Ormilitarism

Ukrayna tərəfi “Mayachnya” layihəsinin həyata keçirildiyini bildirir. Layihənin məqsədi peyk rabitəsinin olmadığı şəraitdə Qara dənizin akvatoriyasında dron-müdaxiləçilərin naviqasiyası və dəqiq mövqeləndirilməsi məsələsini həll etməkdir. Layihənin əsasını Qara dəniz sahili boyunca, Oçakovdan İzmailə qədər olan ərazidə Skyline platforması əsasında muxtar radio mayaklar şəbəkəsinin qurulması təşkil edir. Radio mayaklar avtonom rejimdə fəaliyyət göstərir, ehtiyat enerji mənbələri ilə təchiz olunub və mərkəzləşdirilmiş şəbəkəyə inteqrasiya edilib. Bu isə operatorlara dronların dəqiq yerini izləməyə və mürəkkəb hava şəraitində və ya rabitənin müvəqqəti itirilməsi zamanı onların geri qayıtmasını təmin etməyə imkan verir. Sahil zonasındakı əsas hədəflər kəşfiyyat PUA-larıdır. Bu aparatlarla yalnız kəşfiyyat aparılmır, onlar həmçinin retranslyator kimi çıxış edir və kamikadze dron qruplarından siqnalların qəbulu və ötürülməsini təmin edən mesh şəbəkəsinin bir hissəsi kimi istifadə olunur.

Böyük Britaniya Ukraynaya Storm Shadow qanadlı raketlərinin istehsalı üçün texnologiya ötürüb. Bunu Böyük Britaniyanın yeni baş naziri Endi Börnhəm açıqlayıb. Bu, son aylarda Qərb silahlarının Ukraynada lisenziyalı istehsalına dair ötürülən texnologiyalar silsiləsində növbəti haldır. Lakin istehsalın real olaraq nə vaxt başlayacağı və ümumiyyətlə başlayıb-başlamayacağı, xüsusilə Rusiya Silahlı Qüvvələrinin müntəzəm və getdikcə intensivləşən zərbələri fonunda, hələlik məlum deyil.

Ukrayna Silahlı Qüvvələri FP-2 idarəolunan kamikadze dronları ilə Rostov vilayətində bir neçə radiolokasiya stansiyasına (RLS), həmçinin Kamensk-Şaxtinski şəhərində yerləşən “Kamenski Kombinatı”na zərbələr endirib. Bundan əlavə, dronların hədəfində Millerovo aviabazasında Ka-52 helikopterinin aşkar maketi və MiQ-29 təyyarəsi də olub. Böyük ehtimalla MiQ-29 da aldadıcı hədəf kimi istifadə edilib, çünki digər aviasiya vasitələri anqarlarda gizlədilib. Rostov vilayəti sahilyanı region deyil. Beləliklə, ya Starlink-in fəaliyyəti tədricən Rusiyanın daxili ərazilərinə qədər yayılır və ABŞ Ukraynaya bu cür zərbələr endirməyə icazə verir, ya da Ukrayna Silahlı Qüvvələri Rusiya Silahlı Qüvvələrinin istifadə etdiyi analoji retranslyator şəbəkəsindən yararlanır və dronlarını “Geran-2 seeker”, “Geran-4 seeker” və “Gerbera seeker” seriyalı dronlarda tətbiq olunan mesh şəbəkə vasitəsilə idarə edir.

Ukraynanın Müstəqillik Günü ilə əlaqədar Kiyevdə dron paradı keçirilib. Kreşşatik küçəsində yerüstü pilotsuz robot sistemləri hərəkət edib, səmada müxtəlif təyinatlı dronlar, o cümlədən interceptor dronlar uçub. Dnepr çayında isə pilotsuz döyüş katerləri nümayiş etdirilib.

Sudan sərhədi yaxınlığında, Çadın şərqində yerləşən Abeşe aviabazasında ən azı dörd silahlandırılmış Çin istehsalı CH-4 pilotsuz uçuş aparatı. Abeşenin yerləşdiyi mövqe onu Darfur sərhədi boyunca əməliyyatlar aparmaq üçün əlverişli vəziyyətə gətirir.

Polşa Cənubi Koreya ilə bağladığı 6,7 milyard dollarlıq müdafiə müqaviləsi çərçivəsində 28 ədəd K2 “Black Panther” tankı alıb. Bu tədarük Polşanın K2 tanklarının ümumi sayını 208-ə çatdırıb. Daha 88 ədəd K2GF tankının 2027-ci ilə qədər, Polşaya xüsusi olaraq hazırlanmış 64 ədəd K2PL tankının isə 2028–2030-cu illərdə təhvil verilməsi planlaşdırılır. K2PL tanklarının böyük hissəsi Polşada istehsal olunacaq.

