Geointriga.uz

🇹🇷 Эрдўған учинчи марта кетма-кет президентликка номзод бўлиши мумкин — Туркия президенти маслаҳатчиси Туркия президенти Ражаб Тоййиб Эрдўған 2028 йилда истисно тартибида учинчи президентлик муддатига номзодини қўйиш ҳуқуқига эга бўлиши мумкин. Бу ҳақда унинг бош маслаҳатчиси Меҳмет Учум маълум қилди. Туркия Конституциясига кўра, бир шахс кетма-кет икки муддатдан ортиқ президент бўла олмайди. Бироқ амалдаги президентнинг иккинчи муддати давомида парламент янги сайлов ўтказиш ҳақида қарор қабул қилса, у яна бир марта номзод бўлиш ҳуқуқини қўлга киритади. Учумнинг айтишича, режага кўра сайловлар 2028 йил 7 майда ўтказилиши керак, аммо парламент уларни уч ҳафта олдин — 2028 йил 16 апрелга кўчириши мумкин. Унинг таъкидлашича, бундай ўзгариш ҳуқуқий жиҳатдан муддатидан олдинги сайлов ҳисобланмайди, бироқ Конституциядаги истисно қоидани ишга туширади ва Эрдўғанга учинчи ҳамда сўнгги марта номзод бўлиш имконини беради. @Geointriga_uz

🇮🇷 WSJ: Эрон урушдан кейин Ҳормуз бўғози орқали ўтадиган кемалардан миллиардлаб доллар даромад олишни режалаштирмоқда. The Wall Street Journal маълумотига кўра, Теҳрон Ҳррмуз бўғози орқали ўтувчи кемалардан хавфсизлик, қўриқлаш ва экологик кузатув хизматлари учун ҳақ ундиришни режалаштирмоқда. Эрон расмийлари бу тизим йилига 40 миллиард долларгача даромад келтириши мумкинлигини билдириб, Форс кўрфази давлатларига ушбу маблағларни тақсимлашда иштирок этишни таклиф қилмоқда. Шу билан бирга, АҚШ, Уммон ва минтақанинг бошқа давлатлари транзит учун ҳар қандай тўлов жорий этилишига қарши чиқиб, халқаро сув йўллари эркин навигация учун очиқ қолиши ва божлар билан юкланмаслиги кераклигини таъкидламоқда. @Geointriga_uz

🇷🇺 Россия мактабларида бошланғич ҳарбий тайёргарлик дарслари икки баробарга оширилади. Россия Маориф вазири Сергей Кравцовнинг маълум қилишича, 1 сентябрдан бошлаб «Ватан хавфсизлиги ва ҳимояси асослари» (ОБЗР) фанидан бошланғич ҳарбий тайёргарликка ажратиладиган вақт 20 фоиздан 50 фоизгача оширилади. Дастурга учувчисиз учиш аппаратларини ўрганиш ва ўқув йиғинлари ҳам киритилади. Россия—Украина уруши бошланганидан сўнг совет давридаги бошланғич ҳарбий тайёргарлик дарслари мактабларга қайта жорий этилган эди. Юқори синф ўқувчиларига саф ва ўқ отиш тайёргарлиги, умумқўшин жанги тактикаси, уруш вақтида биринчи тиббий ёрдам кўрсатиш, турли ҳужумлардан ҳимояланиш, ўқотар қуроллар ва қўл гранаталаридан фойдаланиш ўргатилмоқда. Апрель ойида эса бу йўналишни алоҳида фан сифатида ажратиш масаласи муҳокама қилинган. @Geointriga_uz

🇮🇷🇸🇬 Ҳормуз бўғозида юк кемасига ҳужум қилинди. Манбаларга кўра, Эрон Ислом инқилоби қўриқчилари корпуси Сингапур байроғи остида ҳаракатланган Ever Lovely юк кемасига Ҳормуз бўғозида зарба берган. Ҳодиса Вашингтон ва Теҳрон ўртасида минтақада хавфсиз денгиз қатновини тиклаш бўйича келишув имзоланганидан кейинги биринчи жиддий инцидент сифатида баҳоланмоқда. Маълумотларга кўра, ҳужум оқибатида жабрланганлар йўқ. Шунингдек, ИИҚК Ҳормуз бўғози орқали фақат Теҳрон билан келишилган йўналишлардан фойдаланиш мумкинлигини билдириб, бошқа маршрутлар хавфли экани ҳақида огоҳлантирди. Бу баёнотдан сўнг бўғоз атрофидаги бир нечта тижорат кемалари ўз йўналишини ўзгартирган. @Geointriga_uz

