Four Corners Dialogue

Zoom ဖွင့်ထားပါပြီ။

" စစ်တပ်နဲ့ သံဃာအဖွဲ့အစည်း ဆက်ဆံရေး အပြောင်းအလဲရှိလာမလား " လေးမျက်နှာစကားဝိုင်းဖိတ်ကြားလွှာ မြန်မာနိုင်ငံဟာ ဗုဒ္ဓဘာသာရဲ့ လွှမ်းမိုးမှုကြီးမားတာနဲ့အမျှ ခေတ်အဆက်ဆက်မှာ အုပ်ချုပ်သူအစိုးရတွေနဲ့ ဗုဒ္ဓဘာသာရဲ့ ဦးဆောင်ဦးရွက်အဖြစ် တာဝန်ယူထားရတဲ့ သံဃာထုအကြားမှာရှိတဲ့ ဆက်ဆံရေးဟာလည်း အရေးကြီးတဲ့ ကဏ္ဍတစ်ရပ်အနေနဲ့ တည်ရှိနေပါတယ်။ အစိုးရအဆက်ဆက်ဟာ သံဃာထုကနတဆင့် သူတို့ရဲ့ အုပ်ချုပ်မှုကို တရားဝင်အောင်၊ ပြည်သူတွေလက်ခံလာအောင်၊ ဆန့်ကျင်မှု အနည်းဆုံးဖြစ်အောင် ကြိုးပမ်းခဲ့တဲ့ သာဓကတွေ ရှိခဲ့ပါတယ်။ ယခု ၂၀၂၁ ခုနှစ် စစ်အာဏာသိမ်းမှု အပြီးမှာတော့ စစ်အာဏာသိမ်းအုပ်စုဟာ " အမျိုး၊ ဘာသာ၊ သာသနာ" ကို ထိန်းသိမ်းတယ်ဆိုတဲ့ ဝါဒဖြန့်မှုနဲ့အတူ သံဃာထုရဲ့ ထောက်ခံမှုကိုရဖို့ နည်းအမျိုးမျိုး ကြိုးစားခဲ့တာ တွေ့ရပါတယ်။ ဘွဲ့ထူးဂုဏ်ထူး၊ ငွေကြေးဥစ္စာစတဲ့ အနုနည်းတွေအပြင်၊ အာဏာသိမ်းမှုကို မထောက်ခံတဲ့ သံဃာတော်တွေကို ဖမ်းဆီးအကျဉ်းချတာ၊ သတ်ဖြတ်တာ စတဲ့ အကြမ်းနည်းတွေကိုပါ ကျင့်သုံးခဲ့ပါတယ်။ တစ်ဖက်ကကြည့်ရင်လည်း သံဃာထုအများစုဟာလည်း စစ်တပ်ရဲ့ " အမျိုး၊ ဘာသာ၊ သာသနာ" ဆောင်ပုဒ်ကို ယုံကြည်ထောက်ခံတာ၊ စစ်တပ်က ထောက်ပံ့ပေးကမ်းတဲ့ အခွင့်အရေးတွေ၊ ခံစားခွင့်တွေကို မက်မောတာ၊ ခြိမ်းခြောက်အကြပ်ကိုင်မှုတွေကို ထိတ်လန့်တာ စတဲ့ အကြောင်းတရားတွေကြောင့် စစ်တပ်ကို ထောက်ခံတာ၊ မထောက်ခံရင်တောင် လူသိရှင်ကြား ထုတ်မပြောရဲတာကို တွေ့ရမှာ ဖြစ်ပါတယ်။ ဒီလို အာဏာသိမ်းမှုကို ကန့်ကွက်သံသိပ်မရှိဘဲ ထောက်ခံသံတွေသာ ညံနေခဲ့တဲ့ သံဃာထုအတွင်းမှာ ပြီးခဲ့တဲ့ ဇွန်လ ၁၉ ရက်နေ့က ဖြစ်ပွားခဲ့တဲ့ စစ်တပ်ရဲ့ ပစ်ခတ်မှုကြောင့် ဝင်းနိမ္မိတာရုံဆရာတော် ဘဒ္ဒန္တမုနိန္ဒာဘိဝံသ ပျံလွန်တော်မူခဲ့ရခြင်းကြောင့် မကျေနပ်သံတွေ ပြန်လည်ထွက်ပေါ်လာပါတယ်။ ဒီတစ်ပတ် လေးမျက်နှာစကားဝိုင်းမှာတော့ - - စစ်တပ်နဲ့ သံဃာထုအကြား ဆက်ဆံရေးမှာ ဘာတွေကို ပြန်သုံးသပ်ဖို့ လိုမလဲ - ဒီဖြစ်စဉ်ကနေ ဘယ်လို အပြောင်းအလဲတွေ ဖြစ်လာနိုင်သလဲ - ရေရှည်မှာ အုပ်ချုပ်သူအစိုးရတွေနဲ့ သံဃာထုအကြား ဆက်ဆံရေးဟာ ဘယ်လို ဖြစ်သင့်သလဲ စတာတွေကို ဆွေးနွေးသွားမှာ ဖြစ်ပါတယ်။ စိတ်ပါဝင်စားသူ မည်သူမဆို ပါဝင်ဆွေးနွေးဖို့ ဖိတ်ခေါ် လိုက်ပါတယ်။ နေ့ရက် - ၂၆ - ၆ - ၂၀၂၄ ဗုဒ္ဓဟူးနေ့၊ ည ၇ နာရီ Zoom ID – 863 7888 2543 (Password မလိုပါ) Zoom link — https://us02web.zoom.us/j/86378882543

