ኢት-መጽሐፍት | ETHIO-BOOKS

የመሬት መንቀጥቀጡ ነገር! (አሌክስ አብርሃም) ከአመታት በፊት ነው...ወሬው ከየት እንደመጣ እንጃ፤ ብቻ "የመሬት መንቀጥቀጥ ተነሳ ሽሹ" ተብሎ የሰፈሩ ሰው ይራወጣል! የላይኛው ወደታች ሰፈር ይንጋጋል፣ የታችኛው ወደላይ! ካሊድ የሚባል የአዕምሮ ህመምተኛ ብቻ የሆነች በረንዳ ስር ካርቶኑን አንጥፎ ተረጋግቶ ጫቱን ይቅማል! ሳየው አሳዘነኝ ፤ ማንም ነገሬ ያለው ሰው አልነበረም! ሩጫየን ገታ አድርጌ ትንፋሸ ቁርጥ ቁርጥ እያለ "ካሊድ ተነስ እና ሩጥ " አልኩት! ረጋ እንዳለ"ለምን?" አለኝ "የመሬት መንቀጥቀጥ ተነስቷል፤ ሁሉም ሰው እየሸሸ ነው፤ አታይም?" አልኩ ጮክ ብየ በማካበድ! ምንም ሳይመስለው ጫቱን እየቀነጣጠበ... "መሬት ከተንቀጠቀጠ ወደየት ነው የምትሸሹት? ወደማርስ?" ብሎኝ እንደተረጋጋ ጭራሽ ሲጋራ አውጥቶ ለኮሰ። ትቸው ሮጥኩ! ስንመለስም እዛቹ ቦታ ተረጋግቶ ሲቅም አገኘነው! "እውነትህን ነበር ባክህ! ውሸት ሆነኮ " አልኩት "ምኑ?" አለኝ ምንም እንዳላወራን "የመሬት መንቀጥቀጡ ነዋ " ከማለቴ "እንዴ! መሬት ተንቀጠቀጠ እንዴ?" ብሎ ተነስቶ ፈትለክ ..ወደታች ሰፈር! ጫማውን እንኳን አላደረገም በባዶ እግሩ😀 ጓደኛየ ታዲያ "ባክህ ይሄ አውቆ አበድ ነው! እንደውም ሰላይ ነው ፤ መጀመሪያ እብደቱን ረስቶት ነበር የተፈላሰፈብህ! ስትመለስ የቅድሙን ጤነኝነቱ እንዳትነቃበት ነው የሮጠው " አለ! ቢሆንም እስከዛሬ ይገርመኛል! ድንገት ትዝ ብሎኝ ነው፤ ሳስበው ሳስበው ግን መሬት ከተንቀጠቀጠ ወዴት ለመሸሽ ነበር ሩጫችን?😀 በሉ አያድርገውና ድንገት መሬት ቢንቀጠቀጥ ምን ማድረግ እንዳለባችሁ አንብቡ!

