Ormilitarism

Ukrayna rəhbərliyi Belarusdan tələb edir ki, ölkə ərazisindəki rabitə qüllələri Rusiyanın dron əməliyyatlarına dəstək verməyi dayandırsın. Ukrayna bu tələb üçün 25 iyun 2026-cı ili son tarix kimi göstərib. Əks halda, həmin qüllələrin və digər obyektlərin hədəfə alınacağı bildirilir. Məlumatlara görə, Rusiya Belarusun mobil şəbəkəsindən istifadə edərək dronlarını Ukraynanın şimal istiqamətində idarə edir. Eyni zamanda, bəzi rus hərbi bloqerləri Belarusun siqnalları məhdudlaşdırmağa başladığını iddia etsə də, bu hələ rəsmi şəkildə təsdiqlənməyib.

ABŞ avtomobil nəhəngləri raket istehsalına başlayır ABŞ rəhbərliyi qlobal silah çatışmazlığını aradan qaldırmaq üçün ölkənin avtomobil konsernlərini hərbi sənayeyə cəlb edir. Verilən rəsmi məlumatlara görə, ABŞ-ın böyük avtomobil şirkətləri bundan sonra "Tomahawk" qanadlı raketləri və "Patriot" HHM sistemlərinin kütləvi istehsalında iştirak edəcək. Bu çərçivədə "General Motors" (GM) konserninin hərbi qanadı "Lockheed Martin" şirkəti ilə rəsmi tərəfdaşlıq sazişi imzalayıb və avtomobil sənayesindəki sürətli konveyer texnologiyasından istifadə edərək Patriot raketlərinin komponentlərinin istehsalına hazırlaşır. ABŞ Prezidenti Donald Tramp da hökumətin "General Motors" və "Ford" şirkətləri ilə danışıqlar apardığını təsdiqləyib. Bu addımın əsas səbəbi Yaxın Şərq və Ukraynadakı münaqişələr fonunda ənənəvi hərbi podratçıların istehsal gücünün qlobal tələbata çatmamasıdır. Pentaqon yaranmış sənaye tıxacını avtomobil nəhənglərinin kütləvi istehsal xətləri hesabına həll etməyi planlaşdırır.

Ukrayna dronları Moskva vilayətində yerləşən “Dubna” Kosmik Rabitə Mərkəzinə hücum edib. Bu barədə mərkəzin əsas strukturu olan “Kosmiçeskaya svyaz” müəssisəsinin mətbuat xidməti məlumat yayıb. Zərbələr nəticəsində personal arasında xəsarət alan yoxdur, televiziya yayımı və rabitə sistemlərinin fəaliyyəti pozulmayıb. Hazırda hücumun nəticələrinin aradan qaldırılması üçün tədbirlər görülür. Qeyd olunur ki, “Dubna” Kosmik Rabitə Mərkəzi Rusiyada ən iri peyk rabitə obyektlərindən biridir. O orbitdəki peyklərlə yerüstü şəbəkələr arasında əlaqəni təmin edir, siqnalların qəbulu, ötürülməsi və emalı ilə məşğuldur.

Kyodo News Ukrayna tərəfinə istinadən Şimali Koreya ballistik raketlərinin dəqiqliyinin növbəti mərhələdə yaxşılaşdığını bildirir. 2026-cı ilin aprel ayına qədər raketlərin hədəfə düşmə xətası 1–5 metrə qədər azalıb. Bu o deməkdir ki, KN-23 (Hwasong-11Ga/ 화성-11가) raketləri nəticədə həm yüksək manevr qabiliyyətinə malik olub, həm kifayət qədər etibarlı hala gətirilib.

Bu gün Voronejdə güclü partlayışlar qeydə alınıb. Hücum zamanı Voronejə Ukrayna tərəfindən bir neçə “Storm Shadow” tipli qanadlı raket atılıb. Zərbələr Voronej yarımkeçirici cihazlar zavoduna (АО “VZPP-S”) endirilib.

Məsələ belədir.

ABŞ İranla bağlı sanksiyaların bir hissəsini yumşaldıb. Qərara əsasən, İranın neft və neft-kimya məhsullarının ixracına qoyulan məhdudiyyətlər ləğv edilib, dondurulmuş bəzi aktivlərin sərbəst buraxılmasına icazə verilib və dəniz yolu ilə neft ixracı üzərindəki məhdudiyyətlər aradan qaldırılıb. Eyni zamanda, İran üçün genişmiqyaslı yenidənqurma və inkişaf planının qəbul olunduğu, eləcə də bəzi digər məhsulların ixracına tətbiq edilən qadağaların götürüldüyü bildirilir. Bununla yanaşı, ABŞ rəsmiləri İranın Atom Enerjisi üzrə Beynəlxalq Agentliyin müfəttişlərini ölkəyə dəvət etməyə razılaşdığını açıqlayıb. Bu addım nüvə proqramı ilə bağlı beynəlxalq nəzarətin bərpası kimi qiymətləndirilir.

