RISHTON TUMANI HOKIMLIGI

🇺🇿Milliy jamoamizning Jahon chempionatidagi navbatdagi bahsini marokashlik hakamlar boshqaradi AQSH, Kanada va Meksikada bo‘lib o‘tayotgan Jahon chempionatining 2-turidan o‘rin olgan 🇵🇹 Portugaliya va 🇺🇿 O‘zbekiston milliy terma jamoalari o‘rtasidagi uchrashuv rasmiylari ma’lum bo‘ldi. Mazkur bellashuvni marokashlik FIFA hakami Jalal Jayed boshqarib boradi. Unga qanotlarda hamyurtlari Zakariya Brinsi va Mustafo Akarkad yordam beradi. Uchrashuvning to‘rtinchi va beshinchi rasmiy hakamlari sifatida Janubiy Afrika Respublikasi vakillari Abongayl Tom hamda Zaxele Sivela faoliyat olib boradi. Eslatib o‘tamiz, milliy terma jamoamizning Portugaliyaga qarshi bahsi 23-iyun kuni Toshkent vaqti bilan soat 22:00 da boshlanadi. 💳 Uzcard | 🔴 Coca-Cola | ❤️ Uzum Bank | 👍 APEX | ⚡️ Uzbekistan FA

Эски автомашиналарни утилизация қилиш тартиби йўлга қўйилади 🔄Ўзбекистонда ишлаб чиқарилганига 30 йил ва ундан ортиқ бўлган автотранспорт воситалари эгаларидан бозор нархида баҳоланиб, харид қилинади ва утилизация қилинадиган тизим яратилади. Бу ҳақда Чиқиндиларни бошқариш агентлиги маълум қилди. Унга кўра, ⏺️Автотранспорт эгасига янги автомобилнинг бошланғич тўлови учун электрон ваучер тақдим этилади, ёки ваучер пулга айлантириб берилади. ⏺️Истеъмолчи ушбу ваучер ёрдамида Ўзбекистонда ишлаб чиқарилаётган янги автомобилларни бир йилдан ортиқ муддатда бўлиб тўлаш шарти билан имтиёзли сотиб олиши мумкин бўлади. ⏺️Эски автомашинасини ўз вақтида утилизацияга топширмаган фуқаролар йилига бир маротаба базавий ҳисоблаш миқдорининг 30 баробари миқдорида экологик компенсация тўлайди. ✈️ Каналга уланиш: 👇 @hudud_inform | Instagrаm | Facebook

⚽️ Yillar davomidagi orzu. Millionlab yuraklarning umidi. Butun xalq kutgan tarixiy lahza. Prezident Shavkat Mirziyoyev rahbarligida sport sohasida amalga oshirilgan izchil islohotlar, zamonaviy infratuzilma va futbol rivojiga qaratilgan e’tibor o‘zining tarixiy samarasini berdi.

O‘zbekiston milliy terma jamoasi ilk bor futbol bo‘yicha Jahon chempionati maydoniga chiqdi! O‘zbekiston bayrog‘i futbolning eng nufuzli maydonida hilpiradi!

Millionlab muxlislar orzusini ro‘yobga chiqargan, O‘zbekiston nomini jahon chempionati sahifalariga muhrlagan futbolchilarimizga yuksak ehtirom! https://t.me/Rasmiy_axborot_official

