የመንግስት ግዥና ንብረት አስተዳደር ኤጀንሲ

Ethiopia🇪🇹 in COP31! Ethiopia’s delegation: engaging, connecting, and advancing climate action. Ethiopia launched the work of its incoming #COP32 presidency at the opening of #COP31 in Antalya In his opening statement, Ethiopia’s Minister of Foreign Affairs and COP32 President-Designate, Gedion Timothewos (PhD), set out a central priority for Addis Ababa: rebuilding confidence in multilateral climate cooperation. That confidence must be earned through delivery, an inclusive process, serious engagement with differences and outcomes that connect global ambition with national implementation. It requires honouring commitments, recognising different responsibilities and national circumstances, and ensuring that every Party has a meaningful place in shaping the future. Ethiopia stands in solidarity with countries affected by the adverse impacts of climate change. The climate crisis is intensifying, and geopolitical tensions are testing international cooperation. Countries are being asked to do more to reduce emissions and build resilience, even as those efforts become harder to finance. Closing the finance gap can help close the mitigation and adaptation gaps. COP31 must deliver progress on mitigation, adaptation, finance, just transitions and the means of implementation. Antalya also opens preparations for the second Global Stocktake. This collective assessment must help Parties understand where implementation has stalled, why progress remains uneven and how international cooperation can remove the obstacles countries face. Ethiopia thanks Türkiye and Australia for their leadership, congratulates Brazil on the outcomes achieved in Belém, and stands ready to support a successful COP31. From Antalya to Addis Ababa, Ethiopia’s aim is to make climate cooperation a source of greater global cohesion. This is the time for Ethiopia's Capital Addis Ababa; Under Mayor Adanech Abiebie’s Leadership, is Poised to Host COP32 and Elevate Its Climate Action Success Stories onto the Global Stage! #COP31 #COP32 #COP32Ethiopia #LandOfOrigins #ClimateAction #addisababa

