Arakan Princess Media

ရက္ခိုင်သက္ကရာဇ် ၁၃၈၈ ခုနှစ်၊ နံယုန်လပြည့်ကျော် (၁) ရက် ၊ ခရစ်နှစ် ၂၀၂၆ ခုနှစ်၊ ဂျူလိုင် ( ၁ ) ရက်၊ Arakan Princess Media ၏ ရုပ်သံသတင်းအစီအစဉ်

သာလီစွ ညဇာဖက်ပါ  ..                                                ရက္ခိုင်သက္ကရာဇ် ၁၃၈၈ ခုနှစ်၊ နံယုန်လပြည့်ကျော် (၂)ရက် ၊ ခရစ်နှစ် ၂၀၂၆ ခုနှစ်၊ ဂျူလိုင် ( ၁ ) ရက်၊ Arakan Princess Media ၏ ညဇာဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။   ဒေနိ ညဇာဖက်အစီစဉ်မာ မိခိုင်ဌေး  နန့် မေယုစံ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။   ဒေနိ မိုးထဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−   (၁) ပထမအကြိမ် အာရက္ခလောင်ပေါ် ဖွင့်ပွဲမာပထမဆု သိန်း ၅၀၀ ဆု အပါအဝင် ပေါက်မဲနံပတ်တိ ထွက်ပေါ်ရေ သတင်း၊ ‎ (၂) ဘူးသီးတောင်ကို  စကမ ဗုံးကြဲ၊ မူဆလင်ချေ ၁ ယောက် ဒဏ်ရာရရေ သတင်းနန့်   (၃) မင်းပြားမာ အမျိုးသားတယောက် ရီမြုပ်သီဆုံးရေပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။    Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် Website, YouTube, Facebook, ရို့မာဝင်ရောက်နားထောင်နိုင်ပြီးကေ FM Frequency 90.30 Mhz  မာလည်းဝင်ရောက်နားထောင်နိုင်ပါရေ။   Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။   အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။ #APM          #  အာရက္ခမင်းသမီးသတင်းမီဒီယာ #APMFM ===============     YouTube Link: https://www.youtube.com/channel/UC2pqSWqtEsKY1Cxh-u-KelQ   Facebook Link: https://www.facebook.com/share/1BUywNudAL/

ကျောက်ဖြူ၊ မဒေးကျွန်း၌ ဖြစ်ပေါ်ခသော အငယ်စား ရီနံယိုစိမ့်သည့် နီရာကို CNPC ရီနံကုမ္ပဏီမှ ရှာဖွီ၍ ပြန်လည်ပြုပျင် ဆောင်ရွက်ပြီးစီးကြောင်း သိဟိရ APM၊ ဂျုလိုင် ၁ / ၂၀၂၆ အာရက္ခပြည်၊ ကျောက်ဖြူမြို့နယ်၊ မဒေးကျွန်းဟိ China National Petroleum Corporation (CNPC) ကုမ္ပဏီ၏ ရီနံသိုလှောင်ကန်နန့် အညစ်အကြေးစွန့်စက်ရုံကြား၌ အနည်းငယ်ဖြစ်ပေါ်ခသော အငယ်စားရီနံယိုစိမ့်သည့်နီရာကို CNPC မှ အယင်ဆုံး ရှာဖွီ၍ ပြန်လည်ပြုပျင်ပြီးဖြစ်ကြောင်း မဒေးကျွန်းရီနံစောင့်ကြည့်ရီးအဖွဲ့ နန့် ဒေသခံပြည်သူများထံမှ သိရသည်။ ကုန်ခသည့် ဂျုန်လ ၂၁ ရက်နိက ကျောက်ဖြူမြို့နယ်၊ မဒေးကျွန်းဟိ CNPC ကုမ္ပဏီ၏  ရီနံဆီသိုလှောင်ကန်နန့် အညစ်အကြေးစွန့်ပစ်စက်ရုံအကြားဟိ Pump Stations နီရာဝန်းကျင်မှ အငယ်စား ရီနံယိုစိမ့်မှုတချို့ ဖြစ်ပေါ်ခပြီး အေဂုအချိန်တွင် ယင်းယိုစိမ့်ခသည့်နီရာကို အချိန်မီ ပြုပျင်ဖာထီးနိုင်ခပြီးဖြစ်သည်ဟု ရီနံယိုစိမ့်မှုကို စောင့်ကြည့်နီသော ဒေသခံပြည်သူများက ပြောသည်။ လက်ဟိတွင် အဆိုပါအငယ်စားယိုစိမ့်မှုကို ပြန်လည်ထိန်းချုပ်နိုင်ခဗျာယ်ဖြစ်ပြီး ယိုစိမ့်မှု လုံးဝ  မဟိသည့် အဆင့်သို့ရောက်ဟိရန် ရက်အနည်း ငယ်လို အပ် လိမ့်မည်ဟုလည်း အဆိုပါ ရီနံယိုစိမ့်မှု စောင့်ကြည့်နီသူများဖက်က မှတ်ချက်ပြုပြောဆိုသည်။ ဆက်လက်၍လည်း CNPC ကုမ္ပဏီမှ တာဝန်ဟိသူများနန့် ဝန်ထမ်းများသည်နောက်ထပ် အငယ်စား ရီနံဆီယိုစိမ့်မှုဟိလာနိုင်သည်ဟု သံသယဟိသော နီရာများကို ဘတ်ဟိုးများဖြင့် တူးဖော် ရှာဖွီကာ ပြန်လည်ပြုပျင်ဆောင် ရွက်လျက်ဟိကြောင်း သိရသည်။ ယင်းပြင် ရီနံယိုစမ့်မှုနန့်ပတ်သက်၍ ထပ်မံ ယိုစိမ့်မှု ဟိလာမည်ကို ၎င်းရို့အနီဖြင့် အထူး သတိထားစောင့်ကြည့်လျက်ဟိကြောင်းလည်း ရီနံယိုစိမ့်မှုစောင့်ကြည့်သူများက ပြောပါသည်။ အစောပိုင်းက အဆိုပါ ရီနံယိုစိမ့်မှုမာ မဒေးကျွန်းအနားဟိ သံဇစ်မြစ်အတွင်း သို့ စိမ့်ဝင်ရောက်ဟိလာမည်ကို ဒေသခံများ စိုးရိမ်နီခကတ်သော်လည်း ယိုစိမ့်မှုစတင်ဖြစ်ပွားခသည့် နိရက်မှစ၍ဆယ်ရက်အကြာ လက်ဟိအချိန်ထိ သံဇစ်မြစ်အတွင်း ရီနံဆီယိုစိမ့်မှုနောက်ဆက်တွဲ လက္ခဏာရပ်များဖြစ်သော မြစ်ပြင်ထက်၌ ဆီများပေါလောပေါ်နီခြင်း၊ ရီနီ၊ ကုန်းနီသတ္တဝါများ သီဆုံးခြင်းများကို လောလောဆယ်မတွိရသိမ့်ကြောင်း ဒေသခံပြည်သူများက ဆိုပါသည်။ China National Petroleum Corporation(CNPC) ကုမ္ပဏီသည် တရုတ်နိုင်ငံပိုင် ရီနံနန့် သဘာဝဓာတ်ငွိ ကုမ္ပဏီကြီးဖြစ်ပြီး ကမ္ဘာ့အကြီးဆုံး စွမ်းအင်ကုမ္ပဏီများထဲမှ တခု ဖြစ်သည်။ Photo- Xinhua