🇫🇷🇺🇸 Эммануэль Макрон АҚШ энди Россия—Украина урушида нейтрал воситачи эмаслигини маълум қилди. Унинг сўзларига кўра, Вашингтон илк бор Украинанинг ҳудудий яхлитлигини қўллаб-қувватлаш, Киевга ҳарбий ва энергетик ёрдам кўрсатиш ҳамда Россияга қарши санкцияларни кучайтириш назарда тутилган ҳужжатни маъқуллаган. @Geointriga_uz

🇬🇧 Буюк Британияда илк бор монархнинг солиқ тўловлари ҳақидаги маълумотлар ошкор қилинди. Букингем саройи маълум қилишича, қирол Карл III 2022 йилда тахтга чиққанидан буён 40 миллион доллардан ортиқ солиқ тўлаган. @Geointriga_uz

Александр Луниннинг Путинга мурожаати:

«Кеча мен билан Мудофаа вазирлиги ва куч ишлатар тузилмаларининг юқори лавозимли вакиллари учрашди. Улар Путинга, агар у менга жонли эфирда чиқиш имконини бермаса, мамлакатимизда ҳозир нима бўлаётганини бутун ҳақиқат билан айтишимни етказишди. Ҳозир ўнлаб, юзлаб, минглаб аскарлар ўз қўмондонлари томонидан зиндонларда сақланмоқда, қийноқ ва зўравонликка дучор бўлмоқда. Улар ўз жонини хавфга қўядиган аҳмоқона буйруқларни бажаришдан ёки пулларини беришдан бош тортгани учун жазоланмоқда. Оқибатда эса уларни йўқ қилиб, бедарак йўқолган деб кўрсатишмоқда. Владимир Владимирович, бу масалага эътибор беринг, мени қабул қилинг. Акс ҳолда оқибатлар жуда жиддий бўлади. Агар яқин вақт ичида Кремлга бориб, сизнинг ёнингизда жонли эфирда чиқиш қилмасам, армия қуролини Кремлга қарши қаратади. Мен фақат хабарни етказяпман»,

— деди россиялик ҳарбий. @Geointriga_uz

🇷🇺 Россиялик ҳарбий Путинга мурожаат қилиб, ҳарбий исён билан таҳдид қилди Воронежлик, ўзини аввал Украинада жанг қилган ҳарбий сифатида таништирган Александр Лунин Путинга мурожаат йўллаб, агар у билан учрашув ташкил этилмаса ва унга «жонли эфирда» Россия армиясидаги ҳолат ҳақида гапириш имконияти берилмаса, ҳарбий исён бўлишини айтди. Унинг сўзларига кўра, фронтда кўплаб россиялик ҳарбийлар ўз қўмондонлари томонидан қийноққа солинмоқда ва «йўқ қилинмоқда». Видеомурожаат тўрт соат ичида Instagram'да 2 миллиондан ортиқ кўришлар ва 80 мингдан зиёд лайк тўплаган. @Geointriga_uz

🏳 Афғонистоннинг ШҲТдаги иштироки ташкилотга аъзо давлатлардан бири томонидан блокланмоқда. Россия президентининг Афғонистон бўйича махсус вакили Замир Кабуловнинг маълум қилишича, Афғонистон ШҲТда расман кузатувчи мақомига эга бўлса-да, ташкилот аъзоларидан бирининг эътирози сабаб унинг тўлиқ иштирокини таъминлаш жараёни бошланмаган. Унинг айтишича, ШҲТда барча қарорлар консенсус асосида қабул қилинади. Кабулов шунингдек, жорий йилда «Толибон» ҳаракати вакиллари Афғонистон бўйича Москва формати йиғилишида иштирок этиш учун Россияга ташриф буюришини ҳам маълум қилди. Афғонистон 2012 йилда ШҲТ кузатувчиси мақомини олган, аммо «Толибон» ҳокимиятга келганидан кейин унинг ташкилотдаги иштироки амалда музлатилган. Кобул расмий вакиллари сўнгги марта 2020 йилдаги ШҲТ саммитига таклиф қилинган. @Geointriga_uz

🇨🇴 Колумбиянинг сайланган президенти жиноий гуруҳларга ультиматум қўйди.

