Kitob tumani hokimligi| RASMIY

Kitob tumanida ko‘p qavatli uylar infratuzilmasini yaxshilash ishlari davom etmoqda O‘zbekiston Respublikasi Prezidentining 2026-yil 5-fevraldagi PQ–48-son qarori ijrosini ta’minlash maqsadida Kitob tumanidagi ko‘p qavatli uylar atrofini obodonlashtirish va infratuzilmasini yaxshilash bo‘yicha tizimli ishlar amalga oshirilmoqda.

📌 26 ta ko‘p qavatli uyda: — 5 000 kv. metr yo‘laklarni betonlash; — 8 ta umumiy foydalanishdagi hojatxona qurish; — 4 ta bolalar maydonchasi barpo etish; — 460 p/m irrigatsiya tarmoqlarini yangilash rejalashtirilgan.

Ayni paytda "Yangibod" MFY hududidagi 8 ta ko‘p qavatli uyda 2 000 kv. metr yo‘laklar beton qoplamasi bilan qoplandi. Shuningdek, 130 p/m irrigatsiya tarmoqlarini yangilash hamda 1 ta bolalar maydonchasi qurish ishlari davom etmoqda. 🏢 2026–2027-yillar kuz-qish mavsumiga tayyorgarlik doirasida 3 ta ko‘p qavatli uyning tom qismi, 10 ta kirish yo‘lagi hamda 6 ta elektr taqsimlovchi shit ta’mirlandi. 6 ta kirish eshigi kodli temir eshiklarga almashtirildi. ▪️Shuningdek, qo‘shimcha ravishda 9 ta ko‘p qavatli uyning 26 ta kirish yo‘lagi ta’mirlanib, hududlarga 27 dona quyosh panelli tashqi yoritish chiroqlari o‘rnatildi. ▪️Aholi xavfsizligini ta’minlash maqsadida ko‘p qavatli uylar atrofiga 17 dona PTZ rusumli zamonaviy videokuzatuv kamerasi o‘rnatildi. Mazkur ishlar ko‘p qavatli uylarda yashovchi aholi uchun qulay, obod va xavfsiz yashash sharoitlarini yaratish, hududlar infratuzilmasini yaxshilash hamda uy-joy fondini mavsumga puxta tayyorlashga qaratilgan. Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h ✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

Kitob tumanida — yo‘l harakati xavfsizligi targ‘iboti kuni Kitob tumani IIB YHXB xodimlari tomonidan “Yo‘l harakati xavfsizligi targ‘iboti kuni” doirasida umumta’lim maktablarida o‘quvchilar ishtirokida targ‘ibot-tushuntirish tadbirlari o‘tkazildi. Tadbirlar davomida o‘quvchilarga yo‘lni belgilangan piyodalar o‘tish joylaridan kesib o‘tish, svetofor va yo‘l belgilariga amal qilish, yo‘llarda ehtiyotkorlikni oshirish bo‘yicha tushuntirishlar berildi. Shuningdek, skuter va mopedlardan foydalanishda yo‘l harakati qoidalariga qat’iy rioya qilish hamda xavfsizlik choralarini ko‘rish zarurligi alohida ta’kidlandi. Targ‘ibot tadbirlaridan ko‘zlangan asosiy maqsad — yoshlarning yo‘l harakati xavfsizligi bo‘yicha bilim va ko‘nikmalarini oshirish, yo‘l-transport hodisalarining oldini olishdan iborat. Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h ✅Facebook | 🌐Instagram | 🌐Web sayt|  ✈️Telegram | 🕊Twitter | 📹YouTube

🚫 Senat 14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosini ma’qulladi Oliy Majlis Senatida 2-oktabr kuni bo‘lib o‘tgan yalpi majlisda “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni ko‘rib chiqildi va ma’qullandi. ✅ 25 yilgacha yoki umrbod ozodlikdan mahrum qilish

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda. Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi. Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

✅ Bepul yuridik yordam va tergovni yozib olish

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda. Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda. Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

