fa
Feedback

فریب کلاهبرداران را نخورید! تل‌متریو این کانال‌ها را شناسایی و برچسب‌گذاری می‌کند 👉 برای مشاهده برچسب، اشتراک تهیه کنید

БСТ | Яңылыҡтар

БСТ | Яңылыҡтар

رفتن به کانال در Telegram

Новости главного медиахолдинга Республики Башкортостан на башкирском языке

نمایش بیشتر
1 956
مشترکین
اطلاعاتی وجود ندارد24 ساعت
-57 روز
-1230 روز
آرشیو پست ها
Бөрө районындағы күл төбөн һәләк булған хайуандарҙан таҙартыу дауам итә Иҫегеҙгә төшөрәбеҙ, уҙған аҙнала Луч утары эргәһендә тотош һарыҡ көтөүе һыу аҫтына китә. Республиканың Ғәҙәттән тыш хәлдәр буйынса дәүләт комитеты мәғлүмәттәре буйынса, ҡотҡарыусылар 800-гә яҡын ваҡ малды боҙ өҫтөнә сығарған, мөғжизә менән һарыҡтарҙың береһе иҫән ҡалған.
22 دسامبر 2025, 14:02

Махсус хәрби операция биләмәһенә республиканан оҙатылған 168-се гуманитар ылау барып етте Яугирҙарға Яңы йыл күстәнәсе. Махсус хәрби операция биләмәһенә республиканан оҙатылған 168-се гуманитар ылау барып етте.
22 دسامبر 2025, 13:57

Башҡортостанға сатлама һыуыҡтар яҡынлаша Һауа температураһы 36 градусҡа тиклем түбәнәйә. Төбәк гидрометеорология үҙәгенән хәбәр итеүҙәренсә, 24-26 декабрҙә төбәктә аномаль һалҡын һауа торошо көтөлә. Уртаса һауа температураһы климат нормаһынан 9-14 градус түбән күрһәтер тип күҙаллана. Айырым райондарҙа бер аҙ ҡар яуа. Республикала һауа температураһы 26 декабрҙә көндөҙ күтәрелә башлай.
22 دسامبر 2025, 13:36

Радий Хәбиров Салауат районы Мөрсәлим ауылынан 6-сы класс уҡыусыһы Максим Шаһиморатов менән осрашты Үҫмер бер йыл элек республика етәксеһе саҡырыуы буйынса уның эш кабинетында булғайны инде. Максим, бала саҡтан инвалид булыуына һәм өйҙә уҡыуына ҡарамаҫтан, ижад менән әүҙем шөғөлләнә, ауыл клубындағы художество түңәрәгенә йөрөй. Ике тапҡыр «Салют» реабилитация үҙәгендә булған. Ҡурғандағы Илизаров исемендәге учреждениела дауаланыу курстары үтергә йыйына. Максим үҙаллы уҡый башлаған. Ул төбәк башлығына үҙенең һүрәтен бүләк итте, шулай уҡ хәҙер танкист булырға хыялланыуы хаҡында һөйләне.
22 دسامبر 2025, 13:29

Башҡортостанда милли проекттарға 50 млрд һум йүнәлтелде Инфраструктураны үҫтереү-өҫтөнлөклө йүнәлеш. Быйыл Башҡортостанда милли проекттарҙы тормошҡа ашырыуға 50 млрд һум аҡса йүнәлтелгән, сумманың 35 млрд 600 млн һумы-федераль сығанаҡтан. Финансты муниципалитеттар ҙа индергән. Был турала бөгөн республика башлығы Радий Хәбиров ҡатнашлығында үткән оператив кәңәшмәлә билдәләнде. Ултырышта күтәрелгән көнүҙәк мәсьәләләр тураһында репортаж.
22 دسامبر 2025, 13:12

2018 йылдан алып «Теләктәр шыршыһы» хәйриә акцияһы меңәрләгән кешене берләштерә Акцияла бизнес вәкилдәре, власть һәм йәмәғәт лидерҙары ҡатнаша. Баймаҡ районында яңы йыл шыршыһына һаулыҡ мөмкинлектәре сикләнгән балаларҙың теләктәре яҙылған хаттар эленде. Баймаҡ районы хакимиәте башлығы Азамат Иҙрисов байрам ҡупшыҡайынан акцияла ҡатнашыусының открыткаһын алды.
22 دسامبر 2025, 06:16

