SNA RADIO

Ciidanka Xoogga Dalka Soomaaliyeed iyo geesiyaasha deegaanka ayaa guul weyn ka gaaray dagaalkii ka dhacay deegaanka Ceel Cali Axmed ee gobolka Shabeellaha Dhexe, halkaas oo ay ku jebiyeen kooxdii Khawaarijta ee weerarka kusoo qaaday. Ciidanka Xoogga iyo kuwa deegaanka ayaa si geesinimo leh uga hortagay cadowga, iyagoo gubay dhammaan gaadiidkii dagaalka ee ay wateen Khawaarijta, halka qaar kalena ay gacanta ku dhigeen. Sidoo kale, dagaalkii culus ee halkaas ka dhacay waxay ciidamada ku laayeen horjoogayaashii iyo maleeshiyaadkii Khawaarijta, halka firxadkii ka badbaaday ay ku raad joogaan si looga takhaluso. Dagaal-geliyihii guud ee Maleeshiyaadka Khawaarijta, dhagarqabe Xasan Cabdiwaaxid Cabdi Dhicisoow (Xasan Gureey), iyo horjoogayaashii dagaalka u qaabilsanaa oo kala ah Daahir Buuxsade, Khaalid Jiis, Anas iyo Casaam, ayaa lagu dilay dagaalka, waxaana meydadkooda si rasmi ah loogu soo bandhigay warbaahinta. Ciidanka Xoogga Dalka iyo kuwa deegaanka ayaa weli wada howlgallo ballaaran oo lagu xaqiijinayo amniga guud ee gobolka Hirshabeelle, si loo ciribtiro kooxaha argagixisada ah ee cararaya. Guushan muhiimka ah waxay mar kale muujisay adkeysiga iyo geesinimada Ciidanka Xoogga Dalka iyo shacabka Soomaaliyeed ee dagaalka kula jira cadowga nabadda iyo horumarka ka soo horjeeda.

Xog:Horjoogayaal muhiim u ahaa khawaarijto oo lagu xasuusay degaanka ceel Cali axmed

Xog:Horjoogayaal muhiim u ahaa khawaarijto oo lagu xasuusay degaanka ceel Cali axmed

Waa qaar kamid ah meeydadka Khawaarijta ee soo weerartay Ceel Cali Axmed

Ciidanka Xooga dalka iyo kuwa deegaanka ayaa xalay Saqdi dhexe waxay weerar ku qaadeen xubno Horjoogayaal oo Khawaarijta oo ku sugnaa deegaanka Dabagalo oo hoostaga Degmada Xarardheere ee Gobolka Mudug Corneyl Gaanburi oo ah Taliyaha Ciidamada howlgalka fuliyay ayaa nooga waramay

Ciidanka Xooga dalka iyo kuwa deegaanka ayaa xalay Saqdi dhexe waxay weerar ku qaadeen xubno Horjoogayaal oo Khawaarijta ka tirsan kuwaas oo ku sugnaa deegaanka Dabagalo oo hoostaga Degmada Xarardheere ee Gobolka Mudug Saraakiisha Howgalkan fulisay ayaa sheegay in Qaaarijiyeen qawaarij ku sugneyd bar-control oo deegaanka laga soo galo isla markaana ay guul weyn ka gaareen Howlgalkaasi

Qeybta labaad: Sawirada iyo Muuqaalada Maydadka Argagixisada Daacish ee Ajaanibta ah ee Ciidanku Maanta ku laayey hawlgalkii deegaannada Qurac iyo Damdamle ee buuralayda Calmiskaad . https://t.me/dabaraani

Daawo Hordhaca Sawirada iyo Muuqaalada Maydadka Argagixisada Daacish ee Ajaanibta ah ee Ciidanku saaka ku laayey hawlgalkii deegaannada Qurac iyo Damdamle ee buuralayda Calmiskaad .

Ciidamadda degaanka iyo Ciidanka Xoogga Dalka oo degaanka Cali Axmed Khawaarijta kaga dilay 50 dhagarqabe. Xuseen Cali Iidoow oo kamid ah saraakiisha Ciidamadda degaanka ayaa nooga waramay

Ciidanka Xoogga Dalka Oo Guul Weyn Ka Gaaray Khawaarijta Muqdisho, 20 Febraayo 2025 – Ciidanka Xoogga Dalka Soomaaliyeed iyo geesiyaasha dadka deegaanka ayaa guul taariikhi ah ka soo hooyay dagaal nafla caarinimo ah oo Khawaarijta Al-Shabaab ay kusoo qaadeen deegaanada Ceel Cali Axmed, Cali Fooldheere, Alkowsar iyo Daarunimca ee gobolka Shabeellaha Dhexe. Dagaalka ayaa lagu jabiyay cadawga, waxaana lagu dilay in ka badan 100 maleeshiyo oo ka tirsan Khawaarijta. Sidoo kale, ciidanku waxay gacanta ku dhigeen.maxaabiis iyo hub oo ay cadowgu ku doonayeen inay dhibaato u geystaan dadkeenna sharafta leh. Hadda waxa ay ciidanka iyo shacabka geesiyaasha ahi si hagar la’aan ah u baacsanayaan firxadka cadowga, iyaga oo ka sifeynaya dhulka howdka ah. Guushaan waxay muujineysaa sida Ciidanka Xoogga Dalka iyo shacabka Soomaaliyeed ay uga go’an tahay ciribtirka Khawaarijta, si dalka looga dhigo mid nabad ah oo horumar gaara. Xog dheeraad ah oo ku saabsan guushan taariikhiga ah dib ayaa laga soo gudbin doonaa.

Ciidanka Xoogga Dalka Soomaaliyeed oo kaashanaya kuwa Jubbaland ayaa hawlgal qorshaysan ka fuliyay deegaanka Lafo-gari, oo hoos yimaada degmada Dhoobley, halkaas oo ay ku sugnaayeen xubno ka tirsan kooxaha argagixisada. Intii uu socday hawlgalka, ciidamadu waxay ku guuleysteen inay bartilmaameedsadaan xubno sare oo ka tirsan kooxaha Khawaarijta ah. Waxaana lagu qaarajiyey afar xubnood oo ka mid ahaa maleeshiyaadka khawaarijta, halka gacanta lagu dhigay dhagar-qabe Macallin Maxamed, oo ahaa horjooge maxkamad beenaad ay khawaarijtu ku lahaayeen deegaanka.

Nin u dhashay dalka Moroco kaasi oo kamid ah firxadka argagixisada Daacish ayay shacabka magaalada Boosaaso qabteen waxaana hada gacanta ku haya laamaha amniga oo su’aalo weydiinaya , Ninkan Ajnabiga ah ayaa qirtay inuu kamid ahaa maleeshiyaadka Daacish.