✅ Ta’lim muassasalari xodimlari zo‘ravonlik uchun ishdan bo‘shatilishi mumkin

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi. Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda. Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda. “Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.

https://t.me/Rasmiy_axborot_official

‼️‼️‼️ Ўзбекистон қонунчилигида 2026 йил 1 октябрдан бир қатор ўзгариш ва янгиликлар кучга киради. 🌐Китоб тумани ҳокимлиги Ахборот хизмати ❤https://t.me/joinchat/gywGtTJ_bXoxMmQy

Prezident Shavkat Mirziyoyev:

"O‘qituvchining qadri ulug‘langan yurtda ilmga intilish, qonunga hurmat, mehnatga munosabat va Vatanga sadoqat hamisha yuksak bo‘ladi. Chunki ustozni e’zozlash butun bir millat kelajagini e’zozlash demakdir".

— Президент Шавкат Мирзиёев:

«В стране, где высоко чтут учителя, всегда сильны стремление к знаниям, уважение к закону, отношение к труду и преданность Родине. Ибо ценить учителя – значит ценить будущее целого народа».

Prezident.uz|Facebook|Instagram|YouTube|X

Oʻzbekiston oʻqituvchi va murabbiylariga tabrik — Поздравление учителям и наставникам Узбекистана Prezident.uz|Facebook|Instagram|YouTube|X

Kitob tumanida "Ustoz va murabbiylar kuni" keng nishonlandi 1-oktabr — Ustoz va murabbiylar kuni munosabati bilan Kitob tumanida bayram tadbiri ko‘tarinki ruhda tashkil etildi. Tadbirda Kitob tumani hokimi Rustam Gafurov so‘zga chiqib, barcha o‘qituvchi va murabbiylarni kasb bayrami bilan samimiy muborakbod etdi. Ustozlarning yosh avlodga ta’lim-tarbiya berish, ularni bilimli va vatanparvar insonlar etib voyaga yetkazishdagi sharafli mehnati alohida e’tirof etildi. Bayram tadbirida ta’lim sohasida samarali faoliyat yuritib kelayotgan bir guruh pedagoglarga “Xalq ta’limi a’lochisi” va “Xalq ta’limi fidoyisi” ko‘krak nishonlari, shuningdek, tashakkurnomalar tantanali ravishda topshirildi.

Shuningdek, “Yilning eng yaxshi maktab o‘qituvchisi” tanlovining g‘oliblari ham munosib taqdirlandi. Tanlov yakunlariga ko‘ra: 🥇 1-o‘rin — 95-maktab o‘qituvchisi Nosirov Baxodir — 5 732 ta ovoz; 🥈 2-o‘rin — 41-maktab o‘qituvchisi Valiyev Shoxrumirzo — 4 447 ta ovoz; 🥉 3-o‘rin — 47-maktab o‘qituvchisi Imomov Azamat — 2 820 ta ovoz.

G‘oliblarga diplom va qimmatbaho sovg‘alar topshirilib, ularning ta’lim-tarbiya yo‘lidagi samarali mehnati e’tirof etildi. Tadbir davomida uzoq yillar ta’lim sohasida fidokorona mehnat qilgan faxriy ustozlarning xizmatlari ham alohida qadrlanib, bir guruh pedagoglar munosib kuzatildi. Bayramning badiiy qismida tuman Madaniyat bo'limi san’atkorlar tomonidan ijro etilgan kuy-qo‘shiqlar va sahna chiqishlari tadbir ishtirokchilariga ko‘tarinki kayfiyat ulashdi. Tadbir ustoz va murabbiylarga bo‘lgan yuksak hurmat va ehtiromning yorqin ifodasi bo‘ldi. Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h 💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Ta’lim islohotlarining natijalari xalqaro baholash va o‘quvchilar yutuqlarida ham ko‘rinayotgani aytildi. “MELQO” tadqiqotida maktabgacha ta’lim tizimi yuqori baholandi. PISA reytingida 15 yoshli o‘quvchilar tabiiy fanlar bo‘yicha 32 pog‘ona yuqorilab, dunyoda 48-o‘rinni egalladi. Joriy yilning o‘zida iste’dodli yoshlar nufuzli olimpiadalarda 228 ta medal – 38 ta oltin, 82 ta kumush va 108 ta bronzani qo‘lga kiritdi. O‘zbekiston ilk bor mezbonlik qilgan xalqaro kimyo va informatika olimpiadalarida o‘quvchilarimiz yana 8 ta medalga sazovor bo‘ldi. Maktab paytidayoq xorijiy til va fan sertifikatiga ega bo‘lgan o‘quvchilar soni 100 mingga yetdi. Ushbu ko‘rsatkich 2,5 barobar ko‘paygan. Bu yil qariyb 5 ming bitiruvchi oliygohga kirishda eng yuqori ballni to‘pladi. Prezidentimiz mazkur natijalarni ustozlar mehnati, yangilangan ta’lim mazmuni va yoshlarga yaratilayotgan imkoniyatlar bilan bog‘ladi. Facebook|Instagram|X