ታላላቅ ጥቅሶችና ምክሮች 1.ትልቅ ሰውነት በዘር ወይም በትውልድ ሳይሆን በተግባራዊ ስራና በህይወት ፈተና ውስጥ ነጥሮ የሚወጣ ነው። 2.ከይስሙላ አንድነት ፣በእምነት ካልተዋቀረ ህብረት፣ በግርግር ከተሞላ መንጋነት ይልቅ ጥርት ያለ ልዩነት ለመፍትሄ ያበቃል። 3.በእውቀት ተመራምሮ አዲስ ነገር ማግኘት ለሰው ልጅ የስልጣኔ መጥረጊያ  መንገድ ከፋች ሲሆን የሀሰት ወሬ መፍጠር ግን የዝቅጠት መንገድ ነው። 4.ከሚጎትቱንና ከሚያደናቅፉን አሮጌ ችግሮች መውጣት ያሻናል፣አሮጌ ባላንጣዎቻችን በትላንት አባዚያችን ውስጥ እንድነቅዝ እንደሚሹ ማስተዋል አለብን። 5.ዋና ቀጣፊ ሰው ራሱን የሚያታልል ነው። 6.ገደልን የዘለለ ፈረስና ቂምን የተወ ሰው አዋቂ ነው። 7.የሚፈልገውን ያላገኘ ልብ ዘውትር መንገደኛ ነው። 8.ያለውን የማያውቅ የጎደለውን አያውቅም። 9.ጭንቀትህን በስራ ተካውና ተአምር ሲፈጠር ተመልከት። 10.ክፋት የአእምሮ በሽታ ሲሆን ቅንነት ግን የህሊና እረፍት ነው። 11.ሌሎችን ለመምሰል እንደሚመኝ ሰው ጭንቀት የበዛበት ሰው የለም። 12.ፍቅር የከንፈር ወይም የገንዘብ መገጣጠም ሳይሆን የልብ መገጣጠም ነው። 13.ቆንጮ ሴት ባየህ ጊዜ ተፈጥሮን አድንቅ እንጂ የዝሙት መንፈስ አይሰማህ። ዝሙት ከደካማ መንፈስ የሚመነጭ ነው። 14.ብዙ የሚናገሩ ሰዎች የማሰቢያ ጊዜ የላቸውም። 15.የማያውቀውን ነገር ያልተናገረ ጥበበኛ ነው። 16.ፍቅር በድንገት መጥቶ እንደሚያልፍ ጎርፍ ሳይሆን ጠልፎ የማያሰጥም የውቅያኖስ ማዕበል ነው። 17."ቅናት" ፍቅር እና ትዳርን ገዝግዞ የሚጥል ስለት ነው። 18.ሴቶች ጆሮዋቸውን ወንዶች አይናቸውን ያምናሉ። 19.ፍቅር የተፈጥሮ ሁለተኛ ፀሀይ ነው። 20.በፍቅር የተሞላች ቃል የወደቀን ሰው ታነሳለች።      ♥♥ሰናይ ምሽት!♥♥ Join us; 👉 @et_books1 👉 @et_books1

መሰዋትነትና ጽናት - ሜጀር ጀነራል ሁሴን አህመድ

°° ( ህልም እልም ) `` በስመአብ ወወልድ ወመንፈስ ቅዱስን `` ‹‹ ምነው ?›› ሚስት መብራት አበራች `` ሰው ገደልኩ `` ‹‹ መቼ ?›› `` አሁን በህልሜ ... አንቺን ሲነኩብኝ አልወድ ፣ ምን እንደፈረደበት እንጃ ይሄ ጎረቤታችን ጎሹ ሲስምሽ የደረስኩ ይመስለኛል። ከራስጌ ቆንጨራዬን መዘዝ ሳደርግ ያ ዲብ ሰውነቱ'ኳ ሳይከብደው ፣ ፈትለክ ይላል ። ሲበር ፣ ሳበርር ... ሲበር ሳባርር ጎሹ እንዴት እንደሆን እንጃ እየራቀኝ ይሄዳል። ቆንጨራውን እንደቅዝምዝም ሃይ ብዬ ስወረውረው ጀርባው ላይ ስክት ሲል ብንን አልኩ። በስመአብ ወወ `` ‹‹ህልም አይደለም!›› `` እ¿ `` « አዎ..እውነት ነው። ትናንት ጎሹ መሳም ስሞኛል ግን አላባረርከውም ዝም ብለህ ነው ያየኸው ?» `` ነው እንዴ ? ነፍስ ከማጥፋት እግዜር አወጣህ በይኛ ``🫣 ፦ውልብታ 📖 -አለማየሁ ገላጋይ Join us; 👉 @et_books1 👉 @et_books1

Hello, all. Hope you are enjoying and benefits a lot from books shared here. This is to kindly remind you to invite friends and families to join this channel. Sharing is Caring!! 📖 📕 📘 📗 📓 📚 📖 📕 📘 Let's goooooo & share the link:- 👉 @et_books1 👉 @et_books1