«Қонундан ташқари фаолият юритаётганларга аниқ мурожаатим бор: сизларда ўзингизни тўғри йўлга солиш ва адолат органларига таслим бўлишингизни ташкил қилиш учун бир ой вақт бор. Менинг ҳукуматим даврида аввалги режимдан олганингиз каби ҳеч қандай сахий таклифлар ёки қабул қилиб бўлмайдиган имтиёзлар бўлмайди. Амалдаги ҳукуматнинг уюшган жиноятчиликка кўмаклашиши жирканч ва шармандали ҳолатдир. “Йўлбарс даври”да қонун устуворлиги ҳамма нарсадан устун бўлади. Жиноятчиликка кўз юмиш тугади. Коррупция, терроризм, гиёҳванд моддалар савдоси, товламачилик ва зўравонликнинг бошқа ҳар қандай шаклини давом эттирадиганлар Колумбия давлатининг бутун кучи билан тўқнаш келади»,

— деди Абелардо де ла Эсприелья. @Geointriga_uz

🇺🇦 Зеленский Россияга қарши 40 кунлик операцияни тасдиқлади

«Генерал-майор Евгений Хмаранинг узоқ ва ўрта масофали таъсир чоралари режаси, шунингдек, Украина Хавфсизлик хизмати, хусусан, “Альфа” махсус операциялар марказининг фронтдаги фаолияти натижалари ҳақидаги ҳисоботини тингладим. Хавфсизлик хизмати учун агрессор давлатни урушни тугатишга ундаш мақсадида 40 кунлик таъсир операциясини тасдиқладим»,

— деб ёзди Украина президенти ўзининг Telegram-каналида. @Geointriga_uz

🇮🇱🇱🇧🇸🇾🇵🇸 Исроил Ливан, Сурия ва Ғазодаги «хавфсизлик ҳудудлари»да муддатсиз қолади — Кац Бу ҳақда Исроил мудофаа вазири Исраэль Кац мамлакат жанубидаги ЦАХАЛ курсантларининг битирув маросимида маълум қилди. Унинг таъкидлашича, Исроил қўшинларининг жойлаштирилиши «фуқаролар ва аҳоли пунктларини жиҳодчи унсурлардан ҳимоя қилиш»га қаратилган бўлиб, ЦАХАЛ «хавфсизлик ҳудудлари»ни тарк этмайди. Кац шунингдек, агар Эрон Ливандаги ҳаракатлар ёки бошқа ҳар қандай сабаб билан Исроилга ҳужум қилса, Исроил «бутун кучи билан жавоб зарбасини беради», дея огоҳлантирди. @Geointriga_uz

🇮🇷🇱🇧🇮🇱 Эрон Исроил қўшинларининг Ливандан тўлиқ чиқиб кетишини талаб қилмоқда — IRIB Эрон давлат телерадиоси IRIB'нинг музокаралар жараёнига яқин манбасига кўра, Исроил қўшинларининг Ливан ҳудудидан тўлиқ олиб чиқилиши якуний келишувнинг асосий шартларидан бири ҳисобланади ва Теҳрон буни ўзининг муҳим «қизил чизиғи» деб баҳоламоқда. Манба таъкидлашича, якуний меморандум Ливаннинг суверенитети ва ҳудудий яхлитлигини кафолатлайди. Бу масала Швейцарияда тайёрланган ҳужжатда Эрон иштирокидаги можарони тартибга солишнинг ягона механизми сифатида мустаҳкамланган бўлиб, Теҳрон уни амалга ошириш муддатларини ҳам белгилашни талаб қилмоқда. Шунингдек, манба сўнгги олти кун ичида Ливанга берилган зарбалар кескин камайганини Эрон кўрган чоралар самараси сифатида баҳолади. Унинг сўзларига кўра, Ислом Республикаси доимий ўт очишни тўхтатиш ва Исроил кучларининг Ливандан тўлиқ чиқиб кетишидан бошқа ҳеч қандай вариантга рози бўлмайди. @Geointriga_uz

