Zeraf Books

«የኢትዮጵያ አርበኞች በረሃብና በውኃ ጥም እየተሰቃዩም ቢሆን፣ ለነፃነታቸው ያላቸው ፍቅር ከምንም በላይ ነበር።» ፡ «ይህች ምድር ለወራሪዎች የማትመች፣ ለልጆቿ ግን የጥንካሬ ምንጭ ናት።» ~ <ቀይ አንበሳ> በሚል ርዕስ ከስፓኒሽ ወደ አማርኛ በዶ/ር ተስፋዬ መኮንን የተተረጎመው ይህ ታሪካዊ መጽሀፍ የሚያየጠነጥነው በአጼ ሀይለስላሤ ዘመነ መንግስት በተከሰተው ሁለተኛው የኢትዮ-ኢጣሊያ ጦርነት ወቅት ሀገራችንን ለመርዳት ከኩባ ድረስ የመጣ   አሌኸንድሮ ዴል ባዬ ስለተባለ የጦር ኮረኔል ህይወትና በቆይታው ውስጥ የታዘባቸውና የገጠሙትን አስገራሚ ታሪኮችንና አወዛጋቢ መረጆዎችን በውስጡ የሚያካትት ድንቅ መጽሀፍ ነው:: ከ <ሀበሻ ጀብዱ> እና <የተደበቀው ማስታወሻ> ጎንለጎን የሚነበብ የታሪክ ማስታወሻ ነው። A Bit Pricey Due To Rariety     ~ Inbox @Zerafb To Order. Shipping Worldwide 🇺🇸🇨🇦🇩🇪🇮🇹🇫🇷 & Delivering Locally.

📖 Prayer Book The Oriental Orthodox Churches መጽሐፈ ጸሎት ዘእኀት ኦርቶዶክስ አብያተ ክርስቲያናት Page Count : 622 Date of Publication: 2025

ርዕስ : ሀገር ምንድር ናት ? ደራሲ : " ዓለማየሁ ሞገስ " ዘውግ : ፍልስፍና የሕትመት ዓመት : 1953 ዓ.ም ሀገር ምንድር ናት? የገፅ ብዛቷ 33 ሲሆን በገንዘብ እጦት ታይፕ እየተደረገች የተሰራጨች ናት። ስለ ሀገር፣ የሃገር ጠላት፣ ሕዝብ ፣ ሰንደቅ ዓላማ ፣ ነጻነት ፣ ኅብረት ፣ ባህል ፣ መሪ ፣ ምክር ቤት ፣ ዘውድ ፣ የሀገር ፍቅር ጉዳዮች መግቢያ እየጻፉ በግጥም የገለጹበት ግሩም መጽሐፍ ሆና አገኘኋት ። እጅግ ወደድኳት። በመጀመሪያ "መልክዐ ኢትዮጵያ " በማለት በቅኔያዊ መንገድ የጻፉት ቢሆንም ለተርታው ሰው ግልጽ ባለመሆኑ እንደገና "ሀገር ምንድር ናት " በሚል ርእስ ለህጻናት ጭምር በሚገባ መንገድ እንደጻፉት በመግቢያው ላይ ተናግረዋል ። "ደስ እንዲልህ ከፈለግህ ተፈጥሮን እንዳለች ተቀበል ፣ መጥፎን ልማድ አሻሽል ፣ የማይመረምርን ሰው ልማድ ይገዛዋል " እያሉ ገና በጠዋቱ በማይጠቅሙን ልማዶቻችን ላይ አብዮት ለማስነሳት የተንቀሳቀሱት ታላቁ ባለቅኔን መምህር ዓለማየሁ ሞገስን እንዘክራቸው ዘንድ ይገባል ። በእርግጥ አንድ "አብረሃም" የሚባል ጓደኛዬ የእርሳቸውን መጽሐፍ ሁሉ እንደሰበሰበ ሰሞኑን በአድናቆት እያጫወተኝ ነበር ። ትላንት ማታ ላይ አራት ኪሎ በመንገድ ላይ ኤርፎን አድርጌ እየተጓዝኩ ሳለ አንድ እጅ ድንገት ያዘኝ...ዞር ስል በፍጹም አክብሮት ከምወዳቸው የመጽሐፍ አዟሪ አንዱ ነበር ። መንገድ ላይ እንዳንሸጥ ተከልክለናል " አርሙኝ በእርግጥ አልሞትኩም ብዬ አልዋሽም እና ሌሎችም " የሚለው የራስ ቢትወደድ መኮንን እንዳልካቸው መጽሐፍ አለኝ ግዛኝ አለኝ ። በእጅጉ እየተደሰትኩ እሺ ብየው የጋራ መጽሐፍ መደብራቸው ስሄድ እጅግ የማከብራቸውን "የማሞ ውድነህን" የማላውቃቸውን መጽሐፍት የነ ሸክስፒር መጽሐፍትን በሚያስደንቅ ሁኔታ አገኘኋቸው ። ቀጥዬ የዓለማየሁ ሞገስ መጽሐፍ አለህ ? አልኩት ...ፈገግ አለና ...አዎ አለኝ ። "ሀገር ምንድር ናት " የምትለውን መጽሐፍ መዥረጥ አድርጎ ሰጠኝ እና ይኸን ያህል ክፈል አለኝ ። ምን አማራጭ አለኝ... በፍቅር ነው የሸመትኳት ።የሚያስደንቁኝን የታላላቆችን የአእምሮ ጭማቂ ገዝቶ እንደማንበብ ያለ ሃሴት ምን አለ? ለምሳሌ የሀገር ፍቅር ከሚለው ርእስ ስር እንዲህ ይላሉ"ከሃይማኖት በልጦ ዓለምን የሚገዛ እንደ ሀገር ፍቅር ያለ ትልቅ ፍልስፍና የለም" እያሉ በግጥም ያብራራሉ ። መሪ በሚለው ርእስ ስር ደግሞ " ያንድ ሀገር ሥልጣኔና ዕድገት ብዙ ጊዜ እንደመሪው ይሆናል። በትጉሁ ጊዜ ይዳብራል፣ በሰነፋ ጊዜ ይኮስሳል ፣ በጥቅም አባራሪ ጊዜ ይወድማል ፣ ባጭበርባሪ ጊዜ ይጠፋል " ይላሉ ። " ዓለማየሁ ሞገስ " በዚያን ጊዜ እጅግ ተራማጅ ትጉህ የነበሩ ከ20 መጽሐፍት በላይ የጻፉ ሊቅ ናቸው። በተለይ "ልማድ እና ሠርግ " ግሩም መጽሐፋቸው ነች ። ዘመናቸውን ሲያነቡ ፣ ሲጽፉ እና ሲያስቡ የኖሩ ሊቅ ናቸው ። Reviewer : Tsegaw Mamo is an associate editor at Think Ethiopia Book Review

“የሕክምና ገዳም” ---------------- የዶ/ር በድሪ ሙኒርን መጽሐፍ አንብቤ ስጨርስ በእውነት ተደሰትኩ፡፡ በዚህች መጽሐፍ ታትሞ መውጣት የብዙ ሰው ዐይን እንደሚገለጥ እርግጠኛ ነኝ፡፡ በድሪ ለአስርት ዓመታት ከተጓዘበት የሕይወት መንገድ በአዕምሮው ከመዘገበው ውስጥ የአዳማና ጎንደር ቆይታውን በዚህ መጽሐፍ ውስጥ አካትቶ ተርኮልናል፡፡ ነፍስ ካወቀበት ጊዜ አንስቶ የሚያስታውሳቸውን ጉልህ ክስተቶች በሚያስጎመጅ መንገድ አቅርቦልናል፡፡ ዛሬን እየኖረ 'ትናንት እንዴት ነበር' ብሎ ለሚጠይቅ ሰው ጠቃሚ መረጃ የተካተተበት ሥራ ሆኖ ታይቶኛል፡፡ እጅግ የሚደነቅ አበርክቶ ነው፡፡ እሱ ጎንደር የገባው ከእኔ አንድ ዓመት በኋላ ስለነበር በኮሌጁ ዙሪያ የጠቀሳቸውን ነገሮች በአብዛኛው እኔም አስታውሳቸዋለሁ፡፡ ወደ ጥቃቅን ዝርዝሮች ስንገባ ግን ትውስታችን በአንዳንድ ነጥቦች ላይ የተራራቀ መስሎኛል፡፡ የተወሰኑ ኩነቶችን እሱ በገለጸበት ደረጃ እኔ በዝርዝር አለማስታወሴ ድሮ በሳይኮሎጂ ትምህርት ስለ Memory የተማርነውን መከለስ እንዳለብኝ አስታወሰኝ፡፡ በዚያው መጠን እሱ የዘነጋቸውን ነገሮችም አግኝቻለሁና ጥቂት ክለሳ ማድረጌ አይቀርም፡፡ የመተከል ዘመቻን በተረከበት ምዕራፍ እጅግ ተደንቄያለሁ፡፡ እዚያ እያለሁ ልብ ባላልኩት ሁኔታ የዘማቹ ኑሮ የተለያየ እንደነበር ከ40 ዓመት በኋላ ነው የተገነዘብኩት! ይህን የምለው ሁለታችንም በአንድ ጣቢያ (አይሲካ/አይሲድ) የነበርን መሆኑን መሠረት አድርጌ ነው፡፡ የእኔና የቅርብ ጓደኞቼ ትዝታ በአብዛኛው በመዋኛ ቦታችን ዙሪያ በነበሩ ትርዒቶች ላይ ያተኮረ ሲሆን እሱና ጓደኞቹ ደግሞ ከዚያም የሰፋ ጀብዱ ሲፈጽሙ እንደነበር ያወቅኩት አሁን ነው፡፡ መተከልን አስመልክቶ በፌስቡክ ተከታታይ ጽሑፎች ሳወጣ እንደጠቀስኩት የሰነቅኩት ተስፋ በዘመኑ በዘመቻው የተሳተፉ ወገኖች (ጋምቤላን ጨምሮ) ትውስታቸውን ቢያካፍሉን የልጆቻችን ትውልዶች ስለዚያ ዘመን ጠቃሚ መረጃ ሊያገኙ ይችላሉ የሚል ነበር፡፡ የበድሪ መጽሐፍ በዚህ በኩል ጉልህ አስተዋጽዖ ተደርጎ መቆጠር አለበት ብዬ አምናለሁ፡፡ ከመተከል ወደየተቋማችን ስንመለስ ስለተገለበጠው አውቶቡስ ጉዳይ በድሪ የጠቀሰው የሟቾች ቁጥር አጠራጣሪ ሆኖ ተሰምቶኛል፡፡ እኔ እንደማስታውሰው የሞቱት ልጆች ቁጥር 6 የነበረ ሲሆን ከእነሱም መካከል ሁለቱ በአውቶቡሱ ውስጥ መገኘት ያልነበረባቸው እንደነበሩ በጊዜው ሲነገር ሰምቻለሁ፡፡ አውቶቡሱ ሦስት ጊዜ ተንከባልሎ ሲቆም ሁሉም ተሳፋሪዎች አለማለቃቸው ሁላችንንም ያስደነቀ ጉዳይ እንደነበር አስታውሳለሁ፡፡ (በዚህ ጉዳይ ላይ ራሱን የቻለ ጽሑፍ ማውጣቴ ትዝ ይለኛል፡፡) የሟቾቹን ቁጥር በተመለከተ አሁንም በሕይወት ያሉትን አስተባባሪዎች /ለምሳሌ ፕሮፌሰር ሽብሩ ተድላን/ ለመጠየቅ እሞክራለሁ፡፡ መጽሐፉ ሁለተኛ እትም የሚኖረው ከሆነ መስተካከል ያለባቸው አንዳንድ ስሞች፣ ቀኖችና ግጥሞች አሉ፡፡ እነዚህን ለበድሪ በግሉ እነግረዋለሁ፡፡ ይህ መጽሐፍ ከያዘው እጅግ ጠቃሚ መረጃ በተጨማሪ ከሽያጩ የሚገኘው ገቢ በሙሉ የሴቶች ማረፊያና ልማት ማሕበር ለሚባለው የበጎ አድራጎት ድርጅት የሚሰጥ በመሆኑ የቻላችሁ ሁሉ ገዝታችሁ እንድታነቡት አደራ እላለሁ፡፡ በድሪ፡ በድጋሚ እንኳን ደስ አለህ! (ዶ/ር እንዳለማው)

