dedekatib_katiboglu
بؤیوک عاریف و شاعیر رحمتلیک دده کاتیب و اونون خلف اوغلو ( کاتیب اوغلو ) ، شعیرصنعتی ، آشیق ادبیاتی و آذربایجان کولتورو کانالینا قوشولون @dedekatib_katiboglu @dedekatib_katiboglu ایلگی یولو👇👇 admin : @masuma00
نمایش بیشتر319
مشترکین
-124 ساعت
-37 روز
+930 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
جفا چکیب...
🌺🌺
جفا چکیب اوزاق یوللار گلمیشم
اینجیدیبدیر آیاغیمی یول منیم
هر دم – هر دم سن یادیما دوشنده
گئدر گؤزلریمدن قانلی سئل منیم
🌺🌺
داغ باشینی دومان آلدی قار توتدو
بولبول اؤلدو ، اونون یئرین سار توتدو
یازدی حارامزادا ، یارین یار توتدو
باشا چالیر ، قوهوم قارداش ائل منیم
🌺🌺
یوز جور ایله بیر باغ سالدیم اؤزومه
قوهوم قارداش تیکان اولدو گؤزومه
هر نه ائدم بیر باخمازسان سؤزومه
ائوی یانمیش ، بیر اوزومه باخ منیم
🌺🌺
« خسته قاسیم » دالدالاردان باخان یار
قیزیل گول لر دال گردنه تاخان یار
منی گؤروب قاش قاباغین ییخان یار
اوزو دؤنموش ، بیر یانیما گل منیم
🌺🌺
#خسته_قاسیم
@dedekatib_katiboglu
......گورموشم...
🍃🌼🍃
🍃
بو دونیادا هر طور انسان گؤرموشم.
کیمی یاخجی کیمی یامانا بنزر .
کیمی گؤردوم اسیر اولموش شیطانا.
کیمی گؤردوم اهل-ى رضوانا بنزر .
بیرین گؤردوم یاخچیلیقدان آنلاماز.
جاهیل گؤردوم گیزلین سؤزون ساخلاماز.
یوخسول گؤردوم وارلیلاری یاغلاماز.
قناعت مولکونده سولطانا بنزر.
عالیم گؤردوم ألده قورآن گؤزی آج.
گؤردوم دوعا یازان دوعایا مؤحتاج.
ایگیت گؤردوم قاشین آلیب اوزون ساچ.
بازاردا دولانان نسوانا بنزر .
کاتيب اوغلو قورخما دانیش سؤزون دئ
عقله گلن سؤزو آییر دوزون دئ
دوغرو سؤزون دوخسان دئییل یوزون دئ
حق دانیشان شیر_ی یزدانه بنزر .
🍃
🍃🌼🍃
#کاتب_اوغلو
#کؤنولدن_دیله
@dedekatib_katiboglu
گونش
تانرینین هر گون کی معجزه سیدیر
یانی یئنه اومود وار ...
آرزو ائده بیله رسن ...
گؤزل آرزیلار اومودویلا
سلام صاباحیز خئیر
یاز گونلریز خوش
روزونوز بول وبرکتلی اولسون
@dedekatib_katiboglu
.....قالسین....
🍁
کؤنول گؤزو یاشلی مظلومون آهی .
محشر گونو اوجا دیوانا قالسین .
گولدن آیری قالان قفس ایچینده.
بولبولون ناله سی گولشانا قالسین.
🍁
حرام مالدان باشا گئدن سارایلار.
ظالیملر اوتوران ائولر یووالار.
ظولمه دایاق دوران داشدان قالالار.
ییخیلسین دوواری ویرانا قالسین.
🍁
یوخسولون فریادی یئتیم دوعاسی.
درمانسیز خسته نین گلن شفاسی.
اولادین آجیسی قارداش یاراسی.
ایوب صبری وئرن رحمانا قالسین.
🍁
کاتيب اوغلو داد بو کوتو زاماندان.
ایمانسیزدان بهتان دئين زباندان.
گوناهکار قوجادان هرزه جاواندان.
شیکایتیم آخیر زامانا قالسین.
