កម្រង​រដ្ឋ​បាល&នីតិ​សាធារណៈ​ ផ្សេង​ៗ

អត្ថន័យនៃហ៊ីប៉ូតែក

វីដេអូសង្ខេបសម្តេចមហាបវរធិបតី ហ៊ុន ម៉ាណែត​​ នាយករដ្ឋមន្ត្រី នៃព្រះរាជាណាចក្រកម្ពុជា​​ អញ្ជើញជាអធិបតីក្នុងពិធី “ប្រគល់សញ្ញាបត្រជូនដល់និស្សិតជ័យលាភី និងសម្ពោធអគារសិក្សា នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច” ។ រាជធានីភ្នំពេញ ព្រឹកថ្ងៃព្រហស្បតិ៍ ទី៦ សីហា ២០២៦ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

ជាមហាកិត្តិយសដ៏ធំក្រៃលែងក្នុងឱកាសនៃការប្រគល់សញ្ញាបត្រនេះ ខ្ញុំ​បាទក្នុងនាមជានិស្សិតជ័យលាភី ថ្នាក់បរិញ្ញាបត្រជាន់ខ្ពស់នីតិសាស្រ្ត នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានទទួលសញ្ញាបត្រដោយផ្ទាល់ ក្រោមអធិបតីភាពដ៏ខ្ពង់ខ្ពស់បំផុត ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា🙏🏻❤️️។ ថ្ងៃ៦ ខែសីហា ឆ្នាំ២០២៦

ចូលរួមប្រគល់សញ្ញាបត្រជូននិស្សិតជ័យលាភីថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ចំនួន៤.០០១ អង្គ/នាក់ និងសម្ពោធអគារសិក្សា ចំណត និងការិយាល័យកម្ពស់៦ជាន់ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បាននិងកំពុងដើរតួនាទីយ៉ាងសំខាន់ ក្នុងការបណ្តុះបណ្តាលធនធានមនុស្សផ្នែកច្បាប់ រដ្ឋបាលសាធារណៈ សេដ្ឋកិច្ច និងផ្នែកផ្សេងៗទៀត ដើម្បីបម្រើឲ្យការអភិវឌ្ឍសេដ្ឋកិច្ច និងសង្គមនៅកម្ពុជា។ គិតចាប់ពីឆ្នាំ១៩៨២ ដល់បច្ចុប្បន្ននេះ សិក្ខាកាម និងនិស្សិតដែលបានបញ្ចប់ការសិក្សាជាស្ថាពរសរុបជាង ៧ម៉ឺន៤ពាន់នាក់ ក្នុងនោះនិស្សិតបរទេសមានចំនួន ២៦៨នាក់ផងដែរ។ និស្សិតជ័យលាភីទាំងនោះកំពុងបម្រើការងារនៅក្នុងក្រសួងស្ថាប័នរដ្ឋ វិស័យឯកជន និងខ្លះទៀតកំពុងប្រកបអាជីវកម្មផ្ទាល់ខ្លួន ប្រកបដោយសមត្ថភាព សេចក្តីថ្លៃថ្នូរ និងកិត្តិយស។ សមិទ្ធផលទាំងនេះ គឺជាផ្លែផ្កាដ៏មានតម្លៃ ដែលកើតចេញពីការយកចិត្តទុកដាក់ និងការវិនិយោគជាបន្តបន្ទាប់របស់រាជរដ្ឋាភិបាលក្នុងការអភិវឌ្ឍធនធានមនុស្ស និងលើកកម្ពស់គុណភាពឧត្តមសិក្សា។ ការពង្រឹងហេដ្ឋារចនាសម្ព័ន្ធអប់រំ ការពង្រីកឱកាសទទួលបានការអប់រំប្រកបដោយគុណភាព និងការបណ្តុះបណ្តាលធនធានមនុស្សប្រកបដោយសមត្ថភាព គឺជាមូលដ្ឋានគ្រឹះដ៏សំខាន់សម្រាប់ការអភិវឌ្ឍជាតិប្រកបដោយចីរភាព។ រាជធានីភ្នំពេញ ព្រឹកថ្ងៃព្រហស្បតិ៍ ទី៦ សីហា ២០២៦ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យ ពិភាក្សា និងប្រមូលធាតុចូលលើឯកសារទស្សនាទានស្តីពីអភិបាលកិច្ចផ្ទៃក្នុងរបស់ក្រសួងយុត្តិធម៌ ==================== នៅរសៀលថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យ ពិភាក្សា និងប្រមូលធាតុចូលលើឯកសារទស្សនាទានស្តីពី "អភិបាលកិច្ចផ្ទៃក្នុងរបស់ក្រសួងយុត្តិធម៌"​ ដោយមានការអញ្ជើញចូលរួមពីសំណាក់ថ្នាក់ដឹកនាំ និងប្រធានអង្គភាពពាក់ព័ន្ធចំណុះក្រសួងយុត្តិធម៌ សរុបប្រមាណ ៣០រូប។ កិច្ចប្រជុំនេះ បានផ្តោតលើរបៀបវារៈសំខាន់ៗចំនួន ៣ រួមមាន៖ ១. ឯកសារទស្សនាទានស្តីពីការវិភាគមុខងារ និងការកែសម្រួលរចនាសម្ព័ន្ធរបស់ក្រសួងយុត្តិធម៌ ២. ឯកសារទស្សនាទានស្តីពីការរៀបចំនីតិវិធីប្រតិបត្តិស្តង់ដា (SOP) សម្រាប់ការជ្រើសរើស និងការតែងតាំងមន្ត្រីរាជការស៊ីវិលដែលមានមុខតំណែងគ្រប់គ្រង នៃក្រសួងយុត្តិធម៌ ៣. របាយការណ៍វឌ្ឍនភាពស្តីពីការរៀបចំផែនការយុទ្ធសាស្ត្រ និងផែនការសកម្មភាពរបស់៖ -អគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ -អគ្គនាយកដ្ឋានកិច្ចការរដ្ឋប្បវេណី -អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) សមាសភាពចូលរួមក្នុងកិច្ចប្រជុំនេះ រួមមាន៖ ថ្នាក់ដឹកនាំជារដ្ឋលេខាធិការ អនុរដ្ឋលេខាធិការ អគ្គនាយក អគ្គលេខាធិការ អគ្គាធិការ និងប្រធានអង្គភាពពាក់ព័ន្ធទាំងអស់ចំណុះក្រសួងយុត្តិធម៌។

