Оhangaron shahar hokimligi

🇺🇿🇺🇿🇺🇿🇺🇿🇺🇿 #Ohangaron_shahar #Yoshlar_ishlari_agentligi Ohangaron yoshlaridan ezgu tashabbus 🇺🇿 Yurtimiz mustaqilligining 35 yilligiga bag‘ishlab “Yagona Vatan, yagona xalq bo‘lib, yangi hayot va kelajak yaratamiz!” g‘oyasi ostida e’lon qilingan “Mahallada obodlik va mehr-saxovat oyligi” doirasida yoshlarimiz faol amaliy ishlarga kirishdi. 🇺🇿 Xususan, Yoshlar ishlari agentligi tashabbusi bilan Ohangaron shahar “Yangilik” mahallasida yashovchi yolg‘iz onaxon xonadonida hashar tashkil etildi. Yoshlarimizning mehr-oqibat va birdamlikka yo‘g‘rilgan bunday ezgu ishlari ularning jamiyatdagi faol o‘rni hamda yuksak fuqarolik mas’uliyatini yana bir bor yorqin namoyon etmoqda. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

OHANGARON SHAHAR HOKIMLIGI MUROJAATLARNI QABUL QILADI! Sizning muammo va takliflaringizni tinglash hamda ularga tezkor yechim topish — bizning ustuvor vazifamizdir. Aholiga yanada qulaylik yaratish maqsadida Ohangaron shahar hokimligining murojaatlar guruhi rasman ishga tushirildi! Endi siz o‘z muammolaringizni masofadan turib, to‘g‘ridan-to‘g‘ri yo‘llashingiz mumkin. ✅ Murojaat yuborish uchun: 👇 https://t.me/ohangaronshaharmurojaat Yuborilgan murojaatlar tegishli mutasaddi tashkilot va mas’ul xodimlarga yo‘naltirilib, tezkorlik bilan ko‘rib chiqiladi hamda ijrosi ta’minlanadi. Sizning murojaatingiz — shahar rivoji va farovonligi yo‘lidagi muhim qadamdir! 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

🔴 LIVE  🟢 JARAYON Bugun "Dolzarb 40 kunlik" dastur doirasida Ohangaron shahar "Shodlik" MFY xotin-qizlar faoli tomonidan mahalla hududida "Obod mahalla – obod ko‘cha – obod xonadon" dasturi doirasida mahalla idorasida hamda koʻp qavatli uylarning atroflari tozalanib obodonlashtirish ishlari tashkil etildi. Hasharda mahalla xodimlari va hududda yashovchi xotin-qizlar faol ishtirok etishdi. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

🔴Live 🟢Jarayon #Boʻston_MFY #Ayol_qadri_ulug'langan_yurt 🇺🇿 O‘zbekiston Respublikasi Mustaqilligining 35 yilligi munosabati bilan Ohangaron shahar "Boʻston" MFYda “Ayol qadri ulug‘langan yurt” shiori ostida ma’naviy-ma’rifiy tadbir tashkil etildi. Tadbir mahalla xotin-qizlar faoli Z.Abduraxmanova tomonidan o‘tkazilib, unda ayollarning jamiyatdagi o‘rni, oilalar mustahkamligi va yurt ravnaqiga qo‘shayotgan munosib hissasi alohida e’tirof etildi. Bayramona ruhda o‘tgan tadbir ishtirokchilarga ko‘tarinki kayfiyat ulashib, ayollarga bo‘lgan yuksak e’tibor va ehtiromning yana bir yorqin ifodasi bo‘ldi. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

Hashar — hamjihatlik va ezgulik timsoli Ohangaron shahrining "Yangiobod" mahallasi hududida joylashgan "Xonobod" jome masjidida keng ko‘lamli hashar tadbiri tashkil etildi. Hasharda 60 nafardan ortiq fuqaro faol ishtirok etib, masjid va uning atrofidagi hududlarni obodonlashtirish, tozalash hamda sanitariya holatini yaxshilash borasida amaliy ishlarni amalga oshirdilar. Hashar yakunida ishtirokchilar uchun homiylar ko‘magida dasturxon yozilib, tushlik tashkil etildi. Bunday ezgu tashabbuslar mahallalarda hamjihatlik, mehr-oqibat va o‘zaro birdamlik muhitini yanada mustahkamlashga xizmat qilmoqda. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