Ustoz olim va ijodkorga ehtirom Farg‘ona davlat universitetida taniqli olim va ijodkor, filologiya fanlari doktori, professor, O‘zbekiston Yozuvchilar uyushmasi a’zosi, “Do‘stlik” ordeni sohibi Siddiqjon Mo‘minov tavalludining 70 yilligiga bag‘ishlangan ma’naviy-ma’rifiy anjuman bo‘lib o‘tdi. Unda professor-o‘qituvchilar, yurtimizning turli hududlaridan kelgan olimlar, ijodkorlar, talabalar hamda keng jamoatchilik vakillari ishtirok etdi. Anjumanda viloyat hokimi o‘rinbosari Xurshidjon Ahmedov Farg‘ona viloyati hokimining olim va ijodkor tavalludining 70 yilligi munosabati bilan yo‘llagan tabrigini o‘qib eshittirdi. Tabrikda ustozning ilm-fan, milliy adabiyot va yurt taraqqiyotiga qo‘shgan munosib hissasi, yosh avlodni ma’rifat va vatanparvarlik ruhida tarbiyalash borasidagi xizmatlari alohida e’tirof etildi. O‘zbekiston Yozuvchilar uyushmasi raisi o‘rinbosari Minhojiddin Mirzo, Farg‘ona davlat universiteti rektori Bahodirjon Shermuhammadov va boshqalar tadbir davomida olimning hayot va ijod yo‘li, ko‘p yillik ilmiy-pedagogik faoliyati haqida to‘xtalib o‘tdilar.O‘zbek tilshunosligida katta maktab yaratganligi, ma’naviyat targ‘ibotchisi sifatidagi faolligi e’tirof etildi. Fergana.gov.uz|Facebook|Instagram|Youtube|X

🌾 Fidokorona mehnat — mo‘l hosil garovi: “Buloqboshi gulshani”da baraka mavsumi Rishton tumanida g‘alla o‘rimi mavsumi uyushqoqlik bilan davom etmoqda. Dalalarda mehnat qilayotgan fermer va mexanizatorlar yurt xirmonini mo‘l hosil bilan to‘ldirish yo‘lida fidokorona mehnat qilmoqda. Tumandagi “Buloqboshi gulshani” fermer xo‘jaligida joriy mavsumda 18 gektar maydonga g‘alla ekilgan bo‘lib, bugungi kunda o‘rim-yig‘im ishlari yuqori sur’atlarda olib borilmoqda. 🚜 Agrotexnik tadbirlarning o‘z vaqtida va sifatli bajarilgani, dehqonlarning mashaqqatli mehnati samarasida har gektardan 70 sentnerdan hosil olinmoqda. Bu esa fermer xo‘jaligi jamoasining yerga bo‘lgan mehr-muhabbati va mas’uliyat bilan yondashayotganining yorqin ifodasidir. 🌾 Ayni kunlarda hosilni qisqa muddatlarda va sifatli yig‘ib olish uchun barcha kuch va vositalar safarbar etilgan. Mo‘l hosil esa nafaqat fermerlar, balki butun tuman ahli uchun quvonchli natija bo‘lib xizmat qilmoqda.

Tadbirkorlarni nimalar kutyapti? Tayyorgarlik qizgʻin pallada 📞 1100 yoki 1094 qisqa raqamlariga qo‘ng‘iroq qilib, o‘z takliflaringizni ayting. @ochiqmuloqot2026_bot orqali murojaat qilish tez va qulay. Fergana.gov.uz|Facebook|Instagram|Youtube|X

🌾 Fidokorona mehnat — mo‘l hosil garovi: “Buloqboshi gulshani”da baraka mavsumi

Rishton tumanida g‘alla o‘rimi mavsumi uyushqoqlik bilan davom etmoqda. Dalalarda mehnat qilayotgan fermer va mexanizatorlar yurt xirmonini mo‘l hosil bilan to‘ldirish yo‘lida fidokorona mehnat qilmoqda.

Tumandagi “Buloqboshi gulshani” fermer xo‘jaligida joriy mavsumda 18 gektar maydonga g‘alla ekilgan bo‘lib, bugungi kunda o‘rim-yig‘im ishlari yuqori sur’atlarda olib borilmoqda. 🚜 Agrotexnik tadbirlarning o‘z vaqtida va sifatli bajarilgani, dehqonlarning mashaqqatli mehnati samarasida har gektardan 70 sentnerdan hosil olinmoqda. Bu esa fermer xo‘jaligi jamoasining yerga bo‘lgan mehr-muhabbati va mas’uliyat bilan yondashayotganining yorqin ifodasidir. 🌾 Ayni kunlarda hosilni qisqa muddatlarda va sifatli yig‘ib olish uchun barcha kuch va vositalar safarbar etilgan. Mo‘l hosil esa nafaqat fermerlar, balki butun tuman ahli uchun quvonchli natija bo‘lib xizmat qilmoqda.