ឯកឧត្តម ឡុង គឹមឃន រដ្ឋលេខាធិការ ក្រសួងយុត្តិធម៌ តំណាងដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញចូលរួមជាកិត្តិយសក្នុង "ពិធីបើកកិច្ចប្រជុំរដ្ឋមន្រ្តីលើវិស័យមុខងារសាធារណៈអាស៊ានលើកទី២៣ (23rd ACCSM) និងអាស៊ានបូកបីលើកទី៨ (8th ACCSM+3) ស្តីពីកិច្ចការមុខងារសាធារណៈ” ====================== ខេត្តសៀមរាប៖ នាព្រឹកថ្ងៃពុធ ៧ រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៥ ខែសីហា ឆ្នាំ២០២៦ ឯកឧត្តម ឡុង គឹមឃន រដ្ឋលេខាធិការ ក្រសួងយុត្តិធម៌ តំណាងដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញចូលរួមជាកិត្តិយសក្នុង ពិធីបើកកិច្ចប្រជុំរដ្ឋមន្រ្តីលើវិស័យមុខងារសាធារណៈអាស៊ានលើកទី២៣ (23rd ACCSM) និងអាស៊ានបូកបីលើកទី៨ (8th ACCSM+3) ស្តីពីកិច្ចការមុខងារសាធារណៈ ក្រោមប្រធានបទ “នវានុវត្តន៍សម្រាប់ការផ្តល់សេវាសាធារណៈឱ្យកាន់តែប្រសើរឡើង” ក្រោមអធិបតីភាពដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានប្រព្រឹត្តទៅនៅសណ្ឋាគារសុខា ខេត្តសៀមរាប។ កិច្ចប្រជុំកម្រិតកំពូលតំបន់នេះ ត្រូវបានដឹកនាំរៀបចំដោយក្រសួងមុខងារសាធារណៈកម្ពុជា ដែលមានការអញ្ជើញចូលរួមពីសំណាក់សមាជិករដ្ឋសភា ព្រឹទ្ធសភា ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី ថ្នាក់ដឹកនាំមុខងារសាធារណៈនៃបណ្តាប្រទេសជាសមាជិកអាស៊ាន ព្រមទាំងប្រទេសដៃគូបូកបី (ចិន ជប៉ុន និងសាធារណរដ្ឋកូរ៉េ) និងអគ្គលេខាធិការអាស៊ាន តំណាងក្រសួង ស្ថាប័នថ្នាកជាតិ និងថ្នាក់ក្រោមជាតិ ព្រមទាំងអ្នកសារព័ត៌មានជាច្រើនរូប។ កិច្ចប្រជុំដ៏មានសារៈសំខាន់ស្ថិតក្រោមសសរស្តម្ភសង្គម និងវប្បធម៌របស់​អា​ស៊ាននេះ មានការអញ្ជើញចូលពីរដ្ឋមន្ត្រីមុខងារសាធារណៈនៃប្រទេសសមាជិក​អាស៊ាន អគ្គលេខាធិការអាស៊ាន និងរដ្ឋមន្ត្រីមុខងារសាធារណៈប្រទេសបូក៣ រួមមាន ចិន ជប៉ុន និងកូរ៉េខាងត្បូង។ គោលបំណងចម្បងនៃកិច្ចប្រជុំរដ្ឋមន្ត្រីមុខងារសាធារណៈអាស៊ានលើកទី២៣ (23rd ACCSM) និងអាស៊ានបូកបីលើកទី៨ (8th ACCSM+3) គឺដើម្បីជំរុញនវានុវត្តន៍ និងការធ្វើបរិវត្តកម្មឌីជីថលក្នុងរដ្ឋបាលសាធារណៈ សំដៅលើកកម្ពស់គុណភាព ប្រសិទ្ធភាព និងភាពឆ្លើយតបនឹងការផ្តល់សេវាសាធារណៈ ជូនប្រជាពលរដ្ឋឱ្យកាន់តែប្រសើរឡើង៕

សារលិខិតជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ក្នុងឱកាសខួបចម្រើនជន្មាយុគម្រប់ ៧៤ឆ្នាំ ឈានចូល ៧៥ឆ្នាំ សូមសម្តេចមានសុខភាពល្អបរិបូណ៌ កម្លាំងពលំមាំមួន បញ្ញាភ្លឺថ្លា និងជន្មាយុយឺនយូរ ដើម្បីដឹកនាំស្ថាប័នព្រឹទ្ធសភា ដែលជាស្ថាប័នកំពូលរបស់ជាតិឱ្យសម្រេចបាននូវសមិទ្ធផលថ្មីៗ ជូនជាតិមាតុភូមិបន្ថែមទៀត។ 🙏🙏🙏

សេចក្តីជូនដំណឹង ស្តីពី គោលការណ៍លើកលែងនិងអនុគ្រោះពន្ធលើការផ្ទេរកម្មសិទ្ធិឬសិទ្ធិកាន់កាប់អចលនទ្រព្យ

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំពិគ្រោះយោបល់ជាមួយអតីតប្រធានគណៈមេធាវី លើសេចក្តីព្រាងច្បាប់វិសោធនកម្មច្បាប់ស្ដីពីលក្ខន្តិកៈមេធាវី ===================   ទីស្តីការក្រសួងយុត្តិធម៌៖ នៅរសៀលថ្ងៃអង្គារ​ ៦រោច ខែទុតិយសាឍ​ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤​ ខែសីហា​ ឆ្នាំ២០២៦ នេះ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំដើម្បីពិគ្រោះយោបល់លើសេចក្តីព្រាងច្បាប់ស្តីពីវិសោធនកម្មច្បាប់ស្តីពីលក្ខន្តិកៈមេធាវី ជាមួយអតីតប្រធានគណៈមេធាវីទាំង ៧ រូប តំណាងឱ្យអាណត្តិទាំង ១៤ របស់គណៈមេធាវី នៃព្រះរាជាណាចក្រកម្ពុជា ដែលរួមមាន ឯកឧត្តមទេសរដ្ឋមន្ត្រី គី តិច, ឯកឧត្តមបណ្ឌិត សាយ បូរី, ឯកឧត្តម អាំង អេងថុង, ឯកឧត្តម ជីវ សុងហាក់, ឯកឧត្តម ប៊ុន ហុន, ឯកឧត្តម សួន វិសាល និងឯកឧត្តម លី ច័ន្ទតុលា។ កិច្ចប្រជុំនេះមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធមួយចំនួនរួមមាន ទីស្ដីការគណ:រដ្ឋមន្រ្តី​, ក្រុមប្រឹក្សាអ្នកច្បាប់នៃទីស្តីការគណៈរដ្ឋមន្រ្តី, ក្រសួងពាណិជ្ជកម្ម និងគណៈមេធាវីនៃព្រះរាជាណាចក្រកម្ពុជា ព្រមទាំងថ្នាក់ដឹកនាំ និងមន្ត្រីជំនាញនៃក្រសួងយុត្តិធម៌។   ជាលទ្ធផល, អតីតប្រធានគណៈមេធាវីទាំង ៧ រូប បានឯកភាពគាំទ្រលើការធ្វើវិសោធនកម្មនេះ និងបានផ្ដល់យោបល់ និងធាតុចូលបន្ថែម ដើម្បីឱ្យសេចក្ដីព្រាងច្បាប់វិសោធនកម្មនេះកាន់តែមានលក្ខណៈគ្រប់ជ្រុងជ្រោយ និងធានាបាននូវប្រសិទ្ធភាពខ្ពស់ក្នុងការអនុវត្ត។

សារលិខិតជូនពររបស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ សូមគោរពជូន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សនៃខួបចម្រើនអាយុវឌ្ឍនមង្គលរបស់ សម្តេចអគ្គមហាសេនាបតីតេជោ ហ៊ុន សែន ក្នុងជន្មាយុគម្រប់ ៧៤ឆ្នាំ ឈានចូល ៧៥ឆ្នាំ ដែលនឹងឈានចូលមកដល់នៅថ្ងៃទី៥ ខែសីហា ឆ្នាំ២០២៦ ខាងមុខនេះ

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំបន្តពិនិត្យ និងពិភាក្សាលើការរៀបចំធ្វើវិសោធនកម្មក្រមនីតិវិធីព្រហ្មទណ្ឌ ==================== ទីស្តីការក្រសួងយុត្តិធម៌៖ នៅព្រឹកថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំ ដើម្បីបន្តពិនិត្យ និងពិភាក្សាលើការរៀបចំធ្វើវិសោធនកម្មក្រមនីតិវិធីព្រហ្មទណ្ឌ។ កិច្ចប្រជុំនេះមានការអញ្ជើញចូលរួមពីសំណាក់ថ្នាក់ដឹកនាំ និងមន្រ្តីជំនាញនៃក្រសួងយុត្តិធម៌ ព្រមទាំងថ្នាក់ដឹកនាំ និងចៅក្រម ព្រះរាជអាជ្ញា នៃសាលាជម្រះក្តី និងអយ្យការអមសាលាជម្រះក្តីមួយចំនួន។