ဘူးသီးတောင်ကို  စကမ ဗုံးကြဲ၊ မူဆလင် အချေ ၁ ဦး ဒဏ်ရာရ APM၊ ဂျူလိုင် ၁ / ၂၀၂၆ ဘူးသီးတောင်မြို့နယ်ကို ဂနိ(ဂျူလိုင် ၁ ရက်နိ) မိုးထ ၁ဝ နာရီ ၄၅ မိနစ်တွင် ဖက်ဆစ် အကြမ်းဖက် စစ်ကော်မသျှန်မှ လီကြောင်း ဗုံးကြဲတိုက်ခိုက်မှုကြောင့် မူဆလင် အချေ ၁ ဦး ဒဏ်ရာ ပြင်းပြင်းထန်ထန် ရလားကြောင်း သိရသည်။ ဒဏ်ရာရလားသူမာ ဘူးသီတောင်မြို့နယ်၊ ဝါချီးလာ(မူဆလင်)ရွာမှ ဘာဆဲလ်၏သား  ဆော်တူလာမိန်(၁၁ နှစ်) ဖြစ်သည်။ ဂနိ၊ မိုးထ ၁၁ နာရီ ၄၅ မိနစ်တွင် ဘူးသီးတောင်မြို့အနားဟိ ရွာတချို့ကို ဦးတည်ကာ စစ်ကော်မသျှန်၏ ဂျက်ဖိုက်တာ ၂ စီး၊ Y-12 လီယာဥ် ၁ စီးရို့ဖြင့် ဗုံးကြဲတိုက်ခိုက်မှုများ ပြုလုပ်ခကြောင်း ဒေသခံတဦးမှ Arakan Princess Media ကိုပြောဆိုသည်။ ယင်းအထဲက ဗုံးသီး ၂ လုံးသည် ဝါချီးလာ(မူဆလင်)ရွာနားဟိ လယ်ကွင်းတွင် ကျရောက်ပေါက်ကွဲခပြီး ဆော်တူလာမိန်၏ ဘယ်ဖက်ပေါင်အရိုးကျိုးလားကာ အရေးပေါ်ဆီးကုသမှု ခံယူလျက်ဟိကြောင်း သိရသည်။ အာရက္ခစစ်မျက်နှာတွင် အယှုံးများနန့်သာ ရင်ဆိုင်နီရသည့် ဖက်ဆစ် အကြမ်းဖက် စစ်ယှုံး စစ်ကော်မသျှန်တပ်သည် ယှုံးမဲမဲကာ တိုက်ပွဲနန့် လုံးဝမသက်ဆိုင်သည့် အရပ်သားပြည်သူများနီထိုင်ရာ မြို့ရွာများအား ဦးတည်၍ ရည်ရွယ်ချက်ဟိဟိ နိစဉ်ရက်ဆက် လီကြောင်းမှ ဗုံးကြဲတိုက်ခိုက်လျက်ဟိသည်။ Photo- Arakan Princess Media

ပထမအကြိမ် အာရက္ခလောင်ပေါ် ဖွင့်ပွဲ၌ပထမဆု သိန်း ၅၀၀ ဆု အပါအဝင် ပေါက်မဲနံပတ်များ ထွက်ပေါ် APM ၊ ဂျုလိုင် ၁ / ၂၀၂၆ အာရက္ခပြည်သူ့တော်လှန်ရီးအစိုးရ၊ ဗဟိုအကောက်ခွန်နန့် အခွန်ဌာန၊ လောင်ပေါ်ဌာနခွဲ၏ ပထမဆုံးအကြိမ် အာရက္ခလောင်ပေါ်ဖွင့်ပွဲကို ဂနိ (ဂျူလိုင် ၁ ရက်)နိ၊ နိခင်းပိုင်း၌ ထုတ်လွှင့်ရာ သိန်း ၅၀၀ ဆုအပါအဝင် ပေါက်မဲ နံပတ်များမာ အောက်ပါအတိုင်းဖြစ်သည်။ ပထမဆု သိန်း ၅၀၀ ဆု ပေါက်မဲနံပတ် ( 323692) ဒုတိယဆု သိန်း ၃၀၀ ဆု ပေါက်မဲနံပတ် (116482) တတိယဆု သိန်း ၂၀၀ ဆု ပေါက်မဲနံပတ် (079645) သိန်း ၅၀ ဆု ပေါက်မဲနံပတ်များမာ 331004 168447 220538 110036 292678 165555 ရို့ဖြစ်ပါသည်။ ကျန်ဟိနီသည့် ကျပ်သိန်း ၁၀ ဆုအတွက် ပေါက်မဲနံပတ် ၁၀ နန့်  ကျပ်သိန်း ၅ သိန်းဆုအတွက် ပေါက်မဲ၂၀ရို့ကို ထပ်မံ ဖော်ပြပီးလားမည် ဖြစ်ပါ သည်။