🍁
#کاتب_اوغلو
#کؤنولدن_دیله
@dedekatib_katiboglu
قضا قلمی
🍃🌺🍃
🍃
یارادانین حیکمتینه چوخ شوکور
آیریلماز باشیمدان غوغالار منیم
قضا قلمینی چالاندا ازل
یازیلدی قسمتیم بلالار منیم
ائله آغلامیشام دیده قانام من
حقیم ناحق اولوب دل بوریانام من
یوواسیز قوشلار تک سر گردانام من
مجنون تک آدرسیم صحرالار منیم
قولدان توتدوم آیاغیمدان چکدیلر
تشکرون دفترینی بوکدولر
حق سؤز دانیشانین بئزین سؤکدولر
بوغازدا بوغولدو صدالار منیم
دده کاتیب بیر اؤزومم بیر آللاه
او نه وئرسه شوکور،الحمدلله
قسمت اولا لا اله الا الله
سون نفس دیلیمده دعالار منیم
🍃
🍃🌺🍃
#دده_کاتب
@dedekatib_katiboglu
تانریم
یاشامیمیزا برکت
جانیمیزا ساغلیق
دوشونجه لریمیزه آزادلیق وئر. . .
سلام سحرییز خئیر🌺
@dedekatib_katiboglu
Repost from سانجاق SANCAQ
⭕️هفتهلیک فالینیز
✍حاضیرلایان: #اوْلجای_مرآتی
🔸قۇیرۇق دوْغان (آسلان، مرداد): بو هفته بیر جمعین ایچینده اوْلاجاقسێز، سیزدن آز دانێشیب، داها چوْخ دینلهمک ایستییرم. سسسیز- سمیرسیز قالا بیلسز، باشقالارێنین سیزین سؤزۆزو دانێشدیغیندان چاش- باش قالاجاقسێز! اوْندا اۆرهڲیزده سئوینه بیلرسیز. بو گۆنلر عقل و دویغو آراسێندا اولان مجادلهدن سارسێلیبسیز. اۆمودوم وار اؤزۆزو چوْخ یوْرمادان گلهجڲه دوْغرو گئدهسیز. بیر نفردن ائشیدهجڲیز یوْخ جوابێندان چوْخ اۆزولمهیین، بو ایشین سوْنو سیزین نفعیزه اوْلاجاق.
🔸زۇمار (باشاق، شهریور): بو هفته ایچیزدن گلن سسی دینلهیین، اؤزۆز هر کسدن یاخجێ نیازلارێزی بیلیرسیز. بعضی ایشلر و آنلاشمازلێقلارا گؤره اۆزوزو چوْخ اۆزمهیین. زمان گئچدیکجه سوْرونلارێن هامێسی بیتر و ایشلر یوْلونا دۆشر. تانرینین هر زمان سیزنیله اوْلدوغونا اینانێن و اۆمودوزو الدن وئرمهیین. بو هفته بیر هدیه الیزه چاتدێقیندا بو هدیهنی آللاهدان گلمیش بیر پاێ ساناراق سئوینه بیلرسیز. تانرێ اؤزۆ گلیب آدامێن گؤیلۆنو گؤرمز کی، واسطه و وسیلهلری گؤندرمکله بو ایشی گؤرر.
🔸خزل (ترازی، مهر): بیر قوْنو حاقدا ماراقلانێب، نظریزی دیله گتیرمک ایستییرسیز، آنجاق حاشیه مسائل سیزی بو ایشدن ساقێندیریر. منجه دۆز ایش گؤرمورسوز. بوگۆنون ایشینی یارێنا سالمازلار. بلکه داها فرصت اوْلمایێب، چوْخ گئج اوْلدو. ایش یئرینده آز دا اوْلسا اوغورلارێز وار، سیز بو قازانجێ گؤرمزدن گلمهیین، اساسلی ایشلرین بینؤورهسی کیچیک و نظره گلمهین ایشلرله باشلانار. یوْلداشلیق اوْرتاملارێندان اوزاق گزمهیین. بئله توْپلوملاردا هم دانێشیب بوْشالارسێز، هم ده ایچیزده بیر دینجلیڲه چاتا بیلرسیز.
🔸قیروْو (عقرب، آبان): بوْینوزدا بیر ایش یا بیر بوْرج وار. تئزراق بو بوْرجو اؤدهمک یا گؤرهویزی یئرینه گتیرمکله یۆنگوللهشرسیز. ظاهری گؤرۆنوشون گؤزل اوْلماسێ چوْخ یاخجێدیر، آنجاق چوْخ بو قوْنودا حساسیت گؤرستمهیین. بیر نفرله تانێشلیق، ایستهدیڲیز کیمی ایرهلی گئتمیر و سیزه یئرسیز استرس وئریر. بو قایغێ هفته سوْنونا کیمی بیتهجک و یئرینی سئوینج توتاجاق. بو سئوینجین چوْخلوغونا اؤزۆز ده اینانا بیلمیرسیز. صدقه وئرمهڲی اونوتمایێن.
#آردی_وار...
@SancaqDergisi
https://t.me/Sancaq_media/6513
Sancaq Media
Repost from سانجاق SANCAQ
⭕️هفتهلیک فالینیز
✍حاضیرلایان: #اوْلجای_مرآتی
🔸آغلار- گۆلر (قوْچ، فروردین): دئمهیین چارهم یوْخدور یا باشقا بیر یوْل قالمایێب! سێنیب، یئنیلمک اؤنجه بیزیم دهنیمیزده باش وئریر. یالنێز ایشین سوْناوجو اؤنملیدیر. بو اۆزدن اؤزۆزه و لازم اوْلان هر نهیین اوْلدوغونا اینانێن، یوْلوزو دڲیشدیرین، باشقا بیر یوْل سئچین و اراده ایله ایرهلی گئدین. بیر سؤزۆ ده بیلمهڲیز یاخجێدیر، هر کسین بیر چێخاری وار و چالێشدیغی قدر اوْلانلاردان فایدالانا بیلر. نه بیریندن گیلئلهنین نه ده یئرسیز ایستکلریز اوْلسون، بیری بیر ایش گؤردۆکده ، محبتینی گؤرسهدیر، یوْخسا بیری بیزه بوْرجلو دڲیلدیر.
🔸گۆلنآی (بۇغا، اردیبهشت): موبارک و سئوینج دوْلو دڲیشم و یئنیلیک اؤنۆزده وار و اوْنون آردێنجا هر زمان پئشینده اوْلدوغوز دینجلیڲه چاتێب، حیاتێزین اصلی یوْلونو سئچهجکسیز. گاهدان یاشامێن سێخینتیلاری آدامێ سارسێلدیر، آنجاق اؤزۆز ده بیلیرسیز بو دوروم اؤتریدیر و یامان گۆنون عؤمرۆ آز اوْلار. طالعیزده سیزه سئوینج دوْلو گۆنلر گؤرۆرم. باشلادێغیز ایش یاواش و آداق- آداق اوْلسا دا، سیزی آماجێزا دوْغرو آپاراجاقدێر. هر حالدا بو یوْلدا بیرآز داها جدّی اوْلماغێز توصیه اوْلونور.
🔸قیزاران آی (ائکیزلر، خرداد): خوْشلوق و اڲلنجهنین لازم اوْلدوغونو هامێ بیلیر، آنجاق بو یوْلدا دا تعادل اوْلمالێدیر. بیر چوْخ لازم اوْلمایان سوْزلر دانێشیب، لازم اوْلمایان ایشلر گؤرۆرسوز! بونو اصلا سیزدن گؤزلهمزدیم، سیز هر زمان عقل و منطقیزله اؤزۆزو اثبات ائدیبسیز، ایندی بیلمیرم ندن دویغولارا تسلیم اوْلورسوز؟ اصیل آماجلارێزی اونوتمایێن و ندن یوْلا چێخدیغیزی هر زمان نظرده ساخلایێن. هر کس سیزنله ائله داوراناجاق کی، سیز اؤزۆزله داورانێرسیز، سیز اؤزۆزه سایقیسیزلیک ائتدیڲیز حالدا، نئجه اوْنون سیزه قارشێ سایقێلی اوْلماغێنی بلکلهییرسیز؟!
🔸قوْرا پیشیرن (یئنگج، تیر): بیر خبر و قارشێ طرفدن بیر حرکت بکلهییرسیز؛ منجه بو گؤزلهمکدنسه اؤزۆز اقدام ائلییهسیز، بئلهلیکله داها یاخجێ بیر سوْناوجا وارا بیلرسیز. لوطفاً بو یوْلدا دویغولارێزی آبارتمایێن و عقل ایله منطقی داها چوْخ نظرده توتون. هر نه قدر دقتلی اوْلساز، بیر او قدر چئشیدلی هدفلرین آردێنی توتا بیلرسیز. ایلک اؤنجهدن نه دئییب، نه ایستهدیڲیزی بیلسز، بو بوداقدان او بوداقا آتێلماق یئرینه بیر دفعه ایستهدیڲیز دالا قونا بیلرسیز.
#آردی_وار...
@SancaqDergisi
https://t.me/Sancaq_media/6513
Sancaq Media
یک طرح متفاوت انتخاب کنید
طرح فعلی شما تنها برای 5 کانال تجزیه و تحلیل را مجاز می کند. برای بیشتر، لطفا یک طرح دیگر انتخاب کنید.