🇺🇿 Mustaqillik shukuhi Ohangaron bo‘ylab yanada yaqqol namoyon bo‘lmoqda 🇺🇿 O‘zbekiston Respublikasi davlat mustaqilligining 35 yilligi munosabati bilan "Yagona Vatan, yagona xalq bo‘lib, yangi hayot va kelajak yaratamiz!" bosh g‘oyasi asosida tayyorlangan targ‘ibot materiallari Ohangaron shahri bo‘ylab keng ko‘lamda joylashtirilmoqda. Xususan, bayramona banner va targ‘ibot vositalari A-373 xalqaro avtomagistrali bo‘ylab, shahar hududidagi tashkilot va korxonalar, mahallalarning kirish qismlari hamda jamoat joylariga o‘rnatilib, shahrimizga o‘zgacha bayramona shukuh bag‘ishlamoqda. Mazkur targ‘ibot ishlari Mustaqillik bayramining mazmun-mohiyati va yuksak g‘oyalarini keng jamoatchilikka yetkazish, fuqarolarda Vatanga sadoqat, milliy birlik, hamjihatlik va daxldorlik tuyg‘ularini yanada mustahkamlashga xizmat qilmoqda. Shuningdek, bayramona bezaklar mamlakatimizda amalga oshirilayotgan keng ko‘lamli bunyodkorlik va islohotlar, Yangi O‘zbekiston taraqqiyoti hamda xalqimizning tinch va farovon hayotini o‘zida aks ettirib, Mustaqillikning 35 yilligini munosib kutib olishga xizmat qilmoqda. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

🇺🇿 Bugun shahar hokimi Sadriddin Shoqosimov tomonidan korxona vatashkilot rahbarlari hamda mahalla "to'rtligi" ishtirokida yig'ilish o'tkazildi. Yig'ilishda "Dolzarb 40 kun" dasturi doirasida mahallalardan amalga oshirilayotgan ishlar muhokama qilinib, kelgusidagi ustuvor vazifalar belgilab olindi. Shahar hokimi tomonidan mahallalarda holi faolligini yanada oshirish, mahalla faollari bilan hamkorlikda fuqarolarni obodonlashtirish va hashar ishlariga keng jalb qilish, ko'chalar, jamoat joylari hamda xonadonlar atrofida tozalikni ta'minlash bo'yicha targ'ibot ishlarini kuchaytirish zarurligi ta'lkidlandi. Shuningdek, ko'p qavatli uylarda ayrim fuqarolar tomonidan maishiy chiqindilarni belgilangan joylarga olib bormasdan, xonadonlarning deraza va balkonlaridan tashab yuborish holatlari keskin tanqid qilindi. Ushbu holatlarning oldini olish, fuqarolar o'rtasida ekologik madaniyatni yuksaltirish hamda chiqindilarni belgilangan tartibda chiqarish bo'yicha mahalla faollariga keng ko'lamli tushuntirish va targ'ibot ishlarini tashkil etish vazifasi yuklatildi. Bundan tashqari, hovli xonadonlar uylarning fasad qismlarini tartibga keltirish va bo'yash, hovlilar va ko'cha yoqalarida ozadalikka rioya etish, tomorqa madaniyatini rivojlantirish, ko'chalarni obodonlashtirish, gul va manzaralari daraxtlar ko'chatlarini ekish orqali mahallalarning yanada fayzli qiyofasini yratish yuzasidan mas'ullarga aniq topshiriqlar berildi. Yig‘ilish yakunida "Dolzarb 40 kun" dasturi doirasida belgilangan vazifalarni sifatli va o‘z vaqtida amalga oshirish, mahallalarda obodlik, ozodalik va tartib-intizomni ta'minlash bo‘yicha barcha mas'ullarga tegishli topshiriqlar berildi. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