သာလီစွ မိုးထဖက်ပါ  ..                                                ရက္ခိုင်သက္ကရာဇ် ၁၃၈၈ ခုနှစ်၊ နံယုန်လပြည့်ကျော် (၂)ရက် ၊ ခရစ်နှစ် ၂၀၂၆ ခုနှစ်၊ ဂျုလိုင် ( ၁ ) ရက်၊ Arakan Princess Media ၏ မိုးထဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။   ဒေနိ ညဇာဖက်အစီစဉ်မာ ဓညဦး နန့် မေယုစံ ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။   ဒေနိ မိုးထဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−   (၁) အာရက္ခပြည်အတွင်း လယ်ယာမြီတိကို လုပ်ထုံးလုပ်နည်းတိနန့် မညီဘဲ ရောင်းချ၊ ဝယ်ယူ၊ အကွက်ရိုက်စွာနန့် အခြားနည်းလမ်း အသုံးပြုစွာရို့ကို ULA တားမြစ်မိန့် ထုတ်ပြန်ရေ သတင်း၊ ‎ (၂) အာရက္ခဒေသမာ ၁ လအတွင်း ဒေသခံ ၂၇ ရီမြုပ်သီဆုံးရေ သတင်းနန့်   (၃)စစ်တွေမာ တရက်တည်းမာ  အမျိုးသား ၆ ယောက်ဖမ်းဆီးခံရရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။    Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် Website, YouTube, Facebook, ရို့မာဝင်ရောက်နားထောင်နိုင်ပြီးကေ FM Frequency 90.30 Mhz  မာလည်းဝင်ရောက်နားထောင်နိုင်ပါရေ။   Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။   အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။ #APM          #  အာရက္ခမင်းသမီးသတင်းမီဒီယာ #APMFM ===============     YouTube Link: https://www.youtube.com/channel/UC2pqSWqtEsKY1Cxh-u-KelQ   Facebook Link: https://www.facebook.com/share/1BUywNudAL/

အာရက္ခပြည်သူ့တော်လှန်ရီးအစိုးရ၏ " ပထမအကြိမ်အာရက္ခလောင်ပေါ်ဖွင့်ပွဲ" အခမ်းအနား ဂနိ ကျင်းပမည် APM၊ ဂျုလိုင် ၁ / ၂၀၂၆ အရက္ခပြည်သူ့တော်လှန်ရီးအစိုးရ၊ ဗဟိုအကောက်ခွန်နန့် အခွန်ဌာန၊ လောင်ပေါ်ဌာနခွဲ၏ ပထမဆုံးအကြိမ် "အာရက္ခလောင်ပေါ်ဖွင့်ပွဲ"အခမ်းအနားကို ဒေနိ (ဂျူလိုင် ၁ ရက်)နိ၊ နိခင်းပိုင်း၌ တိုက်ရိုက် ထုတ်လွှင့်လားမည်ဖြစ်ပြီး အောက်ပါ သတင်းမီဒီယာ Page များတွင် ဝင်ရောက်ကြည့်ရှုနိုင်ပါသည်။ https://www.facebook.com/share/1DCLB3gAeT/ https://www.facebook.com/share/18v7B1FEvw/ အာရက္ခလောင်ပေါ် ဖွင့်ပွဲအခမ်းအနားတွင် အမြင့်ဆုံး ကျပ်သိန်း ၅၀၀နှင့် ကျပ်သိန်း ၃၀၀၊ ကျပ်သိန်း ၁၀၀၊ ကျပ်သိန်း ၅၀၊ ကျပ်သိန်း ၂၀၊ ကျပ် ၁၀ သိန်း စုစုပေါင်း ဆုမဲအရေအတွက် ၃၉ ဆု ချီးမြှင့်လားမည် ဖြစ်သည်။