Oʻzbekiston milliy terma jamoasi jahon chempionatining 2-turida Portugaliyaga qarshi maydonga tushadi. Uchrashuv 23-iyun Toshkent vaqti bilan soat 22:00 da start oladi. 🇵🇹Portugaliya — Oʻzbekiston 🇺🇿  🗓 23-iyun | 22:00🏟 “Houston Stadium”. Olʼga, Oʻzbekiston! Fergana.gov.uz|Facebook|Instagram|Youtube|X

🇺🇿Maizuru shahri va Oʻzbekiston Respublikasining Rishton tumani oʻrtasida “Birodar shaharlar” bitimi imzolanganligi munosabati bilan, bugun, 20-iyun (shanba) kunidan boshlab Maizuru shahridagi “Red Brick” muzeyining 2-qavatidagi koʻrgazmalar zalida “Oʻzbekiston va gʻisht” deb nomlangan kichik koʻrgazmaga start beriladi! Oʻzbekiston — Buyuk Ipak yoʻlining boy tarixi va tarovati uf urib turgan diyor. Ushbu koʻrgazmada siz u yerdagi goʻzal tarixiy obidalarning poydevori boʻlgan gʻishtlar, shuningdek, oʻzbek xalqining milliy liboslari bilan yanada yaqindan tanishishingiz mumkin. Sizni uzoq va sirli oʻlkaning tarixi, madaniyati hamda oʻziga xos meʼmorchilik sanʼati bilan hamnafas boʻlishga chorlab qolamiz. Barchangizni RED BRICK muzeyida intizorlik bilan kutamiz! 🇯🇵【小企画展「ウズベキスタンとれんが」開催！🇺🇿】 舞鶴市とウズベキスタン共和国リシタン地区の「姉妹都市提携」を記念し、本日6月20日（土）より、2階展示室にて小企画展「ウズベキスタンとれんが」がスタートいたします！ シルクロードの歴史が息づくウズベキスタン。今回の展示では、現地の美しい歴史的建造物を支えるれんがや、民族衣装をご紹介します。 遠い異国の歴史や文化、そして温かみのあるれんが建造物を、ぜひご覧ください。

Farg‘ona — investorlar uchun jozibador hududga aylanmoqda Viloyat hokimi Xayrullo Bozorov Kanada va Mo‘g‘uliston ishbilarmon doiralari vakillaridan iborat delegatsiyani qabul qildi. Kanadaning “Sobirovs Law Firm” kompaniyasi boshqaruvchisi, vatandoshimiz Rahmad Sobirov boshchiligidagi delegatsiya bilan bo‘lib o‘tgan muloqotda Farg‘ona viloyatining investitsiyaviy jozibadorligi, iqtisodiy salohiyati hamda o‘zaro manfaatli aloqalarni rivojlantirish xususida so‘z yuritildi. Oziq-ovqat, turizm, ta’lim kabi yo‘nalishlarda hamkorlik istiqbollari atroflicha muhokama qilindi. ___ Фергана становится привлекательным регионом для инвесторов ___ Fergana Is Becoming an Attractive Destination for Investors Fergana.gov.uz|Facebook|Instagram|Youtube|X

#Diqqat #Ogohlik 🛑 💵 Qalbaki valyuta savdogarlari ushlandi (VIDEO)

🔹 Qalbaki valyutalarning muomalaga kiritilishi davlatning iqtisodiy xavfsizligiga tahdid soluvchi omillardan biri hisoblanadi. Shu bois, mamlakatimiz qonunchiligida qalbaki pullarni tayyorlash, saqlash, tashish va muomalaga kiritish bilan bog‘liq jinoyatlarga qarshi qat’iy choralar belgilab qo‘yilgan. Ayni shu yo‘nalishda Namangan viloyatida o‘tkazilgan tezkor tadbirda soxta pulfurushlar ushlandi.

