Dedebit Media

ትግራይ፤ ህዝቢ ዘድሕን ተግባራዊ ምንቅስቓስ ከም ትደሊ ንፍሉይ ልኡኽ ሕብረት ኣፍሪካ ከምዝተገለፀሎም ኣምባሳደር ኣዲስ ኣለም ባሌማ ሓቢሮም። ፕረዚደንት መንግስቲ ትግራይ ዶ/ር ደብረፅዮን ገብረሚካኤልን ምስ ፍሉይ ልኡኽ ሕብረት ኣፍሪካ ኣብ ምብራቕ ኣፍሪካ ኦሊሰጎን ኣባሳንጆ ኣብ ዝገበርዎ ዘተ ዝተሳተፉ ኣምባሳደር ኣዲስ ኣለም ባሌማ እዚ ብተበግሶ ሕብረት ኣፍሪካ ዝካየድ ዘሎ ዘተ ገና ኣብ ምጅማር ከምዝርከብ ብምግላፅ ትግራይ፣ ህዝቢ ዘድሕን ተግባራዊ ምንቅስቓስ ከም ትደሊ ተገሊፅሎም እዩ ክብሉ ሓቢሮም ። ብወገን ትግራይ ኩሎም ሕቶታትናን ኣፈላላያትን ብዘተን ድርድርን ክፍትሑ ዘለና ድሌት ክንገልፅ ከምዝፀናሕና መንግስቲ ኢትዮጵያ ግን ንስምምዕ ፕሪቶርያ ብምፍራስ ትግራይ ብምኽባብ ተደጋጋሚ መጥቃዕታት ይፍፅም ከምዘሎ ተገሊፅሎም እዩ ኢሎም። ዛጊድ ናብ መረበቱ ክምለስ ዝግበኦ ዝተመዛበለን ዝተሰደደን ህዝብና ብጥሜትን ሕማምን ይበርስ፣ ኣብ ትሕቲ ወረርቲ ዝርከብ ህዝብና እውን ብመንነቱ ይቕተልን ይሳቐን ከም ዘሎ ብሓፈሻ ኣብ ልዕሊ ትግራይ ዕፅዋን ክባን ተኣዊጁ ፅንተት ህዝቢ ትግራይ ይቕፅል ከምዘሎ ከምዝተገለፀሎም ሓቢሮም። ፍሉይ ልኡኽ ሕብረት ኣፍሪካ ኦሊሰጎን ኣባሳንጆ ብወገኖም ምስ ፕረዚደንት ዶ/ር ደብረፅዮን ዝገበርዎ ዘተ ፅቡቕ ከምዝነበረ ብምግላፅ ዕላማ እቲ ዝርርብ እቲ ዘሎ ወጥሪ ምህዳእን ቀፃሊ ሰላም ዝፍጠረሉ ኩነታት ምፍጣርን ምዃኑ ገሊፆም ከም ፀብፃብ ቤት ፅሕፈት ፕሬዝዳንት ትግራይ።

ፕረዚደንት ብ/ክ/መንግስቲ ትግራይ ዶ/ር ደብረፅዮን ገብረሚካኤል ንፍሉይ ልኡኽ ሕብረት ኣፍሪካ ኣብ ምብራቕ ኣፍሪካ ኦሊሰጎን ኣባሳንጆ ተቐቢሎም ኣዘራሪቦም።

ኣብ ሳዑዲ ዓረብያ ንማእሰርቲ ዝተፈርዶም 1655 ኢትዮጵያውያን ምሕረት ተዋሂብዎም!! ***** ኣብ ሳዑዲ ዓረብያ ንማእሰርቲ ዝተፈረዱ 1655 ኢትዮጵያውያን ዜጋታት፣ ናይ ፍርዲ ከይዶም ተቋሪፁ ምሕረት ከም ዝተገበረሎም ሚኒስቴር ጉዳያት ወፃኢ ኢትዮጵያ ኣፍሊጡ። እቲ ምሕረት ዝተገብረ፣ ሚኒስቴር ጉዳያት ወፃኢ ኢትዮጵያ ምስ ኤምባሲ ኢትዮጵያ ኣብ ርያድን ቆንስላ ጽሕፈት ቤት ኣብ ጂዳን ብምትሕብባር ብዘካየዶ ዲፕሎማስያዊ ጻዕሪ ምዃኑ ገሊጹ። ብተወሳኺ፣ መንግስቲ ሕገ-ወጥ ኣዘዋወርቲ ሰባት ምስ ጉዕዞ ናብ ወፃኢ ሃገር ብዝተኣሳሰር መልክዕ፣ ብማሕበራዊ ሚድያን ብኻልኦት መገድታትን ዝዘርግሕዎ ሓሶታዊ መታለሊ ሓበሬታታት ንኸይጋገዩ ሕብረተሰብ ርእሱ ክጥንቀቕ ኣጠንቂቑ። ከምኡ ድማ፣ ነቶም ሕገ-ወጥ ኣዘዋወርቲ ሰባት ብሕጊ ተሓተትቲ ንምግባር ዝተጀመሩ ጻዕርታት ኣብ ዝያዳ ብርታዐ ከም ዝቕጽሉ ሚኒስቴር ጉዳያት ወፃኢ ኣፍሊጡ።

## ግብፂ፡ “ድሕነትን ርግኣትን ቀርኒ ኣፍሪቃ ቀጥታዊ ክፋል ሃገራዊ ድሕነትና እዩ” ግብፂ፡ ኣብ ቀርኒ ኣፍሪቃ ዘሎ ድሕነትን ርግኣትን “ቀጥታዊ ክፋል ሃገራዊ ድሕነታ” ምዃኑ ገሊጻ። ድሕሪ ኣብ መንጎ ግብፅን ኤርትራን ንሰለስተ መዓልታት ዝቐጸለ ዝርርብ፣ ካይሮን ኣስመራን ኣብ ክልላዊ ጉዳያት፣ ድሕነት ባሕሪን ምሕደራ ቀይሕ ባሕሪን ዘለዎም ስትራተጂያዊ ምትሕብባር ክድልድሉ ከም ዝቕጽሉ ኣፍሊጦም። ሚኒስተር ጉዳያት ወፃኢ ግብፂ ባድር ኣብደል ኣቲን ኣቻኦም ናይ ኤርትራ ኡስማን ሳሊሕን ኣብ ካይሮ ዕለት 3 ሰነ 2018 ዓ.ም. ድሕሪ ዘካየድዎ ዘተ፣ መግለጺ ሚኒስቴር ጉዳያት ወፃኢ ግብፂ ከም ዝሕብሮ፣ ክልቲኦም ሚኒስትራት ብዛዕባ እዋናዊ ኩነታት ኣብ ቀርኒ ኣፍሪቃ፣ ሱዳንን ሶማልያን ሓዊሱ ተዛቲዮም። ግብፂ፡ ንሰራዊት ሱዳን ብጀነራል ኣል-ቡርሃን ዝምራሕን ንፌደራላዊ መንግስቲ ሶማልያን ትህቦ ዘላ ወተሃደራዊ ደገፍ ኣብ ዝቐጸለሉ እዋን፣ ኣብዘን ሃገራት ዘለዋ ተሳትፎኣ ኣብ ድሕነትን ወተሃደራዊ ጉዳያትን እናሰፍሐ ከም ዝኸይድ ብተደጋጋሚ ተዘጊቡ ኣሎ። ኣብቲ ዘተ፣ ኣብደል ኣቲ “ግብፂ ኣብ ቀርኒ ኣፍሪቃ ድሕነትን ርግኣትን ንምሕላው ዘለዋ ጽኑዕ ኣቋም፣ ቀጥታዊ ክፋል ሃገራዊ ድሕነታ እዩ” ኢሎም ገሊጾም። ብተወሳኺ፣ “ሃገራዊ ትካላት ኣብ ሃገራት ቀርኒ ኣፍሪቃ ክድገፉ ኣለዎም፣ ሉኣላውነትን ሓድነት መሬትን ድማ ክሕለዉ ኣለዎም” ክብሉ ኣጽኒዖም ገሊጾም። ሚኒስተር ግብፂ ኣክለው ከም ዝበሉ፣ ሉኣላውነት ሃገራት ቀርኒ ኣፍሪቃ ዝግሕስ ወይ ከኣ ነቲ ዞባ ዘይረጋጋእ ዝገብር ናይ ሓደ ወገን እርምጃታት ብምሉእ ክንእሱ ከም ዘለዎም ገሊጾም። እቲ ትማሊ ኣብ መንጎ ክልቲኦም ሚኒስትራት ዝተኻየደ ዘተ፣ ፕረዚዳንት ኤርትራ ኢሳያስ ኣፈወርቂ ንሰለስተ መዓልታት ይፋዊ ስራሕ ምብጻሕ ናብ ግብፂ ድሕሪ ምግባሮም ዝመጸ እዩ። ኢሳያስን ፕረዚዳንት ግብፂ ኣብደል ፈታሕ ኤል-ሲሲን ኣብ ካይሮ ሰፊሕ ዘተ ኣካይዶም፣ ድሕሪኡ ድማ ኣብ ወደባት፣ መጓዓዝያ ባሕሪ፣ ሃብቲ ባሕሪን ካልኦት ስትራተጂያዊ ዘርፍታትን “ተግባራዊ ፕሮግራማት” ንምጅማር ተሰማሚዖም። እቲ ዘተ ናይ ፕረዚዳንታት፣ ኤርትራ ከም “ኢኮኖምያዊ፣ ፖለቲካዊ፣ ዲፕሎማስያዊን ድሕነታዊን መጠናት” ገሊጻቶም ዘላ ጉዳያት ቀይሕ ባሕሪ፣ ቀርኒ ኣፍሪቃን ማእከላይ ምብራቕን ኣልዒሉ ተዛቲዩ። ክልቲአን ሃገራት ኣብ ክልላዊ ድሕነትን ጉዳያት ባሕርን ዝህብኦ ትኹረት እናዓበየ ይኸይድ ከም ዘሎ እውን ኣርእዩ። እዚ ቀፃሊ ስብሰባ ሚኒስትራት ኣብቶም ስምምዓት ዝተመስረተ ምዃኑ ተገሊፁ። መሰረት መግለጺ ሚኒስቴር ጉዳያት ወፃኢ ግብፂ፣ ክልቲኦም ወገናት ኣብ ምድልዳል ኢኮኖምያዊ ምትሕብባርን ኣብ መጓዓዝያ ባሕሪ፣ ምትእስሳር ወደባት፣ መሰረተ ልምዓት፣ ማዕድናት፣ ሃብቲ ዓሳን ካልኦት ዘርፍታትን ናይ ሓባር ተበግሶታት ንምቕፃል ተዛቲዮም። ብዛዕባ ድሕነት ቀይሕ ባሕሪ፣ ሚኒስትራቱ ኣብ ክልቲኡ መንግስታት ብልዑል ደረጃ ትኹረት ዝወሃቦ ኣቋም ደጊሞም ገሊጾም። “ድሕነትን ምሕደራን ቀይሕ ባሕሪ፣ ናይ ሃገራት ዳርቻ ባሕሪ ጥራይ ሓላፍነት እዩ” ኢሎም። ብተወሳኺ፣ “ዳርቻ ባሕሪ ዘይብለን ወገናት ወይ ኣካላት፣ ኣብዚ ዓውዲ ናይ ድሕነት ምድላዋት ወይ ተራ ንምጽዓን፣ ወይ ድማ ኣህጉራዊ ሕጊ ብምጥሓስ ናብ ባሕሪ ምብጻሕ ንምርግጋፅ ዝገብርዎ ዝኾነ ይኹን ፈተነ ብምሉእ ክንእሱ ኢና” ኢሎም ደጊሞም ኣረጋጊጾም። እቲ መግለጺ ወሲኹ፣ ግብፂ ነቲ ኤርትራ ብዛዕባ ምሕደራ ቀይሕ ባሕሪ ዘለዋ “ራእይ”፣ ብፍላይ ድማ ን“ሓድነትን ሉኣላውነትን ሃገራት ዳርቻ ቀይሕ ባሕሪ” ዘተኮረ ጻዕሪ ከም እትድግፎ ኣመልኪቱ።