KİV-də yayılan “Ukraynaya taktiki nüvə silahı zərbəsi” barədə daha əvvəl reaksiya vermişdim. https://t.me/Ormilitarism/44156

İnterseptor dronlarının buraxılması üçün uyğunlaşdırılmış Ukrayna Mi-8 helikopteri.

İsveç Hərbi Hava Qüvvələri Saab JAS-39C Gripen qırıcısından Taurus KEPD 350 qanadlı raketinin ilk uğurlu atış sınağını keçirdiklərini açıqlayıb. Taurus raketi vaxtilə Saab AB qrupunun Taurus Systems GmbH şirkəti ilə Almaniyanın MBDA bölməsinin (MBDA Deutschland) birgə müəssisəsi tərəfindən hazırlanmışdı. İlk gündən bu raketin, Gripen qırıcılarında istifadə üçün nəzərdə tutulmasına baxmayaraq, İsveç Hərbi Hava Qüvvələri son dövrə qədər bu raketləri satın almamışdı. Yalnız 2025-ci ilin əvvəlində İsveç Müdafiə Nazirliyi Taurus raketlərinin alınması və onların Gripen qırıcılarına inteqrasiyası proqramını təsdiqlədi. Planlara əsasən, modifikasiya edilmiş İsveç JAS-39C qırıcıları Taurus raketlərini 2028-ci ildə operativ istifadəyə qəbul edəcəklər. İsveç Hərbi Hava Qüvvələrinin yeni aldığı JAS-39E versiyalı qırıcılar isə daha sonra Block 4 (MS23) konfiqurasiyasına çatdırılmalıdır. Bu isə həmin təyyarələrdən Taurus raketlərinin tam şəkildə istifadə edilməsinə yalnız 2033-cü ildə imkan verəcək.

Ermənistan Hərbi Hava Qüvvələrinin Su-30SM çoxməqsədli qırıcıları haqqında reportaj. Kadrlarda Ermənistanın Su-25 hücum təyyarələrini də görmək mümkündür. Ermənistan üçün nəzərdə tutulan qırıcılar komplektasiyada Rusiya Aerokosmik Qüvvələri üçün də istifadə olunan Thales və Sagem kimi Fransanın müdafiə şirkətlərinə məxsus xarici komponentləri də əldə etmişdi. Görünür, mövcud şəraitdə Ermənistan tərəfi üçün bu sistemlərin texniki xidməti ilə bağlı da problem yaranmayacaq.

Polşa Suvalki keçidinə doğru əlavə qüvvələr cəmləşdirir.

2022 də Rusiya Ukraynaya hücum edərkən çoxunun ağzında bir avaz var idi ki, Rusiya hücum etməsəydi Ukrayna hücuma hazırlaşırdı. İndidə Rusiya Baltik ətrafına hücuma hazırlaşır. NATO eynisini eləsə necə bəs?

Son 1 həftədə Rusiyadan Kalininqrada 13 hərbi yük təyyarəsi uçuşu qeydə alınıb.

Ukraynanın Su-25 hücum təyyarəsi. Aviabazalardan birində sovet istehsalı dəmir-beton sığınacaqda.

Amerika istehsalı aerodrom yükləyicisi MHU-83 Ukrayna Silahlı Qüvvələrinə məxsus Su-27 qırıcı-bombardmançı təyyarəsinə JDAM bombası aparır. Görünür, bu yükləyicilər də bombalarla birlikdə Ukraynaya təhvil verilib.

R-280 “Novorossiya” avtomobil yolunda mobil atəş qruplarından birinin fəaliyyəti.

Ukrayna istehsalı An-196 “Lyutıy” (Lütıy) dronu bir cüt kiçik ölçülü “Katran” qanadlı raketi ilə görüntülənib. Raketlər ilk dəfə ötən ayın sonunda ictimaiyyətə təqdim edilib. Bildirilir ki, onlar 20 kq-a qədər döyüş başlığı daşıya, maksimum 500 km/saat sürət yığa və 200 km-ə qədər məsafə qət edə bilirlər. Həmçinin hava hücumundan müdafiə sistemləri üçün aldadıcı hədəf kimi istifadə oluna bilərlər.

Əfqanıstanın "ABŞ işğalından azad olunmasının" beşinci ildönümü münasibətilə paytaxt Kabil üzərinə ABŞ helikopter döyüş forması geyimli hərbiçi tərəfindən ABŞ helikopteri vasitəsi ilə güllər səpilib.

Ukraynanın Yak-52 təyyarəsi Odessa səmasında dronun arxasınca uçarkən görüntülənib.