የአየር ንብረት ለውጥን ለመቋቋም ከተሞችን የመፍትሔው ማዕከል ማድረግ! በ #COP31 ጉባኤ በአንታሊያ፣ ከንቲባ አዳነች አቤቤ ከአፍሪካ ልማት ባንክ የአየር ንብረት ለውጥ ዳይሬክተር ፕሮፌሰር አንቶኒ ኦኮን ንዮንግ እና የዓለም አቀፍ ከንቲባዎች ስምምነት (Global Covenant of Mayors) አምባሳደርና የፓሪስ የቀድሞ ከንቲባ አን ሂዳልጎ ጋር ባደረጉት ውይይት፣ የአዲስ አበባን የአየር ንብረትና ዘላቂ የከተማ ልማት ልምዶች ከዓለም አቀፍ የትብብር ዕድሎች ጋር የማስተሳሰር ጉዳይ በስፋት ተነስቷል። በውይይቱ ከተነሱት ዋነኛ ጉዳዮች መካከል የአየር ንብረት ፋይናንስን ለከተሞች በቀጥታ ተደራሽ ማድረግ፣ የልማት ፕሮጀክቶችን የማዘጋጀትና የመተግበር አቅምን ማጠናከር እንዲሁም በአረንጓዴ ልማት፣ በወንዝ ዳርቻ ልማት፣ በከተማ መልሶ ማልማትና በከተማ ግብርና የተገኙ ልምዶችን ማጋራት ይገኙበታል። ይህ ውይይት አዲስ አበባ እንደ #COP32 አስተናጋጅነቷ የሚኖራትን ሚና ከማጠናከር ባለፈ፣ የአፍሪካ ከተሞች የጋራ የአየር ንብረት ቅድሚያዎቻቸውን፣ የፋይናንስ ፍላጎቶቻቸውንና የቴክኖሎጂ ትብብር ጥያቄዎቻቸውን በአንድ ድምፅ ለዓለም እንዲያቀርቡ የሚያግዝ ጠቃሚ የትብብር መሠረት ነው። በዚህም አዲስ አበባ ያላትን የልማት ልምድ ለአፍሪካ ከተሞች በማጋራት፣ የጋራ አቅምን በማጎልበትና ዓለም አቀፍ አጋርነትን ወደ ተጨባጭ የልማት ውጤት በመቀየር የአህጉሪቱን ዘላቂ የከተማ ልማት አጀንዳ ለማሳደግ ያላትን ቁርጠኝነት አሳይታለች። #COP31 #COP32 #Ethiopia #addisababa

የአዲስ አበባ ኮሪደር ልማት እና የዓለም አቀፍ ተወዳዳሪነት አዲስ አበባ አህጉራዊ መቀመጫነቷን ተንተርሳ ለዘመናት የዲፕሎማሲ ማዕከል ሆና አገልግላለች። ሆኖም ፈጣን የሕዝብ ዕድገት፣ ያረጁ የመሠረተ ልማት አውታሮች እና ያልተቀናጀ የከተማ ማስፋፋት ለረጅም ዓመታት የመዲናዋን ተወዳዳሪነት እና የነዋሪዎቿን የኑሮ ጥራት ሲፈታተኑ ቆይተዋል። አሁን ላይ የተጀመረው የኮሪደር ልማት አዲስ አበባን በቀጣናው ብቻ ሳይሆን በአፍሪካ እና በዓለም አቀፍ ደረጃ ከሚገኙ ዘመናዊ ከተሞች ጋር የሚያስተካክላትን ታላቅ የከተማ ትራንስፎርሜሽን እውን እያደረገ ይገኛል። የኮሪደር ልማቱ ቀደም ሲል የነበሩትን የተበታተኑ የመሠረተ ልማት ሥራዎች በማቀናጀት አጠቃላይ የከተማ ውበትን እና አገልግሎትን ማዕከል ያደረገ አቀራረብን የተከተለ ነው፡፡ በዚህም ሰፋፊ የመኪና መንገዶች፣ የተለዩ የብስክሌት መስመሮች እና ምቹ የእግር መንገዶች ተገንብተዋል። ይህም የትራፊክ እንግልትን ከመቀነሱም በላይ የሕዝብ ትራንስፖርት ፍሰትን አቀላጥፏል። በመሠረተ ልማት ረገድም የፍሳሽ ማስወገጃ፣ የኤሌክትሪክ እና የቴሌኮም መስመሮች በመሬት ስር የተቀናጀ አደረጃጀት እንዲኖራቸው ተደርጓል። በተጨማሪም መዲናዋን ለነዋሪዎች እና ለጎብኚዎች ምቹ ለማድረግ ሰፋፊ የሕዝብ መዝናኛ ፓርኮች፣ የውኃ ፋውንተኖች፣ የሕዝብ አደባባዮች እና አረንጓዴ ስፍራዎች በመንገድ ዳርቻዎች እንዲስፋፉ ተደርጓል። የኮሪደር