«Торатау» геопаркында Ҡыш бабай тирмәһе эшләй башланы Төп әкиәт персонажының яңы йыл резиденцияһы күптәрҙең яратҡан ҡышҡы ял урыны. Быйыл да бында балаларҙы һәм уларҙың ата-әсәләрен көн һайын иртәнге сәғәт 11-ҙән төнгө 9-ға тиклем көтәләр. Тирмәне асыу уңайынан этнокомплекста яңы йыл программаһы ойошторолдо.
22 دسامبر 2025, 06:10

Өфөлә диабет менән сирле балалар өсөн файҙалы аш-һыу оҫталыҡ дәресе үтте Өфөлә диабет менән сирле балалар һәм уларҙың ата-әсәләре өсөн аш-һыу әҙерләү буйынса оҫталыҡ дәресе үтте. Белгестәр һаулыҡҡа зыянһыҙ яңы йыл өҫтәле әҙерләү серҙәре менән уртаҡлашты. Дәрес Президент гранттары фонды ярҙамында тормошҡа ашырылған «Диабет мәктәбе: үҙләштереүҙең яңы сиктәре» проекты буйынса ойошторолдо.
22 دسامبر 2025, 06:00

Шаран районында гинекология бүлеге асылды Буласаҡ әсәләргә заманса медицина ярҙамы. Шаран районында «Ғаилә» милли проектының «Әсәлекте һәм балалыҡты һаҡлау» проекты сиктәрендә гинекология бүлеге асылды. Программа ҡатын-ҡыҙҙарға медицина ярҙамы күрһәтеүҙе яҡшыртыуға йүнәлтелгән.
22 دسامبر 2025, 05:48

Хәйбулла районы Яңы Ергән ауылында яңыртылғандан һуң мәҙәниәт йорто асылды Капиталь ремонт муниципаль мәҙәниәт учреждениеларын реновациялау йүнәлеше буйынса «Башҡортостанда мәҙәниәтте һәм сәнғәтте үҫтереү» дәүләт программаһына ярашлы башҡарылған. Клуб танымаҫлыҡ булып үҙгәргән. Төҙөкләндергәндән һуң кабинеттар, сәхнә, тамаша залы яҡты, йылы һәм уңайлы. Китапхана ла яңыртылған.
22 دسامبر 2025, 05:40

Әлшәй районында теркәлгән ҡурҡыныс аварияла дүрт кешенең ғүмере өҙөлгән Бөгөн иртән Шишмә-Аксенов-Ҡырғыҙ-Миәкә юлында 10-сы модель «ВАЗ», «Maзда» һәм «Шакман» йөк машинаһы бәрелешкән. Юл-траспорт ваҡиғаһы һөҙөмтәһендә Ватан еңел автомобиленән өс кеше һәм инормарканан бер пассажир һәләк булған. Тағы өс кеше дауаханаға оҙатылған.
22 دسامبر 2025, 05:32

Өфө табиптары МХО биләмәһенә медицина ярҙамы ебәрә Республика медицина-генетика үҙәге хеҙмәткәрҙәре махсус хәрби операция башланған көндәрҙән алып алғы һыҙыҡтағы яҡташтарыбыҙға ярҙам итә. Тәүҙә аҙыҡ-түлек, эш ҡоралдары, төҙөлөш материалдары һәм күп һанлы посылкалар ебәрһәләр, бөгөн стериль бәйләү комплекттары оҙатыла. Медицина ойошмаһы ирекмәндәре тураһында киләһе яҙмала.
22 دسامبر 2025, 05:27

Өфөлә республиканан алғы һыҙыҡтағы яугирҙарға ярҙам итеүсе ирекмәндәрҙе тәбрикләү тантанаһы үтте «Конвой командаһы-102. Үҙебеҙҙекеләрҙе ташламайбыҙ». Өфөлә республиканан алғы һыҙыҡтағы яугирҙарға ярҙам итеүсе ирекмәндәрҙе тәбрикләү тантанаһы үтте. Еңеү өсөн тыл ярҙамы күрһәтеүселәр хаҡында киләһе яҙмала.
22 دسامبر 2025, 05:12