Prezidentimiz yangi avlod darsliklarini yaratish ishlari 2018-yilda boshlanganini esladi. Unga tajribali mutaxassislar, mualliflar, olimlar, pedagoglar va xususiy kompaniyalar jalb qilindi. Kitoblarni yaratishda Finlyandiya va Singapur kabi davlatlarning tajribasi o‘rganildi. Faqat shu yilning o‘zida 324 ta darslik yangilandi. Ularni tayyorlashda 400 nafardan ziyod mutaxassis mehnat qildi. Davlatimiz rahbari bu ishga bilimi va kuchini bag‘ishlagan har bir insonga minnatdorlik bildirdi. Yangi avlod darsliklari milliy qadriyatlar bilan birga bolalarda Vatanga muhabbat, tabiatni asrash va suvni tejash tuyg‘usini shakllantirishga xizmat qilmoqda. Ular raqamli texnologiyalar, moliyaviy savodxonlik va kelajak kasblariga qiziqishni, mustaqil va tanqidiy fikrlash ko‘nikmalarini ham rivojlantiradi. Prezidentimiz bu kitoblar o‘qituvchilarni o‘z ustida ishlashga undagani, pedagogika oliygohlarini o‘quv dasturlarini xalqaro talablarga moslashtirishga harakatlantirganini ta’kidladi. 2030-yilga qadar 8-11-sinflar uchun darsliklarni yangilash ishlari ham oxiriga yetkaziladi.

– Maqsadimiz aniq – har bir o‘quv yili bolaga keyingi bosqich uchun mustahkam poydevor bo‘lib xizmat qilsin! Bitiruvchi maktabni hayotga tayyor, o‘z bilimiga, o‘z kuchiga ishongan holda tamomlasin!

– dedi davlatimiz rahbari.

“Eng avvalo, farzandlarimizga, ularning iste’dodi, qobiliyati, kelajagiga ishonaman!”.

Prezidentimiz bolalar eng yaxshi ta’lim, eng yaxshi sharoit va eng yaxshi kelajakka munosib ekanini alohida ta’kidladi. Facebook|Instagram|X

– Ta’limni rivojlantirish Yangi O‘zbekistonni barpo etishning eng muhim bo‘g‘inidir,

– dedi Prezidentimiz. O‘n yilda 1 million 800 ming o‘rinli bog‘chalar va 1,5 million o‘rinli maktablar barpo etildi, 10 mingdan ziyod bog‘cha va maktab zamonaviy ko‘rinishga keltirildi. Davlatimiz rahbari ta’limda binolar va sharoit bilan birga, eng avvalo, mazmun hal qiluvchi ahamiyatga ega ekanini ta’kidladi.

“Biz bolalarimizni paxta dalasidan maktab partasiga, o‘qituvchilarni ta’lim jarayoniga qaytardik”,

– dedi u islohotlarning eng katta natijasi haqida to‘xtalib. Har bir bola o‘qishi, izlanishi, kamol topishi va katta orzular bilan yashashi kerak. Bu orzular ro‘yobga chiqishi uchun esa eng yaxshi darsliklar, kuchli va malakali o‘qituvchilar zarur.