ልማት ከመሠረተ ልማት ማሻሻያነት አልፎ የመዲናዋን ኢኮኖሚያዊ እንቅስቃሴ የሚያነቃቃ ዋና ሞተር ነው። ለንግድ ተቋማት፣ ለሆቴሎች እና ለሪል እስቴት አልሚዎች አዲስ የዕድገት መስኮት ከፍቷል። አዳዲሶቹ ፓርኮች፣ የታሪክ እና የባህል ማዕከላት ከአጠቃላዩ የልማት እንቅስቃሴ ጋር ተዳምረው አዲስ አበባን የኮንፈረንስ ቱሪዝም (MICE) እና የዕረፍት ጊዜ መዳረሻ አድርገዋታል። እንዲሁም በግንባታው ወቅት ከተፈጠሩት ጊዜያዊ ሥራዎች ባሻገር በተስፋፉ የንግድ እና የአገልግሎት ዘርፎች ዘላቂ የሥራ ዕድሎች ተፈጥረዋል። ነዋሪዎች ከቤታቸው ወጥተው የሚዝናኑባቸው እና ስፖርት የሚሠሩባቸው ነፃ የሕዝብ ቦታዎች መበራከታቸውም የአካል እና የአዕምሮ ጤናን ያጠናክራል። የአዲስ አበባ የኮሪደር ልማት ከተማዋን ከድሮው የኮንክሪት እና የትራፊክ መጨናነቅ ገጽታዋ አውጥቶ ወደ ዘመናዊ፣ አረንጓዴ እና ለኑሮ ምቹ ከተማነት እየቀየራት ይገኛል። ተግዳሮቶቹን በማመጣጠን እና አካታች የከተማ ዕድገትን በመከተል አዲስ አበባ የአፍሪካ የዲፕሎማሲ ማዕከልነቷን ብቻ ሳይሆን በአህጉሪቱ እና በዓለም አቀፍ ደረጃ ቀደምት ዘመናዊ እና ተወዳዳሪ ከተማ የመሆን ራዕይዋን በተግባር እያረጋገጠች ትገኛለች።

በCOP31 በአንታሊያ ከአፍሪካ ልማት ባንክ የአየር ንብረት ለውጥ ዳይሬክተር ፕሮፌሰር አንቶኒ ኦኮን ንዮንግ እና የGlobal Covenant of Mayors አምባሳደር እና የፓሪስ ቀድሞ ከንቲባ አን ሂዳልጎ ጋር ተገናኝተን በአዲስ አበባ የአየር ንብረትና ዘላቂ የከተማ ልማት ጉዳዮች ዙሪያ ተወያይተናል። በተለይም የአየር ንብረት ፋይናንስን በቀጥታ ለከተሞች ማድረስ፣ የፕሮጀክት ዝግጅትና አፈጻጸም አቅምን ማጠናከር፣ እንዲሁም በአረንጓዴ ልማት፣ በወንዝ ዳርቻ ልማት፣ በከተማ መልሶ ማልማትና በከተማ ግብርና የተገኙ ልምዶችን ለመማማርና ለመለዋወጥ የሚያስችሉ የትብብር መስኮችን ለማጠናከር ተስማምተናል። አዲስ አበባ የCOP32 አስተናጋጅ ከተማ በመሆኗ፣ የአፍሪካ ከተሞችን የጋራ የአየር ንብረት ቅድሚያዎች፣ የፋይናንስ ፍላጎቶችና የልማት አጀንዳ በአንድ ድምፅ ለዓለም ማቅረብ የሚያስችል መድረክ ለመፍጠር ትልቅ እድል አላት። የጋራ ድምፃችንን በማጠናከር፣ የአፍሪካ ከተሞችን የልማት ፍላጎት፣ የፋይናንስ ተደራሽነትና የቴክኖሎጂ ትብብር እናሳድጋለን። ፈጣሪ ኢትዮጵያንና ህዝቦቿን ይባርክ! At COP31 in Antalya, we met with Professor Anthony Okon Nyong, Director of Climate Change at the African Development Bank, and Anne Hidalgo, Ambassador of the Global Covenant of Mayors and former Mayor of Paris, to discuss climate action and sustainable urban development in Addis Ababa. Our discussions focused on improving direct access to climate finance for cities, strengthening their capacity to prepare and implement projects, and expanding cooperation to share experiences and lessons in green development, riverside development, urban regeneration, and urban agriculture. As the