🇮🇱 «Кучлилар тирик қолади. Бу ерда кучсизларга ўрин йўқ» — Нетаньяҳу «Мен ўзимни башоратчи деб ҳисобламайман. Аммо менимча, минтақамизда — ва тобора бутун дунёда — тирик қолишни нима белгилашини биламан: Кучлилар тирик қолади. Бу ерда кучсизларга ўрин йўқ. Уларни овлашади. Улар йўқ бўлиб кетади», — деди Исроил бош вазири. Бошқа баёнотлари: ▪️ «Фақат кўр одамгина ютуқлар йўқ деб айтиши мумкин. Эришилган натижалар жуда катта. Мен уларнинг барчасини санаб ўтмадим, чунки сизларни аямоқчиман. Сизлар жазирама қуёш остида турибсизлар — ҳаммасини санашга жуда кўп вақт кетарди.» ▪️ «Биз нотинч, шиддатли ва ваҳший Яқин Шарқда яшаймиз.» ▪️ «Биз Ливан жанубида Бофор қалъаси тепалигидан устунликни сақлаб турибмиз. Ва Ливан жанубидаги хавфсизлик ҳудудида қанча керак бўлса, шунча қоламиз. Биз у ердан кетишни режалаштирмаяпмиз.» ▪️ «Ҳали бажарилиши керак бўлган бир қатор вазифалар бор. Эронга қарши ҳам, ҲАМАСга қарши ҳам ҳали кўп иш қилишимиз керак.» @Geointriga_uz

Балиец – наш водитель Джипа Загонял нас на крышу машины фотографироваться чуть ли не каждые 5 минут Узнать больше #реклама iznankatravel.clients.site

🇧🇾🇺🇦 Лукашенко Зеленский вакиллари билан учрашув ҳақида гапирди. «Яқинда айнан шу ерда Зеленскийнинг вакиллари бўлишди. Мен уларга очиқ айтдим: “Бориб президентигизга етказинглар, агар у биз билан шундай гаплашиш мумкин ва яна бизни урушга тортиш мумкин деб ўйлаётган бўлса, у шунчаки тушуниши керакки, урушнинг хусусияти дарҳол ўзгаради. Бу бутунлай бошқа уруш бўлади”», — деди Беларусь раҳбари. Лукашенконинг таъкидлашича, Зеленский бу баёнотга жавоб қайтарган. Унинг сўзларига кўра, Киев Минскни можарога тортиш мумкин эмаслигини яхши тушунади. @Geointriga_uz

🇺🇸 Рубио Аляскадаги учрашувни келишув деб аташни рад этди.

«Аляскада ҳеч қандай келишув бўлмаган. Аляскада фақат таклиф билдирилган эди»,

— деди АҚШ давлат котиби Марко Рубио. @Geointriga_uz

🇮🇷 «АҚШ фақат бузилган ваъдалар ва бўш гапларни экспорт қилади» — Ғолибоф «Америка бизнинг музлатилган активларимиз уларнинг қишлоқ хўжалиги маҳсулотларини сотиб олишга сарфланишини ёлғон даъво қилмоқда. Қизиқ. Биз йиғиб олаётган ягона ҳосил — бу сизлар экиб кетган нарса: ўнлаб йиллар давомида тўпланган ишончсизлик. Бу органик, мўл-кўл ва шу ернинг ўзида етиштирилган ҳосилдир. Аммо кўринишидан, АҚШ фақат ГМО соя, бузилган ваъдалар ва бўш гапларни экспорт қилади», — деди Эрон парламенти раиси Муҳаммадбоқир Ғолибоф. @Geointriga_uz

🇰🇵 КХДР модернизация қилинган РСЗО ва тактик ракеталарни муваффақиятли синовдан ўтказди — ЦТАК Марказий телеграф агентлиги (ЦТАК) маълум қилишича, КХДР модернизация қилинган кўп зарядли реактив ўт очиш тизимлари (РСЗО) ҳамда тактик ракеталарнинг муваффақиятли синовини ўтказди. Синовларни шахсан Ким Чен Ин кузатган. Маълум қилинишича, тактик ракетанинг жанговар қисми аэродромлар, портлар ва энергетика инфратузилмаси каби муҳим объектларни йўқ қилиш учун мўлжалланган. @Geointriga_uz

🇲🇽 Мексиканинг Кабо-Сан-Лукас шаҳрида миллий терма жамоанинг Жаҳон чемпионатидаги ғалабаси нишонланаётган вақтда автомобиль мухлислар устига кириб кетди. Ҳодиса оқибатида 17 киши жароҳатланди. Улардан бири реанимация бўлимига ётқизилган. Автомобиль ҳайдовчиси ҳам тиббий ёрдам олганлар орасида бўлган ва кейинчалик қўлга олинган. Ҳодиса сабаблари ўрганилмоқда. @Geointriga_uz