အာရက္ခပြည်အတွင်း လယ်ယာမြီများအား လုပ်ထုံးလုပ်နည်းများနန့် မညီဘဲ ရောင်းချ၊ ဝယ်ယူ၊ အကွက်ရိုက်ခြင်းနန့် အခြားနည်းလမ်း အသုံးပြုခြင်းရို့အား ULA တားမြစ်မိန့် ထုတ်ပြန် APM၊ ဂျူန် ၃၀ / ၂၀၂၆ အာရက္ခပြည်အတွင်း လယ်ယာမြီများအား မြီယာဆိုင်ရာဥပဒေ/လုပ်ထုံးလုပ် နည်းများနန့်မညီဘဲ ရောင်းချခြင်း၊ဝယ် ယူခြင်း၊ အကွက်ရိုက်ခြင်းနန့် အခြားနည်းလမ်းအသုံးပြုခြင်းရို့အား ရက္ခိုင်အမျိုးသားဖွဲ့ချုပ် ( ULA)  ဂျူန် ၂၉ ရက်နိတွင်  တားမြစ်မိန့် ထုတ်ပြန်လိုက်သည်။ အာရက္ခပြည်အတွင်း မြီယာဥပဒေ / လုပ်ထုံးလုပ်နည်းများ၊ မြီယာစီမံခန့်ခွဲမှုဆိုင်ရာအမိန့်၊ ညွှန်ကြားချက်များနန့်အညီ လယ်ယာမြီများကို စနစ်တကျ  စီမံခန့်ခွဲနိုင်ရီးအတွက် ရက္ခိုင်အမျိုး သားအဖွဲ့ချုပ်၊ ဗဟိုဌာနချုပ်ရုံးအနီဖြင့် အောက်ပါအတိုင်း အချက် ( ၅) ချက်ဖြင့် အမိန့် ထုတ်ပြန်လိုက်သည်။ ၁။ ဇာသူမျှ လယ်ယာမြီကို သက်ဆိုင် ရာခွင့်ပြုချက်မဟိဘဲ လူနီအိမ်ခြံမြီ၊ စီးပွားရီးလုပ်ငန်းဆိုင်ရာမြီကွက် သို့မ ဟုတ် အခြားနည်းအသုံးပြုရန်အတွက် အကွက်ရိုက်ခြင်း၊ ရောင်းချခြင်း၊ ဝယ်ယူခြင်း၊ လွှဲပြောင်းခြင်း၊ အငှားချခြင်း မပြုရ။ ၂။ လယ်ယာမြီများတွင် သက်ဆိုင်ရာခွင့်ပြုချက်မဟိဘဲ မြီဖို့ခြင်း၊ လမ်း ဖောက်ခြင်း၊ ခြံစည်းရိုးကာရံခြင်း၊ အဆောက်အအုံဆောက်လုပ်ခြင်း  သို့မဟုတ် မြီအသုံးပြုမှုပြောင်းလဲစီသော လုပ်ငန်းများကို မဆောင်ရွက်ရ။ ၃॥ မီဒီယာများ၊ လူထုဆက်သွယ်ရီးနည်းလမ်းများနန့် အခြားမည်သည့်  နည်းလမ်းများဖြင့်မဆို လယ်ယာမြီ များကို ဥပဒေနန့်မညီဘဲ ရောင်းချရန်၊ ဝယ်ယူရန်၊ ရင်းနှီးမြှုပ်နှံရန် ကြော်ငြာခြင်း မပြုရ။ ၄။ ဤအမိန့်ကို ဖောက်ဖျက်ကျူးလွန်သူများအား မြီယာဆိုင်ရာဥပဒေများနန့် လုပ်ထုံးလုပ်နည်းဆိုင်ရာ ညွှန်ကြား ချက်များအရ အရေးယူဆောင်ရွက်လားမည်ဖြစ်ပြီး ဥပဒေမဲ့ လုပ်ဆောင်ထားသော လုပ်ငန်းများကို ဖျက်သိမ်းခြင်း၊ရပ်ဆိုင်းစီခြင်းနန့်တရားစွဲဆိုခြင်း များ ပြုလုပ်လားမည် ဖြစ်သည်။ ၅။ ဤအမိန့်သည် ကြေညာချက်ထုတ်ပြန်သည့်နိမှစ၍ အတည်ဖြစ်သည်ဟု ဖော်ပြထားပါသည်။ ယင်းအပြင် ရက္ခိုင်အမျိုးသားအဖွဲ့ချုပ် ( ULA) မှ တားမြစ် ​အမိန့်ထုတ်ပြန်လိုက်သည့် လယ်ယာမြီများအား မြီယာဆိုင်ရာ ဥပဒေ/လုပ်ထုံးလုပ်နည်းများနန့်မညီဘဲ ရောင်းချခြင်း၊ ဝယ်ယူခြင်း၊ အကွက်ရိုက်ခြင်းနန့် အခြားနည်းလမ်း အသုံးပြုခြင်းရို့အား မပြုလုပ်ကတ်ရန် အာရက္ခပြည်သူရို့အား အလီးအနက် တိုက်တွန်းထားပါသည်။ Photo- Arakan Princess Media

ရက္ခိုင်သက္ကရာဇ် ၁၃၈၈ ခုနှစ်၊ နံယုန်လပြည့်ကျော် (၁) ရက် ၊ ခရစ်နှစ် ၂၀၂၆ ခုနှစ်၊ ဂျုန်လ ( ၃၀) ရက်၊ Arakan Princess Media ၏ ရုပ်သံသတင်းအစီအစဉ်

သာလီစွ ညဇာဖက်ပါ  ..                                                ရက္ခိုင်သက္ကရာဇ် ၁၃၈၈ ခုနှစ်၊ နံယုန်လပြည့်ကျော် (၁)ရက် ၊ ခရစ်နှစ် ၂၀၂၆ ခုနှစ်၊ ဂျုန်လ ( ၃၀ ) ရက်၊ Arakan Princess Media ၏ ညဇာဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။   ဒေနိ ညဇာဖက်အစီစဉ်မာ စံသိန်းထွန်း နန့် စံသိမ်းနု ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။   ဒေနိ ညဇာဖက်အစီအစဉ်မာ နားထောင်ကတ်ရဖို့  သတင်းတိကတော့ခါ −−−−   (၁) ကျိန္တလီမြို့နန့်ရေကျော်ရွာကို စကမ ဗုံးချမှု ဖြစ်စဉ်အတွင်း ဒဏ်ရာရလားသူများထဲက အချေတယောက် ထပ်လို့ သီဆုံးရေ သတင်း၊ ‎ (၂) အာရက္ခလောင်ပေါ် ကို နက်ဖြန် (ဂျူလိုင် ၁ ရက်)နိဖွင့်လှစ်ဖို့ဆိုရေ သတင်းနန့်   (၃) အာရက္ခပြည်မာ ၆ နှစ်တိုင်တိုင်ရပ်နားခရရေ ဗုဒ္ဓဓမ္မပရိယတ္တိ စာမိန်းပွဲကို အာရက္ခပြည်သူ့တော်လှန်ရီးအစိုးရလက်ထက် ပထမဆုံးအကြိမ်ကျင်းပရေ ပြည်တွင်းသတင်း  အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။    Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် Website, YouTube, Facebook, ရို့မာဝင်ရောက်နားထောင်နိုင်ပြီးကေ FM Frequency 90.30 Mhz  မာလည်းဝင်ရောက်နားထောင်နိုင်ပါရေ။   Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။   အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။ #APM          #  အာရက္ခမင်းသမီးသတင်းမီဒီယာ #APMFM ===============     YouTube Link: https://www.youtube.com/channel/UC2pqSWqtEsKY1Cxh-u-KelQ   Facebook Link: https://www.facebook.com/share/1BUywNudAL/