📚🖍Darul Fikr Na Mahdi Sanda 📚🖍

JIGON RAYUWA: KA YANKE MATSAYA MAI KYAU, KA TSAYA KANTA. Na ci karo da wani baiti sai naga dacewar nazarinsa don amfaninmu a rayuwa. إِذا كُنتَ ذا رَأيٍ فَكُنْ ذا عَزيمَةٍ فَإِنَّ فَسادَ الرَّأيِ أَنْ تَتَرَدَّدا Idan kana da ra'ayi, ka kasance mai azama, domin ɓarnar ra'ayi ita ce jinkiri a kokwanto. Abin da ya kamata mu lura shine, Rayuwa ba ta jira mai jinkiri. Mutane da yawa suna da ra'ayi mai kyau, suna da burin gyara, suna da niyyar zama nagari. Amma saboda jinkiri, sai burin ya mutu kafin a haife shi. Sai su zama mutanen da suke cewa "da na sani, da na yi", amma lokaci ya wuce. Azama ita ce abin da ke raba shugaba da mabiyi. Shugaba ba shi ne wanda ya fi kowa ilimi ba, shi ne wanda da zarar ya ga gaskiya, sai ya tsaya a kai duk da tsoro, duk da maganar mutane, duk da tsada. Ba zaka rubuta tarihi da abin da ka yi niyyar yi ba. Zaka rubuta shi da abin da ka yi azama ka kammala. Jinkirinka yau, zai zama nadamar ka gobe, abin na iya shafar ƴar ƴar da jikokinka gobe. Don haka, daga yau, ka ɗauki wannan ka'ida: 1_ Ka yi tunani kafin ka yanke hukunci. 2_ Ka yi shawara da ƴan uwanka. 3_ Da zarar ka yanke, ka zama dutse. Kada ka jinkirta. Kada ka bar tsoro ya rubuta tarihin ka. Ka rubuta shi da azama. Idan kana da ra'ayi? To ka kasance mai azama. _Mahdi Dahiru Sanda https://t.me/Mahdisanda