İranda yüksək hərbi rəhbərlikdə dəyişiklik edilib. Müctəba Xamneyi Yahya Rəhim Səfəvini İran Ali Hərbi Şurasının sədri vəzifəsindən azad edib. Bildirilir ki, Səfəvi bu qərarın verilməsini özü istəyib. Səfəvi bundan sonra Strateji Xarici Əlaqələr Şurasının üzvü, Müdafiə və Təhlükəsizlik Komissiyasının rəhbəri, eləcə də ali dini rəhbərin əsas hərbi müşaviri kimi fəaliyyətini davam etdirəcək. O, həmçinin müharibə dövründə yaradılmış hərbi və mülki qurumlar arasında koordinasiya şurasının sədri vəzifəsindən də uzaqlaşdırılıb. Eyni zamanda, SEPAH komandanı Əhməd Vahidi İran Ali Hərbi Şurasının yeni katibi təyin olunub. Bununla da o, Yahya Rəhim Səfəvidən sonra həm SEPAH komandanı, həm də ali şurada rəhbər vəzifəni eyni vaxtda icra edən ikinci şəxs olub.

85 il əvvəl bu gün Almanlar çox sürətli şəkildə Sovet torpaqlarını ələ keçirməyə başladı. Amma sonra təminatın bağlanması, müharibənin plansız uzanması, psixoloji gərginlik və nəticə əldə edilməməsi səbəbindən gəldikləri yerə döndülər. 2022də də sürətlə başlayanlar oldu…

İran tərəfi danışıqları tərk etdiyini açıqladıqdan sonra Abbas Şərifinin üzüdəki narahatlıq və yorğunluq özünü biruzə verib.

Əsas səbəb memaranduma baxmayaraq Livanın hələdə bombalanmasıdır.

İran tərəfi danışıqlardan çəkildi.

54 yaralı, 18 itkin

Qətərin Ras Laffan sənaye şəhərində partlayış olub. Səbəbi bilinmir.

Keçmiş Sovet lideri Leonid Brejnevin nəticəsi olaraq şübhəlinilən Anton Milaevin Ukrayna qüvvələri tərəfindən əsir götürülüb.

Ukrayna dünən Krımda 4 ədəd S-400 radar stansiyası və 2 ədəd Pantsir hava hücumundan müdafiə sistemini hədəf alıb.

Çin Taklamakan (Təkləməkan) səhrasında yerləşən poliqonda ABŞ Hərbi Dəniz Qüvvələrinə məxsus Arleigh Burke sinifli esminesin tam ölçülü maketini inşa edir. Bundan əvvəl həmin poliqonda ABŞ-ın ən yeni aviadaşıyıcısı olan USS Gerald R. Ford-un da dəqiq maket-kopiyası qurulmuşdu və bu obyekt gəmi əleyhinə silahların sınağı üçün istifadə olunurdu. Hücum əməliyyatları və zərbə ssenarilərinin məşqi üçün Çində Tayvan paytaxtının hökumət rayonunun da maketi hazırlanıb.

Dünən Poltava vilayətində S8000 “Banderol” qanadlı raketinin ilk uçuş kadrları yayımlanıb. “Banderol”un tətbiqi ilə bağlı ilk məlumatlar hələ 2025-ci ilin yazında qeydə alınmışdı. Bu sursat nisbətən ucuz və yüngül qanadlı raket hesab olunur və helikopterlərdən, eləcə də zərbə dronlarından buraxılması üçün nəzərdə tutulub. Mövcud məlumatlara görə, “Banderol” 115 kq döyüş başlığı daşıyır və 500–700 km məsafəni qət edə bilir.

ABŞ Hərbi Hava Qüvvələrinin müharibə zamanı İranın Şiraz aviabazasına endirdiyi zərbələr nəticəsində 5 ədəd İl-76 hərbi-nəqliyyat təyyarəsi, 2 ədəd C-130 nəqliyyat təyyarəsi və 2 ədəd Su-22 qırıcı-bombardmançı məhv edilib.