ህፃናት ትግራይ ብባዕላዊን ግዳማዊን ኣካላት ግዳይ ጥሕሰት ሰብኣዊ መሰላት ይኾኑ ኣለዉ። ፕሮግራም መንደር ህፃናት ኤስ ኦ ኤስ ትግራይ ምስ ኮሚቴ ሓለዋ መሰል ህፃናት ሸውዓቲኣን ክፍላተ ከተማ መቐለ ዘተ ኣሳሊጡ። እቲ ዘተ መሰል ህፃናት ንምኽባርን ካብ ጥቅዓት ንምክልኻልን ዝዓለመ ኮይኑ ብኮሚቴ ሓለዋ መሰል ህፃናት ኣብ ዝተሰርሑ ስራሕቲን ቀፀልቲ ዕማማትን ዘቲዩ። ተሳተፍቲ እቲ ዘተ መሰልን ድሕንነትን ህፃናት ሓላፍነት ኩሉ ሰብ ከምዝኾን ብምግላፅ ፅባሕ ንትህነፅ ምዕብልቲን ተሃራፊትን ትግራይ ሐዚ ኣብ ህጻናት ምስራሕ ከምዘድሊን ግቡኦም ከምዝፍፅሙን ገሊፆም። ኣካያዲ ስራሕ ፕሮግራም ኣማራፂ ህፃናት መንደር ህፃናት ኤስ ኦ ኤስ ትግራይ ሞላ ሃይለ፥ ንኩለመዳይ ዕቤት ህፃናት ትግራይ ኩሉ ተበግሶ ወሲዱ ክሰርሕ ከምዘለዎን መንግስታዊን ዘይመንግስታዊን ኣካላት ድማ ኣብ ስርፀት መሰልን ድሕንነትን ህፃናት ብግብሪ ክሰርሑ ይግባእ ኢሎም። ብኮሚቴ ሓለዋ መሰል ህፃናት 7 ክፍላተ ከተማ መቐለ ዝተጀመሩ ስራሕቲ ድማ ንኢዶም። ዋና ዳሪክተር ፕሮግራም መንደር ህፃናት ኤስ ኦ ኤስ ትግራይ ንጉሰ ሃይሉ፥ ትካሎም ዋላ ሓደ ህፃን ብዘይሓብሓቢ ክዓቢ የብሉን ዝብል መትከል ተሓንጊጡ ይሰርሕ ከምዘሎ ገሊፆም። እዚ ሓሳብ ኩሉ ሰብ ኣብ ግብሪ ከዉዕሎ ከም ዝግባእ ድማ ሓቢሮም። ምክትል ቢሮ ሓላፊ ማሕራዊ ጉዳይን እግሪ ምትካልን ትግራይ ኣይተ ገብረስላሴ ታረቀ፥ ህፃናት ትግራይ ብባዕላዊን ግዳማዊን ኣካላት ግዳይ ጥሕሰት ሰብኣዊ መሰላት ይኾኑ ኣለዉ። እዚ ፀገም ዝፍታሕ ድማ ዝተናበበን ዝተዋደደን ስራሕ ኣብ መሰልን ድሕንነትን ህፃናት ብምስራሕ እዩ ኢሎም። ትግራይ ፅባሕ ንዝገጥሙዋ ፈተናታትን ብድሆታትን ሎሚ ብእንሰርሖ ስራሕ ከምዝውሰን ዝሓበሩ እቶም ምኽትል ቢሮ ሓላፊ ከም ህዝቢ ይኹን ከም ዓዲ ተስፋ ፅባሕ ኣብ ልዕሊ ዝኾኑ ህፃናት ምስራሕ ንፅባሕ ዘይበሃል ዓብይን ቀዳምነት ዝወሃቦን ተግባር ከምዝኾነ ኣፅንዖት ሂቦም።

ኣንፃር ህዝቢ ክትስለፍ ዝኾነ ምኽንያት ክህልወካ ኣይኽእልን። ስለዚ ብግዜ ነቒሕኻ ምስ ህዝብኻ ምውጋን እዩ። መሳኽዒ ዕላማ ፀላእቲ ኣይትኹኑ ብግዜ ዓድኩም እተው። https://youtu.be/8J6b7_HcR84

