Ormilitarism

R-280 “Novorossiya” avtomobil yolunda mobil atəş qruplarından birinin fəaliyyəti.

Ukrayna istehsalı An-196 “Lyutıy” (Lütıy) dronu bir cüt kiçik ölçülü “Katran” qanadlı raketi ilə görüntülənib. Raketlər ilk dəfə ötən ayın sonunda ictimaiyyətə təqdim edilib. Bildirilir ki, onlar 20 kq-a qədər döyüş başlığı daşıya, maksimum 500 km/saat sürət yığa və 200 km-ə qədər məsafə qət edə bilirlər. Həmçinin hava hücumundan müdafiə sistemləri üçün aldadıcı hədəf kimi istifadə oluna bilərlər.

Əfqanıstanın "ABŞ işğalından azad olunmasının" beşinci ildönümü münasibətilə paytaxt Kabil üzərinə ABŞ helikopter döyüş forması geyimli hərbiçi tərəfindən ABŞ helikopteri vasitəsi ilə güllər səpilib.

Ukraynanın Yak-52 təyyarəsi Odessa səmasında dronun arxasınca uçarkən görüntülənib.

Borispolda kaset döyüş başlığı ilə təchiz edilmiş “İsgəndər” ballistik raketlərindən birinin zərbəsi nəticəsində yük maşınlarının dayandığı ərazidə ciddi dağıntılar qeydə alınıb. Yerli resursların yaydığı görüntülərə əsasən, zərbə nəticəsində dayanacaqda olan yük maşınlarından biri tamamilə məhv olub. Məhv edilmiş yük maşınının konstruksiyası onun kamikadze dronlarının daşınması və buraxılması üçün istifadə olunan mobil buraxılış qurğusuna bənzədiyini göstərir. Qarşı tərəf daha əvvəl belə mobil sistemləri nümayiş etdirib. Bu ehtimal doğrudursa, ilkin görüntülərdə zərər görmüş yük maşınlarının tamamilə bulanıqlaşdırılmasının səbəbi də aydınlaşa bilər.

Ukraynanın Borispol şəhərinə kaset döyüş başlığı ilə təchiz edilmiş ballistik raketin düşmə anı. Yerli hakimiyyət orqanları bildiriblər ki, zərbə anbara, avtomobil dayanacağına və yanacaqdoldurma məntəqəsinə dəyib.

ABŞ Mərkəzi Kəşfiyyat İdarəsinin (CIA) direktoru Con Retkliffin bu gün Rusiyanın Moskva şəhərinə səfəri ilə bağlı əvvəlcədən Ukrayna tərəfini bu barədə məlumatlandırıb. Görünür, səfər qəfil və qısa müddətli xarakter daşıyır. ABŞ həmçinin Ukraynadan səfər başa çatana qədər Rusiyaya qarşı uzaqmənzilli dron və raket zərbələrini təxirə salmasını istəyib. Qeyd edək ki, CIA direktorunun Moskvaya sonuncu dəfə əvvəlcədən elan edilməmiş qəfil səfəri 2021-ci ilin sonlarında baş vermişdi. Həmin vaxt CIA direktoru Uilyam Börns Rusiyaya gedərək Kreml rəhbərliyinə Ukraynaya qarşı genişmiqyaslı işğala başlamamaq barədə xəbərdarlıq etmişdi.

Təyyarə ilə Moskvaya səfər edən CIA sədri John Ratcliffe olub. Bu səfər öncədən elan edilməmiş qəfil səfər olub.

ABŞ Hərbi Hava Qüvvələrinə məxsus C-17A “Globemaster III” təyyarəsi RCH4555 çağırış siqnalı ilə Moskvanın Vnukovo hava limanına enib. Bu, 2020-ci ilin mayından bəri Rusiyada ictimaiyyət tərəfindən müşahidə edilən ilk ABŞ Hərbi Hava Qüvvələri C-17 gəlişidir. Həmin vaxt C-17 COVID-19 pandemiyası zamanı Rusiyaya süni tənəffüs aparatları çatdırmışdı. Təyyarə Latviyanın Riqa şəhərindən Moskvaya gəlib.

İran axır ki, maraqlı bir edit etməyi bacardı.

Çinin J-16 qırıcıları ilk dəfə, Misirdə keçirilən “Eagles of Civilization 2026” təlimi zamanı simulyasiya edilmiş hava döyüşlərində Misirin Rafale qırıcılarına qarşı təlim keçib. Bu, Çin istehsalı hər hansı qırıcının Qərb istehsalı platformaya qarşı ilk dəfə döyüş təlimi keçirməsi kimi qiymətləndirilir. Çin Misirə təxminən 6000 km məsafə qət edərək təxminən altı J-16 qırıcısı, YY-20A yanacaqdaşıyan təyyarələri, KJ-500 erkən xəbərdarlıq təyyarəsi və digər dəstək vasitələri göndərib.

Ukrayna dronları ötən gecə ərzində Rusiyada yerləşən üç Ozon logistika mərkəzini hədəfə alıb. Adıgey, Stavropol diyarı və Dağıstandakı obyektlərə zərər dəyib.