– Biz bugun bolaga nimani bersak, ertaga uning natijasini mamlakat kelajagida ko‘ramiz,

– dedi Prezidentimiz. Facebook|Instagram|X

Uchrashuvda dunyoda bilim yaratish, axborot tarqatish va mehnat qilish usullari shiddat bilan o‘zgarayotgani qayd etildi. Sun’iy intellekt matn tayyorlashi, dastur yozishi va ma’lumotni tahlil qilishi mumkin. Lekin hech bir texnologiya bolaning qalbiga ustozdek yo‘l topib, unga Vatanga muhabbat va mas’uliyat tuyg‘usini singdira olmaydi. Prezidentimiz ta’lim va ilm-fan fidoyilarining bir guruhini davlat mukofotlari bilan taqdirlash to‘g‘risidagi farmonni imzolaganini ma’lum qildi. Ular orasida pedagoglar bilan birga ta’lim rivojiga hissa qo‘shayotgan tadbirkorlar va xorijlik hamkorlar ham bor. Uchrashuvda mukofotlar o‘z egalariga topshirildi. Davlatimiz rahbari mukofot sohiblarini tabriklar ekan,

“Ishoning, men ularni ko‘ksingizga taqib, sizlardan ham ko‘proq xursand bo‘lyapman”,

– dedi. Shuningdek, ta’limning barcha bo‘g‘inlaridagi ilg‘or pedagoglarni rag‘batlantirish uchun jadid bobomiz Abdulla Avloniy nomidagi alohida davlat mukofotini ta’sis etish taklif qilindi. Uning ilk sohiblarini kelasi yilgi bayram arafasida e’lon qilish va taqdirlash ko‘zda tutilmoqda. Facebook|Instagram|X

Prezidentimiz Shavkat Mirziyoyev O‘qituvchi va murabbiylar kuni arafasida “Yangi O‘zbekiston” universitetida ustoz va murabbiylar bilan uchrashuv o‘tkazmoqda. Davlatimiz rahbari mazkur dargoh ta’lim tizimiga yangicha ruh va mazmun olib kirishini ta’kidlab, barcha pedagoglarni kasb bayrami bilan tabrikladi.

– O‘qituvchi – mehr daryosi, o‘qituvchi – ezgulik bulog‘i, o‘qituvchi – ma’rifat quyoshi! Ustozlar bugun yoshlar qalbiga qadayotgan ma’rifat va ezgulik urug‘ining hosilidan ertaga butun jamiyat bahramand bo‘ladi,

– dedi Prezidentimiz. Mamlakatimiz yetakchisi buyuk ajdodlarimiz kamoloti ortida ham ularga saboq bergan muallimlar turganini yodga oldi. Imom Buxoriy, Beruniy, Amir Temur va Alisher Navoiy kabi siymolarni yetishtirgan ustozlarni “odamiylik bog‘ining bog‘bonlari” deb atadi. Davlatimiz rahbari umrini yoshlar kamolotiga bag‘ishlagan barcha ustoz va murabbiylarga yuksak hurmat va minnatdorlik bildirdi. Facebook|Instagram|X

Prezident Shavkat Mirziyoyev Oʻqituvchi va murabbiylar kuni arafasida “Yangi Oʻzbekiston” universitetiga tashrif buyurib, taʼlim sohasidagi islohotlar va kelgusidagi rejalarga bagʻishlangan koʻrgazma bilan tanishdi. — В преддверии Дня учителей и наставников Президент Шавкат Мирзиёев посетил Университет «Новый Узбекистан» и ознакомился с выставкой, посвященной реформам и дальнейшим планам в сфере образования. #Mirziyoyev #tanishuv #talim #kurgazma Prezident.uz|Facebook|Instagram|YouTube|X

