት አስተላልፈዋል።
በአፋብን ምኒልክ ዕዝ ወሎ ቤተ-አማራ አመራር የሆኑት አርበኛ አሸናፊ ገናን (ወይራው አማራ) በዝግጅቱ በመገኘት ለ12ኛ ክ/ጦር ሻለቃ አመራርና ጥሪ ለተደረገላቸው የድርጅት አመራር የእንኳን ደስ ያላችሁ መልካም ምኞታቸውን ገልፀዋል።
ወይራው አማራ እንደተናገረው ከሆነ ጨፍጫፊውንና አምባገነኑን አገዛዝ ለመፋለምና ህዝባችንን ከገባበት ቅርቃር ውስጥ ለማውጣት ሰራዊቱ ዝግጁ እንድሆን መልዕክት አስተላልፈዋል።
የአፋብን ወሎ (ቤተ-አማራ) ምኒልክ ዕዝ ዋና ወታደራዊ አማካሪ ኮ/ል ሞገስ ዘገየ ለ102ኛ ኮር አመራር፣ ለ12ኛ ክፍለ ጦር አመራር፣ ጥሪ ለተደረገላቸው ኮሮችና የድርጅት አመራር የእንኳን ደስ ያላችሁ መልዕክት አስተላልፈዋል።
ከዚያ በመቀጠል አማካሪው እንደተናገሩት ከሆነ የብልፅግናን አገዛዝ በተግባር የማሸነፋችን ሚስጥር ህዝባዊ ሰራዊት በመገንባታችንና ህዝባዊ ድጋፍ ስላለን ነው ሲሉ ተናግረዋል።
በመጨረሻም የአፋብን የፖሊት ቢሮ አባልና የቀጠናዊ ትስስር መምሪያ ሀላፊ አርበኛ አበበ ፈንታው(የምስራቁ) እንደተናገሩት የአማራ ህዝብ የፍትህ፣ የነፃነትና የህገ-መንግስት ጥያቄ ስላለው በወርድና በቁመቱ ልክ የፖለቲካ ውክልና እስኪኖረው ድረስ ጠንካራ የአማራ ፋኖ ታጋይ እንድፈጠር ሲሉ አበክረው ተናግረዋል።
የቀጠናዊ ትስስር መምሪያ ሀላፊው የአብይ አህመድ የብልፅግና አገዛዝ በ2010ዓ/ም በትረ ስልጣኑን ከተቆጣጠረ በኋላ በአማራ ህዝብ ላይ ታይቶ የማይታወቅ ጭፍጨፋ በማድረጉ ምክኒያት ተገፍተን የወጣን መሆኑን በመረዳት አምባገነኑን ስርዓት ለማስወገድ ከምን ጊዜውም በላይ የአማራ ወጣቶችና መላው የኢትዮጵያ ህዝብ ከጎናችን እንድሰለፉ ሲል ጥሪ አስተላልፏል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
የአፋብን ምስራቅ አማራ ቀጠና ምኒልክ ዕዝ የ102ኛ ኮር ህዝብ ግንኙነት
ሚያዚያ 30/2018 ዓ.ም
08 مه, 04:49
ቅዱስ ሲኖዶስ የኦርቶዶክስ ተዋሕዶ ቤተክርስቲያን ከመጥፋት እንዲታደጋት የደባይ ጠላት ግን ወረዳ የሐይማኖት አባቶች ጥሪ አቀረቡ።
ሚያዚያ 30/2018 ዓ.ም
=======================================
የአብይ አህመድ ጀነራሎች በአደባባይ በሰጡት ትዕዛዝ መሰረት የአገዛዙ ሰራዊት አባላት እና የጦር መኮንኖች በቤተ ክርስቲያኗ ቅጥር ግቢ ምሽግ በማድረግ ልዕልናዋን እንደገፈፏት የጎዛምን ወረዳ የሐይማኖት አባቶች ተናግረዋል።
በአማራ ህዝብ ላይ በተፈፀመው ወረራ ቤተ ክርስቲያኗ በቀጥታ ጥቃት እየተፈፀመባት ነው ያሉት የሐይማኖት አባቶች በበኩላቸው ካህናት፣ ቀሳውስት ፣ የአብነት ተማሪዎችና ዲያቆናት እየተገደሉ ስርዓተ ቤተክርስቲያን እየተስተጓጎለ ይገኛል ብለዋል። ከዚህ በፊት በድምቀት የሚከበሩት አመታዊ ሐይማኖታዊ በዓላት የአገዛዙ ሰራዊት በቤተ ክርስቲያኗ ላይ በመመሸጉና የሐይማኖት አባቶችን በማሳደዱ በተለመደው መልኩ ማክበር አለመቻሉንም አስታውቀው፤ ቤተ ክርስቲያኗ ቅርሷ እየተዘረፈ፤ ስርዓቷ እየተገፈፈ፤ አገልጋዮቿ እየተገደሉ በመሆኑ ቅዱስ ሲኖዶስ ቤተ ክርስቲያኗን ከመጥፋት እንዲታደጋት ጥሪ አቅርበዋል።
በዚህም 206ኛ ኮር በተደራጀ የፖለቲካ ስራ የአማራ ህዝብ ብሔራዊ ንቃት ይዳብራል፤ ህልውናውም ይረጋገጣል!
በሚል መሪ ቃል በምስ/ጎጃም ደባይ ጠላት ግን ወረዳ ከሐይማኖት አባቶች ጋር ውይይት እያደረገ ይገኛል።
አዲስ ትውልድ ! አዲስ አስተሳሰብ! አዲስ ተስፋ
የአፋብን ቴዎድሮስ ዕዝ 206ኛ ኮር የህዝብ ግንኙነት
08 مه, 03:51
አፋብን ምኒልክ ዕዝ 105ኛ ኮር 47 ክፍለ ጦር አትሮንስ ሻለቃ ከደማቁ ምርቃት ማግስት ባንዳና አጎብዳጅ ላይ የማያዳግም እርምጃ በመውሰድ ድል ተቀዳጁ::
ሚያዚያ 30/2018 ዓ.ም በዕለተ አርብ ከመሃል ሳይንት ወረዳ( ደንሳ) ከተማ የኦህዴድ/ብልፅግና አመራሮችንና የምርጫ አስፈፃሚዎችን በዙ-23 አጅቦ ወደ ባህርዳር በመሄድ ላይ እያሉ ትንታጎቹ የአትሮንስ ሻለቃ ቃኞች ወርቅ ማውጫ ከተማ ዳርቻ ላይ ድባቅ መተዋቸዋል።
ጨፍጫፊውና ወንጀለኛው ቡድን ኦህዴድ/ብልፅግና አይኑን በጨው አጥቦ፣ የመኖር ሰብዓዊ መብቱን የነፈገውን የአማራ ህዝብ በአፈ-ሙዝ እያስፈራራ ምርጫን ተግባራዊ ለማድረግ እየተጋጋጠ ይገኛል።
የአማራን ህዝብ በመድፍና በድሮን በመጨፍጨፍና ለሰማይ ለምድር የከበደ ግፍና ሰቆቃ እየፈፀመ ስለ ምርጫ ማሰቡና ለተግባራዊነቱም እንቅስቃሴ ማድረጉ ኦህዴድ/ብልፅግና የነውረኞች ቁንጮ መሆኑን ያሳያል።
በደፈጣ ጥቃቱ የበሻሻው ወፈፌ (አብይ አህመድ) ስልጣን ጠባቂዎች 2ቱ ተቀንድሸው ወደ ከርሰ-መቃብር ሲወርዱ 9(ዘጠኝ) በላይ ቁስኞች ሆነዋል። ከቁስለኞች መካከል በሆዱ ዳዴ የሚል የባንዳነት ስነ-ልቦና የተጣባው ካድሬ መኖሩ ታውቋል።
ለኦህዴድ/ብልፅግና ወንጀለኛ ቡድን አፋሽ አጎንባሽ፤ አጎብዳጅና አሸርጋጅ የሆናችሁ ፍርፋሪ ተመፅዋች ባንዳዎች ከፀያፍ ድርጊታችሁ የማትታቀቡ ከሆነ መጨረሻችሁ የውሻ ሞት ነው!
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
አፋብን ምስራቅ አማራ ቀጠና ምኒልክ ዕዝ
ሚያዚያ 30/2018 ዓ.ም
08 مه, 03:46