🔥 Xususan, Yangiqo‘rg‘on tumanida yashovchi 1992 va 1995 yillarda tug‘ilgan hamda To‘raqo‘rg‘on tumanida istiqomat qiluvchi 1980 y.t. uch nafar fuqaro qalbaki 100 AQSH dollarlik kupyuralardan iborat jami 100 ming AQSH dollarini haqiqiy 40 ming AQSH dollariga sotishni rejalashtirishgan. Davlat xavfsizlik xizmatining Toshkent va Namangan viloyatlari bo‘yicha boshqarmalari hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda mazkur shaxslar qalbaki 80 ming AQSH dollarini haqiqiy 40 ming AQSH dollariga sotgan vaqtlarida ashyoviy dalillar bilan qo‘lga olindi. Tergovga qadar tekshiruv davomida xorijda tayyorlangan ushbu soxta valyutalar aylanma yo‘llar orqali olib kelinganligi ma’lum bo‘ldi. Hozirda holat yuzasidan qonunbuzarlarga nisbatan jinoyat ishi qo‘zg‘atilib, tergov harakatlari olib borilmoqda.

🏪 Hurmatli fuqarolar, kundalik hayotda shu kabi noqonuniy holatlariga duch kelsangiz DXXning 1520 qisqa raqamiga qo‘ng‘iroq qilib, xabar bering. Shaxsingizning sir saqlanishi kafolatlanadi. 🔗 Bizni ijtimoiy tarmoqlarda kuzating 👇 ✈️ Telegram | 📘 Facebook | 📸 Instagram | 📹 YouTube

日本語はウズベク語の後に記載しています。 🇺🇿Maizuru-Rishton “Birodar shahar aloqalari o’rnatilgani munosabati bilan Maizuru shahrida joylashgan Repatriatsiya qilinganlar muzeyida O’zbekiston ko’rgazmasi tashkil etildi. 20-iyun sanasidan boshlangan ko’rgazma 25-oktabrgacha oyi davom etadi. Ko’rgazmada o’zbek milliy kiyimlari burchagi ham tashkil etilib, unda milliy kiyimlarni kiyib ko’rish imkoniyati bo’ladi. Barcha yurtdoshlarimiz va yapon birodarlarimizni Maizuru shahriga taklif qilamiz! 🇯🇵舞鶴市とウズベキスタン共和国のリシタン地区との「姉妹都市提携」を記念して本日6月20日(土)より10月25日まで舞鶴市引き揚げ記念館にて「抑留から交流へ、深まる絆〜」をテーマにしたウズベキスタン展示会を開催しています。 是非一度、見に来てください！ お待ちしております！

Jinoyat ishlari bo‘yicha Rishton tuman sudining tergov sudyasi P.Mamatusmonov hamda tuman IIB boshlig‘ining birinchi o‘rinbosari O.Yuldashevlar yoshlar bilan muloqot qildi Tadbirda O‘zbekiston Respublikasining 2026 yil 11 iyundagi “O‘zbekiston Respublikasining ayrim qonun hujjatlariga giyohvandlik vositalari, psixotrop moddalar yoki ularning analoglarining va kuchli ta’sir qiluvchi moddalarning qonunga xilof muomalasi uchun javobgarlikni takomillashtirishga qaratilgan qo‘shimcha va o‘zgartirishlar kiritish to‘g‘risida”gi O‘RQ-1151-sonli Qonuni mazmun mohiyati va uning jamiyatdagi ahamiyati yuzasidan tushuntirish berildi.