Yilning eng yaxshi maktab o‘qituvchisi tanlovi 1-oktyabr — Ustoz va murabbiylar kuni munosabati bilan Kitob tumani hokimligi hamda Kitob tumani maktabgacha va maktab ta’limi bo‘limi hamkorligida “Yilning eng yaxshi maktab o‘qituvchisi” tanlovi tashkil etilmoqda. 🏆 Tanlov g‘oliblari Kitob tumani hokimligining rasmiy Telegram kanalida e’lon qilingan so‘rovnomada fuqarolar tomonidan berilgan ovozlar asosida aniqlanadi. 🗳 Ovoz berish jarayoni ertaga 30-sentyabr kuni soat 12:00 ga qadar davom etadi. Yakuniy natijalarga ko‘ra, eng ko‘p ovoz to‘plagan 1-, 2- va 3-o‘rin sohiblariga tashkilotchilar tomonidan qimmatbaho sovg‘alar taqdim etiladi. Sizning ovozingiz — ustoz mehnatiga bildirilgan e’tibor va ehtiromdir!

⛔️⛔️⛔️⛔️ 📢📢📢📢 “Yilning eng yaxshi maktab o‘qituvchisi” tanlovida ovoz berish muddati o‘zgardi Xabaringiz bor, 1-oktyabr — Ustoz va murabbiylar kuni munosabati bilan Kitob tumani hokimligi hamda Kitob tumani maktabgacha va maktab ta’limi bo‘limi hamkorligida “Yilning eng yaxshi maktab o‘qituvchisi” tanlovi tashkil etilgan.

❗️E’tibor bering: tanlov doirasida ovoz berish muddati o‘zgartirildi. 🕔Ovoz berish jarayoni ertaga 30-sentyabr kuni soat 12:00 ga qadar davom etadi.

Tanlov yakunlariga ko‘ra 1-, 2- va 3-o‘rin sohiblari aniqlanadi hamda g‘oliblar Kitob tumanida 30-sentyabr kuni o‘tkaziladigan Ustoz va murabbiylar kuni munosabati bilan tashkil etilgan bayram tadbirida tuman hokimi tomonidan tantanali ravishda taqdirlanadi.

🏆 G‘oliblar uchun sovrinlar: 🥇 1-o‘rin — televizor, g‘oliblik statuetkasi va faxriy yorliq; 🥈 2-o‘rin — televizor, g‘oliblik statuetkasi va faxriy yorliq; 🥉 3-o‘rin — mikroto‘lqinli pech, g‘oliblik statuetkasi va faxriy yorliq.

Barcha ishtirokchilarga omad tilaymiz! Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h 💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Kitob tumani hokimi va hokim o’rinbosarlarining jismoniy hamda yuridik shaxslarni qabul qilish jadvali Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h 💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Kitob tumanida profilaktik targ‘ibot tadbirlari davom etmoqda Kitob tumani hududida yo‘l harakati xavfsizligini ta’minlash, huquqbuzarliklarning oldini olish hamda fuqarolarning huquqiy savodxonligini oshirish maqsadida YHXB xodimlari tomonidan profilaktik targ‘ibot tadbirlari olib borilmoqda. Tadbirlar davomida fuqarolarga kiberjinoyatlardan himoyalanish, APK QO‘RIQCHI ilovasidan foydalanish, internet xavfsizligi, giyohvandlik vositalari va psixotrop moddalarning salbiy oqibatlari yuzasidan tushuntirishlar berilmoqda. Shuningdek, moped va skuterlarni belgilangan tartibda davlat ro‘yxatidan o‘tkazish hamda ularni boshqarish uchun zarur hujjat va haydovchilik huquqiga ega bo‘lish talablari tushuntirilmoqda. Ogohlik va qonunlarga rioya qilish — xavfsiz hayot garovidir. Quyidagi havolani bosing va Kitob tumani hokimligi telegram kanaliga qo'shiling👇👇👇 ❤https://t.me/joinchat/WIzE6dryhMqccL7h 💬Facebook | 📸Instagram | 🌍Web sayt|  ✅Telegram | ✅Twitter | 📹YouTube