Andijon viloyatida olti oyda rejadagi 48 ming tonna o‘rniga 41 ming tonna suyultirilgan gaz yetkazib berilgan. 318 ta mahallada ta’minot grafikdan orqada qolmoqda. Endi tadbirkorlar o‘zi import qilgan yoki birjadan xarid qilgan suyultirilgan gazni aholi va biznes subyektlariga yetkazib berishi mumkin bo‘ladi. Yil boshidan xususiy sektor tomonidan 157 ming tonna suyultirilgan gaz import qilingan. Ijtimoiy reyestrga kirgan oilalarga suyultirilgan gaz uchun subsidiya beriladi. Yil yakunigacha bu borada “Andijon tajribasi” yaratiladi. Suyultirilgan gaz ishlab chiqarishni yil yakunigacha rejadagi 520 ming tonna o‘rniga 606 ming tonnaga yetkazish vazifasi qo‘yildi. Hozir aholiga gaz standart hajmdagi 20 kilogrammli ballonlarda yetkaziladi. Vaholanki, ayrim xonadonlarga oylik iste’mol uchun 5-6 kilogramm yetarli bo‘lsa, boshqa iste’molchilarga 30-40 kilogrammli ballon zarur. Suyultirilgan gazni tashish, saqlash va tarqatish tizimi bir oyda xorijiy tajriba va xalqaro standartlar asosida qayta ko‘rib chiqiladi. Facebook|Instagram|X

Yig‘ilishda kuz-qish mavsumiga tayyorgarlik masalalari ham ko‘rib chiqildi. Hozir tabiiy gaz yetib borishi qiyin bo‘lgan 1 ming 916 ta mahalla mavjud. Mas’ullarga uch oyda ushbu mahallalardagi isitish tizimini elektrga o‘tkazish uchun qancha infratuzilma va qo‘shimcha elektr energiyasi talab etilishini hisob-kitob qilish topshirildi. Birinchi navbatda moliyalashtirish talab etiladigan mahallalar bo‘yicha alohida dastur ishlab chiqiladi. Bugungi kunda 3 million 700 ming xonadon suyultirilgan gazdan foydalanmoqda. So‘nggi yillarda mazkur tizim raqamlashtirilib, ancha tartibga keltirilgan bo‘lsa-da, gazni o‘z vaqtida yetkazish muammosi to‘liq hal etilmagan. Suyultirilgan gaz yetkazib berishga xususiy sektorni jalb etish va buni Andijon viloyatidan boshlash taklifi ma’qullandi. Facebook|Instagram|X

Bugungi kunda “Hududiy elektr tarmoqlari”da 25 ming, “Hududgaz”da 16 ming xodim ishlaydi. Lekin xodimlar ishini boshqarish raqamlashmagani sababli kun davomida kim nima bilan bandligini na elektr tarmog‘i, na gaz ta’minoti rahbari biladi. Shu bois, mehnat unumdorligi boshqa davlatlardan 1,5-2 barobar past, avariyalarni bartaraf etish muddati esa 3-4 barobar ko‘p. Energetika vazirligi tarkibida Yoqilg‘i-energetika tarmog‘ini raqamlashtirish va sun’iy intellektni joriy etish markazi tashkil etiladi. Markaz “ishlab chiqarish – uzatish – taqsimlash – yetkazish” zanjiri, ko‘mir, suyultirilgan gaz va mazut ta’minotini “stress-audit”dan o‘tkazadi. Shu asosda sohani rivojlantirishning bir nechta ssenariysi ishlab chiqiladi. Har bir xodimning kunlik ishini raqamli algoritm orqali boshqaradigan tizim yaratiladi. ASKUE va ASKUG ma’lumotlari sun’iy intellekt orqali tahlil qilinib, shubhali o‘zgarishlarni aniqlaydigan platforma ishga tushiriladi. Tizimdagi 106 ming xodim uchun 10 ta asosiy KPI belgilanadi. Unda avariyaviy va rejali o‘chishlar, yo‘qotishlar, debitor qarzdorlik, quvvatlar rezervi va ta’mirlash dasturlarining bajarilishi asosiy mezon bo‘ladi. Facebook|Instagram|X