📖 Autumn In Venice Ernest Hemingway and His Last Must A book by Andrea Di Robloant Binding : hardcover Inbox @Zerafb To Order.

Two Latest Books By Adam Reta :- 📖 መዝሙረ ሄላም : Collection of Short Stories 📖 Couch Grass : An English Translation of One of His Earlier Works ''እቴሜቴ የሎሚ ሽታ'' By Bethelhem Attfield Which was released last year. ~ Inbox @Zerafb to order. shipping worldwide 🇺🇸🇨🇦🇫🇷🇦🇪 & Delivering Locally.

ስንዱ መጻሕፍት በ 2000 እና 2002 ዓ.ም ያሳተመቻቸው ሁለት የትርጉም መጻሕፍት:- 📖 ሲራኖ ~ ባሴ ሀብቴ 📖 ዛዚ ~ ስብሃት ገ/እግዚአብሔር

ስንዱ መጻሕፍት በ 2000 እና 2002 ዓ.ም ያሳተመቻቸው ሁለት የትርጉም መጻሕፍት

የአዳም ረታ 'መዝሙረ ሄላም' በ Paper back ታትሟል። : : Inbox @Zerafb to order. shipping worldwide 🇺🇸🇨🇦🇫🇷🇦🇪 & Delivering Locally.