"စစ်ဘက် အရပ်ဘက် အာဏာဘယ်လိုချိန်ညှိမလဲ"လေးမျက်နှာစကားဝိုင်း ဆွေးနွေးပွဲအသံဖိုင် နားဆင်နိုင်ပါပြီ။

Zoom ဖွင့်ထားပါပြီ

"စစ်ဘက် အရပ်ဘက် အာဏာဘယ်လိုချိန်ညှိမလဲ" လေးမျက်နှာစကားဝိုင်းဖိတ်ကြားလွှာ နွေဦးတော်လှန်ရေး ၃ နှစ်ကျော်ကာလအရောက်မှာတော့ စစ်အာဏာရှင်စနစ်ကို တိုက်ဖျက်တဲ့နေရာမှာ စစ်ရေးအင်အားဟာ အရှိန်အဟုန်နဲ့ ပိုမိုအားကောင်းလာနေပါတယ်။ တိုင်းရင်းသားလက်နက်ကိုင်တပ်ဖွဲ့များ၊ နွေဦးတော်လှန်ရေးအတွင်း ပေါက်ဖွားပေါ်ထွန်းလာသော လက်နက်ကိုင်တပ်ဖွဲ့များက မိမိတို့ခြေကုပ်ရယူထားတဲ့နေရာတွေမှာ ပိုမိုအုပ်ချုပ်ခွင့်ရလာခဲ့ကြပါတယ်။ ဒီလိုအုပ်ချုပ်ခွင့်ရလာတာနဲ့တစ်ဆက်တည်းမှာပဲ လက်နက်မဲ့အရပ်သားပြည်သူတွေနဲ့ တော်လှန်ရေးအဖွဲ့တွေကြားမှာ သဘောထားအမြင်မတူတဲ့ ကိစ္စတွေလည်းဖြစ်ပေါ်လာပါတယ်။ အရပ်သားပြည်သူတွေအနေနဲ့ လက်နက်ကိုင်တပ်ဖွဲ့တွေအပေါ် ထောက်ပြမှုပြုလုပ်နိုင်ဖို့အတွက်လည်း အခက်အခဲတွေ ကြုံတွေ့နေရပါတယ်။ တစ်ဖက်မှာလည်း လက်နက်မဲ့အရပ်သားပြည်သူတွေဟာ စစ်တပ်ရဲ့ မတရားနှိပ်စက် သတ်ဖြတ်မှု၊ စစ်ရေးအရ အသုံးချမှုတွေကိုလည်း ခံစားနေရပါတယ်။ ဒီတစ်ပတ်လေးမျက်နှာစကားဝိုင်းမှာတော့ တော်လှန်ရေးကာလအတွင်း စစ်ဘက် အရပ်ဘက် အာဏာဘယ်လိုချိန်ညှိမလဲဆိုတဲ့ အကြောင်းအရာနဲ့ပတ်သက်ပြီး ဆွေးနွေးဖို့စီစဉ်ထားပါတယ်။ - တော်လှန်ရေးကာလအတွင်း လက်နက်ကိုင်တပ်ဖွဲ့တွေကို ထိန်းကျောင်းသင့်လား - အရပ်သားတွေနဲ့ လက်နက်ကိုင်တပ်ဖွဲ့တွေအကြား လွတ်လပ်စွာပြောဆိုခွင့်ရှိရဲ့လား - တော်လှန်ရေးကာလအတွင်း လက်နက်ကိုင်တပ်ဖွဲ့တွေကို အရပ်သားပြည်သူတွေရဲ့ ထိန်းကျောင်းမှုဟာ တော်လှန်ရေးကို ဘယ်လို အကျိုးသက်ရောက်နိုင်မလဲ စတာတွေကိုဆွေးနွေးသွားမှာဖြစ်ပါတယ်။ စိတ်ပါဝင်စားသူမည်သူမဆို ပါဝင်ဆွေးနွေးဖို့ ဖိတ်ခေါ်လိုက်ပါတယ်။ နေ့ရက် - ၁၂ - ၆ - ၂၀၂၄ ဗုဒ္ဓဟူးနေ့၊ ည ၇ နာရီ Zoom ID – 894 2516 0076 (Password မလိုပါ) Zoom link — https://us02web.zoom.us/j/89425160076

"ကြားကာလပညာရေး ဘယ်လိုရှေ့ဆက်ကြမလဲ "လေးမျက်နှာစကားဝိုင်း ဆွေးနွေးပွဲအသံဖိုင် နားဆင်နိုင်ပါပြီ။