ኣብ ደኒ ዴስኣ ንዘጋጠመ ሃንደበታዊ ሓደጋ ባርዕ ሓዊ ህፁፅ ድጋፍ ክግበር ተፀዊዑ። ቢሮ ሕርሻን ሃፍቲ ተፈጥሮን ትግራይ ኣብ ወረዳ ፅራእ ወንበርታ መዋሰኒ ጣብያታት ሚኪኤል እምባ፣ ሓየሎም፣ ዒራ፣ ከልሻ ፍሉይ ቦታ ደለልሾ ኣብ ዝበሃል ከባቢ ዝርከብ ደሴኣ ደኒ ሎሚ ዕለት 3/10/2018 ካብ ስዓት 6:30 ጀሚሩ ምኽንያቱ ዘይተፈለጠ ሓደጋ ባርዕ ሓዊ ምግጣሙ ኣፍሊጡ። እቲ ቢሮ፥ ኣመራርሓን ኣባላትን ሰራዊት ትግራይ፣ በቢ ብርኩ ዝርከብ ኣመራርሓን በዓል ሞያን ከም'ውን ኣብቲ ከባቢ ዝነብር ሕብረተሰብ ዝተለመደ ኩለመዳያዊ ርብርብ ንክገብሩ ፃውዒት ኣቕሪቡ።

ምድንጓይ መሃያ ሰራሕተኛታት መንግስትን ሳዕቤኑን ኣመልኪቱ ካብ ፅላል-ሲማምት ዝተዋሃበ እዋናዊ መግለፂ ድሕሪ ወራር ኣብ ልዕሊ ትግራይን ተጋሩን ብቐጥታ ኾነ ብተዘዋዋሪ ብዝተኣወጀ ግልፅን ስልታውን ዕፅዋን ክባን፤ ኢኮነሚያውን ማሕበራውን ኣገልግሎታት ሓዊሱ ኩሉ መደያዊ ምንቅስቓሳት ብምድኻሞም፤ ባዕሎምን ስድረኦምን ዝጥውርሉ ብሕታዊ ፍልፍል እቶት ሰራሕተኛታት መንግስቲ ትግራይ ወርሓዊ መሃያ ጥራሕ ኮይኑ ፀኒሑ እዩ። ኣብ ትግራይ ዝርከቡ ሰራሕተኛታት መንግስቲ ልክዕ ከምቶም ኣብ ካልኦት ክልላት ዝርከብ ሰራሕተኛ መንግስቲ፤ ስሩዕ ወርሓዊ መሃያ ኣብ እዋኑ ናይ ምርካብ ሕጋዊ መሰል እኳ እንተሃለዎ፣ ኣብ ትግራይ ኣብ ዝርከባ መንግስታዊ ትካላት ዝሰርሑ ስራሕተኛታት መንግስቲ ትግራይ ምድንጓያት ሓዊሱ ምቁርራፃትን ጠቕሊልካ ዘይምኽፋልን ዝኣመሳሰሉ ዘይስሩዕ ኣከፋፍላ መሃያ ብምንባሩ፣ መላእ ሰራሕተኛታት መንግስቲ ትግራይ ኣብ ከቢድ ኢኮኖሚያዊ ቅልውላው ወዲቖም ፀኒሖም እዮም። እቲ ኣየሐዊ ኣይቐትል ኮይኑ ኣብ ዝሓለፈ ብምቁርራፅን ብምድንጓይን ክኸፈል ዝፀንሐ እውን እንተኾነ፣ ካብ ወርሒ ሚያዝያ 2018 ዓ.