host city of COP32, Addis Ababa has a unique opportunity to provide a platform for African cities to present their shared climate priorities, financing needs, and development agendas with one strong and unified voice. By strengthening our collective voice, we can advance the development priorities of African cities, improve access to climate finance, and expand technological cooperation. May the God bless Ethiopia and its people!

የግዥ ፍላጎትን  በየሩብ ዓመቱ  ከፋፍሎ  የማቅረብ  ፋይዳ 26/02/2019  ዓ.ም የአዲስ አበባ ከተማ አስተዳደር ግዥና ንብረት አስተዳደር ኤጀንሲ  በከተማ አስተዳደሩ  ሥር ለሚገኙ  የመንግስት መሥሪያ ቤቶች በማዕቀፍ  ግዥ ስምምነት  ግዥዎችን ግልጽነት እና ተጠያቂነት  ባለው  መንገድ መደበኛ አገልግሎቶችን ይሰጣል።  ​ኤጀንሲው  የመንግሥት ባለበጀት መሥሪያ ቤቶች  የሚጠቀሟቸውን እና ተደጋጋሚ ፍላጎት ያላቸውን እንደ የቢሮ ዕቃዎች፣ የፅዳት  እቃዎች ፣ ጽህፈት መሣሪያዎች፣ አጠቃላይ መገልገያ እቃዎች እና ተሽከርካሪዎችን የመሳሰሉ ግዥዎችን በአንድ ማዕከል በማቀናጀት በማዕቀፍ  ግዥ  ይፈፅማል ። ይህ  የማዕቀፍ  ግዥም መንግሥት የተሻለ ዋጋ (Value for Money) እንዲያገኝና ወጪን እንድቀንስ ይረዳል። የዚህ  የማዕቀፍ ግዥ  ተገልጋይ ለሆኑ  የወረዳ  ፋይናንስ   ፅ/ቤት ተወካዮች  በተሰናዳው  የግንዛቤ  ማሥጨበጫ  ስልጠና ላይ  እንደተገለፀው  ። የግዥ ፍላጎትን  በየሩብ ዓመቱ  ከፋፍሎ ማቅረብ   በተቋማት  አላስፈላጊ ክምችቶች  እንዳይኖር  ፣ በከተማ አስተዳደሩ ሥር  ባሉ ተቋማት  ፍትሀዊ  የንብረት  ክፍፍል  እንዲሰፍን  ፣ ውስን የሆነውን   የመንግስት ሀብት በአግባቡ ለመጠቀም  እና  በአቅራቢዎች ላይ  የሚኖረውን  ጫና ለመቀነስ  ከፍተኛ ጠቀሜታ እንዳለው  ተገልጿል ። በመሆኑም  ግዥ ፈፃሚ  ባለ በጀት መሥሪያ ቤቶች  ዓመታዊ  የግዥ ፍላጎታቸውን  ለኤጀንሲው ሲያቀርቡ  በጀታቸውን  ሊያረጋግጡ  እና በየሩብ ዓመቱ ከፋፍለው ሊያቀርቡ ይገባል ተብሏል  በመድረኩ ።

የጥራት የአቅርቦት እና የክፍያ ሁኔታን በጋራ 26/02/2019 ዓ. ም የአዲስ አበባ ከተማ አስተዳደር ግዥና ንብረት አስተዳደር ኤጀንሲ የማዕቀፍ ስምምነት ግዥ የጥራት የአቅርቦት እና የክፍያ ሁኔታ ለሚመለከታቸው የወረዳ ፋይናንስ አካላት የግንዛቤ ማሥጨበጫ ስልጠና ሰጥቷል ። በስልጠናው ላይ ኤጀንሲው መቋቋም ያስፈለገበትን ምክንያት አስመልክቶ ከአንድ በላይ በሆኑ የመንግስት መስሪያ ቤቶች የሚፈለጉ ከፍተኛ ግዥዎችና አቅርቦቶችን እንዲሁም የሚወገዱ ንብረቶችን ሽያጭ በማዕከል በተቀናጀ አግባበብ የሚፈጽም አካል በማስፈለጉ መሆኑ ተጠቅሶ ከግዥ ጋር በተያያዘም ከተማ አስተዳደሩ በየአመቱ ከ65% በላይ ለግዥ የሚውለውን ከፍተኛ የመንግስት ገንዘብ ቁጠባንና ውጤታማነትን ለማረጋገጥ በሚያስችል መልኩ ጥቅም ላይ ማዋል አስፈላጊ በመሆኑ ስልጠናው ተዘጋጅቷል ። ግዥን በዕቅድ መምራት ያለው ጠቀሜታ ፈርጀ ብዙ መሆኑ ተገልፆ ቅድሚያ የሚሰጣቸውን ዕቃዎችና አገልግሎቶች ለመለየት ፣ የአፈፃፀም ክትትልና