میرآقا داداش - Mirağa Dadaş

Hacı Cavad məscidi söküləndə bizimlə necə oyun oynadılar? Dedilər sökülməyəcək, bir dəstə dindarı bizimlə üz-üzə qoydular, sonra bir dəstə dindara söz verdilər ki, əvəzində sizə məscid veriləcək, onları da bizimlə üz-üzə qoydular, sonra gəldilər sökdülər, sonra dedilər ki, icra hakimi bizdən icazəsiz söküb. Bu qədər oyunları görən dindar necə bu hakimiyyətə yenə aldana bilər? Hakimiyyət dindarları həbs edəndə rayon-rayon həbs edirdi. Biləcəridəki dindarlar düşünürdü ki, Binəqədidəki dindarlar yəqin radikaldır deyə onları həbs edirlər. Sonra keçdilər Biləcəriyə. Hakimiyyət hicabı qadağan edəndə məktəb-məktəb edirdi. O məktəblərdə ki, hicab hələ qadağan olmamışdı, onlar deyirdilər ki, ümumi qadağa yoxdur, yalandır. Sonra onlara da gəlib-çatdı qadağa. İndi də hicab dükanlarını hissə-hissə bağlayırlar, hansılar ki, onlara növbə çatmayıb video çəkir ki, ümumi hicab dükanlarının bağlanması söhbəti yalandır. Sabah da növbə onlarındır... Daha bu hakimiyyət eyni üslubu neçə dəfə təkrarlamalıdır ki, biz düzgün təhlil edə bilək hakimiyyətin addımlarını?...