ም ጀሚሩ ጠጠው ብምባሉ፣ ህይወት እቶም ሰራሕተኛታትን ስድራቤቶምን ኣብ ኣዝዩ ዘሰክፍ ኩነታት ይርከብ። ስለዚ እዚ ኣብ መላእ ስራሕተኛታት መንግስቲ ትግራይ ብፍላይ ኣብ ልዕሊ ተመዛበልቲ ሰራሕተኛታት ዘብፅሖ ማሕበረ-ኢኮነሚያዊ ቅልውላው ኣዝዩ ልዑል እዩ። ሃፍቶምን ንብረቶምን ተመንጢሎም ብሓይሊ ካብ መረበቶም ተመዛቢሎም ኣብ መዕቆቢ ካምፕታት ዝርከቡ ተመዛበልቲ ሰራሕተኛታት መንግስቲ ትግራይ፣ ነታ ባዕሎምን ስድራቤቶም ዝጥውሩላ እንኮ ፍልፍል ኣታዊኦም ዝኾነት ወርሓዊ መሃየኦም ብዘይምርካቦም፣ ባዕሎምን መላእ ስድረኦምን ኣብ ከቢድ ስነ-ኣእምሮኣዊ ፀቕጥን ተስፋ ምቑራፅን ወዲቖም ይርከቡ። እዚ ኩነታት ከምዚ ዝቕፅል ተኾይኑ፤ መላእ ሰራሕተኛ መንግስቲ ብፍላይ እቲ ተመዛበላይ ንዝኸፈአ ጥምየት ፣ ሕማምን ሞትን ዝቃልዕ ኮይኑ፤ ንቡዙሓት ድማ ምኽንያት ምብታን ናብራን ኣደዳ ዘይሕጋዊ ስደትን ንክኾኑ ብምግባር፤ ትግራይ ስእነት ዝተመሃረ ሓይሊ ሰብ ክገጥማ ዓብዪ ኣሉታዊ ግደ ከምዝፃወት ንምግማት ዝኸብድ ኣይኮነን። ብምዃኑ ደሞዝ ሰራሕተኛታት መንግስቲ ትግራይ ብምኽልካልን ብምጉታትን ዝበኣኣስ እምበር ዝቃለል ፀገም ትግራይ ከምዘየለ ብምግንዛብ፤ ዝምልከተኩም ኣካላት ማለት እውን ፌደራል መንግስትን ብሔራዊ ክልላዊ መንግስቲ ትግራይን፣ጉዳይ መሃያ ኪኖ ፖለቲካዊ ምትፍናን ጉዳይ ሂወት ምዃኑ ተገንዚብኩም፤ እታ ብሕታዊት ትንፋስ ሰራሕተኛታት መንግስቲ ትግራይ ዝኾነት ወርሓዊ መሃያ፤፣ ስሩዕ ብዝኾነ መንገዲ ክኽፈል ኣድላይ ዘበለ ምርድዳእ ፈጢርኩም ክትፈትሕዎ ኣጥቢቕና ንላቦ። ብተወሳኺ ማሕበረሰብ ዓለም ኣብ ትግራይ ኣጋጢሙ ዘሎ ማሕበራዊ፣ ኢኮኖሚያውን ፖለቲካውን ቅልውላው ንኽፍታሕ፣ ተመዛበልቲ ሓዊሱ ኩሎም ዜጋታት ከም ኩሉ ዜጋ እዛ ሃገር ማዕረ ተራእዮም ብማዕረ ክተኣናገዱን ሰብኣውን ሞያውን ክብሮም ክሕለወሎም ፅዑቕ ዲፕሎማሲያዊ ፀቕጥኹም ከተሐይሉ ደጊምና ንላቦ። 03 ሰነ 2018 ዓ.ም ፅላል-ሲማምት

ብማዕኸል ስግግር ሕርሻ ትግራይ ብማሕበር ንዝተወደባ ደቂ ኣንስትዮ ብልዕሊ 4.7 ሚልዮን ብር ዝተዓደገ ማሽናትን ደርሆን ብነፃ ከምዝሓገዘ ተገሊፁ። ኣብ ማእኸል ስግግር ሕርሻ ትግራይ መተሓባበሪ ዞባታት ማእኸልን ሰሜን ምዕራብ ክላስተር ጣፍ ኣይተ ቴድሮስ ሃይሉ ከምዝበልዎ ኣብ ወረዳ ላዕላይ ማይጨውን ከተማ ኣክሱምን ብማሕበር ዝተወደባ ደቂ ኣንስትዮ ኣብ ነብሲ ወኸፍ ማሕበር 15 ኣባላት ዘለወን 6 ማሕበራት ብልዕሊ1.9ሚልዮን ቅርሺ ዝተዓደጋ 2070 ደራሁ ፣ 30 ኩንታል ቀለብ ደርሆ፣ መመገቢን መስተይ ማይን፣ ተኸፋፊሉ እዩ። ብልዕሊ 2.7 ሚልዮን ቅርሺ ዝተዓደጋ 18 መጥሓን ውሕልና ፀብሒ ን10 ማሕበራት፤ 14 ማሽናት መሰንከቲ ባኒ 7 ማሕበራት ፤ ብድምሩ ልዕሊ 4 .7 ሚልዮን ቅርሺ ዝወደአ ብነፃ ከምዝሓገዘ ብምግላፅ ከም ትካል እዘን ማሕበራት እግሪ ክሳብ ዝተክላ ደገፍን ክትትልን ከምዝግበረለን እውን ወሲኾም ሓቢሮም። ሓገዝ ዝተገበረለን ደቂ ኣንሴትዮ ብወገነን ተወዲብካ ምስራሕ ብጣዕሚ መዋፅኢ እዩ ስለዚ ማሕበርና ብምጥንካር ብቀፃሊ ዝሓሸ ለውጢ ንምምፃእ ጠንኪርና ክንሰርሕ ኢና። ከም ወረዳ ድማ ኣድላይ ክትትልን ደገፍኩም ኣይፈለየና ኢለን ክብል ዝፀብፀበ ሓበሬታን ርክብን ወረዳ ላዕላይ ማይጨው።

ኣብ ቀረባ ናብ ስሩዕ ስርሑ ዝተመለሰ ቤት ምኽሪ ብሄራዊ ክልልዊ መንግስቲ ትግራይ ሰራሕተኛታቱ ስልጠና ስነልቦናዊ ሕውየት ሂብካ ናብ ስራሕ ክዋፈሩ ምግባር ውፅኢታዊ ስራሕ ንኸመዝግቡ ከም ዝሕግዝ ኣፈ ጉባኤ እቲ ቤት ምኽሪ ገሊፀን ። በዚ ዕለት ኣብ ከተማ ውቕሮ ይሳለጥ ኣብ ዘሎ ስልጠና ተረኺበን መልእኽቲ ዘመሓላለፋ ኣፈጉባኤ ብሄራዊ ክልላዊ መንግስቲ ትግራይ ወይዘሮ ኪሮስ ሓጎስ ከም ዝበልኦ ፣ ንሰላም ተባሂሉ ተወዚፉ ዝፀንሐ ቤት ምኽሪ ትግራይ ውዕሊ ፕሪቶርያ ብዘይምትግባሩ ዘይተወድኡ ዕማማት ትግራይ ንምምላስ ኣብ ቀረባ ናብ ስሩዕ ስርሑ ምምላሱ ኣዘኻኺረን። እቲ ናብ ስርሑ ተመሊሱ ዘሎ ቤት ምኽሪ ፣ ብህዝቢ ዝተውሃቦ ሓላፍነት ብዝግባእ ኽፍፅም እንተኾይኑ ዝነበሩ መሓወር ሰራሕተኛታቱ ናብ ስሩዕ ስራሕ ምውፋር ከም ዘድልን ፣እቶም ሰራሕተኛታት ድማ ብሰንኪ ዘጋጠመና ጀኖሳይዳዊ ኵናት ከምቲ ካሊእ ትግራዋይ ስነ ልቦነኦም ስለ ዝተሃሰየ ሕውየት ከም ዘድልዮም ሓቢረን ። ስለ ዝኾነ ድማ ሰራሕተኛታት እቲ ቤት ምኽሪ ነቲ ብምትሕብባር ኣካዳሚ መለስ ዝወሃብ ዘሎ ስለጠና ብኣግባቡ ክከታተሉ ኣተሓሳሲበን ። እዚ ከምዚ ኢሉ እናሃለወ ሰልጠንቲ ፣እብቲ ዝወሃብ ዘሎ ስልጠና ኣብ ኵናትን ድሕረ ኵናትን ዘጋጥሙ ስነ ልቦናዊ ፀገማትን መፍትሒታትቶምን በዚ ፀገም ምስ ዝሓለፋ ሃገራት እናተዛመደ መፍትሒ ሜላታትን ተሞክሮታትን ይወሃቦም ከም ዘሎን እቲ ስልጠና ይቕፅል ከም ዘሎን ንምፍላጥ ተኻኢሉ ኣሎ ከም ፀብፃብ ድወት።

ኢራን ናይ ኣሜሪካ ሄልኮፕተር ወቒዓ ከምዘውደቐት ዶናልድ ትራምፕ ኣፍሊጦም፤ ኣሜሪካ ግብረ መልሲ ሂባ። ዶናልድ ትራምፕ ኣብ ወሽመጥ ሆርሙዝ እናተንቀሳቐሰት ዝነበረት ሄልኮፍተር ብኢራን ተወቒዓ ከምዝወደቐት ብምፍላጥ፤ ነዚ ስጉምቲ ኢራን ኣሜሪካ ግብረመልሲ ክትህበሉ ከምዝግባእ ገሊፆም። ፕረዚደንት ኣሜሪካ ዶናልድ ትራምፕ ከምዝበልዎ ኢራን ንሰሉስ ኣብ ዘውግሕ ለይቲ ኣብ ጥቓ ሃገረ ኦማን ኣብ መስመር ወሽመጥ ሆርሙዝ ክትትል ንምግባር እናተንቀሳቐሰት ዝነበረት AH-64 Apache ዝተብሃለት ዘመናዊት ሄልኮፍተር ኣሜሪካ፡ ብኢራን ተወቒዓ ከምዝወደቐት ኣፍሊጦም እዮም። ማእኸላይ እዚ ኣሜሪካ ትማሊ ኣብ ዘውፀኦ ሓበሬታ ከምዝሓበሮ ድማ ኣብ ውሽጢ እታ ዝተወቕዐት ሄልኮፍተር ዝነበሩ ክልተ ሰብ ሞያ ብሂወት ከምዝተረፉ ሓቢሩ እዩ። ተወሳኺ ንምንባብ 👇👇👇 https://tigraiacademy.com/2026/06/10/%e1%8a%a2%e1%88%ab%e1%8a%95-%e1%8a%93%e1%8b%ad-%e1%8a%a3%e1%88%9c%e1%88%aa%e1%8a%ab-%e1%88%84%e1%88%8d%e1%8a%ae%e1%8d%95%e1%89%b0%e1%88%ad-%e1%8b%88%e1%89%92%e1%8b%93-%e1%8a%a8%e1%88%9d%e1%8b%98/

https://youtu.be/a5HM_LgFBXA ትግራይ ከምዚ ዓይነት እዩ ዘድልያ። ኣብዚ እዋን መንግስቲ ትግራይ ዘውፀኦ ኣዋጅ እዋን መኸተ ብውሕልልናን ህዝብና ብዘሳተፈ መንገዲ ክፍፀም ኣለዎ። ጉዳይ ምምላስ ለኣላዉነትን ምምላስ እቲ ንከባቢ 6 ዓመታት ኣብ ኬንዳ ሰፊሩ ኣብ እዋን ክረምቲ ብዝናብን ውሕጅን ኣብ እዋን ሓጋይ ድማ ብቑርን ፀሓይን እናተሳቐየ ዘሕልፍ ዘሎ ህዝብና ንፅባሕ ዝበሃል ጉዳይ ኣይኮነን።