ግምገማን ለማከናወን ፣ ለግዢ የተመደበውን በጀት አሰራርን ጠብቆ በወቅቱና በአግባቡ ስራ ላይ ለማዋል እና የቁጥቁጥ ግዥ ያለውን ጉዳት ለመቀነስ ይረዳል ተብሏል ። ለስልጠናው ተሳታፊዎችም የማዕቀፍ ግዥ አጠቃቀማቸውን በተመለከተ በተቀመጠው ወይንም በተዘጋጀው የፍላጎት ሰንጠረዥ መሰረት ዕቃዎቹን በሩብ ዓመት በመከፋፈል ወደ አገልግሎቱ መላክ፣ በሩብ ዓመት የተዘጋጀውን ድልድል በመውሰድ የግዥ ትዕዛዝ አዘጋጅቶ ለአቅራቢው መስጠት፣ የውል ሁኔታዎች ፣የውል ቅጾች እና አስፈላጊ አቅራቢው የገባበትን መረጃ ከውል አስተዳደር ክፍል መውሰድ፣ የግዥ ትዕዛዙ በተሰጠ በ15 ቀናት ውስጥ ዕቃውን መረከብ ሆኖም ግን አቅራቢው የቀደመ ትዕዛዝ ከሌለው ወዲያውኑ ሊሰጥ እንደሚገባው እና የዕቃዎቹ ርክክብ ከመደረጉና የወጪ ደረሰኝ ከመቆረጡ በፊት በመ/ቤቱ በተቋቋመው የጥራት አረጋጋጭ ኮሚቴ በፍላጎት መግለጫው እና በናሙና መሰረት አረጋግጦ መረከብ እና ከፍያ በወቅቱ መፈፀም እንደሚያስፈልግም በአፅንኦት ተገልጿል ። ከዕቃዎች ጥራት አቅርቦት እና አከፋፈል ጋር ተያይዞ በርካታ ጥያቄዎች እና አስተያየቶች ከሰልጣኞች ተነስተዋል ። የዕቃዎችን ጥራት በተመለከተ ማንኛውም ግዥ ፈፃሚ አካል ውሎችን ፣ የፍላጎት መግለጫዎችን እና ናሙናዎችን መሠረት በማድረግ እያንዳንዱን ንብረት በተቋቋሙ የጥራት አረጋጋጭ ኮሚቴዎች ተፈትሸው ሊገቡ እንደሚገባ ተገልጿል ። አቅርቦትን በተመለከተም በእቅድ የተመራ ግዥን መፈፀም እና ፍላጎትን በሩብ ዓመት ከፋፍሎ ማስቀመጥ የሚፈጠርን የአቅርቦት ችግር እንደሚፈታ ተገልፆ ከዚህ ውጪ ችግሮች ሲገጥሙ ከኤጀንሲው እና ከአቅራቢው ጋር በመነጋገር በቀላሉ መፍታት እንደሚገባ ተነግሯል ። ክፍያን አስመልክቶም የካሽ እጥረት ሊገጥም እንደሚችል ተጠቁሞ ነገር ግን ንብረትን ከተረከቡ በኋላ ክፍያን በወቅቱ መፈፀም እንደሚገባ እና በአጠቃላይ ጥራት ከአቅርቦት እና ክፍያ ጋር ለሚገጥሙ ማናቸውም ተግዳሮቶች በጋራ በግልፀኝነት ቁጭ ብሎ በመነጋገር መፍትሔ ማሥቀመጥ ይቻላል ተብሏል ። በተገኘ አስተያየትም ስልጠናው የታለመለትን ግብ ያሳካ እና ለቀጣይ ስኬታማ ስራዎች መሠረት ያኖረ ነው ተብሏል ።

የግዥ ፍላጎትን በየሩብ ዓመቱ ከፋፍሎ የማቅረብ ፋይዳ 26/02/2019 ዓ.ም የአዲስ አበባ ከተማ አስተዳደር ግዥና ንብረት አስተዳደር ኤጀንሲ በከተማ አስተዳደሩ ሥር ለሚገኙ የመንግስት መሥሪያ ቤቶች በማዕቀፍ ግዥ ስምምነት ግዥዎችን ግልጽነት እና ተጠያቂነት ባለው መንገድ መደበኛ አገልግሎቶችን ይሰጣል። ​ኤጀንሲው የመንግሥት ባለበጀት መሥሪያ ቤቶች የሚጠቀሟቸውን እና ተደጋጋሚ ፍላጎት ያላቸውን እንደ የቢሮ ዕቃዎች፣ የፅዳት እቃዎች ፣ ጽህፈት መሣሪያዎች፣ አጠቃላይ መገልገያ እቃዎች እና ተሽከርካሪዎችን የመሳሰሉ ግዥዎችን በአንድ ማዕከል በማቀናጀት በማዕቀፍ ግዥ ይፈፅማል ። ይህ የማዕቀፍ ግዥም መንግሥት የተሻለ ዋጋ (Value for Money) እንዲያገኝና ወጪን እንድቀንስ ይረዳል። የዚህ የማዕቀፍ ግዥ ተገልጋይ ለሆኑ የወረዳ ፋይናንስ ፅ/ቤት ተወካዮች በተሰናዳው የግንዛቤ ማሥጨበጫ ስልጠና ላይ እንደተገለፀው ። የግዥ ፍላጎትን በየሩብ ዓመቱ ከፋፍሎ ማቅረብ በተቋማት አላስፈላጊ ክምችቶች እንዳይኖር ፣ በከተማ አስተዳደሩ ሥር ባሉ ተቋማት ፍትሀዊ የንብረት ክፍፍል እንዲሰፍን ፣ ውስን የሆነውን የመንግስት ሀብት በአግባቡ ለመጠቀም እና በአቅራቢዎች ላይ የሚኖረውን ጫና ለመቀነስ ከፍተኛ ጠቀሜታ እንዳለው ተገልጿል ። በመሆኑም ግዥ ፈፃሚ ባለ በጀት መሥሪያ ቤቶች ዓመታዊ የግዥ ፍላጎታቸውን ለኤጀንሲው ሲያቀርቡ በጀታቸውን ሊያረጋግጡ እና በየሩብ ዓመቱ ከፋፍለው ሊያቀርቡ ይገባል ተብሏል በመድረኩ ።