Радий Хәбиров энергетиктарҙы һөнәри байрамдары менән ҡотланы Бөгөн Рәсәйҙә энергетиктар көнө билдәләнә.Тармаҡ хеҙмәткәрҙәрен һәм ветерандарын һөнәри байрамдары менән Башҡортостан башлығы Радий Хәбиров ҡотланы. Бөгөн төбәк энергетикаһында 25 меңдән ашыу кеше эшләй, ә яҡын тармаҡтарҙы иҫәпкә алғанда-50 мең самаһы. Ныҡлы энергетика системаһы-иҡтисад үҫешенең нигеҙе, шуға ла электр станцияларының ҡеүәтен һәм энергия һөҙөмтәлелеген арттырыу дауам итә.
22 دسامبر 2025, 04:50

Баймаҡта Салауат Юлаев исемендәге паркта төп Яңы йыл шыршыһы асылды Баймаҡтың Салауат Юлаев исемендәге мәҙәниәт һәм ял паркында ҡаланың төп яңы йыл шыршыһын асыу тантанаһы үтте. Тулыраҡ, киләһе яҙмала.
20 دسامبر 2025, 22:10

Хәбир Аралбаев Шәйехзада Бабич исемендәге дәүләт йәштәр премияһына лайыҡ булды Башҡортостандың атҡаҙанған артисы Хәбир Аралбаев Шәйехзада Бабич исемендәге дәүләт йәштәр премияһына лайыҡ булды. Фәйзи Ғәскәров исемендәге дәүләт академия халыҡ бейеүҙәре ансамбле солисына юғары награда «Өс таған» бейеүендәге өлкән ағай образы өсөн тапшырылды. Башҡорт хореография сәнғәтен һаҡлауға һәм популярлаштырыуға үҙ өлөшөн индергән бейеүсе тураһында репортаж.
20 دسامبر 2025, 20:22

Өфөлә «Рәсәй бөркөттәре» һәм «Бала саҡ навигаторҙары» форумы үтте «Рәсәй бөркөттәре», «Бала саҡ навигаторҙары» өсөн берҙәмлек һәм илһам байрамы. «Торатау» конгресс-холында «Тәрбиәнең яңы фәлсәфәһе»тиа аталған төбәк-ара форум ойошторолдо. Балалар йәмәғәт хәрәкәте календарының сағыу сараһы хаҡында репортаж.
20 دسامبر 2025, 16:58

Өфөнән махсус хәрби операция биләмәһенә сираттағы яугирҙар төркөмө юлланды Ике аҙнанан ашыу ял иткәндән һуң, Өфөнән махсус хәрби операция биләмәһенә сираттағы яугирҙар төркөмө юлланды. Хәрбиҙәрҙе республика Башлығы Радий Хәбиров исеменән Дим һәм Өфө райондары хәрби комиссары, подполковник Эрнест Кәбиров тәбрикләне.
20 دسامبر 2025, 12:29

Эльвира Айытҡолова: Владимир Путин менән тура бәйләнеш татыу ғаилә һөйләшеүен хәтерләтте Владимир Путин менән йыл йомғаҡтары татыу ғаилә эсендә асыҡтан-асыҡ һөйләшеүҙе хәтерләтте. Рәсәй Президентының халыҡ менән тура бәйләнештә аралашыуын күҙәткән Дәүләт Думаһы депутаты Эльвира Айытҡолова ошондай фекерҙә.
20 دسامبر 2025, 12:15

Радий Хәбиров Владимир Путинға Башҡортостандың потенциалын юғары баһалағаны өсөн рәхмәт белдерҙе Башҡортостан Башлығы Радий Хәбиров Рәсәй Президенты Владимир Путинға төбәк эшмәкәрлеге һәм мөмкинлектәрен юғары баһалағаны өсөн рәхмәт белдерҙе. Төбәк етәксеһе социаль селтәрҙә Рәсәй-Тажикстан индустриаль паркын булдырыу проекты тураһында яҙып, республикала сәнәғәт корпорацияһын, сит ил партнерҙары менән берлектәге проекттарҙы тормошҡа ашырыуға ҙур иғтибар бүленеүен билдәләне.
20 دسامبر 2025, 11:59