Aholi xavfsizligini ta’minlash hamda favqulodda vaziyatlarning oldini olish maqsadida, Rishton va Buvayda tumanlari Favqulodda vaziyatlar bo‘limi xodimlari tomonidan tibbiyot muassasalari hamda ularga tutash savdo markazlarida tungi tekshiruvlar o‘tkazildi. Tekshiruvlar davomida obyektlarda yong‘in xavfsizligi qoidalariga rioya etilishi, evakuatsiya yo‘laklari va chiqish eshiklarining holati, elektr jihozlaridan foydalanish tartibi hamda birlamchi yong‘in o‘chirish vositalarining sozligi o‘rganildi. Shuningdek, mas’ul xodimlar bilan yong‘in sodir bo‘lganda harakatlanish tartibi, favqulodda vaziyatlarning oldini olish choralari yuzasidan tushuntirish ishlari olib borildi.

Telegram https://t.me/fargonafvv Youtube https://youtube.com/@fargonaviloyatifvb3663?si=DDMAIMslw5qxX_7k Facebook https://www.facebook.com/Farg'onaviloyatiFVB Instagram https://www.instagram.com/invites/contact/?i=1v7mbm5b0wwv1&utm_content=seovapr

📍 “Sohibi Hidoya” ziyoratgohida qurilish ishlari boshlandi Rishton tumanidagi Burhoniddin ar-Roshidoniy al-Marg‘inoniy nomidagi “Sohibi Hidoya” ziyoratgohida amalga oshiriladigan rekonstruksiya va bunyodkorlik ishlari doirasida maxsus shtab tashkil etilib, qurilish ishlari boshlandi. Mazkur loyiha buyuk alloma Burhoniddin Marg‘inoniyning boy ilmiy merosini keng targ‘ib etish, ziyoratgoh infratuzilmasini zamonaviy talablarga mos ravishda rivojlantirish hamda hududning ziyorat turizmi salohiyatini yanada oshirishga qaratilgan. Loyihaga ko‘ra, ziyoratgoh hududida zamonaviy bino va inshootlar, ilmiy-amaliy markaz, boy fondga ega kutubxona hamda ziyoratchilar uchun qulay sharoitlar yaratiladi. Ayni kunlarda mutasaddilar tomonidan qurilish va obodonlashtirish ishlari yuzasidan zarur tashkiliy chora-tadbirlar ko‘rilib, belgilangan vazifalar ijrosini ta’minlash bo‘yicha amaliy ishlar boshlab yuborildi.

Farg‘ona viloyati va Xubey provinsiyasi o‘rtasida hamkorlik aloqalari mustahkamlanmoqda Xitoyning Xubey provinsiyasi Qurilishni rivojlantirish markazi direktori Van Yingrong boshchiligidagi ishbilarmonlar delegatsiyasi Farg‘ona viloyatida bo‘lib, hududning ijtimoiy-iqtisodiy salohiyati hamda xorijiy investorlar uchun yaratilgan qulay investitsiya muhiti bilan yaqindan tanishdi. Ularga viloyat hokimining o‘rinbosari Nuriddin Mamajonov hamrohlik qildi. Tashrif doirasida delegatsiya a’zolari Farg‘ona shahridagi “Farg‘ona ekspo” markazida tashkil etilgan mahalliy mahsulotlar ko‘rgazmasi bilan tanishib, viloyatning ishlab chiqarish va eksport imkoniyatlari haqida ma’lumot oldilar. Shuningdek, ikki hudud ishbilarmon doiralari o‘rtasida to‘g‘ridan-to‘g‘ri aloqalarni yo‘lga qo‘yish va o‘zaro manfaatli hamkorlikni kengaytirish maqsadida B2B uchrashuvlari tashkil etildi. Uchrashuvlar yakunida tomonlar o‘rtasida savdo-iqtisodiy va investitsiyaviy hamkorlikni rivojlantirishga qaratilgan memorandum imzolandi. Fergana.gov.uz|Facebook|Instagram|Youtube|X