RRR7224 çağırış kodlu Britaniya Kral Hərbi Hava Qüvvələrinə məxsus RC-135W “Rivet Joint” elektron kəşfiyyat təyyarəsi bu gün Rusiyanın Kalininqrad eksklavını və Polşa ilə Litva arasında yerləşən Suvalki dəhlizini yaxından müşahidə edib.

Yunanıstan Patriot batareyasını Karpatos adasından Kritdəki Suda körfəzinə köçürüb. Batareya 2026-cı ilin martında ABŞ-İran gərginliyinin artdığı dövrdə Karpatosa yerləşdirilmişdi.

Ukrayna dronları ilk dəfə Rusiyanın Arxangelsk vilayətinə çatıb. Bu ərazi Ukrayna sərhədindən təxminən 1800~1900 km uzaqda yerləşir. İlkin məlumatlara görə, onlar Plesetsk kosmodromunu hədəfə alıblar. Rusiya vilayət üzərində təxminən 40 dronun məhv edildiyini iddia edir. Plesetsk Rusiyanın əsas hərbi kosmodromudur. Buradan peyklər buraxılır, Sarmat da daxil olmaqla qitələrarası ballistik raketlər sınaqdan keçirilir. Bura əsasən Starlink analoqu olan Rassvet peyklərinin idarə və buraxılışını həyata keçirdir.

Rusiya səssiz şəkildə ölkə üzrə səfərbərliyə hazırlıq təlimləri həyata keçirir. Bu təlimlər böyük sayda yeni çağırışçını yerbəyer etmək, təmin etmək və silahlandırmaq imkanlarını sınaqdan keçirir. İyul ayında keçirilən təlimlərdən birində hərbi rəsmilər eksklavın sakinləri üçün səfərbərlik planlaşdırılmasına nəzarət etmək məqsədilə Sankt-Peterburqdan Kalininqrada uçublar. Kreml tərəfindən hələlik bununla bağlı heç bir qərar qəbul edilməyib. 2022-ci ildəki xaotik səfərbərlikdən fərqli olaraq, Rusiya hazırda hərbi yaşda olan kişilərin elektron reyestrinə malikdir. Bu isə səfərbərliyin daha mərhələli şəkildə həyata keçirilməsinə imkan verə bilər. Ehtimallar əsasən Rusiyada sentyabr ayında keçiriləcək parlament seçkilərindən sonra yeni çağırış elan edilə biləcəyi üzərində cəmlənir.

ABŞ Ordusu Fort Bragg bazasında keçirilən Project Sandhills 2.0 təlimi zamanı “Bee Hive Payload” konteyneri ilə təchiz edilmiş qoşqudan Bumblebee V2 FPV-interseptor dronlarının birbaşa buraxılışını nümayiş etdirib. “Bee Hive” sürətli buraxılış sistemi kimi fəaliyyət göstərir. Bu sistem bir neçə ucuz interseptor dronunun eyni yerdə saxlanmasına, hazır vəziyyətdə yerləşdirilməsinə və dronlara qarşı müdafiə məqsədilə qısa müddətdə buraxılmasına imkan verir.

Ukraynanın Xüsusi Əməliyyat Qüvvələri Rusiyanın 14 hədəfini vurub 3 təyyarə (Su-33, MiQ-29, Orion PUA-sı), 8 radar sistemi, Gelencikdə S-400 mövqeyi və 2 hava hücumundan müdafiə sistemi (Tor və Pantsir). 11 hədəf Rusiyanın Rostov vilayəti və Krasnodar diyarında, 3 hədəf isə işğal olunmuş Krımda vurulub.

Britaniya mülki gəmiləri Rusiya sualtı qayıqlarını və hərbi gəmilərini 60 mildən (təxminən 97 km) çox məsafədən aşkar edə bilən ucuz, daşınması asan fiber-optik sonar sistemləri ilə təchiz edə bilər. Artıq Kral Donanması tərəfindən sınaqdan keçirilmiş və Niderland ordusunda istifadə olunan bu texnologiya Rusiya hərbi-dəniz qüvvələrinin Britaniya suları ətrafında və sualtı kabellər yaxınlığında fəaliyyətinin artdığı bir vaxtda, Britaniyanın getdikcə kiçilən hərbi-dəniz donanmasının imkanlarını qismən kompensasiya etməyə kömək edə bilər.

Hazırkı qiymətləndirmələrə görə, gəmidə Fujian-dakı üç katapultla müqayisədə dörd katapult ola bilər. Hava qrupunun isə 90-dan çox təyyarədən ibarət olması gözlənilir. Buraya J-35 stelz döyüş təyyarələri, J-15T göyərtə qırıcıları, KJ-600 erkən xəbərdarlıq təyyarələri, helikopterlər və gələcəkdə döyüş dronları daxil ola bilər. Gəminin suya buraxılması ən tez 2027-ci ildə baş verə bilər. Bundan sonra bir neçə il ərzində avadanlıqların quraşdırılması və dəniz sınaqları aparılacaq. Xidmətə qəbulunun isə təxminən 2030-cu ildə baş verəcəyi ehtimal edilir.