សារជូនពរ៖ តាងនាមថ្នាក់ដឹកនាំក្រសួងការពារជាតិ ព្រមទាំងនាយទាហាន នាយទាហានរង និងពលទាហាន នៃកងយោធពលខេមរភូមិន្ទ ក្នុងឱកាសដ៏មហានក្ខត្តឫក្ស ប្រកបដោយសេចក្តីសោមនស្សរីករាយ ក្នុងពិធីចម្រើនជន្មាយុគម្រប់ ៧៤ ឈានចូល ៧៥ឆ្នាំ ដែលប្រព្រឹត្តទៅនៅថ្ងៃទី០៥ ខែសីហា ឆ្នាំ២០២៦ សូមជូននូវសព្ទសាធុការពរជ័យ បវរសួស្តី សិរីមង្គល​ វិបុលសុខ មហាប្រសើរ ជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា សូមបានសមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ ____ 🌐 គេហទំព័រ ក្រសួងការពារជាតិ 🌐 ក្រសួងការពារជាតិ 🌐 TEA Seiha/ទៀ សីហា 🌐 X(Twitter): ក្រសួងការពារជាតិ 🌐 YouTube: ក្រសួងការពារជាតិ 🌐 Tiktok: ក្រសួងការពារជាតិ

សេចក្ដី​ជូនដំណឹង​ ស្ដីពី​ការ​ជ្រើសរើស​និស្សិត​ឱ្យ​ចូល​រៀន​ នៅសាកលវិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​

📍វគ្គថ្មីនិស្សិតច្បាប់: - ការធានាកាតព្វកិច្ច&កាតព្វកិច្ច​កំណត់​ដោយ​ច្បាប់.រៀន​:​ 3/8/26 -​​ សិទ្ធិ​ប្រត្សក្យ&កិច្ចសន្យា​.រៀន​:​ 1/8/26 - កិច្ចសន្យា​&សន្តតិកម្ម.​រៀន​:​ 5/8/26 ចុះឈ្មោះ​ : 👉Telegram: https://t.me/Visal_Mao 🗂​ Telegram group : https://t.me/document4study ​ សូមអរគុណ។

តើអចលនវត្ថុដែលជាប់បន្ទុក ដូចជា ហ៊ីប៉ូតែក ឬការរឹបអូសបណ្តោះអាសន្ន អាចផ្ទេរកម្មសិទ្ធិបានដែរឬទេ? ជាគោលការណ៍ ការផ្ទេរកម្មសិទ្ធិលើអចលនវត្ថុដែលជាប់បន្ទុក អាស្រ័យលើប្រភេទនៃបន្ទុក និងបទប្បញ្ញត្តិច្បាប់ដែលអនុវត្ត។ ចំពោះអចលនវត្ថុដែលជាប់ហ៊ីប៉ូតែក ម្ចាស់កម្មសិទ្ធិនៅតែអាចលក់ ឬផ្ទេរកម្មសិទ្ធិបាន ព្រោះហ៊ីប៉ូតែកមិនដកហូតសិទ្ធិកម្មសិទ្ធិរបស់ម្ចាស់ទ្រព្យឡើយ។ ទោះជាយ៉ាងណា បន្ទុកហ៊ីប៉ូតែកនៅតែមានអានុភាពជាប់នឹងអចលនវត្ថុនោះ ហើយជាទូទៅ ភាគីពាក់ព័ន្ធត្រូវសម្របសម្រួលជាមួយម្ចាស់បំណុល ដើម្បីផ្ទៀងផ្ទាត់បំណុលដែលនៅសល់ និងរៀបចំការដោះបន្ទុក ឬការទទួលបន្ទុកបន្ត ស្របតាមកិច្ចព្រមព្រៀង និងច្បាប់។ ផ្ទុយទៅវិញ ចំពោះអចលនវត្ថុដែលស្ថិតក្រោមការរឹបអូសបណ្តោះអាសន្ន ឬវិធានការរក្សាការពាររបស់តុលាការ ការផ្ទេរកម្មសិទ្ធិអាចត្រូវបានដាក់កម្រិត ឬមិនអាចអនុវត្តបាន ដរាបណាវិធានការនោះនៅមានអានុភាព។ ការផ្ទេរកម្មសិទ្ធិក្នុងករណីនេះ អាចប្រព្រឹត្តទៅបាន លុះត្រាតែមានការដក ឬលុបវិធានការរក្សាការពារនោះ ឬមានការសម្រេចពីតុលាការ ឬអាជ្ញាធរមានសមត្ថកិច្ច ស្របតាមនីតិវិធីដែលច្បាប់បានកំណត់។ 🔔នេតិភាល័យ 🔔https://t.me/nephealay 🔔អេតមីន