دده كاتب(dede katib)

⭕️اوْغلان، کوْرسیچان، تۆلکو و آت 🔷یازار: چارلی مکسی ✍️چئویرن: #محمود_بنی‌آدم_دالغا اۆچونجو بؤلۆم کور سیچان دئدی: - أن بؤیۆک یانێلساما (توهّم) بودور کی، فیکر ائدک گرک، یاشایێشدا هئچ اسکیک‌لیک اوْلماسێن. اوْغلان سوْروشدو: - نه‌جۆر ائله اویوملو، مکمّلدیلر؟ آت دئدی: - سویون آلتێندا بیر دۆنیا آیاق چالما وار، چوْخلو چالێشمالار واردێر. 🟢«آراشدێریجی اوْل» اوْغلان سوْروشدو: - بو آی‌دێر؟ کوْرسیچان دئدی: - بو چای فنجانێ‌نین لکه‌سی‌دیر. هاردا چای اوْلسا، اوردا کیک ده وار. «یاشایێش چتین‌دیر، آمّا یقین بیل کی، بیریسی وار سنی سئوسین.» اوْغلان سوْروشدو: - ائله بیله‌سن سیز منه گؤره هامێ اوْلان شئی‌لری بیلیرسینیز؟ آت دئدی: - هن. - گینه‌ ده منی سئویرسینیز؟ - هر زاماندان چوْخ. اوْغلان دئدی: - چوْخلو واختلار بئله دۆشونورم، سیزلر منه، منیم اؤزۆمدن آرتێـق اینام وارێـنیزدیر. آت دئدی: - آخێردا سن ده بیزه چاتارسان. اوْغلان آتـێن قولاغێنا پێچیلدادی: - تۆلکو گؤر نه قدر آز دانێشیر. آت دئدی: - هن. نه یاخشێ کی، اوْدا بیز ایله واردێر. تۆلکو دئدی: - دوْغروسونو دئییم، چوْخلو فیکر ائدیرم دانێشماق اۆچون بیر اؤنملی سؤزۆم یوْخدور. آت دئدی: - دوْغروسونو دئمک همیشه ماراقلێ‌دیر. آت دئدی: - بیر شئی واردێر کی، سیزه دئمه‌میشم. اوْغلان دئدی: - او ندیر؟ - «من باجارێرام اوچوم. آما چوْخداندێر اوچمامێشام. بودا اوْ سببدن اوْلوبدور کی، آلاهێ آت‌لار منه قێسقانیردیلار.» - «یاخشێ، بیز، سنی سئویریک، اوچا بیله‌سن، یوْخسا اوچا بیلمییه‌سن!» - «اوْلسون.» کوْرسیچان دئدی: - بارداغێن یارێسی دوْلودور، یوْخسا بوْش‌مو؟ اوْغلان دئدی: - بئله دۆشونور، منیم بیر بارداغێم وار سئوینجلی‌یم. #آردێ_گلن_سایێدا... @dedekatib