የጥራት ማሥጠበቅ ተግባራት ቀን 24/02/2019 ዓ.ም የመንግሥት ግዥና ንብረት አስተዳደር ኤጀንሲ በመንግሥት ማዕቀፍ ግዥ (Framework Procurement) ሥርዓት ግልጽ እና ለታለመለት ዓላማ የጥራት ደረጃውን የጠበቀ እንዲሆን በማዕቀፍ ግዥ የተለያዩ መመሪያዎች ፣ መስፈርቶች እና አሰራሮችን ያስቀምጣሉ። በዚህም በዝግጅት እና የዕቅድ ምዕራፍ (Planning & Preparation) የፍላጎት ጥናትና ትንተና፡ ተቋማት የሚገዙዋቸው ዕቃዎች፣ አገልግሎቶች ወይም ሥራዎች የጥራት ደረጃ ከገበያ ሁኔታና ከፍላጎት ጋር የሚጣጣም መሆኑን ለማረጋገጥ ዝርዝር ጥናት ይደረጋል። የፍላጎት መግለጫ (Specification) ማዘጋጀት፡ የሚገዛው ዕቃ ወይም አገልግሎት የሚኖረውን የጥራት ደረጃ፣ የአፈጻጸም መስፈርቶች እና ከሀገር ወይም ዓለም አቀፍ የጥራት ደረጃዎች (ISO ወዘተ) ጋር መጣጣሙን የሚያሳይ ግልጽ የቴክኒክ ዝርዝር መግለጫ ይዘጋጃል። የአምራቾች ወይም አቅራቢዎች ብቃት ማረጋገጥ በማዕቀፍ ግዥ ውስጥ የሚወዳደሩ አቅራቢዎች የቴክኒክ አቅም፣ የፋይናንስ አቅም ፣ ቀደም ሲል የሠሯቸው ሥራዎች የመልካም ስራ አፈፃፀም እና የጥራት ማረጋገጫ ምስክር ወረቀቶች ይመዘናሉ። በተጨማሪም የናሙና ፍተሻ አስፈላጊ ሆኖ ሲገኝ አቅራቢዎች ያቀረቧቸው ዕቃዎች ናሙናዎች በላብራቶሪ ወይም በባለሙያዎች ተፈትሸው ከፍላጎቱ ጋር የሚስማሙ መሆናቸው ይረጋገጣል። በተጨማሪም ከውል አስተዳደር እና ክትትል አንፃር የአፈጻጸም ዋስትናዎች ፣ የተግባራዊነት ክትትል ይደረጋል። በመጨረሻም በሚደረግ የቁጥጥር እና የግምገማ ሥርዓት የሚገዙ የማዕቀፍ ዕቃዎች ጥራት ለማረጋገጥ ስራዎች ይከናወናሉ ። ይህም ሆኖ ከጥራት ጋር ተያይዞ ችግሮች ሊገጥሙ ይችላሉ ። ተከስቶ ሲገኝም ማስጠንቀቂያ ፣ ቅጣት ፣ የማስተካከያ እና የእገዳ እርምጃዎች ይወሰዳሉ ። በመንግስት ግዥ እና ንብረት ማስወገድ አገልግሎት የቴክኒክ ጥራት አስተዳደር ቡድን በከተማ አስተዳደሩ ለሚገኙ የመንግስት መስሪያ ቤቶች በአስተዳደሩ የተወሰኑትን የጋራ መገልገያ አቅርቦቶች፣ ስትራቴጂካዊ ጠቀሜታ ያላቸውን አቅርቦቶችንና አገልግሎቶች በጥራት መቅረባቸውን እንዲሁም በአቅርቦት እና በማስወገድ ሂደት የተፈጠሩ የግንዛቤ ክፍተቶችን በመለየት ድጋፍ በማድረግ የተገልጋዮችን ፍላጎት ለማርካት ይገኛል ፡፡ የመንግስት ግዥና ንብረት አስተዳደር ኤጀንሲ በማዕቀፍ ግዥ ከዕቃዎች ጥራት ጋር ተያይዞ በሚስተዋሉ የግንዛቤ ክፍተቶች ላይ ችግሮቹን መፍታት አስፈላጊ ሆኖ በመገኘቱ ለሚመለከታቸው የተቋማት እና ክፍለ ከተሞች የጥራት አረጋጋጭ ኮሚቶዎች የግንዛቤ ማስጨበጫ ስልጠና አከናውኗል ። በግንዛቤ ማስጨበጫ መድረኩ ላይ እንደተገለፀዉ በመንግስት ግዥ እና ንብረት ማስወገድ አገልግሎት የቴክኒክ ጥራት አስተዳደር ቡድን ከሚተገብራቹ ዋና ዋና ተግባራት ዉስጥ የተቋማት ጥራት ይረጋገጥልኝ ጥያቄን መቀበል ፣ ዕቃዎች በስፔኩና በናሙናው መሰረት የቀረቡ መሆናቸውን በፍተሻ ማረጋገጥ ፣ በስፔኩና በናሙናው መሰረት ያልቀረቡ እቃዎችን ለይቶ ማስተካከያ እንዲደረግ ማድረግ ፣ የተቋማት የግብዓት ጥራት ቅሬታ ሲቀርብ መረጃ በማደራጀት አጣርቶ ተገቢዉን ምላሽ መስጠት ፣ የሞዴል ለውጥ ጥያቄ ሲቀርብ ተገቢነቱን ማረጋገጥ ፣ ለጨረታ ዝግጁ የሆኑ የቴክኒክ መግለጫዎችን ከአለማቀፍ እና ሃገር አቀፍ ደረጃ ከተቀመጡ የተገኙ የጥራት ደረጃዎች ጋር ንፅፅር ማድረግ እና የግንዛቤ መስጫ መድረኩ መሰናዳት ምክንያት የሆነዉ በተቋማት በመገኘት ያጋጠማቸዉን ችግሮች መነሻ በማድረግ ድጋፍና ግንዛቤ መፍጠር ናቸዉ ፡፡ በግንዛቤ ማስጨበጫ ስልጠናዉ ላይ በርካታ የተቋማት ተሞክሮ ጥያቄዎች እና እየገጠሙ ያሉ ተግዳሮቶች ተነስተዉ ሰፊ ማብራሪያ የተሰጠባቸዉ ሲሆን የስልጠናዉ አንኳር ምልዕክት እና ጭብጥ የተቋማት የጥራት አረጋጋጭ ኮሚቴዎች ማንኛዉም በማዕቀፍ ግዥ የተገዛ ዕቃን በናሙናዉ እና በተቀመጠለት የፍላት መግለጫ መሰረት መሆኑን ሳያረጋግጥ መረከብ እና ለአገልግሎት ማዋል እንደማይኖርባቸው ግንዛቤን የፈጠረ ነበር ፡፡

በአዲስ አበባ ከተማ አስተዳደር የመንግስት ግዥ እና ንብረት አስተዳደር ኤጀንሲ በአዋጅ በተሰጠዉ ስልጣን እና ተግባራት ዝርዝራቸው በከተማው አስተዳደር የግዥና ንብረት አስተዳደር ሕግ መሠረት የሚወሰኑ የመንግስት መስሪያ ቤቶች የሚጠቀሙባቸውን ተመሳሳይ ዕቃዎች፣ አገልግሎቶችና ስትራቴጂያዊ ጠቀሜታ ያላቸው ዕቃዎችና አገልግሎቶች ግዥ ያከናውናል፤ በዚህ አንቀፅ ንዑስ አንቀፅ (1) ላይ የተገለፀው ቢኖርም በመንግስት ለሚከናወኑ የግንባታ ሥራዎች ግዥ ግንባታውን እንዲያስፈፅም ሥልጣን በተሰጠው አካል ተፈፃሚ ይሆናል፤ በዚህ አንቀጽ ንዑስ አንቀጽ (1) የተመለከቱትን ሥልጣንና ተግባሮች በሥራ ላይ ሲያውል፡- የመንግስት ግዥና ንብረት ማስወገዱ ተግባር አግባብ ባለው ሕግ መሰረት መፈጸሙን ያረጋግጣል ግዥ የተፈጸመላቸው የመንግስት መስሪያ ቤቶች የሚጠቀሙባቸው ተመሳሳይ ዕቃዎችና አገልግሎቶች የአገር ውስጥ ግዥ ሂደት አጠናቆ የማዕቀፍ ስምምነት በመፈራረም ይህንኑ የመንግስት መሥሪያ ቤቶች እንዲያውቁት ያደርጋል፤ ሐ) የመንግስት መስሪያ ቤቶች የሚጠቀሙባቸው ተመሳሳይ ዕቃዎችና አገልግሎቶች ዓለም አቀፍ ግዥ፤ ከተማዊ ስትራቴጂያዊ ጠቀሜታ ያላቸውን ዕቃዎችና አገልግሎቶች የግዥ ሂደት በማጠናቀቅ ዕቃዎቹና አገልግሎቶቹ ለተጠቃሚ እንዲደርስ ያደርጋል፣ ልዩ ሙያዊ እውቀት በሚያስፈልጋቸው ጉዳዮች አግባብነት ካላቸው መንግስታዊ ተቋማት ሙያዊ ተግባር በመጠየቅ ይተገብራል፡፡ ግምታቸው አግባብ ባለው ሕግ መሰረት ከሚወሰን የገንዘብ መጠን በላይ የሆኑ በከተማው አስተዳደር መስሪያ ቤቶች ኃላፊነት ስር ያሉ ንብረቶች እንዲወገዱ ውሳኔ የተሰጠባቸውን ንብረቶች ይሸጣል፣ የመንግሥት ግዥና ንብረት ማስወገድ ተግባር አግባብ ባለው ሕግ መሠረት መፈጸሙን ያረጋግጣል፤ ለግሉ ዘርፍ በወቅታዊ የገበያ መረጃ ላይ የተመሰረተ የአገር ውስጥና የዓለም አቀፍ የግዥ አገልግሎቶችን ይሰጣል፣ ለከተማው አስተዳደር መሥሪያ ቤቶች የግዥና ንብረት አስተዳደርን በተመለከተ የቴክኒክ ድጋፍ ይሰጣል፤ያማክራል፣ ሥልጣኑ በሕግ ለሌላ አካል ካልተሰጠ በቀር የከተማውን አስተዳደር ቋሚ ንብረቶች ይመዝገባል፤ በበላይነት ያስተዳድራል፣ አግባብ ባለው ሕግ መሠረት ቋሚ ንብረቶች ዋጋ እንዲወጣላቸውና በየዓመቱ የዕልቀት ዋጋ እንዲሰላላቸው በማድረግ መንግሥት የቋሚ ንብረቶችን ወቅታዊ ዋጋ እንዲያውቅ ያደርጋል፣ ከሚመለከታቸው የመንግሥት አካላት ጋር በመተባበር በመንግሥት መሥሪያ ቤቶች ለሚፈለጉ ተመሳሳይ ንብረቶች ደረጃ ያወጣል፤ የወጡት ደረጃዎችም ወጥነት ባለው መንገድ ሥራ ላይ እንዲውሉ ያደርጋል፤ በከተማው አስተዳደር መሥሪያ ቤት ሥር