dedekatib_katiboglu

‍ ‍ خوشنام داریخما دلی کؤنۆل ییغ یوْللاردان گؤزۆنۆ اؤزۆن سؤندۆر آلاوینی، کؤزۆنۆ یالقیز آلیش، غریب دۆشۆن اؤزۆنۆ بودا گلر، بودا کئچر داریخما! چکیلیب دیر گلیب گئدن قاپیندان تاب آزالتما دؤزۆمۆندن تابیندان آل اؤزۆنۆ داریخماغین ساپیندان بودا گلر، بودا کئچر داریخما! هر ساعتدن قان چکیلیر قوْلوندان سورنگ اؤپۆر هئی ساغیندان، سوْلوندان گئری دؤنمه اؤز توتدوغون یوْلوندان بودا گلر، بودا کئچر داریخما! گؤز یاشلاری سیرالانیر گؤزۆنده ن اوْد اله نیر اۆره یینین کۆزۆندن نه چکیرسن اؤزۆندن دیر، اؤزۆندن بودا گلر، بودا کئچر داریخما! سنه لردیر سلامینی آلان یوخ بیرآن سنی بیر یادینا سالان یوْخ یارالیسان بیر قایدینا قالان یوخ بودا گلر، بودا کئچر داریخما! دور قاپینی پئنجره نی باغلایات دئییب،دانیش،اۆره یینی داغلا یات باخ گۆزگۆده گؤزلرینه، آغلا یات بودا گلر، بودا کئچر داریخما! باغلانیبدیر گئدیشینده، گلینده سنه گۆلۆر آغیللیندا، دلینده بئله سانکی باشین جللاد الینده بودا گلر، بودا کئچر، داریخما! بلکه سحر گۆنش دوغدو بئله سی بلکه کدر اؤزۆن بوْغدو بئله سی بلکه«خوْشنام» گۆلدۆ گؤزۆن گیله سی بودا گلر، بودا کئچر داریخما! @dedekatib_katiboglu