РИШТОН ТУМАНИ ҲОКИМЛИГИ

“Кулоллар сайли”да Баткен тумани делегацияси меҳмон бўлди Риштон туманидаги "Халқаро кулолчилик маркази"да “Кулоллар сайли” миллий кулолчилик маҳсулотлари кўргазма-савдо ярмаркаси ўз ишини давом эттирмоқда. Фарғона вилояти ҳокимлиги, Туризм қўмитаси ва Республика "Ҳунарманд" уюшмаси билан ҳамкорликда 1-5 июнь кунлари ташкил этилаётган тадбирга Россия, Тожикистон, Республикамиз вилоятлари ва Қорақалпоғистон кулолчилик мактабларининг вакиллари бўлган уста кулоллар жалб этилган. Бугун ушбу тадбирга Қирғизистон Республикаси Баткен тумани ҳокими Учкун Жоробоев бошчилигидаги делегация вакилари ташриф буюришди. Тадбирда сўзга чиққан Баткен тумани ҳоқими Учқунбек Жоробаев ва Баткен шаҳри мэри Имомназар Бархановлар форумга таклиф учун миннатдорчилик билдирдилар.

- Бугун ана шундай анжуманга келганимиздан беҳад хурсандмиз. Таклиф учун Риштон тумани ҳокими ва туман ҳалқига миннатдорчилик билдираман. Икки давлатнинг дўстлиги абадий бўлишига тилакдошман, деди Баткен тумани ҳоқими Учқунбек Жоробаев.

- Бугунги ташриф менда катта таассурот қолдирди. Ўзбекистоннинг турли ҳудудларига хос бўлган кулолчилик маҳсулотлари билан танишиш имкониятига эга бўлдим. Бунинг учун сизларга раҳмат айтмоқчиман. Дўстлигимиз абаддий бўлсин, деди Баткен шаҳри мэри Имомназар Барханов. Шунингдек, “Кулоллар сайли” доирасида турли номинацияларда ғолиб бўлган уста кулоллар фахрий ёрлиқ ва қимматбаҳо совғалар билан тақдирлашинди. Тадбир давомида санъаткорлар иштирокидаги концерт дастури, миллий қўшиқ ва рақслар йиғилганларга кўтаринки кайфият бағишлади. Бугунги тадбирлар доирасида Риштон туманидаги маҳаллалар ўртасида ош танлови ҳам ўтказилиб, ғолибларга эсдалик совғалар тақдим этилди.

- Бугунги ош танловида маҳаллалар ўзаро ҳамжиҳатликни намоён қилган ҳолда танловда иштирок этишди. Албатта аҳил бор жойда самарадорлик бўлади. Фестивални юқори савияда ўтказилишида, маҳалла ҳодимларининг ҳам ҳисса бор, деди туман ҳокими Баҳодиржон Холиқов.

Фестивал доирасидаги қизиқарли тадбирлар эртага ҳам давом этади. 3-4 июнь кунлари Риштонга етакчи олий таълим муассалари олимлари ташриф буюриб “Риштон замонавий чинничилиги:махсулотлар сифати ва таннархи экспортни ошириш омили" мавзусида илмий анжуман ҳамда Риштон чиннисозлигини ривожлантириш бўйича мухокама ва устахоналарга ташрифлар режалаштирилган. Риштон тумани ҳокимлиги Ахборот хизмати.

1 iyun - Xalqaro bolalarni himoya qilish kuniga bag'ishlangan “Onajonim, birga o'ynaymizmi?” ijtimoiy roligi   Butun dunyoda bo‘lgani kabi O‘zbekistonda ham 1-iyun Xalqaro bolalarni himoya qilish kuni sifatida keng nishonlanadi.   Ijtimoiy himoya milliy agentligi direktorining birinchi o‘rinbosari, bolalarni ijtimoiy himoya qilish, huquq va manfaatlarini ta’minlash masalalari bo‘yicha mas’ul Shahnoza Mirziyoyeva “Ota-onalar va bolalar o‘rtasidagi munosabatlar” mavzusidagi ijtimoiy rolik tashabbusi bilan chiqdi. Ma'lumki, ota-ona va bolaning travmatik munosabatlari juda katta salbiy oqibatlarga olib keladi va bolaning kelajakdagi hayotiga sezilarli ta'sir ko'rsatishi mumkin.  

Agar bola eʼtibor, g’amho’rlik, mehr va baxtni uyidan topmasa, ularni boshqa joydan qidiradi. Ko’pincha u o’zi istagan munosabatni ko’chadan, shubhali kishilar davrasida topadi. Bolalar va ota-onalar munosabatlarni ruhiy jarohatlar juda qayg’uli oqibatlarga olib kelishi mumkin... Biz kundalik faoliyatimizda bu holatga tez-tez to’qnash kelamiz - deydi Shahnoza Mirziyoyeva o’z instagram sahifasida.

Videorolik yana bir bor kattalarning e'tiborini cheksiz sevgi, tushunish, manfaatlarni hurmat qilish va bolalarga g'amxo'rlik qilish zarurligiga qaratadi. U yana bir bor eslatib o'tadiki, uy bola uchun eng xavfsiz joy bo'lishi kerak, u yerda uni hamma sevadi va boricha qabul qiladi.   📝 telegram 💻 instagram 📝 facebook 🐧 xcom 🎞 youtube 🎖 ihma.uz