ያልሆነን፣ ነገር ግን የከተማ አስተዳደሩ ንብረት የሆነ ወይም በሕግ ወይም ሥልጣን ባለው ፍርድ ቤት ውሳኔ የከተማው አስተዳደር ንብረት እንዲሆን የተደረገን ማንኛውንም ንብረት በመንግሥት ንብረትነት ይይዛል፣ ያስተዳድራል፣ በቢሮው ውሳኔ መሠረት እንዲወገድ ያደርጋል፤ ከሚመለከታቸው አካላት ጋር በመሆን በጤና ወይም በአካባቢ ላይ ጉዳት የሚያስከትሉ ጊዜያቸው ያለፈባቸው አደገኛ ኬሚካሎች ወይም የኬሚካል ውጤቶች፣ ከአገልግሎት ውጭ የሆኑ የኤሌክትሮኒክስ ዕቃዎች፣ መድኃኒቶች፣ ጨረራ አመንጪ ዕቃዎች፣ የኢንዱስትሪና ግብርና ተረፈ ምርቶች እንዲወገዱ ያደርጋል፤ በሚያስተዳድራቸው ንብረቶች ላይ የሚፈጸሙ ሕገ-ወጥ ድርጊቶችን ይከላከላል፤ ተፈጽመው ሲገኙም ሕጋዊ እርምጃ ይወስዳል ወይም እንዲወሰድ ያደርጋል፤ በመንግሥት የግዥና የንብረት አስተዳደር ፖሊሲዎች፣ መርሆችና አፈጻጸም ላይ የከተማ አስተዳደሩን ያማክራል፤ ለከተማ አስተዳደሩ መሥሪያ ቤቶች፣ ለክፍለ ከተሞችና ለወረዳዎች የቴክኒክና የምክር ድጋፍ ይሰጣል፤ በመንግሥት ግዥ አፈጻጸምና ንብረት አስተዳደር ሥርዓትና አተገባበር ላይ ጥናት ያካሂዳል፤ በጥናቱ ላይ ተመስርቶ ሥርዓቱን ለማሻሻል የሚረዱ የውሳኔ ሃሳቦችን ለቢሮው ያቀርባል፤ ከመንግሥት መሥሪያ ቤቶች የሚቀርብለትን መረጃ መሠረት በማድረግ የመንግሥት የግዥና የንብረት አስተዳደር ሥርዓት አፈጻጸምን የሚገልጽ የተጠቃለለ ዓመታዊ ሪፖርት ለቢሮው ያቀርባል፤ ቢሮው በሚጠይቀው ዝርዝር መሠረት ስለተከናወነው ግዥ ዓይነትና መጠን፣ እንዲሁም ስላከናወነው የንብረት አስተዳደር መረጃ ይሰጣል፤ የሕንፃ አስተዳደርና አጠቃቀም ዘመናዊ ሥርዓት ይዘረጋል፤ ለታለመለት ዓላማ መዋሉን ያረጋግጣል፤ ምድረ-ግቢው ውብና ማራኪ እንዲሆን ያደርጋል፤ የመንግሥት ሕንፃዎች የሚገነቡበትን ቦታ ያስፈቅዳል፤ ይመዝገባል፤ ተገቢውን የይዞታ ማረጋገጫና የግንባታ ፈቃድ እንዲሰጥ ያደርጋል፤ ይጠብቃል፣ የመንግሥት ሕንፃዎች ወጥ የሆነ ስታንዳርድና ዲዛይን እንዲኖራቸው ከሚመለከታቸው አካላት ጋር ይሰራል፤ ያስገነባል፤ አፈጻጸሙንም ይከታተላል፤ የተቋማትን የሕንፃ ፍላጎት፣ የሥራ ባህሪና የተገልጋይ ሁኔታ በማጥናት የተቋማትንና የሥራ ክፍሎችን የሥራ ቦታ ይደለድላል፣ የሕንፃ የውስጥ አደረጃጀትና የቢሮ ቁሳቁስ ስታንዳርድ ያዘጋጃል፤ እንዲተገበርም ያደርጋል፤ የከተማ አስተዳደሩ የመንግሥት ተቋማት ለአገልግሎት አሰጣጥ የሚያስፈልጋቸውን ሕንፃዎች የኪራይ ደረጃ አጥንቶ ይወስናል፤ በመንግሥት ሕንፃዎች ውስጥ የሠራተኞች ካፌቴሪያ፣ የጽዳትና ውበት፣ የጥበቃ፣ የመጀመሪያ ሕክምና፣ የተሽከርካሪዎች ማቆሚያና ማጠቢያ፣ እንዲሁም የሕፃናት ማቆያ አገልግሎቶች እንዲሟሉ ያደርጋል፣ ተግባራቱንም ያከናውናል፡፡ ከቢሮውና ከሌሎች ከሚመለከታቸው አካላት ጋር በመሆን የመሥሪያ ቤቶችን የሥራ ባህሪ ያጠናል፤ ሊኖራቸው የሚገባውን የግዥና ንብረት አስተዳደር እንዲሁም ተያያዥ ሥራዎች አደረጃጀት አጥንቶ ያቀርባል፤ ተፈጻሚነቱንም ይከታተላል ፡፡

ከዚህ በፊት በአዲስ አበባ ከተማ የመንግሥት ንብረት አስተዳደር ባለሥልጣን ሲሰጡ የቆዩት ከህንፃ እና ከንብረት አስተዳደር ጋር የተያያዙ አገልግሎቶች ወደ የመንግሥት ግዥና ንብረት አስተዳደር ኤጀንሲ የተዘዋወሩ መሆኑን እየገለፅን አገልግሎቶቹንም በተሻለ ቅልጥፍና እና አክብሮት እንደሚያገኙ እንገልፃለን ። አድራሻ :- ከስድስት ኪሎ ወደ ጊዮርጊስ በሚወስደው መንገድ አፍንጮ በር ፍቅር ፕላዛ ህንፃ ላይ እንገኛለን ።