Teona Tskhomelidze

⭕ ევროპარლამენტმა 445 ხმით მიიღო რეზოლუცია, რომლითაც მოთხოვნილია „ოცნების“ ლიდერების სანქცირება და პოლიტპატიმრების გათავისუფლება და დაგმობილია პარტიების აკრძალვის სარჩელი. რეზოლუციით ევროპარლამენტარები: მკაცრად გმობენ ოპოზიციური პარტიების აკრძალვის მცდელობას და საკონსტიტუციო სარჩელის დაუყოვნებლივ გაწვევას ითხოვენ; აცხადებენ, რომ პოლიტიკური ოპოზიცია დემოკრატიის აუცილებელი ნაწილია და მისი სასამართლოს გზით აღმოფხვრა დემოკრატიასთან შეუთავსებელია; მოითხოვენ პოლიტიკური პატიმრების გათავისუფლებას, მათ შორის ელენე ხოშტარიას, მზია ამაღლობელის, მიხეილ სააკაშვილის, გიორგი ბარამიძისა და ნიკა მელიას; ითხოვენ მშვიდობიანი პროტესტის გამო დაკავებული პირების გათავისუფლებას და პოლიტიკურად მოტივირებული „საბოტაჟის“ საქმეების შეწყვეტას; მოითხოვენ იმ ნორმების გაუქმებას, რომლებიც აკრძალულ პარტიებთან დაკავშირებული პირებისა და პოლიტიკური ჯგუფების მიმართ არაპროპორციული შეზღუდვების დაწესების შესაძლებლობას იძლევა; გმობენ კანონმდებლობისა და სახელმწიფო ინსტიტუტების გამოყენებას პოლიტიკური ოპონენტების გასაჩუმებლად; ითხოვენ ევროპული პოლიტიკური ფონდების საქმიანობისთვის ხელის შეშლის შეწყვეტას.