Yangiyo‘l misolidagi tizim respublikadagi barcha tuman va shaharlarga tatbiq etiladi. Energetika tizimi rahbarlari har bir viloyatdagi eng og‘ir bittadan tumanga biriktiriladi. Ular hokimlar bilan birgalikda yil yakunigacha o‘ziga biriktirilgan hududda yangi ish tizimini yo‘lga qo‘yadi. Islohotlar shtabi, Bosh vazir o‘rinbosarlari, vazirlar, tarmoq va bank rahbarlari ham hududlarga chiqadi. Aholi va tadbirkorlarning elektr va gaz bilan bog‘liq masalalari o‘rganilib, mas’ullarga yil yakunigacha va kelasi yilda amalga oshiradigan ishlari aniq ko‘rsatiladi. Mazkur ishlar uchun mablag‘ manbalari ham belgilab beriladi. Elektr va gaz hisobini yuritish, tarmoqdagi yo‘qotishlar va debitor qarzdorlikni keskin kamaytirish imkoniyatlari joyida ko‘rsatib beriladi. Davlatimiz rahbari viloyat va tumanlardagi elektr hamda gaz ta’minoti rahbarlarining “ko‘zini ochish”, ularni natija uchun ishlash uchun mas’uliyatini oshirish zarurligini ta’kidladi. Facebook|Instagram|X

Joylarda ishni qanday tashkil etish Yangiyo‘l tumani misolida ko‘rsatib berildi. Tumanda 1 ming 400 kilometr elektr tarmog‘i va 422 ta transformator mavjud. So‘nggi besh yilda aholining elektr iste’moli 68 milliondan 102 million kilovatt-soatga, ya’ni 1,5 karra oshgan. Lekin bu davrda bor-yo‘g‘i 60 ta transformator va 240 kilometr tarmoq yangilangan. Yil boshidan elektr yo‘qotishlari 30 million kilovatt-soatga yetgan, tarmoqlarda 37 ta avariya sodir bo‘lgan. To‘lov intizomi yaxshi yo‘lga qo‘yilmagani sababli debitor qarzdorlik 43 milliard so‘mga chiqib ketgan. Shuning 9,4 milliard so‘mi noreal qarzdorlik hisoblanadi. Tumanda 829 ta iste’molchining hisoblagichi ASKUE tizimiga mos kelmaydi, yana 2 mingta hisoblagich ma’lumot yubormaydi. Soliqqa “nol” hisobot topshirgan 48 ta korxona esa olti oyda 871 ming kilovatt-soat elektr ishlatgan. Gaz ta’minotida ham xuddi shunday ahvol kuzatilmoqda. 5 mingdan ortiq gaz hisoblagich ma’lumot uzatmayotgani oqibatida qarzdorlik 188 milliard so‘mga yetgan. Facebook|Instagram|X

Yig‘ilishda Surxondaryodagi bug‘-gaz elektr stansiyasi qurilishi uchun joy noto‘g‘ri tanlangani tanqid qilindi. Gazni stansiyaga yetkazish uchun 300 million dollar sarflashga to‘g‘ri kelmoqda. Tashabbuskor bilan tuzilgan shartnoma shartlari puxta o‘rganilmagani qo‘shimcha xarajat yuzaga kelish ehtimolini paydo qilgan. Mas’ullarga shartnoma shartlarini qayta ko‘rib chiqish topshirildi. Tizimdagi jiddiy kamchiliklar uchun energetika vaziri va “Hududiy elektr tarmoqlari” rahbari lavozimidan ozod etildi. “Milliy elektr tarmoqlari”, “Issiqlik elektr stansiyalari”, “Transgaz” va “Hududgaz” rahbarlariga yil yakunigacha sinov muddati belgilandi. Natija bo‘lmasa, ular ham ishdan ketishi ogohlantirildi. Yangi energetika vaziri Sherzod Xodjayev, “Hududiy elektr tarmoqlari”ning yangi rahbari Sardor Isaqulov va Energiya inspeksiyasining yangi boshlig‘i Axad Isoqjonov bugundan yangicha ish uslubini joriy qilishi shartligi ta’kidlandi.

