I got a bad idea🚬

Oylik tushdi

Bugungi kunda istagan film yoki serialimni o‘zimga qulay vaqtda ko‘rishim mumkin. Kompyuterni ochaman, qidiraman, tanlayman va tomosha qilaman. Ammo, kompyuterdan o‘zim izlab yoqsam, bu shunchaki ongli va rejalashtirilgan ishga aylanadi. Televizorda esa biror sevimli filming yoki serialingni tasodifan uchratib qolishing butunlay boshqacha tuyg‘u beradi. Miya buni kutilmagan, yoqimli sovg‘adek qabul qiladi. Xuddi ko‘chada anchadan beri ko‘rishmagan eski qadrdoningga duch kelib qolgandek. Merlin men uchun shunaqa serial. Qizig’i qanchalik suymay, biror marta internetdan ataylab qidirib ko‘rmaganman. Ammo televizorda berib qolsa, kanalni almashtirmayman. Shu payt bolaligimda darslarni tezroq tugatib, serialning efir vaqtini kutganlarim, boshlanishi bilan televizor qarshisiga ittey yugurganlarim ko‘z oldimdan o‘tadi. Hozir imkoniyat ko‘p, lekin tanlov horg‘inligidan charchash bor. Televizor esa tayyor kontentni beradi, miya ortiqcha qaror qabul qilmay, shunchaki xordiq chiqaradi. Texnologiya har qancha rivojlanmasin, kompyuterimda har qanday qulaylik bo‘lmasin, bolalikdagi o‘sha tasodifiy quvonch hissini topish qiyin ekan. Shu sabab har zamonda teleprogrammalarga qarab qo‘yaman - bugun qanaqa kino bor ekan deb )

Bugungi kun

Ilmiy-fantastikaning kinodagi eng yorqin na’munalaridan biri olmonlar tarafidan ishlagan “Zulmat” (Dark) seriyalidir. Ushbu seriyalni nemis tilida, inglizcha subtitlelar bilan koʻrganman. Netflix’dan ham ilk obunani mana shu seriyalga boʻlgan kuchli qiziqish sabab sotib olganman. Seriyal oʻzining murakkab syujeti, pessimistik, sovuq va falsafiy yondashuvi bilan menga gʻoyat ajib hissiyotlarni bergan. Kartinada mening nazarimdagi eng koʻp koʻtarilgan gʻoya “Qilayotgan ishimiz o'tmishni o'zgartiradimi yoki kelajaknimi?” degan savoldir. Voqealar ham aynan mana shu savol atrofida qayta-qayta kesishaveradi. Ishoning, bu mavzu haqida soatlab oʻqiladigan tarzda maqola yozishim mumkin ammo Geekxona’dagilar buni navbatdagi podkast’da juda ajoyib tarzda yoritishibdi. https://youtu.be/F-EdVhENjSI?si=QqLtwN125MvYWpYf

#anons Uchinchi sonimizning mavzusi Anime olami. Mehmonimiz - Lestat Anime bolalar uchun multfilmmi ? Agar siz hali ham shunday deb o‘ylasangiz, keyingi sonimiz aynan siz uchun. Eng qizig‘i, anime bitta janr yoki bitta auditoriyaga mo‘ljallangan olam emas. Bu yerda bolalar uchun sodda va quvnoq dunyolardan tortib, o‘smirlik davrining murakkab kechinmalarini aks ettiradigan asarlargacha, kattalar uchun esa og‘ir, falsafiy va psixologik mavzularni ko‘taradigan ummon-ummon hikoyalar bor. Xullas keyingi sonimizda internetda yillardan beri davom etayotgan anime yosh bolalar uchun degan stereotip va bahslarga nuqta qo‘ymoqchimiz. Youtube sahifamizga obuna bo'lishni unutmang. @geekxona

Nima bo‘sayam, nimadir qib turamiz.

Тоба одамлар Ютюбни ишхонада кўрадими дейманда. "Дам олиш кунлари одамлар уйида дамоп Ютип кўради" деб ўйлаб, видео қўйсанг учмайди. Иш кунлари қўйсанг иттай кўрилади🤣

Ikkinchi sonimizni ham eson-omon youtubega joylavoldik. Xatolar ustida ishladik, o'ylaymanki, bu safar sifatliroq chiqdi - yaxshilanishda davom etamiz. Xullas, ohirgi 10 kunda ichingizga yig'lib qolgan barcha dardni va fikrlarni izohlarda qoldirishingiz mumkin. Layk, isiriq va duo ham esdan chiqmasin. Videoni ko'rich uchun bosing.

Karllar reading listi Shu post izohiga tavsiya qiladigan asarlaringizdan yozib keting. Yil hamda janri bo‘lsa - nur ustiga nur. P.s: sonini ahamiyati yo‘q.

Karllar watch listi Shu post izohiga: - film - serial - anime - multfilm tavsiyalaraingizni yozib keting. Yil hamda janri bo‘lsa - nur ustiga nur.

Anvar Obidjon O‘qidi: Jasur Karamazov Bratim kusheyib ketibdilar😁

Oilaviy filmlarning borligi yaxshi. Bu birlashish, o‘zaro fikr almashish, umuman qanchadir vaqtga chinakam oila bo‘lish imkonini beradi. Yil hisobidan shunaqasidan ikkitasini ko‘rdim, biri - Project Hail Mary, ikkinchisi - The Sheep Detectives. Film juda samimiy va o‘zgacha boshlanadi: har kuni kechasi qo‘ylariga detektiv romanlarni o‘qib beradigan cho‘pon to‘satdan o‘ldirib ketiladi. Politsiya o‘zicha ovora bo'lib yurgan bir paytda, har kuni kitob eshitib detektivlikni o‘rganib olgan qo‘ylar xo'jayinini qasosini olish va haqiqatni aniqlashtirish uchun surishtiruvni o‘z tuyoqlariga olishadi. Bir qarashda absurd, bolalarcha komediya, lekin film ko‘nglimni ancha yorishtirdi. Ayrim kinolardagi kabi ortiqcha shafqatsizlik yoki miyani g‘ash qiladigan tushkunlik yo‘q. Angliyaning sokin qishloq manzaralari va kadrdagi umumiy kayfiyat kishiga bir dunyo shinamlik bag'ishlaydi. Hikoya chizig‘i va izquvarcha elementlari ham joyida. Ayniqsa, o‘lim mavzusini odamning dimog‘iga uradigan g‘amginlik yoki dahshat bilan emas, balki qandaydir bir xazonrezgi, ammo iliq va xotirjam kayfiyat bilan ochib berolishgan. O‘zi bolalar va oilaviy kinolarda yaqin insonning yo‘qotilishi mavzusini ko‘rsatish juda murakkab - yoki bolalarcha yuzaki, yoki o‘ta og'irlashtirib yuborishadi. Bu yerda esa o‘sha oltin oraliq topilgan. Tavsiya qilaman. 7.5/10

Paradoks Mehmon kelishidan oldin bir soat ichida uyda yashash uchun mutlaqo to‘g‘ri kelmaydigan darajada ideal tartib yaratiladi.

Kun fakti Hammaning uyida yozmaydigan, lekin tashlab ham yuborilmaydigan ruchka bor.

Edvard Norton 57 yoshga to‘libdi. Hali ham navqiron ko‘rinyapti. Yaqin orada shedevrlar kutib qolamiz.

Aytgancha bugun Bad poetry day. Hoshimjon Ro‘zining quyidagi sh'eri bilan bu qutlug' kunni sharaflasak: Ko‘chalar, o‘o‘o‘ begona ko‘chalar, Stolba lip-lip qildi, Mushuk deydi miyov-miyov, Pitpildig'im qaydasan... Izohlarda ijod namunalaringizni ulashishingiz mumkin )

Gilermo del Toroning Pinokkiosini ko‘rdim. Vizual tomonlama haqiqiy shedevr, hikoya chizig‘i ham chakki emas. Tavsiya qilaman, ko‘ringlar. 8/10

Eng ashaddiy va xavfli fashizim o‘zini o‘ta madaniyatli, aqlli, ekologiyani asraydigan, tolerant va kitobxon deb hisoblaydigan elita qatlam ichida yashaydi. Ular o‘z qadriyatlariga mos kelmaydigan har qanday oddiy odamni madaniyatsiz, nodon deb hisoblaydi va jamiyatdan butunlay o‘chirib tashlashga tayyor turadi. Tarixdagi eng daxshatli jinoyatchilarning ko‘pchiligi klassik musiqani sevgan, asarlar yozgan va oliy ma‘lumotli bo‘lgan. Men aqlliman va haqman degan mutloq ishonch insonga boshqalarni jazolash uchun ma‘naviy huquq bergandek bo'ladi. Shulardan bittasi - man

Kampirim bilan bir yil yashab qo‘yibmiz. O‘tgan yil shu vaqtda to‘yxonada tirjayib o‘tirgandik )