Zoom ဖွင့်ထားပါပြီ။

ပညာရေးနဲ့ပတ်သက်ပြီးကြိုတင်ဖတ်ရှုနိုင်အောင်မျှဝေပေးလိုက်ပါတယ်။ ၁။ BECA စာမေးပွဲ ပြဿနာနှင့် နစ်နာသူများကိစ္စ ဖြိုးဝေအောင်၊ မေ ၂၀၂၄ https://www.facebook.com/share/p/2YZq1hsd9FcqToKh/?mibextid=oFDknk ၂။ ပညာသင်ကြားခွင့်ဆုံးရှုံးနေတဲ့ လူငယ်တွေအတွက် ဖြေသူမရှိသေးတဲ့မေးခွန်းများ ခင်ငြိမ်းသစ် May 2024 https://www.facebook.com/bvjmedia/posts/pfbid02wGuYJgysWgAdedJfsS87WHo3Jv9TTxLEnLp1uPihWQD6V1zsfoYxVFtFE1pbDdLEl ၃။ တော်လှန်ရေးရဲ့အဓိကတာဝန်ဟာ ပညာတတ်ဖို့ မိုးစက် October 2023 https://www.facebook.com/DaweiWatch/posts/pfbid02iXZDtod9eYX9xRxSjRaZCW6nGefUEqkCQE88h8opRgq2PsMfR1tjkBYevHq63bDsl ၄။ အမှောင်ခေတ်တွင်း ပညာရေးရဲ့အခန်းကဏ္ဍ ရီဗော်လူးရှင်းအမှတ်သုည May 2024 https://www.facebook.com/RevAtPointZero/posts/pfbid02arrR7YLsL63J32VGrmLNAQL1FWjhPnkFvtWcsdTiQ616MoQ3qgpN849x8aJNsE41l

"ကြားကာလပညာရေး ဘယ်လိုရှေ့ဆက်ကြမလဲ" လေးမျက်နှာစကားဝိုင်း ဖိတ်ကြားလွှာ စစ်အာဏာသိမ်းမှုနောက်ပိုင်း ထိခိုက်ဆုံးရှုံးမှုများထဲတွင် ပညာရေးဆုံးရှုံးမှုလည်း ပါဝင်ပါတယ်။ အာဏာသိမ်းကာစတွင် ကျောင်းမတက်သပိတ်အားကောင်းခဲ့ပြီး ကြားကာလပညာရေး အစီအစဉ်တွေလည်း အွန်လိုင်းမှတဆင့် အထိုက်အလျောက် အားကောင်းခဲ့ပါတယ်။ နောက်ပိုင်းမှာတော့ ကြားကာလပညာ‌ရေးကို ဖော်ဆောင်‌နေကြတဲ့ ဆရာတချို ဖမ်းဆီးခံရခြင်း၊ ကျောင်းတွေရေရှည် တည်မြဲဖို့အတွက် အခက်အခဲတွေ ကြုံတွေ့ရခြင်း၊အသိအမှတ်ပြုမှုတွေမရရှိသေးခြင်း စတာတွေဖြစ်ပေါ်လာပြီး ကြားကာလပညာရေးဟာ တဖြေးဖြေးနဲ့ အားလျော့လာပါတယ်။ ခုလတ်တလောမှာလည်း NUG ပညာရေးဝန်ကြီးဌာနက ဦးဆောင်ကျင်းပတဲ့ BECA စာမေးပွဲအောင်စာရင်းထုတ်ပြန်မှုနဲ့ပတ်သက်ပြီး အမြင်အမျိုးမျိုး ထွက်ပေါ်နေပါတယ်။ ဒီတပတ်လေးမျက်နှာစကားဝိုင်းမှာတော့ ကြားကာလပညာရေးနဲ့ပတ်သက်ပြီး - ကြားကာလပညာရေး ဘယ်လောက်ခရီးရောက်ပြီလဲ - လူငယ်တွေရဲ့ ပညာရေးဆုံးရှုံးမှုတွေကို ဘယ်လိုကုစားအဖြေရှာမလဲ - ပညာရေးနဲ့ပက်သက်ပြီး ရှေ့ဆက်ဘယ်လိုမျိုး ဆင်ခြင်ဆောင်ရွက်သင့်သလဲ စတာတွေကိုဆွေးနွေးသွားမှာဖြစ်ပါတယ်။ စိတ်ပါဝင်စားသူမည်သူမဆို ပါဝင်ဆွေးနွေးဖို့ ဖိတ်ခေါ်လိုက်ပါတယ်။ နေ့ရက် - ၂၉ - ၅ - ၂၀၂၄ ဗုဒ္ဓဟူးနေ့၊ ည ၇ နာရီ Zoom ID – 821 2206 1602 (Password မလိုပါ) Zoom link — https://us02web.zoom.us/j/82122061602

"NUCC  - ပြင်ဆင်မှာလား။ အသစ်ဖွဲ့စည်းမှာလား။ "လေးမျက်နှာစကားဝိုင်း ဆွေးနွေးပွဲအသံဖိုင် နားဆင်နိုင်ပါပြီ။