“Hokimlar ham “Bu energetiklarning ishi” deb xotirjam o‘tirishga haqqi yo‘q. So‘rov qattiq bo‘ladi”,

– dedi Prezidentimiz. Facebook|Instagram|X

Bugungi kunda ayrim hokimlarda infratuzilmani yaxshilash bo‘yicha aniq hisob-kitob mavjud emas. Tarmoqdagi yo‘qotishlar 17,2 foizni tashkil etmoqda. O‘tgan olti oyda 4,8 milliard kilovatt-soat elektr energiyasi yo‘qotilgan. Andijon shahri, Asaka, Yangiobod, Koson, Ko‘kdala, Boysun, Oltinsoy, Qo‘shtepa, Toshloq, Qo‘shrabot va Samarqand tumanida yo‘qotishlar 25 foizdan yuqori. ASKUE va ASKUG tizimi joriy qilinganiga to‘rt yildan oshgan bo‘lsa-da, aholi xonadonlariga o‘rnatilgan 300 mingta gaz va 234 mingta elektr hisoblagich tarmoqqa ma’lumot uzatmayapti. Oqibatda ayrim hududlarda debitor qarzdorlik kamayish o‘rniga ko‘paymoqda. Lekin ko‘p rahbarlar samaradorlik deganda faqat quyosh paneli o‘rnatishni tushunib yurgani, uy energiya samarador bo‘lmasa, sarflangan mablag‘ behuda ketaverishi qayd etildi. Facebook|Instagram|X

Barcha hududlarda deyarli bir xil tarmoq bo‘lgani bilan ayrim tumanlar yaxshi ishlayotgani, boshqalarida esa doim avariya sodir bo‘layotgani ko‘rsatib o‘tildi. Bu talab nazorat va intizomning har xilligi bilan bog‘liq. Energetika vazirligi va uning quyi bo‘g‘inlaridagi rahbarlarda ijro va mas’uliyat yetishmayotgani tanqid qilindi. Shu bois, odamlar ham, tadbirkorlar ham tizimga mas’ul rahbarlarning hozirgi ishidan mutlaqo norozi.

“Takror aytaman: tizimdagi har bir rahbarning qilayotgan ishi, eng avvalo, odamlarning hayotida, turmush tarzida sezilishi, tadbirkorlarning mushkulini oson qilishi kerak”,

– dedi davlatimiz rahbari. Har yili yoz va qishda o‘nlab podstansiyalarda avariya bo‘lib, yuzlab transformatorlar yonib ketmoqda. Iyun-iyul oylarining o‘zida 4 mingga yaqin avariya sodir bo‘lib, aholi va tadbirkorlar 8-10 soatgacha elektrsiz qolgan. So‘nggi besh yilda Shirin shahri, Yangihayot, Yakkasaroy va Ohangaron tumanida elektr iste’moli 2 karradan ziyod oshgan. Biroq mas’ullar va hokimlar tarmoqlarning bunday yuklamani ko‘tara olmasligini oldindan hisobga olmagan. Prezidentimiz har bir uzilish tadbirkorlar va iqtisodiyotga qancha zarar keltirgani hisoblab chiqilmaganini tanqid qildi. Hokimlar energiya iste’moli balansini aniq bilmagani uchun milliardlab mablag‘ havoga ketayotganini ko‘rsatib o‘tdi. Facebook|Instagram|X

Prezident Shavkat Mirziyoyev raisligida yoqilg‘i-energetika tarmog‘ida kelgusidagi ustuvor vazifalar yuzasidan videoselektor yig‘ilishi boshlandi. Davlatimiz rahbari so‘nggi o‘n yilda energetika sohasida juda katta islohotlar amalga oshirilganini ta’kidladi. Qonun va qarorlar qabul qilinib, sohada xususiy sektor va xorijiy investorlar uchun yo‘l ochildi. Prezidentimiz investorlar bilan bir necha bor shaxsan uchrashib, ularning takliflarini eshitganini qayd etdi. Har bir yirik loyihani amalga oshirish uchun sharoit yaratilib, zarur kafolatlar berildi. Natijada energetika sohasiga 23 milliard dollar xorijiy investitsiya kiritildi, joylarda 9,5 gigavattli elektr stansiyalari ishga tushirildi. Shu tariqa generatsiya bo‘yicha ichki ehtiyojni to‘liq qoplaydigan quvvatlar yaratildi. So‘nggi yillarda elektr va gaz tarmoqlari, podstansiyalar, transformatorlar va gaz taqsimlash qurilmalarini yangilash uchun 30 trillion so‘m ajratildi. Bu oldingi 25 yilda yo‘naltirilgan mablag‘dan 6 karra ko‘p.

“Ochiq aytish kerak. Energetikada muammo mablag‘da emas, chunki qancha kerak bo‘lsa, topib beryapmiz. Muammo tizimning boshqaruvida!”

– dedi Prezidentimiz. Facebook|Instagram|X

Birozdan so‘ng Prezident Shavkat Mirziyoyev raisligida yoqilg‘i-energetika tarmog‘ida kelgusidagi ustuvor vazifalar yuzasidan videoselektor yig‘ilishi boshlanadi. — Скоро под председательством Президента Шавката Мирзиёева начнется видеоселекторное совещание по приоритетным задачам в топливно-энергетической отрасли. Facebook|Instagram|X

🔴 LIVE 🟢 JARAYON Zamonaviy Nog‘oyqo‘rg‘on mahallasi qurilishi ko‘zdan kechirildi Respublika ishchi guruhi vakillari B.Musurmanov va U.Bo‘riyev, Ohangaron shahar hokimining qurilish, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari S.Ne'matxonov bilan birgalikda Mustaqillik bayrami arafasida foydalanishga topshirilishi rejalashtirilgan zamonaviy Nog‘oyqo‘rg‘on mahallasi qurilish jarayonlarini ko‘zdan kechirdilar. O‘rganish davomida qurilish ishlarining borishi baholanib, bunyodkorlik ishlarini jadallashtirish, obyektlarni belgilangan muddatlarda yuqori sifat va zamonaviy talablar asosida foydalanishga topshirish yuzasidan mas'ullarga tegishli tavsiya va topshiriqlar berildi. 🇺🇿 Mustaqillikning 35 yilligiga munosib bunyod etilayotgan zamonaviy Nog‘oyqo‘rg‘on mahallasi — Yangi O‘zbekiston taraqqiyotining yana bir yorqin namunasi! 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook

2026-yil 1-iyuldan nafaqa miqdorlari yangi tartibda 2026-yil 1-iyuldan boshlab fuqarolarga to‘lanadigan bolalar nafaqasi, moddiy yordam, yoshga doir hamda nogironlik nafaqalarining quyidagi miqdorlari amal qiladi: Bolalar nafaqasi: 1️⃣ 3 yoshgacha bo‘lgan bir nafar kichik farzand uchun — 386 000 so‘m; 2️⃣ 3 yoshdan 18 yoshgacha bo‘lgan bir nafar farzand uchun — 295 000 so‘m; 3️⃣ oilaning ikkinchi farzandi uchun qo‘shimcha — 177 000 so‘m; 4️⃣ oilaning uchinchi va undan keyingi har bir farzandi uchun qo‘shimcha — 118 000 so‘m. Boshqa nafaqa va to‘lovlar: 1️⃣ moddiy yordam — 450 000 so‘m; 2️⃣ yoshga doir nafaqa — 878 000 so‘m; 3️⃣ nogironligi bo‘lgan bolaning onasiga yoshga doir nafaqa — 878 000 so‘m; 4️⃣ I guruh nogironlik nafaqasi — 1 209 000 so‘m; 5️⃣ II guruh nogironlik nafaqasi — 1 083 000 so‘m. Mazkur oshirilish aholining ijtimoiy himoyasini kuchaytirish va ehtiyojmand qatlamlar turmush sifatini yaxshilashga xizmat qiladi. https://t.me/ihma_toshkentviloyat

🔴 LIVE  🟢 JARAYON "Dolzarb 40 kunlik" dasturi doirasida "Yangilik" mahallasida xotin-qizlar faoli tashabbusi bilan hududni obodonlashtirish, ozodaligini ta'minlash hamda sanitariya holatini yaxshilashga qaratilgan hashar tashkil etildi. Hashar davomida ko‘chalar va jamoat joylari tartibga keltirilib, hududlarni tozalash hamda obod muhit yaratish borasida amaliy ishlar amalga oshirildi. 🇺🇿Ohangaron shahar hokimligi Axborot xizmati Telegram|Instagram|Youtube|Vebsayt‌‌|Facebook